رواية حب الهلال الفصل الحادي عشر 11 بقلم سما
نجمه بدموع...بقولك سمعت بوداني دي الريكورد وهو بيقول انه بيمثل وان كل داةفيلم عليا عشان هدف معين وانه بيتسلى مش اكتر
هاجر بصدمه...ازاي بس طب ليه عمل كدا
قاطع كلامهم دخول خالتها...
صفيه جريت عليها...يالهوي ياقلبي مالك
نجمه وهي بتمسح دموعها...متقلقيش ياحبيبتي
صفيه...هنتكلم بس بعد الفطار يلا قوموا معايا
قاموا معاها يحضروا السفره والاذان اذن وفطروا...
༺༺༺༺༺༻༻༻༻༻
عند هلال...
قاعد على السفره هو وهبه...
هبه...نجمه عامله ايه
هلال بأنتباه...ها اه كويسه الحمدلله
هبه بأبتسامه...ابئا هاتها تاني
كان هيرد بس قاطعه فونه الي رن قام ورد وكان ايمن دراعه اليمين...هلال بيه نجمه هانم لسه مرجعتش
هلال بغضب...يعني ايه بعني لسه مرجعتش
ايمن...والله ما اعرف يا هلال بيه
هلال قفل معاه وقعد يفكر كتير..
هلال..لقتها خلاص
اتصل على المسؤل عن ال Cv في الشركة وطلب منه رقم والد نجمه من الCv...
جابو واتصل عليه...
محمد...ايوه مين
هلال...محمد بيه
محمد...ايوه انا
هلال... انا هلال الخولي مدير نجمه كنت حابب اعرف سبب تغيب الانسه نجمه عن الشركة
محمد... اهلا بيك يابني هي مستأذنتش
هلال بتوتر...لا استأذنت لكن هي مهمه ف قررت اني استفسر اكتر عشان لو في حاجه واقدر احلها
محمد...لا لا خالص هي بس مسافره عند ناس قرايبنا
هلال بغيره...نعم ازاي
محمد بأستغراب...خير في حاجه
هلال...لا لا مافيش طيب شكرا لحضرتك
محمد...العفو ياهلال بيه
قفلوا سوا وهلال الغيره تنهش قلبوا...
حاول يرن عليها اكتر من مرا لكن فونها مقفول...
༺༺༺༺༺༻༻༻༻༻
عند نجمه...
بعد الفطار قعدت هي وخالتها في البلكونه...
صفيه...بتحبي؟!
نجمه بسرحان...للأسف حبيت
صفيه...احكيلي
حكتلها كل حاجه لأنها بترتاح لخالتها اوي...
صفيه خدتها في حضنها...اهدي ياقلب خالتك هو ميستهلكيش
نجمه...فعلا بس ليه عمل كدا هتجنن
صفيه...كان لازم تستني تفهمي منه بردو
نجمه...افهم ايه ياخالتو والريك سمعتوا بوداني
صفيه...طب اهدي ياحبيبتي وادخلي ارتاحي شوية
نجمه...حاضر ياحبيبتي
دخلت الاوضة ترتاح شويه كانت هتفتح الفون لكن قالت لا ونامت...
༺༺༺༺༺༻༻༻༻༻
عند علا...
وائل...مالك ياحبيبتي
علا...عماله ارن على نجمه مش بترد انا قلقانه عليها اوي
عايده...كلمي نادر اسألي عليها
علا رنت على نادر وهو رد على طول...
سلموا على بعض وسألتوا على نجمه...نجمه مش بترد عليا وفونها مقفول هي فين
نادر...راحت لخالتو في الغردقه
علا بأستغراب...مقالتليش
نادر...انا مستغرب بردو لأننها قالت لبابا وهي برا وهو وافق وهي سافرت على طول
علا...مش عارفة طب هي كلمتكم تاني
نادر...اه اول ما وصلت
علا...طيب لو كلمتكم تاني قولها تكلمني
نادر...حاضر يالولي
༺༺༺༺༺༻༻༻༻༻
عند هلال قاعد مخنوق مش عارف يتصرف ازاي وكل ما يرن عليهاا يديلوا مقفول..
بعتلها مسج على امل لما تفتح تشوفها...
»انا معرفش ايه الي حصل لحد دلوقتي ومش فاهم بس كل الي عاوزك تعرفي اني بحبك يانجمه ومن زمان اوي بحبك حب ما يتوصفش انا ممكن اكون عملت حاجات كتير غلط انا مش ملاك بس الا اني اتسلى بيكي انتي متعرفيش انتي ازاي ساكنه جوا قلبي نجمه انا اه متحكم بس والله من غيرتي انا بحبك يانجمه صدقيني لو بتحبيني افتحي فونك و ردي عليا«
قفل الفون وفضل قاعد مستني على امل انها ترد...
