رواية جريمة عشق الجزء الثاني الفصل الثامن والثلاثون
عودا للوقت الحالي.
ساره: بتحكي كل حاجه وايديها في ايدين مالك ونسيت انهم موجودين تماما . وحكت كل حاجه بغيظ وغل و دموعها نازله . وكانت بتتكلم ع سوزي و عاصم بكره كبير واتكلمت وقالت كل حاجه في قلبها .. آدم كان بيسمعها بكل تركيز .. و طارق كان مدهوش من شر سوزي ..و زياد و محمد مصدومين .. مريم و ملك دموعهم نازله في صمت .. اما مالك كان بيسمع ساره وكأنها بتشحنه بغل و كره وغضب السنين .. وكانت نظراته كلها شر وكان بيصك علي اسنانه . وعيونه زي الدم .. وكانت كل موقف ساره تحكيه كانت تعيط . وآدم ال كان سابت فيهم . وكان يقولها كملي يا ساره .. واتصدمو . وجاسر اتصدم اكتر واحد فيهم لما عرف ان سوزي ممكن تنزل للمستوي دا . وتخلي بنتها تتعري قدامه . أو تفضح بنتها بالطريقه دي .. وكلهم خافو علي ساره وهيا بتحكي من شر الراجل الي كانت بتراقبه . وهوا توفيق المنصوري . وكان معروف ليهم لانه راجل اعمال مشهور . ومحمد بيشبه علي الاسم وهمس وقال توفيق المنصوري .. لاكن الصدمه الاكبر كانت لمالك .. لما ساره خاطرت بحياتها ودخلت فيلا المنصوري وسرقت الالماس . وكمان كتبته باسمه ومكنش مصدق ان ساره بالشجاعه دي .. ولما ساره حكت انهم خطفوها و سوزي قلعتها البلوزه .. مالك قام من مكانه وكله غضب . ومحمد و زياد مسكوه وحاولو يهدوه .. لاكن رفض يقعد جمب ساره و وقف قدام الشباك يسمعهم ودموعه نزلت من العذاب الي شافته . وضحت بحياتها عشان تحافظ عليه . مكنش مستوعب أن ساره اتعذبت بالطريقه دي .. مريم و ملك عيطو بشهقات ومستحملوش . و آدم مستحملش عياطهم وقالهم يخرجو من المكتب . وساب الباب مفتوح زي ماهوا .. محمد و زياد كل واحد فيهم قابض علي ايده .و مدايق لان ساره جزء من العيله . و فكرت انها اتكشفت واتعرت قدام حد دي مجنناهم .. طارق كان متنرفز جدا و مدايق .. وجاسر مش ااقل منه . وأدم جواه حرب وغل و غيظ من سوزي . وفكرت ان أم تعري بنتها هوا مش متقبلها بالمره . ومتغاظ اكتر واحد فيهم .. وكان عندو ثبات انفعالي عشان خاطر ساره الي شاف من نظره عيونها و دموعها انها بتقول الحقيقه .. ساره بتحكي و مش مبطله عياط . و نفسها مالك يجي يقعد جنبها تاني . لاكن مالك مش متقبل أن فكره توفيق شاف جسمها و قرب منها وباسها .. ساره خلصت كل حاجه ولسه بتعيط مالك سابهم وخرج وقف فى الجنينه و زياد طلع وراه.. قاله سيبني اقعد مع نفسي شويه يا زياد.. وزياد احترم خصوصيته ورجع تاني .. وشاف ساره قاعده مكانها و منهاره عياط .. و آدم قام بحنيه اب ربت علي شعرها . وطارق جابلها منديل وعطاها ليها .. أما جاسر قام و قعد جنبها ولا اراديا اخدها في حضنه . وربت علي ضهرها و دمعه نزلت منه .. و ساره حضنته بكل قوه و عيطت عياط هستيري
ساره: بشقهات وعياط هستيري. اان.اناا..اسف.ه..اسفه.ي.عم.و جاسر و..اسف..ه ليك يا مالك.و اسفه ليكو.كلكو .. سوزى هياا ضحكت عليا . و بدلت الحقايق محدش فينا بيختار امه و ابوه . و اوعدكو انكو مش هتشوفو وشي تاني انا هبعد عن هنا . بس اهم حاجه انكو تسمحوني
جاسر: ربت على ضهرها .بس بس ي بنتي كفايه عياط انتي من لما بداتي تحكي وانتي بتعيطي . خلاص كفايه ي حبيبت عمك . وكل الصعب الي في حياتك عدا وكل الي جاي خير ان شاء الله .
. وخرجت من حضنه
ساره: لا ي عمي طول ماانا موجوده في حياتكو . مفيش خير هيجي . انا لازم ابعد و كفايه الي اسمه عاصم عمله فيكو هوا و ابتسام و سوزي . وانا عارفه أن من حقكو انكو مش تتقبلونى . في عيلتكو و انكو تكونو سمحتوني دا كرم كبير منكو
آدم: اهدي انتى دلوقتي . وكل حاجه هتبقي تمام .. انتي كدا وصلتلنا كل الخيوط ببعضها .. واوعدك أن حقك هيرجع وكل لحظه عذاب شوفتيها . هيندمو عليها .. و مش عايز اسمع منك كلمه هبعد عنكو دي تاني . انتي متعرفيش مالك كان في غيابك عامل أيه . ولا انتي بقا مبتحبيش مالك.
ساره: بصتله بدموع.. ربنا يعلم مالك بالنسبالي ايه .
آدم : وانا واثق ومتأكد من دا .. البنت الشجاعه الي تحارب عشان حبيبها يكون في امان . وتضحي بحياتها عشانه تبقي بنت بمليون راجل . وانا بجد مبهور بشجاعتك واحنا مدهوشين انك اتحملتي سنه ونص عذاب من غير تنهارى وتقعى . انتى اقوى مما يكون ياساره .
ساره: انا متشكره جدا لثقتكو فيا . وانكو كمان صدقتوني . كان ممكن اوي تفكرو أن سوزي بعتاني انتقم منكم تاني ..
طارق: حب يفك التوتر. لا يستي احنا مصدقينك . وحتي لو كنتي راجعه تنتقمي من تانى . مكنيتش هتسدي قصاد عيله السيوفي و العدوي . و الصاوي.
محمد : بهزار . يسلام .. ومالها عيله عزيز يعني يا طارق باشا .!
طارق : مالها ياخويا ! عيله زي الفل . أنا عمري مانسى الواد الي انت مخلتهوش ينفع نفسه دا.
. دا كان ياعيني فضله خبطه و يتدفن مكانه . دا انت مفتري ...
..انت و آدم اكتر اتنين مفترين .. ولا الواد فهد ابني فهد فهد بصحيح طالع لابوه
آدم: بصله و كشر عينيه.طالع لابوه برضو !؟
طارق: يعني .. واخد منك شويه ههههههههه.
..وكلهم ضحكو
طارق: اضحكي يا ساره . محدش واخد منها حاجه والله . بصي يابنتي .انا عايز اقولك . اننا شوفنا اسوء من كدا بكتير . و عشنا في ظروف اوحش من كدا وكله بيعدي يابنتي . و متعرفيش يمكن الي حصل كله دا عشان ربنا يظهر لينا . انك بنت كويسه و مش شاربه من عاصم و سوزي حاجه . واهو سبحان الله . يخلق من ضهر الفاسد عالم . ولا ايه .
آدم : بصي يا ساره . انا هقولك كلمتين . انتي من النهارده بنتي . وانا المسؤول عنك . و عايز اقولك متشيليش هم حاجه . انتي مش لوحدك وعايز تصفي ذهنك ده خالص . وتفوقى كدا وتبدئي من جديد .
ساره: بكسره .. حطت وشها في الأرض . و دمعه نزلت منها . مش عارفه بجد اقولكو ايه و مش عارفه انتو لو مكنتوش في حياتي كان مصيري هيبقي اي .
جاسر: مصيرك هيبقي جميل ان شاء الله ي ساره . انتي بنتي وبنت آدم وبنت العيله دي كلها .
ساره: متشكره جدا . وبصت حواليها هوا مالك فين.
زياد: مالك قاعد في الجنينه شويه .
ساره:بصت ل آدم بحرج . ممكن اروحله
آدم : من غير إذن . طبعا اتفضلي .
ساره سابتهم وخرجت .. و آدم و جاسر وطارق . بيتفقو هيعملو ايه .
ساره طلعت الجينيه.وشافت مالك واقف و حاطط ايديه في جيبه و باصص للسما .
ساره: وقفت قدامه و قالت مالك .
