رواية جريمة عشق الجزء الثالث الفصل التاسع
فى الجامعه اول يوم .
زين وصل رينو الجامعه . ومتحركش غير لما اطمن عليها . وشاف رودي بتشاور ليها . واتحرك وراح على الشركه .
رودي : بتنادى عليها . لارين . لارررين .
رينو : اتنهدت بزعل . وشاورت ليها .
رودي : رينو اذيك يابت .
رينو : بزعل . الحمدلله . انتى اذيك يارودي.
رودي : ياساتر . ايه يارينو البوز ده . لمي بوزك طالع من النقاب ههههه
رينو : مضحكتش . واتنهدت وساكته .
رودي : يااااه تعرفي إن الجامعه مش وحشانى خالص .
رينو : ليه يعنى . احنا لسه اول يوم .
رودي : بصتلها . مالك يارينو . وزعلانه اوى ليه كدا .
رينو : مفيش حاجه.مصدعه بس ومنمتش كويس .
رودي : بتفهم . وهزت راسها . امم فهد كلمك !؟
رينو : لمجرد سمعت اسمه قلبها دق . لكن هزت راسها بلاء . وكملت بدموع . مكلمنيش غير مره واحده بس . وطمنى عليه أنه وصل . وبعدها فونه مقفول . فهد مكلمنيش بقالو ٨ ايام يارودي .
رودي : زعلت علشانها . وقربت منها ايه يارينو . انتى عارفه أن فهد ميقدرش يبعد عنك ساعه واحده . لكن هو مجبر على كدا . وإن شاء الله ياحبيبتى بكره يرجع . ويبقى معاكى ليل ونهار . فكى كدا مش واخده على ام بوزك ده من فتره جامده . كفايه السنين الل فاتت . روقى كدا علشان البت بتاعتي متكتائبش .شوفتى البلونه بتاعتى صغيره ازاى .هههههه . انا حامل فى الشهر الخامس . والل يشوفنى يقولى انتفاخ ههههه مش حمل ابدا . واتنهدت بتمثيل . فارس مجوعنى .
رينو : غصب عنها ضحكت . ههههه مجوعك . قصدك بتاكلى اكله . انا ماشوفتش في طفاستك يارودي .
رودي : وهو انا باكل علشانى . انا باكل علشان مصر .
رينو : ههههههههه . طيب يلا بقى علشان نشوف هنبدء منين .
رودي : حطت ايديها على بطنها . هنبدء من هنا . انا جعانه .
رينو : انتى مفطرتيش يارودي!؟
رودي : حاجه بسيطه خالص . ٤ بيضات وشوب لبن و٢ ساندوتش جبن . وفارس بيوصلنى اكلت صوباعين موز . وتفاحه . حاسه انى أهملت اكلى اوى بسبب الحمل ده .
رينو : هههههههههههه فعلا اهملتيها جدا . طيب تعالى اعزمك على اى حاجه تاكليها .
رودي : لا ياموزتى . رانوش عملالى لانش بوكس مكثف . وخافت لا اروحلها في نص السيكشن . هههههههه قالتلى خدى الماعونه بتاعتك وانطلقى .
رينو : هههههههه الله يكون في عونك يارنا . وانصدمت بدهشه . انتى بتعملى ايه يا رودي .
رودي : فتحت الشنطه . وطلعت منها صوباعين موز . وبتقشر وبتاكل . واتكلمت وبوقها مليان . ايه يارينو جعانه جعاااانه . يلا علشان نشوف هنهبب ايه . المفروض الحوامل يذاكرو اونلاين . ههههه
رينو : بتعجب . يلا يابنتى الله يكون في عونك يا فارس بجد . رهيبه جدا انتى يارودي .
رودي : الحقى الدكتور معتز جاى علينا . يادى الكسفه . ارمي القشر ده فين .
رينو : بنفاذ صبر . ارميه في الباسكيت الكبيره دى . ويلا بقى.
دكتور معتز : صباح الخير يا انسه رودي .
رودي : احم . صباح الخير يا دكتور معتز . حضرتك عامل ايه .
دكتور معتز : كويس جدا . وإن شاء الله بدايه موفقه . ليكى ولا انتيمتك . اومال فين الانسه لارين .
رينو : واقفه ولابسه النقاب . ومحدش يعرفها .
رودي : ابتسمت . وشاروت عليها . اقدملك الطالبه المتوفقه لارين العدوي . ههههه.
دكتور معتز : بعدم فهم . انا مش فاهم .
رينو : ابتسمت . اذيك حضرتك يا دكتور .
دكتور معتز : بدهشه اكبر . انسه لارين . حضرتك لبستى النقاب .
رينو : ابتسمت وافتكرت فهد . ايوه يادكتور الحمد لله .
دكتور معتز : بتسرع طيب ليه عملتى في نفسك كدا !؟
رينو ورودي بصو لبعض بعدم فهم .
دكتور معتز : احم . انا . قصدى يعنى انك لسه صغيره وفى مرحلة التعليم .
رودي : صغيرة ايه بقى يادكتور . لارين اتجوزت .
دكتور معتز : بصدمه اكبر . ايييه اتجوزتى !!!؟
رينو : ورودي .استغربو ردة فعله .
رينو : ايوه يادكتور . اتجوزت . حضرتك مستغرب ليه!؟
دكتور معتز : ها . لأ ابدا . انا بس مكنتش متوقع اصل مفاجات كتير . وضحك . الانسه رودي اتحجبت . وكمان حضرتك انتقبتى وكمان اتجوزتى . احم على العموم الف مبروك يا انسه لارين . اسف يامدام لارين بقى .
رينو : ابتسمت . ميرسي جدا لحضرتك . ورودي هي كمان اتجوزت .
دكتور معتز : والله .. مشاء الله .الف مبروك يامدام رودي . وضحك ومش عايزانى استغرب يامدام لارين . ماشاء الله ٤ اخبار جديده فى دقيقه ههههه . ألف ألف مبروك يابنات . وانتى يامدام لارين . زى نظام كل سنه . اى حاجه تقف في طريقك من معلومه او تشريح . انا موجود تمام .
رينو : ابتسمت . إن شاء الله . ميرسي جدا لحضرتك . ديما بتساعد الطلاب انهم يتقدمو للأفضل . ياريت كل الدكاتره زى حضرتك .
دكتور معتز ؛ متشكر جدا . انا هستأذن دلوقتي لان المحاضره هتبدء . وياريت متتاخريش بعد اذنكم . ومشى وقلبه زعلان وادايق أنه مش هيشوف اجمل وش هو بيحبه واتنهد بحزن كبير.
رودي : واد رجوله معتز ده .
رينو : بدهشه . واد . دكتور ومعيد في الجامعه . وتقولي عليه واد .
رودي : هو بصراحه مز . لكن مبقاش ينفع اقول كدا . خلاص انا اتجوزت فارس اجمل واحلى مز . والله وحشنى اوى فارس . انا هتصل عليه . اخطف منه بوسه فى السفاره هههههههههههه.
رينو : صكت على أسنانها روووودي انا رايحه المحاضره . هنتقابل في الكافتيريا بعد مااخلص سلام . ومشيت ورودي بتتصل على الفارس ..
في شركة آل العدوي .
عادل خبط بسرعه ودخل على آدم بتوتر . صباح الخير يا آدم باشا .
آدم : ابتسم . اهلا صباح الخير ياعادل .
عادل : حضرتك فاضى دلوقتي !؟ ولا اجيلك في وقت تانى !!
