.jpeg)
رواية حكاية رغدة كاملة
اسكريبت
=يارب امتياز يارب ....مش عشاني لأ....عشان لما اجاي اذاكر لعيالي اقلهم امكم كانت بتجيب امتياز .
_ياختي طب متذاكري طالما عايزة تجيبي امتياز .
=انا بحب المذاكرة بس هيا مش بتحبني وانا بصراحة كرامتي متسمحليش اقعد مع حد مبيحبنيش .
_طب خدي ياختي جبتلك النتيجة بتاعتك اهي .
=بابا قلي لو طلعت الاولى على الدفعة هيدب*حلي خروف .
_هوا فعلاً هيد*بح بس هيدب*حك انتي شخصياً.
قلت بخضة=ليه؟!! جبت كام ؟
_45%
=الحمدلله طمنتيني .....اييييه جبت كاام؟!!!
لاقتها بتضحك وبتقول _شكلك يفطس من الضحك ،جبتي 90% ياختي وانا زيك لاسف.
=منك لله قطعتيلي الخلف .
_طب يلا عشان تعزميني على عصير قصب
=علا ،انا مفلسة لدرجة اني بفكر اكلم اهلي في موضوع النقطة ال لموها في سبوعي .
علا_ابو النتانة ياشيخة....خلاص هعزمك انا.
قلت بفرحة (اصل انا بحب عصير القصب اوي )=جشطا،يلا بينا .
علا_قبل ما نمشي كنت شيفاك بتكتبي حاجة وانا جاية نحيتك .
=كنت بكتب شعر لكليتنا .
علا_كلية التمريض؟!!! انتي عيانة يا رغدة؟ دانتي مبتكرهيش ادها .
رغدة=طب استني هسمعك.
علا_اشجيني .
رغدة=لا شوفت فيكي هنا .....ولا شوفت فيكي ترف ....كل اللي فيكي قرف.....الشغل بأهانة ....وكرامتنا متهانة ....بتقبلينا ليه اما انتي كرهانا ؟
علا_الله عليك يافنانة .
رغدة=انا معنديش في الشعر ياما ارحميني .
علا_طب احمدي ربنا ياختي ،غيرك هيمو*ت ويدخلها.
رغدة=الحمدلله بس برضو كلية فقر .
علا_الكلية دي نصيبك وربنا بيختار لينا الاحسن ،ومحدش عارف الخير فين؟
رغدة=بس هوا مش في مصر ،انا دورت كويس.
علا_مين ده؟
رغدة=الخير.
________________*_________________*
روحت البيت ولاقيت الحج في وشي =منور ياحج .
بابا_ها ؟طمنيني .
رغدة=الحمدلله
بابا_يعني ادب*ح الخروف.
رغدة=لأ
بابا_امال الحمدلله على ايه ؟
رغدة=اصل الخروف اتكتبله عمر جديد .
لقيت بابا كشر ودخل اوضته وتقريباً والله اعلم رزع الباب وراه.
قلت اما اروح عند ست الكل
رغدة=بتعملي ايه ياماما؟
ماما_زي مانتي شايفة بنروق البيت انا واخواتك.
رغدة=ربنا معاكم.
ماما_وانتي هتتفرجي علينا كده كتير ؟!!
رغدة=لأ منا مش قليلة الذوق عشان اشوفكو بتروقو البيت واقعد اتفرج عليكو!!
ماما_جدعة،هيا دي تربيتي .
رغدة=انا هدخل انام لحد ما تخلصو.
ماما_تربية وسخ*ة
رغدة=تسلمي ياغالية .
ماما_يعني يرضيك المواعين تبات في الحوض ؟!!
رغدة=متبات ،هيا هتبات في الشاع .
ماما_على رأي المثل متخفش من الهبلة ،خااف من خلفتها .
رغدة=على فكرة انتي بتشتمي نفسك .
ماما _احسن ماشتم ال خلفوك.
رغدة_اصلا انا لما اخلف وبنتي تقلي اجاي معاك ياماما هقلها تعالي ياحبيبة امك ...مش هعمل زي ناس كانت بتخليني اجري وراهم في الشاع .
ماما_امشي من قدامي بدل ما اخليك تعملي زي الناس في المطبخ
رغدة=لأ انا على وضعي مبحبش اقلد حد.
