 |
رواية بينا معاد الفصل الخامس 5 بقلم منه محمدبينا معاد @الجميع البارت الخامس ✿ قصص منه محمد كاتب ✿ علي السفره مراد بسؤال: امال فين مخلص هاله: مشي من بدري مراد بهدوء :ناره انتي رايحه بعد الامتحان مع اصحابك للملاهي , بصحيح ناره: ايوه مراد مبتسم: ع العموم ,انا بلغت مدام داليا خدي راحتك ناره ببتسامه: الف شكر يا عمو مراد: جنه انتي كمان رايحه طبعا معاها, مش كدا؟ جنه: لاء مش هروح مراد: ليه مش هتروحي جنه: عندي مراجعه مع زمايلي ولازم احضرها ناره بمكر وخبث: بس الاحسن اننا نروح سوي جنه بلاش تسبيني لوحدي تعالي معايا بليز جنه سكتت وكملت اكلها بهدوء مراد قام: الحمد لله, اخرجوا يا بنات في اقل من خمس دقايق الجو برد البسو تقيل هاله: تمام يا حياتي, خارجين وراك , يله استعدوا يابنات بسرعه مراد اخد المفاتيح وهاله خرجت وراه ناره بستفزاز: انتي بقي بتحاولي تخرجيني عن شعوري , عارفه اني مش باكل فول بالبيض ,تقومي تعملهولي ع الفطار ,عايزه مزاجي يتعكر وادخل الامتحان معرفش احل ,طبعا عشان تبقي الاولي عليا دايما في كل حاجه .انا لو اكلت الفول دماغي هتقفل ومش هعرف احل جنه بهدوء وببرود :اظن فيه كذا صنف ,ليه ركزتي ع الفول ناره بوعيد: كمان بتردي ،بجد نفسي اطلع غضبي عليكي ,بس ملحوقه لان ابوكي واقف بره ............ جنه رجعت بعد المدرسه ع البيت جابت صنيه وحطت فيها اكل وكانت عامله رز باللبن وفتحت الباب من برا ع مخلص وقربت منه لقته قاعد بيترعش من البرد جنه بمنتهي العطف والحنان: خد كل وعملتلك رز باللبن عرفت انك بتحبه مخلص رافض يبصلها او يمد ايده وجنه بتمسكه المعلقه حدفها بغل وهي طلعت من كيسه كوفيه صوف ولفتها ع رقبته جنه ابتسمتله: كدا بقيت اجمل_حطت المعلقه في ايده_ يله انا هخرج ,وانت كول براحتك ,وكل سنه وانت طيب بمناسبه عيد ميلادك مخلص نزل وشه لتحت ونزلت دموعه بتهنئة بعيد ميلاده الي محدش اصلا مرحب بيه وبدء ياكل من الجوع وغصب عنه نزلت دموعه حسره ع حياته ................قصص منه محمد كاتب........... ناره خارجه هي واصحابها لقته قاعد قدام بابا مدرستها ع الدكه ناره: مخلص انت بتعمل ايه هنا؟؟ ولا جيت تديني شمسيه عشان الشتاء_ اخدتها منه_ بس تصدق حركه جدعه منك,, يله يابنات مخلص جاي معايا مخلص: لاء روحي انتي ناره: كدا همشي لوحدي يله يا بنات( مشت خطوه ورجعت لفت عليه بتعجب) في نفس اللحظه جنه كانت خارجه لقت الي فتح عليها شمسيه جنه اتفاجئت وبعدها سألته : مخلص ايه الي جيبك هنا! مخلص مردش ووشه مكشر جدا وحركلها عصايا الشمسيه بمعني امسكيها وجاي يتحرك جنه مسكته من ضهره: ممكن نستخدمها سوي يله بينا مخلص همشها ومشي ،وجنه طلعت تمد وراه بالشمسيه جنه: اقف بقي هتغرق من المطر مخلص وقف واخد منها شنطتها ورفعها ع كتفه وكمل مشي قدامها وهي بتحاول تحصله زقها براحه وطلع يجري منها وهي بتجري وراه وتنادي عليه لحد ما وصلوا البيت وطول السكه يضحك ويجري و دخل بعدها ناره سألته: مخلص فين شمسيتك مخلص ابتسم وبقي ينفض الميه من ع شعره ناره :هو ايه الحكايه ؟