رواية الحب الضائع الفصل الرابع
- عايزك تخلص
= اخلص عليه ؟
- ايوة لانه بقى خطر علينا وخسارة لينا كمان
= حاضر
- مش عايز اى غلطات او اى مشكلة ، مش عايز اسمى يتلوث ، فاااهم ؟
= تمام
- يلا خلص انت وبلغنى
= تمام يا باشا
__________________________________________________________
يارا بخوف : يلا يا ملك وصلنا
ملك بأستغراب : ده محمد شغال هنا يابنت المحظوظة
يارا بأستغراب : محمد مين
ملك : محمد اخويا يا بنتى
يارا : اممممم طب يلا نطلع
ملك : يلا
،،،،،،،،،
جمال : هنعمل ايه الفترة الجاية سعادتك
محمد : ادينا هنشوف اللى اسمها يارا دي ونجيب منها الورق الاول
جمال بتفكير : اممممم تمام
الامين : يا محمد باشا الانسة يارا برة ومعاها واحدة ادخلهم ؟
محمد بجدية : دخلهم
وانت يا جمال اعمل اللى قولتلك عليه
جمال : تمام يا فندم
تخش يارا وملك
ملك بخضة : محمد ؟؟؟؟
محمد بصدمة : ملك ؟؟؟؟
يارا واقفة مش فاهمة حاجة وتبص لملك وتقولها : انتى تعرفيه ؟
ملك : يابنتى ده محمد اخويا ، حظك حلو
محمد : امممم ماشاء الله وطلعتوا كمان صحاب
ملك بإبتسامة : اديك عرفت اهو ان احنا صحاب ودى صاحبتى من الحضانة كمان
عايزاك بقا تتوصى بيها
محمد بنفاذ صبر : اتوصى بمين , هو انا ببيع لب ، بطلى هبل يا ملك مش فى البيت وهنا
محمد بجدية : اتفضلى يا انسة يارا
تقعد يارا وملك
محمد : ماسمعش صوتك بقا يا ملك بدل ما الزنزانة جمبنا هنا اهو وارميكى فيها
ملك بخوف : انا اتكلمت ، انا ساكتة اهو
محمد : شاااطرة
يارا تبتسم وتضحك من طريقتهم مع بعض
محمد بجدية : ماقولتليش بقا يا انسة يارا ، الورق ده فيه ايه
يارا بخوف : معرفش مابصتش فيه
محمد : طب الورق ده فين دلوقتى
يارا تبص لملك وملك تقولها قوليله
يارا : مش قولتى ماتقوليش لحد غير لما نعرف الناس دي
ملك : يابنتى كنت فاكرة اى ظابط رخم لكن ده اخويا وانا واثقة فيه
يارا : لا والنبى
محمد بعصبية : امممممم واضح انكم مرتبين كل حاجة لا ومخططين كمان
ممكن اعرف مكان الورق بقا يا انسة يارا
يارا بخوف : حاضر ، بس انا مش ضامنة انك هتجيب حقه ، وطول ما الورق معايا سهل نوصلهم
محمد بتفكير : بس ده خطر عليكى
يارا : لا مش خطر وبعدين هيحصل ايه اكتر من اللى حصلى
محمد يبص يلاقى ملك بتبص له بتعمق اوى
محمد بأستغراب : بتبصى كدا ليه يابنتى
ملك بأبتسامة : اصل اول مرة اشوفك بتحقق مع حد كدا
محمد بنفاذ صبر : يارب صبرنى
ملك : عثل يا خواتى عثل
محمد : انا الرائد محمد ادهم السيوفى يتقالى عثل كده وفى مكتبه
انا لو حد شافنى كده وانتى بتقولى عثل مش هحصل امين شرطة
يارا تبتسم
محمد : طب اسمعى اللى هقولك عليه يا انسة يارا ، وتنفذيه بالحرف ، تمام
يارا : تمام
______________________________________________________________________________
فى شركة عاصم الحسينى
عاصم بجدية : الو ايوة يا طارق ، لا هنهرب طبعا
اشرف وكمال وامجد مع الصفقة ومحدش هياخد باله ولينا طبعا حبايب فى كل حتة وماتقلقش
طارق : اشرف وكمال وامجد مين
عاصم : ايه يا طارق يعنى مش فاهم
طارق : معلش يا عاصم باشا بس مش فاهم
عاصم : يعنى البودرة والسلاح والاثار
طارق : اهاااا ههههههه ماشى ماشى تمام ، هاجى طبعا فى نفس الميعاد ولا ايه