ماما بصراخ _امشييييي
_______________*__________________*
باليل
كنت قاعدة في اوضتي وباصة للسقف وبعدين باب الاوضة اتفتح كانت علا صحبتي .
علا_مالك يابت؟
رغدة=زعلانة.
علا_متزعليش.
رغدة=انا ازاي مفكرتش في الفكرة العظيمة دي .
علا_مش قصدي ،قولي ايه ال مزعلك.
رغدة=احمد يارغدة .
علا_يووووه احنا مش قفلنا السيرة دي بقا.
رغدة=بس انا من حقي افهم ليه عمل كده؟
علا_عايزة تفهمي ايه اكتر من كده ؟
رغدة=افهم ليه بعد كل الحب ده وكلام سنتين يعملي بلوك من كل حاجة واتس ،فيس،كل حاجة ،ومش بيجي عند الدكتور ال اتعرفت عليه هناك عشان يشتغل.
علا_يا رغدة. انا ياما نصحتك تقطعي العلاقة دي وانتي مبتسمعيش الكلام ،ال انتو كنتو بتعملوه ده حرام وربنا مش بيبارك في حاجة حرام أبدا وانتي لازم تنسي عشان متتعبيش.
بدأت اعيط لاني حبيته واتعلقت بيه جامد =مش قادرة ،مش قادرة ياعلا.
وبعدين اترميت في حضن علا وفضلت تطبط عليا.
علا_اهدي ،كل حاجة هتبقا كويسة بأذن الله.
مسحت دموعي وقلت =مش ربنا قادر يتحكم في مشاعرنا صح؟
علا_صح
رغدة=طيب ليه ربنا خلاني احبه واتعلق بيه طالما هوا مش خير ليا ومش هيبقا نصيبي ؟
علا_استوعبي معايا كده سؤالك ...يعني ابقا قاعدة في امان الله ف ربنا يلهمني اني اروح اكلم ولد وارتبط بيه ؟!! ربنا مبيزرعش جوانا غير الخير،الخير وبس.
انتي اللي مشيتي ورا شيطانك وشر نفسك.
رغدة=هوا انا وحشة يا علا عشان استاهل وجع القلب ده؟
علا ببتسامة_ لأ مش وحشة بالعكس ،ده ربنا بيحبك
رغدة=بيحبني ؟!!!!
علا_اه بيحبك ،ال انتي فيه ده ابتلاء من ربنا ،بيتليك عشان بيحبك لانه شايفك وانتي بتبعدي عنه
بيبتليك عشان تقربي منه عشان تدعيه وتعيطي وتعترفي بذنوبك عشان يغفرلك،
ربنا مش عايزك حزينة او مهمومة ،هوا بس بيختبرك عشان تقربي ويفاجئك بفرح وعوض جميل.
رغدة=يعني اعمل ايه ؟
علا_حافظي على سلامة قلبك
رغدة=ازاي؟
علا_الا تعلقيه إلا بالله
رغدة=بس انا بحب احمد.
علا_خلاص تكتمي حبك وتجري على ربنا وتسأليه ان يعصم قلبك وتعرفي انه لو كان خير ليك ربنا هيجيبه لحد باب بيتكم ولو مكنش خير ربنا هيرزقك بالاحسن منه وخلي قلبك طاهر ونضيف.
رغدة=وازاي اطهر قلبي؟
علا_ان الله لا يترك بقعة سوداء في قلبك وانت تستغفره.
رغدة=ادعيلي انساه ،لان قلبي وجعني اوي.
علا_بعض الاوجاع خلقت لتقربنا الي الله اكثر،لتخبرنا بأن هناك في القلب فراغ لا يملك اصلاحه إلا الله.
رغدة=هيقبلني؟
علا_باب الله لا يغلق.
بصيت للسقف وقلت بصوت مبحوح=يارب
علا_لازم تعرفي يارغدة ان اغلى حاجة انتي بتملكيها هيا قلبك ال بين ضلوعك فحافظي عليه واطلبي من ربنا يحفظهولك من اي شائبة تعكر صفوه.
كلام علا ريحني اوي فضلنا نتكلم كتير وتقريباً نمت على حجرها مصحتش غير الساعة 3 الفجر فرشت سجادة الصلاة ونويت افتح صفحة جديدة مع ربنا ومع نفسي.