آدم : لاحظ توتر عادل ، لا تعالى اتفضل انا فاضى خير ياعادل !!
عادل : احم .. حضرتك انا عملت جرد لحسابات الشركه والمخازن .
آدم : عظيم . ها وكل حاجه تمام .!؟
عادل : اتفضل حضرتك ده ملف شامل .. انا راجعت الشيكات الل موجوده بأسماء الشركات . وبالصدفه لقيت شيك داخل لشركة حضرتك بمبلغ ب٢٥٠ . الف ج . وده مبلغ صغير جدا بالنسبة لل اجهزه الل كانت متسيڤه في الملف مع الشيك. ولما بحثت اكتشفت أن الشركه دى شركه ملهاش وجود لكنها تابعه لشركات آل العدوي.
وده معناه أن حاجه من الاتنين ..
.رقم واحد : يالشركه صفت واسمها اتلغى .وموجوده فى ملفات قديمه .. وده الاستاذ زين والمحاسب القانونى اللي يعرفه .
او التانى . ودى خايف منها . انها تكون شركه وهميه . وحد عامل اللعبه دى يطلع شيكات لحسابه .
وفى اسم شركتين كمان . اسمهم مش موجود وداخل باسمهم ٥ مليون جنيه على مدار ال٣ السنين الل فاتت.
وده . ملف تانى . جمعت فيه لحضرتك كل الحسابات برواتب الموظفين . وكمان حسابات تسليم الشحنات . وان حضرتك ماضى على الأجهزة الطبية التالفه . وماضى على ١٣ جهاز طبى تالف ودول سعرهم عالى جدا . والل انا مستغربه ان الاجهزه التالفه دى متصادرتش للخارج ورجعت تانى بعد الصيانه .
آدم : بعدم فهم . ١٣ اجهزه تالفه !؟
ومسك الملف وشاف الشيك . وأسماء الشركات التابعه ليه . وكل الاوراق . واتصدم .
--------------------بقلمى Mariem Nasar
مريم : قاعده فى الليفنج وسرحانه بزعل على اختها شيرين ومصطفى . والأحفاد حوالين منها .
تيم وتمارا ومريم نونو واريان وليليان .
نور : نازله من على السلم . بسرعه . مامي
مريم : ها . نعم ياحبيبتى .
نور : انا هروح المستشفى. لان عندى عمليه جراحيه كبيره انهردا كمان ساعتين . ومحمد مش مركز وقالى أنه مش هيقدر يعمل اى عمليات الفتره دى . وهيبعتلى العربيه مع السواق الخاص لبابا مصطفى .
مريم : اتنهدت بزعل . ربنا يعدي الايام دي على خير . هونى علي محمد يانور . قوليله الحمدلله مصطفى اتحسن عن الاول بكتير . لازم يركز في شغله .
نور : قعدت جمبها والله يامامي كلمته كتير . وكمان قولتله انت حجزت بابا مصطفى عندك فى المستشفى . والدكتور طمنك عليه . والمفروض كمان انه هيخرج بكره من المستشفى . لانه فعلا الحمدلله بقى كويس .لكن محمد مش قادر ينسي لما راح يزور ماما شيرين بالصدفه وشافهم كلهم قاعدين حوالين بابا مصطفى وبيعيطو . وانه اول ماشاف كدا . وعرف أنه تعبان بقالو يومين . ومحدش قاله .. زعق للكل واتصل على الإسعاف وجه اخدوه على المستشفى . ولولا تدخل بابي كان محمد زعل من اخوه الكبير .
مريم : يابنتى أشرف مقالش لمحمد علشان عارف محمد روحه فى ابوه قد ايه . هو مكنش يقصد .
نور : طبعا يامامي ومحمد عارف كدا كويس . لكن كانت صدمه ليه مش اكتر . بس لما ماما شيرين بدءت تضحك من تانى محمد نسى كل حاجه . ومزعلش من اشرف . لكن نفسيا مش مؤهل انه يدخل غرفة العمليات . وعلشان كدا . انا هحاول اسد مكانه . وادعيلى انا هدخل عمليه جراحيه كبيره جدا استئصال ورم في العمود الفقري . لاول مره لوحدي ومن غير محمد .
مريم : مسدت على حجاب ونقاب نور وابتسمت بحب . إن شاء الله هتنجحى هي مش اول مره ليكى . محمد بيكون داعم ليكي . لكن نور قادره انها تتخطي كل حاجه . ويمكن الل حصل ده خير ليكى انك تعتمدي على نفسك . وكمان تكونى فى ضهر جوزك وعيلته . مش لازم السند يكون راجل . لأ السند راجل بجد . وبنت اصول . قومي ياحبيبتى . وربنا معاكى فى كل خطوه . وطمنينى عليكى لما توصلى . واتوضي وصلى ركعتين لله قبل ماتبدئى العمليه . وسمي الله . وركزى ياروحي . انسي كل حاجه وركزى فى العمليه نور بنت آدم العدوى قدها . وكمان اكبر منها ولا ايه !؟
نور : حضنت مريم . حبيبتي يامامى . والله فعلا كنت محتاجه لدعمك الل بيقوينى . ربنا يخليكي ليا يارب .
مريم : ضمتها بحب . وربنا يرزقك الراحه والسعاده يانور عيني . وخرجت من حضنها . وقامت . هتعوزى منى حاجه يامامى .
مريم : ايوه يانور عيني . ثوانى . زينب جهزت الغدا . هتخديه معاكى ل ابله شيرين والعيله هناك . ولما آدم يرجع إن شاء الله . هنروح نطمن عليهم . وندهت على زينب . وجابت الغدا . ورعد اخد الغدا ووصل نور لحد العربيه . واتحركت . ونور طول الطريق متوتره . وبتهدى نفسها . لانها ديما بتعمل علمليات لكن فى وجود محمد . حتى لو مبيعملش حاجه وجوده جمبها بيقويها .
--------------------بقلمى Mariem Nasar
آدم : مصدوم . وتركيزه اتشتت . وكدا أتأكد إن فى لعب بيدور من وراه فى الشركه . وفكر أنه مبيمضيش اى ورقه غير لما تكون معتمده من زين . وزين مابيثقش في اى حد غير طلعت . وعقل آدم وصل لنص الحقيقه لكن ركن طلعت على جمب . لأنه عارفه من زمان جدا . وانه معندوش الجرأه يعمل حاجه زى دي ابدا . ومغمض عينيه . بيفكر هيعمل ايه ...
عادل : أتعجب من صمت آدم . المفروض واحد غيرو كان قلب الشركه رأس على عقب . واتصدم اكتر . لما شاف آدم . شال الملفات وحطها فى الدرج . واتصل على السكرتيره .
آدم : واتكلم بهدووء تااام . ايوه يابنتى . ابعتيلى الاستاذ طلعت مدير الحسابات السابق حالا .وقفل . وشاور ل عادل . اقعد ياعادل .
عادل : اتوتر . وقعد . احم . وسكت .
آدم : جواه بركان . لكن مداريه بجبل من الجليد . وقاعد منتظر طلعت .
طلعت : طالع فى الاسانسير . وخايف من جواه . لكن مطمن لانه وعد عادل انه يجبله كل الملفات ويعمل جرد خلال الأسبوع ال فات . وافتكر أن عادل كنسل الموضوع لانه مطلبش انه يعمل جرد تانى . وده مريحه نفسيا . وكمان قال لنفسه انه خلاص فاضله ٣ ايام ف. الشركه وبعدها يقعد فى البيت .. ودخل عند آدم . ولكن خاف لما شاف عادل موجود . وبلع ريقه واتوتر . وتوتره ده مكنش فى مصلحته لانه كدا كشف نفسه قدام آدم . مس...مساء الخير يا مستر آدم.
