رواية ممنوعة من الحب الفصل التاسع
فـ الصباح وقبل بدء أي حصه
ساره مبتسمه " نور عاوزه أقولك علي حاجه بس مكسوفه
نور" خير ياساره قولي؟؟
ساره" مش هتزعلي طيب؟؟
نور" قولي ياساره فـ إيه؟؟
ساره " أنتي فاكره الولد إللي كان عاوز ياخد رقمي وانتي زعقتي وكده
نور ترد وكأنها كانت تحبس الكلام" وهو انا أقدر أنسى اليوم ده
لما قالي إني وحشه وإني أروح اشوف شكلي الأؤل
ساره" قلبك أبيض يانور
نور" عمري ماهنسى ياساره ،أنا اليوم ده كنت بعيط جامد
ولحد دلوقتي لما بفتكر بزعل أكتر وبقول حسبي الله
ساره" نور ... عموما هو عاوز يكلمك
نور بأستهزاء" يكلمني؟؟!! مش انا وحشه
يكلمني ليه ، هو عاوز يتجوز واحده وحشه؟؟؟
أنا أصلا بحافظ عـ نفسي كل ده علشان يجي ولد ملوش لزمه
يبقي عاوز يخطبني .. لأ أسفه انا لازم زوجي يبقي زي ملتزم وعمره ماكلم بنت
مش بيقف عـ الشارع يعاكس فـ بنات الناس
ساره ضاحكه" يابنتي مين قال جواز ، انا بقولك يكلمك
يعني كل واحد ياخد فرصه أنه يتعرف علي التاني. مش يمكن تحبو بعض
نور غاضبه" انتي إزاي تيجي وتقوليلي كده؟؟
إزاي أصلا تفكـري إن ممكن أفكـر إني اكلم ولد؟؟؟
انتي بجد صدمتيني
ساره"نور والله مكنش قصدي ..أنا والله لما قالي أني أكلمك
قلتله لأ وانك مش هتوافقي
بس هو قالي أقولك
نور تبكـي
ساره" يانور أرجوكي بلاش تحسسيني بالذنب
نور" ساره أنتي جتيلي إزاي؟؟
أنا من غيرك حياتي مكنش فيها مشاكل
من يوم ماعرفتك وأنا إللي حاسه بالذنب..أنا عمري ماكان ليه حد من أصحابي كد؟؟
انا كل أصحابي كانو نفس تفكيري حتي ولاء صحبتي سبتها علشان خطرك
وقلت يمكن يجي اليوم إللي ربنا يهديكي فيه
لكن مفيش فايده وأظاهر كده ان كلامي معاكي هيجبلي الضرر
وولاد كتير هيبتدو يعرفوني بسببك
بعد ماكان مفيش ولد يعرف حتي أسمي أو شاف شكلي
أنا بجد تعبت أوي ..فاكري ياساره فـ كلامي وحاولي ترجعي نفسك
لعل الله أن يصلح حالك .. فكـري ياساره فـ إن الدنيا مليانه فتن
ساره" خلصتي كلامك يانور؟؟!!!
للدرجادي أنا فـ نظرك بنت وحشه أوي كده؟؟!!!!
للدرجادي أنا كده؟
ياااه تصدقي أنا طلعت واحده زباله أوي
ومستحقش إني اكلمك ..أصلي بنت سمعتها وحشه
أسمي علي كل لسان ولد ،، حياتك وأنا اللي جيت لغبطتها صح!!
عموما أسفه أوي إني فـ يوم شوهت سمعتك أو حتي كلمتك
وشكراً علي نصيحه منك ليه
وأنسي أننا ننعرف بعض
تنهي ساره كلامها وتنصرف بعيداً عن نور
إما نور فقد شعرت بأنها جرحت ساره
وهذا ليس من طباع نور ...
أسرعت نور خلف ساره
ومسكت يديها وأحتضنتها بشده
وكانت ساره تبكي ونور بكت أيضاً مجدداً
نور" متزعليش ياساره .. أنا بحبك والله رغم كل حاجه حصلت منك
أحنا هنبقي أصحاب بس محدش يدخل فـ حياة التاني
ساره" مش زعلانه يانور لأني فعلا بحبك
نسمه من أصدقائهم فـ الفصل
كانت تمشي بجانبهم
نسمه" الله الله ... إيه الحب ده
نور" نسمه إزيك عامله إيه
نسمه" مش كويسه.. بس عارفين أنا بحسدكو علي الحب ده..
