رواية حياه فهد الفصل الثاني والثلاثون 32 والثالث والثلاثون 33 بقلم نسمه سيد



رواية حياه فهد الفصل الثاني والثلاثون 32 والثالث والثلاثون 33 بقلم نسمه سيد 






 part 32
خبط على الباب جاامد 
شهد: مين الحيوان الى بيخبط كدا 
نهال: انا عارفه مين الحيوان افتحي انتي يا حياه 
حياه: انس؟  
انس: اوعي كدا عشان متزعليش مني 
حياه: فهد! هو مالو دا 
فهد: اتجنن لما عرف ان طنط مش موافقه 
حياه: مجنون والله
فهد: طب ايه مش هخش 
حياه: لا استني تحت في العربيه 
وقفلت الباب في وشه
فهد: يارب صبرني قبل ما اقتلها 
انس: تعالى يا ختي امك مش موافقه عليا ومفيش سبب مقنع 
حياه: مهو برضو يا انس انت بتاع بنات ومش مضمون 
انس: وفهد يعني الى كان مضمون 
انس حس انه مكنش ينفع يقول كدا
انس: حياه... حياه انا اسف والله مش قصدي 
حياه: محصلش حاجه يا انس انت صح مقولتش حاجه غلط على العموم ماما عملت كدا عشان تشوفك هتيجي ولا هتكبر دماغك وتقول خلاص 
انس: يعني ايه 
نهال: يعني هستناك بكرا مع عمر 
انس جري عليها حضنها 
: انتي اجدع ست في الدنيا
نهال: نصاب اوي 
هدير: اوي يا ماما
انس: ظلمني والله... الا صحيح هو فين فهد كان معايا
حياه بفخر: تحت في العربيه
انس: مالك فخوره ليه 
حياه: مهو انا الى قولتله 
هدير: جدعه يابت 
انس: مفتريه 
حياه: ياراجل يعني هو مش غلطان
انس: يا باشا انت صح الصح
حياه: ايوا كدا
انس: يلا باى باى بقي عشان الحق اضبط الدنيا 
نهال: في حفظ الله يا حبيبي 
............. 
ناني: انا زهقت من الي احنا فيه دا بجد 
صبري: فهد ناوي على نيه وحشه لينا 
ناني: وانت يا زفت فكر معانا 
ماهر: سبوني في حالى كل دا بسببكم اساسا
صبري: اسكتو بقي
...................... 
ممرضه: عليا روحي العمليات بسرعه 
عليا: طيب حاضر 
الدكتور: ضبطي الحاجاه بسرعه هعمل حاجه واجي يا عليا 
عليا: حاضر يا دكتور..... ايه دا!!! اياد 
............ 
انس: شكلك حلو وانت مستني في العربيه 
فهد: ايه رئيك تسكت عشان. مترجعش لوحدك
انس: قفوش اوي يسطا
فهد: يسطا!! في واحد محترم يقول يسطا؟ 
انس: مش انا قولت يبقي فيه
فهد: القتل حلال فيك ياخي
انس: ياعم. اقعد على جمب انت متقدرش تستغني عني اساسا المهم لازم نجهز كل حاجه بسرعه عشان انا و عمر نطلب ايد البنات 
فهد: يابختكم 
انس: لا وحيات امك متبصليش فيها انا مصدقت بدأت اخد خطوه 
فهد: دا انا هديكم عين تجبكم الارض 
انس: لو حصل حاجه هقتلك يا فهد انا على اخري اساسا 
فهد: غريب الحب مين فاهمه
انس: اسكت يا فهد عشان انت اساسا سنجل بائس 
فهد: بكرا مش هبقي سنجل 
انس: انسي حياه مش رجعالك خلاص يابطل 
فهد: هنشوف 
.................. 