آدم : ابتسم . واتكلم معاه زي كل مره ..مساء الورد عليك ياراجل ياطيب . تعالى اتفضل اقعد .
عادل : تنح بصدمه من رد فعل آدم ل طلعت .
طلعت : قعد . اذيك يا استاذ عادل .
عادل : ها !! اه انا كويس . كويس .
آدم : طلع شيك . وكتب فيه مبلغ متوسط . اتفضل ياراجل ياطيب . الشيك ده .مكافأة نهاية الخدمه . وانا صممت انى اقدمهولك بنفسي . انت مش اى حد . انت معايا من ٢٠ سنه . وعمرك مخذلتنى .
طلعت : اتنهد باريحيه . كتر خيرك يا استاذ آدم . انت خيرك على الكل . والله تاعب نفسك مع كل الموظفين .
آدم : ده واجبى ياراجل ياطيب . المهم . الاستاذ عادل . جالى دلوقتي زي ما انت شايف كدا . وكان عايز يعمل جرد لحسابات الشركه من ١٠ سنين فاتت . انت ايه رأيك !؟
طلعت : اتوتر . ومسح وشه بمنديل . اا.اه . طبعا . طبعا . ما..ماهو هو قالى . وا..وانا .قو..قولتله اسبوع كدا ولا حاجه .مش كدا يا استاذ عادل .
عادل : لاول مره يحس انه غبى . ومش فاهم حاجه . لكن آدم انقذ الموقف .
آدم : ايوه فعلا عادل قالى وانك رحبت جدا . لكن انا طبعا رفضت ومش موافق على الجرد.
طلعت وعادل بصو ل آدم . طلعت قلبه ارتاح . وعادل تنح بدهشه .
آدم : انا قولت ل عادل انك لسه عامل جرد لحسابات الشركه والشحنات من اسبوع . وانك مدير الحسابات الاول . وشغلك مفيش بعد كده . يبقى ليه نشتغل ونضيع وقتنا . على الفاضى ولا ايه ياراجل ياطيب !؟.
طلعت : بسعاده . وتسرع . ايوه بالظبط كدا . انا كنت عايز اقوله كدا .
آدم : كدا قطع الشك باليقين . اممم . تمام ياراجل ياطيب . انا قولت للا استاذ عادل كدا. وياريت متزعلش منه هو زى ابنك . ولسه الدنيا ياما هتعمله وتعلمنا كلنا . امسك بقى الشيك ده وهيتصرف بعد ٣ تيام بالظبط. لأن ده اخر يوم هيكون ليك فى الشركه. واحنا لازم نعملك حفله اخر يوم . بمناسبة نهاية الخدمه . الشركه خسرت واحد من أكفأ الموظفين . بس ياريت بقى متنسناش . تبقى أسأل علينا من وقت للتانى .
طلعت : بسعاده اخد الشيك . وبص فيه واندهش من الرقم . طبعا طبعا . يااستاذ آدم وانا مستحيل انسا الشركه . ولا انسا حضرتك . وقام . متشكر جدا ولو سمحتلى استاذن انا .
آدم : اتفضل . ومع السلامه ياراجل ياطيب .
طلعت : بص ل عادل . وابتسم . ربنا معاك يا عادل يابنى . وخرج وهو مبسوط وفرحان وقلبه مطمن خاااالص . وإن كدا محدش هيعرف حاجه عن السنين الل فاتت. ومبسوط بالشيك ..
آدم : رجع بضهره على كرسي المكتب ومط شفايفه وماسك القلم بين ايديه .وعينيه على طلعت وهو خارج .
عادل : بيحسبها في دماغه . ومش جاى معاه اى فكره . ولا فاهم حاجه . دى خساير في الشركه . وشيك بربع مليون جنيه . وكمان المفروض أن طلعت يكون عنده خلفيه لانه مدير الحسابات . وحس انه فعلا غبى .ومش قادر يفهم ولا يحلل تصرف آدم . لكن فاق على صوت آدم وهو بيتصل على زين .
آدم : استنا دقيقتين .بعد لما طلعت خرج . واتصل على زين فى مكتبه . واتكلم بغضب زيين اطلعلى حالا .وقفل . واتصل على زياد بنفس الطريقه ..
زين : طلعله بسرعه . خير يا بابا .
آدم : كان متنرفز . وفتح الدرج وطلع الملفات ل زين وزعق اتفضل اقرأ الملفين دول .
زياد : طلع جري ودخل . خير يا آدم . وبص فى الملفات مع زين .. واتصدم
زين : بص ل عادل وزياد. وفتح الملف الاول .واندهش . وفتح الملف التانى . واتصدم . ايييه ده . ومين ال٣ شركات دى انا اول مره اشوف الاوراق دى .والمصيبه انى ماضي على أوراق فى الملف ...
زياد : بصدمه . مش معقول . الشركات باسم مش معروف . والمصيبه أنها تابعه لشركتنا .
عادل : واقف . واعجب بشخصية وذكاء آدم جداااا . وانه أدى لطلعت الأمان. لكن خاف منه لما بدء يتكلم .
آدم : وقف وخبط بايديه على المكتب . واتكلم بتحذير وتهديد وغضب . وزعق وقال مش وووقته وشاور ل زين . وعادل.. ااااسمع يازين . اااانت ترووووح المخااازن مع عادل فوووورا وتجمعلى كووول نسخ الملفاااات الل موجوده في المخاااازن . علشان لو الل حصل ده سرررقه وده اكيييد ... فامحدش يلحق يغير فى الملفات ولا الاوررااااق ..
واسسسمع تجبلى المحاسب القانوني المسؤول انهردا. يجبلى ويجمع كل التفاصيل عن ال٣ شركااات الل موجوده فى الملفات دى . ويعرف مين اسمااااء المسؤولين على الشركات دى .
.وبص ل زياد وزعق.. انااا . عاااايزك تعرفلى مييين علاء صادق ده !؟ الل الشييييك اتصرف باسسسمه . وكمااااااان ب ربع مليووووون جنييييبه .
واتكلم . بتهديد .. واسمعو انتو التلاته .. زين وزياد وعادل .الشغل ده يتم فى سريه تامه . ومش عايز مخلوق جوه الشركه او بره الشركه يعرف . ولو حصل العكس . محدش فيكو يلوم غير نفسه . وزعق . اتفضلووووو كل واحد ينفذ الل قولت علييه فووورااا .
والكل . اتحرك بسرعه .
آدم : قعد على الكرسي . وكان غضبان جدا . مش لانه اتسرق لأ . كان غضبان لانه حس انه اضحك عليه وأن فى حد استغفله . مع أنه واخد كل الاحتياطات .واتصل على طارق . يسيب الل ايدو ويجيله فورا .
نور . وصلت المستشفى . ودخلت والسواق اخد الغدا ووصلو عند اشرف والعيله .
نور : خبطت على الباب ودخلت عند مصطفى عزيز والموجودين . مصطفى . نايم في السرير . وقاعده على الكرسي جمبه شيرين . ومحمد قاعد جمبه على طرف السرير . وأشرف فى الاتجاه التانى . ويوسف قاعد على الكرسي فى الاتجاه التانى وماسك ايد جدو ومبسوط ان مصطفى اتحسن . وهنا ومريم . قاعدين على الكنبه .
. وقالت بمرح . السلام عليكم.