_____________*___________________*
تاني يوم في الكلية
علا_ها؟ ارتحتي لما اتكلمتي مع ربنا .
رغدة=الحمدلله
علا_طيب قلتي ايه؟قصدي يعني عرفتي تقولي كل ال جواك؟
رغدة=كلامي مع ربنا كان مختصر و بسيط جداً وسهل ،بدأت كلامي بالدموع وخلصت بالدموع بس هوا عالم بكل ال قصدته.
علا_الحمدالله ،وحسيتي بتغيير؟
رغدة بتريقة=اه اتغيرت ،لدرجة اني بقيت ادوس على الخطوط اللي بين البلاط ومش خايفة اخسر
علا_يابنتي غيري من سلوكك ده ،هتجبيلي جلطة.
رغدة=كان على عيني ،حاولت اغير سلوكي لاحسن والله بس السلوك لمست في بعض ولعت.
علا بغيظ_طيب يلا ياختي امشي قدامي المحاضرة هتفوتنا.
رغدة=لأ انا محدش يمشيني على مزاجه إلا الشاحن لو قلي اقعد في الغسالة هقعد.
علا_الصبر يارب.
رغدة بهزار =يلا نلحق المحاضرة يمكن حد يشوفني ويعجب بيا ويراقبني في صمت .
علا_بذمتك انتي شايفة حياتك دي تستحق حد يراقبها في صمت؟
رغدة=وحياة امي ولا يتف عليها حتى.
_______________*_________________*
عدا سنة والحمدلله بقيت اجيب تقديرات عالية ومركزة في كليتي ،بس ال مكنتش عاملة حسابه :
ماما_جيليك عريس.
رغدة=عريس ؟!!!!
ماما_اه،عريس.
رغدة=لأ طبعا مش موافقة.
ماما_ليه ياحليتها ؟
رغدة= انتي بتقولي ايه ياماما؟ دراستي ثم دراستي ثم دراستي ثم اني لسه صغيرة على الكلام ده، وبفكر اعمل درسات عليا في دولة الافغانستان المتحدة الامريكية.
ماما_بت المرارة مش مستحملة ،احنا بنرفض قبل كدة عشان امتحاناتك ودلوقت انتي خلصتي وفضلك سنة ،تبقي تكمليها عند جوزك ،عايزة اخلص.
ماما خلصت كلام وخرجت مستنتش ارد عليها حتى.
قلت ارن على البت علا
علا_السلام عليكم ورحمة الله وبركاتة
رغدة=وعليكم السلام،عاملة ايه يا لولي ؟
علا_بت اخلصي عايزة ايه؟
رغدة=هيا ايه الناس ال مش طيقالي كلمة دي
علا_هتتكلمي ولا اقفل السكة.
رغدة=خلاااص ،متقدملي عريس
علا_مبارك ،الفرح امته؟
رغدة=هوا فرح خالتك
علا_منا مش فاهمة عايزة ايه برضو؟
رغدة=مش عارفة اوافق ولا ارفض.
علا_اااه ،لا عليك وعلى صلاة الاستخارة ،صلاة الاستخارة مفعولها سحري.
رغدة=هوا انتي صلتيها لما وافقتي تتخطبي لكعب كوباية قصدي مصطفي ؟
علا_طبعا
رغدة بتريقة=لأ انا كده اطمنت
علا_هبعتلك الدعاء وبتتصلى ازاي ،صلي وانا رايحة مع ماما عند بيت جدي وهعدي اقعد معاك شوية.
رغدة=تمام
فعلا دنيا بعتت الدعاء وصليت بس لاقيت نفسي عادي يعني مش مبسوطة ولا زعلانة ،بس كنت متقبلة الموضوع .
