رواية جنون العشق الفصل السابع
عند مراد ذهب هو وعمر للشركة حتي يكملون عملهم
مراد وقد طلب السكرتيرة : ابعتيلي الاستاذ احمد
السكرتيرة : حاضر يا فندم
مراد : وهاتيلي فنجان القهوة بتاعي واتفضلي دلوقتي
وبعد ان خرجت السكرتيرة وطلبت من احمد للذهاب لمراد دخل احمد بدون استئذان
احمد : ازيك يا باشا
مراد : هو انا مش قولتلك تخبط الاول وانا اقولك تدخل وللا لا
احمد : صح
مراد : يبقي تطلع زي الشاطر وتخبط ولما اقولك تدخل ابقي تدخل سمعت وقال كلمته الاخيرة بصوت عالي
احمد بخوف : سمعت يا كبير اهدي انت بس
وخرج احمد بسرعة واستاذن وسمح له مراد بالدخول
مراد: انا عاوز اقولك علي حاجة انا وعمر قررنا حاجة معانا وللا لا
احمد : مش تقول الاول
مراد : بص احنا قررنا نعمل .........
احمد : ايه الدماغ السم دي يا باشا معاكو اكيد
مراد : اطلع برة وكمل شغلك
احمد : متحترمني شوية
مراد : طيب استني هقوملك عشان احترمك كويس
احمد وهو يجري : اعمل اللي انت عاوزة يا باشا ولا يهمك
بعد ان خرج احمد
مراد : مجنون هشوف دلوقتي هعمل ايه مع اختك
*********************
في الجامعة عند البنات كانو يمشون في الجامعه حتي رأوا شاب يزعج فتاه وهي لا تستطيع ان ترد عليه فذهبوا لمساعدتها
ندا : انت يا امور عاوز حاجة منها
الشاب وقد راي ندا وفرح ومريم فخاف منهم فمن لا يعرفهم فهم الثلاثي المرح اذا تجرا احد ينظر اليهم لن يستطيع المشي مرة اخري
الشاب : لا مش عاوز حاجة ابدا واسرع بالفرار
ندا : تعالي يا عسل انتي اسمك ايه
الفتاه : نادية اسمي نادية
فرح : اسمك حلو بس انا اوي مرة اشوفك هنا
نادية : انا اول يوم ليا النهاردة
مريم : خلاص بقينا اصدقاء
نادية بفرحة : انا اول مرة يبقي ليا اصدقاء
ندا : طول ما اختي معانا مفيش حد هيلمسك
نادية : هو اليوم باين من اوله اساسا
فرح : هو ايه اللي حصل
نادية : وانا جاية في واحد غبي خبطني بالعربية واتخانقت معاه داه واحد حمار بس اشوف وشه
ندا : خلاص نتكلم بعدين يلا لاننا هنتاخر عن للمحاضرة
وبعد ان ذهبوا ودخلوا المدرج وجاء الدكتور انصدمت نادية منه
********************
وبعد ما دخلو البنات المدرج وجاء الدكتور انصدمت نادية
نادية : يالهووي
ندا : في ايه يا نادية
نادية : الدكتور
ندا : ما له الدكتور
نادية : هو نفسه الحمار اللي خبطني بالعربية
فرح : هو داه يا بنت اللذين دا قمر
مريم : ينفع تسكتوا لاننا هنطرد
وبعد ان انتهوا من المحاضرة ذهبوا للكافتيريا اللي في الجامعة وجلسوا علي طاولة هما الاربعة
نادية : دا واحد بارد ورزل قوي ومعندهوش دم ولا نظر وفاشل وانا مش طيقاه خالص نفسي اموته
ندا وهي تنظر الي ما وراء نادية : بس ابن حلال والله وطيب
نادية : يا بنتي انا بتكلم عن الحمار الدكتور بتاعنا هو كان اسمه ايه
جاء صوت من ورائها : آدم اسمه آدم
التفتت نادية بسرعة
