رواية الحب الضائع الفصل السادس عشر
محمد : هدير !!!!!
هدير بإبتسامة وهى تنظر ليارا : اية يا مودى هو من لاقى احبابه نسى صحابه وحبايبه
محمد : ايه اللى جابك يا هدير ، ماهو مش معقولة مفيش حاجة وجاية
هدير : جاية اسأل عليك يا مودى علشان انت مابتسألش ولا ايه يا تمارا ولا اسمك يارا
يارا بغضب : لا يارا
لاحظ محمد غضب يارا
محمد بعصبية : عايزة ايه يا هدير
هدير بإبتسامة : بحبك يا مودى ، نسيت حبى ، ده انا كنت وحشة بس دلوقتى اتغريت يا مودى وتبص ليارا
محمد : لا يا هدير عمرنا ما هنرجع لبعض انتى عارفة ليه مش بس علشان اللى عملتيه وانانيتك لا، احب اعرفك بخطيبتى ومراتى المستقبلية ، يارا يا هدير
تشعر هدير بالغضب وتنظر ل يارا من رأسها لقدمها
وتقول : ماشى يا مودى بس افتكر انك هترجعلى بنفسك وتبص ليارا وتقول هتشوفى
وترحل
شعرت يارا بالسعادة لان محمد قد انصفها ولم يعطى اهتمام لهدير وتركها واخبرها انه سيتزوجها
محمد : ماتزعليش يا يارا انا هعرف شغلى مع الزبالة دى
يارا : لا يا حبيبى مش زعلانة ، المهم انت ماتزعلش نفسك
محمد بحب : مش هزعل طول مانتى مش زعلانة
شعرت يارا بالكسوف والخجل
محمد : اه صحيح انا كلمت خالك وحكيتله وهو هيرجع كمان يومين
يارا بفرحة : بجد
محمد : ايوة ولما يرجع هكلمه
يارا وبدأت الدموع تنزل من عينيها : كان نفسى بابا وماما يكونوا فى الوقت ده معايا ، كانوا دايما بيقولولى امتى نشوفك عروسة وكانوا مستنين اليوم ده
محمد : ماتعيطيش يا يارا ، دموعك غالية عليا ، ربنا يرحمهم ، هم حاسين وعارفين انك دلوقتى كويسة واكيد هم فرحانين
يارا بدموع : ربنا يرحمهم
دخلت ملك بعد ان احضرت عصير لكى يشربوه
ملك : عاملة شوية عصير هتاكلوا صوابعكم وراه
محمد : انتى هبلة يابت ، ازاى عصير وازاى هناكل صوابعنا وراه
يدخل رامى الذى اتى من خلفهم : طول عمرى بقولك اختك هبلة وعبيطة وانت اللى مش مصدق
محمد : يابن الايه انت رجعت امتى ياض
رامى : لسة راجع الصبح
محمد : وناوى تسافر ولا خلاص هتنقل شغلك هنا
رامى : لا خلاص هنقل شغلى هنا ومش مسافر تانى ياعم ، علشان ابقى جنب قلبى ملوكة
محمد : ما تحترم نفسك ياض
رامى : ايه يابنى ما هى خطيبتى
محمد : لا ياروح ماما ، لما تكتبوا الكتاب
رامى : ماشى ماشى ، مش هتكلم تانى
محمد : ايوة كدا اظبط
ملك : ما تهدوا يا جدعان انتوا عاملين زى القط والفار كدا ليه
رامى : هو اللى بدأ
محمد : انا بردو
تضحك ملك ويارا من طريقتهم كأنهم اطفال
محمد : اه صحيح نسيت ، مش تباركلى ، انا خطبت يارا
رامى : بجد ، مبروك يا رخم ، مبروك يا يارا
يارا بإبتسامة : الله يبارك فيك يا رامى
رامى : طب بمناسبة اللمة الحلوة دى والخبر الحلو ده وبمناسبة رجوعى، انا عازمكم بكرا احلى عزومة وعامل حفلة على الضيق كدا
محمد : طول عمرك هايف
رامى : طب كلهم يجو ماعدا انت وطبعا حبيبية قلبى ملك تيجى اول واحدة، صح يابيبى
ملك : صح يا روحى