༺༺༺༺༺༻༻༻༻༻
عدا يوم كام على نجمه في بيت خالتها وجه تاني يوم قبل الفطار بساعتين قررت تنزل على البحر...
نجمه...خالتو انا هنزل شوية على البحر لحد ما هاجر تيجي
صفيه...ماشي ياحبيبتي خدي بالك من نفسك
نزلت نجمه وراحت على البحر...
...
عند هلال في نفس الوقت فاض بيه واتصل على واحد معرفه وبعتلوا رقم نجمه وقالوا يعرفلوا مكانها..
...
عند نجمه...
راحت على البحر وجابت زلط وقعدت قدام البحر...
نجمه...ياترى فاكرني طيب مشتاقلي ليه عمل كدا انا بحبو طلاما محبنيش عشمني ليه
فضلت قاعده تحدف زلط في البحر ودموعها بدأت تنزل...
فتحت فونها ورنت على علا لما شافتها رنت عليها كتير...
نجمه...ايوه ياحبيبتي عامله ايه
علا بلهفه...نجمه اخبارك ياقلبي انتي فينك طمنيني عليكي
نجمه...اهدى اهدي انا كويسه والله
...
عدا نص ساعه
عند هلال...
الشاب...حضرتك دي في الغردقة في ****
هلال...تمام شكرا جدا
قفل معاه واتحرك بسرعه وحجز طيران عشان يوصل بسرعه..
...
عند نجمه بعد ما خلصت كلام ما علا نزلت على البحر تقعد شوية...
عدا ساعتين ووصل هلال الغردقة وبعد نص ساعه وصل بيت خالة نجمه...
خبط وخالتها فتحت...مين حضرتك
هلال بهدوء...نجمه موجوده
صفيه...ايوه مين
هلال...انا هلال الخولي
صفيه عرفتوا وقالت بعصبيه...وعاوز ايه بئا
هلال بهدوء...هفهم حضرتك كل حاجه بس لازم اقابلها هي فين
صفيه...مش هنا نزلت ومش هقولك فين
هلال...ارجوكي والله انا بحبها فوق ما تتصوري ولازم اتكلم معاها وافهمها
صفيه حست بكلامه بصدق وقالت...طيب هي على البحر هنا في شاطئ **** بس قسماً بالله لو عملت حاجه تضيقها مش هيحصلك كويس
هلال بسرعه...صدقيني انا بحبها وعمري ما افكر اذيها
نزل بسرعه وراحلها...
فضل يبص لحد ما شافها قاعده على الرمل لوحدها...
مشي ببطئ وهي قاعده تفكر في قد ايه واحشها...
عمال يقرب يقرب ببطئ وكأن الزمن بيمشي ببطئ شديد مشهد ينطبق عليه اغنيه سبت فراغ كبير...
الاتنين بيفتكروا ذكرياتهم سوا كلها من سنين...
فلاااش باك...
نجمه...هلالي هتسبني
هلال بحنيه...وردتي انا معاكي لحد ما نور الهلال ينطفي
نجمه بحب...وانا جنبك لحد ما ادبل
بااااك...
وصل عندها اخيرا مسك كتفها وهي لفت بخضه بسرعه...
عيونهم اتلاقت وكأنهم بقالهم زمن مشوفش بعض نظرات شوق وعتاب وحب وحزن...
نجمه...هـ ـهلال
هلال شدها بسرعه وحضنها وفضل حضنها كتيير...هلال حزين يانجمه انتي بعيده عني مش كفايا السنين الي بعدنا عن بعض فيها ملحقتيش تفهميني بعدتي على طول
نجمه زقته فجأه وقالت بغضب...وانت خلييييت كلااام ما كل الكلام اتقاااال
هلال بصلها وقرب منها زقته...
فجأة اتحول وصوته علي والغضب اتمكن منه...نجمهههههه قسما بالله لو ما حكيتي الي حصل والي عرفتي لهتصرف تصرف مش هيعجبك انا بحلف قسم بالله وانا حلفاني مش هينزل الارض مش عاوزك تشوفي هلال الخووولي على حق لأنك هتكرهي اليوم الي عرفتيني في ساااااامعه
نجمه بصتلوا بصدمه وخوف من صوته العالي...
البحرزموجه اترفع والهوا بئا شديد وفجأة الدنيا مطرت مطر كتير والهوا بئا شديد بئا ينزل تلج مع المطر...
نجمه بخوف...هلااال اللحقني
هلال بخوف عليها...تعالي
مسك ايدها وضمها...متخفيش
الجو كان منظره مرعب مع حركة الموج القوية وسوت البرق والرعد...