بليل الساعه12
حياه بعتت رساله لفهد: صاحي؟ 
فهد: اه انتي كويسه؟ 
حياه: اه الحمدلله بس كنت عايزه منك طلب
فهد شافها بس مردش بس اتصل عليها 
فهد: اطلبي يا ست البنات 
حياه: انا عايزة اشوف بابا بكرا... اقصد صبري يعني 
فهد: متاكده انك عايزه تشوفيه دلوقتي 
حياه: اه متاكده جدا
فهد: خلاص ماشي هعدي عليكي الساعه 1 
حياه: شكرا يا فهد جدا
فهد: مفيش شكر بنا انا وانتي واحد 
حياه: تصبح على خير 
فهد: وانتي من اهلى 
حياه قفلت في وشه 
فهد: لا ما دي مش معمله بقي اعمل ايه لازم استحمل هانت يا حياتي وهطلعو عليكي كله 
................. 
اليوم التاني الساعه1
جت مسج على تلفون حياه  
: انا تحت 
حياه: ماما انا نزله فهد. تحت 
نهال: حياه اوعي تزعلي مني يا بنتي والله انتي عندي بنتي الاوله عمري ما شوفتك غير كدا
حياه مسكت ايدها وبستها
: انتي هتفضلي امي علطول انتي محسستنيش بنقص ابدا ولا فرقتي بيني وبين اخواتي انا مليش غيرك. يا نونو يا قمر انتي يلا انا هنزل بقي عشان الرخم. الى تحت دا. ميتكلمش. كتير 
نهال: ربنا معاكي. يا بنتي وحاولى تدي فهد فرصه تانيه هو بيحبك
حياه: مبقاش ينفع يا ماما خلاص صحيح قولى للبنات. اننا هنروح النادي انهارده نشم هوا شويه 
نهاال: ماشي يا حبيبتي في حفظ الله
.............. 
فهد: كل دا؟! 
حياه: معلش سوري
فهد: ولا يهمك... ايه الى على خدك دا !! 
حياه: في ايه؟ 
فهد: افتحي المرايه شوفي يا بنتي 
حياه فتحت المرايه وقع على رجليها ورده حمرا حياه ابتسمت وسكتت وفهد محبش يتكلم عشان ميتخنقوش واكتفي بأبتسمتها 
.............. 
عمر: كدا خلاص جهزنا البدل 
انس: تعالي ناكل حاجه ونشوف ناقص ايه 
عمر: والله كان نفسي نطلب ال٣ بنات مع بعض 
انس: وانا كمان بس اخوك طين الدنيا اوي مع حياه والبت عنيده جدا يا جدع الدنيا خربت
عمر: عايزين نساعده طيب 
انس: نفسي بس هنعمل ايه 
عمر: انا عندي فكره حلوه اوي 
انس: اخيرا ابو الهول هيقول خطه 
عمر: طب مش هقول عشان تبقي تتريق اوي 
انس: متبقاش قفوش كدا بقي يلا قول 
عمر: ماشي اسمع..... 

................ 
عليا بنهيار : اياد اياد ونبي قوم متسبنيش انا والله حبيتك متسبنيش ياااااارب انا اسفه اسفه اني بكلمك وحش بس غصب عني والله
اياد: طب متعيطيش 
عليا: اياد انت انت كويس استني استني انادي الدكتور
اياد مسك ايدها: استني دكتور ايه وليه اساسا
عليا: علشان.. انت انت مش المفروض عامل حادثه 
اياد بضحك: بعد الشر يختي انا زي الفل
عليا ضربته على صدره: بااارد 
اياد: بس بحبك 
عليا سكتت
اياد بضحك: كدا خلاص هنعمل الخطوبه ومفيش كلام تاني 
عليا اتكسفت: انا ورايا شغل 
وخرجت لبرا اياد ضحك جامد عليها 
............... 
