رواية الحب الضائع الفصل الثاني عشر
اصبح يوم جديد على ابطالنا
قام محمد من نومه واخذ الشاور الخاص به وارتدى ملابسه وانطلق الى العمل حيث المشقة والتعب والخطر ، كل ذلك فى ان واحد
واستيقظت يارا وكانت اول مرة تصحى سعيدة ومتفائلة وكلها نشاط وامل منذ ان حدثت لها تلك المصائب اللعينة واخذت حمامها و جلست لتوقظ ملك من نومها
يارا : قومى يا ملك احنا بقينا الساعة 7 هنتأخر كدا على الكلية
ملك بنوم : حاضر حاضر
يارا : يابنتى قومى بقا
ملك وهى تستيقظ : قومت اهو
وتتفاجئ من اشراقة يارا ونشاطها واخيرا لم تلبس اللون الاسود وخلعت ذلك اللون وفيها نشاط وتتحرك فى الغرفة وكأنها ملاك
ملك : انتى يارا !!
يارا بأستغراب : نهارك اسود ، انتى فقدتى الذاكرة !!
ملك : لا لا بس ايه الحلاوة والجمال ده ، معقولة يارا الكئيبة الحزينة تنام وتصحى كدا
يارا بإبتسامة وضحك : حكمة ربنا ، يلا قومى بقا خدى دش كدا والبسى علشان نمشى
ملك : هههههههه لا مش هقوم من مكانى غير لما افهم سر التغير المفاجئ الفظيع ده
يارا : مفيش يابنتى عادى
ملك بإبتسامة : على ملوكة برضو يا بت
يارا : هههههههههه دا انتى محدش يعرف يخبى عليكى حاجة خااالص
ملك : لخصى يابت ايه الحوار
يارا : بصى هو محمد قعد اتكلم معايا امبارح و و.....
ملك : اوعاااا ، بيحبك صح ، قولى ايوة وانه اعترفلك
يارا : ايوة
ملك : ياااااه اخيرااااااا ، ده محمد من ساعة ما اللى حصل ل هايدى وهو حالف ما يحب ولا انه يتجوز بس فعلا شكله حبك يا بت ، وانا اقول ايه الفراشة اللى طايرة فى الاوضة دى والتغيير والفرحة دى ، اتارى الحب على هواك يا قمر
يارا : ههههههههههه بطلى رخامة وقومى بقا خلينا نمشى
ملك : حاضر
______________________________________________
حسام : الناس دى تفكيرها عالى اوى بس برضو مش بالذكاء العالى ، يعنى بينسوا حاجات
محمد : لا هم فاهمين بيعملوا ايه بس دلوقتى الأوراق اللى مع يارا معايا ومفيهاش اى حاجة
حسام : اييييه ؟؟ ازاى يعنى
محمد بتفكير : معرفش انا هتجنن ، امال ليه كانوا بيدوروا على الورق بالطريقة دى وعمالين يلفوا وخطفوا يارا وملك وبعدين ضربوا نار عليا لما بعتوا عمر وخالد
انا مش فاهم حاجة ، فيه سر فى الموضوع احنا مش عارفينه
حسام : اما الورق مفيهوش حاجة بيدوروا عليه ليه ، تمويه يعنى !!
محمد : تمويه من ايه ، يعملوا كل ده علشان تمويه !!