مالك :نزل راسه وبصلها و دموعه نزلت على خدو ..
ساره . شافته كدا و نادتله تاني مالك..
مالك : متكلمش . ومن غير مقدمات . شدها من دراعها ودخلها كلها في حضنه . و ساره كلبشت فيه بكل قوتها و بتستمد منه القوه وعيطت
ساره: أناا اسفه يا مالك اني خبيت عليك اني بنت عمك ..
مالك: ليه يا ساره لي عملتي كل دا .
ساره: انا بجد اسفه اني خبيت عليك اني بنت عاصم
مالك: ليه يا ساره ليه .. استحملتي كل العذاب دا . ساره انتى كان ممكن تقوليلي . كان ممكن تعرفيني كنت هحميكي يا ساره ومكنتيش هتشوفى يوم عذاب من الل انتى عيشتيه ده . ولا كلب زي دا اوجرأ ومقدرش يكمل ....
ساره: بدموع.حياتك كانت أهم مني يا مالك .. و صدقني لو الزمن رجع بيا تاني لورا انا كنت هعمل نفس الي انا عملته .. انت متعرفش انت عندي ايه.. مالك أنا افديك بروحي .
مالك: بغيظ . اقسم بالله ي ساره كل الي فات دا كوم . وان توفيق الكلب لمس شعره منك دا كوم تانى .. انا هادفعه تمن كل لحظه عذاب شوفيتها منه هوا و الكلبه سوزي .
ساره : بخوف . خرجت من حضنه بسرعه . لا يا مالك . لا ارجوك لا . متوجعش قلبي تاني . أنا مصدقت اني بعدت عنهم . حتى لو مؤقتا . وانا عارفه انهم هيرجعو يدوره عليا تاني علشان الألماس . ارجوك يا مالك تعاله نهرب من هنا .
مالك: نهرب !؟ نهرب فين . وليه ومن إيه !؟ .ومش عايز اشوف الخوف ده فى عينيكى تانى . انتى مش عارفه انا ناوى على ايه . انا كل الل مقطعنى من جوايا . انك اتعذبتى واتعريتى . وصدقيني ده مش هيعدى على خير . ولمح آدم وطارق وجاسر جايين عليهم . لان الوقت اتاخر . محمد استأذن واخد نور والولاد وهيروح البيت .
وزياد : اخد مليكه وهيروح .
آدم : راح عليهم. احم.وبص في الساعه ايه يا مالك عامل أيه دلوقتي !؟
مالك: بتنهيده الحمدلله يا خالو ..
آدم : طيب يحبيبي .. يلا بقا خد ابوك و ملك واتكلو علي الله يالا .. عاوز انام الوقت أتأخر .
مالك: بعدم فهم بابا و ماما!؟ طب و ساره
آدم : ساره هتفضل عندي هنا .. وقبل ماتعترض .. بعد الل ساره حكته دا . توفيق و سوزي مش هيسبوها . وهيدورو عليها .. وأول مكان طبعا هيراقبوه هي فيلا الصاوي .. فا . ساره هتكون عندي هنا في أمان .. وانا من بكره هجيب حراسه علي الفيلا .. ولازم نأمن نفسنا كويس .. توفيق المنصوري خصم مش سهل . لكن برضو مش هيقدر يعمل حاجه .
مالك: وليه تبعدني عن ساره . انا ممكن من بكره اتجوزها
آدم : معلش . احنا نأجل فكره الجواز ده مؤقتنا .. ساره مش هتكون في أمان .
مالك: اتنهد وسكت ..
ساره: بصت ل آدم .. عمو انا ممكن اروح اقعد في شقتنا القديمه .
آدم :ابتسم. انتي عاوزه تروحيلهم برجليكى صح ... يالا ي ساره خشي جوا و اقعدي مع اختك رينو والبنات . انا طول اليوم فى الشغل وبرجع انا و زين اخر النهار .. يعنى متقلقيش من حاجه .
ومعلش الضرورات تبيح المحظورات . مؤقتا بس والنتيجه هتبهرك صدقينى .
مالك: بص ل ساره . وودعها خلي بالك من نفسك . وياريت متخرجيش من الفيلا لوحدك . ومتخرجيش منها اصلا .
ساره: بشبح ابتسامه ..حاضر خلي بالك من نفسك انت كمان .
مالك: اتحرك و جاسر .. و ملك سلمت علي ساره .ومشيو .. وساره . رينو نزلت اخدتها عشان توريها اوضتها الي هتنام فيها و مريم قعدت معاها شويه تطمنها وتعتذر منها أنها سابتها وخرجت لانها مستحملتش.
آدم : واقف في الجنينه مع طارق .. و آدم سرحان .. وطارق فهم انه بيفكر في حاجه .
طارق: ها. يا صحبي بتفكر في ايه و ناوي علي ايه !!؟
آدم : طارق . من بكره عاوز مراقبه حوالين فيلا المنصوري . و شركه المنصوري . وعايز حراسه خاصه قدام فيلا العدوي . وتتكلم مع جاسر بكرا عشان يجيب حراسه عنده .
طارق: اعتبره حصل و بعد كدا .!؟
آدم : بص قدام .. بكرا . انا لازم اخد مالك ونروح البنك . ونروح صندوق الامانات . وأشوف الفيديو واشوف اعتراف المنصوري .
بعد كام يوم ..
طارق : جاب ل آدم طقم الحرس الخاص الل طلبه وآدم شرح لكل واحد دورو بالظبط . وطقم حراسه لفيلا الصاوى .
وبعدها . آدم اخد مالك وعرفو أن المفتاح مع جاسر وكان شايله فى المكتب بعد ما البرواز اتكسر .. والرقم السري موجود على الساعه . وراحو البنك واخدو الالماس والفلاشه. وآدم سمع الاعتراف . وكان كفيل أنه يودى المنصورى وسوزى فى داهيه . لكن آدم حب يديهم درس الاول .
والمراقبه عند فيلا المنصورى . والشركه وعرفو أن توفيق مسافر بره مصر وراجع خلال ال ١٠ ايام الل جايين . وآدم شدد عليهم انهم اول مايشوفو توفيق راجع وداخل الفيلا . او الشركه . يبلغوه فورا .
. ساره قاعده عند آدم . لكن محرجه . وحاسه بالانكسار من جواها. لكن مريم مش مديالها فرصة انها تكون وحيده أو تفكر كتير . وفريحه وريتال ورينو . مش محسسينها انها غريبه عنهم . وساره اتعلقت بالعيله الجميله دى . وخصوصا مريم و رينو . والأطفال
بعد كدا . مالك : راح ل ساره وجابلها فون وشريحه . علشان ممعهاش فون . وقدمه ليها هديه . وجابلها لبس . وحاجات كتير . . وطلع ليها بطاقه باسمها الحقيقى . وساره كانت مبسوطه . لكن زعلانه أن اسمها ساره عاصم .وكانت بتتمنى لقب غير ده .
فى الجامعه . الساعه ١ الضهر .
رينو : ورودي في الجامعه . بيشوفو النتيجه .
رينو: ماشيه في الجامعه وكانت ماشيه بسرعه وكان في واحد هيخبط فيها لاكن بعدت بسرعه عن طريقه .
@ : أناا اسف جدا لحضرتك كنت هخبط فيكي بالغلط
رينو : حصل خير . وجت تمشي .
@ : .لو سمحتي !!
رينو : افندم .!!
@ : اسف. اصل انا هنا جديد في الجامعه اروح الشئون منين .!؟
رينو .: بص حضرتك هتمشي علي طول هتعدي تاني ممر . هتلاقي مبني باللون الابيض هوا دا وجت تمشي
@: لحظه بس انتي مستعجله ليه !!
رينو : باستغراب.نعم !! بعد اذن حضرتك . وسابته ومشيت .
بعد شويه : رودي جت . رينو . رينو . النتيجه اتعلقت عند المبنى الإدارى . يالا عشان نروح نشوفها .
رينو: حطت ايديها علي قلبها . وغمضت عينيها ياارب. ياارب . ياارب الدرجات النهائيه امتياز يارب امتياز ..
رودي: خايفه وبتدعي لايه ياختي . دانتي دحيحه . الخوف عليا أنا ويالا بقا عشان أنا دايخه .
