رواية عقوق العشاق الفصل الخامس 5 بقلم هدي زايد
- على خيبتك يا عريس بتضحك على خيبتك
- خيبة إيه يا ستي صل على النبي أنا بس اللي طلبت منها نصلي ركعتين و...
قاطعته الجدة وقالت
- دا لو بتصلي الترويح كان زمانك خلصتها دا أنت طالع البيت الساعة اتناشر بليل يا عريـــــس
سألها نوح بنبرة مغتاظة قائلا
- مالك يا ستي في إيه خير إن شاء الله
أجابته بسخرية و هي تجلس بأريحية
- انا يا اخويا الحمد لله تمام تمام اوي، رجعت من الفرح اكلت ونمت وقمت و صليت قيام الليل و أنت لسه ببدلة الفرح يا نوووح دا أنا حتى اخدت دوا الضغط بس شكلي هاخده تاني بعد اللي شفته
- هو في إيه ياستي هو أنتِ لاقدر الله شوقتيني في وضع مش كويس !!
- لاقدر الله !! أنت ياواد كويس و لا إيه حكايتك ؟!
سكت مليا يفكر في سؤالها ثم قال بإبتسامة جانبية قائلا
-لأاااا دا تمام تمام اوي يا ولاء أنتِ اللي فاهمة الموضوع غلط و الله أنا بس قلت لها عاوز اتكلم معاكِ كلمتين و كنت عاوز اعمل جو رومانسـ...
قاطعته الجدة قائلة
-و هو الجو الرومانسي ياخويا ماينفعش غير ببدلة الفرح والفستان ؟
اقتربت منه وهمست له قائلة
- لو حاسس إنك تعبان قل لي و أنا ابعت لك للدكتور متخافش ابوها مش هيعرف هقول لابوك واخوك بس ياخدوك في السر و لا اقولك عمك سلطان اهو دكتور وبيفهم في الحاجات دي استنى اتصل عليه
كادت أن تدس يدها في جيب جلبابها لكنه لحق بها و قال بتوسل
- ابو س ايدك يا ستي اسمعيني الموضوع م زي اللي في دماغك انا بس كنت عاوز اعمل جوا و ياريتني ماعملت
ردت الجدة بنبرة ساخرة و قالت
- اومال إيه جوزيني ياستي اشمعنى جوزتي شباب وبنات العيلة كلها إلا أنا هو أنا ابن البطة السودا ياستي وانا هعمل فرح سبع ليالي. و ايشي صواني رايحة وصواني جاية و ليلة و لا الف ليلة وليلة و آخر اليوم نوح لسه ببدلة الفرح !!!
لطم نوح بكفه على خده و قال بغيظٍ شديد
- ستي مش هاتخلص النهاردا
هدر بصوته قائلا بغضبٍ موجهًا حديثه لعروسته
- بتضحكِ على إيه أنتِ كمان ؟
ردت الجدة وقالت بتحذير واضح
- إيه هاتحط خيبتك في البت و تزعق لها والله اخدها وانزلها معايا وابوها يشوفها بفستانها يا نوح فستانها هتلم دورك و لا اخد البت وامشي ؟
- لا ياستي حقك عليا و ادي راسك ابوسها
ردت ساخرة
- وبوس على راس رُبى ما هي زي اختك بردو
جلس نوح حذاء جدته و قال بكل ما اوتي من صبر وبرودة اعصاب
- أنتِ خُدي بعض وامشي يا ستي و بكرا الصبح أنا بنفسي هكون عندك بنفطر سوا
عند ما تكون جدتك سترك وغطاك وم هتقول غير لابوالعروس وابوك واتنين تلاتة آخرين 😂🙂🙂
