.jpeg)
رواية نهاية ظالم الفصل الاول
ممدوح:اخيرا عرفت اوصلك يا ملك....متتصوريش انا تعبت لحد ما لقيتك ازاي...بقي كده بردو متساليش على عمك حبيبك………لا انا بجد زعلان منك خالص يا ملك
ملك:انت عايز مني ايه...مش كفايه اللي انت عملته في ابويا وامي زمان... وانك حرمتني منهم عايز ايه تاني اكتر من كده
ممدوح:اللي عملته في ابوكي وامك....حلو وفرتي عليا كلام كتير كنت هقوله .....بصي بقي يا ملك انا ااه قتلت ابوكي وامك زمان
ومعنديش مانع اني اقتل شخص تالت دلوقتي
م كده كده الجريمه عاقبها واحد
سواء قتلت واحد أو اتنين أو حتي عشره انا كده كده هتعدم
بس لو انا اتعدمت لازم اكون مأمن حياة حور بنتي ولا انتي عايزاها تعيش في الشارع يا لوكا يا حبيبتي
ملك:اه قول كده بقي انت عايز تاخد فلوس ابويا مني وترميني انا في الشارع
قام من على الكرسي اللي كان قاعد عليه ولف يفك الرباط اللي ربط بيه ايديها
ممدوح:بيعجبني فيكي ذكائك يا لوكا....انتي بقي زي الشاطره كده هتمضيلي على تنازل علي كل املاكك ليا
ملك:انا لو اخر نفس في عمري مش همضي على الورق دا
ممدوح:كنت عارف انك هتتعبيني معاكي ومش هترضي تمضي.... على العموم انتي حرة يا لوكا يا حبيبتي بس متزعليش بقي من اللي هيحصلك سواء انتي أو كمال واهله
بصتله بصدمة وخوف
ممدوح:لا لا يا لوكا انا مش بهددك ولا حاجه انا ....انا بس بقولك على اللي هيحصل لو ممضتيش على الورق دا....هتفضلي طول عمرك بتخسري كل اللي حواليكي وبتتعذبي في فراقهم وانتي هتبقي السبب في كده
ملك:انت ليه بتعمل معايا كده....ليه بتحاول بكل الطرق انك تأذيني وتأذي كل اللي حواليك....انت لا يمكن تكون انسان طبيعي ابدا....دي حتي حور بنتك مسلمتش منك.....كل دا ليه.... علشان الفلوس ؟!.....تبقي غلطان لو مفكر أن الفلوس اللي انت بتحاول تاخدها مني ومن غيري هتخليك سعيد تبقي غلطان....انت عمرك ما هتبقي كويس ولا هتفرح في يوم وتعيش حياة سعيده....انت شيطان مش انسان طبيعي
ممدوح:يا ريت لو خلصتي محاضرتك في الأخلاق العظيمة دي تمضي على الأوراق دي....قدامك خمس دقايق بس...لو ممضتيش على الورق دا هتودع اول حد من حبايبك "حماتك فرحه" ....رجالتي واقفه قدام بيتها دلوقتي ومستنين مني مكالمة صغيرة وينفذوا أوامري ليهم بموتها....لو فعلا بتحبيها امضي علشان تحافظي على حياتها
فضلت بصله وهي خايفه ومش عارفه تعمل اية....بدات تتكلم بحزن والدموع مغرقه وشها
ملك:انت عايز مني ايه كفايه بقي
احنا عملنالك ايه علشان تعمل فينا كده ابويا طول عمره كان بيساعدك وبيحبك ليه قتلته وليه عايز ترميني في الشارع....ليه عايز تأذيني وتاخد مني كل حاجه بحبها
ممدوح: علشان ابوكي طول عمره احسن مني