قلت امسك الفون واقلي فيه لحد ما علا تيجي
فتحت الفيس لاقيت بوست في جروب بيقول سبتوا بعض ليه ؟
دخلت اشوف الكومنتات ،ايوة انا شلت موضوع احمد من دماغي بس كان مجرد فضول ،يمكن اعرف احمد عمل كده ليه؟
عيني جت على كومنت وعجبني كان مكتوب "المحب لا يأذي من احب ولا يخون العهد الذي بينهما ،فلهما في الحلال لقاء"
عيني جت على الاسم اتصدمت لما لقيته احمد لقيت نفسي بدخل الاكونت بتاعه كان منزل بوستات كتيرة اوي مقدرتش افهم منها حاجة لانها عبارة عن ارقام وكل بوست برقم مختلف ومكتوب كلمة" سيستجيب"
معدا اخر بوست كان مكتوب "402 " بس مكنتش كلمة سيستجيب كانت اية قرآنية
بسم الله الرحمن الرحيم {وليس البر بأن تأتوا البيوت من ظهورها ولكن البر من اتقى واتوا البيوت من ابوابها واتقوا الله لعلكم تفلحون }
البقرة
_______________*__________________*
علا_وانتي قررتي تعملي ايه؟
رغدة=هرفض العريس ال جاي
علا_رغدة حد قلك قبل كده انك غبية؟
رغدة=الكل فاكر اني غبية بس انا بقا متأكدة من كده.
علا_ في مكان اسمه ارض زيكولا التعامل فيها بوحدات الذكاء وعهد الله انت لو رحتي هناك هتتعدمي اولى واحدة.
رغدة=هتعدم ليه بس؟
علا_ما هما بيعدموا اغبى واحد عشان يريحوا الكوكب منه وربنا يكتبهالك وتروحيها قريب.
رغدة=ليه بس ايه حصل لده كله؟
علا_ممكن تقليلي اشمعنا في الوقت ده بالذات تشوفي البوست وكومنت احمد تحديداً وانتي متقدملك عريس وعلى حسب كلامك كنتي هتوافقي ،مفكرتيش فيها؟
رغدة=افكر فيها ليه هيا من بقية عيلتي؟!!
علا_استغفر الله العظيم يارب.
رغدة=ياست انتي جاية تتوبي هنا ،اخلصي قولي اشمعنا؟
علا_مش يمكن ده اختبار من ربنا ليك عشان يشوف انتي صادقة في رجوعك ليه ولا لأ؟
رغدة=ازاي؟
علا نفخت بضيق وقالت_يعني هيشوفك انتي فعلاً نسيتي احمد ونسيتي الموضوع كله ولااا مش بتفكري فيه بس؟
رغدة=هتفرق. يا اذكى اخواتك؟
علا_طبعا لو نسيتي احمد يبقا فعلا انتي صادقة في رجوعك لربنا وهتدي لقلبك فرصة يحب حد غيره ،يحب حد يستاهله وربنا يعوضك عشان انتي تستاهل العوض ده فعلاً.
رغدة=طيب لو مش بفكر فيه؟
علا_يبقا انتي منستهوش بس بتحاولي على اد متقدري تلهي نفسك في المذاكرة والهزار ودعشان متفكريش فيه بس احمد لسه في قلبك مطلعش ومع اول صدفة ييجي فيها اسمه حتى هتفتكري كل حاجة
....
ولو اتجوزتي حد غيره هتكوني بتظلمي نفسك قبل ما بتظلمي جوزك.
رغدة=لأ انا نسيته وعلى طول بدعي ربنا يرزقني الزوج الصالح وعشان اثبتلك انا موافقة على العريس ،واحمد ربنا يوفقه في حياته بقا
علا_جدعة.
رغدة=ممكن اسألك سؤال ،انتي بتحبيني اوي لدرجة انك مهتمية بيا الاهتمام ده كله؟
علا_بيقلك الرفق بالحيوان واجب.
رغدة=شهادة لله مفي حد يستاهل الرفق بيه ادك.
_______________*_________________*
دخلت بصنية العصير ونويت ادي قلبي فرصة جديدة انه يحب من تاني بس المرة دي يحب في الحلال .
=السلام عليكم ورحمه الله وبركاته
كلهم ردوا وسبونا مع بعض
_ازيك يارغدة
الصوت مكنش غريب عني ،رفعت راسي وقلت بصدمة ممزوجة بغضب=انت؟!!!
_ايوة انا ،احمد ،عاملة ايه؟
رغدة=انتي ايه جابك هنا؟
احمد ببتسامة _عرفت ان البيت ده فيه قمر جيت عشان اخط*فه.
