رواية فارسي الصعيدي الفصل الثاني والاخير
زين بجدية /من امتي وعلي بيضايقك ؟
موهرة بتفاجئ/ اانت تجصد ايه بانه بيضايجني ،،
زين بسخرية/ افهم من كدة انه عاجبك تصرفاته واخرج انا منها ،،تمام يا مهرة انا اسف
لف زين وكان هيخرج بهدوء بعد ما قال كلامه بس لحقته موهرة وندهت عليه
موهرة بسرعة / زين استني
زين لف وشه وبص لموهرة اللي الدموع اتكونت في عنيها وهي بصاله فقرب منها وهو مركز في عيونها
موهرة بحزن/ من وجت ما انت مشيت ،،بجاله سنين دايما بيتحدت معايا اكده ،، كلامه ونظراته مبتعچبنيش يا زين ،،بحسها بتخنوجني ،، وبعديها اتفاجأت انه طلب يدي من عمتي وچوزها ،، جولت خلاص مش فارجة ،، بس طريجته مش مريحاني ،، انا بخاف منه يا زين
زين كان بيسمع موهرة وقلبه بيت*قطع ،،كان نفسه يصرخ باسمها ويقولها انها مش هتكون غير ليه وان علي ده ميستاهلهاش
زين بجدية / بتحبيه ؟
موهرة اتفاجأت من سؤال زين وكانت باصة في عيونه وكأنها بتجاوبه بيهم بس للاسف موصلتش ايجابتها ليه
موهرة بحزن/ تفتكر اللي تعشج حد تخاف منه يا زين ،، وانا بخاف من علي
زين اتنهد براحة وابتسم بتلقائية اول ما موهرة قالت كدة
زين بجدية / لو مش عاوزاه قوليلي وانا اوعدك اني احميكي منه،،بس قوليها يا موهرة
مهرة كانت بصاله ومش قادرة تنطق او تقول حاجة كل تفكيرها ان علي مش هيسكت لانها عارفاه كويس واكيد هيعمل مشاكل مع زين ومع عمتها وجوزها وهي مش عايزة كدة
موهرة بخنقة/ مبجاش ينفع يا زين ،،مبجاش ينفع حاچة
زين بخزلان/تمام يا موهرة،، تمام
خرج زين بعد ما قال كلامه وموهرة بقت تعيط بحرقة ومن جواها كان نفسها لو تقوله انها مكنتش عايزة غيره بس هو السبب
......................
عدي كام يوم كانت موهرة مرتاحة فيهم من علي لانه مسافر مصر في شغل لعمه وكانت موهرة بتحاول دايما تتجنب زين وحتي الكلام كانت بتحس ان زين بيقتصره معاها بس ده ميمنعش انها كانت فرحانة بطريقة غريبة ،، قربت موهرة بفنجان القهوة من زين اللي كان قاعد في المنضرة ومعاه اوراق مشروعه الجديد مركز فيها
موهرة بتردد/احم ،،الجهوة يا زين ،، عمتي جالتلي اچيبهالك
زين بجدية من غير ما يبصلها /شكرا يا مُهرة ،، ممكن تحطيها عندك وتروحي انتي
مهرة كشرت بحزن من معاملة زين ليها وانه حتي بقي يتجنب انه يبصلها وهو بيتكلم فحطت فنجان القهوة ولفت عشان تخرج بس رجعت لفت تاني بسرعة
موهرة باندفاع /زين هو انت واخد علي خوطرك مني في حاچة ؟
زين اخيرا رفع وشه وبصلها شوية واتنهد بحيرة
زين بجدية / لا يا مُهرة ،، هزعل منك ليه ؟ ،،
موهرة بحزن /مش بتتحدت معايا كيف الاول ،، حتي مش بتبصلي وانت بتتحدت ،،حساك متچاهلني مخبراش ليه ،، ده انا بسأل نفسي انا زعلتك في حاچة طيب ولا لاه
زين بابتسامة وهو بيقرب منها / انا اسف ،،مقصدش اني اخليكي تحسي بكدة ،،انا بس قولت كدة احسن عشان معملش مشاكل بينك وبين خطيبك
موهرة بتكشيرة/ لا متخافش ،،هو اصلا بيعمل مشاكل لحاله
زين بابتسامة /طيب يلا اطلعي بقي نامي عشان الوقت اتأخر
موهرة بابتسامة /هجعد معاك شوية عشان لو احتچت حاچة تاني
