رواية حلوة زماني (كامله جميع الفصول) بقلم زهرة عصامالفصل الاول حلوة زماني ❤😍 الأستاذة اللي نايمة ورا اقفيلي يا حلوة زمانك قبل كدا بعشر دقائق يا بنتي قومي بقي - في اية ما المحاضرة لسه مخلصتش اية بتزني على دماغ أمي ليه ؟ إنتي جاية من البيت تحضري المحاضرة وإلا تنامي رجعت تنام تاني و هي بتقول:- جاية أنام معلش مش مرتاحة على سراير بيتنا قولت اجي أنام هنا و أهو الديسك مريح و صوت الدكتور يجبلك صُداع فيخليكي تنامي اكتر بالمايك اللي كل شوية يطلع صوت مخليني مش عارفة أركز - تركزي في اية يا شذي دا إنتي من وقت ما جيتي وانتي نايمة ؟ شذي :- أركز في النوم سبيني بقي عشان في حلم هموت و اكلمة ركزي مع الدكتور ركزي يمكن واحدة فينا تفلح و اكتبي وراه كل حاجة متسبيش حرف يا جني اتاوبت و رجعت تنام تاني شذي نامت بعمق و بقت تحلم ياااه اخرا المحاضرة خلصت دا أنا مش قادرة اقف من الصداع هروح أجيب قهوه اجبلك معايا مستنتش ترد عليها و قالت هجبلك معايا خرجت جري و نزلت السلم بسرعة على الكفاتريا لقت زحمة و الطلاب واقفين بالدور فقالت في نفسها لا ما أنا مش هستني الدور دا كله كنت كملت نوم في المدرج و خلاص شمرت اديها و قالت استعنا على الشقا بالله دخلت وسط البنات و قالت:- طلاق تلاتة ما أنا خارجة غير و القهوة في ايدي ليا أنا و البت جني ، اينعم أنا اللي هشربهم الاتنين و ادفعها حق واحدة بس مش مشكلة هي بلطجة أخيراً عرفت تعدي من وسطهم و وصلت قدام الكافية و قالت:- صباح الخير يا عم صالح صالح:- صباح الخير يا أستاذة شذي شذي :- مالك يا عم صالح أنا حاسة إن فيك حاجة وشك مخطوف كدا عن امبارح محتاج فلوس قول وأنا هتصرف إنت عارف إني مفلسة أصلا صالح ضحك و قال:- تسلمي يا ست البنات ، طلب كل يوم مش كدا شذي سندت على المكتب اللي قدمها ولا كان في ناس وراها و بتتكلم بهدوء و برود أعصاب و قالت:- أيوة يا عم بس حيات عيالك بسرعة لحسن جني هتفجر.ني أخدت القهوة و خرجت من وسطهم و هي بتقول بصوت عالي:- أقسم بالله لو واحدة فيكم قلت و وقعت القهوة ما أنا سيباها غير و هي جايبة غيرها و قد زعتر من بعتر خرجت من وسطهم و هي باصة في القهوة و بتقول:- يا لكي من قهوة لذيذه سالتهمك بتلذذ مكملتش كلامها و خبطت في حد بصتله و قالت بابتسامة سمجة:- منور يا دكتور والله أنا آسفة طبعا على القميص اللي اتبهدل بس دلق القهوة خير يخويا و كملت جوها مهو إنت اللي عامل زي عفريت العلبة بتطلع من كُل حته فاقت على خبط جني على رجليها و هي بتقول بهمس :- قومي الله يخربيتك الدكتور واقف فتحت و قالت بهلوسة:- قوليله هحاسبك على القهوة اللي وقعها دي بصوا للدكتور و ضحكت و قالت:- هتدفع صح ؟ الدكتور سابها و رجع مكانه و شذي نامت تاني بس اتفزعت على صوته و هو بيقول:- الأستاذة اللي نايمة ورا اقفيلي يا حلوة زمانك وريني طولك كدا يتبع الفصل الثاني من هنا |
رواية حلوة زماني (كامله جميع الفصول) بقلم زهرة عصام
تعليقات