رواية جريمة عشق الجزء الثالث الفصل الثاني والعشرون
بسم الله نبدأ
رينو . شافت محمد بيضحك ونور مبسوطه . وآدم بيضحك ..حست بطاقه ايجابيه ف وسط كل الموجودين .وكمان فرحت جدا لما آدم قالهم إن مراد وفهد بخير .
وشافت الجو بين الكل حلو جدا . وإن الكل مبسوط ودي فرصه كويسه جدا . هي كان نفسها فهد اول واحد يعرف . لكن عيلتها الل بتحبها كمان ليها حق انها تفرح . وقامت مره واحده . وقالت بابتسامه بابي . مامي . انا عايزه اقولكم ع خبر حلو قوي !!
الكل انتبه . وآدم ومريم بصو لبعض . وبصو ل رينو . ومريم من جواها حاسه ان رينو هتقول انها هتبقى ام . ومنتظره الخبر بفارغ الصبر.
آدم : خير ياروحي خبر ايه !؟
رينو : بتوتر . وبلعت ريقها . وبصت للكل . انا انا .... احم . انا حامل ..
الكل بصو لبعض بضحكه صافيه من الفرحه وقلب مريم كان بيضحك وعيطت من الفرحه .
وآدم : عيونه دمعت اخر العنقود حامل . وقام وراح ضمها لقلبه وغمض عينيه . حبيبتى . نوتيلت قلبى . وضحك . بنوتى الرقيقه حامل .!؟ وباس راسها . الف الف مبروك ياروحي . ومسد ع نقابها . الف مبروك يارينو.
رينو : حست بشعور غريب . وكأنها لسه عارفه انها حامل دلوقتي . وداقت طعم الفرحه بالخبر ده بجد . وكانت تتمنى أن فهد يكون موجود . ويضمها لحضنه اول واحد .. وقالت بحرج الله يبارك ف حضرتك يابابى ..
مريم : بسعاده . قامت وفتحت أيديها واخدت رينو ف حضنها . حبيبتى . نور عينى والله الفرحه دى كنا محتاجينها . الف الف مبروك يارينو . ومسكت وشها بايديها من فوق النقاب وباست جبينها .
رينو : بدموع . وضميرها بيأنبها انها اتأخرت ومقالتش لحد . الله يبارك فيكي يامامي . وباست ع ايديها ربنا ما يحرمنا منك ابدا انتى وبابي ..
نور : راحت بسرعه . مبرروك مبروك مبروووك . وحضنت اختها الصغيره بسعاده كبيره . حبيبتى الف مبروك يارينو انا مبسوطه اوى اوى ..
رينو. : الله يبارك فيكي يانور ميرسي ..
زين : اخدها ف حضنه . وباس جبينها . عارفه انا حاسس ان بنتى الل بتقول انا حامل . تخيلى بقى لما مراد يعرف أن نوتيلت قلبه حامل. ولا الفهد . بجد فرحتينا . الف مليون مبروك ياحبيبتى .
رينو : بدموع . الله يبارك فيك يا ابيه.
محمد : ابتسم . الف مبروك يارينو . والله بجد انهردا يوم مميز . واجمل خبر سمعناه انهردا .
فريحه : راحت عندها مرات اخويا توأمي . وحضنتها الف مبروك . دي مامي هتفرح جدا مش عايزه اقولك هي كانت بتدعي كتير قد ايه . انها تشوف ولاد فهد ورينو .
رينو : ابتسمت بزعل من نفسها .. الله يبارك فيكي يافريحه . انا إن شاء الله بكره بعد الجامعه . هروح مع رودي وافرحها بنفسي . وبصت ل آدم ده بعد اذنك طبعا يابابى .
آدم : بسعاده . ومالو ياروحي . وترجعى بكره مع طارق ورنا لأن طارق قالى أنه جاى بكره علشان يزور فريحه .
ريتال : وسعو بقى انتو كبستو ع نفسها كدا ليه . تعالى واخدتها ف حضنها الف مبروك يارينو الف الف مبروك . انا بجد مبسوطه اوى علشانك .
رينو : بسعاده . بجد ياجماعه انا الل بشكركم ع فرحتكم ليا بالشكل ده .
نور : همست بصوت واطي .. قوليلى انتى حامل ف الشهر الكام .
رينو : اتكسفت من سؤال نور . لكن ردت الدكتوره قالت انى حامل ف شهرين واسبوع.
وبصت ل مريم وقربت منها وقالت بهمس. مامي انا اسفه انا تعبت فجاءه . وحسيت انى مش طبيعيه وكشفت عند دكتور نسرين من يومين . وقالت انى حامل وحسبت الايام وقالت انى حامل ف شهرين واسبوع .. ورينو طبعا محبتش تكسر فرحتهم وتقولهم انها عارفه من شهر وخبت عليهم .
والكل فرح ل رينو وقعدو مبسوطين .
تيم : قعد ع كرسي لوحده . ومكشر جدااا . ورينو بتدور عليه شافته قاعد بعيد عنها . وندهت عليه تعالى ياتيمو جمبى هنا .
تيمو : هز راسه بلاء . وباصص ف الارض وزعلان .
الكل بص ع تيم . واستغربوه . ماعدا مريم ونور الل ابتسمو ..
رينو : قامت ومسكته من ايدو واخدته مكانها وقعدت . وهو واقف قدامها . مالك ياتيمو ياحبيبى مكشر اوى كدا ليه .
تيم : بصلها . وساكت .
رينو : باسته من خدو . قولى بقى زعلان ليه . ولا عايزنى ازعل منك ..!!
تيم : رينو . انتى حامل . وسمعت ريتال بتقول رينو هتجيب نونو صغير . وبصلها بزعل انتى هتجيبى نونو . وتنسي تيمو يارينو .
الكل . ابتسم واتأثر من كلام تيم .
رينو : ابتسمت بدموع . واخدته ف حضنها . ابدا أبدا . تيمو حبيبى انا وبس . وانت ابنى وبحبك وبموت فيك . والنونو الل هيجي ده هيكون اخ لتيمو . او اخت لتيمو . لكن تيمو هاحبه اكتر واحد ف الدنيا دى .
تيم : ضحك . وفتح ايديه . انتى هتحبى تيمو قد البحر والسما .
رينو : انا بحب تيمو قد البحر والسما وقااااااد الدنيا دي كلها . وتيمو هيحب النونو مش كدا .
تيم : النونو ده هيبقى بتاع تيمو وبس ...
----------------------بقلمى Mariem Nasar
ف ايطاليا بعد منتصف الليل
جيسيكا .نايمه ع السرير . وكانت لابسه طقم لاتعليق عليه حرفياً واللاب توب جنبها بتراقب سفيان الل نايم ومش لابس تيشرت .
..وبتفكر كتير ف سفيان وردود أفعاله وأن هو الل متحكم فيها . مش هي . وده طبعا كسر غرورها . وقامت ومتغاظه من سفيان . وقفلت الكاميرات . ودخلت عليه الاوضه بالطقم الل لابساه. وكان نايم. وقربت منه وبدءت تقرب من فهد وتبوسه وتخدره بطريقتها . وقالت الآن انا الذي ساتحكم بك سفيان .. وفهد فاق وحاول يبعد لكن جيسيكا سيطرت عليه كلياا بقربها منه بالطريقه دي. وفهد استسلم ليها تماماااا . وجيسيكا ابتسمت بنصر .وبتقرب اكتر من سفيان . الل تجاوب معاها وبقى تحت سيطرتها. ومره واحده . جيسيكا فتحت عينيها . وبصت حواليها . واكتشفت أنها بتحلم . وغمضت عينيها ونفخت بديق . واتعدلت . وجابت علبة السجاير . وطلعت سيجار وبتشرب . وبتنفخ الدخان بغيظ . تبآ لك ايها الحقير سفيان . لقد جعلت تفكيرى يخرج عن السيطره . ما هذا الحلم الغبي جيسيكا . ومع من !؟ مع هذا الأبله الذي يظن انك خادمة هذا القصر . انا سالقنك درسا قاسيا سفيان الغبى . ولكن كيف !؟ كيف !؟ نعم انا سافعل اي شئ حتى اضايقه . وفتحت اللاب توب وبتراقب فهد .لكن الاوضه كانت ضلمه . ومشافتش حاجه. وهزت راسها يمين وشمال . جيسيكا . لا تهتمي بشأن هذا الغبى الآن . انتى امامك مهمه كبيره جدا .و قريبا ستحصلين ع التاج الملكي . وقامت وخرجت من الاوضه . ونازله شافت سفيان . داخل ع المطبخ . ونزلت بشويش علشان تشوفه هيعمل ايه .
فهد : كان ف الاوضه وبيحاول ينام لكن مش عارف . وطفا كل الاضاءه علشان يقعد براحته.
ونام ع الكنبه وحط ايده تحت راسه . وبيفكر ف رينو . وازاى قدر يسافر وهي زعلانه منه . مهما كانت المشكله لازم كنت اخدها ف حضني واودعها . افرض مرجعتش تانى . أفرض حصل اى حاجه ..ونفخ بديق . اااه يارينو لو تعرفى انتى ملخبطانى قد ايه . ومخليه عقلي مشتت منى . اااه لو اعرف بس انتى فين . فكرة انى مش عارف مراتى فين دي هتشل عقلى وتفكيرى . انى اعرف انك سافرتى ولا لأ دي بقت أمنية حياتى . انتى متعبه جدا يالارين . وعنيده . اوووف واتعدل وقعد . طيب يافهد لو عرفت إن لارين سافرت ومسمعتش كلامك هتعمل ايه !؟ وغمض عينيه بغضب والله ماهتعدي بالساهل . لكن لأ لأ . اكيد آدم منعها من تفكيرها الغبى ده . يووووه دماغي هتنفجر . وقام وخرج من الاوضه ونزل ع المطبخ . يعمل قهوه ..