رينو : بتوتر .. ايوه . ايوه . يالا بينا
وماشين يدعو ربنا ومتوترين . وكان في زحمه كبيره ورايحين يشوفو أسمائهم علي الورق
ورينو دخلت بصعوبه هيا و رودي
رينو: راحت علي الامتياز . وملقتش اسمها موجود .. و قلبها كان هيقف .. وراحت علي درجه الجيد جدا .. وملقتش اسمها .. رينو اتصدمت .. راحت علي الجيد ملقتش برضو اسمها . حطت ايديها علي بوقها . وانهارت تماماا... سمعت صريخ رودي وبصت ليها بخوف .شافت رودي بتضحك .. رينو طلعت من وسط البنات ب رجفه
رودي: بفرحه . رينو .رينو انا نجحت . أنا جبت جيد جدا مع مرتبه الشرف كان فاضل درجتين واجيب امتياز بس مش مهم .. أنا نجحت . نجحت قوليلي انتي عملتي اي .. اكيد امتياز صح يا سوسه انتى ..
رينو : دموعها نازله و عيطت كتير . وكان هيغمي عليها . وحست أن هيا ضايعه تماماا .. وحطت أيدها علي بوقها . وانها مش مستوعبه انها تكون شالت مواد .. عمرها ماحصلت . لسه هتتحرك جه الدكتور بتاعها .
.. دكتور لارين دكتورتنا الي رافعه راسنا .
لارين: عيطت بصوتها كله. و الدكتور استغرب و رودي
رودي: في اي ي رينو انتي بتعيطي كدا ليه !؟
رينو : اسمي مش موجود في الورق كله يا رودي .. دي مصيبه أناا هموت مش قادره اصدق .
الدكتور :وانتي عاوزه اسمك يكون موجود معاهم ليه بس يا دكتور لارين .
لارين: مصدومه و مش فاهمه حاجه !!
و رودي متنحه و مش فاهمه حاجه !!
الدكتور : فتح الشنطه وطلع ورقه وقالها اتفضلي يستي . أنا أول لما عرفت نتيجتك . وانك الطالبه المتفوقه عندي .. قررت انا اجبلك شهادتك بنفسي . وهي معايه اكتر من اسبوع . وكنت هكلمك لكن حصل شوية ظروف .
رينو : مسحت دموعها بسرعه. يعني اي يا دكتور أنا ناجحه !!؟
الدكتور : هل عندك شك في كدا !؟
لارين: لاء . بس اسمي مش موجود
الدكتور: اتفضلي ياستي ..
(الدكتوره / لارين آدم خالد العدوي ..الحاصله علي الدرجات النهائيه في جميع المواد الجامعيه . بدرجه الامتياز مع مرتبه الشرف)
رودي : فتحت بوقها وتنحت من الفرحه .
رينو : حطت ايديها الاتنين علي بوقها واخدت الورقه علشان تتأكد . وشافتها وعيطت من الفرحه ..
رودي:حضنتها مبروك . مبروك . مبروك يا رينو انتي تستاهلي كل خير والله .. أناا مبسوطه اوي علشانك
الدكتور: الف مبروك يادكتور لارين . واتمنى انك تكونى فى نفس المستوى ديما . بجد انتى مثال مشرف لجميع الطلاب .
لارين: بضحكه ممزوجه بدموع .. اشكرك جدا يا دكتور بجد . بجد ميرسي جدا لحضرتك .
الدكتور : متشكرنيش . انا اتمنى بنتى تاخدك مثال أعلى ليها . بعد اذنكم . ومشى .
رينو : اخدت رودي في حضنها وفضلو يتنططو من الفرحه . و رودي حست بدوخه و اغمي عليها في حضن رينو ووقعت علي الارض
رينو : صرخت روووديييي .
بسرعه واحد جري عليهم . ووقف جمب رينو متقلقيش حضرتك هتبقي بخير .
رينو : مش مركزه معاه . و بتفوق في رودي و البنات جت . والشاب دا حاول يشيل رودي و رينو منعته .. ولكنه صمم يشيلها . و رينو زعقتله و قالتله وانت مين سمحلك انك تفكر تشيلها . وبعدين انت مش كنت بتسال على الشؤون . حاجه غريبه جدا . . واتفضل حضرتك من هنا محدش طلب منك مساعده . اسندوها معايا نشيلها . يابنات .
..الشاب . راح وقف تحت شجره وطلع سيجار وجه واحد صاحبه . توء توء توء .. شكلك وحش اوي وهيا بتزعقلك ...يا .... هشام.
البنات ساعدو رينو وشالو رودي وحاولو يفوقوها . وفاقت . ورينو جابتلها عصير . وبعدها اخدت رودي وركبت معاها ورينو الل ساقت عربيه رودي .
واتحركت و عيون هشام مرقباها .
--------------------بقلمى Mariem Nasar
عند نرمين.
بتتصل علي هشام ولاكن مردش عليها . و هيا قاعده في المستشفى حست بالندم . وحست انها اتسرعت . لأن هشام مبيردش عليها من امبارح أو فى وقت احتياجها ليه ..
..وفكرت أن لو هشام بيحبها بجد .
كان اتجوزها رسمي . مش على ورق . هو كان ممكن يتجوزها عند مأذون بما أنه هيحارب ابوه علشانها . لكن هشام عمل العكس تماما .. وزعلت اوي من نفسها علي الي هيا عملته . وانها مش صغيره . لا دى دكتوره . ومثقفه ومتعلمه . وعندها خلفيه عن نهاية اي جواز على الورق . وقررت تلحق نفسها قبل فوات الاوان . وهتتكلم مع هشام . يااما يصلح غلطه ويتجوزها رسمى عند مأذون . يا اما تلحق نفسها وتبعد . وهتعيش بوصمة العار الل هي عملتها في نفسها . ودمعه نزلت منها .
..وجت نور ودخلت وهيا قاعده و سرحانه ... نور بتنادي عليها..
نور: نرمين. يا بنتي .نرمييين انتي يا زفته . الوووو..
نرمين : فاقت علي صوت نور .. هااا .ابدا . و قامت و سلمت عليها .
نور : ابدا ايه بس . دى تمارا على أيدى . صحيت من نومها وانا بنادى عليكى .
نرمين : بصت على تمارا بوجع . وكان نفسها حياتها تكون طبيعيه .واتنهدت .
نور : شافت نرمين .انه باين علي وشها انها تعبانه و مرهقه .ونور حاسه انها مخنوقه ودى مش طبيعتها .
نور: مالك ي نرمين !؟
نرمين : مفيش ي قلبي انا تمام .
نور: لا في انا عرفاكي كويس
نرمين : بخنقه . مفيش حاجه والله يانور .
نور : حست انها مش حابه تتكلم .وقالت تسبها لحد ما تهدي . احم . طيب ياقلبى . انا هنزل المكتب عند محمد اوكى .
نرمين : هزت راسها . اتفضلي .
نور : خرجت . ونرمين قعدت مكانها وعيطت .
في دبي
مراد اتصل على مريم علشان يطمن على نتيجة رينو . وفهد واقف جمبه فى التراس واعصابه على نار .
مراد : الو ايوه يا مريوم . طمنيني نتيجه رينو ظهرت ولا لسه
مريم : بفرحه . ايوه .يا حبيبي ظهرت واختك اللهم بارك . جابت امتياز مع مرتبه الشرف وطلعت الأولي علي الجامعه يامراد ..
مراد : الله اكبر . ايوه بقى . الف مبروك يامريوم . والبت دى فين اباركلها .
مريم : ثوانى . اصل ابوك من ساعة معرف وهو واخدها فى حضنه ومقعدها جمبه . ومش راضي يسيبها .. اروح اديلها الفون خليك معايا ثوانى ياحبيبي.
مراد : ماشى يامريوم
فهد : سأله بسرعه .. ها قولى نجحت .
مراد : امتياز مع مرتبة الشرف .. والأولى على الجامعه .
فهد : من فرحته كان عايز يحضن مراد . وعايز ياخد رينو فى حضنه ويباركلها بقلبه قبل عقله . وحبس الفرحه جواه. وابتسم . الف الف مبروك . مشاء الله عليها .
مراد : الله يبارك فيك ياشبح . ثوانى هكلم رينو . وهخليك تكلمها تباركلها بنفسك .
فهد : قلبه دق بفرحه . لكن بيحاول يسيطر على دقات قلبه .
رينو : الو .. ابيه مراد حبيبي وحشتنى اوى اوى.
مراد : قلب ابيه انتى والله . وانتو كلكو وحشنى مووت . الف الف الف مبروك ياروحي . يااجمل دكتوره .
رينو : بفرحه . الله يبارك فيك . انت هترجع امتى ياابيه . ؟
مراد : هانت ياروح ابيه . بصي خدى فهد عايز يباركلك بنفسه . وبعدين اكلم آدم وفريحه اشطا .