كلهم : ابتسمو . وعليكم السلام .
نور : سلمت على هنا ومريم وأشرف ويوسف . وسلمت على محمد بحب . وبعد كدا قربت باست ايد شيرين . اذيك ياماما عامله ايه دلوقتى .
شيرين : بحب الحمدلله ياحبيبتي . احسن .
نور : قربت من مصطفى . وباسته من جبهته . وايدو . وضحكته . اذيك يادرش . لأ لأ لأ . ايه القمر ده اللهم بارك . انا شايفه انهردا شاب قمر كدا . ومدوخ البنات وراه . مش حرام عليك . شيرى المسكينه دى هتخرج من المستشفى . هيبقى ليها ٣ ضراير زياده . ها !!؟ نعمل ايه احنا بقى !؟
كلهم ابتسمو . ومحمد مبتسم بحب وعيونه عليها .
مصطفى : ضحك . يابت يابكاشه . واد قمر مين بس .ولما انا هطلع من هنا بحريم زياده .. اومال محمد ده اييه .
نور : ابتسمت . لأ محمد ده حاله نادره . وبعدين يادرش الل تفكر بس . ها !! تفكرر مجرد تفكير انها تبص للدكتور محمد عزيز . يبقى تقرى على روحها الفاتحه . ههههه انا رقيقه اه . لكن جوايا جعفر مركون على جمب هههههه. كلهم ضحكو عليها. وقالت ل مصطفى . يلا بقى قوم كدا واخرجلنا بالسلامه . انت بتشوف غلاوتك عندنا ولا ايه . وبعدين . تمارا بتسأل عليك .
مصطفى : ضحك من قلبه . يابت يابكاشه . هي تمارا لسه نطقت . طيب قولى تيم مقبوله .
نور : كشرت عينيها لمصطفى . ومحمد ضحك وكلهم . انت مش مصدقنى يادرش .
مصطفى : ههههه لا ياحبيبت درش انا مصدقك الطيب احسن .
نور : ههههه . خلى بالك شيرى بتغير . ممكن مروحش سليمه انهردا ههههه.
شيرين : ضحكت . ربنا يسعد ايامك يانور . والله ضحكتينى . وروحي ردت لما شوفت ضحكتك يامصطفى .
نور : اوووو . انا لو بعرف اصفر كنت صفرت . وبصت لمصطفى . حد يبقى عندو قمر زى شيرى ويقعد هنا .
مصطفى : اتنهد . ربنا يخليكو ليا ياحبايبى . ويحفظكو ديما . وبص لشيرين . ولا يحرمنى من ضحكتك يارفيقت الدرب .
نور : لاااا بقولكو ايه . انا قلبى رهيف ودمعتى قريبه . الكلام ده تقولو لشيرى لما تروحو كدا . ولا اقولك انا هاخلى محمد يحجزلك تذكرة طيران وتروحو تجددو شهر عسل هااا ايه رايك فى الفكره دى .
كلهم ضحكو من قلبهم عليها . وبعد كدا قالت لشيرين . مامى بتسلم عليكى وهتجيلك مع بابى لما يرجع من الشغل .
شرين : متخليهاش تتعب نفسها .كفايه كل يوم بتيجى . وغير كدا بتبعت غدا كل يوم . راسها ناشفه هي وآدم . وآدم كان هنا الصبح قبل مايروح على الشركه .
ورنا لسه مروحه . وجاسر وملك . وكل الحبايب.
نور : كلام ايه ده ياشيرى وهي العيله عندها كام بابا مصطفى . يلا هسيبكم تتغدو . وانا هنزل العمليات . وبصت لمحمد بحب وكأنها بتقوله انا محتجالك . واستاذنت ونزلت . وشافت المريضه . وحولوها على العمليات وطلبو دكتور التخدير . ونور راحت تعقم نفسها وتلبس . ودخلت غرفة العمليات .ومتوتره ووقفت ورا السيتاره . وغمضت عينيها ودعت ربنا انه يقف معاها . واتخضت لأن حد حضنها من الخلف . ولفت وكان محمد وفرحت من قلبها وحضنته . حبيبى . انا كنت بجد محتجالك .
محمد : وانا عمرى ما اسيبك يانورى . وضمها بحب . ربنا مايحرمنيش من وجودك في حياتي . وباس جبينها . يلا تعالى انا هقف جمبك وبس لكن مش هعمل حاجه .
نور : بسعاده كبيره . وطاقه ايجابيه . وانا مش عايزه غير كدا . وراحت عند المريضه . بعد التخدير . واخدت نفس عميق . وسمت الله وبدأت في تنفيذ العمليه .
--------------------بقلمى Mariem Nasar
رودي قاعده فى الكافتيريا . منتظره رينو . وكمان فارس قالها نص ساعه وهكون عندك هوصلك انتى ورينو .
رودي : أووووف يارينو . ده انتو لو بتشرحو ديناصور كنتو خلصتو .اووف انا جعااانه .
رينو : جايه من وراها . يخربيت طفاستك يارودي . لأ دى مش معده طبيعيه ابدا .
رودي : حمدلله على السلامه بختى . ايه كل ده .
رينو : قعدت بتعب . الدكتور معتز يختى كان بيشرح . واخد وقت طويل حتى الطلاب استغربو أنه أول يوم ويأخرنا كدا .. المهم . فارس هيوصلنى ولا اتصل على ابيه زين . يجيلى من الشركه .؟
رودي : عيب عليكي . هيوصلك طبعا . بس خلينا متفقين. إن البنزين عليكى ههههههههه.
رينو : طول عمرك واطيه . وسمعت صوت فونها فى الشنطه. استنى لما اشوف مين . اكيد مامى او بابي . وشافت رقم غريب ومش مصري . وقامت من مكانها . قلبها دق وفتحت بلهفه بسرعه . ا.ا.الو .
فهد : وحشتينى .
رينو : ضحكت بدموع . فاااهد . فهد . حبيبى .
فهد : اتنهد بحب . قلب الفهد يارينو . وحشتنى اوى اوى .
رينو : متوتره . ودموعها نازله . ورودي فرحت علشانها . وقامت بعيد عنها شويه علشان تاخد راحتها مع فهد .
رينو : قعدت مكانها وهمست بزعل واحتياج وحزن حقيقي ودموع .فهد .
فهد : بقلق . رينو انتى كويسه . رينو متقلقنيش عليكى .
رينو : ردت بسرعه . لأ ياحبيبى انا كويسه جدا متقلقش . كل الحكايه اني مشتقالك أوى يافهد . وعيطت فهد انت مكلمتنيش غير مره واحده بس من يوم ماسافرت . انت وحشتنى اوى . انا مش قادره استحمل غيابك اكتر من كده يافهد .
فهد : غمض عينيه واتنهد بزعل . رينو حبيبتى . والله غصب عني انى مكلمكيش وانتى عارفه كدا كويس . انا لو أطول افضل معاكى وجمبك طول العمر لكن والله مفيش وقت . وانتى وحشانى جدا . ومشتاقلك اكتر من اى حاجه فى الدنيا . وهموت واشوفك . لكن غصب عني ياحبيبى انتى عارفه انى فى شغل . انا بعد الثوانى يارينو . المهم بقى . انتى عامله ايه ياعشق الفهد .
رينو : بدموع . انا كويسه ياحبيبى . انت عامل ايه يافهد .
فهد : قلبه بيدق . انا عامل بعشقك . وعامل بحبك .
رينو : ابتسمت . وحشتنى اوى يافهد .