هدير: خير بتتصل ليه 
انس: في واحده ترد على خطيبها كدا
هدير: خطيب مين مفيش دبله في ايدي
انس: قريب هيبقي في يا ارخم خلق الله
هدير: طب قول بتتصل ليه 
انس: انا وعمر عايزين نقبلكم انتي وشهد عشان في موضوع بخصوص حياه وفهد 
هدير: لو هتحاول ترجعهم فأنسي حياه رفضه نهائي 
انس: لما نتقابل هنتكلم 
هدير: طيب هروح اقول لماما و شهد يلا غور
انس: اصبري عليا وربنا... 
قبل ما يكمل هدير قفلت في وشه
انس: صبرني يارب لحد بس ما اتجوزها 
عمر بضحك: جدعه اوي هدير 
انس: اضحك اضحك ربنا على المفتري يلا نمشي

............. 
صبري: ها هنروح نكشف عليها 
فهد: اصبر بس في حد عايز يتكلم معاك 
صبري: حد مين؟
حياه: انا 
صبري: حياه !! 
حياه: ايه المفجأه مش حلوه
صبري: انتي بتعملى ايه هنا 
حياه: جايا اخلى فهد يخرجك من هنا 
فهد: نعم! 
حياه: فهد بعد اذنك سبني معاهم. شويه لوحدنا ولوسمحت هات ماهر 
فهد: بس يا حياه.. 
حياه: بليز يا فهد عشان خطري 
فهد: ماشي يا حياه الى تشوفيه 
الحرس جابو ماهر و فهد خالهم يربطوهم هما ال٣ عشان محدش. يعمل حاجه لحياه 
فهد: انا على الباب لو عوزتي حاجه 
حياه: شكرا
انا خرجت فهد برا اهو عايزه كلكم تقولولي كل حاجه عملتوها انا جايا اخرجكم فلو حد كدب في حاجه صدقوني مش هيخرج من هنا الا على قبره  
................. 
عمر: انا هكلم حمزه عشان يبقي معانا 
انس: اه صحيح انا نسيته طب يلا كلمه
عمر: الو يا حمزه ازايك
حمزه: الحمد لله كويس يا عرسان اخواتي 
عمر بضحك: عقبالك بقي 
حمزه: لا ما هو مش باين خلاص 
عمر: انا شايف انك خلاص قربت 
حمزه: ياعم يارب
عمر: طب بص انا وانس عايزينك تجيب هدير و شهد ونتقابل لان في حوار كدا يخص حياه و فهد هنعمله 
حمزه: الله انا بحب الحاجات دي اوي طيب هخلص شغل واخدهم ونتقابل في اي كافيه 
عمر: طيب تمام هنستناك 
............ 
صبري: ادينا حكينا كل حاجه طلعينا من هنا بقي
حياه: هخرجك حاضر... فهد تعالى لو سمحت 
فهد: خلصتو؟ 
حياه: اه خاليهم يخشو يفكوهم عشان يمشو 
فهد: اتفضل يا حضره الضابط خش 
ناني بخوف: ضابط؟ لالا ضابط ايه 
حياه: ايه مالك مش انتو عايزين تخرجو من هنا انا هخرجكم بس على السجن 
ماهر: انتي طلعتي بجد خاينه 
حياه: اتعلمت منكم انا كدا مبسوطه اني مش هشوف وشكم تاني انتو دمرتوني جامد وكل واحد ليه نصيبه 
صبري: مش فاكره اي حاجه حلوه ليا دا انا ربيتك 
حياه: انك ربتني و علمتني دا فوق راسي بس انت هديت كل دا لما طلعتني قدام جوزي اني خاينه وركبت صور ليا انا مقدرش اسمحك ابدا بس عيالك في عيني وهيفضلو اخواتي دا الى اقدر اعمله معاك تقدر تخدهم يا فندم
ناني: انا عايزه اعرف هتخدونا بتهمه ايه اساسا 
حياه: بكل الشغل الزباله الى بتشتغلو فيه دا غير كل الى قولتوه دلوقتي عن الصور المتركبه 
ناني: بس مفيش دليل اساسا 
حياه: مين قالك ان مفيش دليل كل الورق مع الشرطه و كلامنا كله كان متسجل يعني متقلقيش هتتسجني هتتسجني يلا  
الضابط: ياريت تيجي القسم عشان نخلص كل حاجه 
فهد: طبعا يا فندم احنا جاين وراك
......... 