جيسيكا : نزلت ووقفت بعيد تراقب فهد . لكن شافته بيعمل قهوه . ودخلت عليه . ماذا تفعل سفيان .!؟
فهد : واقف مديلها ضهره . ولما سمع صوتها غمض عينيه بغيظ . الله يخربيتك ياشيخه . ولف ليها ولسه هيتكلم . لكن اتصدم من الل هي لابساه . وبص بسرعه ع القهوه . احم لم استطع النوم واعانى من الصداع المزمن . فاعددت بعض القهوه . ومن ثم ساخلد إلى النوم .
جيسيكا : رفعت حاجبها . وربعت ايديها . أرى أنك تتجول ف قصري كأنه منزلك سفيان .
فهد : من جواه مش طايق نفسه . ونفخ بديق حقيقي ومسك القهوه . وسايبها وخارج ..
جيسيكا : مسكت دراعه . وصكت ع أسنانها بغيظ. لآخر مره سفيان . تتجاهل جيسيكا . وإلا اعدك انك ستندم كثيراً .
فهد : لف ليها . وابتسم بتكليف . ماذا تريدين جيسيكا . !؟ ومسك القهوه .. اتريدين ان اسكب هذه القهوه واعود الى الغرفه . وانتظر موعد طعامي ف الصباح . جيسيكا انا لست معتاد ع اسلوب الأمر فهمتى . انا أرى أنك مستاءه من افعالى. لا مشكله . دعينى اذهب من هنا . واعود الى غرفتى ف إقليم ماركي . حيث الهدوء والبحار اعيش بمفردي كمان كنت . اعد قهوتى ف اي وقت اخرج بدراجتى الناريه في اى وقت .
جيسيكا : قربت منه . انت ثرثار سفيان . وارى انك تقول جيسيكا دون تكليف . انا سيدتك . وعندما تتحدث معي لاتنطق اسمي هكذا فلتقول سيدتى حسنا !؟
فهد : قرب من وشها حسنا فهمت جيسيكا . ولكن لا تنتظرى منى أن أقول لكي سيدتى هذه ع الإطلاق فهمتى جيسيكا !؟
جيسيكا : قبضت على ايديها بغضب . انت تتجاوز معي سفيان . وإن لم تفعل ما آمرك به لقتلتك ف الحال . انا سيدتك فهمت !؟
فهد : ببرود علي رسلك جيسي . اقول لك سيدتى وانتى ابنة ال26 من عمرك . كيف يعقل هذا . وإن كان هذا سيرضي غرورك وتتمنى أن سفيان يقول لكي سيدتى حسنا لا مشكله لدي . ولكن ساقولها لكي عندما اكون حارسك الشخصي حسنا . اهذا جيد لكي . اهدئي قليلا . وساب القهوه ع المطبخ . اتريدين منى شيئا اخر . اريد ان انام !!
جيسيكا : بغيظ من رودود سفيان ... سابته وخارجه . سيتم توظيفك بعد غد سفيان . استعد .
فهد : هز راسه . وابتسم من جواه لانه كدا هيبدء الشغل الجد . لكن كان مدايق من لبسها . وساب القهوه . وطلع دخل الاوضه . وبيلف اتصدم صدمة كبيره جداااااا .. جيسيكا !!!! ؟
جيسيكا : طلعت متغاظه واقسمت انها تنتقم منه . المهم أنه يطيع أوامرها . ودخلت اوضة سفيان . ومستنياه ف السرير .. واتكلمت بثقه نعم سفيان جيسيكا ..!
فهد : فهم الل هي ناويه تعمله . وغمض عينيه بغضب . وحاول يسيطر ع أفكاره ومش وقت يعاندها . وحط ايدو ف جيبه .احم ماذا تفعلين هنا !؟
جيسيكا : قامت ووقفت قدامه . اريدك سفيان . ولكن اريد أن تعرف انى لا اريدك كما تظن انى افكر بك أو اهتم لأمرك . لا سفيان انا اريدك لانى اريد هذا فهمت !؟
فهد : اممم انتى تريدى أن ترضي غرورك . وطلع ايدو من جيبه ومسح وشه بايديه . وبصلها وسكت شويه ...
جيسيكا : ستفعل ما آمرك به سفيان . انا سيدتك . وبتقرب منه ..!
سفيان : وهيدا . جيسيكا !؟
جيسيكا : هيدا !!؟ انها من الماضي وماتت . وهذا لا يعنى لي شئ . انت ستفعل معي ما اريد والآن فهمت !!؟
فهد : هز راسه . وحط ايديه ف وسطه . اممم حسنا . وانا اريدك أيضا . وشالها ورايح بيها ع السرير من غير مايتكلم ..
جيسيكا : من جواها بتضحك بنصر لانها أمرت سفيان وهو سمع كلامها .
فهد : نزلها ع السرير . واتعدل . وقلع التيشيرت . وبيقرب منها ..
جيسيكا : بتقرب من سفيان. لكن فتحت عينيها مره واحده . وزقت سفيان . وقفلت مناخيرها بايدها . ما هذه الرائحة الكريهة . وزقت سفيان وقامت ..
فهد : اتعدل ومسك ايديها . ماذا بك . هيا تعالى انا اريدك جيسي .
جيسيكا : شدت أيدها . انت مقرف ومقزز . رائحتك كريهه جدا . انت حقير سفيان . وسابته بسرعه وقافله مناخيرها بايدها وخرجت وقفلت الباب وراها .
فهد : قعد ع السرير . وكاتم الضحكه علشان الكاميرات . وبيمثل أنه بيشم التيشيرت ومثل الحيره . وقام ودخل الحمام . وضحك من قلبه ع شكل جيسيكا . هههههههههههه . الله يخربيت فقرك يامراد هههههههه . ووقف قدام المرايا يغسل سنانه بالمعجون . ورجع بتفكيرو لما كان مع مراد ف الفندق امبارح !!
فلاش باك ..
مراد : حكى كل حاجه لفهد . والباب خبط وكان الغدا جه .
اكرم : قام يفتح وياخد الغدا ..
.مراد : اسمعنى يافهد بما أن انت قولت ع الاماكن الل جيسيكا بتبقى موجوده فيهم ف القصر . انا هسلمك ميكرفونات صغيره جدا جدا . ودي بقى بشطارتك انت عايزك تزرعها ف الاماكن الخاصه الل هي بتقعد فيها مع الل اسمه بيشوي ده . واكيد أسرارها كلها عندو . وكمان تزرع ميكرفون ف كرسي كيڤين . لانه اكيد عندو معلومات أو أى خطط . وده هيفيدنا جدا وهيسهل علينا كتير .
فهد : تمام . سهله جدا . وفعلا هتسهل علينا كتير .
مراد : تمام امسك العلبه دي فيها الميكروفونات مع الماده اللاصقه ..
فهد : اخد العلبه وحطها ف جيبه ..
مراد : بص لفهد . وطلع من جيبه علبه صغيره . امسك يافهد العلبه دى خليها معاك ع طول ف كل وقت .
فهد : اخد العلبه .. دي علبة ايه دي !؟ وبيفتحها . اووف وقفلها بسرعه .ايه يعم الريحه دي . دي علبة توم دي ولا ايه اووف وبيكح !؟
مراد : دي علبه فيها ( ١٥ قرص )دى خلطة اعشاب . عباره عن توم وبصل وتوابل ريحتها نفاذه وقويه جدااا واكتر حاجه فيها التوم والبصل. وملهاش اى ضرر نهائي ..
فهد : امم طيب ليه !؟
مراد : اولا جيسيكا دي مش ساهله . وانك بتعاملها المعامله دي هي حباها جدا . بس غرورها مانعها تعترف بده . وهتفضل تفكر كتير .. وعلشان تكشفك هتحطك ف اختبارات صعبه لسفيان المسلم . واكيد هتفكر انها تقرب منك . وانت من وجهة نظرها كنت عايش مع هيدا ف شقه لوحدكو يعنى الحجات دي عادي بالنسبالك . وعايزه تتأكد من انك هتوافق ولا ترفض . وكمان دي مش اى حد . لأ دي جيسيكا كيڤين . يعنى بنت رئيس المنظمه اي حد يتمنى بس يبصلها . ولو انت رفضت كدا انت هتدخل دايرة الشك ع طول . انا بقى عايزك تخبى العلبه دي ف السوسته السحريه الل ف الشنطه . ولازم . لازززم يافهد تخلى قرص ف جيبك احتياطى ف اى وقت . ومن غير ماتشوفك ف الكاميرات . ولو حاولت انها تقرب منك . بطريقه خفيه منك. تحط القرص ده تحت اللسان من غير ما تشرب ميا . هو طعمه لازع جدا . ولازم تستحمله . ولما هي بقى تحاول تقرب منك مش هتقدر تستحمل الريحه دي . وإن شاء الله خير . تمام فهمتنى يافهد !!؟
فهد : هز راسه . فهمت تمام جدا انا كنت قلقان جدا . كل شويه اقول ربنا يستر ومتختبرنيش الإختبار ده ..
مراد : ربنا يستر إن شاء الله .
فهد : فاق من أفكاره . وبيغسل سنانه بالمعجون .. وضحك تانى ع شكل جيسيكا . وحمد ربنا ان كان ف قرص ف جيبه . ولما شافها حط ايدو ف جيبه واخد القرص . واخده وهو بيمسح وشه بايديه . وبصلها وسكت . لأنه كان بيحاول بكل قوته سيتحمل طعمه . ووافق ع طلبها علشان متشكش فيه. وبص ف المرايا . وقال فاضل انى ازرع الميكروفونات بكره . باي طريقه . وهستلم شغلى بعد بكره . والشغل الل بجد هيبدء ..
----------------------بقلمى Mariem Nasar
بعد كام يوم ..
آدم : نايم واميرته ف حضنه . والمنبه رن ف ميعاد الشغل .
آدم : فاق . ومريم صحيت . وبصت ل آدم الل بيبص عليها ومبتسم . صباح الخير ياحبيبى.
آدم : وهي ف حضنه ..صباح الحاجه الحلوه .
مريم : ههههه . انت الحاجه الحلوه ف حياتى..
