رواية مرام قلبي الفصل الأول
قرب ايدو منها : يلا عشان خاطري و كلي دي كمان
بسمه بضحك : كفايه كدا بطني وجعتني من الأكل يا فهد
فهد : لو اطول اجبلك كل حاجه حلوة ف الدنيا تاكليها هجبهالك ، انتي متعرفيش انا بحبك اد ايه
بسمه بصتله بحزن : عارفه انك بتحبني اد ايه
فهد : مالك ، ليه زعلتي ، هو انا قولت حاجه تزعل
بسمه وهي بتحاول تخبي الزعل : لا طبعا ، انا بس اتأثرت عشان كل يوم مبتوقعش انك بتحبني بالطريقه دي
فهد : المهم تكوني انتي كمان حباني
بسمه بصتله بذهول : ها ، اة اة طبعا
فهد : مالك يا بسمه
بسمه بألم : اةةة مش قادرة ، فهد بطني ، ااااةة ، و قامت تحاول تقف ، فهد انا تعبانه الحقني بطني هتموتني ، انا دايخه ، هو ف ايه ، هو الاكل دا مالو ، هو ايه الحصل و وقعت فجأه من طولها
فهد ببكاء : بسمه ، مالك فوقي
........................
"كان شارد علي البحر بيفتكر كل حاجه بحزن "
دخلت عليه بضحكتها الصافيه و قربت منه : تاكل كشري ؟
فهد بصلها، كانت طفله جميله و عينيها حادة و شعرها منعكش و هدومها كانت شبه مقطعه و ابتسم : شكرا مش جعان
مرام طلعت أعدت علي الرصيف : لقيتك زعلان قولت اخليك تاكل معايا ، يمكن تنبسط شبهي
فهد بابتسامه : كلي انتي بالهنا و الشفا
مرام شافته من بعيد جاي : الحقني ، خبيني ارجوك يا عمو ارجوك
فهد : هو ف ايه
مرام بخوف : ع..عاوز ياخدني ، انا مش عارفه ، عشان اخدت منه فلوس اجيب كشري ، خدني ونبي معاك
فهد شال مرام علي كتفه و ركب عربيه من غير ما يفهم اي حاجه
...................
"ف العربيه "
فهد : ممكن تفهميني هو ف ايه ، بس بصراحه من غير كدا
مرام : المشغلني انا واخواتي سرقت منه فلوس عشان كنت جعانه و لما عرف عاوز يضربني زي كل يوم ، انا كنت جعانه بس و تعبت من الشغل
فهد بحزن علي حالها : دا باباكي يعني ؟
مرام بصيت لتحت بحزن : انا ماليش بابا و ماما
فهد : طيب عاوزة اعملك ايه هعمله
مرام بصتله بابتسامه : خدني معاك ممكن
فهد بص لعنيها الغريبه الفيها لمعه و كأنه يعرفها من زمان و ميعرفش ليه من جواة موافق علي اي كلمه تقولها ، مع انها طفله فالأول و الاخر : حاضر انا هساعدك ،بس علي شرط هتقوليلي مواصفات الراجل دا و هتحكيلي كل حاجه بالتفصيل ، اسمك ايه و عندك كام سنه
مرام بصتله : اسمي مياااااام و عندي ١٣ سنه
فهد : ميام ازاي يعني
مرام : ميااام بقولك انا لدغه ف حرف الر
فهد بضحك : طيب قولي ررررر كدا ؟
مرام بصتله بأرف : رجعني تاني لعمو
فهد بضحك اكتر : خلاص خلاص ياستي
"فهد ٢٣ سنه من الصعيد و عايش بالاسكندريه ، ظابط اول بالمخابرات العامه"
*******************
" ف أحدي بيوت الصعيد "
هناء. : يووووة مش كل يوم يمه هنتكلم ف الموضوع دا عاد ، خلاص الحوصل حوصل
ساميه وهي بتقطف الملوخيه بغل : و انا مين حاسس بقلبي الوكلني علي ابني
هناء قربت منها حضنتها : حاسين بيكي مش لوحدك ، بس ربنا بيعوضه و متعرفيش الخير فين
ساميه : طيب يلا روحي چامعتك انتي
.......................
