رواية القاسيان الفصل الثامن عشر
طلع اشخاص مغطين وشهم وكان عددهم 3 اشخاص وقربوا من العربية وكانوا ماسكين مسدسات
- اخرج انت وهو من العربية ...اخلصوووا !!!!
يوسف : اخرج يا عمر
عمر : هنعمل ايه !!!
يوسف : يابنى وميتين ام التدريبات اللى اتدربتها فى الكونغ فو والقتال انا وانت دى ايه
عمر : ياعم ماسكين مسدسات
يوسف : يلا بس
- اخلص انت وهو اطلعوا
خرج يوسف وعمر وقفلوا باب العربية
- طلعوا اللى فى جيبكم ومفتاح العربية
يوسف : نسيت المفتاح ومامعيش غير 50 جنية فى جيبى
- هتستظرف يا روح امك
يوسف بضيق : ما بلاش امى
- هتعمل ايه يعنى
يوسف : هعمل كدا هو
مد يوسف ايده ومسك المسدس اللى ماسكه ولف ايده جامد وكسرها وخد منه المسدس ووجهه ناحية الاتنين الباقيين واللى كان بيتكلم ويوسف خد منه السلاح وقع فى الارض بيصوت جامد وبيتألم
يوسف : لو عايزين تخرجوا من هنا المطاوى اللى فى اديكم دى تتحط على الارض والشجرة اللى هناك دى تتشال
بالفعل نفذوا كلامه وسابوا المطاوى وراح عمر ياخدها وراحوا شالوا الشجرة
ركب يوسف العربية ومعاه عمر ومشيوا
عمر : سيبتهم ليه يابنى
يوسف بضحك : مش من شوية كان معاهم مسدسات وبلاش وكنت هتجرى
عمر : ماشى وادينا غلبناهم يبقى نسلمهم
يوسف : ماتنساش ان فيه حاجة اضطرتهم لكدا
عمر : انت اتغيرت اوى ، من امتى يابنى وانت بتعمل ح
ساب حد محتاج او فقير او حاجة من كدا
يوسف : المدة اللى قضيتها فى السجن ظلم اتعلمت فيها حاجات كتير اوى وقابلت واحد بردو سرقنى اسمه كريم وعرفت حكايته، علشان كدا مش لازم نحكم على حد بحاجة، اللى شتمنى ده ادينى كسرتله دراعه علشان يحرم اما الباقى ماعملش حاجة وسمع الكلام
عمر : ما ممكن يثبتوا حد تانى فى الشارع ده تانى
يوسف : لا ده بالعكس ، عمرهم ما هيقربوا من الشارع ده تانى
وصلوا الشقة وطلعوا ودخلوا
يوسف بإبتسامة : يااااه وحشتنى الشقة دى اوى
عمر : اه دى شقة الدلع والبنات وغمز ليوسف
يوسف بضحك : لا ياعم ده كان زمان ، دلوقتى مفيش كلام من ده
عمر : ايوة الحب عامل عمايله
يوسف : اممممم طب بمناسبة بقا الحب ماقولتليش عملت ايه مع ولاء
عمر : اعترفتلها يا معلم وهى كمان يامعلم وعرفت عنها كل حاجة وهى كذلك والعلاقة اتطورت وحددنا الفرح كمان
يوسف : يالهوى وايه السرعة دى كلها
عمر : على اساس يعنى انك اتجوزت سهوة فى سنين
يوسف : هههههه طيب يا سيدى مبروك ، الفرح امتى بقا
عمر : كمان اسبوعين
يوسف : حلو اوى
.........
سما : هنعمل ايه بقا
• مانا قولتلك يابنتى انتى بتحبى تعيدى وتزيدى ليه !!
سما بتوتر : مانا بردو خايفة من اللى هنعمله ده
• ماتقلقيش خالص
سما : انت بردو لسة ماعرفتش يوسف بقا عامل ازاى
• بعد اول خطة هتقولى انى قولت وهتشوفى
سما : ربنا يستر بقا
.......
