 |
رواية وحوش الارض الفصل الخامس 5 بقلم منهالبارت الخامس رواية/وحوش الارض بسم الله.. ياسين رجع من الشركه قعد مع امه شوية و اكلوا مع بعض و بعدها استاذنهم و طلع ينام.. ياسمين طلعت نامت و كانت عايزه وعد ترجع تنام جنبها بدل ما هي لوحدها و قالت لنفسها بزعل : ليه مشيتي ي وعد.. ياسين نايم ع السرير و حاطط ايده تحت راسه وعيونه ع السقف و سرحان.. وقعد يفكر هيتصرف الوقتي ازاي.. الشركه خسرت مبلغ ڪبير جدا.. طب هيعوضه ازاي؟ ولا هينفذ المشروع الجديد اصلا ازاي.. و وسط افكاره اللي ملهاش نهاية ظهرت وعد وبدا يفكر فيها.. معقول رجعتي تاني مكانك ع البحر.. ولا روحتي لعمك؟! و كم حد ما ت بسبب خوفك و ظلم عمك؟ انتي طلعتيلي منين بس.. واخد نفس طويل و خرجه بزهق : هي حُره.. هي اللي هربت يبقا هي تستحمل ذنبهم و مسؤليتهم. انا حاولت اساعدها كتير و هي رفضت.. كان حد قالها ترفض؟! خلاص بقا معتش هفكر فيها و لا هحمل نفسي اكتر من طاقتها و غمض عينيه ونام.. _____ عند وعد.. عصام اخد الصورة من الشخص وكان اسمه نادر وبص فيها : اممم.. ومين ده بقا. نادر : ده اسمه ايهاب العربي وطبعا اسمه لوحده كفيل يغير حياة اي حد ويخليه فووووق.. عصام ضيق عينيه :اممممم.. بس ده هنستفاد منه باي ده؟! نادر: جايلك ف الكلام يا باشا.. ده بقا عرفة انه هيصدر ملابس برا و بمبلغ كبير جدا.. احنا بقا ممكن نبدل الملابس دي بشحنة من شحنتنا.. وبعد ما الدنيا تهدى نصدر احنا الملابس و بكده الكره هتكون ف ملعبنا.. هر بنا الشحنه و اخدنا شحنة عليها هدية هههه.. وطبعا مش اول مره نعمل كده ده احنا خبره.. عصام : بس دي حاجه مش هتبقا بسهوله كده.. ده احنا عايزين نعرف كل كبيرة وصغيره ف الشركه.. نادر : لا دي بقا ع الانسه وعد.. وعد عيونها راحه جايه ومش مصدقه ان وصل تفكيرهم للشر ده.. عصام حط الصورة قدام وعد.. وعد عيونها ع الصورة و مصدمه.. عصام : اقولك هتعملي اي ولا فهمتي؟! وعد هزت راسها بالرفض: لا.. مستحيل اسمع كلامكم.. عصام : ده امر مش طلب.. وعد : وانا مش هنفذ اوامرك.. واعلى ما ف خيالك اعمله.. عصام اتعصب واتكلم بشر : لو سمعت صوتك ده عالي تاني هضطر اخليكِ تروحي لامك وابوكِ علشان مسمعش صوتك تاني. وعد بانهيار : ياريت.. اقت.لني وريحني ع الاقل مش هبقا ف مكان كله ظلم كده.. اي انتم شيا.طين.. عصام مسكها من شعرها : متستعجليش.. هتم.وتي بس ابوكِ وامك مات.وا ع طول.. بس انتي هتموتي بالبطئ.. ويلا من غير كلام كتير هنرجع الفيلا علشان تبداي تروحي من بكرا شركة ايهاب.. و تشتغلي عندهم باي طريقه وتجبيلي كل المعلومات.. و حب يمسكها من ايدها اللي بتوجعها علشان مترفضش.. و لو اعترضتي صدقيني ايهاب ده هيكون جث.ه وانتي اللي هتكوني السبب.. وهاخد اللي انا عايزه برده اي رايك.. وعد بتعيط و مش عارفه تفكر و قامت باستسلام و ركبت العربية وراحت ع الفيلا.. نزلت من العربية و طلعت ع اوضتها نامت ع طول علشان تقدر تهرب من من كل اللي حواليها.. ___________ تاني يوم.. وعد قامت ع صوت شاهي.. شاهي : انتي ي وعد.. قومي علشان تروحي الشركه.. وعد قامت وكانت مصدعه و اول ما افتكرت انها هتبقا طرف من اللعبة دي.. لعنة ضعفها و قلة حيلتها قامت اخدت شاور و كانت لابسه بنطلون جينز و جاكت.. نزلت وكان عصام مستنيها.. عصام : يلا الجارد هيوصلك لحد هناك.. وعايزك تبيني انك محتاجه