هو : بس بس بس هناء ، اقفي ثواني تعبتيني
هناء بصيت وراها ف كل حته : امشي دلوقتي يا احمد بطل تعملي مشاكل
احمد : انا بحبك اديني فرصه نتكلم وياكي
هناء : مش هينفع اخوي لو عرف أو حتي من اهلي هيقتلوك
احمد : ادي بس فرصه نتكلم وانا هحلها
هناء وهي بتمشي : سلام بعدين نتكلم
احمد ف سرة : والله لو ايه علي موتي لهعمل النفسي فيه
****************
"ف بيت فهد "
مرام وهي بتقرب تفتح اوضه معينه، فهد مسك ايديها فجأه بعصبيه : الاوضه دي اوعي اوعي تفكري تفتحيها تاني يا مرام
مرام بحزن : حاصر انا اسفه
فهد : بصي يا مرام احنا هنعيش انا وانتي هنا مؤقتا و معرفش الفترة دي هطول لحد فين بس الاعرفو أننا هنعيش هنا سوا لفترة مش اكتر و بعدها و لسه بيكمل
مرام بدموع : هتمشيني صح ، و هترميني فالشارع تاني ، طب خلاص مشيني دلوقتي احسن
فهد صعبت عليه و أخدها حضنها بحنيه الاب : متخفيش والله هفضل جمبك دائما و هحميكي لحد ما تكبري و ساعتها هجوزك بأيدي لشخص يحميكي من بعدي
مرام حطيت ايديها علي ضهرة و حضنته : شكرا اوي اوي بجد انا بحبك اوي ياعمو
فهد وافتكر فجأه بسمه فبعدها عنه براحه من غير ما يحسسها : ممكن بقي تدخلي تستحمي يلا و البسي الهدوم دي مؤقتآ ، و يلا تعالي عشان ناكلو انا بعت اجيب اكل جميل هيعجبك
مرام و طلعت تجري : حاضر مش هتأخر
*****************
"بعد خمس سنين"
مرام صحيت من النوم زي كل يوم تجري علي اوضته ، راحت جمبه علي السرير .
مرام : فهد يلااا اصحي ، انا صحيت كفايه نوم كدا
فهد بأبتسامه : يوووة يا مرام ، هو انا مش قولتلك يبنتي مش لازم كل ما تصحي تصحيني
مرام بزعل : انهاردة يوم مهم المفروض تبقي معايا من أوله
فهد بخبث : يوم مهم ، زي ايه يعني ، هو انا ناسي حاجه
مرام بحزن : اقصد يعني انا عاوزاك تقعد معايا ف اجازتك
فهد بتمثيل : لا مش عاوز ، روحي دلوقتي و لما اصحي برحتي هاجي
مرام مشيت لاوضتها من غير ما تتكلم
.................
"ف اوضه مرام "
كانت واقفه بتصرح وهي زعلانه ، جه من وراها فجأه و معاه وردة و هديه ورا ضهرو : تفتكري يعني عنسي عيد ميلاد حبيبت قلبي الصغننه الربتها علي أيدي و بقيت كل وقتي
مرام ادورت بفرحه : انا متأكدة انك مكنتش هتنسي لا و قربت منه حضنته بكل فرحه .
فهد باسها من راسها و أداها الوردة و الهديه : افتحي الهديه و قوليلي رءيك
مرام فتحت الهديه بحماس : دي طرحه يا فهد ؟ ، و دا فستان ؟ ، مش فاهمه
فهد : من انهاردة هتلبسي دول و خلاص رسمي نظمي فهمي هتبقي محجبه .
مرام بارتباك : بس انا مش عارفه
فهد قرب منها : مالك بس ؟
مرام : اصل خايفه شكلي يتغير ومتحبنيش زي الاول
فهد : يا حبيبتي انتي بنتي الصغيرة يعني هحبك اكيد ف اي حال ، و بالعكس أنا هحبك اكتر بيه .
مرام حضنته بكل حب و حطيت رأسها ف رقبته : انا بحبك اوي اوي يا فهد بجد
فهد و حس لأول مرة من سنين يعترف لنفسه بدة ، أن قلبه بيدق ، بعدها فجأه : مرام حضري شنطتك
مرام : ايه ؟
فهد : انهارده الوقت المناسب الكنت مستنيه
مرام بحزن : هتمشيني !!!!
فهد : ........