وايه الكوفيه دي كمان مخلص ابتسم وطلع يجري ع فوق ناره بصوت عالي: مخلص استني عندك كلمني بالليل مخلص خارج عشان يشوفها ويطمن عليها لقاها خارجه من االحمام ومره واحده وقعت اغمي عليها ضرب خدها ملقهاش بترد رفعها ع ضهره وطلع يجري ع اول عياده قابلته ودخل حطها ع السرير الممرضه: حرارتها عاليه جدا ازاي استنيتوا عليها كل ده؟؟ مخلص: انا لما لقتها وقعت جبتها ع طول الممرضه بتفتح زراير البيجامه ومخلص لف وشه والممرضه شدت البنطلون الممرضه: انا هعملها كمدات ع جسمها كله وانت راقبها معايا لحد ما تنزل حرارتها مخلص مبقاش عارف يعمل ايه ازاي يبصلها وهي شبه عريانه! الممرضه: انت واقف ليه ,انت مش بتقول انك اخوها مخلص : ايوه الممرضه: طب يله ساعدها, البنت سخنه ,والسخونيه خطر عليها مخلص خلع الجاكت ومسك الفوطه وبقي يمشيها ع جسمها كله ويقولها "متتعبيش " ولما نزلت حراراتها رفعها ع كتفه واخدها للبيت جنه لفت ايدها حوالين رقبته وبصوت همس: انت مخلص: انا ايه؟؟ جنه بهلوسه: ضهرك دافي وبيعجبني بجد مخلص فرح لكنه ميعرفش انها تقصد هشام لانه كان دايما لما تتعب يرفعها كدا ع ضهره ومخلص للاسف فكرها معجبه بيه ......... تاني يوم جنه بتلم الغسيل في الجنينه ومخلص قاعد ع سور البلكونه بيرسمها وجنه بصتلو وابتسمت وهو بادلها بشبح ابتسامه ومسك الرسمه وعملها طياره وطيرها عليها خبطت في دماغها ضحكت واخدتها لقته رسمها وهي بتنشر الغسيل وفضل يحدفلها ورق كتير ,يطير في الجو وهي تجري تلمه وتضحك في منتهي السعاده ,وهو راسمها لحد ما راحت تاخد اخر رسمه لقت جواب هشام الي مخلص رمهولها قبل كدا فتحته كان مكتوب فيها" جنه ليه مش بتتصلي بيا انا روحي متعلقه في اتصال" جنه نزلت دموعها ،ومخلص اضايق لانه فهم انها زعلانه ع هشام ولف راحلها ومره واحده اخدها في حضنه جنه بعصبيه: مخلص انت بتعمل ايه مخلص: انتي بتحبيني ومعجبه بيا ،ولا مش شيفاني ؟! جنه: ايه مخلص: بسألك انتي بتحبيني ولا بتكرهيني؟ جنه: طبعا بحبك زي اخويا مخلص بعصبيه: مش دي الاجابه الي عايز اسمعها جنه ضمت حواجبها: امال انهي اجابه؟! مخلص: بتحبيني كحبيب مش اخ جنه فتحت عيونها : مخلص انت بتقول ايه مخلص مسك دراعها وبرجاء: قوليها انتي بتحبيبني ولا بتكرهيني جنه نزلت ايده وبعدت منه ع وري وكشرت مخلص : عندي بكره مسابقه تبع الكليه ومش هاخد علبه الواني ,هسيبها هنا لو مجتيش مش هرسم اللوحه لكن لو جيتي ومعاكي علبه الالوان هعرف انك معجبه بيا زي ما انا معجب بيكي جنه: مخلص استني تاني يوم قبل ما تنتهي المسابقه جنه بعد تردد كبير اخدت علبه الالوان وراحت الكليه الي اول ما لمحها فرح جدا وطلع يجري ياخدها منها وهنا اتأكد ان جنه معجبه بيه ،وبدء يرسم اجمل لوحه في وقت قياسي وقدمها في المسابقه واخد جنه يرجعوا البيت!!! جنه: مين البنت الي رسمتها وسط الجنه مخلص: البنت دي تبقي انتي جنه: انا وليه رسمتني مخلص: بما انك معجبه بيا جنه بتلميح: وهتستني كتير مخلص: استني ايه؟؟ جنه: اعلان الفايز بس لو كسبت هقدملك هديه مخلص: انا اخدتها خلاص وانك بتحبيني مخلص راح يشرب من النافوره هي راحت وقلدته وعملت نفسه, وهو مد ايده يمسحلها اثار الميه وهي بعدت دماغها عنه وهو افتكرها مكسوفه منه وضحك وطلع يجري قدامها بالليل جنه دخلت اخدت شور وخارجه لقته واقف عندها في الفراند جريت تقفل الباب وهو عنف معاها وشدها جوه الفراند وحضنها وهي زقته بكل قوتها مخلص: فيه ايه هو انتي مش بتحبيني زي منا بحبك ولا ايه؟؟! جنه بضيق: مخلص خرج الكلام الفارغ ده من دماغك مخلص: كلام فارغ! بتحبيني ولا مش بتحبيني حالا تقوليلي جنه: انت ليه بتحبني؟؟!! مخلص: عشان انتي خلتيني احبك جنه عقدت حواجبها باستفسار : امتي عملت ده؟! مخلص: انتي اول حد يحن عليا, واول حد يعملي رز باللبن هديه لعيد ميلادي,, انا عمر ما حد حسسني اني بني ادم وجابلي هديه لعيد ميلادي ,ولا فيه بنت ابتسمتلي زيك وشجعتني ارسم واطلع كل مواهبي ,انتي الاولي وانا بجد بحبك ,وهايم في حبك انتي خلتيني كدا ليه رافضه مشاعري ,,بعد ما خلتيني احبك, ليه يا جنه بتتصرفي بطريقه مختلفه واتحملي مسؤليه الي عملتيه اتحملي جنه خافت لانها حست انه مختل او مريض نفسي ,وهو رجع حضنها بتملك لحد ما هي زقته وهو خطفها تاني لحضنه ناره بتنادي: مخلص انت فين؟؟ مخلص مبقاش عارف يستخبي يروح فين ,وبسرعه نط من البلكونه وصرخ وجنه راحت تشوفه ناره دخلت الفراندا: ايه الصوت ده؟ وليه مخلص بيصرخ جنه قفلت الفراندا برتباك ووقفت قدامها : ولا حاجه ناره: اتحركي جنه: اخرجي عايزه البس هدومي ناره خبطتها في كتفها : طيب ياختي مش بتخرجيني من الجنه ...................قصص منه محمد كاتب............... جنه قاعده بتكتب رساله لهشام لقت الي شدتها من قدامها ناره بسخريه: هشام انت كويس جنه شدتها منها بانزعاج لانها اتعدت ع خصوصيتها ناره بوقاحه: هو هشام ولا مخلص جنه اتكلمت بنفعال: قصدك ايه؟؟!! ناره بطريقه مستفزه: قصدي استوليتي عليهم الاتنين ,واقربها العرض الي عملوه اخويا امبارح قدام المدرسه باليفطه ,الي بيسألك ياتري بتحبيه جنه: راقبي الي بتقوليه ناره وهي ناويه تستفزها وتولعها وتقهرها : عملتي ايه لـأخويا خلتيه يتعلق بيكي ويخاف عليكي رغم ان انا اخته من دم واحد, بس عمره ما اهتم بيا كدا ,دي دنائه وطفاسه ووقاحه منك جنه : اخرسي ناره: هو انا لسه قلت حاجه اممم علاقه بينك وبين اخويا ,, اممم ياتري لو هشام عرف بده ياتري هيعمل ايه ؟بجد نفسي اشوف رئكشانات وشه( خطفت الجواب) هشام بسأل كتير ياتري عامل ايه من غيري ,اكيد حزين ووحيد هشام كلمني في اي وقت تكون محتاج لصديق ) ياتري انتي بقي الصديق بجد بستغرب جنه لطشتها بالقلم وناره ردتلها نفس القلم وجنه حطيت ايدها على خدها ناره بصتلها بحده وكره : ايدك لو اتمديت عليا تاني هقطعهالك ,يا صايعه جنه كل الشياطين بتتنطط فوق راسها وبصريخ هز البيت : اهو انتي ناره شدتها من شعرها وجنه عملت نفسها وطلعت فوقيها وضربتها بغل ناره: اه يا سافله يا صايعه سبيني جنه ضربتها في كتفها بقوه: ان هموتك مالك بيا مالك ناره بصوت عالي صرخت : بقولك سبيني يا متوحشه جنه: لما تقولي انا اسفه ناره