 |
رواية بينا معاد الفصل الثالث 3 بقلم منه محمدرايكم رايكم عشان اكمل @الجميع بينا معاد البارت الثالث ✿ قصص منه محمد كاتب ✿ عند جنه طلعت لغرفتها بهدوء من غير ما تتكلم وقعدت على السرير ،،وهي بتفتكر الضرب الي اخدته ... مش قادرة تستوعب معقول هاله رسمت دور زوجه الاب الطيبه وهي شريره وكمان مدت ايدها عليها ...رمت نفسها على السرير وهي بتحاول تكتم شهقاتها ،وتبص لصورتها هي وهشام سوي وعماله تعيط وتنادي بأسمه ......اما هاله قاعده تحت بتحضر لحلقه جديده من برنامجها رن الجرس قامت ترد في الانتركوم ناره ظهرت في الكاميرا: ماما ،انا ناره ' افتحي هاله : ماتدخلي ناره بهمس: اصل هشام معايا هاله ارتبكتب واتوترت وطلعت جري ع فوق ودخلت ع جنه وولعت النور هاله بخبث ومكر: هشام ادخل (رفعت الغطاء) تحبي تشوفيه بوشك المشوه جنه ضمت الغطاء عليها وهزت راسها بخوف : لاء مش عيزاه يشوفني كدا هاله بنظره حاده : قومي معايا يله( شاورت لها ع المخزن وجنه دخلت أأعدت فيه تستخبي من هشام لحد ما لقت مخلص طلعلها من وري الهدوم اتخضت !!! مخلص عطاها نظره: لو جايه تزعجيني اخرجي ............قصص منه محمد كاتب...... تحت في الصالون هاله جابت صنيه فيها كاس عصير وهي تبتسم: نعمل ايه في البت دي ,,منين ما تروح المكتبه بتسرح وتطول وانا اتصلت بيها قالت انها هتتأخر هشام وشه اضايق وكشر لانها مش بتخرج من البيت الا لما تقوله ولازم يعرف عنها ادق تفاصيل يومها هشام: ايوه ,,المهم صحه جنه عامله ايه؟؟! هاله بتنهيده: اهيه اتحسنت شويه ,متقلقش لو تعبانه مكنتش خرجت هشام بعدها بدقايق وقف واتكلم بهدوء: ممكن اشوف اوضتها هاله قامت معاه: اه طبعا اتفضل هشام طلع غرفه جنته لف فيها بعيونه مسك دبابيس مشابك بلاستك ملونه للورق وابتسم ,,ورجع مسك صورتهم سوي لحد ما لمح الكاست الصغير الخاص بيها فتحه وداس عليه شغله ,,وابتسم لما سمع صوتها وضحكتها الي بيعشقها للصميم وبعدين سجلها فويس وبعدين خرج و جات عيونه ع غرفه المخزن الي جنب غرفتها وشاكك ان فيه حاجه هم مخبينها عنه وجاله فضول يفتح الغرفه!! ناره حبت تشتت انتباه: هشام الطريق من هنا هشام لفت نظره توترها ونظراتها الزايغه وقال: انتي اسمك ناره مش كدا ناره ببتسامه: ايوه ناره هشام: بما انك اخت جنه انتي كمان اختي ناره لوت بوزها ومش عاجبها :اختك,, اه طبعا هشام باهتمام: جنه عمرها ما هتقول انها بتتوجع,,لو هي كدا بس لو قالت انها تعبانه بتبقي فعلا تعبانه ,,رغم بتتظاهر انها جامده وقويه ,,بس هي رقيقه من جواها زي الندي فمن فضلك اهتمي بيها كويس وسددي المعروف ناره اضايقت من تلميحاته: حاضر جنه كانت حاطه ودنها ع الباب وهتحن وتخرجله لكن خافت من عقاب هاله رجعت مكانها واتملت عيونها بالدموع ................. هاله: ايه اخبار اليوم انبسطي ناره: جدا اتزحلقنا ع الارض ,,بس عارفه هشام منين ما يدخل مكان الناس ترحب وتهلل بيه وانا جيت معاه في العربيه الاوبهه دي هاله: طبعا رغم صغر سنه بس الرك ع الاصل وبعدين الوضع لازم يكون كدا الملاهي والشركات والمنتجعات كلهم ملكه لانه الوريث الوحيد لـ امه ناره: ياه لو كنا اغنياء كدا كنا نعمل كل الي نفسناه فيه هاله بمكر : جنه هتبقي تقريبا كدا هتلعب بالفلوس لعب ناره بحقد وغيره: مين هي جنه ايه الي عجبه فيها مش فاهمه هاله: لان جنه مختلفه ناره ضمت حواجبها: ازاي يعني هاله: قدرت تعلق هشام بيها ومبقاش شايف غيرها ناره: ده مش هيحصل ,,ماما قوليلي اعمل ايه عشان اخد مكانها عنده ولا مش هقدر هاله: مفيش مكان للي جايبه المركز الثالث ع الي طالعه من الاوائل ع المدرسه عشان كدا ضربتها من غيظي انها اعلي منك ناره بقهره وحسره: طب لو هشام سافر واخدها معاه هي كدا كل حاجه هتنتهي هاله: عايزني اساعدك نزحها وتاخدي مكانها في كل حاجه ناره: ياريت مش انتي امي هاله برفعه حاجب : يبقي لازم اساعدك نزحها خالص ..........قصص منه محمد كاتب............ بالليل جنه نايمه لكن دموعها سيل ع خدها الباب اتفتحت فخافت ,وغطت وشها كله ,قرب ابوها غطاه ناره وراح لجنه باس جبينها وماشي هي قامت وحضنته من ضهره ورجعته تاني للسرير مراد ابتسم: لسه منمتيش جنه حطت دماغها ع ضهره وهي لفه ايدها ع وسطه وقالت: انت صحتني يا بابا مراد: حقك عليا جنه: بابا مراد: عيون بابا جنه: بابا انت مبسوط مش كدا مراد: ليه هو شكلي بيقول عكس كدا جنه: لاء شكلك بيقول انك سعيد ومبسوط في حياتك الجديده مراد باس ايدها: ايوه مبسوط الحمد لله اوي اوي ياجنه جنه نزلت دموعها بصمت مراد لف وبصلها: مالك فيه حاجه حصلت؟؟ زعلتك؟ جنه هزت دماغها برفض وحطت دماغها ع صدره: لاء بس زعلانه عشان هسيبك واسافر فرنسا مع هشام ,بس مش عيزاك تقلق عليا ,انا هعيش مع عمتي وكدا هتبقي مطمن اكتر مش كدا يا بابا؟؟!! مراد: وده الي الشئ الوحيد الي مطمني وخلاني اوافق,,وكمان لان انا واثق فيكي وفي تربيتك وعارف اخلاقك ....وكمان واثق في اخلاق هشام وانه راجل وهياخد باله منك ( مسح ع شعرها بحنان) ومتقلقيش ع ابوكي لانه معاه انسانه زي هاله تمام جنه: حضنك دافي اوي يا بابا مراد ضحك: طيب يله نامي ,انا كمان كابس عليا النوم ,خالص جنه رقدت: حاضر مراد عدل الحاف عليها وباس راسها وخدها: تصبحي ع جنه يا جنه جنه لفت نفسها في اللحاف وبينها وبين نفسها: بابا لازم يعيش مبسوط ...حتي لو كان ده ع حسابي انا ...لحد ما اسافر هتحمل واسكت يارب قويني ........................... جنه خارجه من المدرسه لقت ابوها منتظرها واخدها وطلعوا ع بيت داليا البحيري والده هشام ودخلوا ,ااعدوا بس لقت ان ابوها بيرفض انها تسافر فرنسا تكمل تعليمها جنه: بابا حضرتك بتقول ايه؟؟؟! مراد: انا بقول مش لازم تسافري,, كملي تعليمك هنا جنه: مش ممكن داليا الي الموضوع ع هواها عشان تبعدها عن هشام قطعتها وقالت: جنه اظن ابوكي فكر كتير,, في القرار ,,وانا راي ده افضل قرار جنه ملامحها بهتت: وليه قررت كدا فجأه برغم امبارح كنت موافق مراد نزل دماغه لتحت: لانك لسه صغيره,, وميصحش تسافري لوحدك جنه بمعارضة : بابا انا مش صغيره ,,واقدر اخد بالي من نفسي مراد: انا لسه متجوز من فتره قصيره,, ومينفعش تسافري وانتي لسه متعرفتيش عليهم ,,ولما ترجعي الامور هتكون صعبه تعيشي وسطيهم,, وانتي عادات وهما عادات ,,ولو سافرتك ناره هتفكر اني بفرقك عنها! جنه اعترضت بضيق : بابا من فضلك مراد: المره دي اسمعي كلامي ياجنه؟! وتقدري تكملي هنا وبعد الثانويه ادخلي اي جامعه, زيها زي برا انا مش هتأخر عنك, بس تكوني جنبي وتحت عيني ,ده هيطمن قلبي جنه عيونها اتملت دموع وهشام تدخل بمحاوله اقناعه: عمي ارجوك داليا بصت لهشام بحده : هشااام متدخلش انت مراد بنظرات رجاء وقله حيله: جنه نفذي كلامي لو سمحتي هشام ربع ايده ويهز رجله بخنقه ,,اما جنه دموعها قادره تفسرله حالها!! ..............