رجع يوسف الفيلا وسلم على كل اللى موجود
رأفت : هترجع الشركة من بكرا يا يوسف ؟
يوسف : ايوة يا بابا
رأفت : خلاص تمام ، المهندسين خلصوا كل التخطيط وناقص بس انك تراجع على كل حاجة علشان نبدأ فى التنفيذ
يوسف : تمام كويس اوى ، هى فين سهوة
رأفت : كانت مستنياك بس لما اتأخرت طلعت تستناك فوق
يوسف : طيب انا طالع
رأفت : ماشى
طلع يوسف على فوق ودخل الاوضة بس مالقاش سهوة وكان لسة هيخرج يشوفها فين، لقاها طالعة من الحمام كانت بتاخد شاور
سهوة : انت جيت يا سوفة
يوسف : لا لسة
سهوة ضحكت : طيب يا سيدى ، تعالى نتعشى بقا علشان جعانة
يوسف : وانا والله وكمان لسة متخانق وحاجة زفت
سهوة بخضة : اتخانقت مع مين !!!
يوسف : شوية عيال كدا ثبتونا بالعربية انا وعمر بس اتصرفت يعنى
سهوة : ضربتهم !!!
يوسف : ضربت واحد والباقى خاف
سهوة : بااااس يبقى تعلمنى زى ما وعدتنى
يوسف : طيب نتعشى الاول وبعدين اعلمك شوية حركات
سهوة بفرحة : تماااام
قعد يوسف هو وسهوة يتعشوا وكانوا فاتحين التلفزيون وبيهزروا ويوسف كان بيأكل سهوة بأيده وهى بتأكله لغاية اما خلصوا اكل
سهوة : قوووم بقا
يوسف : شكلى مش هعرف اهرب النهاردة خااالص، وانا اللى بقول هتنسى
سهوة : قوم بقا يا سوفتى
يوسف : حاضر يا ستى
قام يوسف ومسك سهوة ووقفها قدامه ومد اديها لقدام وهو عمل نفس الحركة
يوسف : بصى يا ستى دى اول حركة هتمدى ايدكي كدا، اى حد يقربلك لو ماسك مطوة او اى حاجة هتمسكيها وتلفى بسرعة كدا ايده هتتكسر على طول ...دى اول حركة ، جربى كدا
سهوة : حاضر
جربت سهوة وفشلت اول مرة لكن مع تدريب يوسف نجحت فعلا
يوسف نط فى الجو ومشى على الحيطة وهو بيجرى بطريقة تخض وشاط المخدة
سهوة : لا لا انا لو عملت الحركة دى هقع وهيتكسر دماغى
يوسف : مش انتى عايزة تتعلمى يبقى تسيبيلى نفسك وانا هعلمك كل حاجة وهمسكك اول مرتين وهخليكى تعمليها لوحدك
وفعلا مسكها وكانت بتقع وهو يمسكها لغاية اما فعلا عملتها وكانت بتتنطط من الفرحة وفضل 3 ساعات يعلمها فى حركات ولو حد بيضربها ازاى تصد الضربة وكذا حركة ويخليها تعملها بنفسها لغاية اما تتقنها
سهوة بضحك : هااااااا خلاص تعبت
يوسف : اى خدمة يا ستى شوية الحركات دى تخليكى تموتى اللى قدامك وانتى احسن حاجة فيكى بتتعلمى بسرعة يعنى التدريب ده لأى حد فى 3 ايام او اكتر لكن انتى فى 3 ساعات وده حاجة جامدة جدا
سهوة بتفاخر : مابحبش اتكلم عن نفسى
ضحكت سهوة وضحك معاها يوسف وبصلها وعنيهم اتقابلت كأنهم اول مرة بيشوفوا بعض وتاهوا فى عيون بعض ومسكها يوسف وباسها وهى حضنااه ورجع بصلها
يوسف : بعشقك
سهوة : وانا بموووت فيك
يوسف : طيب انا علمتك ودربتك اهو يلا بقا علشان تدربينى علشان نبقى متساويين
سهوة بضحك : ايه يا يوسف انت مش بتزهق
يوسف قام وشالها : مع سهوة مفيش زهق
وهى بتضحك جامد وحضناه ومبسوطة وبتتمنى ان كل ايامها تكون سعادة وفرحة دايما
...