آدم : ابتسم . وباس خدها . نمتى كويس !؟
مريم : امم الحمد لله . بقالى فتره مكنتش بنام كويس . يمكن من قلقلى ع رينو . لكن الحمد لله الدكتوره طمنتنا ان كل حاجه تمام . هي بس تهتم بالاكل .
آدم : طيب واميرتى الحلوه بقى مش ناويه تهتم بالاكل .
مريم : حبيبي . والله انا باكل كويس . اومال انا عايشه ازاى يعنى . بفطر معاك قبل ما تنزل ع شغلك . وبتغدي معاك . هو بس العشا الل باكل فيه حاجه خفيفه كدا علشان لما بتعشي مبعرفش انام كويس .
آدم : باس أيدها . اعملى حسابك انى بعد ما مراد يرجع إن شاء الله . هاخدك ونسافر ونعمل تشيك اب انا وانتى. .
مريم : لسه هترفض .
آدم : هاااا !!! . كلامي لازم يتسمع تمام . ومفيش نقاش ف الموضوع ده . انا اكتر من مره اقولك تعالى نكشف عليكى حتى نطمن وانتى بترفضي . لكن خلاص انا اخدت قراري تمام ..
مريم : رجعت راسها ع كتفه وبصتله بحب. حاضر يا آدم وانا لازم اسمع كلامك ياحبيبى .
آدم : عارفه انا بفكر . اننا نسافر ونقعد انا وانتى شهر كامل . نستجم كدا لوحدنا عايز اشبع منك يامريم . الشركه والشغل والمسؤليه اخدوني منك . ومش عارف اقضي معاكي وقت لوحدنا .
مريم : قلبها دق بسعاده . وغمضت عينيها . انا كمان نفسي اقضي معاك وقت كبير جدا . انت مشاغلك كتير ربنا يكون في عونك . وإن شاء الله لما مراد وفهد يرجعو بالسلامه . تاخدنى ونسافر ع اى مكان . المهم تكون معايه ..
آدم : باس راسها . حبيبتى عينيه ليكي . اممم انا عايز اقولك انى انهارده هتأخر شويه .
مريم : بزعل . هترجع امتى يعنى بالسلامه ..؟
آدم : بصي علشان مكدبش عليكى انا معرفش . انا هخلص الشغل . وهروح مشوار مهم مع طارق . بعد المغرب . ويعالم المشوار ده هيخلص ع امتى !! ولو ده هيضايقك بلاش اخلص شغلى واجي ل عشق ال آدم جري .
مريم : ابتسمت . لا ياحبيبى . شوف مصلحتك وشغلك . وتروح وترجعلى بألف سلامه ..
آدم : الله عليكي . يا قلب آدم . اهو انا بقى عايزك تدعيلى كدا ع طول .
مريم : اتعدلت وباست ع ايدو بحب . انا بدعيلك ف كل وقت . ولو لساني انشغل بحاجه تانيه قلبى بيكمل ويدعيلك . ربنا يحرسك ويحفظك ويكفيك شر اعدائك . ويخليك ليا ولا ولادك .وضحكت ويارب اشوفك وانت بتسلم احفادك لعرسانهم .
آدم : هههههههه . ياالله منك كل ده . هعيش كل ده ..
مريم : ربنا يديك طولة العمر . والله العيله دي كلها ماتسوي من غير آدمي حبيبى ونور عينى وأماني وسندى ..
آدم : تعالي هنا . وحضنها بسعاده . اااه هعشقك ايه اكتر من كده . عارفه والله يامريم كتير بحسد نفسي عليكى . انتى كتير عليا اوى . انتى كتير ع آدم .
مريم : غمضت عينيها ف حضن امانها . واتنهدت بحب . انت تاج راسي يا آدم حب عمري ورفيق دربي .
آدم : عيونه لمعت بدموع . من فرط السعاده . واتنهد وباس راسها . وانتى الماسة آدم------------- --
الحلقه 22 ج 2
#رواية_جريمة_عشق3 ..
(عشق الفهد)
بعد فتره.
ف الجامعه .
المحاضره . خلصت . والطلاب بدءت تخرج من المدرج .
رينو :. قامت وبتاخد الكتب . علشان تخرج .
معتز واقف ف اول المدرج . وبيسرق النظر ليها . وجواه مش عارف ينساها ومخنوق جدا .
رينو : خارجه . وشافت معتز واقف وعينيه عليها . ونزلت عينيها بسرعه . وخرجت ومهتمتش .
معتز : اخد الشنطه بتاعته بإحباط كبير . وخارج من المدرج . وشكله واضح عليه الإرهاق والتعب .
رينو : اتصلت ع رودي لكن فونها صامت ومردتش . وزي ما اتفقوا الل هتخلص الاول هتستنى ف الكافتيريا. ورينو راحت وقعدت ف الكافتيريا . وغاده شافتها وراحت قعدت جمبها ..
غاده : هاي الجميل عامل ايه !؟.
رينو : ابتسمت . هاى ورحمة الله . الحمد لله ياغاده . انتى عامله ايه !؟
غاده : شافت معتز واقف ف الكافتيريا وبيتكلم ف الفون . وسندت ايدها ع خدها اااه انا كويسه . بس قلبى مش كويس يختى . ادعيلى وانبى يا لارين ان الل بحبه يحس بيا أصله وجعلى قلبى اوى واتنهدت .
رينو : زعلت علشانها . وقالت حبيبتي إن شاء الله ربنا هيريح قلبك ويرزقك بالل يصونك . لكن مفيش حاجه اسمها انك تحلفينى بالنبي . قولى لا إله إلا الله . انتى عارفه إن لاحلفان إلا بالله . ودي مش اول مره اقولك عليها .
غاده : اه والله فعلا . أستغفر الله العظيم يارب . لا اله إلا الله .. خلاص بالله عليكي تدعيلي أصله مقفل خالص ونفسي امسكه من زومارة رقبته واهزو كدا واقوله نحن هنا .
رينو : هههههههه .. الله يكون ف عونه هو طالب هنا ف الجامعه ولا قريبك !؟.
غاده : قلبها دق . وبصت وقالت بهيام تؤتؤ هو دكتور ف الجامعه هنا .
رينو : بدهشه هيييييه انتى بتحبى دكتور هنا . وفتحت عينيها على الاخر . اوعي يكون الدكتور عبد الحميد . ههههههههه مش معقول ههههه
غاده : بصت ل رينو بغيظ . الدكتور عبحميد . يعنى بزمتك هحب واحد قد ابويا وكرشه مدلدل وتصرقاته تصرفات مراهق . شكلى كدا هعمل جنايه انهردا ..
رينو : عبحميد ههههههه . خلاص خلاص متزعليش . قوليلى مين هو الل أمه داعيه عليه ده .
غاده : اه وانبى يارينو يختى أمه داعيه عليه أوى . وداعيه عليه أنه مايحسش بيا .
رينو : اوووف تاااانى ياغاده . بتحلفى بالنبى .
غاده : لا إله إلا الله . أستغفر الله العظيم يارب . اسمعى يستى . هو الدكتور معتز ..
معتز . كان ماشي ورا رينو بمسافه . ودخل الكافتيريا . وفونه رن . وشافه وكان المتصل وليد ابن خالته .. وليد الشامي .ورد عليه الو .
وليد : هالووو ميزو حبيب قلبي عامل ايه يادكتور .
معتز : بنفاذ صبر . انا كويس الحمدلله . واخيرا حنيت واتصلت . وشوفت رقمك عندى وليد : براحه ياوحش عليا . روق كدا . انت عارف انى مسافر شرم . واكيد مش فاضي هههههههههه . ياريتك معايا كنت هظبطك هههههههههههه .
معتز : لا خلي الحجات دي ليك .. واحد غيرك كان اتعلم لكن لأ الستات والشرب رقم واحد ف حياته . ومحاولتش حتى تعتذر لمديرك ف الشغل . مقضيها سفر وفسح وكباريهات حتى خالتى الله يرحمها ماتت وهي زعلانه منك وزعلانه عليك . انت مش هتفوق بقى .
وليد : نفخ اوووف يخربيت ام المثاليه الل انت فيها . فكك منى انا بس وركز ع الل مطلعه عينك . عارف ياض يامعتز انا كنت ناوى انزل من شرم عليك ف الكليه علشان اشوف الل مدهولاك كدا . بس جوز خالتك بقى قالى تعالى ع المصنع الل ف الكويت . هخلص كدا كل حاجه . ولما إفضى ابقى اجيلك .
معتز : بيسمع وليد وعيونه ع رينو . واتنهد . لا ياوليد خلاص مفيش حاجه كل شئ قسمه ونصيب . هي اتجوزت خلاص .
وليد : الوو . الوو ولا يامعتز صوتك راح فين.
معتز : الو . الو وليد . والخط قطع .
وليد : ف التراس مع بنت والخط قطع . هو كان بيقول ايه الواد ده . بقى عيل كئيب اوى . وبص للبنت ماتجيي اقولك ع حاجه ف منتهي الخطوره هههههههههههه .
البنت .بدلع .. وانا كمان عايزه اقولك ع حاجه ف منتهي الفظاعه هههههههههههه..
ف شركة آل العدوي
آدم ف المكتب ومعاه طارق ومحمد .
محمد : اخد اجازه بقاله يومين وركبو كاميرات ف مكتب احمد ..وانهردا التنفيذ . ومحمد قاعد ومن جواه خايف وقلقان . ونور كل خمس دقايق تتصل عليه ومرعوبه وخايفه ع آدم ومحمد جدا ..
آدم : بص ف الساعه . تمام المغرب فاضل عليه ربع ساعه . طارق اتصل ع رمزى . وقوله يجهز نفسه ويلبس من دلوقتي . ويصلي المغرب ويروح ع المستشفى ع طول . واحنا هنحصله وكل حاجه جاهزه معانا . واول مايبدء ويقع ع الأرض رجالتنا هتشيله وتسلمه ف مبنى الحالات الانسانيه .