نجمه برعشه...عرـ عربيتك مـ معاك
هلال...لا انا جاي بطيارة عشان اجيلك بسرعه
نجمه...يلا نوقف عربية نروح بيت خالتي
حاولوا يوقفوا عربية لكن الشارع في ثانيه قفل والناس بقت تجري بالعربيات تلحق توصل من منظر الجو...
نجمه بخوف...وبعدييين بيت خالتي بعيد عن هنا لازم نركب
هلال حضنها...متخفيش هنتصرف
خدها وفضلوا يمشوا كتير لكن الجو كان ساقعه ونجمه سقعت وتعبت من الجو وبدأت تقع..
هلال بخوف...خليكي فايقة يانجمه
نجمه بتعب...مش قادرة ياهلال تعباانه
هلال بسرعه شالها وفضل يمشي بحذر عشان المطر الي في الارض...
نجمه بتعب...هنعمل ايه
هلال...اهدي يا حبيبتي هنتصرف
فضل شايلها وماشي لحد ما شاف كوخ من الاكواخ الي بتتأجر على البحر فضل يخبط في الباب لحد ما اتفتح دخلها في بسرعه عشان يفوقها...
هلال...نجمتي فوقي ياقلبي
نجمه بتعب...انا برداانه
هلال قلع الجاكيت بتاعه ولبسهولها وفضل بالقميص...
فضل يدور في الكوخ على اي حاجه مافيهوش غير سرير ودولاب فاضي وحمام..
عدا شوية وفضلوا يحاولوا يلقطوا سجنل لكن كانت قاطعه خالص...
نجمه بتعب...كلو بسببك
هلال بصلها شوية وفضل يضحك...وهو انا الي خليت الجو كدا
نجمه بتعب...ما هو لو انت مكنتـ..
فجأة قطع كلامها صوت البرق والرعد...لاااا هلال
وحضنته بسرعه...
هلال بضحك...شوفتي انا الي عملت كدا بردو
نجمه بغيظ وضربته...بس بئا
هلال بحنيه...انا بحبك
نجمه بدموع...اوماال ليه عملتت كدا
هلال...انا لازم افهم عملت ايه
نجمه...وصلي ريك وانت بتقول في اني تسليه بالنسبالك
هلال...هاتي الريك
نجمه...ليه
هلال...هااتي
نجمه فتحت فونها وجابت الريكورد...
الريكورد...انا بتسلى حب ايه انا بس كنت عاوز اكسرها بغرورها دا فكراني هسكتلها لما تغلط فيا نجمه دي مجرد تسليه انا يومين بالكتير وارميها واخطب ميرنا
هلال سمعه وبصلها...وانتي على طول صدقتي
نجمه...مش دا صوووتك
هلال...لا
نجمه...ازاي
هلال...دا نبرته رفيعه عني وانا نبرتي خشنه اكتر
نجمه...اه اتحجج ومين لي مصلحه يعمل كدا
هلال...ميرنا مثلا
نجمه...ليهههه
هلال بغضب...يمكن عشان بتحبني مثلااا
نجمه بغيظ...بردو مش مصدقة
هلال بغضب...تمام وانا بكره هثبتلك اذا كان صوتي ولا لا بس المطر يبطل ونرجع
خرج هلال من الكوخ وهو غضبان...
نجمه...انا هخليني وراه لحد ما اعرف الحقيقه دي
عدا وقت ولسه مدخلش ف هي خرجت برا تشوفوا...
نجمه...هلال
هلال لفلها بغضب...انتي ازاي تخرجي في الجو دا انتي مش تعباااانه
نجمه بغيظ...خرجت اشوفففك عشان الجو
هلال شدها ودخلوا الكوخ...
قلع القميص كان اتغرق وهي غطت عيونها...
هلال بغضب...اتبل اعمل ايه
نجمه...خلاص خد الجاكيت واانا هتغطى بالغطا الي على السرير دا
هلال...طيب
عملوا كدا وهلال جسموا بدأ يرتعش وهو قاعد على الكرسي الي في الكوخ...
نجمه...احم هلال
هلال...خير
نجمه...تعالى على السرير انا مش هنام
هلال ما صدق وراح جنبها وهي فضلت قاعده...
نام هلال من التعب وبعد شوية هي خفيت على دراعه من غير ما تقصد..
༺༺༺༺༺༻༻༻༻༻
في بيت خالتها...