فهد : وانتى وحشتينى ياروح الفهد . قوليلى انا عارف ان انهردا اول يوم ليكى فى الجامعه . انتى شكلك لسه مروحتيش .
رينو : بحب . لأ ياحبيبى لسه مروحتش . ابيه زين وصلنى الصبح . وفارس هيوصلنى مع رودي .
فهد : اتنهد بأريحيه . طيب ياقلبى كويس اوى . قوليلى فى حد دايقك فى اى مكان .
رينو : لأ يافهد مفيش حد دايقنى . متقلقش عليا .
فهد : لو مقلقش عليكى اقلق على مين . دا انتى معشوقتي . وروحي وقلبى .
رينو : ابتسمت . ربنا يخليك ليا يا فهد وترجع لروحي بالسلامه .
فهد : قلبه بيدق . هرجعلك . إن شاء الله هرجعلك ياقلب فهد . وهعوضك عن كل دقيقه بعدت عنك فيها . قوليلى بتاكلى كويس .؟
رينو : ضحكت . المفروض انا الل أسألك السؤال ده . قولى انت بتاكل كويس . وبتنام كويس .
فهد : طبعا ياروحي . انا بكلمك وانا على الكنبه اهو . اخوكي البارد . طردنى من الاوضه علشان يكلم فريحه .
رينو : معلش ياحبيبى متزعلش منه . ابيه مراد بيحبك اوى .
فهد : انا مش عايزه هو أنه يحبنى اوى . انا عايزك انتي ال تحبينى اوى .
رينو : بهيام . انا مش بس بحبك يا فهد . انا بعشقك . انا روحي فيك يافهد .
فهد : اتنهد باشتياق . وفهد بيعشق التراب الل رينو بتمشى عليه .....
مراد : الووو بت يافريحه .
فريحه : بدموع وسعاده كبيره . الوو مرراد حبيبى . وحشتنى اوى يامرادي.
مراد : وانتى ياقلب مراد .وحشانى موت . عامله ايه يافريحتى .
فريحه : بدموع . وحشه اوي من غيرك يامراد.
مراد : اتنهد بزعل . ليه بس ياقلب مراد . مش انا قولتلك مهمه خفيفه ايه بقى لزمتها الدموع دي .
فريحه : مراد انت متصلتش عليا غير مرا واحده بس من يوم ماسافرت . وتقولى مهمه خفيفه . مراد احلف انك مش بتكدب على فريحتك .
مراد : وحيات سيدك اللبلوبى مابكدب عليكى ههههههههه.
فريحه : ضحكت بس بقى يامراد . انت بتهزر .
مراد : جرا ايه يابت . مش عايزه مرادك حبيبك يهزر . ادينى واحده سكر .
فريحه : بحرج . باسته . وحشتنى اوى يامرادي.
مراد : اتنهد بحب . والله انتى اكتر يافريحه. قوليلى ميرو عامله ايه . وآدم بيبى ههههه.
فريحه : ههههه . الحمدلله كويسين . اسكت على آدم بيبى دى بتعصب بابا آدم جدا . ههههه بيقولى على اخر الزمن ابقى بيبى . ههههه.
مراد : ههههه . حبيبى الحج وحشنى والله . هو رجع من الشركه !؟
فريحه : لا لسه . ماما مريم اتصلت عليه . وقالها انه هيتاخر في الشركه انهردا .
مراد : امم . ومريومه عامله ايه .
فريحه : الحمدلله ياحبيبى . احنا كلنا كويسين . ومش عايزين حاجه غيرك انت وبس .
مراد : حبيبتي يافريحه وأنا مش عايز حاجه من الدنيا غيركو انتو وبس . وحشتينى اوى يافريحتى .
فريحه : مرادى حبيبى هترجعلى امتى !؟
مراد : اتنهد : يابت لسه شويه . احنا لسه معملناش حاجه هنا . سيبيها على الله . إن شاء الله هرجعلك ياقلب مراد .
فريحه : وانا هستناك يامراد . وهدعيلك في كل وقت . انا بحبك اوى اوى يامرادي.
مراد : غمض عينيه واتنهد بحب . وانا بموت في امك يافريحتى . بحبك اوى يافريحه .
وبعد فتره .
. فارس جه ووصل رينو لحد باب الفيلا . ونزلت ودخلت مبسوطه . والضحكه على وشها . وشافت مريم قاعده وبتقرا فى المصحف. مااااامى . وجريت عليها وحضنتها ماااامي . ماااامي .
مريم : ضحكت . وحضنتها حبيبت مامي نور عينى من زمان مشتاقه للضحكه دى .
رينو : فكت النقاب . وبتضحك . ماامى انا مبسوطه اوى يامامي . انهردا اجمل يوم في حياتي.
مريم : اممم . واضح ان فهد تأثيره كبير على قلبك .
رينو : بدهشه . مامي عرفتى منين ان فهد كلمنى .؟
مريم : ابتسمت . علشان مراد وفهد كلمونى . ولسه قافلين معايه من شويه . وفهد قالى انك ركبتى العربيه مع فارس ورودي وجايه في الطريق .
رينو : حطت راسها في حضن مريم . ااه يامامي . فهد مكالمته ليا غيرت يومي بالكامل . حاسه اني فراشه . وبصتلها حاسه انى مزعلتش خالص خالص قبل كدا يامامي .
مريم : بسعاده . حبيبتي ربنا يجعل ايامك كلها سعاده وحب وعشق . ربنا يرجعهم بالسلامه يارب .
رينو : اللهم امين يارب . انا هطلع اغير هدومي .واصلى العصر. وانزلك حالا اوكي . صح هو تيمو فين !؟
مريم : تيمو فوق بيلعبو كلهم مع بعض فى اوضة اريان ولي لي . قومي انتى غيرى هدومك وصلى وانزلى اقعدى معايا . هنتغدي احنا بقى .
رينو : ليه مش هنستنى بابى وأبيه زين !؟
مريم : آدم قال إنه هيتاخر في الشركه انهردا لان فى عندهم شغل مستعجل . وقال اتغدو انتو .
رينو : هزت راسها اوكي انا هطلع ومش هتاخر عليكى .
مريم : ماشى ياحبيبتى . تبقى قولى لفريحه وريتال ينزلو معاكى علشان يتغدو . وانا هاقوم اشوف سعاد وزينب خلصو ولا لسه .
رينو : حاضر يامامي . ورينو طلعت على السلم ومبسوطه جدا من مكالمة الفهد .
مريم : حطت المصحف جمبها . وقامت علشان تشوف سعاد وخطت خطوه . لكن حست بدوار وكانت هتقع . ورجعت قعدت مكانها تانى . وحست انها بتتنفس ببطء بسيط . لكن حاولت تتنفس . وقعدت ٥ دقايق وبعد كده حست انها كويسه . وقامت وراحت تنادي على سعاد . وقالتلها تجهز الغدا للبنات . ورجعت تانى وكملت قراءه في المصحف ..
--------------------بقلمى Mariem Nasar
زين . راح المخازن وجمع كل الملفات . وراجع عليها .
عادل : واقف معاه .
زين : اتصدم وفتح عينيه على الاخر .. لما شاف أن مفيش اجهزه تالفه غير ٤ اجهزه فقط . وكمان الاربعه دول رجعو للصيانه . وتم استلامهم من تانى .
واتصدم اكتر . لما شاف أن آدم ماضى على ١٣ جهاز تالف . يعنى الفرق ٩ اجهزه ومفقودين .