حتي واحنا صغيرين ابويا كان بيحبه اكتر مني وكان دايما بيعمله ال هو عايزه وانا لا..... لما كبرنا بقي هو بيشتغل ومعاه فلوس كتير وانا لا....كنت بحسه بيعطف عليا ب الفلوس ال هو بيدهالي دي
حتي الحب اخد مني الانسانه الوحيده اللي كنت بحبها....انا كرهي ليه كان أكبر من أي حاجة في الدنيا
علشان كده قررت اني هاخد منه كل حاجه ليه بيحبها
بدات ب امك وبعدين اخدت روحه
هو ودلوقتي هاخد فلوسه كلها وبعدين اخد روحك انتي كمان
كانت بتسمعله بصدمه ومش مصدقه اللي بيقوله
ملك:انت اكيد مريض....جدو عمره ما فرق بينك بينه انا كنت بشوف معاملته ليكم....يمكن انت كنت بتغلط وهو بيعاقبك بس اكيد عمره ما كرهك...وبعدين ماما كانت بتحب بابا وهو كمان بيحبها الحب مش سباق لازم حد يكسب فيه
رفع المسدس ل فوق وضرب طلقه في الهواء
ملك خافت و سكتت
بدا يتكلم بصوت عالي
ممدوح :انا مش عايز اسمع محاضرات عن الاخلاق تاني.... كفايه اوي لحد كده.... امضي احسنلك
فضلت بصاله وساكته ومش عارفة تعمل اية
وجه المسدس عليها وصوته علي اكتر
ممدوح:هتمضي ولا الطلقه الجايه هتكون في دماغك
فضلت ساكته وهزيت رأسها ب حاضر من غير ما تتكلم
مسكت القلم وجسمها كله بيترعش....فضلت تبص عليه وترجع تبص للورق لحد ما مضيت على الورق
مسك منها الورق وعلي وشه ابتسامه نصر
ممدوح :حلو اوي كده
سمع صوت عربيات بوليس....اتصدم ومكنش عارف يعمل ايه
اخد الورق بسرعة من على الارض
ممدوح :انا كده اخدت اللي انا عايزه متنسيش بقي تسلميلي على اخويا يا بنت اخويا
رفع المسدس ووجه ناحيتها وضربها بالنار طلقتين وبعدين هرب من الشباك
لقاها مرميه على الأرض
كمال:ملك
جرا عليها بسرعه واخدها في حضنه
كمال:ملك حبيبتي....
بص ل اخوه اللي واقف على الباب
كمال بزعيق:انت واقف بتعمل ايه هنا
اتصل ب الاسعاف بسرعه
طه: حاضر حاضر
مشي من قدامه
اتكلمت وهي بتاخد نفسها بصعوبة
ملك: الحمد لله اني شوفتك قبل ما اموت
كمال: متخافيش يا حبيبتي الاسعاف هتيجي وهتبقي كويسه متخافيش
ملك:اسمعني يا كمال
مش وقت الكلام دا....انا عايزه اطلب منك طلب
لو عمي اتسجن روح ل حور وخودها متسبهاش لوحدها بلاش تشيلها ذنب عمي هي ملهاش ذنب
خدها ل طنط فرحه تربيها بلاش تسبوها لوحدها علشان خاطري
كمال: متخافيش يا حبيبتي انتي هتبقي كويسه وهتبقي معاها ومعايا يا حبيبتي
ملك:متتعبش نفسك يا كمال...الوقت فات خلاص
خلي بالك من نفسك يا كمال....انساني وابدا حياتك من غيري انا عايزاك تعرف اني كنت بحبك...بحبك اكتر من اي حاجه في الدنيا
كمال:وانا كمان يا حبيبتي...متخافيش كل حاجه هتبقي تمام وهنعيش حياتنا احسن من الاول كمان
الاسعاف قربت تيجي يا حبيتي متقلقيش
ملك:خلاص يا كمال...انا هروح ل بابا وماما...انساني يا كمال وابدا حياتك من غيري لو كنت بتحبني
