رواية ممنوعة من الحب الفصل الرابع عشر
" سلام عليكم..أزيك ياندي
ندي"وعليكم السلام،إزيك يانور
نور"الحمدلله..إيه محدش بيشوفك يعني ولا حتي بتجي تحضري محاضرات،ولا خلاص الولد إللي أتعرفتي عليه نساكي نور
ندي" نور أرجوكي ممكن متتكلميش معايا عن المووضوع ده وكأنِ أصلا عمري ماشوفت ولد فـحياتي
أنا عاوزه أمسح الفتره إللي فاتت دي من حياتي ومش عاوزه أفتكرها
نور"ليه بتقولي كده ياندي،أحنا فـ الجامعه يابنتي وعادي يعني لما تتكلمي مع ولاد
تؤتؤ بلاش ياندي تبقي معقده أومال
ندي"نور من فضلك لو هتتريقي عليه هقفل التلفون ، كل الحكايه إني كنت غلط وخلاص
نور" مش بتريق بس عاوزه أعرف وجهة نظرك فـ الموضوع.. طب ودنيا؟
ندي" مش عاوزه أعرفها تاني ..المهم معاكي جدول المحاضرات
نور" اه ،وعلينا بكره محاضره الساعه 8 ممكن نتقابل الصبح نروح سوا
ندي"خلاص اتفقنا هتصل بيكي بكره إن شاء الله..شكراً يانور
تنتهي المكالمه وتسرع نور لتحضير مائده الطعام مع ولدتها
علي مائده الطعام تجلس نور وخالد والوالد والوالده
الوالد" إيه يانور اخبارك فـ الجامعه ؟
نور" بخير حال يابابا ،بحاول أبعد عن البنات إللي مش كويسه
وأغض بصري عن الحرام
تبتسم الوالده" تغضي بصرك عن الحرام ‘زاي دي يانور ،كبيره عليكي شويه دي
خالد" غض البصر يانور ماما سيبي نور تكون بنت ملتزمه
الوالده" ربنا يبعد عنك ولاد الحرام يابنتي يارب
الوالد"أنا واثق فـ نور جداً ، وبعدين انتي دايماً كنتي تقولي أنا مانعه نفسي من الحب صح؟
نور"أيوة قصدي يعني حُب ف الحرام
الوالد"أكيد طبعا،، ربنا يابنتي يرزقكك بفارس
خالد" فارس مين يابابا،أنت كنت معايا فـ الأوضه ولاإيه
الوالد"أوضه إيه أنا قصدي فارس حلمك إنتي مش دايما تشغلي أنشوده فارس حلم
وتسمعيها ،،أنا بقا قصدي ربنا يرزقها بواحد يكون امه وأبوه راضين عنه ويبقي زيك تماماً فـ الخلق
والعفة
نور" حبيبي يابابا أدعيلي كمان ،ربنا يخليك ليه يااحلي بابا .
خالد يغمز لنور"" انا عاوز أسمع فارس حلم دي ها يانور ها .
نور تبتسم"هسمعهالك يافارس قصدي ياخالد أسكت بقا عاوزه أكل انا ميته من الجوع.
بعد ذالك تسعد نور لتذهب لفراش نومها لتسيقظ وتذهب إلي الجامعه
وتقابل ندي ويذهبا معاً للمحاضره .. وتركز فيها جيداً وتشعر باأنها قد نسيت فارس
وتخرج من المحاضره بحاله جيده
ندي"المحاضره حلوة والدكتور شكله طيب
نور"عقبال كل الدكاتر يارب
..ندي دوري معايا ع بنت منتقبه كده ؟؟
ندي"وهو يعني مفيش معانا منتقبه غير هي واحده
نور"اه ،،خلاص لاقيتها أصلاُ تعالي أعرفك عليها
تذهب نور لفاطمه قائله" زهره إزيك
فاطمه"يانور حببتي عامله إيه ياصاحبتي؟
نور" الحمدلله ..بصي ياستي دي ندي صحبتي من الثانوي
فاطمه"أها اهلا وسهلاً .. إن شاء الله نبقي أصحاب
بس معلش ممكن بين المحاضرات نروح ندفع مصاريف الكليه
نور"أها طبعا ،يلا بينا
الثلاث فتيات فـ طريقهم للكليه ..وتتفاجي نور بساره مع احد الطلاب بالجامعه
ساره"إيه ده نور وندي وحشتوني يابنات
نور"ساره أنتي مع ولد وبتقولي إسمي؟؟..لو سمحتي ياساره لما تبقي مع ولد تاني
ولاأكنك تعرفيني ..سلام
تسحب نور فاطمه وندي من يديهم " يلا يابنات يلا ده انا خلاص قربت أتخنق
فاطمه"مين دي يانور؟