واخد كل الملفات زي ما آدم طلب . وراحو على الشركه . وزين كان خايف من رد فعل آدم . والمصيبه إن الاوراق دي آدم ممضاش عليها غير من خلال زين . وزين هيتجنن لانه عمره مامضى على حاجه زي كده ابدا .
زين : راح المكتب . وبص للسكرتيره . آدم باشا موجود فى مكتبه .
السكرتيره : لأ يامستر زين . مستر آدم فى غرفة الاجتماعات المغلقه . مع مستر طارق . ومستر زياد وعميل مهم.
زين : متعرفيش فى غرفة الاجتماعات المغلقه ليه !؟
السكرتيره : لا حضرتك . مستر آدم . طلب منى الغي كل المواعيد انهردا . وقال انه عندو شغل ضرورى . والل يسأل عليه غير حضرتك اقوله مش موجود .
زين : هز راسه . وراح على غرفة الاجتماعات المغلقه . وخبط ودخل . وكان موجود . آدم وطارق وزياد والمحاسب القانونى .
زين : راح وقعد جمب آدم بتوتر . وسلم ملف مجمل بكل التفاصيل . وآدم فتحه . وشكه كان فى محله . وعرف كدا ال٩ اجهزه دول راحو فين . لان آدم : كلف المحاسب القانونى . وزياد . يبحثو عن اسم الشركات .. واكتشفو انها شركات وهميه . واتحول للشركات دى ال ٩ اجهزه الل اختفو . والمصيبه انهم اتباعو عن طريق الشركات دى . تحت شعار الشركه الأم . وانها تابعه لشركات آدم .
آدم : كان غضباب من طلعت . وكل الموجودين . لكن قرر ميعملش شوشره علشان سمعة الشركه . وقال لكل الموجودين . الل عرفتوه دلوقتي . وسمعتو بيه . مش عايز الجن الازرق يعرف بيه . وكلها بكره وكل حاجه هتبان .
طارق : طيب وانت ناوى على ايه يا آدم .
آدم : بص ل زين وزياد . انتو مطلوب منكو . تعرفولى ال٩ اجهزه دول اتباعو لمين . واكيد . اكيد اتباعت لمستشفى احنا متعاقدين معاها . لان مفيش اى مستشفى كبيره كدا هتشترى اى اجهزه وخلاص . لأ لازم تكون متعاقده . واول مانعرف . هنوصل للعقل المدبر . لأن طلعت أضعف من انه يجازف ويعمل حاجه زي كده . وبص قدامه . وياويله منى .
بعد فتره .. الساعه ٨ مساءا
نور اخيرا خرجت من العمليات . واهل المريضه جريو عليها .
ام المريضه . بعياط . طمنينى يادكتوره نور . بنتى . بنتى عامله ايه .
نور : ابتسمت بأريحيه . الحمدلله ياطنط . بنت حضرتك كويسه جدا . والحاله مستقره . هتفوق من البنج وهننقلها لاوضتها . اطمنى . حمدلله على سلامتها . بعد اذنكو .
نور : ماشيه ومحمد جنبها ومبتسم لان نور فاقت كل التوقعات . وماحتاجتش لأى مساعده منه . وكان مبسوط جدا من نورو . لكن شايفها مرهقه لان العمليه فضلت ٥ سعات . وراحو على المكتب . وقعدت على الكنبه بارهاق اااه ضهرى .
محمد : قفل الباب بالمفتاح . وابتسم . وراح قعد جمبها . وفك ليها النقاب وكمان الحجاب .
نور : مغمضه عينيها لانها مجهده . وكانت حاسه برهبه . وخصوصاً أن المريضه فى سنها تقريبا وكانت عمليه استئصال ورم في العمود الفقري . لكن عملت العمليه بكل تركيزها . وإن تعب السنين ماراحش هباءا . لكن فاقت على محمد وهو بيعملها مساج فى رقبتها واكتافها من الخلف . واستكانت . وابتسمت بحب وغمضت عينيها وحاسه انها هتنام .
محمد : نورى . حبيبتي انتى بجد فرحتينى انهردا . انا فخور بيكى جدا . انا كنت واقف جمبك . جمب جراحه عظيمه بجد . ايه ده بجد انا مبهور بيكى . وراقبت كل حركه ليكى وكل حاجه عملتيها كانت بإتقان و بتفوق رهيب جدا بجد انا حاسس ان بنوتى الحلوه اكبر جراحه فى الشرق الأوسط كله .
نور : ابتسمت بحب . شرق أوسط مره واحده . طيب قول المستشفى . حبيبى كل الل انا فيه دلوقتى ده . بفضل ربنا ثم انت . بجد لولاك انا كان زمانى لسه بتعلم . انت علمتنى المهنه دي من وانا ف أولى طب . يعنى كنت بتعلم نظرى وعملى فى الجامعه . وعملي مع حبيبى وروحي ودنيتى كلها . وصدقنى . وجودك جمبى انهردا ادانى دفعه قويه جدا . وكمان كلام مامي حبيبتي . ونور مستمتعه بالمساج . حبيبى ربنا مايحرمنيش منك أبدا .
محمد : قرب منها . وباس عيونها وهي مغمضه . حبيبتي . انتى تعبتى انهردا . تعالى هوصلك عند آدم . ونامي شويه . وانا هتابع الحاله .
نور : بتعب . حطت راسها على صدره . انا عايزه اروح بيتنا يامحمد انا محتجالك اوي .عايزه انام حضنك . من يوم بابا مصطفى ما اتحجز هنا وانت بعيد عني . انا مشتاقه لحضنك يامحمد .
محمد : زاد من حضنها وباس على راسها . حبيبتي حقك عليا . خلاص ياروحي . بابا خارج بكره الحمدلله . وبكره هاخد اجازه. واخدك فى حضني طول الاجازه دي . اتفقنا .
نور : بسعاده. اتفقنا . انا بحبك اوى يامحمد.
محمد : وانا بعشقك ياقلب محمد .
نور : خرجت من حضنه . طيب تعالى بقى نطمن على بابا مصطفى . واسلم عليهم ونطمن على الحاله ووصلنى لانى بجد ضهرى تاعبنى اوى .
محمد : تعالى لو تحبى اديكي حقنه مسكنه.
نور : لأ ياحبيبى . انا هستريح شويه وهبقى كويسه إن شاء الله .
.واتحركو . وسلمو على مصطفى وشيرين . وباركولها على نجاح العمليه . واطمنو على الحاله . وفاقت وكانت كل حاجه تمام . ومحمد اخدها ووصلها عند آدم. وسلم على مريم وتيم وتمارا . واتعشا مع نور . وودعها
.ورجع على المستشفى من تانى . وبص على الحاله وكان مبسوط من النتيجه . وكمان الاشعه وان نور استأصلت جميع الورم الل كان موجود . وقرر جواه . انه لازم يحتفل هو ونور لوحدهم . ويجبلها هديه بالمناسبه دى .
تانى يوم ..