رينو : اتوترت . احم اوكي يا ابيه .
مراد : امسك يافهد . كلمها وكلم آدم . هكون انا اتصلت بالريسيبشن . وساب الفون لفهد ودخل جوه .
فهد : بلع ريقه . ا. .الو ..
رينو : غمضت عينيها . الو ..
فهد : بتوتر . مبروك . يارينو .
رينو : بدقات قلب حب . ميرسي يا فهد. الله يبارك فيك . احم .. رودي كمان نجحت.
فهد : مش عارف يتكلم . انتى كويسه .
رينو : في نفس الحاله .. ايوه . وانت كويس.
فهد : حاسس ببلاها . وهرش فى قفاه . اه انا كويس . قوليلى فى حد دايقك في الجامعه . او فى اى مكان .
رينو : غمضت عيونها بحب . ونفسها تسمع رد فعل فهد زى زمان . اممم فى .
فهد : بغيره وغضب وقبض على ايده . مين ده الل دايقك . ودايقك ازاى . اوعى يكون اتكلم معاكى . طيب اتجرا ووقف معاكى . او حتى فكر يعاكسك . وقالك ايه . الواد ده فى الجامعه . ولا كان فى الشارع . ولا يكون فى المستشفى .
رينو : بتسمع . وغمضت عينيها . وابتسمت. وعشقها لفهد زاد اكتر . واكتر . . وبعدها . اتنهدت بسعاده . اهدى يافهد . مفيش حاجه كبيره اوى . ده شاب كدا فى الجامعه . بس شكله كبير مش طالب . سألنى على مركز الجامعه . وبعدها رودي تعبت فاجأه وهو جه وعايز يهتم بينا ويشيل رودي. لكن انا مسكتش . زعقتلو وقولتلو اتفضل من هنا . ومشى وبس كدا .
فهد : بغضب حقيقي ولا اراديا . رينو خلى بالك من نفسك . لحد ما ارجع . وانا ليا تصرف تانى . لما نرجع .
مراد : جه من وراه . هتعمل ايه لما نرجع ياض يافهد .
فهد : ورينو كحت واتوترت .
فهد : بغيظ مكبت . ابدا . اصل رودي مرات فارس نجحت . ورينو بتقولى المفروض اجيب هديه لمرات اخويا .
رينو : عيونها وسعت . بدهشه . ايه ده لحق يخلع منها .رهيب يافهد .
مراد : والله عندها حق . وانا كمان عايز اجيب شوية حجات كدا .
وفهد بعد كدا كلم آدم وكل العيله . وبعدها مراد اتكلم مع الكل . وقفل مع فريحته .
فهد : انا نازل .
مراد : نازل !؟ رايح فين .!؟
فهد : جواه متغاظ . وسرح .. إن أى حد بيبص لملكيته الخاصه . لكن حاول يهدى . رينو دلوقتي فى البيت وأجازه . ولما يرجع . وسأل نفسه .. بس لما ترجع يافهد هتحميها بصفتك ايه !؟ ايه هتراقبها مثلا . هتمشى وراها . اوووف يارينو على الل وصلتينى ليه . انا مستعد اقتل اى حد يبص على طرف فستانك .
مراد : ياحووووووت . ايه ياعم بكلم نفسى .
فهد : فاق . ايه يامراد . يعم انا نازل رايح مول دبي.
مراد : صفر . مول دبي مره واحده . هتشتري هديه لمرات اخوك .
فهد : ايوه . وكمان رنا . وفريحه . ومريم . وقال وجواه . والاهم . رينو .
مراد : صدق فكره . تعالى بس نتغدى وهننزل انا وانت علشان اشترى انا كمان للعيله . وخصوصا . مريوم وفريحتى .
فهد : متدايق . ومش عايز ياكل . لا اتغدي انت . انا هسبقك وعلى تليفون ماشى .
مراد : اله مالك ياض مستعجل كدا ليه . انت على طول كدا . تعالى اسمع الكلام وهننزل مع بعض. ويسيدى عيش حياتك في المول . وبعد مانخلص . نتصل على بعض . يلا تعالى .
فهد : استسلم . اتنهد .وقعد . لكن بعدها ابتسم . لما فكر في صوت معشوقته الصغيره.
--------------------بقلمى Mariem Nasar
رودي نايمه علي السرير وحاسه بدوخه .
فارس دخل عليها بالعصير الليمون .بلهفه.. اتفضلي يحبيبتي اشربي .. وبصلها بعتاب .وقالها . بقا كدا يا رودي !! يغمي عليكي في الكليه واعرف من رينو وانا بتصل اباركلها..
رودي: بتكح بتعب. أناا اسفه يت حبيبي محبتش اقلقك عليا .
انت كنت في السفاره . وانت قايلي انك عندك شغل مهم .
فارس : طيب يا رودي وبعد ماجيت من السفاره دخلت واخدت شاور . و قولتيلي رينو نجحت و انتي كمان نجحتى . ومتكلمنيش و تقوليلي انك اغمي عليكي .
رودي : حبيبي اسفه انا اغمي عليا من الفرحه بس .
فارس: لا يا رودي .. لا شكلك مش عاجبني اليومين دول انتي لازم تروحي لدكتوره .
رودي : اتعدلت و غمضت عينيها.و فتحتها بطفوله..انت خايف علياا يا فروسه .
فارس : مسك دقنها بايده . وباسها من شفايفها برقه امال لو مش هخاف علي مجنونتي الصغيره هخاف علي مين !؟
رودي: مسكته من خدوده بايديها الاتنين.ياختي كميله انا ياللي خايف علي مراته ي ناااس .
فارس: بدهشه !! كميله أي كميله دي كمان ي رودي.
رودي: بلاش ادلعك يعني يا روحي.وبعدين بقا سيبك من كل دا فين هديت نجاح رودي حبيبتك.
فارس: احلي واجمل هديه ل رودي قلبي انتى .عاوزه ايه يا روحي شاوري بس .
رودي : اكل ... هاتلي اكل ..
فارس: .تنح اكل !!؟ اكل ايه ياحبيبتي .
رودي: هاتلي اوردر دلوقتي .. اطلبلى . نجرسكو . وفرايز تشيكن . و كريب و شاورما سوري . و ياسلام بقاا لو اتنين بيبسي نحبس بيهم . و بعدها عاوزه مولتن ايس و وافل نوتيلا . و كيك النوتيلا و متغرق بصوص النوتيلا .. ياااااه بسرعه بس يا فارس وحيات ابوك علشان اختك من الصبح بتلف في الجامعه علي لحم بطنها .
فارس: متنح و فاتح بقه.يخربيتك ي رودي نسيتيني كنت بقول ايه . و ايه كميه الاكل دي نجرسكو ومولتن و صوص و شاورما ايييه كميه الاكل دي بتوديها فين ... عرفينيي انتي عازمه العيله ولا ايه !؟ وبعد دا كله تقولي اختك .!! انتى مش معقوله ..
رودي: كشرت. جرا ايه ياجدع انت .. انت هتستخسر فيا الاكل ولا ايه .. امال ايه قره عيني والكلام دا !! جرا ايه ياجدع متوحد الله في قلبك كدا .
فارس: بصدمه فتح بقه.جدع !! لا إله إلا الله .. يا رودي . لا اله إلا الله .. شوفي يا . رودي انا بقالي كام سنه بتعلم . و ربنا كرمني بقيت سفير في السفاره المصريه . وبعرف اتكلم لغات الا عندك انتي اسمع ردود أفعالك لساني يعجز عن الرد ..
رودي:هههههه هههه شوف يفارس يابني احنا الل مسكنا السلك عريان ومتكهربناش هاهاها نيهاااها.
فارس: خبط كف علي كف . وهمس مسكت السلك عريان ومتكهربتش.طب ازاي... واله ولبست يا فارس
رودي: بتقول حاجه ي فاروسه
فارس: مبقولش حاجه يروحي . انا هطلبلك الارودر حالا .
رودي: غمزتله . تؤ . سيب الاوردر.كمان شويه . انت قاعد بعيد عني ليه كدا .. هوا أنا مش ناجحه ولا ايه .
فارس : هااا .. لا ناجحه ياروحي .
رودي: بدلع و اغراء .. مش هتباركلي .
فارس : بس كدا . قرب منها علشان يباركلها .
بعد يومين .
آدم والعيله كلها قاعدين بيتعشو . وبيهزور . وكان مالك موجود معاهم علشان ساره .
وسمعو صوت عند الباب .