طارق : هز راسه تمام . وطلع الفون واتصل ع رمزى وقاله كل حاجه آدم قالها .وقال ل آدم . الفريق بتاعي جاهز ومستنى الاشاره.
آدم : تمام . والباقى كله ع الله ..
المغرب إذن . وآدم وطارق ومحمد نزلو صلو ف مسجد الشركه وكان معاهم رعد منتظرهم وصلا معاهم .. واتحركو ع المستشفى . كلهم ف عربية آدم . ورعد الل سايق. ووصلو عند المستشفى . وركنو بعيد شويه .
محمد : فتح اللاب توب . الل متوصل بكاميرات غرفة العمليات . ومكتب احمد .
وآدم : فاتح اللاب توب . الل متوصل بالكاميرا الل مع رمزى . وجهاز التصنت . وقال رمزى وصل قدام المستشفى . ورجالتنا هناك .
وكلهم بصو وشافو . واحد لابس هدوم قديمه جدا . وشعرو منكوش . وشبشب قديم . وشكله متبهدل خالص . كأنه متسول بالظبط . وتابعو تحركاته . من اللاب توب
رمزى : ماشي بتمثيل قدام المستشفى بيعرج وبيرتعش . وقرب من الرجاله . وراح واقع قدامهم . والرجاله مثلو الدهشه . وراحو عليه يحاولو يفوقوه .
جه من وراهم فرد من الأمن . ماله الراجل ده .
# : مش عارفين . ده وقع مره واحده . ومش راضي يفوق .
& : ده مات ده ولا ايه . وشكلو شحات . وتلاقيه مكلش حاجه . وطب ساكت .
فرد الأمن : لا إن شاء الله مامتش . حد منكم يدخله المستشفى وهما هيهتمو بالحاله .
# : مستشفى . بالحجم ده . وكمان تخصصي هتقبل حاله ذي دى .
فرد الأمن : ايوه طبعا . الدكتور محمد عزيز الله يكرمه . مخصص مبنى مخصوص للحالات الانسانيه . حد منكم يدخله المستشفى بسرعه هتفضلو سايبينه كدا .
# : بص لصاحبه ..طيب شيلو معايه وبص لفرد الامن فين المبنى ده !
فرد الأمن : تعالى وانا هدخل معاك وهوصفلك المكان .
وشالو ودخلو بيه المستشفى . وملاقوش معاه اي إثبات شخصيه . وحولوه ع المبنى ..
فرد الأمن : بصو ياشباب . هتمشو ع طول واخر الطرقه دي تدخلو يمين . هتلاقو اسانسير وسلم هتطلعو الدور التاني . هو ده المبنى .
# : متشكرين جدا . تعبناك معانا .
فرد الأمن : لا متقولش كدا . انا معملتش حاجه . بلإذن انا علشان البوابه . وسابهم وخرج.
الشباب : دخلو الاسناسير . ورمزى . قام . وقالهم . انتو عارفين شكل الدكتور. والدكتوره
مش عايز لخبطه .
الشباب : تمام يافندم . وواحد قال احنا حافظين شكلهم يافندم . وإن شاء الله المهمه هتنجح . ربنا يوفقك يافندم .
رمزى : هز راسه . تمام يارجاله . يلا همتكو . والاسانسير وقف وخارجين شايلين رمزى . وماشين ف الطرقه . ووصلو عند مكتب احمد .
# : يا اهل الخير . حد هنا . مفيش اى دكتور هنا ..
& : انا هروح اشوف اي دكتور .
ف نفس الوقت . احمد ورانيا ف المكتب .ومحمد شايف وسامع الحوار.
احمد : اهدى بقى يارانيا . مش حتة عيل زى ده يدايقك .
رانيا : بغيظ . نعم عيل !؟ ده عيل مش متربى . انا قولتلك من زمان نخلص منه . انت رافض ليه ها !؟. الواد تحس انه مستقصدنى . ده بيقول عليا حرميه . وكمان مبيحبنيش . اااه يانارى . نفسي تطلعلى قلبه اكله باسنانى دول .
احمد : انتى عبيطه .احنا لو عملنا كدا . يبقى بنقول للكل هنا ف المستشفى . فتحو عينيكو موجود هنا تجارة اعضاء . متبقيش غبيه . وبعدين ده عيل صغير . سيبك منه وركزى بس . العمليه ناشفه اليومين دول . والجماعه شادين عليا وع الدكتوره . ومش عارف اجيب ناس منين .
رانيا : شادين ليه !!؟ انت امبارح مش واخد اتنين ع الشقه الل ف المنطقه السكنيه الجديده . وسلمت أعضائهم للجماعه . انت والدكتوره .!!!؟
احمد : ايوه يستى . هما عايزين كل ساعه أعضاء مش كل يوم حتى . وانا بسلم الاعضاء امبارح . قالولى شد حيلك شويه .
رانيا : سيبك من كل ده . انا متغاظه من الزفت الل اسمه تيم ده عاااايزه اقتله بايديا دول.
احمد : ههههه . انتى عايزه تقتلى تيم .. والدكتوره عامله معايه مشاكل علشان عايزه منى انى اجبلها الدكتوره نور لحد عندها علشان تاخد أعضائها وهي صاحيه . ههههه . وبص قدامه بغل . وصك ع اسنانه بغيظ. وانا عايز اطلع قلب محمد عزيز واكله ني . وسمعو صوت حد بينده ع دكتور .
رانيا : انا هاقوم أشوف ف ايه . حاجه تقرف .
# : يا اهل الخير . حد هنا . مفيش اى دكتور هنا ..
& : انا هروح اشوف اي دكتور .
رانيا : خرجت . وشافتهم . وشافت رمزى وقرفت من شكله . خير ياجماعه .!؟
# : حضرتك احنا كنا واقفين قدام المستشفي ومستنين واحد صاحبنا عشان مسافرين . والراجل الغلبان ده كان ماشي قدامنا . ووقع طب ساكت مره واحده . وواحد من الأمن قالنا ان ف مبنى هنا للحالات الانسانيه . وجبناه ع هنا .
رانيا : هزت راسها . امم طيب سجلتو اسمه ف الاستقبال ..
& : لا يا دكتوره . ملقناش معاه اي حاجه إثبات شخصيته . وانتى شايفه شكله . اكيد مالوش حد .
احمد : من ورا رانيا . وابتسامه فرح .. ايه يا دكتوره . وده وقته لازم ننقذ حالة المريض .
وجه : ٢ ممرضين . واحمد قالهم . خدوه على اوضة الكشف وبعدها هنعمله الاشعه والتحاليل اللازمه . وإن شاء الله هيخرج من هنا زى الفل .
# : ربنا يبارك ف امثالكو يارب . طيب نستاذن احنا .
احمد : بسعاده : طيب مين فيكم الل هيبقى مسؤول عن الحاله !؟
& : والله يادكتور . وفون الشاب ده رن ..وبص ف الفون .. وقال ل احمد .. احنا مش القاهره . ولازم نسافر دلوقتي . ومعلش دي مسؤوليه كبيره واحنا مش قدها .
احمد : هز راسه بسعاده كبيره . اممم تمام . اتفضلو انتو . واحنا هنهتم بالمريض ..
الشباب : تمام . وخرجو من المستشفى . وركبو ف العربيه ومستنين إشارة طارق . والقوه واقفه بعيد عنهم ..
محمد : كان بيسمع رانيا وأحمد . وعيونه مفتوحه على الاخر بصدمه . من الل سمعه . وكان عايز ينزل من العربيه ويطلع يقتل رانيا وأحمد . لكن آدم سيطر ع الموقف . وقاله اهدا . نور ف البيت وتيم وتمارا بخير . وانت معانا . اهم حاجه نعرف مين الدكتوره الل بيتكلمو عليها دي !؟
محمد : قفل اللاب توب بغيظ . وبينهج بصوت عالى . وعينيه رايحه يمين وشمال . ومصدوم حرفيا من احمد . لأ وكمان عايز يقتل محمد . ورانيا عايزه تقتل تيم . وواحده عايزه تقتل نور ... وكان متعصب ع الآخر . وطارق حاول يهديه . وفتحو اللاب توب من تانى علشان يشوفو ايه الل هيحصل بعد كدا !!!
آدم : قلبه بيغلى من جواه . وصك ع اسنانه بغضب شديد . وباصص قدامه بغل . مييين !؟ ميين الل بتكره بنتى وعايزه تنتقم منها بالطريقه دى . اقسم بالله لا خليها تندم وانا هنتقم منها ع طريقتى انا .( إلا عيالى ) . وانتو كمان ياحمد ورانيا اقسم بالله لا اخليكو تعضو على صوابعو من الندم .وهعيشكو ف رعب . زي الل انتو عيشتوه للناس الغلابه . ولازم تدوقو من نفس الكاس . !!!!!
احمد : اخد رانيا . وكشفو ع رمزى . واخدو منه عينه وعملوا تحاليل بسرعه . والاشعه . وكل حاجه تمام . وبص ل رانيا . فرصه وجت ع طبق من دهب ياريرى ..
رانيا : اممم عندك حق . وخصوصاً انه ممعهوش اى إثبات شخصيه . ومتسول يعنى محدش هيفتكرو اصلا .
احمد : ومش بس كدا . محمد ونور واخدين اجازه من يومين . واسم الراجل ده متسجلش ف المستشفى يعنى كأنه مدخلش اصلا . ههههههههه . الحظ الحلو ديما معايه .
رانيا : ههههه . يلا الله يرحمه . بقولك ايه انا هروح اجهز العمليات حالا .. واتحركت علشان تخرج ...
احمد : مسك ايدها . استنى بس .