محمد خرج مع مصطفى والعيله ووصلوه لحد البيت . ومحمد اطمن عليه وأكله بنفسه وعطاله علاجه وسابه ينام . وسلم على شيرين واستأذن وقالها انا ورايا مشوار مهم وسلم على اشرف ويوسف واتحرك بالعربيه . واتحرك ووصل عند محل هدايا . وأشترى لعب لتيمو وتمارا . وشاف عروسه جميله اوى . وبص ليها وشاف انها اتصممت مخصوص لنورو وبس . واشتراها وغلفها بطريقه شيك . ولزق كارت وكتب فيه . وبعد كدا راح لمحل مجوهرات . وأشترى خاتم رقيق جدا لنورو . ووصل عند مطعم فخم جدا . وطلب ارودر مخصوص ليهم . وبعد كدا . راح اشترى لنور كيك الشيكولاته الل متغرق بصوص الشيكولاته الل هي بتعشقه . وطلع على شقته . واخد شارو . ورتب كل حاجه فى الشقه . وحط الكيك في التلاجه . والأكل على الصفره وسابه متغلف . والعروسه حطها على السرير . ولبس طقم شيك جدا . وحط الخاتم فى جيبه . ورش من برفانه الل هي بتحبه . ولبس الساعه . واخد ال٢ فون . والمفاتيح والنضاره. ونزل . وساق العربيه . واتصل عليها . وكانت نايمه وردت بنوم . الوو
محمد : حبيبتي صحيتك !؟
نور : ابتسمت . ياريت كل يوم كدا . اصحي على صوت قلبى .
محمد : اتنهد بسعاده . وانا تحت امر نورى حبيبتي . بقولك ايه ياروحي .
نور : نعم ياحبيبى .
محمد : قومى كدا . خديلك شاور بسرعه . والبسى . لانى جاي فى الطريق . علشان نروح على بيتنا زي ماوعدتك امبارح.
نور : اتعدلت بفرحه . بجد يامحمد . هنروح انهردا .
محمد : وحيات الفرحه الل في صوتك دى هنروح انهردا . وهاخدك في حضنى وانيمك جمب قلبى . انا اخدت اجازه كام يوم كدا . وهقضيه معاكي ياحبيبتى.
نور : بفرحه كبيره . حبيبى ربنا يخليك ليا ياحمااااده . انا في ثوانى هاخد شاور . وهكون جاهزه . انا والولاد اوكى.
محمد : اوكى ياروحي .
نور : بحب . محمد .
محمد : عارف انها هتقوله بحبك . نعم يانورى
نور : بحبك.
محمد : اتنهد بحب . وانا بحبك اوى يانورى.
.وقفلو .
محمد وصل الفيلا ودخل .
مريم والبنات كلهم موجودين . وابتسم لما شاف نور نازله على السلم .
محمد : السلام عليكم .
كلهم وعليك السلام .
سلم على مريم وباس جبينها وايدها . وسلم على فريحه وريتال وحضنهم بحب . وسلم على رينو من بعيد . ونور جت وسلمت عليه بحب كبير كأنه كان مسافر . وباس تمارا وشال تيمو . وقعد جمب مريم .
محمد : اذيك يامريم.
مريم : بسعاده . حبيبى الحمد لله بخير . انت الل اذيك يانبض قلبى.
محمد : الحمد لله تمام .
مريم : يارب ديما . الحج مصطفى طمنى عليه كويس . انا اتصلت على ابله شيرين . وطمنتنى . وقالت إنه نايم طمنى انت عليه .
محمد : ابتسم . متقلقيش ياحبيبتى . بابا الحمدلله كويس . وكلها كام يوم ويتحسن تماما . الحمدلله.
مريم : اتنهدت بيراحه . الحمدلله يارب . اللهم لك الحمد .
محمد : اومال آدم فين !؟
مريم : آدم فى الشركه مع زين .
محمد : غريبه . ايه الل آخرهم لحد دلوقتي.
مريم : والله مانا عارفه . امبارح قالى عندو شغل ضرورى وهيتاخر وجه بعد العشا قبل ما انت توصل نور امبارح بحجات بسيطه . ونام متأخر . وقالى أنه بكره احتمال يتأخر في الشركه زى انهردا . وكلمته من شويه قالى ساعه وجاي كان عندو شغل مهم . قولتله ربنا معاك يارب.
محمد : ربنا معاه . طيب يامريم . انا هاخد نور والولاد ونروح احنا بقى .
مريم : ماشى ياحبيبى . بس اتغدو الاول .
محمد : لأ معلش هنتغدى في البيت . وقام . يلا يانورى . وسلم على الكل .
واخد تمارا من نور. وقال يلا ياتيمو .
تيم : لأ تيمو اقعد مع لينو حبيبى .وجري على رينو . وقالها خبينى لينو . خبينى من محمااد.
كلهم ضحكو عليه .
رينو : شالته على رجليها . ودخلته جوه حضنها . تعالى ياحبيبى استخبى . وقالت ايه ده . هو تيمو فين !؟
تيم : ضحك وحط ايدو على بوقه ومتكلمش .
محمد ونور ضحكو . وقال يلا ياتيمو انا جايبلك لعبه حلوه .
تيم : لأ انا عايز لينو . وهنا لعبة تيمو علبيه بيره فهد هنا . فهد حبيبى .
رينو : بسعاده . باست تيم . خلاص يا ابيه سيب تيمو معايه .
محمد : مش عايزو يضايقك يارينو .
رينو : تيمو . يضايقنى . دا تيمو روحي .
تيم : سقف . لينو انتى لوحي يالينو ههه.
محمد : خلاص تمام . ولو ضايقك اتصلى عليا في اى وقت هاجي اخدو على طول .
رينو : متقلقش . تيمو معايا ومش هيضايقنى . مش كدا ياتيمو .
تيم : مش كدا يالينو . وضحكو عليه .
محمد اخد نور وتمارا . وودعهم وخرجو . وركبو العربيه واتحركو . ووصلو البيت .
.واول ما فتح قال ل نور خليكى واقفه ثوانى . ودخل بسرعه نيم تمارا في سريرها . وراح بسرعه . وقرب من نور ومد ايدو ليها . وهي ابتسمت وحطت كف ايدها فى ايدو . ودخلت معاه الشقه . ومغمض عينيها . وقالها متفتحيش وهي مبتسمه . ودخل بيها الاوضه . وشالها وهي مغمضه . ودخلها الحمام . ونزلها . وقالها غيرى هدومك انا سايبلك هنا اكتر من طقم البسي الل يناسبك . وانا هستناكى بره .
نور : فتحت عينيها . وابتسمت وهزت راسها حاضر ياحبيبى .
محمد : خرج بسرعه وخبى العروسه . وطلع جهز الاطباق . وظبط السفره .
نور : بسعاده اختارت طقم محمد بيحبه . ولبسته . وخرجت من الحمام .وظبطت الميكب ورشت برفان . وخرجت . واتفاجئت بالسفره الجميله والأكل المميز . وفرحت أن محمد عمل كدا علشانها .
محمد : قرب منها . وقالها معلش غمضى تانى .
نور : بحب . غمضت عينيها .
محمد : طلع العلبه . ولبسها الخاتم . ووطي باس على ايدها . فتحي يانورى
نور : فتحت عينيها . وانبهرت من جمال الخاتم . وضحكت بسعاده ودموع . وحضنت محمد . حبيبى. كل ده علشانى . انا بجد مش عارفه اقول ايه . ولا عارفه اوصف أحساسي.
محمد : ضمها بحب. نورى متقوليش حاجه . كفايه لمعة السعاده الل موجوده في عينيكى . انا مش عايز حاجه تانى . وخرجها من حضنه . تعالى يلا علشان نتغدى . واخدك فى حضني زى ما وعدتك . وشد ليها الكرسي وقعدت بسعاده كبيره . وقعد جنبها . وجاب طبق واحد وحط فيه اكل ليهم وبدؤ ياكلو مع بعض فى طبق واحد . ونور اكلت محمد وكانت هيمانه فى حنيته وحنانه .
ومحمد : بياكلها ومبسوط بيها .
