رواية ضرتي خطفت ابني الفصل الثالث
وفي الوقت ده انا قولت
مريم _ابني يا رضا ارجوك رجعوا ليا أنا مش هقدر
اعيش من غيرو
رضا _ و حيات امي ما هسبها انا رايح ابلغ عنها
البوليس ، وبعدها نزل وانا فضلت اعيط وشويه
كنت قاعده في اوضتي ولقيت حماتي داخله
بصنيه اكل
الحما _خدي يا بنتي كلي لقمه انتي يا حبيبتي
مكلتيش حاجه من ساعه ما ولدتي
مريم بعياط _مش عايزه حاجه انا عايزه
ابني دلوقتي يكون قدام عيني
الحما _متخافيش ابني هيرجعوا ده ابنه برضه
ولا يمكن يقدر يستغني عنه
مريم _من أمتي الحنيه اللي نزلت عليكي
دي يا حماتي ده انا عارفه انك بتكرهني
الحما _ والله يا بنتي انا مش بعرف
اكره حد بس هي الظروف اللي كانت
خلتني اعمل معاكي كده البيت ده ب اسم
كريمه واحنا يعتبر عايشين عندها
وفي الوقت ده دخل رضا ومعاه الظابط
رضا _انا عملت محضر يا حبيبتي وباذن الله الظابط هيجيبها متخافيش
الظابط _ممكن اسمع منك اي اللي حصل
بالظبط
مريم _انا ولدت وبعدها ضرتي اخد ابني
علشان تقعد معاه شويه وبعدين ضرتي اخد
الواد و هربت
الظابط _تمام احنا باذن الله هندور عليها
في كل مكان بس لو سمحت خدي
امضي علي اقوالك
مريم اخد الورقه ومضت وبعدين قالت
مريم _ارجوك انا عايزه ابني في اسرع وقت
انا مش هقدر اعيش من غيرو
الظابط _متخافيش يا مدام احنا هنجيبه ليكي
في اسرع وقت بعد اذنكم
رضا _اتفضل حضرتك وانا معاك ، وبعدها
خرج ، وفي الوقت ده حماصه اللي كان عامل
دور الظابط قال
حماصه _اي عجبتك شوفتني وانا عامل ظابط
كنت عامل ازاي
رضا _وطي صوتك يخربيت عقلك هتودينا
في داهيه امال فين الورقه اللي هي مضت
عليها
حماصه _اهي بس انا عايزه اقولك على حاجه يا استاذ رضا كفايه اللي انتوا عملتوه معاها بلاش توديها في 60 داهيه بالورقه دي
رضا _وانت مالك اصلا بالموضوع ده ما تخلينيش احطك في دماغي انت فاهم ولا لا
حماصه _والله انا ما اقصد حاجه بس هي شكلها غلبان قوي دي عيني مضت على الورقه من غير ما تقرا اي حاجه
رضا _روح المحل يا حماصه مش عايز كلام كثير انت فاهم ولا لا وياك حد يعرف بالكلام اللي احنا عملناه ده انا عارف كريمه هتعمل معاك
اي كويس اوي لو انت قولت لحد
حماصه _متخافيش انا مش هقدر اقول
لحد علي حاجه ,وبعدها مشي وخرجت حماتي
وقالت
الحما _اوعى تقولي ان انت كمان هتروح الشقه الجديده وهتسيبني انا مع البنت دي انا مش ناقصه وجع دماغ
رضا _ما تخافيش يا امي يومين وهخلعك منها بالراحه بس خليكي معاها دلوقتي مش عايزانا تنزل وتروح تعمل فينا محضر
الحما _اكيد هي مش هتعرف تعمل حاجه لوحدها وطول ما هي عارفه ان انت بتحبها مش هتعمل كده
رضا _برده الاحتياط واجب خليكي قدام عينيها
اسمعي كلامي بس
الحما _كل ده انا ساكته عشان ما شاء الله الذهب اللي موعداني بيها كريمه عارف لو مجتش هعمل فيك ايه يا رضا
رضا _انتي عارفه كريمه عمرها ما بترجع في كلامها ابدا طالما قالتلك هتجيبلك السلسله يبقى هتجيبها المهم انا عايز البت دي متغبش
عن عينك لحظه
الحما _متخفش يا قلب امك طول ما انت
بتدفع هشلها في عيوني ، وبعدها مشي
رضا وراح شقه كريمه والواد كان عامل
يعيط اوي
رضا دخل وقال _هو في ايه مال الواد عمال يعيط كده ليه انتي عملت فيه ايه
كريمه _ادخل بس واقفل باب وراك هعمل فيه ايه انا مش عارفه من ساعه ما جينا شقه وهو عمال يعيط تفتكر يكون جعان
رضا _بقولك ايه انتي اصلا مكانش ليكي في تربيه العيال عايزين نجيب واحده تقعد بيها عشان تخلي بالها منه *وفي الوقت ده كريمه زعلت
وقالت
كريمه _اخص عليك يا رضا دي كلمه تقولها ليا برده المهم قولي عملت اي
رضا _ولا اي حاجه شربه المقلب وبلعت ورا ب كوبايه شاي
كريمه _معقول بسهوله كده
رضا _ ههههه لا والعبيطه لسه مصدقه لحد دلوقتي ان ممكن أبيعك انتي يا ست الناس واشتريها
كريمه _مش فاهمه انت ليه عملت اللعبه دي
ما كده كده هي عارفه ان انا هاخد الواد
رضا _افهمي يا حبيبتي لو كنا عملنا
كده كانت راحت بلغت عننا ولو البوليس عرف أنه
ابنها ومكتوب ب اسمك كنا هنروح في داهيه
انما خليها فاكره ان انا هدور عليكي وكمان ببلغ البوليس بس الواد حماصه اللي كان شغال عند ابوكي عمل دور الظابط اي مافيش احسن من كده
كريمه _ادي الواد ده فلوس كثيره انا عارفه طماع ممكن يودينا في داهيه
رضا _ما يقدرش يعمل حاجه عارف كويس قوي ان انا مش هسكت المهم هتحبي نسمي
والواد اي
كريمه _معتز علي اسم ابويا الله يرحمه المهم
انت ناوي تعمل معاها اي _ وفي الوقت ده طلع الورقه من جيبه وقالها
رضا _انا خليتها تمضي علي الورقه دي أنها
واخدا منك مبلغ ١٠٠ الف جنيه لو فكرت تعمل
حاجه تقدم الورثه
كريمه _ لا انا مش عايزه الموضوع يخلص
كده انا عايزه انك تبلغ البوليس أنك رجعت البيت
لقيتها مع راجل
رضا _ودي انا اعملها ازاي يعني انتي عارفه مريم
كويسه ولا يمكن تعمل كده
كريمه _سيب الموضوع ده وانا هتصرف فيه
المهم أنزل انت بس هات الست اللي هتقعد
ب معتز تشوف طلباته وفي الوقت ده الباب خبط
رضا _ايه ده هو في ايه هو حد عارف عنوان الشقه دي
كريمه _قوم فتح انت هتفضل تتكلم وكان
الصدمه لما فتح وشاف
