 |
رواية حب في الجامعه الامريكيه (كامله جميع الفصول) بقلم منه محمدالبارت الاول حب في الجامعه الامريكيه قصص منه محمد كاتب هطول بعد كدا بس الاول اشوف تفاعل برايكم في الحلقه واقفه بترش ميه ع السمك لقته معدي بطاوله كبيره امل: عمي منستش الي طلبته منك امبارح صح الصياد حط الطاوله وبصلها: منستش سمكه التونه بس خدي بالك اوعي تموت منك دي غاليه واصطد سمكتين وحجزت واحده عشانك امل ببتسامه: طبعا هتعملي خصم بما اني شغاله معاك الصياد ضحك: انتي شاطره يا امل وعندك ضمير في شغلك اعتبري السمكه مكافأه ليكي بس متقوليش لراجيه عمتك ده سر امل حطت ايدها ع شفايفها بمشاكسه: هش السر في بير الصياد: خدي بالك من الكيسه لان لو الميه اتسربت في الطريق هتموت ولازم ترجعي لبيتك في خلال ساعه امل :حاضر ياعمي الصياد قدملها الكيس بالسمكه: خدي ربطهالك وكترت الميه امل اخدت منه الكيسه وطلعت تجري ترجع البيت ونطت في الاتوبيس وهو معدي وحطت السمكه جنبها وفتحت الشنطه الي فيها كتبها لانها بتدرس في 3 ثانوي عام فتحت كتاب وطلعت الاجره لحد ما شافت عربيه ماشيه جنب الاتوبيس وبتزمر بطريقه مستفزه وبتجري قدام الاتوبيس ومره واحده وقفت والسواق ضرب فرامل والركاب اتحدفوا كلهم ع قدام ,,امل لقت كيس السمكه ادحرج لـ اخر الاتوبيس قامت بسرعه تجري تجيبه لقته اتخرم وبيرش ميه من الجنب لحد ما سمعته بيزعق السواق زعق فيه: مش عارف تسوق وداخل حاره غير حارتك فجاه مروان همشه بكل برود وكلم البنت الي جنبه في العربيه: انزلي من العربيه انجي شدت الحلق من ودانها وخلعت الساعه ورمتهم قدامه ع التابلوه: كدا كويس قلعت الحلق والساعه الي قدمهوملي ابن عمتي هديه في عيد ميلادي مبسوط هرميهم بس متبقاش غيور من حاجات تافهه مروان بغرور وكبر: وانتي مفكره اني بطلب منك تنزلي من العربيه بسبب الغيره ده انا بديكي فرصه تسيبي اسوء شاب في العالم الي هو انا مروان الشهاوي انزلي انجي: مروان متبقاش قفوش كدا انا فعلا بحبك مروان بتهكم: حب! بصي هديكي عشر ثواني لحد ما تنزلي دمعه كبرهان ع مدي حبك ليا اصل سمعت لما البنات تبقي حزينه بتعيط نشوف سوي دموع الحزن وريني اد ايه انتي حزينه ومقهوره يله انجي بعصبيه: انت بتلعب معايا انا مش هنزل من العربيه ونستني كدا سوي السواق من كتر الزهق نزله: انت يا عم ما تحرك العربيه وارجع بيتك حل مشاكلك الشخصيه الناس وراها مصالح اتحرك وابعد عن الطريق والا هتصل بالبوليس مروان حدفله الموبيل: رجاء اتصل بيه بسرعه يقبض عليا افضل من اني استني جنب اللزقه دي السواق: انت طلبت بنفسك هتصل امل لقت الميه بتخلص وممكن السمكه تموت نزلت من الاتوبيس وراحتله بكل ادب: لو سمحت انجي لقت ميه بترش عليها بعدت بقرفه: انتي الكيس بيرش عليا ميه ابعدي بالقرف ده عني امل حطت ايدها حاجز ع الخرم: انا اسفه انا مش قصدي ازعجكم بس ممكن يعني تحركوا العربيه عشان الاتوبيس يتحرك وانتم تقدروا تكملوا كلامكم براحتكم مروان: اسف هي عايزه تتكلم انا لاء ( فتح الباب ونزل) ومش عايز العربيه تقدري تاخديها انجي: انت رايح فين مروان : سبتلك العربيه اعتبريها هديه ثمن الانفصال (بص لـ امل) العربيه بتاعتها كلميها هي بقي امل جريت وراه ومسكت معصم ايده : يا استاذ انت كدا مش بتحل المشكله