 |
رواية حياه فهد الفصل السادس والعشرون 26 والسابع والعشرون 27 بقلم نسمه سيدPART 26 شهد: لا يا ماما مستحيل اوافق ابدا هدير: ايوا ولا انا انتي ازاي موافقه على كلام حياه دا حتي حمزه مش هيوافق حمزه: مش هوافق على ايه؟! هدير: الحق ماما موافقه ان حياه تسافر تركيا مع شاب غريب لا وكمان فهد شافها معاه قبل كدا وقالو انهم مخطوبين حمزه: حياه فين نهال: في اوضتها حمزه: طيب انا هخش افهم منها نهال: خشلها يابني ................ باب بيخبط اياد: ادخل ناني: هاي بيبي اياد: هاي ناني: صبري(فكرين صبري ابو اياد هو دا المجهول بقي وربنا على النفترري) بيقولك قوم بلسلامه عشان تكمل الخطه اياد: خطه ايه يا ناني دلوقتي يعني ناني: يا بيبي احنا قربنا اوي انت تتجوز حياه تسلي نفسك بيها شويه وانا اتجوز فهد اخد شويه فلوس وبعدين نطلق ونتجوز سوا اياد: بس انا مش هكمل الخطه ناني: نعم مش هتكمل ازاي يعني "عليا كانت داخله تكشف عليه بس سمعت صوت ناني واتردد بس قررت في الاخر انها تسمع" ناني: اياد يعني انت جي بعد ما فهد شك في حياه وطلقها وتقول كدا انت مش عايز تتجوزني ولا ايه وهنا قررت عليا تدخل عليا: بعد اذنك هكشف على المريض ناني: فكر كويس يا اياد سلام بعد شويه عليا بجمود عكس الى جواها: ان شاءلله حضرتك تقدر تخرج بكرا عن اذنك اياد مسك ايدها بسرعه: مالك عليا بعدت ايده ولسه بتتكلم بجمود: مالى اياد: فيكي حاجه عليا: مفيش حاجه دي طريقتي مع كل المرضي اياد: بس انا جوزك المستقبلي عليا بعصبيه: لا طلبك مرفوض يا استاذ انا مستحيل اتجوز واحد فرق بين راجل و مراته وغرب بيوت الناس لا وكمان واعد واحده تانيه بلجواز انت هنا. مريض وبس وانا دكتوره وياريت يبقي في بنا حدود عن اذنك مشيت عليا واياد فهم انها سمعت كل حاجه وهي خرجت على مكتبها وفضلت تعيط .......... حياه: زي ما قولتلك يا حمزه انا عايزه ابعد دا حتي لما شفني مع حسام طعني في شرفي تاني كل يوم بتاكد اني كنت غلط لما حبيته انا عايزه اسافر اشتغل و اشوف حياتي مش هرجع الا وانا مسحه فهد دا من قلبي حمزه طبطب عليها وقالها: وانا معاكي في اي قرار انتي عايزاه طلما دا هيريحك حياه: شكرا لانك جمبي حمزه: انتي اختي يا متخلفه انتي قوليلى بقي هتسافري امتي حياه: انا ورقي جاهز و حسام هيقطعلى تذكره انهارده واشوف معادها ايه حمزه: طيب يا حبيبتي ارتاحي يلا ............... حمزه: معلش يا بنات بس هي محتاجه تسافر وبعدين انا واثق من حياه وهي وعدتني هترجع اول ما تبقي كويسه هدير: ولو حد سال حمزه: هنقول الحقيقه ان حياه سفرت تشتغل برا بس محدش يعرف مكانها خالص فهمين ولا حتي مي فاهمين نهال: ليه كل دا حمزه: حياه مش عايزه حد يعرف طريقها فخاليها براحتها شهد: طب هي مسافره امتي حمزه: حسام اتصل عليها من شويه وقالها بكرا الساعه ٦ الطياره هتطلع هدير: بلسرعه دي حمزه: عشان شغلهم بقي نهال: ربنا يوفقهم يارب هدير: ادعي تيجي بعريس هناك كلهم مزز حمزه ضربها على قفاها بهزار: اتلمي يابت انتي شهد بضحك: بصراحه هي بتقول الحقيقه كلهم مزز فعلا هدير و شهد جريو على اوضتهم حمزه بضحك: تعالو هنا انا هوريكم ماااشي .............. عليا: ان شاءلله بكرا تخرج من هنا وهكتبلك على كام دوا كدا عشان الجروح و الوجع دا عن اذنك اياد: عليا استني لو سمحتي عليا ببرود: نعم اياد: والله من وقت ما شفتك بعدت عنهم هي بس الى متعرفش اني بقيت بعيد عنهم عليا بجمود: مش شغلنتي انت خربت بتهم انت فاهم المصيبه الى عملتها وكما تدين تدان وانا مستحيل اتجوز واحد زايك يا استاذ اياد اياد: لو قدامي اني اصلح الغلط دا مش هتاخر صدقيني عليا: ولحد ما تصلحه انا مش موافقه عليك لما كلهم يعرفو الحقيقه وتبعد عن الناس الي زي الشياطين دول وقتها بس هفكر اوافق اياد: تفكري؟! عليا: اكيد هفكر عن اذنك اياد لنفسه: ياربي سعدني انا لو قولت لفهد الحقيقه هيقتلني ........... عمر و انس دخلو على فهد عمر: فهد انت لسه مخلصتش شغل فهد: لا انس: ولا هيخلص ما انت عارف لما بيفكر كتير بيشتغل فهد بصله: وانا هفكر في ايه. انس بخبث: في الشغل طبعا فهد: طب تعالى يا عمر هاخد رئيك كدا في كام حاجه انس: طب اشتغلو انتو وانا هتصل بلبت هدير ارخم عليها حبه وحشتني فهد: الله يسهلو بقي انس: لا متبصليش في المكلمه عند هدير كانت قعده مع شهد و حياه وزعلانين ان حياه مسافره شهد: يا حياه فكري تاني هدير: اه ونبي حياه: بلاش تصعبو عليا الموضوع بجد محتاجه ابعد هدير بحزن: الى تشوفيه شهد: اوعي تنسينا حياه: مستحيل انساكم وهكلمكم كل يوم فيديو كول وحضنو بعض وفجاه تلفون هدير رن هدير: لا مش وقتك خالص وقفلت حياه: يابنتي ردي هدير: لا مش وقته لازم اشبع منك عند انس انس: بصيت في المكلمه يا خويا اهي قفلت عليا فهد بهزار: تستاهل فرحان. فيك انس: عمر ونبي اتصل بشهد اسالها عن هدير عمر بضحك: حاضر انس: متضحكش اوي كدا انت كمان هتسمع صوت شهد ياخويا عمر اتصل علي شهد و برضو مش بترد انس: لا كدا في حاجه غلط الاتنين مش بيردو ودا مش طبيعي انا هتصل بمي هخليها تكلمهم تطمني عمر: اه يلا بسرعه ............. حياه: طب قفلتو التلفون ليه كدا هيزعلو هدير: ملكيش دعوة انتي ولا انتي مش عايزه تقعدي معانا حياه: ياختي اسكتي بقي انتي عايزه تمسكي عليا كلمه وخلاص. شهد: يلا نحضر شنطتك قطعهم رن تلفون حياه شهد: هتردي؟ حياه: اه وهقولها عشان لو عرفت تيجي اشوفها تيجي هي كمان هتوحشني هدير: طب يلا ردي حياه: وحشتيني يا مي مي: وانتي كمان اوووي فين البت هدير و شهد حياه بضحك: مش متصله عشاني يعني مي: والله مش قصدي بس عمر و انس قلقانين عليهم حياه: مفيش حاجه هما بس عايزين يقعدو معايا قبل ما اسافر فقفلو تلفونتهم مي بصدمه: سفر. ايه. حياه: انا مسفره بكرا ومش عارفه هرجع امتي لاني مسافره شغل مع خطيبي مي: كدا يا حياه متقوليليش حياه: عشان عارفه انك مش هتعرفي تيجي مي: لا طبعا هاجي اقفلى هلبس واجي حياه: مستنياكي باي ............. انس: مي اهي بتتصل عمر: افتح الاسبيكر انس: الو مي: انا رايحلهم دلوقتي انس بخوف: ليه في ايه مي: حياه الشبكه بتقطع فهد بخوف: مالها حياه يا مي مي: مسافره مع خطيبها بكرا فهد: ايييه مي: مسافره عشان كدا كانو قفلين التلفون عشان يقعدو معاها قبل السفر فهد: وعادي كدا تسافر مع خطيبها لوحدها؟ مي: الى فهمته انها مسافره شغل انس: طيب روحي لو عرفتي حاجه تاني قوللنا مي: ماشي باي عمر: مالك يا فهد فهد بتوهان: مكنتش حابب تبقي النهايه كدا عمر: انت السبب يا صاحبي فهد: انا!! انس: ايوا انت انت الي مسمعتهاش من الاول مع اني متاكد ان في جزء منك متاكد ان حياه بريئه ومش. كدا وكلنا متاكدين بس انت الى غبي وضيعتها من ايدك فهد بعصبيه: كفااايااا بقي كفايا دي خاينه انس: انا همشي عشان انام لاني هصحي بدري اروح اودعها سلام فهد: انت هتروح؟ عمر: لازم اروح حياه زي اختي وانا واثق فيها انا هروح بقي هحاول مطولش في الشغل سلام فهد فضل قاعد تايه وحاسس ان روحه خلاص بتتسحب .............. مي: هتوحشيني اوي يا زفته حياه: والله كلكم هتوحشوني مي: اوعي الزفت دا يلمس شعره منك حياه بضحك: متقلقيش كل واحد في شقه لوحده اطمني وبعدين متقوليش على خطيبي زفت مي: لا والله مقولش زفت!! حياه: اه دا قره عيني قريبا كلهم ضحكو رن تلفون مي فهد: هتيجي امتي مي: لا انا عايزه افضل مع حياه انهارده واجي بكرا فهد: ماشي متتاخريش مي: ماشي سلام هاا قولتيلى قره عينك مش كدا حياه بضحك: اه مالك غيرانه ليه ياختي مي بحزن: كان نفسي قره عينك يبقي فهد اخويا حياه: مفيش نصيب يا مي هو محترامنيش ولا واثق فيا ولا حتي سمعني وانتي شفتي بنفسك مي: طب ازاي عرفتي تحبي غيره ومتقوليش مكنتيش بتحبي فهد لان كلنا عارفين هدير: احنا كلنا عارفين بس عمرنا ما نروح نقول 😂😂 حياه: اتخطبت للبيحبني طلما الى بحبه مش بيحبني ومش بيثق فيا ومع الوقت هحب حسام بلاش نفتح في الكلام دا تاني يلا نعمل نسكافيه ونقف في البلكونه البنات: يلا ................. «تاني يوم» نهال: يلا يا حبيبتي اصحي عشان تفطري واقعد معاكي شويه قبل ما تمشي حياه: حاضر يا ماما هصلي واجي نهال: ماشي يا حبيبتي هصحى البنات لحد ما تجهزى ............. انس وعمر دخلو المكتب لقو فهد نايم في مكانه حاولة يصحو فهد: ايه في ايه عمر: انت كويس؟ فهد: اه في ايه انس: انت ايه الى منيمك هنا فهد: نسيت نفسي في الشغل ونمت عمر: طيب احنا جينا نمضي كام ورقه وماشين فهد: طيب انا هروح البيت اغير هدومي واخد دش واجي تاني انس: ماشي يلا يا عمر ............. اياد: عملتلى ورق الخروج عليا: بيخلص جهز نفسك اياد: هحل كل حاجه ونتجوز عليا: دا لو عرفت تصلح حاجه اصلا عن اذنك عشان انا مشغوله اياد: هحلها و هتشوفي ............. حياه: هتوحشوني اوووي هكلمكم كل يوم متقلقوش نهال: يابنتي خالينا نوصلك المطار حياه: ملهوش لازمه انا همشي مع حسام نهال: ماشي يا حبيبتي توصلي بلسلامه هدير و شهد و مي بيعيطو حياه: وحياتي محدش يعيط لو بتحبوني البنات مع بعض: هتوحشينا كلهم حضنو حياه جامد حياه: يلا باي عشان هتاخر وحسام تحت من بدري مي: طب مش هتستني حمزه حياه: هكلمه لما اوصل هناك باي باي .............. ~تسريع الاحداث~ حياه و حسام وصلو تركيا وهي طمنت اهلها ونامت ترتاح من السفر ونفس الكلام حسام اياد خرج من المستشفي وراح ارتاح في بيته حبه .............. داده