رواية عقوق العشاق الفصل الأول
ياعمتي ابنك دا ماشفش تربية
بت عيب كدا متنسيش إني أنا أمه هو اه صحيح مطلع عيني بس ارجع واقول ابني بردو
ابنك بس دا لو منك اتبرئ منه
ليه بس عمل إيه ؟
قولي معملش إيه دا كائن فاكر كل الناس مش محترمة زيه
احكي يا بت بدات اتوغوغش ع الواد ؟
امبارح بعد ما تيتا قالت لي اطلعي ياصبا روقي السطح وظبطي زي ما تحبي لاقيت المحترم محترم ايه قصدي اللي ماشفش خمس دقايق تربية طالع وقعد يعمل معايا السطح قلت بس دا واد جدع قوم بعد كل دا عمل كوبيتين شاي قلت مافيش بعد كدا اخلاق وجدعنة
طب ما الواد طلع جدع اهو مالك بقى ياجاحدة
من كتر التعب غفلت نمت ساعتين صحيت على حاجة تقيلة مرمية ع قلبي ببص بعين كدا لاقيت رجل البيه المحترم محطوطة ع بطني ومكتفني ولا كأنيعليا احكام وخايف. لأهرب منه وهو نايم جنبي ولاكأن عمل حاجة ولما صوت وأنا بسأله عن النومة اللي نايمها دي بيقولي اصلي كنت سقعان وأنت دافية فقلت انام جنبك تتدفيني
وأنتِ عملتي إيه ؟
محستش بنفسي غير وايدي بتعلم ع وشه
يسكت ابنك لا يقوم ينادي ع بابا عشان يحكي له كل حاجة ويحكم مين فينا الغلطان صهيب ابنك دا لو مش لاقي حد يعرفه الغلط من الصح قولي لي وأنا اعرفه أو افضي شوية وربي من جديد ياعمتي
دا مستحيل يكون ابن عم سلطان عم سلطان محترم وبيكسف من خياله ابنك طالع لمين كدا ياعمتي