مروان بص لـ ايدها الي كلبشت ع معصمه امل سابت ايده بحرج: اسفه!! بص الطريق وقف والناس وراها مصالح ممكن تبعدها من فضلك مروان خلع نضارته وبصلها: انتي عارفه لما بتدخلي نفسك في مشاكل الغير كدا بتعملي مشاكل لنفسك واولهم انك لفتي نظري وهضطر اهتم بيكي انجي قربت وزقتها من قدامه بعصبيه: انتي مالك تدخلي ليه يله امشي امل نفخت بضجر: انا مش عايزه ادخل ولا نيله انا كل همي اخد السمكه للبيت اما انتم حتي اطفال الحضانه عارفين ان الركنه بتبقي ع جنب مش في نص الطريق راكبه نزلت من الاتوبيس: يابنتي متتكلميش مع شاب مستهتر اديلو قلم جامد ع وشه الركاب بتشجيع: ايوه اضربيه مروان شخط فيهم بأمر: اخرسوا وانتي يا انسه جريئه جدا وانا معجب بيك لانك طلعتيني غبي واديني فرصه اعوضك عن الغباء الي عملته ونرجع نحل المشكله دي بالتفاهم واللباقه امل بطوله بال: عاوزني اعمل ايه لان السمكه هتموت مروان بخبث: اركبي العربيه لو عايزه تلحقيها اركبي ده اسهل واعملي زي ما اقولك وابعدي العربيه عن الطريق امل: بس انا مش بعرف اسوق اصلا مروان: عادي هعلمك الخطوات امل نفخت وفتحت باب العربيه وركبت وهبدته بغل وهو ناولها المفتاح مروان بخبث: حطي رجلك الشمال ع البنزين واليمين ع الفرامل وشغلي العربيه امل حطت المفتاح ولفته ثلاث تكات : ها الي بعده مروان: الخطوه الجايه دي اهم خطوه متتردديش عليكي تكملي لحد النهايه امل هزت له دماغها بطيب مروان بلؤم: حركي عصايا الفتيس ونزلي Drive القير وهاتيه ع حرف الار ارفعي رجلك من ع الفرامل ودوسي بنزين بسرعه امل اتوترت من صوته العالي وداست بنزين رجعت لوري اتخبطت في الاتوبيس الناس فضلت تصرخ وتصوت ومروان نازل ضحك لحد ما شرطه المرور شدتهم كلهم ع القسم.................... في القسم امل : يا حضره الظابط انا شرحت لحضرتك كل حاجه انا بس ساعدت احرك العربيه مقصدتش اخبط الاتوبيس واكسر العربيه الظابط: بس الي قولتيه يختلف كليا عن الي قاله صاحب العربيه واعترف ان صاحبته حركت العربيه واتخبطت في الاتوبيس امل: انا مش صاحبته ولا اعرفه انجي: انا صاحبته مروان ابتسم لما امل لفت وبصتله وهو بصلها من تحت النضاره وقام راحلهم يبصلهم مروان عيونه ع انجي وقال للظابط: انا دي معرفهاش سيبها تمشي انجي قامت بغضب: مروان انت عارف ايه الي بتعمله معايا تحبني وقت ما تحب وتسبني وقت ما تحب مروان خبطها بالنضاره في كتفها: هو انا هغنيها ع الربابه الي بيني وبينك انتهي تحبي اشرحلك ازاي انا بكرهه البنات امثالك انجي اتغاظت من اهانته ورفعت ايدها تضربه بالكف مروان مسك ايدها: الافضل ننهي الحوار ع كدا لان ضرب الناس في اللقسم تعتبر جريمه الظابط اتعصب: هو ايه الي بيحصل ده في القسم وبعدين مش انتي ابوكي مدير الاشراف في الجامعه الامريكيه ازاي تكوني كدا من غير كرامه انجي بنفعال: مروان انا محدش اتجرء وعاملني كدا وده شاملك انت وهتدفع الثمن للي عملته معايا اليوم مروان بصلها بكل برود وراح أأعد عالكرسي ومد رجوله فوق التربيزه وانجي رجعت بصت لـ امل بغيظ واخدت شنطه كتابها وحدفتها تحت رجول مروان وخرجت الظابط اضايق من وقاحتها وامل قامت اخدتها ورجعت للظابط: لو سمحت صديقته مشت اقدر امشي انا كمان عندي حاجات لازم بجد اعملها الظابط بعطف عليها: ده