هديير: مااااماااا
نهال: اييييه يخربيت امك فزعتيني 
هدير: حياه لسه مكلماني 
نهال: بجد قالتلك ايه يابت انطقي
شهد: متقولى بقي متبقيش بايخه
هدير: الشرطه خلاص خدتهم و فهد وحياه رايحين وراهم هيخلصو ويجيو 
نهال: الحمد لله يارب ربنا ينتقم منهم الشياطين دول 
شهد: كان نفسي بابا يتغير 
هدير: الى زي دا مبيتغيرش 
نهال: خلاص مش عايزه نتكلم عنهم تاني 
............ 
خبط على الباب  
سماح: ادخل 
مي: مامتي حبيبتي بتعمل ايه
سماح: تعالى يا حبيبتي 
مي: مامي ممكن اروح عند هدير و شهد عايزه ابقي معاهم شويه 
سماح: ماشي روحي 
مي: شكرا يا مامي 
................ 
اول ما حياه دخلت البيت جريت عليها نهال بعياط
حياه: في ايه بس يا ماما اهدي
نهال: خلصت من شره الحمد لله كنت خايفه عليكي اوي يا بنتي
حياه: اهدى يا ماما خلاص الوحش كله راح ومن انهارده مش هيخش البيت دا فلوس حرام تاني
هدير: بقولك ايه مي جايا دلوقتي ايه رئيك نخليها قعده معانا ونعمل سهره حلوه كدا 
حياه: معنديش مانع فكره حلوه اووي 
فهد: طب شوفو لو محتاجين حاجات من تحت اجبهالكم انا 
هدير: هو دا الكلام
نهال: البس بقي يا فهد طلبتهم مش هتخلص 
فهد بضحك: لا براحتهم دول اخواتي وبعدين انا متعود ماهي مي مش سيباني في حاجه 
نهال: ربنا يحميهالك يابني 
فهد: يارب يا ماما.... يلا اكتبو الطلبات في ورقه و انزل اجبها 
شهد: احنا نستني مي لما تيجي عشان نشوفها عايزه ايه معانا 
حياه: انا هدخل اغير هدومي واخد دش واجي
نهال: خشي يا حبيبتي 
بعد دخول حياه 
نهال: هدير و شهد حاولو متتغطوش عليها 
هدير: يا ماما ما احنا عارفين حياه 
شهد: متقلقيش يا ماما احنا هنحاول نفرفشها 
فهد: يا ماما ما هي كويسه متقلقيش عليها 
نهال: لا مش كويسه انا عارفاها كويس تبين للناس ان الى حصل معاها دا مأثرش عليها وتفضل تهزر بس هي جواها مكسوره ولو دخلت عليها دلوقتي هلاقيها مموته نفسها من العياط بس مبتحبش تبين ضعفها قدام حد 
فهد: احنا كلنا معاها ومش هنسبها الا وهي بتضحك من قلبها 
نهال: عايزه اتكلم معاك لوحدنا 
فهد: طبعا يا ماما اتفضلي 
نهال: اخرجي بره انتي وهي 
................... 
هدير: كدا خلاص يعني مش عايزين حاجه تاني 
حياه: ولو حتي افتكرت حاجه تاني يبقي يجبها عادي 
شهد: حياه اهدي ونبي كدا احنا عايزين الراجل سليم
مي: مش فهد اخويا بس بقولك اهو اعمل الي انتي عايزاه خاليه يتعلم شويه 
حياه بعتتلها بوسه في الهوا 
: اختي والله يلا بقي يا مي خدي الورقه ادهالو 
مي: ماشي
................. 
