رواية ابي ف حضن خطيبي الفصل الثاني 2 بقلم محمد السيد
ابي ف حضن خطيبي 👤🕯️(الجزء التاني)
عمر عمر فيك اي ياااا عمر.. عمر انا خايفه في اي ؟! اي اللي بيحصل ولا في اي قول يا عمر انت خوفتني ..وفجاه لقيت عمر بيطلع أيده ناحيه المدخل من جوه ويقول اهي اجت رجعت تاني بعد ما كسرت بقلبي رجعت رجعت
ف الوقت دا انا كنت بترعش وقلقانه وخايفه ابص وأشوف اي دا لكن حاولت ع اد ما اقدر املك اعصابي لكن اول ما بصيت هناك لساني وقف من اللي شوفته ..
شوفت دم علي الارض لدرجه ان الأرض مش باينه من الدم كان بحر من الدم والدم كان مشخبط به ع الاسانسير ومكتوب علي الحيطان كلها حوليه ساره في كل مكان وفي امضاء تحت مكتوب حرف إ
وبعد دا كدا سمعت حد اصوات كتير بتنده وتقول ساره وانا مش قادره اتكلم لحد فجاه لقيتني بصوت عشان اشوف بابا وماما وعمر جمبي ع السرير بيصحوا فيه
اي دا هو انا فين ؟!!!!اي اللي حصل ! فين الدم مين اللي كاتب اسمي ع الحيطه انا ازاي جت هنا في اي ..
شيرين: اهدي يا ساره يا حبيبتي انت بس الظاهر تعبتي واغم عليكي وعمر نده علينا واخدناكي ع اوضتك لحد ما فوقتي دلوقتي
ساره اغم عليه ازاااي واللي شوفته واللي عمر شافه ما تتكلم يا عمر في اي انت مش بتقول حاجه ليه
عمر: اهدي اهدي يا ساره انتي الظاهر منمتيش من الفرحه ولا اي يا بنتي وشوفت اي
انت اكيد كان بيتهيالك يا بنتي انا ملحقتش اتكلم معاكي دا انتي فتحتي الباب ولقيتك وقعتي من طولك بعدها
حسن: الظاهر يا ساره انك تعبانه يا حبيبتي نامي ومتقلقبش انا هفضل مع عمر
عمر : متكشر جدا يا عمي بس انا الحمدلله اطمنت ع ساره دلوقتي فهروح وان شاء الله لينا لقاء تاني باذن الله
حسن : معلش والله يا ابني وانت البيت بيتك وتقدر تشرفنا في اي وقت .
وفضلت شيرين وحسن يتكلموا مع عمر وانا كل دا مش سامعه ولا حسه باللي بيحصل معايا زماني ف دنيا تانيه لدرجه ان مش قادره حتي ارد على عمر
وفي تاني يوم :...
صباح الخير يا ابو عليييي يا حبيبي ....صباح النور يا شيري .
في الوقت دا حسن وشيرين كانوا مستغربين جدا وبيبصوا علي ساره اللي حالها اتشقلب مره واحده من امبارح لحد دلوقتي وصاحيه عادي ولا كان في حاجه
ساره: في اي يا شيرين بتبصوا عليه كدا ليه في حاجه
شيرين : لا يا حبيتي مفيش حاجه احنا مستغربين بس انك صاحبه بدري وانتي ف اجازه يعني مش ف العاده انك بتصحي بدري كدا
ساره: اي يا شيري انتوا نسيتوا ولا اي انت نسيت يا بابا أنت كمان !!
حسن: لا يا حبيبتي منستش اكيد بس فكريني لان ممكن قولتيلي وانا مش اخد بالي انتي عارفه الضغط اللي انا فيه
ساره: اي يا بابا مش قولت أن هتقابل عمر انهارده عشان يقابلك ونشوف هنعمل اي نسيت يا ابو علي ولا اي
شيرين : عمر ..عمر اجي امبارح يا ساره انتي مش فاكره ولا اي
ساره: اه فاكره طبعا يا ماما دا يوم يتنسي عمر اجي امبارح واعد معاكي انت وبابا وبابا وافق علي كلامه وعمر وافق ع شروطنا واتفقنا أن انهارده الجمعه هننزل نجيب الشبكه وعمر يخلينا نشوف شقته اللي صاحبه علي كان سبها ليه وقال إن لازم نروح نشوفها اول عشان نشوف هنغير فيها حاجه ولا اي عما عمر يشوف هيعمل اي وربنا يكرمه ويجبلنا شقه ليه ولوالدته تكون قريبه من شارع الجامعه
شيرين وحسن مستغربين اللي بيسمعوا ومش عارفين في اي واي الكلام اللي ساره بتقوله دا وعمر قال الكلام دا أمتي بس ف نفس الوقت خافوا يكذبوا ساره أو يقولوا اللي حصل امبارح عشان فقرر حسن إن يكلم عمر ويقوله علي اللي حصل
وعالطول حسن كلم عمر وقاله
حسن : الو يا عمر يابني اخبارك اي ؟!