زين برفض/ لا يا موهرة ،، مش هحتاج حاجة ويلا اطلعي عشان الوقت اتأخر وميصحش تفضلي هنا معايا دلوقتي
ابتسمت موهرة علي كلام زين وانه خايف عليها حتي بينه وبين نفسه رغم ان مفيش حد اصلا شايفهم وحركت راسها بايجابية وخرجت وزين كان متابعها بعنيه وهو مبتسم
دخلت موهرة البيت وهي مبتسمة بس ابتسامتها اختفت اول ما شافت علي قدامها وهو بيبصلها بسخرية
علي / ايه الجاعدة كانت حلوة اياك مع سي زين
موهرة باستغراب / جاعدة ايه يا علي عاد ،،اني كنت بديله الجهوة بتاعته وطالعة اوضتي ،، تصبح علي خير
كانت هتطلع موهرة بس لحقها علي ومسكها من ايديها
علي بسخرية / طيب مش هتجوليلي حمدالله عالسلامة ولا تجعدي معايا كيف ما عملتي معاه
مهرة بخوف /هملني يا علي طيب وبعدين نتحدت ،،ثم اني مجعدتش مع زين كيف ما بتجول والوجت اتأخر الصبح تعالا ونبجي نتحدت
قرب علي من مهرة وهو بيبصلها بتوهان وبطريقة خليتها تقر*ف منه وتزوقه بايديها بعيد عنها بس هو رفض يسيبها
علي بتوهان / ليه مش راضية تديني فرصة اثبتلك فيها اني عاشجك يا موهرة
موهرة بخوف وحد*ة /بعد عني يا علي ،، اللي بتعمله ده غلط
علي برفض /مش ههملك جبل ما اثبتلك اني ععاشجك يا موهرة
مهرة بغضب /هصرخ والم عليك البيت يا علي وانت خابر ان عمتي مهترضاش باللي حوصل وهتخلي چوزها يج*تلك
علي بسخرية / ومين هيصدجك يا موهرة واني في مصر مش اهنه
خافت موهرة اكتر من طريقة علي وحست انه مش في وعيه فع*ضته بكل قوتها وهنا سابها فجريت علي برة برة بسرعة ولقت نفسها بترجع لزين المنضرة وهي بتنده اسمه بلهفة وخوف وفي نفس الوقت زين استغرب من صوت موهرة اللي بتنده عليه فقام بسرعة بس اتفاجئ بيها بتدخل عليه وبترمي نفسها في حض*نه ،،كان واقف زين مصدوم من اللي عملته موهرة وانها في حض*نه دلوقتي ومتبتة فيه بايديها وبتنهج بخوف وصوت عياطها واصل لقلبه
زين بلهفة/ مالك يا موهرة ،، في ايه ،، ايه اللي حصل
مهرة مردتش علي زين وكانت متبتة فيه بخوف قلق زين اكتر فبعدها عنه بهدوء وحاول يطمنها بعنيه ،،خصوصا اما شاف نظرات الرعب في عنيها
زين بقلق/ ايه اللي حصل خلاكي في الحالة دي
موهرة بصت لزين وعيطت اكتر ففهم زين ان( علي) ليه علاقة بحالتها
زين بحزم / (علي) مش كدة
موهرة حركت راسها بايجابية فقبض زين علي ايده بغضب وعروقه برزت وساب موهرة وكان هيخرج بس موهرة لحقته ومسكت ايديه
موهرة بلهفة/ لا يا زين ،،بالله عليك ماتروحش ،،اني زينة بس متخرجش
زين بغضب /انتي ليه بتدافعي عنه ،،ليه بتعملي كدة ،، انتي مش شايفة عامل فيكي ايه ؟
موهرة بدموع / اني خايفة
صعبت مهرة علي زين اول ما قالت كدة فغمض عنيه بغضب واتنهد وقرب منها وبص في عنيها
زين بهدوء / مش عايزك تخافي طول ما انا جمبك ،، انا هنا يا موهرة ومش هخليه يأذيكي او يفكر يلمسك تاني
قال زين اخر كلامه وهو بيجز علي سنانه بغضب من فكرة ان علي ممكن يلمسها
موهرة بحزن/ يعني مش هتمشي وتهملني تاني يا زين كيف ما عملت جبل سابج