فهد اتصل على حمزه
: ايه يا عم فينك
حمزه: في الشغل في حاجه ولا ايه 
فهد: لا بس البنات سهرانين سوا قوبت نتجمع انا وانت و الشباب شويه 
حمزه: ماشي هخلص واجلكم
فهد: ماشي وانا هكلمهم اقولهم
حمزه: تمام سلام
................. 
عمر دخل على انس 
انس: كويس انك جيت اجهز عشان هنسهر سوا مع فهد و حمزه برا 
عمر: فجأه كدا
انس: البنات حبو يسهرو سوا وفهد قال نسهر احنا كمان في مكان قريب من بيتهم عشان لو احتاجو حاجه 
عمر: طيب يلا اطلع البس وانا هاخد دش واجهز 
................ 
هدير بصو بقي احنا نرقص كدا حبه وبعدين نبقي نشغل فيلم ونتفرج
مي: انا موافقه يلا 
حياه شغلت اغنيه يا بتاع النعناع 
................. 
اتجمعو الشباب وهما قعدين فهد جاله تلفون من رقم باين انه مش مصري
: Fahad, how are you? I miss you so much 
( فهد ، كيف حالك؟ اشتقت لك كثيرا) 

................ 
تفتكرو حيصل ايه بعد كده؟!! 
#يتبع 
#حياه_فهد
#بقلم_نسمه_سيد 
part 33 

اتجمعو الشباب وهما قعدين فهد جاله تلفون من رقم باين انه مش مصري
: Fahad, how are you? I miss you so much 
( فهد ، كيف حالك؟ اشتقت لك كثيرا) 
فهد: lara I miss you too 
(لارا اشتقت لكي ايضا) 
لارا: I'm coming to Egypt tomorrow 
(انا هاجي الى مصر غدا) 
فهد: Well I'm waiting for you 
( حسنا انا انتظرك) 
انس: ايه مين
فهد: دي لارا جايا بكرا 
عمر: والله وحشتني البت دي 
انس بضحك: بس محدش وحشها غير فهد 
حمزه: مين لارا دي اصلا 
انس: استني احكيلك بقي 
............... 
حياه: ها تتفرجو على فيلم ايه 
هدير: انا عايزه كوميدي 
شهد ومي: واحنا كمان 
حياه: خلاص نجيب مسرحيه العيال كبرت احسن 
شهد: اشطا بحبه اوي 
مي: وانا كمان 
هدير: شغليه واحنا نخش نجيب الحاجات من المطبخ
حياه: ماشي يلا 
............ 
حمزه بضحك : طب ايه نستعد لجوازه تانيه 
فهد ببرود: خلصتو خلاص 
انس: مالك بس حد يلاقي بنت حلوه كدا بتحبه ويبقي مضايق
فهد: انس دا كان زمان ممكن تسكت بقي 
عمر: الله واعلم كان ولا لسه 
فهد: طب اسكتو بقي قرفتوني 
انس: طب هتيجي معانا بكرا وانا بنطلب ايدين البنات 
فهد: والله هسالها لو هتقدر مش همنعها 
عمر: طب تمام مش يلا نروح بقي ورانا يوم طويل بكرا فهد: ماشي يلا
انس: هتروح تجيب مي؟ 
فهد: لا هي عايزه تفضل معاهم 
حمزه: طب يا شباب سهره لطيفه بس انا عايز انام يلا سلام
فهد: حممزه 
حمزه رجع مكانه تاني 
فهد بخبث : انت هتيجي معانا الفيلا عشان. هتفضل معانا  
حمزه: مبعرفش انام غير على سريري 
فهد: عندنا سرير حلو هيعجبك
انس: ريح دماغك مش هتروح البيت 
عمر: احنا كلما عايزين نروح بس عمرنا ما نقول 
ضحك الكل ومشيو 

.... تاني يوم .... 