عمر : الحمدلله يا عمي أخبار حضرتك اي وساره عامله اي كانت بترن عليه بس انا كنت بره بكشف علي والدتي معرفتش ارد عليها
حسن : ساره ااه ساره الحمدلله كويسه بقولك يا عمر هو انت كنت قولت لساره امبارح ان هتنزل تجيب الشبكه انهارده وكلمتها ف حكايه الشقه بتاعه علي صاحبك
عمر : لا انا مكلمتش ساره خالص بخصوص الشبكه بالعكس كنت سايبها مفاجاه ليها بعد ما نتفق أن شآء الله أن ننزل انهارده نجيبها بس اللي حصل لساره خلنا زي ما انت عارف منعرفش نتكلم .. وحكايه شقه علي دي ساره عرفتها منين انا مكلمتهاش ف الموضوع دا قبل كدا وعمر ما جبت معاها سيره الشقه ولا سيره علي صاحبي
حسن : ازاي اومال ساره جابت الكلام دا منين وعلي الكلام اللي بتقوله انك مقولتش لساره بس الكلام دا حقيقي بتاع الشبكه كنت ناوي تعمل كدا وصاحبك علي دا بردوا
عمر : اه بس ازاي . انا عمر ما جبت سيره علي لساره
حسن : ممكن علي زميلك كلمها يا عمر ولا حاجه وانتوا في الجامعه وقالها ع حكايه الشقه دي وميعرفش انك مقولتلهاش
عمر: مستحيل ساره عمرها ما شافت علي ولا هتشوفه علي صاحبي اتوفي ف حادثة ف الاجازه بتاعه الترم الاول واحنا ف اول سنه ف الجامعه وساره كانت لسه مدخلتش الجامعه اصلا
حسن : ازاي يا عمر وازاي يحصل كدا في حاجه اكيد غلط انا لازم اشوفك
عمر : حاضر يا عمي انا هجيب لوالدتي بس العلاج وهكون عن حضرتك عالطول
وبعد ساعه رن جرس الباب
حسن : افتحي يا شيرين دا اكيد عمر
ساره: عمر اانا اللي هفتح
اخيراا يا سي عمر حتي مش بترد عليه انا هوريك يا عمر ازاي متردش عليه
واول ما فتحت لقيت الاستاذ عمر وهو بيضحك ويقول : اكيد كنتي بتشتمي في سرك يا ست ساره واكيد لسه هستني العقاب اللي هاخد عشان مردتش عليكي
ساره: وااالله ..لا شاطر اوي يا دكتره مدام عارف كدا مش بترد عليه ليه اي ؟!؟؟
عمر وهو بيبتسم وبيبص في عين ساره ... انا اسف يا أستاذتي القانونية سماح المره دي
حسن : اي يا ساره انتي هتسيبي عمر كدا ع الباب كتير !!!!
اتفضل يا عمر يا بني
وانتي يا ساره اندهي مامتك وقوليلها أن عمر اجي
ساره: حاضر يا بابا
روحت اشوف ماما وانا حاسه ان طايره من الفرحه وفي ضحك طفل صغير جوايا كان فرحان بلعبه جديده
أو كان عصفور محبوس خرج وعايز يرفر ف السما من الفرحه
يا شيري انتي فين يا شيري طول النهار ف وشي ودلوقتي اختفيتي
ودخلت علي اوضه شيرين وو ... .و .
....ومكنتش قادره اتكلم من اللي شوفته ماما غرقانه ف دمها وفي طعنات كتير في ضهرها لدرجه ان العضم اللي ف ضهرها باين مش قادره مش قادره اوصف الموقف مش قادره اقول اي اللي شوفته مش عارفه اتحرك من مكاني وبقيت بجري واقع من كتر ما رجلي مش قادره تشيلني م اللي شوفته وطول ما بحري بنده لبابا ونزلت سلم الغرف يعتبر زحف لحد ما نزلت الدور الاول عشان انده لبابا بسرعه ولما نزلت حصلي زهول من اللي يشوفه عمر بيحضن بابا بطريقه غريبه وصوته متغير كانه بنت وبيحضن ف بابا ويتكلم كلام غريب وانا مش فاهمه لان مش مستوعبه الصوت و وماسك ف أيده سكينه كلها دم وفجاه وبدون اي مقدمات غرز السكينه ف ضهر بابا بوحشيه وبيضرب كذا مره وبابا بيصرخ في أيده وهو مش بيسكت دا بيزيد وبيضىرب بوحشيه اكتر وفجاه لقيته حدف بابا بقوه علي ع الأرض والدم كله حوليه وانا كل دا أعده ع الأرض كاني مربوطه بسلاسل ولساني مقطوع وفي الوقت دا هو بصلي وبيحري ناحيتي وهو بيبتسم ابتسامه مرعبه وعينه حمره ووشه ونظراته مش قادره اوصفها وقرب مني ورفع السكينه وفجأة .....
لو عحبتكوا القصه اكتب تم وشاركني برايك وان هنزل الجزء الثالث ف اقرب وقت
وشاركوني بتعليقاتكم وشايفين اي سبب أن يحصل كدا لساره وكل اللي بتعيشوا دا ليه وهيكون مين عمر دا ؟! واي سر أهل ساره اللي يخليهم يحصل فيهم كدا!!!🤝🏻🤔
لمتابعه باقي الروايه زورو موقعنا على التليجرام من هنا