رفعت حواجبها بستفزاز: بتحلمي مراد دخل: جنه سبيها( شدها) ايه التصرفات دي ناره عيطت: بابا مراد جنه ضربتني ع دماغي وشتمتني شتيمه وحشه اوي مراد بصلها بدهشه: صحيح الكلام ده جنه عيونها لمعت بالدموع: بابا متصدقهاش محصلش زي ما بتقول دي كدابه ناره حضنت امها: ماما بهدلتني هاله زقتها: ناره عملتي ايه لـ اختك _وبصتلها بدور الحنيه_ جنه حبيتي انتي كويسه جنه حدفت ايدها بكره وزقتها بنفعال وهاله بصت لمراد مراد لطش جنه بالقلم: ايه التصرف ده, اتجاه والدتك انا خاب املي فيكي ؟ هاله: اهدي يامراد دي عيله جنه بصتله بلوم انه صدقهم وطلعت تجري ع برا وزقت مخلص الي واقف وهو راح وراها .......قصص منه محمد كاتب............. جنه بعد ما ابوها لطشها بالقلم ودي كانت اول مره يمد ايده عليها 'بسرعة جريت ع الشارع راحت لـ اقرب كابينه تلفون وضربت الرقم وجالها صوته الي حرفيا وحشها جدا جنه بصوت مبحوح:هشام هشام بصوته الملهوف الي مليان اشتياق:جنه وحشتيني جنه مسكت دموعها بالعافيه :وانت كمان يا هشام، وانت كمان هشام بعتب:لما هو كدا ليه مش بتتصلي بيا،لو فيه حاجه احكهالي متسبنيش كدا ،هتجنن كل يوم عليكي جنه اترددت كتير تحكيلو عن عذابها المستمر يوميا لانها عارفه لو قالتلو هيسيب كل حاجه ويرجع وتبقي جنت ع مستقبله وده الي لا يمكن تسامح نفسها عليه جنه اغتصبت ابتسامه في نبره صوتها وردت عليه: لاء هيكون حصل ايه يعني ،هشام متقلقش انا كويسه هشام بقلق:لما هو كدا بتعيطي ليه دلوقت جنه: انا مش بعيط هشام بأصرار : لاء بتعيطي يا جنه بجد لو مش هتقولي ح يجن خلاص جنوني جنه وماقدرتش تمنع شهقاتها ودموعها نزلت شلال من عيونها :ايوه بعيط من شوقي ليك هشام:جنتي تحبي اجيلك ع اول طياره جنه :لاء انا كويسه ،بس هقفل اصل المده خلصت ومعيش فلوس زياده اصلي نسيت المحفظه في البيت مع السلامه يا هشام حطت السماعه ولمت الفلوس الفضه وفضلت تبكي وتعيط ومخلص اخدها ورجعها البيت الي رفضت تدخلو واعدت مقرفصه علارض، وحطت راسها ع ركبها وعيطت ومخلص قلع الجاكت الجينز يحطه عليها من البرد جنه انتفضت وقامت تزعقله بصوت مخنوق : انت ليه بتعمل معايا كدا؟ انت ميصحش تعمل معايا كدا ,انا اختك الصغيره ,ومهما كان مدي اعجابك بيا انت عارف انه مش هيحصل لاني بعتبرك اخويا ,ليه كل واحد بيخليني اعاني بالشكل ده مخلص ظهرت علامات الضيق على ملامحه.... وجنه أأعدت تاني ع الارض ودخلت في مرحله انهيار تام ,مخلص حط الجاكت عليها وقرفص علارض جنبها ناره من فوق: امي يظهر مخلص وجنه ماشين مع بعض ,ده النهارده راحلها قدام المدرسه ورافع يافطه هاله ابتسمت اوي: سبيهم يحبوا بعض ،ده جاي لصالحك انتي ناره بعدم فهم: فهميني ازاي لصالحي هاله نفخت بضجر: اه يا غبيه ,,يعني لو الاتنين دول حبوا بعض مين هياخد مكانها عند هشام,, وتبقي حرم هشام ابن المليونير ناره وهي مبسوطه على الاخر : عندك حق هاله بتريقه : هتدخلي معايا ولا هتقفي تكملي فيلم تيمور وشفيقه الفصل السادس من هنا |
بدل ماتدور وتبحث علي الروايات خليها علي تليفونك وحمل تطبيقنا