صفيه بخوف...يلهوي اعمل ايه ياترى انتي فين يابنتي في الجو دا
هاجر...اكيد مش عارفة تيجي
صفيه...وهلال دا هيكون فين ولا عمل ايه
محسن بغضب...مش عااارف ازاي سمحتي انه يروح لها دي امااانه عندنا فاااهمه امااانه
صفيه بخوف...والله ما كنت اعرف ان الجو هيكون كدا
روئه...اكيد الجو هيبئا حلو كمان شوية وتيجي
صفيه...بس اهم حاجه خالتكم متعرفش حاجه وان شاء الله ترجع ربنا يرجعك يابنتي
هاجر...حاضر ياماما حاضر
محسن...انا مش عارف انزل ادور عليها ولا لا بس انزل ادور فين في الجو داا يارب
༺༺༺༺༺༻༻༻༻༻
الساعه ١٠الصبح..
في كوخ هلال ونجمه...
هلال فتح عيونه وحس بتقل على صدره...
بص على نجمه كانت نايمه على كتفه وحاطه دراعها على صدره...
ابتسم وتخيل لما يتجوزوا ويصحى على وشها مل يوم...
نجمه بدأت تفوق وبصت عليه وفجأة فتحت عيونها جامد وقامت...ايه دا مقصدش والله النوم غلبني
هلال بهدوء...حصل خير
نجمه بصت من الشباك...المطره وقفت
هلال...اه
نجمه...وقميصك نشف
هلال...قومي اعدلي هدومك وطرحتك وانا هلبس القميص عشان نمشي
نجمه...حاضر
هلال رتب الكوخ تاني ولبس القميص وحط مبلغ من المال لصاحب الكوخ...
نجمه خرجت...جهزت ايه الفلوس دي
هلال بغرور...هلال الخولي ميقعدش في مكان من غير ما يدفع حق قعدتوا
نجمه بضحك...مغرور
وخرجت على طول...
خرج وراها وتلفوناتهم لقطت سجنل ولقوا اهلهم اتصلوا عليهم كتير...
هلال...لو تعبانه افطري
نجمه...لا هكمل صيامي
هلال...وانا طب يلا عشان اوصلك
ركبوا تاكسي..
وصلوا لبيت خالتها هلال مشي بعد ما بعتت لي الريكورد...
طلعت فوق لخالتها وهي فتحت على طول...
صفيه حضنتها...نجمه يابنتي انتي بخير
نجمه...انا بخير ياخالتو
دخلت وهما فضلوا يسألوها وهي حكت لهم على كل حاجه...
محسن...طيب يابنتي حمدالله على سلامتك بس خلاص بئا لو اثبت الحقيقه يجي يتقدم لأهلك
نجمه...حاضر يا حبيبي انا هدخل اريح شوية
༺༺༺༺༺༻༻༻༻༻
عند هلال...
كلم مامته طمنها عليه...
وبعدين كلم واحد يعرفوا وقالوا يعرف الريكورد دا بصوته ولا شغل فبركه...
بعد ساعتين...
الراجل...ياباشا دا فبركه
هلال...ازاي
الراجل...بص ياباشا خدوا نبرة صوت حضرتك وركبوها على نبره صوت تانيه وخلو يتكلم ف بقت زي صوت حضرتك بس عمرها ما تبئا طبق الاصل
هلال...طب عرفت تشيل نبرة صوتي من على الراجل دا
الراجل...اه طبعا لحظه هبعت لحضرتك الريكورد الاصلي
بعتهولوا وهلال كان مسجل المكالمه كلها...
بعد الفطار رن على نجمه وقالها انه تحت البيت تنزلوا...
نجمه...عمو محسن هلال تحت وبيقولي جابلي الدليل ينفع اقابلوا
محسن...خلي يطلع
نجمه...قولتلوا وقالي لا وانه مش هيأخرني
هاجر...خلاص وافق يابابا
محسن...ماشي يابنتي هنبص عليكي من البلكونه عشان نكون مطمنين
نزلت على طول وهي نفسها يطلع كدب...
༺༺༺༺༺༻༻༻༻༻
هلال...ها سمعتي الصوت
نجمه بكسوف...احم هلال هو انا بجد كان قريب من صوتك
هلال بسخريه...مش عارفة تفرقي نبرة صوتي دا بعيده جدا عن نبرتي حتى محاولتيش تفهمي حتى لو انا الي قولت كدا كنتي تفهمي
نجمه بكسوف وحزن...والله مقصدش
هلال...انتي اتسرعتي بس خلاص تمام كدا
نجمه بقلق...يعني ايه
هلال بقسوة...يعني يانجمه كل واحد من الطريق الي يريحوا سلام
استوووووووووووووووووب...
༺༺༺༺༺༻༻༻༻༻༻
اولا كل سنه وانتم طيبين وبخير وسعادة وعيد سعيد عليكم...
التأخير كان بسبب العيد وانتو عارفين بئا...
بالنسبه للأحضان وكدا ف دي مجرد رواية ملهاش علاقة بالواقع ربنا يحفظنا جميعا يارب...
لمتابعه باقي الروايه زورو موقعنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