رانيا : استنى ايه !؟ الراجل كل حاجه فيه سليمه . وملوش اى إثبات شخصيه . وانت قولت أن محمد ونور اجازه يعنى كل حاجه ماشيه حلو قوي . وكمان الجماعه قالو شد حيلك شويه . يلا قبل ما الراجل يفوق من الإغماء . انا هروح اجهز حقنة البنج .!؟
احمد : افصلى شويه . واسمعينى للآخر . انتى دلوقتي . هتروحي تنادي ع سيد و حمو . الل انا مشغلهم معانا . وهياخدو الراجل ده .من الباب الخلفي للمستشفى .ويحطوه ف عربيتى. وهناخدو ع الشقه مكان شغلنا الأساسي . وهتصل ع الدكتوره تحصلنا ع هناك . ونخلص كل حاجه براحتنا . انما هنا كل شويه وانا بعمل العملية وباخد الاعضاء انتى كل دقيقه تطلعي تبصي تشوفى حد جاي . وبنخاف لو حد شافنا . وبنبقى متوترين . وبما أن محمد ونور مش هنا هنخرج من الباب الخلفي للمستشفى . ونخلص كل حاجه ف الشقه . وناخد كل حاجه .وبعدها نرمي الراجل ف اي حته . او سيد وحمو يدفنوه بطريقتهم زي كل مره . ونرجع ع المستشفى وندخل زي ما خرجنا . ولا من شاف ولا من درا .
رانيا : ابتسمت . اممم فكره بردو . طيب انا هروح انادي ع سيد وحمو بسرعه . بس الراجل ده مش راضي يفوق ليه .!!؟
احمد : بص ع رمزى . لا هو فايق بس شكله نايم نوم عميق . فكك منه دلوقتي لو فاق هخدرو . يلا بقى قبل ما يجي دكتور ولا اى حد من الممرضين.
رانيا : ماشي حالا وهنكون عندك . وخرجت ..
آدم : والكل متابعين . واول ما سمعوا الل احمد قالو .
طارق : اتكلم مع القوه ف اللاسلكي . وعطاهم اشاره إن الهدف هيخرج من الباب الخلفي للمستشفى . والعربيه رقمها . (....) وعطاهم رقم العربيه .
وبعد : شويه . سيد وحمو . شالو رمزي ع كرسي متحرك . وخرجو بيه وحطوه ف شنطة العربيه وقفلو عليه . واحمد ورانيا . خرجو وركبو العربيه . واتحركو . واحمد اتصل ع الدكتوره . وقالتلهم ف ثوانى هكون عندك ..
رمزي . ف شنطة العربيه. وكلم آدم بصوت مهموس .
.وآدم . طمنه وقالو احنا والقوه ماشيين وراك . من بعيد والدنيا ليل ومش هيشوفنا متقلقش .
محمد : اول مره يكون قلبه فيه غيظ كدا من اخر موقف كان مع هشام . وعايز يقتل رانيا وكمان بيفكر مين الدكتوره دى مييين الل عايزه تقتل مراتى وبالطريقة دي . وجسمه اتشد . اقسم بالله العظيم ماهارحمكوو ...
رعد : ماشي بحظر ورا عربية احمد . وآدم وطارق عينيهم ع العربيه . والمشوار اخد حوالى ساعه إلا ربع .
احمد : سايق العربيه . وجمبه رانيا . وبيهزرو ومبسوطين . والدكتوره اتصلت ع احمد وقالتله إنها موجوده في الشقه ..
احمد : قالها خلاص ٥ دقايق ونكون عندك ..
وعدت ال ٥ دقايق ووصلو وكانت منطقه سكنيه جديده ومفيهاش ناس كتير وكان مكان فاضي . واحمد نزل . وفتح شنطة العربيه . وشال رمزى بصعوبه . وحطه ع الكرسي المتحرك . يلا يارانيا . اقفلى العربيه وحصلينى . وزق الكرسي ودخل عماره . ونزل بالكرسي تحت للبدروم .
والدكتوره فتحت : اتاخرتو كدا ليه !؟
احمد : معلش ياحبيبتى الطريق زحمه. وسعي بس كدا علشان ادخل ..ودخل ومعاه رمزى وسابه ع الكرسي . وراح لحبيبته واخدها في حضنه وباسها مالك شكلك مخنوقه .
الدكتوره : بديق .. بعدت عنه . وهتخنق ليه . المهم يلا بس بسرعه علشان نخلص .وبصت ع رمزى . انت جبته من الشارع ده ولا ايه !؟
احمد : ادايق لما بعدت عنه بنرفزه . لأ ده وقع قدام المستشفى ..
رانيا : دخلت . وبتكح . اووف انتو مش هتخلو حد ينضف البدروم ده . الريحه انا مبقتش قادره استحملها .. دم وعلب محاليل فيها أعضاء .
احمد : مش وقته الكلام ده . يلا علشان نخلص . وبعد مانخلص كل حاجه . هنحط الاعضاء ف المحاليل ونسلمها قبل ما نهار بكره يطلع .. وسيد وحمو ياخدو الراجل ده ويدفنوه ..وبص للدكتوره يلا ولا ايه !؟
الدكتوره : نفخت بديق . ايوه يلا اووف .
احمد : ممكن اعرف السبب في النرفزه دي !!؟
الدكتوره : بغل نووور . السبب نور انا عايزاها . وانت مش قادر تجبهالى . انا كل لما اشوفها قلبى بيغلى . ولما بسمع صوتها ببقى عايزه اقتلها . وبصتله انت تتصرف وتجبها هنا انت فاهم . وده الل اتفقنا عليه انا وانت . انت عايز تبقى الكل في الكل في المستشفى . وانا عايزه انتقم من نور فاهم ..
احمد : بيلبس الجوانتى . حاضر ياحبيبتي . خلينا بس نخلص من الراجل ده ونقبض . وهنفكر انا وانتى فى اى طريقه . واجبهالك . ومش كل يوم نتكلم ف الموضوع ده .. انا بس مستنى فرصه تكون لوحدها انتى شايفه وعارفه انها مبتخرجش لوحدها ابدا . انا هفكر وهعمل الل يريحك اكيد هلاقي طريقه .ويلا بقى .وبيشيل رمزى بينمه ع السرير ..
الدكتوره : ماشي . هاتى يارانيا علب المحلول .
رانيا : حاضر .
الدكتوره : اديله البنج . والقلب سيبه للآخر .
احمد : ضحك . هو كل مره تفكرينى . انتى ناسيه انى جراح ولا ايه . يلا . هاتى البنج يارانيا ..
رمزي طبعا سامع كل حاجه ومستعد ف اى وقت . لكن مستنى ل آخر لحظه ..
رانيا : جابت علب المحلول وحطتها ع التربيزه. ثوانى . البنج ف شنطتى . وفتحت الشنطه . وجابته امسك البنج اهو .
احمد : اخد البنج . ولسه هايديه ل رمزى .
رمزي : فتح عينيه .. واحمد اتخض
الباب اتفتح مره واحده عليهم . والكل اتخض .
احمد اتفزع والحقنه وقعت من ايده .
.ورانيا اتخضت وخافت .
.والدكتوره اتخضت واتصدمت وعينيها مفتوحه على الاخر..
آدم : والكل طبعا ف العربيه سامعين الحوار ع نور . وآدم ومحمد الغل والغيظ جواهم بيكبر . وكمان طارق ادايق جدا واتنرفز علشان نور تعتبر بنت اخوه .
.حتى رعد اتدايق . وقال ل آدم ياريت تسلمنى الدكتوره دي وانا هربيهالك بمعرفتى ياباشا ..
آدم : ساكت ومبيردش. وسمعو احمد بيقول هاتى البنج يارانيا .. وقال لطارق يلا الكل يتحرك بسرعه مفيش وقت .
محمد : مصدق سمع كلمة آدم . ونزل اول واحد . ومستناش حد . وجرى ع البدروم . ونسي خالص إن في مهمه تجارة أعضاء . لاء هو عايز يعرف مين الل بتتكلم ع نورو وعايزه تنهي حياته قبل حيات نور.
آدم نزل . وطارق كان هينده ع محمد . وآدم هشش اوعي تنادي ممكن يسمعوك . سيب محمد يتصرف .
رعد نزل . وماشي جمب آدم وطارق .
طارق ادي اشاره للقوه ..
محمد : نزل للبدروم بسرعه و كسر الباب بكل غيظ . وعينيه بتدور عليها . ولكن فتح عينيه بصدمه . يااسمين !!!!
رمزي : قام بسرعه . ومسك احمد وكتفه ..
رعد دخل . بسرعه ومسك رانيا وياسمين ..
آدم : وطارق دخلو واقفين . وبيتفرجو ع المكان من جوه . وطارق صورهم
محمد : راح وقف قدام ياسمين . وعينيه بتطلع شرار . ومن غير مقدمات . بكل قوته ضربها بالقلم . لدرجة أنها كانت هتقع لكن رعد ماسكها .
ياسمين . صرخت . ومناخيرها نزفت . والقلم علم ع وشها ..
محمد : شدها من شعرها جامد جدا لدرجة أن شعرها طلع ف ايدو بعد كدا .
ياسمين : بتصرخ بصوتها كله من الوجع ..
. محمد : اتكلم بصوت يرعب حقيقي . انتى .!؟
تعرفي القلم ده جه متأخر اوى . انتى ياحيوانه عايزه تقتلى مراتى هااااا !!؟ . وضربها قلم تانى اقوي من الاول وهو ماسك شعرها .
وياسمين . صرخت ااااه . وبوقها اتجرح .. وزعقت .. انا بكرهاااا . بكرررها . اخدتك منى . انت ملكى انا وبس . انت فاهم انا هقتلها . انا هشرب من دمهااااا . ااااااه ووقعت ع الأرض مغمي عليها من القلم التالت من محمد ..
احمد : واقف مصدوم .من كلام ياسمين .ع محمد . لكن صدمته الأكبر انه انتهي ..
محمد : سمعها وثار اكتر . وراح عند رانيا . وضربها بالقلم .وبردو مسكها من شعرها جامد .. وانتى عايزه تقتلى ابنى !!؟ عايزه تقتلى ابن نور الل وافقت انك تشتغلى في المستشفى . هاااا !!؟ . ررددددى . ابنى عملك اييييييه . تيم عملك اييييييه علشان عايزه تاكلى قلبه بسنانك . وضربها تانى .