زين بثقة / اوعدك اني مش همشي تاني بس عايزك قوية ومتأكدة اني اقدر احميكي منه
موهرة بتلقائية / بس انا مش خايفة علي حالي يا زين
كان باصص زين في عيون موهرة و اتفاجأ بكلامها واتمني لو انها تقصده هو وانها خايفة عليه
زين بابتسامة / انا اقدر احميكي واحمي اهلي منه يا موهرة بس انتي خليكي واثقة فيا
موهرة بحزن/ وانت يا زين ،، انت مين يحميك ،، مجدرش اكون السبب في اذ*يتك ،،صدجني مش هستحمل
في الوقت ده حلف زين لو كانت حلاله لاخدها في حض*نه وخباها بين ضلوعه وعرفها قد ايه كلمة منها بتقلب كيانه وبتخليه اسعد واحد عالارض
زين بابتسامة جذابة / مش هتأ*ذي طول ما انتي معايا يا موهرة ،،انتي اللي هتقويني وتخليني اقدر اواجهه
موهرة بابتسامة / اوعدني انك تكون زين وتاخد بالك من روحك
زين بغمزة / طب ما اني زين اهو يا موهرة ،، يلا تعالي ،،هو زمانه مشي اكيد ،، انا هطلعك اوضتك والصبح ربنا يحلها من عنده
ابتسمت موهرة لاول مرة من قلبها ،،كانت فرحانة بكلامها مع زين وخوفه عليها واهم حاجة الامان اللي حساه هي في وجوده ،، من زمان محستش بكدة من وقت ما كان هو في حياتها ودلوقتي هو رجع وكل حاجة حلوة رجعت معاه
..........................
تاني يوم كان الكل قاعد في قلب البيت ماعدا علي وكانت موهرة باصة لزين اللي حرك راسه ليها بحنية فاخدت الثقة منه والامان
موهرة بجدية / انا يا عمي عبد الجادر مش رايدة اتچوز
عبد القادر باستغراب/ وه وايه اللي خلاكي تجولي اكده يا موهرة ،، هو علي عمل حاچة ضايجتك تاني
موهرة بنفي / لا يا عمي ،،بس اني مش حاسة اني هبجي مرتاحة
هنية بحزن / ما تفكري زين يا بتي ،، هو علي يمكن مچنون حبتين بس والله ولد حلال
زين بجدية / متغصبوش عليها يا ماما ،، طالما هي مش عايزاه خلاص
علي بتدخل / ومين بجي اللي رايداه يا واد عمي
موهرة قلبها اتقبض اول ما شافت (علي)داخل من الباب
زين بجدية / وانت مالك انت يا علي ،،دي حاچة متخصكش ،،المهم انها مش عايزاك
علي بحد*ة / وموهرة مش هتبجي لحد غيري يا زين واظن حديتي واضح يا موهرة
عبد القادر بحد*ة / الزم حدودك يا واد اخوي ،،انت بتتحدت كانك حديتك ماشي عالكبير
علي بضيق /يعني هو انت مش شايف يا عمي حديت ولدك
عبد القادر بجدية/ ولدي ملوش دخل ،، البنتة هي اللي مش رايداك
علي باندفاع / ومجالتش اكده الا لما ولدك رچع من برة
شهقت هنية بصدمة وبصت لموهرة اللي ردت باندفاع / انت خابر السبب الحجيجي يا علي فبلاش تخليني اتحدت وبطل تجول حديت ملوش عاذة
علي بتوتر / وهو ايه الحديت اللي له عاذة يا موهرة
موهرة بتحدي /انك تهملنا وتفارجنا عشان انت لو اخر راچل في الدنيا مش هتچوزك
علي بغضب / بجي ده حديتك يا موهرة
موهرة بثقة / ومعنديش حديت غيره
علي بجمود/ واني حديتي مش معاكي ،،حديتي مع عمي ،،عشان اتفاجنا كان اتفاج رچالة مش حريم
عبد القادر بجدية / وانا مهچوز البنتة ليك غصب عنها يا علي وباين اكده ان السبب واعر ولو عرفته صدجني هچيبلها حجها ودلوك
اتوتر علي وبص لعمه بتردد وبعدين خرج بغضب ووقتها اتنهدت موهرة براحة وبصت لزين بفرحة وكأن هم وانزاح من علي قلبها