صابر : بما اننا فى الطيارة يا ايما ، لما نوصل مصر هخليكى تعرفى صحاب كتير
ايما بفرحة : بجد يا بابا
صابر : ايوى يا قلب بابا
ايما : ومين دول يا بابا
صابر : دول بقا يا ستى قرايب ماما الله يرحمها، يعنى ليكى ولاد خالتك وكدا وقرايب يعنى هتتعرفى عليهم وتلعبى معاهم ويبقى ليكى قرايب وصحاب كمان
ايما بفرحة : هيييييه .....طب هطلب منك طلب كمان
صابر : انتى تؤمرينى
ايما : عايزة اثوف صور ماما كلها وتخلينى ازورها
صابر بحزن : انتى عرفتى موضوع الزيارة ده منين
ايما : عرفت من على النت ان اللى مات لازم نزوره فى قبره...صح يا بابا !!!
صابر : ايوة صح يا ايما ...خلاص هاخدك معايا ونزور ماما ، مبسوطة يا ستى
ايما بفرحة : ايوة يا بابا
........
يوسف : سهوة حبيبتى
سهوة : اممم
يوسف : تصدقى انا لحد دلوقتى معرفتش عنك اى حاجة غير خالتك دى بس
سهوة : عايز تعرف ايه يا روحى عنى
يوسف : كل حاجة
سهوة : امممممم طيب بص يا سيدى انا اتولدت فى عيلة فقيرة، مش اوى بس ابويا كان على اده جدا، اتولدت وانا عندى اخ اكبر منى، المهم اللى عرفته لما كبرت شوية انى قبل ما اتولد كان ليا اخين اخ كبير واسمه محمود واخ اصغر منه اسمه صابر، اتولدوا قبل ما اتولد بكتييير، المهم اللى عرفته انه في يوم محمود وصابر كانوا ماشيين ...محمود كان رايح مشوار يجيب حاجة وصابر شبط معاه وصابر اصلا شقى ...صابر تاه من محمود واليوم ده محمود جيه وبيقول صابر اختفى وتاه وبابا فضل يدور عليه فترة كبيرة لحد ما فقد الامل ...بعدها ب 3 سنين اتولدت انا ..اليوم اللى اتولدت فيه محمود عمل حادثة واتوفى
يوسف : نحس
ضحكت سهوة وكملت : اتولدت وحيدة وعندى ابويا وامى وبعدها بفترة حوالى 7 سنين او اكتر اتولدت نيرة،
بابا وقف جمبى جامد لغاية اما دخلت هندسة وكان اغلى حاجة عندى هو وماما ونيرة ...فى تانى سنة ليا فى الكلية بابا اتوفى وكنا فقراء اوى، فضلنا عايشين على المبلغ اللى بابا سابهولنا لغاية اما اتخرجت وفضلت ادور على شغل والفلوس اللى بابا سبهالنا خلصت والمعاش مكانش بيكفى بس مالقتش شغل وكله واسطة، اضطريت اشتغل خدامة والايام كانت بتعدى لغاية اما قابلت باباك وحصل اللى حصل ده كله
يوسف : ياااه انتى عيشتى حياه صعبة اوى....ماحبتيش في الكلية !!
سهوة بحزن : ايوة وسابنى علشان فقيرة
يوسف : احسن علشان تكونى ليا وبس، بس لو شوفت الحيوان ده همسكه اضربه
سهوة : هههههه يبقى احسن برضو
نام يوسف ونامت سهوة فى حضنه بعد حوار طويل جدا
*******
طلع نهار اليوم الجديد وقام يوسف على صوت سهوة بتصحيه
سهوة : اييه صحى النوم......صباح الخير
يوسف بإبتسامة : صباح النور
سهوة : يلا قوم علشان الشغل
يوسف : طيب يا قلبى هخش اخد شاور
سهوة : ماشى وانا هلبس
يوسف بضيق : سهوة عايز اقولك على حاجة لو قبلتى يبقى حلو اوى بس لو ماقبلتيش يبقى براحتك ومش هعترض
سهوة بقلق : ايه
يوسف : مش عايزك تروحى الشغل، انتى خلاص بقيتى مراتى وماينفعش تشتغلى
سهوة : يا يوسف انا اتعلمت واتخرجت علشان اشتغل وماصدقت الاقى الشغل، تيجى وتقولى سيبى الشغل !!!