ونسوا ان محمد بجوارهم
محمد : لا والله، ما اجبلكم اتنين لمون
رامى : ياااه تبقى عملت الصح
محمد بعصبية وهو يمسك بزجاجة مياه : يابن ال
ويقوم يجرى ورا رامى ورامى يجرى منه وسط ضحكات يارا وملك
ملك : محمد فى الشغل حاجة ومع رامى حاجة تانية خالص ، قط وفار
يارا : اه باينين ، مسخرة والله
ملك : نهارك اسود
يارا : ايه
ملك : الفاينال كمان اسبوع وقاعدين كدا
يارا : اه صح يلا بينا نذاكر، هنسقط
___________
- How did that happen
= I do not know how they knew there was a bomb
-We must fix that mistake
=ok . don't worry sir
___________
اشرف : انا خلاص جهزت كل حاجة علشان انقل الشغل مصر وهنسافر الاسبوع الجاي
رجاء : طب الحمدلله كويس
اشرف : امال فين رامى
رجاء : نقل الشغل اللى يخصه وسافر امبارح
اشرف : على طول متسربع كدا ، مستعجل على ايه
رجاء : اصله بقاله فترة ماشافش ملك فعلشان كدا كان مستعجل وكمان كان قايلى اننا بعد ما نرجع هنروح نحدد الخطوبة وكتب الكتاب وكدا
اشرف : امممممم خلاص اللى فيه الخير يقدمه ربنا
___________________
ادهم : ياسر عايزك تجهزلى العقود دى
ياسر : حاضر يا ادهم بيه بس عايز اعرف عملت ايه مع محمد ابن سعادتك
ادهم : هساعده يا ياسر ، انا خلاص ماضمنش هعيش لحد امتى ، عايز اموت وانا ضميرى مستريح
ياسر : بعد الشر عنك يا باشا
ادهم : المهم من دلوقتى مفيش جرايم تانى
ياسر : تمام سعادتك
________________
كريم : هااا عملتوا ايه
يارا : اهو قربنا نلم الدنيا ، ربنا يستر بقا فى اليومين اللى باقين دول
ملك : يارب ، نتخرج بقا من السنة النحس دى ونخلص
ايمان : طب يلا علشان المحاضرة بدأت
ملك : مش عارفة انا ايه وقت المحاضرات اللى فى ايام الوقت الضايع دى
يارا : هههههههههه وقت ضايع ايه ، ده احنا اللى ضايعين
_________________________________
محمد : وصلت لحاجة يا احمد
احمد : قدرت اجمع اول 11 كود من اول صف وطلع رقم تليفون
محمد : رقم مين
احمد : سألت عنه طلع متسجل بأسم ديفيد توماس وده اسم مش مصرى بس الرقم مصرى
محمد : جربت تتصل بيه
احمد : ايوة لكن مقفول
محمد : هاته و خليك وراه واول ما يفتح حدد موقعه على طول
احمد : حاضر يا فندم
______________________
انتهى اليوم وعاد محمد ولكن تفاجئ بعدم وجود يارا وعندما سأل ملك بعصبية
ملك : اهدى يابنى ، يارا راحت تستقبل خالها فى المطار
محمد : لوحدها !!!
ملك : لا الظابط طارق خد معاه حرس وراحوا معاها
محمد : طب ماستنتنيش ليه ولا اتصلت قالتلى
ملك : يابنى دى عرفت بالصدفة لما شافت رسالة من خالها من امبارح بميعاد الوصول فراحت على طول اول ما جينا من الجامعة
محمد : ماشى
اتصل محمد ب يارا وردت
محمد : انتى فين يا يارا
يارا : انا استقبلت خالو فى المطار وسلمت عليه ووصلته البيت وراجعه اهو
محمد : طب خلى بالك من نفسك
يارا بإبتسامة : حاضر
فجأة صرخت ملك صرخة مدوية
محمد بخضة : ملك