.وبعد الاكل شالها ودخل بيها الاوضه ونزلها . وقالها ثوانى . وراح جاب العروسه . وقالها اتفضلى انا شوفتك فيها .
نور : اخدت العلبه . وقرت الكارت . اجمل هديه لبنوتى الكبيره انا بعشقك يانورى .وفتحت العلبه . وشافت العروسه . وعجبتها جدا . واااو جميله جدا جميله اوى يامحمد . انا بجد مبسوطه اوى انهاردة .
محمد : عيونه عليها وعلى جمالها . وشعرها الاصفر وعيونها الزرقه وبيقول بهمس سبحان الله انا ماشوفتش في جمالك . ولا هشوف . وقرب منها . وحط العروسه على الكرسي . ومسك وشها بايديه انا بحبك اوى يانورى . حقيقي بعشقك . وقرب من شفايفها وباسها .
نور : غمضت عينيها بحب . وقربت من محمد اكتر . لأنه واحشها جدا . واكتر من اسبوع بعيده عن حضنه . وعاشو وقت رومانسي جميل جدا . وبعد فتره كبيره . محمد اخدها كلها في حضنه . ونور استكانت فى حضن حبيبها وسندها . وابتمست بسعاده كبيره ودعت من قلبها انهم يعيشو في سعاده ديما .
تانى يوم .
رينو ماشيه في الجامعه .
معتز : مراقبها . ومدايق . هو نفسه يشوفها . هو بيحبها من زمان ومكنش متوقع انها تتجوز فى السن ده او قبل ماتخلص دراسه . وعايز يوقف يتكلم معاها باي طريقه . وراح وراها . ومدايق من كلمة مدام . ونده عليها
دكتور لارين .
رينو : لفت . وابتسمت بعفويه . نعم يادكتور معتز .
معتز : مش عارف يقول ايه . احم عامله ايه دلوقتى .؟؟
رينو : استغربت . لكن ردت . الحمد الله انا كويسه ميرسي لسؤالك يادكتور .
معتز : بيخطف نظرات لعيونها . احم يعنى انتى احسن من امبارح !؟
رينو : بعد فهم . مش فاهمه حضرتك . تقصد ايه . احسن من امبارح .
معتز : احم انا اسف طبعا لسؤالى . لكن صدقينى غصب عني . اول امبارح . وانا خارج من المبنى. ورايح على الكافتيريا . شوفتك وانتى بتتكلمى في الفون وكنتى بتعيطي كتير . وانا بصراحه أحرجت أسألك . لانه مش من حقى . انا اسف طبعا .
رينو : لا مفيش حاجه حضرتك . وشكرا جدا على سؤالك . بعد اذنك .
معتز : احم . انا اسف يادكتور انى سألت . لكن صدقينى انتى من أكفأ الطلاب في الجامعه . وسؤالى ليكى عابر من دكتور لطالبه .
رينو : ابتسمت . طبعا ميرسى جدا لحضرتك . انا بجد متشكره لزوق حضرتك يادكتور . انا اسفه لازم امشي اتاخرت على المحاضره .
معتز : طبعا اتفضلى انا اسف انى عطلتك .
رينو : هزت راسها مفيش حاجه بعد اذنك واتحركت . وراحت على المحاضره .
معتز : فضل واقف مكانه . ياترى كنتى بتعيطى ليه يالارين . وياترى مين جوزك ده . !!!
ف الشركه .
زياد : دخل عند آدم وكان طارق معاه . مساء الخير .
آدم وطارق . مساء الخير .
زياد : اتفضل يا آدم . الورقه دي فيها اسماء بعض المستشفيات .الل انت متعاقد معاهم . وفعلا ال٩ اجهزه موجوده عندهم . وفي مستشفى منهم واخده بس لوحدها ٣ اجهزه .
وكل الاجهزه دي اتباعت من حوالى ٤ شهور .
والمحاسب القانونى . قال ان فى لعب من تحت التربيزه . ال ٣ شركات الوهميه . اتعملت من ٣ سنين تقريبا . ودخل لحسابها ٥ مليون جنيه . ده غير تمن ال٩ اجهزه . الل تمنهم بملايين . والل انا مستغربه أن ال٣ اجهزه الل اتباعو مع بعض كانت بشيك بربع مليون جنيه بس . يعنى فى ارقام تانيه متسربه .
آدم : مغمض عينيه وبيسمع زياد . وقال الاجهزه اتباعت من حوالى ٤ شهور . وكانت رينو مخطوفه فى نفس التوقيت تقريبا . وقبلها اتشغلنا بحوار ساره . يعنى الل سرق من جوه الشركه وعارف تحركاتى . وطلعت ميعرفش حاجه عنى . امممم وفتح عينيه
.ومسك الورقه . وبص فيها . وقام . يلا ياطارق .
زياد :انا هاجي معاك يا آدم .
آدم : لأ اطلع انت ل زين لانه من اول امبارح وهو مدايق .. يلا بينا ياطارق .
طارق : قام . معاك يصحبى . بس على فين .
آدم : على بداية النهايه . واتحرك . وطارق نازل معاه ومش فاهم حاجه .
زياد : راح ل زين المكتب . وكان زين مخنوق ومدايق . وهيتجنن ازاى مضي على كارثه زي دي . ٩ اجهزه بملايين .
آدم اخد طارق وفهمه كل حاجه فى الطريق . وراحو على المستشفى الل اشترت ٣اجهزه . ووصلو هناك .
آدم : طلب انه يقابل مدير المشتريات فى المستشفى .
وسالو امتى تم بيع الاجهزه دي عندك فى المستشفى .!؟
المدير : قال احنا من سنتين واحنا متعاقدين مع الفرع الجديد لشركتك . وانا استغربت إن الاستاذ زين مكنش موجود معاهم .
آدم : اسم الشركه ايه .
قاله ع اسم الشركه الوهميه ..
آدم : بصدمه ومين الل كان بيجيلك .
الراجل فكر شويه . بصراحه مش فاكر . الكلام ده من ٤ شهور تقريبا . ومش متذكر اسمه او حتى شكله . وانا مشفتوش قبل كده وانا بتعامل معاكم.
آدم: طيب مفيش أمضا ليه. ايصال الايستلام . او مثلا من طرف مين ..!؟
الراجل : ثوانى هشوف فى الملف . وقعد اكتر من ساعه يدور في الملفات . واتكلم ايوه اه. الايصال. اتفضل ده إيصال بالدفع .
آدم : شاف الايصال باسم حد ميعرفوش ..
آدم : انا معرفش الاسم ده . طيب متعرفش جاى من طرف مين . !؟
الراجل : لا صدقنى مش فاكر .
آدم : طيب مجاش ومعاه حد من الشركه قبل كدا .وانت تعرفه !؟.
المدير : بتفكير . والله حضرتك مش متذكر بس الل فاكرو أنه كان جاي لوحده .
آدم وطارق لسه ييخرجو من الاوضه .
آدم : لف للمدير . سؤال اخير . الراجل ده مقالش اى اسم قدامك . مثلا جاى من طرف طارق أو آدم .أو زياد. اى اسم حتى لو غير دول .
المدير : بتفكير .. وقال لحظه واحده . انا افتكرت !!
آدم : افتكرت ايه
المدير. افتكرت أن الشخص ده خرج من المكتب . وانا خرجت بعد منه . وكان واقف فى الطرقه وبيتكلم مع محامى حضرتك فى الفون . وبيقوله انا استلمت الشيك يااستاذ رشوان -------------
بدل ماتدور وتبحث علي الروايات خليها علي تليفونك وحمل تطبيقنا