يوسف : كل الشغل بتاعك هجيبهولك تعمليه هنا
سهوة : لا يا يوسف برضو بس اوعدك مع اول طفل ربنا هيرزقنا بيه هسيب الشغل واعمله فى البيت زى مانت قولت
اتضايق يوسف شوية وبعدها ابتسم وقالها : خلاص يا حبيبتى
دخل يوسف ياخد شاور وخرج لقى سهوة لابسة وجاهزة ....لبس يوسف ونزل هو وسهوة ولقوا العيلة كلها صاحية واتجمعوا وقعدوا فطروا كلهم مع بعض، خلصوا ويوسف خد سهوة وركبوا العربية وراحوا على الشركة والكل كان فى استقبالهم وبيباركلهم على الجواز
دخل يوسف مكتبه ودخلت سهوة معاه وعرفوا شوية حاجات عن الشغل وراحت سهوة على مكتبها
سهوة بفرحة : ولااااء وحشتينى اوى
ولاء بإبتسامة : وانتى اكتر والله، عاملة ايه فى الجواز، حلو ولا وحش طمنينى
سهوة بضحك : لا الحمد لله لحد دلوقتى حلو
لسة هتكمل كلامها لقت سما داخلة
سهوة وهى بتجز على سنانها : وشكله هيقلب غم
سما بدلع : هاى، يوسف جوا علشان اقابله !!
سهوة بصتلها بضيق : عايزاه فى ايه
سما : حاجة مهمة ...ممكن تقوليله بقا !!
سهوة بضيق : مشغول
سما : طيب هستناه
فضلت سما قاعدة شوية لغاية اما يوسف خرج واتفاجئ بيها وقامت وراحتله
يوسف : ايه اللى جابك هنا ؟
سما : عايزاك فى موضوع لوحدنا فى المكتب
يوسف : طيب ...
دخل يوسف المكتب وهى دخلت وراه وسهوة هتموت من الغيظ واللى غاظها اكتر ان سما قفلت الباب
يوسف : عايزة ايه !!
سما بدلع : بقا كدا يا سوفة الفترة دى كلها ماشوفكش
يوسف : هو مفيش حد قالك انى اتجوزت وكنت فى شهر عسل ولا ايه !!
....
سهوة كانت قاعدة برا متوترة ورايحة جاية وولاء بتتكلم وهى مش معاها خالص بتفكر فى سما، اكيد جاية علشان تبوظ الدنيا ومش هتسيبه فى حاله ولا هتسيبها فى حالها وعمالة تفكر
ولاء : سهوة ....سهووووة
سهوة بأنتباه : هاااه
ولاء : هااه ايه، انتى فيين يابنتى، بتكلم ومش بتردى عليا خالص
سهوة بتوتر : العقربة اللى جوا دى
ولاء : اهدى يابنتى وماتتوتريش كدا .... اكيد هتقوله حاجة وتمشى
سهوة : لا لا دى جاية علشان تعمل مشكلة بينى وبين يوسف
ولاء : طيب اهدى
سهوة بقلق وتوتر : لا لا انا لازم ادخل اشوفها بتقوله ايه وعايزاه فى ايه !!!!
........
سما : المقشفة اللى برا دى
يوسف بعصبية : ده انتى اللى مقشفة.....اللى برا دى احسن واشرف منك مليون مرة، انتى فاهمة !!
سما قربت من يوسف بدلع وحطت صباعها على بؤه
سما : ششششش انا بموت فيك
وللحظة كشفت صدرها خالص ويوسف مش مستوعب اللى عملته وحاول يشتت نظره علشان مايضعفش قدامها
سما بدلع : انا اهو قدامك ....كلى قدامك
يوسف اتوتر : اخرجى برا
سما قربت اكتر وحضنته بنفس حالتها : بحبك اوى
يوسف خلاص مش قادر وفعلا ضعف بس فاق ولسة هيزقها الباب اتفتح وسهوة دخلت وفى نفس اللحظة دى سما هى اللى زقت يوسف وقالتله : يا يوسف اهدى علشان مراتك ماتشوفناااش
سهوة كانت هتموت ومصدومة جدا من المنظر ونظراتها كانت كلها دموع .......
***************************************************
