رواية جبروت فتاه الفصل الخامس
مي انا تسبني عشان مين عشان بنت جربوعه
جاسر اخرسي لحد دلوقتي انا بعاملك كاخت ليا وبقول هتعقل لكن تجيبي اسمها بسوء مش هتعامل انك بنت عمي فاهمه
مي فيها اي احسن مني عشان تحبها وانا لا
جاسر افهمي بقا انا بحبها انتي اختي وبس مش هقدر اشوفك غير كده ارجوكي يامي افهمي مش عايز اكسر قلبك لكن بحبها
مي خلاص ياجاسر اوعدك هنسي حبي ليك وهعتبرك اخويا الكبير وبس
جاسر بجد يامي
مي بجد ياجاسر بعد اذنك
وجريت على بره وهي بتبكي مي مش شريره لكن بتحب جاسر لكن ياترا هتنساه فعلا ولا اي
الكل جهز عشان يختارو الشبكه لسمر ونهي وفساتين الخطوبه
ديما معاهم وطبعا فهد هوا كمان معاهم
فهد اووف ياساتر انا لو اعرف ان هيبقا الجو خنقه كده مكنتش جيت
ديما الجو خانقه عشان انت جيت لو مكنتش جيت كان هيبقا الجو تمام
فهد هوا اصلا خانقه عشان انتي هنا بتسحبي الاكسجين الي في الجو
ديما بقولك اي ياجدع انت سبني في حالي احسنلك عشان انت مش قدي وربنا يكفيك شر بنت من شبرا تحطك في دماغها ياابن الزوات
فهد طيب ماتحطيني في قلبك احسن
ديما بتقول ايه
فهد اقصد يعني اخرك هاتيه
جاسر باااس اي ده انتو عاملين زي القط والفار كده ليه نهي خدي ديما وسمر عشان تختارو فستان الخطوبه وغمز لها هما متفقين يختارو فستان لديما
نهي حاضر يلا يابنات
ديما احسن عشان اتخنقت
نهي خلاص بقا تعالي
نهي اختارت فستان جميل جداً وهادي سماوي وسمر اختارت فستان ازرق منفوش وجميل جدا
نهي قيسي ده ياديما
ديما نعم لا طبعا مش بلبس فستان والكلام ده
سمر عارفه يانهي سمعت فهد بيقول علي ديما عامله زي الشاويش عطيه
ديما ايه انا الشاويش عطيه
نهي ماانتي لبسك رجالي ومش مهتمه بنفسك بصي لازم نثبتله انك اجمل بنت فيه هنا بيوتي سنتر شامل فساتين وكوافير وكل حاجه
ديما لا ميهمنيش اثبت لحد جمالي
نهي وحياتي لو بتحبيني بجد وافقي
ديما تمام حاضر عشانك انتي بس
نهي قلبي ياناس يلا بقا
بعد وقت حوالي ساعتين ثلاثه الشباب قاعدين في كافيه منتظرين البنات
فهد انا زهقت كل ده بيعملو اي
جاسر ياعم انت وراك حاجه
فهد لا بس زهقت
سامر بنات بقا وبيختارو وكده زمانهم جايين هما عارفين اننا هنا
فهد طيب
لقو البنات جايين نهي وسمر قدام وديما ماشيه وراهم واول ماوقفو قدامهم
فهد اي البرنسيسه ديما مجتش ليه لسه فيه عطله تاني
البنات وسعو وديما ظهرت قدام فهد كانت انثي بمعني الكلمه جميله جدا ميكب سمبل وفستان جميل اووي وتسريحه شعرها تجنن ولون عيونها ظهرو مع الميكب
فهد مين حضرتك
ديما كمان مبتشفش
فهد نسيتو تغيرو لسانها
ديما هيرجع يلبخ اهو
فهد يابنتي لسانك مش لايق علي منظرك بس بصراحه زي القمر
ديما وشها بقا احمر من الكسوف
فهد وكمان بنتكسف اللهم صلي على النبي
جاسر بس بقا يافهد متكسفهاش وبعدين ديما من اول ماعرفتها عاهد ربنا انها اختي ومش هسيبها غير واطمن عليها مع انسان يحافظ عليها ومش هسمح لاي حاجه تزعلها
ديما ربنا يحفظك ويسعدك ياجاسر يارب
نهي يلا بقا نتغذا قبل مانشتري الشبكه
سمر اه جعانه جدا
راحو مطعم شيك جدا اتغدو واتكلمو وهزرو شويه وراحو علي محل الذهب كل واحد اختار شبكه عروسته
فهد اختار خاتم جميل جداً وراح لديما
فهد ديما تقبلي تتجوزيني
ديما...
ديما هتوافق ولا هترفض ولا ايه الدنيا هتمشي حلوه وسهله كده ولا حاجه هتيجي تزعلهم هنشوف بس تشجيع كتيرررر عشان الروايه لسه لحد دلوقتي ماشيه من غير ماازعلكم الي جاي اغلبه دراما مش هيبقا فيه رومانسي غير قليل وديما بقت بطله قصتنا مع نهي ولا اصلا ديما البطله هنشوف مين هتبقا جبروت نهي ولا ديما انتظروني اختكم
شيماء رمضان