قصص منه محمد كاتب............... هشام مضايق اكتر منها بس مظهرش واخدها من ايديها وركبها الحصان المرجيحه وفضل يشاورلها والحصان بيلف بيها جنه نزلت وأأعدت ع الرصيف واتكلمت بحزن : عارف كل ما بركب الحصان ويلف بيا كأني شايفه ماما واقفه وبتشاورلي هشام : يعني كل السنين دي ,,وانا مفكر انك بتشاورلي انا جنه مسحت دمعه عن خدها نزلت غصب عنها : لاء منا بشوفك ماما متقلقش هشام بغيظ : لاء والله زي ماما جنه ابتسمت: ايوه مش انت ماما وابن عمي ,,وصاحبي ,,وبجد ببقي مبسوطه وانا معاك هشام رفع راسها بايده وبحنيه: بس انتي دلوقت ولا مبسوطه ولا سعيده ,تحبي مسفرش وادخل اي جامعه هنا جنه برفض: لاء طبعا,, هشام انت اجلت سنتين مره عشان وفاه والدك ,,ومره عشان تستناني اخلص اعدادي ونسافر ,,وانا مش ممكن اعطلك اكتر من كدا ,,وبعدين سفرك هيفيدك تطور شغلك ,,انا بس قلقانه لو سافرت مترجعش وانا مرعوبه من الفكره يا هشام هشام: انا هرجع يا جنه هرجع وانا الي مرعوب لتختفي عن عيني جنه: ولو ده حصل هتعمل ايه؟؟! هشام: هدور عليكي جنه: طب لو فرضا ملقتنيش هشام: هفضل الف عليكي لحد ما القيكي يا جنتي وواثق هلقيكي جنه: وليه واثق اوي كدا هشام: عشان اي اتنين بيحبوا بعض بيقبلوا بعض تاني جنه: ومش مهم المسافات الي هيبعدوا بيها عن بعض, في النهايه لازم يتقابلوا صح هشام هزلها دماغه ومسك ايدها: هتاخدي بالك من نفسك 'وانا مش هنا جنه هزت له دماغها بحاضر هشام: ومش هتنسيني ،حتي لو انا مش هنا جنه نزلت دموعها وهي بتحاول تبتسم وهو مد ايده يمسحلها الدموع 'وحط جاكته عليها وضمها وباس راسها هشام: اعملي حسابك لما ارجع هرسملك لوحه هنا ع الحيطه ,,وهقدمهالك هديه فيها جنه من غير حزن ,,ولا فراق ولا الم ,,ولا بُعد،، دنيا فيها جنه وبس ...........قصص منه محمد كاتب.... ناره لبست فستان شيك عشان تروح تودع هشام هي وامها ونزلت ع السلم تجري ناره بنبهار: الله الله بجد جميله اوي يا ماما هاله: هنروح الاول للكوافير' قبل ما نطلع ع المطار , نودع هشام وحجزت دور عشانك ناره بفرحه: بجد يا ماما, ربنا يخليكي ليا وميحرمنيش منك ابدا هاله: امال الملعونه جنه فين؟! ناره: فوق هطلع اشوفها هاله: ونفذي زي ما اتفقنا، لازم تظهري في الصوره ناره: اطمني عملت الي اتفقنا عليه ناره طلعت فوق لقت جنه بتدور ع جهاز التسجيل الي ملهوش اي اُثر ناره: بتدوري كدا ع ايه؟؟!! جنه سألتها من غير نفس : شوفتي التسجيل الي كان هنا ناره بخبث: اه رميته في شنطه من الشنط ورمتها في المخزن جنه زقتها وراحت غرفه المخزن ،وفتحت الشنطه وطلعت التسجيل ،وناره طلعت بسرعه وقفلت الباب بالمفتاح، عشان متروحش تودع هشام جنه قامت زي المجنونه تخبط ع الباب بقوه: ناره افتحي الباب ناره ضحكت بشماته جنه صرخت بجنون: بقولك افتحي الباب ،،بسرعه ناره سابتها ومشت واتمنت لو تقتـ لها وهتعملها بدون تردد الفصل الرابع من هنا |
بدل ماتدور وتبحث علي الروايات خليها علي تليفونك وحمل تطبيقنا