عاصم : الساعة 12 باليل تبقى عندى في المخزن ، تماام؟
طارق : تمام يا عاصم بيه
دد
يخلص عاصم مع طارق وينادى السكرتيرة ويقولها انا ماشى وينزل من الشركة ولسة هيركب العربية يعدى موتسيكل عليه اتنين ويضربوا نار عليه ويقع غرقان فى دمه
______________________________________________________________________________
= تمام كدا يا باشا ، خلصت
- تمام ، كنت عارف انك هتخلص بسرعة
= تلميذك يا باشا
- هههههههه طب ادينا خلصنا من الموضوع ده ، عايزك بقا تراقب خطيبة سامح ، عايزك تعرف الورق ده فين ، فاااهم
= تمام يابو نسب
- نسب ايه
= الله مش قولتلك على الموضوع وانت قولتلى اكلمه ، ولا بقا نسيت
- ههههههه لا مانستش ، اعمل بس اللى قولتلك عليه
= تمام يا كبير
_____________________________________________________________________________
محمد بجدية : طب محدش شاف نمر الموتسيكل ده
جمال : لا يا باشا كل اللى كانوا موجدين ساعتها بيقولوا ان الموتسيكل ده كان من غير نمر خالص والاتنين اللى عليه كانو مغطيين وشهم
محمد : اممممم
_____________________________________________________________________________
ملك بإبتسامة : شوفتى اخويا طيب ازاى، اى خدعة
يارا : خدعة ايه بس فى المصايب اللى انا فيها ديه
ملك : يابنتى خلاص بقا ، الحمدلله ان هى جت على اد كده
يارا بحزن : الحمدلله
فجأة تليفون يارا يرن برقم غريب
يارا : ايوة !!!
- ازيك يا انسة يارا
يارا : مين ؟
- ماتقلقيش ، انا من طرف سامح الله يرحمه
يارا بخوف : سامح ؟؟
- ايووة ، هو طبعا كان عاين عندك ورق كدا مهم صح
يارا تخاف اكتر : لا النمرة غلط
- اسمعينى بدل ما تأذى نفسك وتأذى الامورة اللى جمبك
يارا تبص ل ملك بخوف
يارا : طب حضرتك عايز ايه
- حضرتى عايز الورق اللى عندك بالذوق بدل طبعا ما اخده بس بالعافية
يارا : بس حضرتك مين
- مايخصكيش ، انا كل اللى يخصنى الورق ، تمام
يارا : بس
- مابسش ، انا هكلمك تانى علشان اقولك هتسلمينى الورق فين وامتى
وطبعا مش هوصيكى ، المكالمة دى لو الظابط عرف عنها حاجة ماتلوميش غير نفسك
ويقفل
ملك بخوف : فيه ايه يا يارا ؟؟
يارا بصدمة : خدى اسمعى
ملك تسمع المكالمة
ملك بثقة : انا لازم اكلم محمد
يارا بخوف : لا
ملك : لا هكلمه ، مش هو اللى ماسك القضية
ولا هنسيب العصابة دى تأذيكى
يارا : اسمعى بس
ملك : لا انا هكلمه
تمسك ملك الموبيل وتتصل ب محمد
ملك : ايوة يا يابنى
محمد بنفاذ صبر : ابنك ؟؟؟
ملك : مش وقته ، تعالى على الفيلا بسرعة
محمد : انا فى شغل مش فاضى
ملك : ما ده شغل بردو
محمد : شغل ايه
ملك : العصابة كلمت يارا
محمد : خمس دقايق وهكون عندكم
ويقفل
ملك : محمد اخويا ده غريب
يارا : اشمعنى على الفيلا
ملك : يا هبلة اكيد العصابة مراقبينك ولو محمد جيه هنا هيعرفوا انك هتقولى للظابط
يارا : اممممم صح
ملك : يلا بينا بقا علشان نلحق
يارا : يلا
______________________________________________________________________________
= باين كدا يارا كلمت اخت الظابط و اخته اتصلت بيه ورايحين علشان يقولوله
- يابنت ال........
هو الظابط ده اسمه ايه
= انت تعرفه كويس
محمد ادهم السيوفى
الرائد محمد ادهم السيوفى
- اييييييه ؟