البنات صحيت وبيجهزو لليوم 
الشباب صحيو 
فهد راح المطار يستقبل لارا 
والباقي في الفيلا 
................ 
في المطار (طبعا الحوار هيبقي مترجم بقي 😂😂😂) 
لارا جريت على فهد حضنته 
: وحشتني اووي لسه وسيم زي ما انت 
فهد بضحك: وحشتيني اكتر بس ايه الجمال دا 
لارا: انا رجعت وعلى قلبك 
فهد: ياستي تنوري يلا بينا عشان تلحقي ترتاحي 
لارا: اوكي يلا 
....................  
تسريع الاحداث جيه الوقت المنتظر
في فيلا فهد
كلهم مستنين لارا عشان يتحركو 
لارا خلصت ونزله 
انس بهمس لعمر: دي هتولع انهارده  
لارا: فهد ايه رئيك حلو 
فهد: اه يلا بقي عشان منتاخرش 
..................... 
مي: جم جم 
هدير: انا رجعت في كلامي مش عايزخ اقابل حد يلا 
شهد: وانا بقول كدا برضو احنا مش بتوع خطوبه وجواز و الكلام دا 
حياه ومي ضحكو جااامد 
حياه: ايه بس مفيش داعي للقلق دا كله دا مجرد اتفاق مش دخله يعني 
هدير: انتي اخر واحده تتكلم عشان متعصبش عليكي 
مي: ياستي اني العصبيه انهارده ابوس ايدك 
شهد: لا ازاي متبقاش هدير يابنتي 
هدير: اييه يا شهد انتي هتفوقي عليا 
شهد: ايه مقولش الحقيقه يعني 
كلهم ضحكو 
.................. 
سماح: السلام عليكم
نهال وحياه: وعليكم السلام 
حياه: اتفضلي يا طنط اتفضلي 
سماح: نتكلم في حوار طنط دا بعدين
انس: اخت مراتي ايه للقمر دا.. ااه.... اقصد مشاء الله يعني
حياه: خش خش انت مفيش منك أمل يا انوس 
انس همس لها: ابوس ايدك مدعلنيش تاني 
حياه بنفس الهمس: ليه 
فهد: مش هنخش ولا ايه 
حياه: اتفضل يا عمر واقف ليه 
عمر: ازايك يا حياه 
حياه: الحمد لله..... استاذ حمزه للى مشفنهوش طول لليوم 
حمزه: هاتي حضن يابت
سماح: دي لارا بنت عم فهد و مي لسه نزله مصر انهارده 
نهال: اهلا يا بنتي منوره 
حياه: هاي يا قمر تعالى اخدك اوضه البنات مي جوا 
لارا: اه ياريت 
حياه: عن اذنكم
انس همس لعمر: هي حياه عميه ولا ايه 
عمر: باين كدا 
.................... 
مي: اييه دا لارا وحشتيني اووووي جيتي امتي 
لارا: وحشتيني اكتر يا مي انا لسه نزله انهارده وفهد الى جبني من المطار 
هدير: مش وقته اشواق وحنين دلوقتي احنا بنموت من التوتر هنا 
حياه بضحك: ربنا يعدي الليله على خير 
البنات كلها ضحكت وصوتهم وصل لبرا 
حمزه لعمر: هي دي الى هتغير منها دا دلوقتي بقو اخوات اهو. 