@ : ---- سلامووو عليكووو
.. وكلهم اتفاجئو .
وفريحه قامت بفرحه .مرراااااد وجريت عليه .
مراد : وفهد مستنوش اكتر من كده . ومراد قال لفهد بما اننا اشترينا للكل هدايا تعال نسافر بكره . وفهد فرح بالخبر ده . ووصلو للمطار . وفهد وصل مراد لحد باب الفيلا . ومراد قاله تعالى سلم على العيله . فهد قاله . طيب انا هحاسب التاكسي . وانت سيب الشنط دى انا هاشيلها . وادخل شوف اى حد كاشف راسه وضحكو . ومراد قاله تمام . لكن استغربو من كمية الحرس الل على الفيلا . والأمن اتعرف على مراد . وفهد . مراد دخل . والأمن هياخد الشنط فهد قالهم لا سيبوهم انا هشيلهم . وفهد دخل ورا مراد وواقف بره الباب علشان لو فى حد قاعد من غير حجاب . وكان متوتر . وقلبه بيدق . ومتحمس في نفس الوقت . وبيعد الثوانى الل كأنها ساعات .
.فريحه جريت على مراد . والاتنين نسيو كل العيله انها موجوده .
مراد : قلع الشنطه الل ع ضهره . وفتح ايديه لمعشوقته . وكان خايف عليها وهي بتجري الخطوتين دول علشان الحمل . لكن فريحه كانت أسرع منه . وضحكتها على وشها . واتشعلقت في رقبته . ومراد . محسش بجرحه . ورفعها من على الارض ولف بيها . وحشتينى وحشتينى .
فريحه : مكلبشه فيه . بتضحك بدموع . مراد . مراد . حبيبي وحشتنى اوى اوى يامرادي .
ونزلها . وفريحه حضتنه وبتعيط . ومراد مدخلها كلها فى حضنه . ششش بس يابت . انا معاكى اهو بتعيطى ليه . يخربيت ام النكد .
فريحه : بدموع فرح . انت معايا . انت وحشنى اوى يامرادي .انا مش مصدقه احلى مفاجاه بجد.
آدم : من وراهم . لا صدقى . وسيبى الواد بقى نسلم عليه .
. مراد وفريحه فاقو على صوت آدم . وخرجت من حضن مراد وكانت مكسوفه . بس كانت فرحانه اوى .
مراد . قرب من آدم وسلم عليه وحضنو بعض . والحضن كان طويل ومن غير كلام . لكن السكون ده كان اكبر دليل على أن آدم استكان واطمن ان ابنه وعكازه في الدنيا رجع بالسلامه . وبعدها .
مراد : راح لعند مريم . الل واقفه مكانها . ودموعها نازله . من الفرحه . وشكرت ربنا فى قلبها . وشافت مراد بيقرب منها . ومسك ايديها وباسها . وباس جبينها .. ومريم اترمت في حضن مراد . ودموعها نازله فى صمت . ومراد اتنهد بحب .وكان مشتاق لامه . وابوه . كل واحد ليه معزه مختلفه . وكلهم اكبر من بعض . مريم خرجت من حضنه . ومراد عارف هي هتعمل ايه علشان كده محطش شاش على الجرح . مريم حطت ايديها على دراع مراد ويتحسس بتطمن عليه مجروح . وحطت ايديها على أكتافه وصدره . اخيرا اتكلمت . انت كويس يانور عينى . فيك حاجه طمنى عليك . حد فيكو انت وفهد اتاذيتو . فهد كويس .
مراد للحظه افتكر . وشاف رينو لابسه حجابها . ولف راسه للباب وصفر تصفيره معينه كاشاره لفهد انه يدخل
والكل مستغرب . . ولف ل مريم . انا كويس ياست الكل . وطول ما انتى بتدعلي انا هكون بخير . وباس على ايديها تانى . وسابها وراح يسلم على الكل .
كان رايح يسلم على زين . لكن رينو مصبرتش ودموعها نازله بفرحه .وجريت عليه ابيه مراد . ابيه مراد . ومراد لف وضحك . حبيت ابيه انتى ونوتيلت حياتى . واتشعلقت في رقبته ولف بيها . وضحك وكلهم ضحكوا .
وسلم عليها . وبعدها سلم على زين .
ورينو بترفع راسها . ولمحت فهد داخل من الباب . ووشها بقى جمره فى ثانيه وقلبها دق بسرعه رهيبه . ولا اراديا قدام الكل . وبصوت مسموع . فهد .
مراد : كان بيسلم على نور . وبعدها ريتال . ومالك . واندهش بصدمه لما شاف ساره . ومالك قاله هحكيلك كل حاجه بعدين . ومراد تفهم الأمر . وراح يسلم على مريم نونو الل وحشاه اوى
فهد : سمع الاشاره . وشال الشنط . وسابها برا باب الفيلا . وداخل . وعيونه عرفت طريقها .ولمحت اجمل عيون . وقلبه دق . ودق اكتر لما سمع انه معشوقته الصغيره ندهت بإسمه اول ما دخل من الباب .
الكل انتبه . ل رينو وسمعوها . وبصو على الباب وشافو فهد . وفرحو . فريحه اول واحده جريت عليه وحضنته . وهو حضنها بحب . ومسد على حجابها وباس جبينها بحب . وبعد كدا حضن آدم . وآدم حضنه بحب واطمن عليه . وراح سلم على مريم وحضنها . وباس ايديها وراسها . ومسح ليها دموعها . وسلم على زين . ومالك . وسلم على نور وريتال . لكن من غير سلام بالايد . لانه حرام . واخيرا لف شاف معشوقته الل عيونها دمعت بفرح . وكمان منزلتش من عليه . وقرب منها لكن بحظر . لانهم حاسين أنهم مكشوفين اوى . احم اذيك يا انسه لارين .
رينو : اتوترت . الله يسلمك . يا استاذ فهد .
فهد : كشر . لكن معلقش عامله ايه . والف مبروك .
رينو : الحمدلله . والله يبارك فيك . احم حمدلله على السلامه .
فهد : الله يسلمك . ووقف متنح . ومش عارف يتكلم . ورينو وقفت كأنها اتسمرت في الأرض .
. وفاقو على صوت آدم . كفايه سلمات بقا و يالا تعالو العشا جاهز .. وكلهم اقعدو و اتعشو وكان جو جميل و لطيف و ساره حست انها اصبحت جزء من العيله دي .
..وبعد شويه البنات كلهم خرجو في الجنينه و الشباب قاعدين في الليفنج ..ومراد شايل مريم نونو على رجله. وبيفهم من مالك ايه سر اختفاء ساره . ومالك بيحكيلو .
فهد: قام وسلم علي الشباب وشاف انها فرصه مناسبه وقال طيب ي جماعه انا يادوبك اسلم علي مريم و فريحه واتكل انا .. هطلع علي طارق و رنا
وسلم عليهم واتحرك .. وراح عند مريم وقدملها هديه وكانت عباره ازازه برفان قيمه . واسوره رقيقه جدا . فهد قدملها الهديه .. ومريم كانت مبسوطه و شكرته جدا واستاذنها عشان يسلم علي فريحه في الجنينه مع البنات ..
..راح لفريحه و شاور ليها وراحتله وقدملها هديه عباره عن سلسله مكتوب عليها مراد وقالها انا اول لما شوفتها جبتهالك من غير تفكير ..
فريحه: فرحت جدا و حضنته و قالوله ميرسي يا فهد دي اجمل هديه جاتلي
فهد: حبيبتي انا عيوني ليكي بس عاوز منك طلب ممكن. ممكن تنادي علي لارين اسالها علي حاجه بس و امشي .
فريحه: كانت مبسوطه و قالتله حاضر انا هروح انده عليها واروح لمراد . وراحت و ندهت علي رينو و
. لارين اتوترت واتحركت خطوتين و فهد قرب منها خطوتين و اتقابلو في النص .
رينو : احم..بتوتر.فريحه قالتلي انك عاوز تسالني علي حاجه خير يا فهد .
فهد : ايوا .. ما انتي بتقولي فهد اهو امال ايه يا استاذ فهد دي..!؟
رينو : بتوتر .عادي مانت قولت يا انسه لارين .
فهد : اممم.بتردهالي يعني . عموما انا مقصدش انا قولت كدا عشان كنا في وسط العيله وكدا .
رينو : اتنهدت بحب. ولا يهمك يا فهد .
فهد : قلبه دق. و سرح في جمال عيونها
رينو : رفعت عينيها شافت فهد عنيه علي عينيها و عيونهم اتعلقت ببعض
رينو : توترت وقلبها دق و خافت لحد يشوفها..احم..