فسي أفهم إزاي كل واحده فيكم تفكرها مختلف عن التانيه
وبقيتو أصحاب
ساره" الله أكبر في وشك
نور مبتسمه" مش كويسه ليه يانسمه؟؟ مالك؟؟
نسمه تبكــــي وتمتلئ عيونها بالبكاء
نور" هو النهارده يوم العياط الجماعي ولا إيه؟؟
قولي يانسومه مالك؟
نسمه" هقولك بس تسمحيني يانور فـ الأؤل
نور" هو إيه حكايه تسمحيني يابنات .. قولي يانسمه مالك؟؟
نسمه" بصراحه يانور أول يوم شوفتك فيه
وانتي جيتي قاعدتي جنبي انا وأحلام وهاجر وقلتي
البرفان حرام والكلام مع الأولاد حرام
كرهتك أوي ، وقلت لهاجر وأحلام البت دي رخمه ومعقده ومش عاوزين نكلمها تاني
بجد كنت بكرهك فعلاً
بس من كام يوم حلمت بيكي وأنتي واقفه بتمسحي دموعي وتقوليلي متزعليش
وبعدها حاصلت خناقه كبيره أوي بيني وبين هاجر وأحلام
وكانت بسبب الولد إللي كان مفهمني إنه بيحبني
بعد ماقال عليه كلام سئ جداً
ووأنا دلوقتي ماشيه مخنوقه قابلتك قدامي فاافتكرت الحلم
نور" يااااه يانسمه بجد أنتي فرحتيني أوي
..مش علشان حاجه ..بس علشان خلاص عرفتي حقيقة صحاب السوء
علشان عرفتي يعني إيه ولد يكلم بنت ويقنعها بحبه ليها
وهو فـ الأصل بيتسلي .
ساره" سيبك منهم يانسمه تعالي أحنا أصحاب حلوين
تعالي انضمي لشله نور وساره
نسمه" بجد.. الحمدلله ربنا عوضني بيكي يانور
، عاوز بـس أعرف هو أنتي إزاي عسوله كده ومتسامحه
إزاي انا حبيتك كده
نور مبتسمه" والله يانسمه كل الحكايه إني كده ع طول ، بس مش بحب أبين
العسل كتير علشان النمل
ساره" يلا يانسمه نسبها ونمشي دي شكلها جايه تهزر
بعدها يذهبون معاً إلي الفصل لحضور الحصص
يظل الحال علي ماهو عليه
لا تتدخل نور ف شأن ساره
إلا انها تنكر ماتفعله ساره دائماً
أما نسمه فتقربت من نور أكتر وأصحبت صديقتها اكثر من ساره
وتغيرت نسمه كثيراً وأصبحت تلتزم فـ صلاتها
وحتي ملابسها بدي عليها التغير
ليس هذا بفضل نور لأ ولكنه الفضل لله أولا ً ""إِنَّكَ لَا تَهْدِي مَنْ أَحْبَبْتَ وَلَكِنَّ اللَّهَ يَهْدِي مَنْ يَشَاءُ
لا شئ يجعل نور سعيده أكثر من هذا
تنتهي السنه الأولي من الثانويه
وتأتي الثانيه
وقد كانت فيها نسمه أكثر تقربا لنور
إما ساره فعاشت حياتها فـ حب هذا وترك هذا
والأعجاب بهذا
قررت نور ونسمه إن ينصحو ساره المرة الأخيره
بالفعل تذهب نور ونسمه
لساره
بعد الدرس
نور" ساره أنا عاوزه أقولك نصيحه ممكن؟؟
ساره" ممكن قولي
نور" بصي ياستي احنا داخلين علي 3 ثانوي
يعني محتاجين تركيز علشان ندخل كلية حلوة
ساره" اه طبعا اكيد
نور" طب إيه رايك تسيبي كل شاب بتكلميه
وتجددي نيتك طبعا فـ كده ..وتخلي حياتك مليئه بحب الله
والله ياساره كل الكلام لمصحلتك
أنا عاوزكي صحبه صالحه ، عاوزه يوم القيامه أشوفك مع امهات المؤمنات
عاوزه أسمك يبقي فـ الصالحات
عاوزه حياتك تبقي مفهاش غير حُب ربنا وبس
فهماني ياساره !!