الناس دى ليها تعليمات من برا ، حد ليهم هنا فى مصر بس بياخد التعليمات من برا
ويبدأ على التليفزيون برنامج اخبارى وتبدأ المذيعة فى التحدث
المذيعة : ومازال لا يوجد شئ جديد عن مقتل رجل الاعمال الكبير عاصم الحسينى وهل ده له علاقة بمقتل الشاب سامح اللى كان شغال معاه !!! ولا له علاقة برجل الاعمال الكبير ادهم السيوفى اللى سيادة الرائد ابنه ماسك القضية ، بس لحد دلوقتى مفيش جديد ، عايزين رد من الداخلية ، ايه الموضوع ومين من مصلحته يحصل كل ده
لان كل ده مش صدفة ، دى احداث مترتبة والله اعلم له علاقة بالارهاب ولا مصالح شخصية ، يا سيادة وزير الداخلية عايزين رد على الاسئلة دى علشان نعرف الوضع
حسام : مش قولتلك الموضوع ده هيبقى موضوع التليفزيون الفترة دى
محمد : اممممم شكلنا ابتدينا
وتكمل المذيعة كلامها : احنا جالنا خبر دلوقتى بيقول ان من اربع ايام بالظبط حصل سطو مسلح على فيلا رجل الاعمال ادهم السيوفى وتم قتل جميع الحرس اللى على الفيلا واختطفوا يارا وجدى و ملك ابنة رجل الاعمال ادهم السيوفى
والمعلومات اللى عندنا ان يارا تبقى خطيبة سامح حسين اللى اتقتل فى شقته وكان شغال مع عاصم الحسينى و قدرت قوات الشرطة بقيادة الرائد محمد ادهم انهم يرجعوهم
واضح ان القضية كبيرة وان لها خيوط كتيرة وحاجات احنا مش فاهمينها علشان كدا محتاجين حد يفهمنا يا جماعة
محمد بأستغراب : جابت المعلومات دى كلها منين ومحدش يعرف حاجة عن ده كله لانه سرى
حسام : فعلا ، غريبة ، تفتكر ان الناس دى هم اللى بلغوهم
محمد : ايوة بس ليه !!!!
حسام : معرفش يمكن هما اللى ليهم مصلحة بان كل ده يتقال
محمد : كدا احنا لازم نتحرك علشان الموضوع كبر مننا
حسام : هتعمل ايه واحنا مانعرفش اصلا هم مين
محمد : ما هو احنا لو ماتحركناش مش هنعرف
______________________________________________
نزلت ملك ومعها يارا من الفيلا وتوجهوا الى العربية الخاصة بملك ولكن استوقفهم الظابط طارق
طارق : حضرتك احنا هنا علشان نأمنكم والمعلومات اللى عندنا انكم لازم تركبوا العربية دى وهيبقى فيها السواق وهيتحرك معاكم عربية امن
ملك : بس احنا رايحين الكلية مش محتاجين كل ده
طارق : اسف يا فندم بس دى التعليمات
_____________________________________________
وصلت ملك و يارا الى الكلية بعربية الامن ومعهم الحراسة وانتظروا بالخارج ودخلوا الى الجامعة
ايمان : ايه الحلاوة دى والحراسة دى يا ملك انتى ويارا
ملك : علشان مهمين يابنتى
ايمان : هههههههههه لا بجد
يارا : مفيش بس حراسة علشان اللى حصل وكدا
اه صحيح المحاضرة الساعة كام
ايمان : الساعة 9:30 ودكتور بلحة مش هيسيبنا
يارا : يوووووه امتى بقا اتخرج علشان اخلص من دكتور بلحة اللى حالف يسقطنا ده
ملك : بلاش سيرة البلح والنبى يا جدعان علشان بترعب من السيرة دى واحس اننا هنعيد السنة
ايمان : هههههههههه ربنا يستر بقا
______________________________________________
جاء وقت اجتماع ادهم السيوفى مع ورثة عاصم الحسينى
ادهم : المرحوم كان غالى عندى اوى علشان كدا مش هسيب شركاته واللى عمله كله يضيع فى الارض كدا ولازم اكمله و تفضل سمعة الشركات دى معروفة وعالية
انا عرفت انكم عارضين كل الشركات بسعر رخيص جدا بس مش هقبل لكم خسارة
انتوا كنتم عارضين على 100 مليون وده مايجيش ربع ربع ربع تمن الشركات علشان كدا هشترى كله منكم على 200 مليون
اسر ذلك العرض ورثة عاصم الحسينى ووافقوا وتم العقد بينهم و اشترى ادهم جميع شركات عاصم الحسينى ايضا بارخص الاسعار لان تلك الشركات تتجاوز المليارات
_____________________________________________
تنتهى المحاضرة وتخرج يارا اولا ثم تجد شخص امامها وتصدم
يارا بصدمة : كريم !!