.انت كنت عاوز تسالي علي حاجه يا فهد
فهد : هرش فى قفاه .. ا.اه اه كنت عاوز اسالك الرقم الي كان بعتلك رساله يوم عيد ميلادك . كلمتك
رينو : بفرحه لانه لسه فاكر .. لا يا فهد
فهد : ياريت تعملي للرقم دا بلوك
رينو : وشها بقى احمر . اوكي يا فهد .
فهد: بلع ريقه..احم.حد ديقك تاني
رينو : لا مانا مش بروح الجامعه .
فهد : رينو انا بقول حد دايقك تاني عموما . برا الجامعه او في المستشفي او اي مكان .
رينو : اتنهدت بسعاده . وابتسمت.علي غيره الفهد الي مشتاقه ليها.لا يا فهد . مفيش حد دايقنى .
فهد : قلبه دق . و رينو سمعت دقاته..
فهد : احم..و طلع من جيبه علبه قطيفه وقدمها ل رينو .. اتفضلي دي هديه بسيطه . بمناسبه الترقيه . وانى اثبت نفسى وبجداره فى شغلى . وحبيت انى اقدملك الساعه دي للترقيه وبس .
وطلع علبه تانيه . وقالها . ودي هديه تانيه بمناسبة عيد ميلادك . ونجاحك . واتمنى انك تقبليها . اتفضلى .
رينو : قلبها بيدق جامد. ومصدومه بدهشه وفرحه مع بعض . وأحاسيس متلخبطه . ومش عارفه تعمل ايه . تقبل الهديه ولا لأ .
فهد : شاف رينو متوتره ومحتاره . وبيتمنى من جواه انها تقبل هديته . لانها فيها امانها .وهو اختارها ليها بقلبه قبل عينه . رينو اتفضلى . ولا انتى هتكسفينى .
رينو : بتوتر . احم .لا ابدا .بس . بس كدا كتير يافهد تعبت نفسك ليه . وكانت مكسوفه تاخدهم منه .
فهد : مفيش تعب . ولا حاجه . اتفضلى . لان كدا بقى شكلى وحش اوى . وابتسم .
رينو : شافت ابتسامة فهد لاول مره على وشه من سنين طويله . وسرحت فيها .واتنهدت . واخدت الهديه . ميرسى يافهد .
فهد : يارب تعجبك . وسكتوو. فهد . شاف البنات ممكن تلاحظ الوقفه دى . احم طيب يارينو . انا يدوبك اطلع على طارق ورنا . علشان بكره عندنا مشوار مهم للجهاز . علشان نخلص كل حاجه .
رينو : احم. هزت راسها . ماشى ربنا معاك .
فهد : مراقب المكان . واتحرك علشان يمشى . اتحرك من جمب رينو . ولكن قرب على ودنها وهمس . اللون الاحمر يجنن عليكى بس ياريت ماتلبيسهوش ولا تخرجي بيه تانى.
رينو : حطت ايديها على قلبها من همس فهد . وفتحت عينيها . وبتبص . جمبها . وملقتش فهد . ودورت عليه كويس . شافته خارج من بوابة الفيلا . وغمضت عينيها وابتمست بسعاده . وخبت الهديه . وطلعت بسرعه على اوضتها . وكانت عيون مريم مراقباها من اول ما فهد قدملها الهديه . وابتمست بسعاده . لابتسامة بنتها . ودعت ربها انه يحقق حلم بنتها ويجمعها مع فهد في الحلال .
رينو : قعدت على السرير. بتنهج . ومش مصدقه. وحبت همس فهد ليها . وانه غيران عليها . وقامت وقفت قدام المرايه . وشافت أن اللون الاحمر يجنن عليها وكمان ملفت . وضحكت بسعاده . ورجعت علشان تشوف الهديه . اول هديه بمناسبه الترقيه . وكانت ساعه جمليه اوى فوق الوصف . ومعاها كڤارات بتتغير مع لون الطقم الل هتلبسه . وفرحت جدا . وقالت بما أن الساعه دى للترقية بتاعتك يافهد انا هلبسها ديما .
وفتحت العلبه التانيه . واتصدمت بفرحه . سلسله لازورد . وكانت رائعه . وكمان استغربت السلسله . لانها عباره عن اسم . ونازل منه فص لازوردي متوسط الحجم . . والاسم كان ( لاري ) . ورينو استغربت لكن بعدها فهمت . إنها اسمها اول حروفه لاري .
وكارت صغير . ( الف الف مبروك ومن نجاح ل نجاح . فهد ) يارب زوقى يعجبك .
وضحكت بسعاده وفرحت جدا . وكانت أسعد بنت فى العالم . وقامت بفرحه . وغيرت الفستان . ولبست فستان بلون تانى . وكانت حاسه بشعور غريب لانها مش ناسيه همسات الفهد . ولبست السلسه . وزادتها فوق الجمال . جمال. ولبست الساعه . وكانت مبسوطه جدا . وخبت علبتين الهدايا فى دولابها . وبعتت لنفسها بوسه فى المرايا ونزلت للعيله .
بعد شويه مالك مشى . ومراد قدم الهدايا الل جايبها للكل . وكمان جاب هديه ل آدم وزين وللاطفال الصغيره . وكلهم كانو مبسوطين .. وبعدها .كل واحد طلع على اوضته . ورينو اخدت مريم نونو تنام فى حضنها .
مراد . طلع مع فريحته .
فريحه رايحه على الدولاب تطلع لبس ل مراد .
مراد : واقف فى نص الاوضه .ونده عليها بحب . فريحه .
فريحه : لفت ليه وكان مراد فاتح ايديه ليها . وقلبها ابتسم . وراحت بسرعه اتعلقت فى رقبته . ومراد حضنها وغمض عينيه . ورفعها من على الارض ودفن وشه في رقبتها . وحشتينى .
فريحه : غمضت عينيها بحب . وحشتنى يامرادى . وحشتنى اوى اوى .
مراد : نزلها . ومسك وشها بايديه . وبتملى منها . وبيفكر لو كانت الرصاصه صابته . ومات . مكنش هيشوف اللهفه الل ف قلب . وعلى وش فريحته تانى .
فريحه : حطت ايديها على ايديه الل على خدها . وشالتها وباستها . وغمضت عينيها وحضنت ايديه . ورفعت وشها وبصت فى عينيه . وعيونهم اتعلقت ببعض . وكل واحد قال للتانى قد ايه انا بحبك ومشتاقلك .
مراد : حاوطها من وسطها . ورجع خصله شارده ورا ودنها . وقرب من ودنها . وهمس . انا بحبك اوى يافريحه .
فريحه : غمضت عينيها بحب . وتاهت فى همساته . ومراد قرب منها وباسها وفريحه قلبها هيطلع من مكانه من عشقها لمراد . ومعاملته معاها. وانه مبيحبش يشوفها زعلانه . وفاقت على مراد الل شالها . وراح بيها على مكان عشقهم . وقرب منها . بكل اشتياق ...
بعد فتره . فريحه فى حضنه وبتعيط . لانها شافت الجرح . وعيطت بكل وجع . وقالتله يعنى قلقها ده مكنش على الفاضي .
مراد : مدايق . لانها بتعيط من قلبها . وعدلها وقعدها قدامه ورجع ضهرها على صدره . وقالها خليكى كدا . جرحى كدا خف خلاص . وباسها من كتفها . وطمنها أنه كويس . والحمدلله انها جت على قد ايه . وهو قدامها دلوقتي ومفيش داعي للعياط . وحلفها بمراد تبطل عياط . وقامت . وقالتله خليك مكانك . وراحت جابت علبة الإسعافات . وعقمت جرحه . وغصب عنها دموعها بتنزل منها . مراد عيونه عليها . وقرب من وشها . وباس الدموع الل نازله على خدها . وهمس في ودنها من تاني . وقرب منها اكتر من الاول . وفريحه تاهت في عشق مراد . وعاشو ليلة حب جميله .
تكملة الحلقه ٣٨ ج ٢
#رواية_جريمة_عشق2
(عشقتها منذ نعومة أظافرها)
بسم الله نبدأ
هشام اتصل على نرمين . وكانت زعلانه منه . لكن بطريقته . خلاها تشتاقله . وقالها انه هيعدى عليها ياخدها من قدام المستشفى. وهو بدء يتخنق منها ومن كل شويه تقولو الوضع ده مش عاجبها . لكن اكيد هيشوف حل .