أنا بحبك والله
ساره" لأ طبعا يانور أنتي بتطلبي مني المستحيل
أنا مش هعرف أعيش حياتي من غيرك ما احب من غير ماأتحب
نور" عارفه ياساره .. هيجي عليكي يوم وهتزهقي
قلبك خلاص أصله اتعود علي الحب الحرام
لما تيجي تحبي فـ الحلال
مش هتحسي بطعم الحب
أقولك علي حاجه ... انا مش بحافظ علي نفسي علشان
الناس تقول عليه إني بنت كويسه وبـــــس..
لأ ...
أنا بحافظ علي نفسي علشان ربنا أولاً ،وعلشان لما يجـي
حد يتقدملي فـ الحلال ويبقي حُب حلال
أقوله خد هنا
علي فكـرة بقا أنت أول حد يدخل حياتي
علي فكـره بقا أنا عمري ماحبيت فـ الحرام
علي فكـرة انا بدعي ربنا يجعلني من الصالحات الطيبات
علشان يرزقني بواحد زيك
علي فكرة بقآ أنا الفتن فـ حياتي مالهاش مثيل
بس كل الحكايه إني قفلت علي قلبي بالمفتاح
علي فكـرة انا متاكده إني باردو أنا اول واحده فـ حياتك
ثقه ويقين فـ الله مش اكتر
هحس بمعني الحُب
لما يجي يقولي بحبك
هتبقي حاجه غريبه عليه!!
هحس إني إيه ده ؟؟!!
هو ده بقا الحٌب إللي بيقولو عليه
هعيش معاه قصة حُب
أحلي زوجين فـ الحلال
هنجيب أولاد وبنات علشان يبقو خلف صالح
ساره أنتي حاسه بيا؟؟؟
أنتي حاسه بالكلام إللي بقولو؟؟؟؟
ساره ترد ببردو"نور والله ماهينفع أعمل كده
إللي زي خلاص عاش الحب الحرام
وكمان يلا كلها حياة
أنتي عارفه يانور
أول قصة حب فـ حياتي كانت احمد
من أعدادي وأحنا بنحب بعض
لما سابني أه قلبي اأنكسر طبعا وحاسيت بجرح كبير
بس انا لسه بحبه ^^
لحد دلوقتي رغم إللي عامله فيه
نور" شوفتي بقا ... يعني هتفضلي فاكره
انتي عارفه ياساره
عيبك إنك فـ مجتمع غريب شويه
الولد ممكن يعمل حاجات حرام كتير وفـ الأخر يتوب
ويصلي يقولو عليه شيخ
لكن البنت تعمل حاجات حرام وتيجي تتوب وتلبس نقاب مثلاٌ
يقولو هي نسيت كانت إيه؟؟؟
دي كانت وكانت وكانت...
طبعا التوبه مش مبرر ليكي إني تعملي ذنوب
وتيجي فـ الأخر تتوبي
ربنا بيقول "
إِنَّمَا التَّوْبَةُ عَلَى اللَّهِ لِلَّذِينَ يَعْمَلُونَ السُّوءَ بِجَهَالَةٍ ثُمَّ يَتُوبُونَ مِنْ قَرِيبٍ فَأُولَٰئِكَ يَتُوبُ اللَّهُ عَلَيْهِمْ ۗ وَكَانَ اللَّهُ عَلِيمًا حَكِيمًا.""
فهمتي ياساره
ساره" متتعبيش نفسك معايا يانور ..
نور" يعني مفيش فايده؟؟؟؟
ساره " الله أعلم .. لما ربنا يهديني
نور" يااااااااه الكلمه دي بتعصبني أأأاوي
يعني مثلا تيجي تسألي حد هتصلي أمتي؟؟
يقول لما ربنا يهديني!!
طب ماتصلي ويكون ربنا هداك
هتبطل تشرب سجاير وتكلم بنات امتي؟؟
لما ربنا يهديني!!
طب ماتبطل شرب سحاير وتكلم بنات وهيكون ربنا هداك
يابنتي أتركِ المعصيه لله
وكيدي الشيطان
إن كيد الشيطان كان ضعيفا"
علشان خطري ياساره
ساره" طيب أوعدك اني هفكـر فـ الموضوع
نور" وانا هدعيلك ياساره
هكذا كانت نور أروع مثل للصديقه الصالحه
تدعي الله دائما لساره
وفـ القيام تصلي وتسجد وتكثف من دعائها
هل ستفكر ساره فـ كلام نور؟!!!
هل ستترك كل هذا من اجل الله
من اجل أن تكون من عباد الله الصالحات