نور" دي حكاية طويله أوي يافاطمه.. دي واحده كنت اعرفها من أيام ثانوي ..ربنا يهديها يارب
وكنت بنصحها كتير أوي وهي مستمره فـ طريقها .. عارفه هي صعبانه عليه أوي لأن الشيطان ضاحك عليها
والدنيا فتنها وبخصوصاً إنها جميله .. ربنا يهديها يارب
فاطمه"طب إزاي كنتو صحاب وهي بالأخلاق دي وانتي بالأخلاق دي
تجيب ندي بسرعه" فاطمه أنتي شكلك مش عارفه نور..نور دي حاجه كده مفيش منها
تقعد تنصح تنصح فيكي لحد إما انتي إللي تزهقي وهي متزهقش ،تحسِ أنها همها علي مصلحتك
اكتر من نفسك ،، نفسها تروح الجنه مع كل الناس إللي بتحبهم.. والله انا ظلمت نور فـ مره بس والله
ف يوميها زعلت جامد .. بجد نور أحلي صاحبه ممكن تشوفيها،، وعـ الرغم الفتن دي كلها
عمرها ماقالت أشمعنا انا ماأصحابي كلهم كده ..وفيها إيه لما أكلم شاب..بالعكس دي كانت تقول انا
حاسه بشئ حلو غني مختلفه عنكم إني ملكه كده
فاطمه"شكلك بتحبي نور أوي.. ربنا يثبتكم يارب يابنات والله بحبك ف الله يانور
نور" ربنا يحبك.. بس خذ ي بالك ياندي محدش كبير عن الفتن
ومحدش يقول أنا محدش قدي وكده بالعكس الدنيا مليانه تلاهي كتير
وبجد يعني لولا تمسكِ برضا ربنا كان زماني وقعت فـ الفتن بس الحمدلله
حصل خير والمواقف عدت واتعلمت منها كتير .
فاطمه"ربنا يثبتكم يارب
.... طب ممكن بقا يانور أعرف مواصفات الشاب إللي بتحلمي بيه
أكيد ليكِ مواصفات خاصه يعني.
نور" والله ولا خاصه ولا حاجه كل الحكايه إني عاوزه عمره ماكلم بنت زي ما اانا عمري ماكلمت ولد
عاوزه يتقي الله ويبقي متدين ظاهري وباطني .. ويوم مايجي يتقدملي يروح يقول لأخويا عـ طول
مايجيش يقولي وبعدين يقولي أصلي عاوز أتعرف علي شخصيتك لأ... أنا عاوزه يبقي واثق فيا من غير مايتعامل معاي
ندي" ع فكره أنا زمان يانور كنت بقولك إن مش هتلاقي حد كده
لكن والله واثقه أوي إن ربنا هيرزقكك
فاطمه" أيوة يانور انتِ شكلك بجد تستاهلي كل خير .
تستمر نور علي طريقها ودائماً ماتدعو الله إن يصلح حالها ويروق بالها
ويجنبها الفتن
وأصبحت فاطمه من أفضل صديقات نور ف الكليه وأصبح يضرب بهم المثل فـ الصداقه واللالتزام.
إلا إن ساره ظلت هكذا
يومياً تراها نور مع شباب مختلفه وملابسها كل يوم تسوء عن الأول
وعلي صحفتها ع الفيس يوجد عدد من الأولاد غير عادي يعلقون ع حالتها.. وكانهم كلهم معجبون بجمالها
يومياً تري الفتن فـ الجامعه ولا تتأثر
إما عن فارس فقريباً قد نسيته نور ، ليس نسيته إلي الأبد
ولكن لم تعد تهتم ولا تشغل بالها لأنها تركت الأمر لله ....
هكذا كانت نور حياتها فـ الجامعه
مر عليها نصف سنه وهي مازالت علي عهدها .
وحتي فـ اجازة منتصف العام كانت دائما ماتتصل بفاطمه
وأصبحت علاقتهم أخويه أكثر وأكثر ودائما ما يتقابلا فـ الجمعيات الخيريه
والمساجد وعاهدا الله إن يصبح شغلتهم بالحياه هي ان ينفعو الأمه
وان يظلا قدوة لغيرهم من الطلاب ...
وبعد أنتهاء اجازة منتصف العام والأستعداد لنصف سنه جديد
تفاجئ فاطمه نور بكلام غريب
فاطمه" نور أنتي عارفه أنا بحبك قد إيه؟؟
نور"طبعا يازهره ياحببتي
فاطمه" طب انا عاوزه أقولك حاجه وأوعديني إنك متزعليش منِ.. ولو أنتي شايفه أن الموضوع
مش هيخلينا أصدقاء انا هصرف الننظر عنه وكأن مقلتش حاجه
نور" قلقتيني يافاطمه قولي ...