معتمد ع مروان بيه لو عايز يسوي الامر معاكي لانك الوحيده الي سوقتي العربيه ناحيه الاتوبيس والعربيه غاليه جدا وتصلحها مكلف امل: غاليه جدا وهتتكلف الظابط: حاولي معاه امل راحتله بهدوء: يا استاذ انا وانت عارفين كويس ان الي حصل كان بسببك مروان: انتي الي حركتي العربيه مترمهاش عليا امل: والعربيه هتكلف كام مروان هرش في جبينه: يعني دهان وتصليح اكصدام يعني عشره الاف كدا امل برقت وبلعت ريقها: عشره الاف مروان رفع حاجب : مين الي قالك تقفي في وشي امل بضيق : لو سمحت قول الحقيقه انت الي خلتني امشي عكس اتجاه العربيه مروان: انا مش غبي لو روحت قولت لشركه التامين الكلام ده مش هيدفعولي مليم امل اتنرفزت عليه: يا استاذ انا لازم اروح البيت عندي حاجات لازم اعملها ومقدميش غير ربع ساعه الحق فيهم السمكه قبل ما تموت مروان قام واخد السمكه وبصلها وراح مطوحها في الزباله: كدا مفيش داعي للقلق ممكن دلوقت تناقشي مشكله التعويض بهدوء معايا امل بهجوم: انت بجد معندكش رحمه واناني ومتكبر انت فاقد كل حاجه عشان كدا عندك استعداد تؤذي غيرك بأي طريقه وبدون رحمه بس انت بتؤذي نفسك بالطريقه دي وبكدا هتفضل في الحضيض لانك بتعامل نفس زي الزباله ودايما هتقع في برميل الزباله مروان: انت عندك حق انا زباله بعد ما مات والدي كان عندي 8 سنين وعندي اضطراب ما بعد الصدمه وموته اثر ع حالتي النفسيه ومن ساعتها مش بقدر اسيطر ع مزاجي وبتحول وبعشق اقع في المشاكل واسيب نفسي تقع في الحضيض انا بحب اعيش زي زي الزباله مبسوطه كدا دلوقت امل بصتله ولسه هترد مروان سكتها بأشاره من ايده: لاء متقولليش حسيتي بالشفقه عليا لما سمعتي اني من غير اب انا مش بحب التعاطف ادهم المحامي دخل: كل مره توقع نفسك وتبقي خطر ع الناس المره دي تخبط اتوبيس بجد عمري ما شوفت محامي كبير يحل قضيه من النوع ده مروان رد بهدوء : ومين قالك تيجي تحل مشكله تافهه زي دي اقدر احل الامر بنفسي انطباعك الي اخدته عني ده كان ايام طفولتي شكلك حفظته عن ظهر قلب ولو انت مش مصدقني اسأل الانسه الي واقفه دي ادهم ابتسم وراح للظابط فتح الشنطه وخرج اوراق: عندي شهادتين ان مروان معاه معالجه طب نفسي عنده عدم السيطره ع مزاجه وهو حاليا بياخد علاج وواثق ان عندك بلاغات مشاغبه له هنا الظابط: اتفضل اكتب شكوتك الاول مروان رجع لظهر الكرسي و قال بسخريه: اظن انت متاكد ان المشكله هتتحل بعد عشر دقايق بس الاول هي القرشانه العجوزه مجتش معاك ليه ادهم ضحك: امك عندها حاجات مهمه بتعملها عشان كدا مجتش مروان : حتي لو فكرتهلها في حجه انت بتتحسن في حل مشاكلي انسه بعد ما تخرجي من القسم تحبي نتكلم عن مشاكلي ونحلها هنا حصلت حاله من الفوضي ودخلوا اتنين كانوا راكبين الاتوبيس من اول الواقعه وشافوا كل حاجه السيده 1: ياحضره الظابط امل دي اطيب بنت ممكن تقابلها لازم تسيبها تمشي السيده 2: احنا زباينها وهو خدعها وخلالها تخبط واحنا شهود وجاين نشهد بالحق مروان اتعفرت: اسكتي يا وليه ياعجوزه مالي انا بكل الهري ده لو هتكملي التخلف ده اصبري عليا انا هوريكي الظابط ضرب سطح المكتب بنفعال: انا بحذرك برغم عندك محامي بس انت بتهدد الشهود وده هيضاف عليك وانتي يا انسه امل طالما فيه شهود كدا معلكيش اي حاجه للشخص ده