رانيا : بتصرخ . حرام عليك . ااااه سبنى والله ما عملت حاجه ولا قولت حاجه . وبردو اغمى عليها من القلم التالت الل اخدته بكل قوه من محمد عزيز الغضبان . ولف ل احمد وهجم عليه بوكسات وفين يوجعك . انت بقى الل عايز تقتل صاحبك . الل وقف جمبك وساعدك . انت عايز تسوء سمعت المستشفى بتاجر فيها بدم الغلابه هااا . وكل كلمه بالبوكس ف وشه ..
القوه . واقفه من ساعة ما آدم وطارق دخلو . لكن طارق وقفهم بإشاره منه . لحد ما محمد يربيهم .
آدم : واقف وشايف محمد ثاير تماما . وخلاص وش احمد مبقاش باين من الدم . وياسمين ورانيا مغمى عليهم . وكل واحده وشها بينزف . وأقسم انه لازم يدفع ياسمين التمن ويعيشها ف رعب حقيقي ..وبص ل طارق . كفايه كده الكلب ده هيموت ف ايد محمد ..خلى القوه تاخدهم .
طارق : مستمتع بضرب محمد ليهم . ماتستنى شويه .
آدم : لأ كفايه لسه ورانا استجوابهم علشان نعرف مين الناس الكبيره الل مشغلاهم .. وبص ل رعد . ابعد محمد يارعد كفايه ..
رعد : امرك ياباشا . وراح ل محمد من الخلف. كفايه يادكتور هيموت ف ايدك .. وبعدو عن أحمد بصعوبه ..
احمد : وقع ع الأرض ووشه بينزف وبيكح ومش قادر يفتح عينيه ...
طارق ادي اشاره للقوه . ودخلت واخدت احمد وشالو ياسمين ورانيا ع البوكس . واتحركو .
رمزى واتنين كمان معاه بيفتشو ف البدروم ع باقى الادله ...
محمد : واقف بينهج . ومصدوم ياسمين . وبعد كل السنين دي !؟ واحمد !؟ طيب ليه احمد وياسمين مع بعض !؟ وليه كان بيقولها ياحبيبتى .!؟ وينهج بغيظ وعايز يقتلهم .. وفاق ع فونه الل رن . وكانت نور . واتنهد باريحيه لما شاف رقمها . ورد عليها . ايوه يانور ..
نور : بلهفه . محمد انت كويس .
محمد : بدء يهدى ويقنع نفسه أن الكابوس انتهى . واخد نفس عميق واتنهد . ايوه ياحبيبتى انا كويس . وكل حاجه تمام .
نور : حطت أيدها ع قلبها واتنهدت بأريحيه.ااه الحمد لله .. الحمد لله يارب . يعنى خلاص البوليس قبض ع احمد ورانيا .!؟
محمد : ايوه يانور ومش عايزك تقلقى واطمنى . احمد ورانيا خلاص اتقبض عليهم.ومحبش يقولها ع ياسمين علشان متقلقش اكتر ..
نور : الحمد لله ياحبيبى لكل ظالم نهايه . محمد انت هترجع امتى . انا قلقانه عليك انت وبابى اوى . ومش هرتاح إلا لما اشوفكم قدامي ..
محمد : ابتسم . حبيبتى حاضر . كلها ساعه واكون عندك .
نور : توصل بالسلامه ياحبيبى . عايزه اطمن ع بابي يامحمد هو جمبك .،
محمد : ايوه جمبى ثوانى ..وبص ل آدم نور عايزه تطمن عليك .
آدم : من جواه مدايق علشان بنته ليها اعداء . لكن اخد الفون واتكلم بتمثيل انه كويس . احم . حبيبتى ..
نور : اتنهدت بسعاده . باابى الحمد لله كنت قلقانه عليكو جدا .
آدم : حبيبت قلبي . وتقلقى ليه . هو احنا قوليلين ف البلد ولا ايه !؟ وبعدين احنا معانا ربنا وحامينا متقلقيش ياروحي ..
نور : ابتسمت ونعم بالله ياحبيبى . ارجوك يابابى ارجعوا بقى عايزه اطمن اكتر ..
آدم : غصب عنه ابتسم .. حاضر ياحبيبتى . وزى ما محمد قال كلها ساعه ونكون عندك ..وهطلع اسلم عليكي . واطمنك عليا ماشي يقلب ابوكي !؟
نور : بحب . ربنا مايحرمنا منك ابدا يابابى . وقفلو ..
آدم : امسك الفون يامحمد . وعايزك تهدى كدا . وصدقنى . ياسمين ورانيا هيعيشو اسؤا ايام حياتهم ف الحجز . واحمد ده هيدفع تمن كل غلطه عملها .قبل ما يتعدم . هو والكلبتين الل معاه ..
رمزى : جه وقدم التحيه ل طارق . تمام يافندم . احنا لا قينا الأوراق دي ف الأوضه جوه .
طارق اخد منه الورق وبيشوفه . وكان عباره عن .. اوراق مثبت بها حسابات تحاليل وفحوصات طبيه باسماء مختلفه ..
روشته علاج لعمليه زرع وتكلفتها الماليه .
صور بطاقات رقم قومي باسماء مختلفه
٣ كروت ائتمانيه مختلفه
ايصالات امانه منها موقع على بياض
صور ل شهادات ميلاد احد المفقودين ..
علب محلول فيها أعضاء .
طارق : تمام . اتحفظ على كل حاجه موجوده هنا ..
رمزى : تمام يافندم ..
آدم : بص ل رمزى . انا بشكرك ياحضرة الظابط. ع كل الل عملته معانا . لأن دورك كان هو الدور الأساسي . بجد تحياتى ليك .
رمزي : العفو يا آدم باشا . ده واجبى . وانا بشكر الظروف انها عرفتى ع حضرتك .
وبعد شويه . آدم وطارق ومحمد خرجو . وركبو العربيه . ورعد ساق .
محمد : انا عايز اروح القسم .
آدم : ماتخليها بكره .
محمد : لأ . انا مش هقدر استنى ل بكره . انا عايز اعرف كل حاجه انهردا .
طارق : ومالو . احنا ورانا حاجه . اطلع يارعد ع القسم .
رعد : تحت امرك ياطارق . باشا .
آدم : بص ل محمد . طيب انا عايزك تكون هادى وانت بتسالهم . ومن غير ماتتهور . انت بس اعرف الل انت عايزو . وسيب الباقى علينا .
محمد : بغيظ مكبت . هز راسه إن شاء الله .
وبعد شويه وصلو القسم .
طارق دخل المكتب . وشاف التلاته واقفين ومتكلبشين ..
آدم : دخل .. ومحمد .
الظابط : وقف وقدم التحيه ل طارق .
طارق : بص للظابط .. سبنا لوحدنا مع الضيوف الحلوه دي علشان نرحب بيهم ..
الظابط : تمام يافندم . وسابهم وخرج ..
طارق : اتحرك وقعد ع كرسي المكتب . تعالى يصحبى اقعد . شكلنا هنتسلى .
آدم : راح وقعد . لكن عينيه منزلتش من ع ياسمين ...
ياسمين : واقفه دايخه من ضرب محمد ليها . لكن عينيها ع محمد وكرهته ف اللحظه دى ..
رانيا : واقفه بتعيط بخوف .ومناخيرها بتنزق
محمد : وقف قدام احمد . الل بياخد نفسه بالعافيه . وسأله .. انا عايز اعرف ليه !؟ ليه كل ده !؟ وليه كل الكرهه الل جواك ليا ده !؟
احمد : بص لمحمد ومتغاظ . لكن خاف يتكلم هو ف مصيبه اكبر من كرهه لمحمد .
محمد : مش هتتكلم . وزعق مااااترد اااانت ليه بتكرهنى كداااا !؟ ليه بتدمر ف سمعة المستشفى !؟ ليه قولت انك عايز تاكل قلبى ني !؟ ليه عايز تعمل كل ده معااااايه . وانا من يوم معرفتك ف الجامعه مقدمتش ليك غير كل خير !! هو ده جزائي منك !؟ عايز تقتلتى انت والحيوانات الل معاك . واحده عايزه تقتل مراتى والتانيه عايزه تقتل ابنى . ماااااترررد .
رد ياصحبى . رررد عرفنى ع حقيقتك الل انا كنت معمى عنها ..
احمد : واقف ونزل راسه ف الارض ومردش ..
محمد : هز راسه . واتحرك خطوه وراح عند ياسمين .وشدها من شعرها اقوي من الاول . وهي بتصرخ. وقالها .. وانتى !! انتى ايه الل فكرك بينا بعد كل السنين دى !؟ نسيتى انا قولتلك ايه !؟ نسيتى انا استحقرتك قد ايه !؟ راجعه عايزه تنتقمى من مراتى ع حقارتك وافكارك الل شبهك . انتى واحده رخيصه ي ياسمين . رخيصه سمعتينى !!؟
ياسمين : بتصرخ .. لكن اتكلمت بغيظ . وبصوت عاالى . اوعا تفكر انى هسيبك ليها . وهي تتهنى بيك لأ !! تبقى غلطان . انا مكرهتش ف حياتى قدها . نور دي الل اخدتك منى . ومش هسيبها . انا مصبرش السنين دى كلها وف الاخر نور تاخدك منى. وزعقت انا هقتلهااا . فاااهم .. انااااا هطلع قلبها بايديا دول. هطلع روحها منها .انت ليا انا وبس . نور دي لازم تموت . اااااااه . ووقعت ع من شدة القلم . لأن القلم المرادي كان من آدم .
طارق : كان مدايق جدا من احمد وياسمين . لكن اتبسط لما آدم قام من مكانه وضربها .
محمد : كان بيغلى من الغيظ . ولسه هيضربها . لكن آدم سابقه ..
آدم : كان قاعد وتركيزه كله راح ع رانيا . الل شاف الخوف ف عينيها . وإن دى هي الل هتعترف بكل حاجه . لكن انتبه لكلام ياسمين ع نور بنته .. وقام من مكانه بغيظ وضربها قلم بكل قوته . ووقعت ع الأرض .