عمر: دي فكره انس بيه 
حمزه: طب ربنا يستر 
فهد بصصلهم وحاسس ان في حاجه 
سماح: امال فين العرايس الاقمر بتوعنا 
انس: انتي مش سمعه الضحك يا ماما 
نهال بضحك: هقوم اجبهم لحظه واحده
اول ما نهال قامت فهد بصلهم 
: انا عايز افهم انتو بتخططو لايه بلضبط
انس: لا طبعا مش بنخطط لحاجه احنا جاين نفرح حتي 
خرجو البنات 
حياه هي الي كانت شايله العصير 
طبعا كل واحد عينه متشلتش من على الحوريه بتاعته 
سماح: امال العروسه محبتش ليه العصير
حياه بضحك: بتوترهم دا مينفعش يمسكو حاجه كفايا مسكين نفسهم 
كلهم ضحكو جامد وقعدين 
سماح: طبعا احنا مش هنلاقي احسن من بناتك مفيش في ادبهم و اخلاقهم عشان كدا احنا طلبين منك ايد شهد و هدير لعمر و انس 
نهال: والله يا سماح الشباب زي الفل و ميترفضوش بس برضو لازم اعرف قرارهم 
حياه بتهمس لنهال: في ايه يا ماما ما احنا دفنينو سوا 
نهال: اسكتي انتي وبصي بقي شكلهم عامل ازاي خاليني انتقم منهم شويه 
حياه ضحكت: طلعتي خطر يا ماما 
نهال بضحك: ولسه.... ها يا بنات قراركم ايه 
هدير وشهد بصبن لبعض ومكسوفين 
نهال بخبث: شكلهم مش موافقين يا سماح 
هدير وشهد في نفس واحد: لا موافقين 
كله ضحك 
فهد: نقرأ الفاتحه بقي
نهال: لا استني 
سماح: في ايه يا حبيبتي 
نهال: احنا عايزين نطلب منك ايد مي لحمزه 
مي و حمزه مصدومين 
سماح بأبتسامه: انا معنديش مانع حمزه راجل يقدر يحميها و واثقه انه هيشلها في عنيه صح يا فهد 
فهد : طبعا حمزه بقي اكتر من اخ عندي ومشفتش منه حاجه وحشه ابدا اكيد اختي هتبقي في امان معاه 
نهال: ها يا عروسه رأيك ايه
مي بتوتر وكسوف: الى يشوفه اخويا هو الراجل بتاعي دلوقتي 
نهال: كدا نقرأ الفاتحه بقي 
البيت بقي مليان بلزغريط وفرحه و البنات كلها مبسوطه ولارا برضو قىبت منهم وبقو صحاب 
فهد شاف حياه وقفه بعيد شويه راح لها 
فهد بهمس ليها: مش عاوزه عريس زي اخواتك 
حياه: لا ما هو جي بكرا مش مستعجله 
فهد مسكها من ايدها وبعصبيه: مين دا الى جي بكرا 
حياه شدت ايدها وقالت: مع انه شئ مخصكش بس هقولك العريس هو الى جي بكرا 
فهد: وانتي تعرفيه منين 
حياه: قولتلك ميخصكش عن اذنك 
فهد لنفسه: طب يا حياه ابقي وريني رجله هخش البيت ازاي 
اليوم خلص 
في فيلا فهد 
انس: انا عايز افهم انتي ليه معملتيش حاجه من الى اتفقنا عليها 
لارا: عشان حياه مش هتعمل حاجه 
عمر: ازاي يعني 
لارا: انا لما اقعدت معاهم فهمت كل واحده فيهم و حياه حتي لو حياه هتولع مني مش هتبين عشان هي اساسا مبتبينش مشاعرها لحد ابدا حتي اخواتها قالولى كدا فهمتو يعني ملهاش لازمه نعمل حاجه لانها مش هتاخد خطوه وكان باين اوي من نظرتها انها بجد مقهوره منه ومش قدره تسامحه 
انس: طب وبعدين هنعمل ايه
لارا: محدش هيقدر يعمل حاجه غير فهد 
عمر: لارا صح يا انس احنا نقعد مع فهد ونشوف محتاج مننا اي مساعدة ولا لا
انس: ماشي بكرا نتجمع 
عمر: لا دلوقتي 
انس: لا ياخويا دلوقتي ايه انا عريس وعايز اكلم عروستي تصبحو على خير 
لارا: مجنون والله 
عمر: بصراحه انا كمان رايح اكلم عروستي 
لارا: طب روح انا هنام اساسا
عمر: تصبحي على خير 
...................... 