رغدة=خط*فك عفريت يابعيد
احمد_مالك يابت انتي عيانة؟
رغدة=وانت مالك خليك في حالك.
احمد _وانتي حالي.
عيوني دمعت وافتكرت لما مرة واحدة لقيته عملي بلوك من غير ميقلي انا مش ههكمل يارغدة ومبقتش عارفة اوصله ازاي
احمد_انا عازرك وعارف ان ال عملته غلط وكان لازم اقلك اني عايزك في الحلال ومينفعش نكمل عشان ربنا ميعقبناش .
رغدة=لأ كتر خيرك ،ومقلتش كده ليه وازاي تاخد قرار زي ده لوحدك.
احمد_لاني عارف لو قلتلك كده ،مكنتيش هتوافقي وانا عايز احافظ عليك.
رغدة=ومين قلك اني مش هوافق ،بس تعرف ،كويس انك عملت كده لان ده خلاني اقرب من ربنا اكتر وعرفت ان اي حاجة حرام سبتها عشان ربنا انا الكسبانة.
احمد_حبك ليا وجوازي منك ده رزق من ربنا ومكنتش عايز اعصي ربنا في رزق انا عايزه ورزقي مش هيروح لغيري وكنت متأكد ان ربنا هيجمع بينا.
رغدة=وايه خلاك تعمل ده مرة واحدة؟
احمد_مكنش مرة واحدة ولا حاجة، كنت عايز اعمل كده من زمان بس الشيطان ونفسي كانو بيغلبوني لحد ما قرأت جملة بتقول
"المحب لا يأذي من احب ولا يخون العهد الذي بينهما،ولهما في الحلال لقاء"
وحستها اشارة من ربنا ،ان خلاص كفاية كده.
رغدة=وايه هوا العهد ال بينا؟
احمد_ان ال يدخل الجنة ياخد بأيد التاني.
رغدة=اي الارقام ال بتنزلها على الفيس دي؟
احمد_دي عدد الايام من يوم ما عملتلك بلوك واستودعتك عند ربنا.
رغدة=كلهم مكتوبين جمبهم "سيستجيب" ماعدا اخر بوست؟
احمد_لاني حفظت القرآن كله عشان تكوني من نصيبي ،ولحد ما اكون مستعد افتح بيت واتقدملك واخر بوست كان اخر صورة احفظها من القرآن والنهاردة انا بتقدملك اهو.
عيوني دمعت وافتكرت جملة قرأتها زمان بس معرفتش معاناها غير دلوقت
"سيأتيك الله بما تِحب كما يُحب"
_____________*__________________*
بعد عدة سنين (في البلكونة)
احمد_انا خايف اختن بسبب الاكل في رمضان.
رغدة=لأ وانت الشهادة لله قبل رمضان كنت فورمة
احمد_شوف مين بيتكلم.
رغدة=انا مش هتكلم عن نفسي كتير كفاية لما بفتح التلاجة بتنور .
كان لسه هيرد بس سَليم ابننا عنده 5 سنين نده عليه _بابا يابابا.
احمد_ايوة ياحبيب بابا.
سَليم_بابا هوا ينفع اتجوز تيتة؟
احمد_انت يامتخلف عايز تتجوز امي؟!!!
سَليم_طيب منتا متجوز امي ومتكلمتش .
رغدة بضحك=ههههههه زمان حد قلي متخفش من الهبلة خاف من خلفتها.
احمد_والله عندك حق
رغدة=قصدك ايه؟
احمد_لا ابدا بكح
رغدة=احمد
احمد_اممم
رغدة=بتحبني؟
احمد_وانتي مش عارفة الاجابة؟
رغدة=عارفة بس بحب اسمعها منك
احمد_بحبك ،مش بس بحبك انا بعشقك .
رغدة=وانا كمان بموت فيك.
سَليم _نحن هنا
احمد_خلاص يالمض يلا بينا عشان نصلي التروايح
احمد وسَليم نزلو يصلو في المسجد وانا بصيت للسما وقلت =المرة دي انا مش بطلب منك حاجة ياالله،انا بشكرك على كل حاجة عندي،الحمدلله.
"المحب لا يأذي من احب ولا يخون العهد الذي بينهما ،ولهما في الحلال لقاء"💙
#سميه_عبدالسلام