آدم : نزل ليها ع الأرض . وشدها من شعرها جامد ..
ياسمين : اااااه الحقونى ااااه وصرخت اكتر .
رعد : بره سامع صريخها ومبسوط
العسكرى : بص ل رعد . هما بيعذبوها جوه !؟ الست هتموت ف ايديهم . صوتها جايب لآخر القسم..
رعد : ههههه . لا مش هتموت دلوقتى وسبنى بقى مبسوط بالصوت الجميل ده ههههه.
----------------------بقلمى Mariem Nasar
آدم : شدها من شعرها .. لما تيجي تتكلمى ع اسيادك . تتكلمى باحترام . وانا بقى هعرفك ازاى تفكرى بس مجرد تفكير إنك تأذي بنتى . قوووومي . وشدها من شعرها وقومها .
ياسمين : ااااااه شعرررى . ااااااه ابعد عني . الحقووووونى ..
آدم : لسه بدرى ياروح امك ع الصريخ الل بجد . وانا مش عايز اسمع منك حقايق . انا هخليكى تتمنى اننا نسمع منك الحقيقه
.ونرحمك . وقال بتهديد .. ولو نطقتى كلمه واحده عن بنتى اقسم بالله العظيم . لاقتلك وبابشع طريقه انتى مش ممكن تتخيليها . وزقها بعيد .ووقعت.
ياسمين : قلبها بيدق جامد وخافت من شكل آدم . وبتتخيل هيعمل فيها ايه . !!؟
آدم : راح وقف قدام رانيا . وحط ايديه ف جيبه . وبصلها كتير جدا من غير ما يتكلم ...
رانيا : خافت من آدم . وسكوته وهو باصصلها بالطريقه دي رعبها اكتر ولخبطها .
آدم : اتكلم برعب . عارفه انا ممكن اخليهم يتكلمو ويقولو كل حاجه هما يعرفوها . ومين الناس الكبيره الل شغالين معاهم ف ثانيه . تعرفى ازاى !!؟
رانيا : بدموع خوف . هزت راسها لأ
آدم : قرب من وشها واتكلم بفحيح افعي . انا هخليهم يعترفو حالاااا .. بعد مايشوفونى وانا بطلع قلبك من جسمك بايديا وانتى صاحيه . وهقدمه لحفيدي هديه لانه ذكي وعرفك ع حقيقتك البشعه..
رانيا : اتصدمت برعب حقيقى. وخافت من آدم وبلعت ريقها برعب ورجعت خطوه لورا .
آدم : زعق .. هاااا !!!؟ هتقولى كل حاجه . ولااا !!! . ومد ايدو ل طارق .
طارق : طلع سلاح أبيض من جيبه وحطه ف ايد آدم .. وقال ل آدم تحب اجبلك محلول الل هتحط فيه قلبها ...
آدم : مسك السلاح . وبصلها . لأ حفيدي لازم يلعب بقلبها بين ايديه مش لازم محلول ..
رانيا : جسمها رجف . ووشها بقى اصفر جدا ..
احمد : بص ل رانيا وخاف انها تتكلم ..
ياسمين : واقفه بعيد وعينيها مفتوحه على الاخر بخوف حقيقى منهم .
محمد : واقف ونفسه يسمع الحقيقه ..
آدم : بيكلم محمد .وعينيه على رانيا وقال .. دكتور محمد . انت جراح عظيم طبعا . لكن تسمحلى انا اقوم بالعمليه دي و اقدملك قلبها هديه وياريت اول ماتاخد القلب تخرج من هنا وتسلمه لحفيدى . وتقوله ده قلب رانيا.
رانيا : برعب . هزت راسها يمين وشمال . لااااا . لاااااا . انا هتكلم . هتكلللللم . هقول كل حاجه .. والله هاقول كل حاجه بس سيبونى اعيش ابوس ايديكو . سيبوووونى اعييييش.
آدم : هز راسه . اممم . تمام قدامك فرصه واحده بس .
.لكن قسما بالله لو كدبتى ف اى معلومه . ما هتأخر ثانيه ف الل قولته .. وزعق اتكلمي يابت . اتعرفتى ع الكلاب دول ازاى ؟. واشتغلتو ف الاعضاء من امتى ؟ ومين الل جاتله فكرة أنه يسرق الاعضاء ف المستشفى ؟. وايه علاقت كل واحد فيكو بالتانى ؟ ومين جاب الل اسمه سيد وحمو ع المستشفى وشغلهم ؟. عايزك تحكي كل حاجه فااهمه ياروح امك ..!!؟؟
رانيا : هزت راسها . حا....وبلعت ريقها . حاضر . حاضر ها..هقول كل حاجه . والله هقول كل حاجه . ولسه هتتكلم وتحكي ..
احمد : اوعي يارانيا . اوعي تتكل.....وبوكس من محمد ف وش احمد ووقع ع الأرض ...
رانيا : خافت اكتر . ولكن مضطره تتكلم وبدءت تحكى .
آدم راح قعد مكانه وفتح الفون علشان يسجل كلام رانيا . وشاور ل محمد وقعد .
رانيا : بدأت تحكى ... ياسمين كانت دفعتى ف الكليه . وكنا نعرف عن بعض كل حاجه . وهي اشتغلت ف مستشفى النور . وانا اتعينت ف مستشفى حكومى . وكنا يوم الاجازه نخرج فيه مع بعض . وكانت دايما بتحكيلى عند الدكتور محمد . وانها عايزه توصله بأي شكل . علشان تعيش ف العز وكمان تبقى صاحبة المستشفى . وكنا بنفكر تعمل ايه علشان تقرب منه . وكانت تيجي تقابلنى وهي متنرفزه لأن الدكتور محمد مش شايفها ولا حاسس بيها . لكن قالت وبتصميم انها هتحصل عليه بأي طريقه وف قلب المستشفى .. وف يوم من اكتر من ٤ سنين . جالتى البيت منهاره وعصبيه جدا . وعلشان اهلى ميحسوش بحاجه . خدتها وخرجت انا وهي . وقعدنا ف مكان ف النادي . وياسمين حكتلى بنرفزه أن الدكتور محمد طلع بيحب واحده اسمها نور ومش بس كدا وهي حاولت انها تغريه لكن نور دخلت عليهم . وبدل ما تشك ف الدكتور محمد . زعقت لياسمين وطردتها . وكمان الدكتور محمد صمم ع كلام الدكتوره نور وقال لياسمين أن الدكتوره نور ليها الاولويه انها ترفض وتشغل اى حد هي عيزاه وطرد ياسمين . وكانت بتحكيلى وف عينيها انتقام كبير . وقالت انا لازم اخد محمد بأي شكل . انا مش هنساله الاهانه دى ابدا . ولو مخدتش محمد يبقى لازم أحرق قلبه ع نور واقتلها ..
وبعدها . لقيت حد جه ونده ع ياسمين . وياسمين شافته ونفخت بديق . وقالت اووف انت ايه لزقه . وبصتلى ونبهت عليا اني مقولش ان ياسمين بتحب محمد خالص لان احمد بيحبها من زمان .
. واحمد سلم علينا وقعد . وقالها انا شوفتك خارجه من المستشفى متعصبه خالص . وخرجت وراكي . وركبت تاكسي ومشيت وراكي علشان اطمن عليكي . ولما دخلتى هنا انا بقالى ساعه بلف ف النادي بدور عليكى ..
ياسمين : كلمته بطريقه انا استغربتها . كأنها حزينه ومكسوره . وقالتله خلاص ياحمد انا مش هاجي المستشفى تانى . محمد صاحبك طردنى من المستشفى ..
احمد : قالها بغيظ لييه طردك ليه !؟
ياسمين : كنت بقوله أنا حاسه اني تعبانه شويه وعايزه اخد اجازه كام يوم . وجت البنت قريبته دي الل اسمها نور ومثلت بعياط نور زعقتلى وشتمتنى وقالت انتى مافكيش حاجه انتى بس بتجي هنا المكتب علشان تقربى من خطيبى . وانا مستحملتش . وزعقتلها . وبصت لأحمد بدموع . وعيطت نور ضربتنى بالقلم ياحمد . ضربتنى . ولما زعقتلها اكتر وبقول لمحمد انه يوقفها عند حدها . ضربنى بالقلم هو كمان . وطردنى بره المستشفى وقالى ماشوفش وشك ف المستشفى دى تانى . ونور شتمتنى وشدتنى من البالطو وزقتنى بره الاوضه ووقعتنى ع الأرض . وقفلت الباب ف وشي . وانا قومت ولقيت الناس بتتفرج عليا . وخرجت من المستشفى ع رانيا صحبتى .
احمد : كان بيسمع ياسمين . ولقيته اتغاظ خالص وقام علشان يرجع ع المستشفى يحاسب الدكتور محمد . لكن ياسمين وقفته بسرعه واتكلمت معاه بطريقه رقيقه جدا وانها بتستعطفه انه يفضل جمبها .
انا كنت قاعده بتفرج وبس . وياسمين بعدها قالتلى انها كدبت ع احمد علشان هو بيحبها ومش عايزه تخسره لأنه هيجبلها اخبارهم ف المستشفى .. وبعدها ياسمين سافرت بلدها . واحمد كان بيوصلها الاخبار . ومعرفتش تنزل تانى علشان أهلها . وكانت ع تواصل معايا . وكانت هتتجنن لما عرفت من أحمد إن الدكتور محمد اتجوز ..