قفلت عينيها
كمال:لا يا ملك متسبنيش لا
بدا يعيط وحضنها جامد
رجع تاني بس لاقه حاضنها وبيعيط
اتصدم وفضل ساكت
اول ما شافه بعد ملك عنه وقام مسح دموعه وراح وقف قدامه
كمال:مسكوه
هز راسه ب اه
زقه وجرا بسرعه
نزل وشاف ممدوح والعساكر مسكينه
جرا عليه ومسكه من هدومه وضربه بالبوكس
الظابط اللي كان واقف بعده عنه
كمال:ورحمه ملك هرحمك هخليك تتمني الموت ومتطلهوش
زقه بعيد
يوسف:اهدا يا كمال مش كده
اتكلم بصوت عالي
كمال :اهدا ازاي يا يوسف....مراتي ماتت قدامي ومقدرتش انقذها...وهو اللي كان السبب في موتها
عايزني اهدا ازاي
يوسف: علشان في قانون هيجيبلك حقك انت ومراتك...وهو هياخد اعدام...متوديش نفسك في داهيه علشان واحد زي دا
بص للعساكر
يوسف:انتو مستنين ايه خدوه على البوكس بسرعه
العساكر خدوه
يوسف:انا عارف ان الموضوع صعب عليك يا كمال بس علشان خاطري اهدا وأمسك اعصابك
كمال: انا مش ههدا غير لما حبل المشنقه يتلف حولين رقبه الحيوان دا....حقي مراتي مش هيروح يا يوسف وانا اللي هجيبه
يوسف:وانا هفضل معاك لحد ما تاخد حقها وهو هيتعدم بس بالهداوه....روح انت خليك مع مراتك...وانا هحقق معاه
يوسف ركب عربيته ومشي ورا البوكس
كان هيرجع ل ملك تاني بس لاقاه في وشه
كمال:دورلي على اللي اسمها حور بنته دي ووديها ل ماما
طه:بنته؟!....ليه
كمال:نفذ ال بقولك عليه من غير اسئله
سابه ومشي طلعلها
قعد جمبها وفضل باصصلها وهي مرميه على الأرض
بدا يعيط
كمال:انا مش عارف انا هعمل كده ازاي....ازاي هعيش مع بنت اللي قتلك في بيت واحد...ل اول مرة مش هقدر اعمل ال انتي طلبتيه مني....مش هقدر اعيش معاها وأعاملها عادي دي بنت الراجل ال حرمني منك
عارف انها مغلطتش وانها ملهاش ذنب في ال حصل دا....بس هتفضل بنت ممدوح طاهر اكبر عدو ليا حتي لو كانت طفله
عربيه الاسعاف وصلت
قام وقف
كمال:انا اسف يا ملك مش هقدر اعملك اخر طلب طلبتيه مني
الاسعاف جات واخدتها على المشرحه وهو اخد عربيته ومشي من المكان على المشرحه
في قصر ممدوح طاهر
كان واقف على الباب وبيخبط
الشغاله فتحتله
طه:مساء الخير
جميله : مساء النور خير في حاجة
طه: الحقيقة أنا كنت جاي علشان
فجاه سمعوا صوت صويت جامد
جميله:انسه حور
جريت بسرعه وهو كمان جرا وطلعوا اوضه حور
فتحت الباب لاقيت حور عماله تزعق ل المربيه بتاعتها وبتكسر كل حاجه في الاوضة
كانت بتتكلم بصوت عالي
حور : قولتلك اطلعي برا....انتي كدابه....ماما عايشه مامتتش.....انتي بتكدبي عليا زي بابا
بدات تعيط جامد...وقعت على الارض
قرب منها وقعد على الارض وحط ايده على كتفها
حور بعدت عنه بسرعه
استغرب ولاحظ أن في حاجة غريبة في أيديها...مسك ايديها ولاقيها محروقه جامد
سحبت ايديها من ايده بسرعه وعيطها بدا يزيد
.