الوظيفه جدا.. وانتي و شطارتك. وعد مشيت من غير ولا كلمه و وصلت الشركه.. دخلت الشركه و كانت بتاخر رجل و تقدم رجل عايزه ترجع تهرب بس هي عارفه انهم هيجبوها وغير كده مش هتعرف الجارد معاها ف كل لحظه.. دخلت الشركه و شافت واحده قعدة ع مكتب.. وعد : هو مكتب المدير فين معلش.. السكرتيره عبير : ايوه مين حضرتك واقوله مين.. وعد باحراج لانها مش عارفه تقول اي : احم.. اصل بصراحه انا محتاجه شغل ضروري جدا.. عبير : ايوه بس احنا هنا مش محتاجين موظفين.. وعد : انا ممكن اكون مساعده او اي حاجه.. عبير : اتفضلي استريحي هنا وانا هدخل ابلغ المدير.. وعد : تمام.. دخلت عبير عند ايهاب.. عبير : السلام عليكم.. ايهاب : وعليكم السلام.. اي ي عبير ف حاجه ولا اي.. عبير : ف انسه بره بتقول انها محتاجه شغل ضروري.. و مستعده تشتغل اي حاجه.. ايهاب : تمام خليها تدخل.. عبير : تمام.. عبير خرجت وقالت لوعد تدخل.. وعد قامت وخايفه من اللي جاي.. وعد : السلام عليكم ايهاب : وعليكم السلام.. اتفضلي. وعد قعدة : احم.. شكرا. ايهاب : ممكن اعرف اسمك و سنك وعد : اسمي وعد منصور 20 سنه بابا وماما متوفين ايهاب : تمام.. ربنا يرحمهم.. تقدري تقوليلي تعليمك اي وعد اتكلمت بزعل : مكملتش بعد الثانوي ايهاب : و انتي بقا عايزه تشتغلي اي.. وعد : عادي انا ممكن تكون مساعده او اي حاجه.. ايهاب : تمام هنعملك اختبار و تبقي سكرتيره الاستاذ خالد والدي. وعد ابتسمت بعمليه و خرجت مع السكرتيره علشان يشوفوا مدى خبرتها ف المجال.. و فعلا بقت سكرتيرة خالد.. عدى اليوم من غير اي احداث تانيه وتاني يوم راحت وعد وبدات تشتغل غصب عنها.. ف الشركه.. بقلمي/منة ضياء وعد ف المكتب عند خالد و ماسكه ورق كتير ف ايدها وهو بيديها تعليمات و هي متلخبطه ع الاخر.. خالد : وبعد ما تخلصي تروحي ع مكتب ايهاب يوقع ع الورقه دي.. تمام. وعد بتحاول تجمع هو قال اي و هزت راسها: تمام.. خالد خرج من المكتب و وعد فضلت تشتغل بسرعه. اجى ف الوقت ده ايهاب.. ايهاب : احم.. هو بابا فين. وعد : استاذ خالد لسه خارج حالا.. ايهاب : تمام.. ولسه هيمشي وقف ع صوت وعد.. وعد : لحظة لو سمعت.. ايهاب: ايوه.. وعد : ممكن حضرتك توقع ع الورقه دي.. قرب منها ايهاب ومسك الورقه : ورقة اي دي؟! وبعد ما قراها.. اهاا دي تصفية اللي بينا انا وياسين تمام.. واخد قلم من ع المكتب و مضى.. وعد لما سمعت اسم ياسين قلبها دق بس بعيد جدا عن افكارها خالص انه يكون ياسين ده.. ايهاب رفع ايده بالورقه : اتفضلي.. وشافها سرحانه و تاه هو كمان ف ملامحها البريئه اللي كلها حزن.. وفاقوا ع دخول خالد اللي خلي وعد تتنفض من مكانها و ايهاب الورقة وقعت من ع الارض.. ايهاب بلخبطه نزل جاب الورقة من ع الارض.. خالد : بتعمل ايه هنا ي ايهاب.. ايهاب : كنت جاي اقول لحضرتك ع الملف بس الظاهر ان الانسه وعد خلصته بسرعه.. خالد : طب كويس.. ايهاب بص لوعد : لا بجد برافو مستواكِ ف الشغل كويس الظاهر اني هتخلى عن خدمة عبير واخدك انتِ.. وعد : احم.. شكرا بس انا مش هقدر اخد مكان حد. ايهاب كان بيتكلم الاول ع سبيل الهزار بس اتكلم بجديه : انا مقولتش اني هستغنى عنها خالص انا ممكن اخدك المساعده بتاعتي وهتبقي معايا ف كل حاجه.. وعبير هتبقا ف مكانها.. ولا عندك اعتراض.. خالد : مفيش مشكله اكيد صح ي وعد.. و السكرتيرة بتاعتي هترجع من الاجازه