وبعدها بسنتين . لقيت ياسمين نزلت القاهره تانى . وقالت إن والدها اتوفى وانها كدا هتعرف تتحرك .. وقالتلى انها هتتجوز احمد . وانا قولتلها ازاى انتى عايزه محمد . وهي قالت انا هتجوزه لان ده شرطه . هينتقملى من نور ومحمد ف المستشفى بتاعته .وقالت انا عرفت من احمد انه بيكره الدكتور محمد من زمان من ايام الجامعه . وأنه بيحقد عليه من الغنى الل هو فيه . ولما محمد عرض عليه يشغله ف المستشفى احمد كرهه للدكتور محمد زاد اكتر . وإن محمد عندو مستشفى كبيره جدا زى دي . وكمان باسمه . ودلوقتي اتجوز وخلف . وحياته سعيده . وقال إنه كرهه اكتر من اى وقت قبله . لما عرف ان محمد ضربنى بالقلم . وجتله الفرصه الل هينتقم منه فيها . ودلوقتي بقى انا عايزاكي. تفتحي مخك وتفهمى الل هاقولهولك . احمد قالى ان الدكتور محمد خصص مبنى للحالات الانسانيه . ونزل اعلان انه عايز دكاتره . وانا عايزاكي تروحي تقدمى السيڤي بتاعك علشان هحتاجك هناك . وانا قولتلها تمام بس فهمينى هتحتاجينى هناك ليه وانتى عندك احمد . بيجبلك الاخبار . قالتلى لا انا عايزاكي علشان ف شغل جديد هنشتغله احنا ال ٣ مع بعض . وهتعيشي من ورا الشغل ده مبسوطه وهتنقلى من شقتكو الايجار لشقه تمليك وهيكون عندك عربيه وكمان رصيد كبير ف البنك . وقولتلها الحقينى بالشغلانه دي . وقالتلى اسمعى يستى . ف ناس كبيره جدا بتاجر ف الاعضاء البشريه . وعلشان مش يتكشفو لازم يشتغلو ف مستشفى سمعتها كويسه . وطبعا انتى عارفه سمعة مستشفى النور مفيش بعد كدا . والناس دى وصلت ل احمد عن طريق ناس تانيه . وقابلو احمد ف مكان احمد نفسه لحد دلوقتي ميعرفوش .. وشرحو ليه كل حاجه . وانهم عرفو أن احمد شغال من سنين ويبقى صديق صاحب المستشفى . وزغلله عينيه بالفلوس . وقالو عايزين أعضاء بشريه ولو كل يوم وكله بحسابه . وجابو لاحمد عربيه هديه . واحمد قالهم أننتو متعرفوش انتو جيتو ف وقتكو قد ايه . وقالهم انا ليا حساب عند الدكتور محمد وجه الوقت الل هكون اكبر منه . واتفقو ع كل حاجه .
وانا بصراحه خوفت ف الاول . لكن حسيت انى لازم اكبر انا كمان ووافقت ع كلام ياسمين وقدمت السيڤى بتاعى وكانو هناك اكتفوا ومش محتاجين حد تانى . وانا عيطت حقيقي ع الفرصه الل راحت منى . لكن الدكتوره نور شافتنى بعيط وصعبت عليها وطلبت من الدكتور محمد انه يوظفنى . واستلمت الشغل . واحمد وياسمين اتجوزو .وجاب سيد وحمو وشغلهم معانا ع أنهم ممرضين .. وبدئنا نشتغل ع الحالات . انا استلم الحاله . واحمد فهمنى ان الحاله لو حالتها تحت الصفر وفقرا خالص نقول لأهل المريض أنه مات . واحمد كان بيدي المريض حقنه توقف القلب لمدة ١٠ دقايق . واهل المريض يدخلو يشفوه ويودعوه . وسيد وحمو يطلعو أهل المريض بره ويقولو احنا هنغسل المتوفى استنوا تحت . ويدخلو ويقفلو كويس . وانا وأحمد نعمل العمليه وناخد الاعضاء السليمه . ونخيط الجرح بسرعه . وسيد وحمو يكفنو المتوفى ويسلمو لأهله ... واحمد اقترح علينا علشان محدش يشوفنا ف المستشفى ونتكشف . اننا نأجر بدروم ف المنطقه السكنيه الجديده مكان فاضي ومفيهوش حد . واتأجرنا البدروم وأحمد ظبطه وقفل فيه كل حاجه . وجهزناها كأنها عياده بالظبط . وكنا بناخد الحالات المنعدمه والل اهلهم مبيسالوش عنهم . وكمان الناس التايهه والمخطوفه . وناخدهم ع البدروم ده . واحمد يتصل ع ياسمين ونروح احنا ال٣ . وناخد الاعضاء . وسيد وحمو ياخدو الجثث ويدفنوها .
والناس الكبيره ده جابو لكل واحد فينا احنا ال٣ شقه
وسعات لو حال المريض ميسور . ناخد كيليه . او فص من الكبد .اى عضو ليه بديل . وسعات الناس تيجي تسال ع احمد اقولهم زي ماهو مفهمنى ..مسافر . وحصلت من كام اسبوع . وواحد اخدنا كيلية ابوه وجه وسأل ع احمد وعمل شوشره وخوفت واحمد قالى متخافيش هو ماضي ع إقرار بالعمليه ومتمتش غير بموافقته يعنى مش هيقدر يثبت حاجه . وكانت بتحصل خناقات كتير بين احمد وياسمين . علشان لحد دلوقتي احمد مانتقمش من الدكتوره نور . هي عايزها بأي طريقه . وخناقاتهم ع طول قدامى . واحمد عايز يقتل الدكتور محمد . وانا خوفت من تيم . لانى سعات بحس انه ممكن في يوم انى انكشف بسببه . وعلشان كده طلبت من احمد انى عايزه اخلص من تيم ..
وطبعا رانيا كانت بتتكلم بدموع ندم . وكانت بتترعش وخايفه من كل حاجه . ونزلت ع ركبها بانكسار..واتمنت لو ترجع بالزمن كانت طلعت ياسمين من حياتها . وعيطت بشهقات . وندمت ع اصدقاء السوء الل وصلوها لحبل المشنقه ..
احمد : اول ما سمع كلام رانيا . اتصدم لأن كدا ياسمين استغفلته . لكن بردو كان خايف من اعتراف رانيا . لانه عمل مصايب هتوديه ورا الشمس ..لانه فعلا بيكرهه محمد صديقه ..
طارق ومحمد بيسمعو ومزهولين ومحمد عينيه منزلتش من ع احمد ومصدوم فيه . بيكرهه بعد ما وقف جمبه . بيكرهه علشان رزق ربنا كاتبه من نصيب محمد . مستكتر نعم ربنا عليه .
آدم : بيسمع رانيا . وعينيه اول مره من زمان جدا تكون حمرا بالطريقه دى . وإن ف واحده بترتب علشان تقتل بنته بالطريقه دي .. وعينيه ع ياسمين . الل خافت من آدم واترعبت حرفيا منه ..
آدم : قام بغضب. وبص ل طارق . الفون ده عليه اعتراف رانيا بكل حاجه . وعايزك تبعت وصايا مخصوص منى لمالك الصاوى وتقوله . إن خالك آدم بيقولك . عايز وهو قاعد ف مكتب شركته يسمع صوت استغاثة ال٣ كلاب دول من الحجز. قبل الإعدام . عايزهم يدقو كل لحظة خوف ورعب عايشوها للغلابه . وممنوع ينامو فاهم يطارق . ممنوع يغمضلهم جفن . ولو تعبو يتعالجو . ويرجعو للتعذيب من تانى . فاهم ياطارق . !!!؟
طارق : شاف عيون آدم . وقلق عليه . فاهم يا آدم . بس اهدا كدا . ومال عينيك حمرا بالطريقه دي ليه !؟
محمد : بص ل آدم . وقام تعالى معايا يا آدم وخرجو ال٣ .مع بعض.
طارق : فهم الظابط هيعمل ايه بالظبط . وخرج مع محمد ورعد .
محمد : اخد آدم بالعافيه . ل اقرب صيدليه . وقاسلو الضغط وكان عالى جدا . محمد طلب حقنه . وعطاها ل آدم ف الصيدليه .. وبعد شويه ركبو كلهم العربيه بعد ما اطمنو ع آدم .
طارق : ايه يا آدم . متحاول تهدا كدا يا اخي الحمدلله محمد ونور وتيم بخير وهي دى اول مشكله تقابلنا يصحبى.
آدم : بص ل طارق . لا ياطارق . انا لما كنت هخسر ال ٩ مليون مزعلتش اوى كدا . ولما الشحنه اتبدلت بشحنه مضروبه وكنت هخسر كل حاجه مزعلتش اوى كدا .. اى حاجه فيها فلوس بتتعوض.
انما عيالي لأ .. ولا كنوز الدنيا تساوى ضافر عيل من عيالى .
.حد يجي ع عيالى لا ياطارق لأ دول ثروتى الحقيقيه . دول عزوتى . انا عندى نور ورينو دول حاجه تانيه حبهم فى قلبى غالى اوى دول بناتى وصحابى واخواتى وحبايبى وعيلتى . والل يرش عيالى بالميا هرشه بالدم . إلا عيالي . (وأمهم) .قبل منهم.!!!
محمد : اهدا يا آدم . الحمد لله نور ورينو بخير .
وانت ف ثانيه خليت الل اسمها رانيا دى تقول الحقيقه وفيها اعدام . ليهم ولل خلاهم يعملو كدا .وحد الله واهدا.
آدم : هز راسه . لا اله إلا الله . اطلع يارعد ع شقة محمد .. ومن جواه عايز يشوف نور ويطمن انها بخير . وإن كل الل سمعه ده مجرد كابوس وفاق منه
وتانى يوم .
مالك ف النيابه .ووصلتو رسالة آدم من طارق . وسمع الاعتراف . وأقسم انه يندمهم أشد ندم . وامر بحبس المتهمين لكل واحد منهم ١٥ يوم ع ذمة القضيه . وكان صوت صريخ ياسمين ورانيا مسموع للكل ..وعاشو رعب حقيقي . واحمد كان بيصرخ زى الستات .واعترف بكل حاجه واسماء وعنوانين العصابه.
وبعدها بكام يوم . الشرطه قدرت توصل للراس الكبيره . وقبضو ع كل أفراد العصابه . واتحال أوراقهم للمفتى . وهيتم إعدام كل واحد اتسبب ف أذي الغلابه -------------
بدل ماتدور وتبحث علي الروايات خليها علي تليفونك وحمل تطبيقنا