عزه: فهد يابني في واحد تحت عايزك فهد: مين دا يا دادا داده عزه: مقالش اسمه هو قال ان الموضوع مهم فهد: طيب شفيه عايز يشرب ايه وانا هنزل وراكي فهد نزل واول ما شافه اتعصب فهد: انت بتعمل ايه هناا!! بتمني تعجبكم وياريت تقولولى رئيكم ♥🤗 #يتبع #حياه_الفهد #بقلم_نسمه_سيد PART 27 داده عزه: فهد يابني في واحد تحت عايزك فهد: مين دا يا دادا داده عزه: مقالش اسمه هو قال ان الموضوع مهم فهد: طيب شفيه عايز يشرب ايه وانا هنزل وراكي فهد نزل واول ما شافه اتعصب فهد: انت بتعمل ايه هناا!! اياد: اسمعني للاخر لان الموضوع يهمك اوي انا مقدرش انكر اني غلط جامد بس الحمد لله ربنا بعتلي الي تفوقني وصحت ضميري فهد: طيب مبروك انا مالى بلكلام دا اياد: صبري و ناني هما ورا حوار طلاقك من حياه ماهر دا شغال عند صبري من زمان وحياه كانت تعرفه وهما الى اتفقو انها لما تروحلو يصورها و يبعتولك عشان تشك فيها والمره الى بعدها طلقتها وانت لو كنت فكرت حبه كنت هتعرف ان دي لعبه عليكم فهد كان مصدوم وفضل يفتكر كل الى حصل وقد ايه هو كسرها وانه فعلا لو كان فكر شويه كان هيقدر يكتشف كل حاجه من غير ما يحصل كل دا وفي ثانيه افتكر انها سافرت فهد مسك اياد وزعق: وانت جي تتكلم دلوقتي بعد ما سافرت مجتش من بدري ليييه عاايز تبعدها عني صح اياد بخوف: انا كنت في المستشفى ولسه خارج انهارده وجتلك انس و عمر دخلو ومستغربين من الى بيحصل انس: هو في ايه عمر: اياد بيعمل ايه هنا فهد: حياه فين انس: سافرت من بدري وحتي كلمت هدير و قالتلها انها وصلت كمان فهد بغضب: والله ما ههنيكم والله لندمكم على اليوم الى فكرتو تعملو في كدا.. اياد انت تحكيلي كل حاجه من اولها واياك تخبي حاجه اياد: ناني عايزه تتجوزك عشان فلوسك وصابر عايز ياخد حياه عشان عجباه فهد: عجباه ازاي يعني دي بنته اياد: اسال طنط نهال او طنط سماح وهي تفهمك فهد: طب ايه الى جاب حياه للزفت الى كان في الصور اياد: حياه هي الوحيده الى تقدر تفهمك اياد في نفسه: لاني مقدرش اقولك السبب اياد: انا لازم امشي عشان ارتاح ونسيت اقولك خالي بالك لان في حد عندك في البيت هنا بينقل كل حاجه لصبري خالي بالك كويس اوي يلا سلام بعد ما اياد مشي فهد قعد وحط ايده على راسه عمر: هتعمل ايه انس: الدنيا اتقلبت جامد على دماغ فهد فهد: انا مبقتش عارف حاجه خالص في حاجات كتير لازم افهمها... حد فيكم يعرف هي سافرت فين انس: لا مقالتش لاي حد خالص عمر: اسال مي يا فهد هي كانت عندها انت نسيت فهد: طب روحو انتو وانا هشوف واكلمكم .............. فهد طلع لمي مي: خير يا ابيه في حاجه؟ فهد: حياه فين يا مي مي: سفرت يا ابيه انن نسيت فهد: عارف انها سافرت راحت فين بقي مي:معرفش هي مكنتش عايزه حد يعرف مفيش غير. خطيبها بس الى يعرف فهد بيحاول ميبينش غضبه: واشمعنا هو مي: لانه سافر معاها اساسا رايحين يشتغلو فهد: طيب ماشي يا مي بس لو عرفتي مكانها قوليلى مي: هو في حاجه يا ابيه فهد: في حاجات كتير لازم افهمها انا نازل دلوقتي ذاكري وبعدين نامي ............. فهد راح على مكتبه فهد: نعممه.... يا نعمممه نعمه: نعم يا بيه تأمرني بحاجه فهد: اعمليلي قهوه ساده بسرعه نعمه بمياعه: بس القهوه غلط عليك كتير كدا اعملك عصير احسن ومفيد ليك اكتر فهد بحده مخيفه: نعممممه الى اقول عليه يتنفذ من غير ما تتكلمي كتير فاااااهمه نعمه بخوف: فاهمه يا بيه حالا القهوه تبقي هنا فضل يفكر كتير و هيتصرف ازاي لازم يعرف الحقيقه ولازم يعرف مكان حياه ولازم يعمل اي حاجه عشان تسامحه وقرر انه هيكلم مامته اول حاجه .......... «تاني يوم» سماح: يعني انتي متعرفيش هو حصل ايه عشان يسالك كل الاساله دي مي: والله يا ماما معرفش حصل ايه سماح: هبقي اساله واشوف فهد: صباح الخير سماح: صباح النور يا بني مي: صباح النور يا ابيه قطع كلامهم تلفون مي وهو بيرن مي بفرحه: الله دي حياه عن اذنكم هطلع اكلمها. وانزل تاني فهد: استني كلميها هنا بس متعرفهاش اننا قعدين مي و سماح بصو لبعض ابتسمو لبعض ومي ردت حياه: كنتي نايمه ولا ايه يا قلبي مي: لا يا روحي تلفوني كان بعيد طمنيني بس عامله ايه حياه: الحمد لله الجو حلو هنا وحسام مش سيبني لحظه مي: طبعا مش خطيبك بس انتي لسه مصممه متقوليش سفرتي فين حياه: معلش يا روحي كام يوم بس وهقولكم قطعهم خبط الباب عند حياه حياه: طيب هقفل بقي يا قلبي عشان حسام جيه هكلمك بليل انتي و البنات مي: ماشي هستناكي خالي بالك من نفسك سلام فهد: ماما عايز اسالك على كام حاجه سماح: خير يا حبيبي في ايه فهد: لا تعالى نروح النادي نتكلم هناك اطلعو يلا غيرو هدومكم وانا هعمل مكلمه و استناكم في العربيه ........... عند حياه حسام: جاهزه يا حاجه للشغل حياه: جاهزه يابني جاك صاروخ في معاميعك حسام: طب يلا قدامي عشان همد ايدي عليكي قريب ركبو العربيه وحسام شغل الراديو واشتغلت اغنيه عمرو دياب «أنا قلت أللى محدش قاله وعملت اللى محدش عمله يفارقنى أنا راضى وماله بكرة هيعرف غلطة عمره هيعيش يفتكرنى وكل ما يقابل فى بعدى هيفتكرنى بتمنى بس انه يقابلنى هيعيش يفتكرني وكل ما يقابل في بعدي هيفتكرني» حسام قفله لما شافها بتدمع وحب يغير مودها حسام: بصي يا بنتي هنا بقي موزز كتييير اوووي يعني متحرميش نفسك من حاجه حياه: وانا بقول مصمم على تركيا ليه طلع عشان المزز حسام: يعني شغل من غير مزز حياه ضحكت لانها اساسا فهمه هو بيعمل كدا ليه وصلو. الشركه حياه: فين مكتب المدير حسام: ليه حياه: مش لازم اطلع عشان يشوفني حسام: لا مش مهم هو صحبي وانا كلمته تعالى معايا بس وصلو عند السكرتيره السكرتيره: صباح الخير يا مستر حسام حياه بصوت واطي ميسمعهوش غير حسام: هو مش المفروض دي تركيا حسام بنفس الصوت: اه بس اتعلمت مصري حسام: عائشه خدي حياه وريها شغلها عائشه: حاضر مستر حسام حياه: بقولك ايه عايزه اشوف مدير الشركه عائشه: تشوفيه ازاي يعني حياه: عايزه اقبلو عائشه: ما انتي لسه كنتي معاه عايزاه تاني ليه لو في حاجه قوليلى انا حياه بأستغراب: هو معلش يعني هو حسام هو مدير الشغل؟ عائشه: اه هو في حاجه ولا ايه حياه: ها لا مفيش عائشه: طب يلا اوريكي شغلك واعلمك كام حاجه كدا (نسبها بقي تتعلم الشغل) ............. سماح: في يا بني بقي وصلنا اهو وطلبنا عصير كمان ممكن تفهمني في ايه وليه متكلمناش في البيت فهد: متكلمناش في البيت عشان في حد بيرقبنا و بيوصل الكلام لصبري مي: صبري مين فهد: ابو هدير و شهد... ماما انتي تعرفي حاجه عن موضوعهم وانا معرفهاش سماح بتوتر: وانا هعرف ايه يعني فهد بخبث: اصل عرفت ان صبري عايز يتجوز حياه بعد ما اطلقنا سماح بخوف: لا ونبي يا فهد متسبهوش يعمل كدا فهد: في ايه يا ماما هو في اب يتجوز بنته سماح اتوترت فهد اتكلم: ماما ارجوكي قولى في ايه عشان اقدر اتصرف لان وانا مش فاهم مش هعرف اتصرف سماح: انا هحكيلك يا بني ............... حسام: هاا خلصتي شغل؟ حياه ببرود: اه حسام: مالك حد ضيقك حياه بنفس البرود: لا مفيش حاجه حسام: مالك يا حياه في ايه حياه: عايزه اروح البيت انا تعبانه حسام: ماشي يلا وهما ماشين عائشه: مستر حسام انا خلصت شغلى امشي ولا حضرتك عايز حاجه حسام: لا امشي ................. هدير: انت بتتصل ليه ياض انت انس: بحب اسمع صوتك هدير: بطل تلزيق عشان بجد بتبقي سمج اوي انس: في واحده تقول لقره عينها سمج هدير: لا ومش بس كدا و بتقفل في وشه كمان قفلت هدير في وشه وفضلت تضحك وفجاه جتلها مسج فتحتها انس: هعتبر ان الحصل دا موافقه اني اكون قره عينك هدير لنفسها: لا دا مجنون بجد حبيته ازاي دا ياربي .............. عمر: عايز اشوفك ضروري يا شهد شهد: في حاجه ولا ايه عمر: هتعرفي لما اشوفك شهد: طيب امتي عمر: بكرا الساعه ٦ هاجي اخدك شهد: لا قولى المكان وهاجي انا و هدير عمر: طيب ماشي هستناكي متتاخريش شهد: حاضر تصبح على خير عمر: وانتي من اهلى شهد اتكسفت و قفلت .............. فهد راح الشركه عشان في حاجات مهمه فهد: نااااني انتي يا زفته ناني: في يا فهد بتزعق كدا ليه فهد بعصبيه: اسمي مستر فهد احنا هنا في الشغل ناني: سوري يا مستر فهد فهد: فين القلم الى كان هنا اغيب كام يوم ارجع الاقي الدنيا باظت ناني: الدنيا مبظتش عشان قلم انا ممكن اروح اجبلك قلم تاني فهد: انتي متعرفيش حاجه روحي على شغلك يلا ناني خرجت قالت في سرها: ياربي حياه كانت مستحملاك ازاي دا ربنا بيحبها انها بعدت عنك اصلا ................ حسام: احنا وصلنا اهو مالك بقي في ايه حياه: كدبت عليا ليه حسام: عشان عارفك هترخمي و تعندي حياه: انا مبحبش الكدب يا حسام حسام: كدبه بيضه يا قمر متزعليش بقي حياه: طب يلا امشي على شقتك بقي حسام: ايه دا لا انا هقعد ارغي معاكي شويه حياه: طب نرتاح حبه طيب ونقعد براحتنا حسام: ماشي يا ست البنات ............... فهد اتصل علي ناني ناني: نعم مستر فهد فهد: تقولى لعمر و انس يجو حالا فاهمه ناني: حاضر بعد ٥ دقايق دخلو انس: ايه يا برنس مالك عمر: بقي في مدير شركه يقول برنس انس: اه انا فهد: اسكتو بقي واسمعووني.. انا عرفت كل حاجه من ماما وفي خطه لازم نعملها عشان نحل كل المشاكل عمر: طب احكلنا الاول عرفت ايه فهد: اسمعو...... .............. يلا بقي عايزه اعرف رئيكم عشان ابقي عارفه اكمل ولا لا 🔥🔥🔥🔥 #يتبع #حياه_الفهد #بقلم_نسمه_سيد الفصل الثامن والعشرون والتاسع والعشرون من هنا |
تعليقات