وراحلها على المستشفى . وخرجت معاه . وراحو على الشقه . ونرمين قاعده فى الليفنج بتفكر تقوله انها عايزه الجواز رسمى . لكن هشام مش مديلها الفرصه . اتفاجئت بالل شالها من غير مقدمات .
هشام : حبيبتي الل وحشتنى . وباسها .ورايح بيها على الأوضه .
نرمين : حاسه انها بترتكب غلط فى حق نفسها . ومش حاسه بالأمان . لكن هي كل الل حاسه بيه انها بتحب هشام .
هشام : نيمها على السرير . وقلع التي شيرت . لكن فى مخيلته حد غيرها . وكان بيهمس اسمها فى قلبه . وخصوصا لما شافها عن قرب . وانها اجمل من الصور بكتير . قرب من نرمين وهو بيقولها هموت عليكى . وبيكمل جواه . هموت عليكي يالارين . ونفسي تكونى فى حضنى . واتخيلها وقرب من نرمين . الل حست بحب غريب وطريقه هشام متغيره عن قبل . وكلها حب ومشاعر خارجه من قلبه . ونرمين تاهت فى همساته . وطريقته .وغابت عن العالم واشتاقت ل هشام حبيبها ونسيت كل حاجه .
بعد فتره كبيره . هشام . على السرير مرجع ضهره الورا . وطلع سيجار . وبيشرب وباصص قدامه . وبيتمناها في حضنه .
نرمين : نايمه جمبه ومستغطيه . واستغربت أن هشام ما اخدهاش في حضنها زى كل مره . وندهت على هشام ومردش عليها . وشافت أنه سرحان . وبتفكير . يعنى هيسرح في ايه وانا معاه . طيب ليه هو مبقاش بيتكلم معايا ليه زى الاول . كل يوم يكلمنى واجي معاه على هنا ويقرب منى . وبعدها ياخدنى في حضنه . وبعد شويه يقولى قومى البسى علشان اوصلك . وكمان غاب عنها يومين . ولا اتصل بيها . طيب هو ده طبيعي . لا. مش طبيعي . لانه كدا بيستخدمنى لغرض معين . واكيد شويه هيقولى قومي البسي علشان اوصلك . وسرحت ب أفكارها . ونسيت هشام الل جمبها . وبتفكر فى جواز محمد ونور واخواتها وعيلتها البنت عندهم اميره . وليها امير بيعاملها بكل احترام . ويتشرف بيها قدام اى حد . وقالت احسن حاجه انى بستخدم وسيله لمنع الحمل لان قلبى مش مطمن. وغمضت عينيها ودموعها نزلت .
هشام : خلص السيجار . واتنهد وفاق وشاف الل نايمه جمبه . ونفخ بديق ونسيها تماما وعايزها تقوم تمشي . احم . نرمين .
نرمين : فتحت عينيها . نعم يا هشام .
هشام : قومي البسي علشان اوصلك .
نرمين : بصتله ب استغراب .
هشام : مالك بتبصيلى كدا ليه .!؟
نرمين . اتعدلت . وشدت الغطا عليها . بصراحه مستغربه .
هشام : مستغربه !! من ايه !؟
نرمين : منك يا هشام . مستغربه التغيير المفاجئ ده .
هشام : اتعدل . اووف يانرمين . انتى مبتزهقيش . كل يوم اسطوانه شكل .
نرمين : شدت هدومها وبتلبس . اسطوانه !؟ انت مش حاسس بالل انت بتعمله ياهشام . وبعدين انا عيزا اتكلم معاك .
هشام : بعدين . بعدين . انا ورايا مشوار مهم .
نرمين : بدهشه .بعدين بعدين . ومشوار ايه بقى الل أهم منى ده . ممكن اعرفه .
هشام : قام بيلبس . اوووف مشوار مهم بابا جاى خلال اليومين دول . وعايز اظبط شويه حجات فى الشركه .
نرمين : راحت بسرعه عليه . يعنى باباك جاى . طيب هتعمل ايه .
هشام : بعدم فهم .هعمل أيه ف ايه مش فاهم .!
نرمين : بدهشه . مش فاهم . انت قولت هتتكلم مع والدك وتقولو انك اتجوزت . ولا انت نسيت . انا مبقتش فاهمه حاجه .
هشام : ببرود . ايوه . ماشى . هبقى اشوف . ويلا بقى انا مش فاضى .
نرمين : كأنها عرفت نهايتها من ردة فعله . مسكت دراعه . هشام انت مش بتضحك عليا صح .
هشام : زعق . يووووه . انتى كل يوم تخنفينى كدا . انتى عايزه ايه بالظبط .!؟
نرمين : اتخضت من صوته . ودموعها اتجمعت . عايزه ايه . عايزه نصلح الغلطه دى ياهشام . احنا لازم نروح مع بعض لمأذون . علشان نتجوز رسمى .
هشام : جاب اخرو . مأذون !؟ ليه إن شاء الله . وبعدين انا عايش كدا كويس .
نرمين : زعقت . بس انا مش عايشه كويس ياهشام . انا مخنوقه وكل يوم افكر فى علاقتك بيا . واهتمامك . وتغييرك المفاجئ . هشام احنا لازم تتجوز عند مأذون .
هشام : والله انا مش مخنوق . وعلاقتى بيكى زي ماهيا . ومفيش جواز عند مأذون . وشوفى انتى عايزه ايه وانا معاكى فيه .
نرمين : بصدمه : وحطت أيدها على بوقها . ودموعها نزلت . وفهمت كل حاجه . وان ده مكنش جواز . ده كان استغلال . وقالت . انت ضحكت عليا ياهشام . ضحكت عليا . استغلتنى واتجوزتنى عرفى . وصرخت ضحكت عليا .
هشام : راح فتح الدولاب . وبيطلع تيشرت يلبسه . والله ياحبيبتي انا مضربتكيش على ايدك . انا قولتلك هنمضى على ورقتين . وانتى مضيتى برغبتك . وبصلها .. كتفتك انا مثلا وقولتلك أمضى . تؤ محصلش . وياريت نفضل كدا مع بعض على طول . وانا هفضل معاكى .
نرمين : راحت لعندو بغضب . ومسكته من هدومه . انت اييييه . انت مفكرنى ايييه . انا صدقتك علشان فكرت انك بتحبنى. ليه عملت كدا . وسابت التي شيرت . ونزلت قدامه على ركبها بيأس . ليه عملت كدا ياهشام . ليه . وليه انا . انا اذيتك في ايه . انا حبيتك بجد يا هشام . وعيطت بحسره . على غبائها .
هشام اتحرك من قدامها. وراح يسرح شعره . نرمين حبيبتى . كويس انك اكتشفتى ده بدرى . بصى ياروحي . الل بينا ورقه . هتتقطع وكل واحد يكمل طريقه . لكن لو انتى عايزه تكملى معايا صدقينى انا هكون مبسوط . انا كمان بحبك ياروحي .
نرمين : بغيظ قامت . وراحت ل عندو وضربته بكل قوتها بالقلم . انت أحقر انسان شوفته في حياتي . انت كلب وحيوان .
هشام : اخد القلم . وشدها من شعرها . انتى بتمدى ايدك عليا انا يا ----- وسبها بلفظ مسئ بأخلاقها . انتى عارفه انا ممكن ادفنك مكانك . بس انا عارف انتى حاسه بايه دلوقتي . وكفايه القلم الل انتى خدتيه . وانا ياروح امك مضحكتش عليكى . انتى مش نوغه ولا عيله صغيره . ولا مراهقه . انتى كل يوم والتانى بتسمعى بالقصص دى . هتقولى ضعفت علشان حبيتى البسى بقى . وزقها من شعرها وقعت على الارض .
نرمين : اتالمت من شعرها . ووقعت على وشها على الارض . ودموعها نازله بذل وندم . وعيطت بكل صوتها .
هشام راح فتح الدرج . وطلع العقد الل معاه . وقطعه قدامها . وقالها الورقه التانيه . اقطعيها وبكدا يبقى خلصت فاهمه .
نرمين : بصتله : بصدمه . وذل . الانسان الوحيد الل حبته عمل فيها كدا . قالتله بصوت مبحوح بوجع . وشرفي ياهشام . شرفى وسمعتى .
هشام : ضحك بصوته كله . هههههههههههه . شرف ايه . يانرمين . اومال لو مكنتيش دكتوره وعارفه . إن الحجات دي في ثانيه بترجع تانى . هههههههههههه ضحكتينى والله .
نرمين : قامت . ووقفت قدامه . وحست انها عريانه تماما . هشام انا بحبك . انا وافقت عليك علشان صدقتك . هشام انت رجعتلى ليه .