وممكن تقدمي فيه شكوي لدعائه الباطل عليكي امل: لاء خلاص انا عايزه اخرج بسرعه الظابط: كان ممكن يحل الشكله ودي بس نقول ايه فيه ناس فظه زباله الشارع ولازم تديلو درس السيده 2: ايوه لازم تديلو درس امل بخبث: فعلا ناس انانيه لازم نوديهم ينظموا المرور كعقاب عشان انا اتنازل عنه الستات ضحكت مع المحامي ومروان اتك ع اسنانه من الغيظ ورايحلها الظابط منعه وحط ايده ع كتفه مروان حرك كتفه نزل ايده وقرب منها: وانتي بقي الي بتصدري الاحكام وتديني وتعاقبي (صرخ في المحامي) وانت اطرش مش سامع هبالهم ادهم كتف ايده حوالين صدره : اظن فيه شهود عليك احسن حاجه تتحمل العقاب مروان ضغط ع اسنانه بغيظ واقسم انه مش هسيبها ابدا وامل حركت كتافها بلا مبالاة ...............قصص منه محمد كاتب................... بعد ما خرجت من القسم راحت لـ اقرب كابينه وحكت لعمتها قصه من تأليفها راجيه بتصرخ: نعم ياختي اختفت هي السمكه معاكي طلعلها رجول وهربت مع نفسها امل: اعمل ايه فضلت تنط مني لحد ما تاهت راجيه: اظن منبهه عليكي وقولت لك السمكه دي غاليه جدا هتعمل ايه بعد كدا نرجع نبيع الخضار تاني ع عربيه في السوق ولا نغسل ونخدم في البيوت احنا ماصدقنا والطلاب دول مش بياكلوا اي حاجه دول ولاد الذوات من طبقه عاليه امل: عمتي ممكن تهدي اعصابك انا بحاول افكر في طريقه عشان اشتري سمكه تانيه راجيه: شهلي (قفلت السكه ) امل حطت السماعه وطلعت من الكابينه واتنهدت بحسره وفتحت الشنطه وفحت كتاب تشوف الفلوس الي معاها لقتهم يادوب يشتروا السمكه اشترتها وراحت ع البيت وعمتها خطفت منها السمكه ونضفتها بسرعه وبدئت تطبخها مرسي: قوليلي ياراجيه ممكن اسألك عن حاجه راجيه: اسأل يا مرسي مرسي: هو لازم نحط توابل غاليه عشان نطبخ للمديره راجيه: طبعا احنا بنشتغل في جامعه امريكيه اكتر نفوذ وسلطه في الجامعه هي المديره الراس الكبيره ولو مش هتراضيها هي هتراضي مين وهي قالت بتعشق سمك التونه واحنا بقي نستغل الفرصه دي ونحاول نكسب رضاها عشان تجدد العقد ونفضل هنا مرسي: وانتي متأكده هتراضيها وانتي راميه الحمل كله ع امل ملاحظتيش من ساعه ما رجعت بتشتغل (خطف مناديل ) حتي العرق مالي ضهرها ولو منشفتهوش هتاخد برد امل كشت منه لما حاول يمسحلها العرق وهو اتلبخ ومسح عرقه راجيه: عندك حق امل فعلا بتعرقي كتير لدرجه ريحتك وحشه زي السمكه المنتنه بسرعه خدي دش وغيري هدومك يله امل: هستحما بعدين راجيه: بتحبي ليه وجع قلبي روحي استحمي وارجعي يله عايزه احط الاكل في الفرن امل سكتت ومشت اخدت غيار من الدولاب ودخلت الحمام ومرسي هيتجنن ويشوفها وعمل حجه لراجيه وراح يبص عليها اما امل عملت نفس كل مره حطت لوح خشب ع ازاز الشباك واغلقت بالترباس والمفتاح وجابت ملايا وسددت بين جوانب الحيطه الباب لانها عارفه حركاته الناقصه وكان بالفعل مرسي جاب صفيحه سمنه وطلع فوقيها وامل بعد ما اخدت الشور وبتلبس هدومها حست بحركه مريبه راحت تبص من وري لوح الخشب لقته واقف ووشه كله محطوط ع الازاز صرخت وهو وقع وطلع يجري بتوتر وخوف راجيه بتسال من جوه: ايه صوت الصريخ ده مرسي ارتبك لما لقاه امل طالعه في وشه راجيه قربت منهم : هو فيه ايه امل :انا لقيت ثعبان ع الجدار راجيه ضربت ع صدرها : ثعبان عامل ازاي امل بنظرات عليه :كبير جدا راجيه لمرسي بغضب :كل ده بسببك لما قولت هنسكن في بيت خاص بالجامعه كله هيبقي تمام بس فيه ثعابين في حرم الجامعه فكر في طريقه مايدخلوش هنا اعمل ايه لو ظهرلي وانا بخاف مرسي اتعصب: هو انا صاحب الجامعه كبيره وخايفه من ثعبان خلاص تبقي تبطلي الشغلانه راجيه : ده بدل ما تفكر معايا انا بخاف منهم زي الموت امل سندت دماغها ع الباب وكل يوم بتكبر فيه وتظهر انوثتها بتشيل الهم اكتر منه ..........