هنية بقلق/يارب يكون قرارك ده زين يا بتي
موهرة بثقة / لا متجلجيش ،،ده احسن قرار خدته في حياتي يا عمتي ،، (علي)مهواش الراچل اللي اطمن علي حالي معاه
زين بجدية / اني كنت عايز اطلب منك طلب يا حج عبد القادر لو سمحت
استغرب عبد القادر وبص لهنية باستغراب وبعدين رجع بص لزين
عبد القادر / خير يا ولدي وبعدين ايه حج عبد الجادر دي اللي بتجولهالي
زين بابتسامة / ايوة انا بكلمك بصفتك المسئول عن موهرة وانا طالب ايدها منك ليا
موهرة كانت باصة لزين بصدمة ومش متخيلة انه فعلا بيطلب ايديها وكان قلبها هيطير من الفرحة وكان صوت دقاته مغطي علي كلامهم واتفاجأت بهنية بتزغرط بصوت عالي وعبد القادر ابتسم بقصد
عبدالقادر / دلوك كاني فهمت السبب يا موهرة
موهرة بخجل /اابدا يا چوز عمتي والله ما اعرف ان زين رايدني
هنية بغمزة / ولا تجصدي يا بتي ،،ده يوم المني ،،وهو زين كان يطول ياخد جمر زيك
زين بابتسامة / ها يا حج ،،قولت ايه ؟
عبد القادر بضحك/ مش ناخد رأي العروسة الاول ما يمكن مش موافجة
موهرة باندفاع / لا موافجة طبعا
ضحكو كلهم علي اندفاع موهرة وهي اتحرجت من اللي عملته وسابتهم وقامت بسرعة دخلت المطبخ وهي بت*لعن نفسها عشان غبا*ءها وللحظة فكرت في زين وانه ممكن يكون عمل كدة عشان علي ميضايقهاش وابتسامتها اختفت
موهرة لنفسها/ معقول يكون عمل كدة عشان علي ؟
زين بابتسامة من وراها/ لا طبعا
لفت موهرة وبصت لزين بخجل وهي بتزوغ بعنيها بعيد
زين وهو بيقرب / مقولتليش رأيك ايه في موضوع جوازنا
موهرة بحزن / اني خابرة انك عملت اكده عشان تحميني من (علي)
زين ابتسم ورفع وش موهرة ليه وبص في عيونها بحب
زين بحب/ لا ،،عملت كدة عشان بحبك يا موهرتي
موهرة بصدمة/ ايه ،، انت جولت ايه يا زين ؟
زين بتأكيد/ بقولك عشان بحبك يا موهرتي ،،ولما مشيت مكنش بخاطري كان لازمن اكون نفسي عشان تبطلي تقولي عني ابن ابويا زي ما كنتي بتقوليلي زمان فاكره يا موهرة
مهرة باندفاع / صدجني مكنش جصدي والله اني كنت بضايجك كيف ما كنت بترخم عليا وبضايجني بس انت كنت زين الرچال في نظري
زين بتنهيدة / مصدجك يا موهرة ،، وغلطتي الوحيدة اني مكتبتكيش علي اسمي قبل ما اسافر ،، انا عشت سبع سنين وانا بحلم باليوم اللي هرجعلك فيه وتبقي ليا ،،عشان اوفي بوعدي اللي وعدتك زمان بيه لما قولتلك هرجع عشان روحي هنا ،، وانتي روحي اللي هنا يا موهرة
موهرة كانت حاطة ايديها علي وشها وبتبكي بفرحة وهي مش مصدقة اللي بيقوله زين
موهرة بابتسامة/ وانا مكنتش رايداك تهملني وتمشي يا زين ،، اخدت روحي وياك لما مشيت وهملتني لحالي ،،كنت كل يوم بموت وانا متخيلة انك خلاص نسيتني وشوفت اكيد حياتك ،، كنت بجولك بعيوني ولهفتي عليك وانت ماشي متهملنيش يا زين عشان مهجدرش اعيش من غيرك
زين اتنهد براحة لما اتأكد ان موهرة بتحبه زي ما هو بيحبها ويمكن اكتر
ومسك ايديها وقالها بحب /
خلاص مفيش فراق تاني ،، من انهاردة هفضل جمبك ومعاكي يا موهرتي ،، بحبك
موهرة بابتسامة / مش اكتر مني يا واد عمتي