هشام : وانا كمان بحبك يانرمو . بس انتى بتطلبى طلبات مستحيل انها تحصل يقلبى . مأذون ايه . وجواز ايه . وانتى مفكره ابويا هيوافق . لالا ابعدى عن المشاكل ياقطه .
نرمين : بصتله . باستحقار . هشام انا ممكن افضحك . واقدم العقد الل معايه للنيابه . وكمان فيها طب شرعي . وسين وجيم وفضيحه لعيلة المنصورى .
هشام : هههههههههههه . انتى طيبه أوي يانرمو . وفتح . اللاب توب . وقالها اتفرجي .
نرمين بتتفرج . وعيونها مفتوحه بصدمه . وانها متصوره . من اول يوم دخلت فيه الشقه . لحد امبارح . وكل العلاقه الزوجيه الل بينهم متصوره . ونرمين حست بزغلله في عينيها .
هشام : قام . وقالها بصي ياروحي . اولا العقد انتى مقرتيهوش كويس . لانه متسيڤ بتاريخ . لسه مجاش . هو التاريخ بنفس السنه دى . لكن لسه شهرين كمان . . وكمان رقم بطاقتى غلط . يعنى ياقلبى . العقد ده . زي اي ورقة رسم فاضيه ملهاش لزمه . ولو فكرتى بس تتكلمى . الفيديوهات دى هتكون عند امك . وصحتبك الجميله نور . علشان تشوف صحبتها المحترمه . وكمان صحابك في المستشفى . ببرود .. امممم . اتفضحتى يانرمو .
نرمين : بتتفرج . وبتسمع . وبتنهج بتعب . وحاسه انها خلاص اتدمرت . امها . اخوها . شغلها . صاحبها . والاهم . هي نفسها . والاهم من كل ده . ربها . نرمين نزلت على الارض . وعيونها مفتوحه ودموع نازله زى المطر . ومبتتكلمش . من الصدمه .
هشام : مستنى انها تقوم وتمشى . بكدا يبعد عنها . ويفضي ل رينو . وهو متاءكد أن نرمين عمرها ما هتتكلم . حتى لو شافته بيتجوز رينو . عمرها ماهتتكلم . وممكن يعوضها بالفلوس . وجاتله فكره . وقام فتح الدرج . وجابلها مبلغ كويس ١٠٠٠٠ ج ورماهم قدامها . خدي يانرمو . المبلغ ده مشى نفسك بيه . ولو احتجتى اي حاجه كلمينى على طول . وياريت لو تفكري ونكمل مع بعض زى ما احنا . وممكن اجيب عقدين جداد . واعملهم يستى بالتاريخ الحالى . وصدقينى هتعيشي مبسوطه .
نرمين : مرفعتش راسها من على الارض . وعينيها على الفلوس الل اترمتلها . بس ياترى دا تمن الليالي الل قضتها مع هشام . ولا تمن انها تسكت ومتتكلمش . ولا تمن انها تكمل معاه . ولا تمن أنه ميفضحهاش . ودموعها نزلت على الفلوس . وقامت بتعب . وسابت الفلوس على الأرض . وراحت حطت الحجاب على راسها . وجابت شنتطها . واخدت منها العقد . وراحت وقفت قدام هشام . ودموعها مغرقا وشها . وعيونها حمرا جدا . وبصت فى عيون هشام . بنظره واحده اتدمرت . ونظرة لوم وعتاب واسف . انها وثقت فيه . واخدت العقد . ورفعت أيدها ليه . ومسكت كف ايدو التانيه . وحطت فيها العقد . ولسه عيونها متعلقه فى عينيه . وقالت مش هاقولك . غير حسبى الله ونعم الوكيل .
وشالت ايديها ومسحت دموعها . وسابت هشام . ومشيت .
هشام : واقف . وشاف نظرتها . وحس انه ادايق . لكن فاق على مسج . وفتح المسج ولما قراها نسى كل حاجه وابتسم .
نرمين نازله على السلم . ومش قادره تشيل شنطتها . وشريط الفتره الاخيره كلها قدامها . ومش قادره تصدق الل هي عملته فى نفسها . وانه جاب عليها اللوم . وانها مش صغيره . هي فعلا مش صغيره . وقرت كتير عن الحوادث دى . وانه صورها . وهيفضحها. قعدت على السلم وحطت وشها على ركبها وحضنت وشها وعيطت بكسره وندم. وانها كدا خلاص ضاعت . وسمعتها اتدمرت . هتفيد باايه كلية الطب . والشهادات . هيفيد باايه شغلها فى أكبر مستشفى في مصر . وهي فرطت فى الأهم من كل ده . وعيطت كتير . وقامت راحت المستشفى بصعوبه جدا . ودخلت مكتبها وقفلت على نفسها . وعيطت بكل حرقه . ولطمت على وشها . وبتفتكر هشام وهو بيرملها الفلوس . وبيعرض عليها تفضل كدا . وزكرياتها رجعت . بحبك يانرمين . امضى يانرمين . انا مش هبعد عنك يانرمين . انا هحارب علشانك يانرمين . انا لايمكن اسيبك . انتى بتاعتى انا . انتى مراتى انا . انا هجبلك عياده . انا هجبلك احسن فستان فرح . انتى ام عيال هشام وبس . وصرخت بضحكه عاليه اوووى ممزوجه بدموع . هههههههههههه. انتى مراتى . شوفتى ياماما . انا ضعيت نفسى ياماما . انا انفضحت وفضحتك معايا ياماما . اشتغلتى وتعبتى ياماما علشان اكون دكتوره قد الدنيا هههه شوفتى ياماما . ولطمت على وشها . بصوت عالى . ونسيت انها فى المستشفى. ومش سامعه أن الباب بيخبط جامد عليها . وقامت راحت على رف ادويه وفتحت علبه برشام وعيونها مش شايفه غير وهشام بيثبت ملكيته . وانه وعدها انه عمره ماهيسبها . وهيبعت الفيديو لامها . وشافت أن امها متستاهلش . وبدون وعي اخدت علبه البرشام كامله . وبعد ما اخدتها . بدءت تسمع صوت تخبيط على الباب . وانهم بيخبطو عليها جامد . لكن نرمين قعدت على الارض . ومستسلمه تماما .للنهايه .
الساعه ٧ مساءا .
آدم : قاعد فى مكتب الفيلا مع زياد . ومراد . وجالو تليفون من فريق مراقبه توفيق المنصورى .
آدم : رد . ايوه .
= الو . آدم باشا .
آدم : سامعك .
= توفيق المنصورى . لسه راكب عربيته الخاصه من المطار . واتجه على فيلا المنصورى . وربع ساعه هيكون موجود في . الفيلا . تحب تؤمرنا بأي اوامر تانيه .
آدم : لا . حلو اوى كدا . انت بس خلى عينيك عليه . وأول مايدخل الفيلا . ادينى خبر .
= تحت امرك يا باشا ..
فيلا المنصوري..
توفيق : بغضب انتيييي بتقوولييي ايييي مستحييييل مستحييييل تهرااااب انااا روحييي بين ايديهااااا انتيي فااهمه
وضرب سوزي بالقلم
سوزي: اااه . صدقني . صدقني ي توفيق أناا معرفش هربت ازاي أناا بهدلت الحرس . و.وكمان كلفت ناس تراقب فيلا جاسر . ومفيش اي اثر ليها صدقنى هي ممكن تكون ماتت . لانها مش موجوده فى مستشفى . احنا دورنا عليها اسبوع بحالو واكتر كمان . اااااه
توفيق : بيجرجها بره الاوضه . يعنى انا اسافر شهرين . وأرجع . اعرف من الحرس انها هربت . ومن اكتر من شهر . دا انتى نهايتك على أيدي . كل الل حصل ده بسببك انتى . وانا هلاقيها منك ولا من الصايع التانى . الل بيلف فى الكباريهات .
سوزى : ااااه . أرجوك ياتوفيق . ارحمنى . انا لو كنت اعرف كنت جبتها هنا . هي ضحكت علينا .
توفيق : البت دى لازم تموت . وانتى كمان . وبيجرجرها على السلم . ونزل بيها وهي بتصرخ . لكن توفيق . وقف مكانه واستغرب . وزعق . . انتو مين !!! .
سوزي : رفعت راسها . وبرقت بصدمه . وحطت ايديها على وشها برعب . وشهقت . آدم العدوي . --
بدل ماتدور وتبحث علي الروايات خليها علي تليفونك وحمل تطبيقنا