قصص منه محمد كاتب.......... تاني يوم امل اخدت الصاج بالسمكه وطلعت ع فيلا الشهاوي وبتدخل من البوابه عربيه وقفت جنبها ونزلت منها سيده راقيه جدا وسألتها مايسه : مين انتي ؟؟!! امل: انا عمتي راجيه وجايبه لحضرتك وجبه الغداء ادهم من الفراند: انبسطي في الجولف مايسه قربت منه: ليه بتفكرني كنت بحاول اقابل اسماعيل مدير التنميه يساعدنا في القرض معرفش انه مش هيجي شكله بيرغمنا ننفذ شروطه امل دخلت وكل شويه تبص في ساعتها مايسه بصتلها بكبر: خدي الاكل للمطبخ وهاتيه بعد ما تسخنيه ادهم بص لـ امل الي ابتسمتله ببراءه ومشت في دخوله هو جريت بسرعه قبل ما يلمحها مروان بينفخ بضجر: اوف كان يوم جحيم اظن حاله طارئه الي يقصدها ادهم في لعبه الجولف مايسه :انا كنت بحاول اقابل اسماعيل انه يتعاون معانا في رضا مجلس الادراه للجامعه مروان صرخ للشغاله :هانيا ازازه ميه بارده امل حست بيه فتحت الثلاجه واتخبت في جسم الباب ومروان دخل مدتله الازازه شدها منها من غير مايشوفها وخرج يكمل ع امه!!!! مروان بقهره في نبره صوته: طبعا كدا فعلا حاله طارئه الفلوس الي هتتحط في حسابك مهمه اكتر من ابنك الي اتقبض عليه ودخل القسم مايسه في منتهي البرود :لما مش عجبك ليه بتدخل نفسك في المشاكل وتدخلوا زي كل مره وانت مش محتاج لـ ام طالما بدفعلك الكفاله واظن انت مش ماشي تحت طوعي عشان كدا بطردك من حياتي نفس ماكنت بطرد ابوك يخرج برا حياتي طالما هتاذي الغير ماتروح تلهي نفسك باي موهبه بدل ما تدمر سمعه العايله في افعال مخجله مروان شرب من الازازه وراح حدفها في الحيطه بعنف لدرجه عملت صوت قوي وادهم وامل اتفزعوا مروان بصوت عالي :انتي مصره تذليني بس اوكيه زي ما تحبي انا اصلا ولا مهتم بس اياك تقولي كلمه مسيئه عن ابويا سااامعه مايسه: ادهم ايه المشكله المره دي الاستهتار السرعه البنات العـ *نف ولا تضيع وقت الشرطه لانها في خدمه الشعب ادهم بهدوئه المعتاد: مايسه هانم المره دي مـ مروان قطعه وراح قعد جنبها ورفع راسه بغرور: مكنتش حاجه مهمه انا خبطت في اتوبيس وهددت بسلامه المجتمع واخدت عقابي اني اشتغلت انظم اشاره المرور لمده ساعه مايسه :وايه الي حصل مع انجي هي وصلت انك تذلها قدام الكل هي بنت ناس ليه اهنتها كدا مروان قام من مكانه : انا الي من المفروض اسألك السؤال ده؟ اياك تنسي انتي الي علمتيني ازاي اخدع البنات مايسه قامت من مكانها و مشت بكل كبر وادهم اخد شنطته وراح وراه مروان مروان لف وبصله: انت محامي للعايله وبس مش ولي امري ادهم طلع كتاب: جبتلك الكتاب ده من القسم لو عرفت والدتك انك مجتهد هتفرح موان: انت بتحلم ده مش كتابي ده اكيد صاحبته بتاعه السمكه المنتنه دي بقي حسابها معايا عسير!! الفصل الثاني من هنا لجميع الفصول من هنا |
تعليقات