في بيت حياه
هدير في البلكونه ومشغله اغنيه شاديه 
«أنا عندي مشكلة أنا ليّ مشكلة
أنا عندي مشكلة أنا ليّ مشكلة
الحب جديد عليّ وحكايته مطولة
والدنيا قصاد عينيّ في الحب مقفلة
الحب جديد عليّ وحكايته مطولة
والدنيا قصاد عينيّ في الحب مقفلة
يا اللي حبيته قبلي وصادفتكم مشاكلي
يا اللي حبيته قبلي وصادفتكم مشاكلي
أروح لمين قولوا لي
يحل المشكلة، يحل المشكلة» 
حياه دخلت عليها: الله الله يا شاديه قولى قولى 
هدير: فصلتيني يا شيخه اقول فيكي ايه
حياه بضحك: بتحبي يا فوزيه 
هدير: بت انتي اسكتي هضربك 
حياه بضحك: بنت عيب انا اختك الكبيره  
هدير بتهور: يا شيخه اتنيلي قالي يعني اختي حقيقي 
لحظه صمت هدير استوعبت هي قالت ايه 
هدير بخوف وحزن: حياه والله ما قصدي صدقيني انا
حياه قطعتها عن الكلام 
: اهدي محصلش حاجه اصلا لكل دا متخفيش مزعلتش منك عارفه انه غصب عنك المهم يلا انا هنام عشان عندي حوار بكرا تصبحي على خير 
حياه قامت ولسه هتمشي
هدير: حياه 
حياه لفت لها 
هدير: انا اسفه 
حياه ابتسمت لها ابتسامه خفيفه ومشيت 

في فيلا فهد 
انس: ما بصراحه بقي يا فهد انت مبتحولش تصلحها عايزه هي تيجي تقولك مسمحاك كدا من نفسها اكيد مستحيل 
فهد: والله انا مش عارف اعمل ايه انا تايه محدش حاسس بيا ليه 
عمر: حاسين بيك بس مش عارفين نعمل ايه 
انس: بصراحه كدا احنا الى كلمنا لارا عشان تيجي مصر كنا بنحاول نخاليها تغير بس فشلنا وحبتها و اتصحبت عليها 
فهد: بصو تتشقلبو وتعرفولى مين الى جيلها بكرا دا 
عمر: هنحاول 
................... 
هدير كانت هتخش تنام بس قالت تخش تعتذر تاني لحياه عشان متشلش منها بس اول ما دخلت اتصدمت من..... 

🔥🔥🔥🔥🔥🔥
توقعو ايه الى حصل بقي وايه رئيكم في البارت الجديد 💜💜
#يتبع 
#حياه_فهد
#بقلم_نسمه_سيد



الفصل الرابع والثلاثون والخامس والثلاثون من هنا 






 

تعليقات



×
insticator.com, 6ed3a427-c6ec-49ed-82fe-d1fadce79a7b, DIRECT, b3511ffcafb23a32 sharethrough.com, Q9IzHdvp, DIRECT, d53b998a7bd4ecd2 pubmatic.com, 95054, DIRECT, 5d62403b186f2ace rubiconproject.com, 17062, RESELLER, 0bfd66d529a55807 risecodes.com, 6124caed9c7adb0001c028d8, DIRECT openx.com, 558230700, RESELLER, 6a698e2ec38604c6 pmc.com, 1242710, DIRECT, 8dd52f825890bb44 rubiconproject.com, 10278, RESELLER, 0bfd66d529a55807 video.unrulymedia.com, 136898039, RESELLER lijit.com, 257618, RESELLER, fafdf38b16bf6b2b appnexus.com, 3695, RESELLER, f5ab79cb980f11d1