تاني بعد يومين.. وعد هزت راسها : مش هتفرق كتير.. و من بكرا وعد هتشتغل مع ايهاب.. _______ بقلمي /منة ضياء ف الفيلا.. عصام قعد قدام وعد ولما عرف انها هتبقا سكرتيرة ايهاب فرح : واو بجد.. وسقف بايديه : برافو ي لعبتي قدرتي تعمليها.. امم مطلعتيش سهله.. وعد قامت وهي مش طايقه صوته حتى وراحة ع اوضتها غيرت هدومها علشان تنام.. شاهي : بقولك اي ي بيبي بما انه كل حاجه ماشيه زي ما احنا عايزين اي رايك نحتفل ع طريقتنا الخاصه.. عصام : تؤتؤ.. الاحتفال ده لما اخد كل المعلومات اللي انا عايزها.. بس ده ميمنعش اننا نقضي وقت مع بعض.. ضحكت شاهي بصوت عالي : يلا بينا نشرب كاسين حلوين علشان السهره تحلو. عصام : يلا ي حبيبتي.. _____ ياسين رجع من الشركه و كالعادة وعد اخده جزء من افكاره و ده مش مخليه قادر يتصرف وياخد خطوة ف شغله.. ______ تاني يوم.. ايهاب دخل الشركه و كانت وعد لسه موصلتش.. قعد يستناها لحد ما وصلت وراح عليها بسرعه : اتاخرتي كده ليه.. وعد بصت ف الساعه باستغراب : اتاخرت؟! لا انا متاخرتش انا جايه بدري عن ميعادي ربع ساعه.. خير هو ف شغل مستعجل او حاجه.. انا ممكن اعملها ع السريع.. ايهاب : احم لا مفيش حاجه.. بس كنت متعود ان عبير تيجي بدري.. وعد هزت راسها : اممم.. تمام. ايهاب راح مكتبه.. و وعد قعدت ع مكتبها علشان تبدا تشوف شغلها هي كمان.. _______ ف الشركة عند ياسين.. معتز : انا شايف اننا ناخد قرض من البنك بمبلغ كبير نعوض الشركه و نبدا ف المشروع نسدد القرض بعد كده.. ياسين : قرض!! معتز : هو ده انسب حل.. المصنع بتاعنا محتاج مكينات و قماش... ده غير ان احنا لازم نبدا ف المصنع الجديد. ياسين مسح ع شعره بضيق : تمام.. اتصرف و قدم ع قرض علشان نخلص. معتز : تمام.. وسابه و خرج.. ____________ وعد دخلت عند ايهاب.. وعد : السلام عليكم.. استاذ خالد بيقول ان هيبقا ف اجتماع بعد ساعه بالظبط.. ايهاب : تمام.. واعملي حسابك انك هتحضري معايا.. وعد بعدم فهم : انا؟!! ليه. ايهاب : علشان انتي المساعده وانا عايزك تبقي معايا.. وعد هزت كتافها بعدم اهتمام : اوكي.. وسابته و خرجت.. ايهاب فضلت عيونه عليها لحد ما خرجت.. ________ ف الاجتماع.. خالد : طبعا الوقتي المشروع مبقاش لينا.. بس ده مش هيوقعنا احنا تعبنا لحد ما عملنا اسم للشركه.. و علشان كده احنا عايزين نبدا نشتغل ع مصنع ملابس لينا احنا بس بدون شريك.. وطبعا احنا لازم نعمل ده قبل ما ياسين يتصرف.. ايهاب : ايوه بس اصلا ياسين بدا ف المصنع من زمان ازاي هنفذ قبله.. خالد : الوقتي ياسين عنده كل حاجه الا الفلوس اللي هينفذ بيها وبالتالي كل اللي عنده ده ف الفاضي.. ايهاب : فعلا معاك حق.. سعيد : تمام احنا هنبدا نشوف مكان مناسب و باذن الله كل حاجه هتبقا تمام. خالد : وانا واثق فيكم يا رجالة.. و يلا كل واحد ع شغله.. وعد كان قعدة مش مركزه معاهم قعدة تهز رجليها و و تلعب ف الملفات اللي ع المكتب و عيونها بتلف ف الغرفة.. ايهاب : تعالي ورايا ي وعد.. وعد : حاضر وراحت وراه ع المكتب.. ايهاب : تقدري تقولي استاذ خالد قال اي.. وعد سكتت لانها مكنتش مركزه.. ايهاب : اقولك انا.. هو قال ان لازم ياسين جاسر المهدي يبقا ف الارض واحنا لازم نفوز عليه.. وعد ضيقت عينيها ومش مصدقه اللي سمعته : ياسين جاسر؟!! ايهاب : ايوه.. يتبع.... الفصل السادس من هنا |
تعليقات
