رواية زهرتي (كاملة جميع الفصول)بقلم اسراء ابراهيم

 رواية زهرتي الفصل الاول

تاني يا نوارة ،، بتجوليلي اتچوز تاني ،، مكفاكيش اللي حوصل من چوازتي الاولانية  

قالها بدر بعصبية وهو بيقعد عالكرسي قدام اخته نوارة اللي قربت منه وقالتله باقناع :

افهمني بس زين يا خوي ،، المرادي غير المرة اللي فاتت ،، البنتة جالتلي انها موافجة تتچوزك وكمان تكمل معانا التمسلية اللي عاملينها علي شمس بت عمك 

اتنهد بدر بضيق وهو باصص لنوارة ومكنش عاجبه كلامها ولا اللي بتفكر فيه فقالها بتنهيدة :

وهو اني للدرچادي جليل الحيلة عشان اخلي خيتي اللي تچيبلي حجي يا بت ابوي ،، عموما ربنا يخليكي ليا   

ابتسمت نوارة بفرحة وهي بطبطب علي ضهره وقالتله بحماس :

عين العجل يا اخوي ،، ان شاء الله تبجي چوازة الهنا ،، جول يارب 

سرح بدر بعنيه وهو بيفتكر شمس مراته الاولانية وتبقي بنت عمهم وطلقيته حاليا وقال بتنهيدة :

هتفرج في ايه يا نوارة عن غيرها ،، اللي خلي اللي من د*مي وكانت شايلة اسمي فضحتني وسط الخلج وجالت عني اني معيو*ب ومهخلفش ،، تفرج في ايه بجي اني اتچوز تاني ،، بعد ما بجيت حكيوة البلد كلها 

حست نوارة بكسر*ة بدر اخوها فبصتله بتحدي وردت عليه بثقة :

لاه ،، تفرج كتير المرادي يا ولد ابوي ،، البنتة اللي چايبهالك تبجي عز الطلب وزينة البنتة كمان واني خابراها زين وهي كمان مش ممانعة لما عرضت عليها ووافجت علطول ،، ووحياه اللي في بطني لاخلي شمس تبجي حكيوة البلد كلياتها وهخليها كيف ما حكت عنك الحديت العفش تمشي وسط الخلج وتجول انها كدابة وان بدر زينة رچال البلد كلياتها 

اتنهد بدر بحيرة ورد بهمس بينه وبين نفسه وهو سرحان في شمس :

وهيفرج ايه اللي بتجوليه يا نوارة واني لسة عاشجها 

....................

كانت قاعدة نوارة مع جليلة امها وكانت بتسرح شعرها وبتبص للمراية بغرور وهي بتقول :

وه بجي نوارة اللي جالتلك اكده ياما ،، ان بدر هيتچوز 

جليلة نفخت بغيظ وهي بتبص لشمس بنتها وردت عليها بسخرية :

ايوة يابت بطني ،، مش روحتي طلبتي منه الطلاج وهملتيه وفض*حتيه في البلد انه معيوب ومهيخلفش ،، اهو دلوك بيكيدك وهيتچوز يا حزينة ،، وانتي خليكي جاعدة چاري وچار ابوكي 

ضحكت شمس بسخرية وردت علي امها وهي بتقوم من قدام المراية :

ياما انتي فاكرة اني بتك عيلة صغيرة ولا ايه ،، اني خابرة كل حاجة وعاملة حساب كل كبيرة وصغيرة وبدر انا هملته بكيفي فتفتكري بجي هيهمني هو هيتچوز ولا لاه ،، 

ابتسمت جليلة بسخرية وردت علي شمس بقصد وهي بتقولها بشماتة :

لا يا نور عيني العبرة مش ان بدر هيتچوز ،، العبرة بجي هو هيتچوز مين 

استنبهت شمس وبصت لامها بغموض وسألتها بفضول :

هيتچوز مين يعني ياما ،، ماتجولي علطول 

ردت جليلة وهي بتبص لشمس بترقب عشان تشوف رد فعلها :

زَهرة 

اول ما جليلة نطقت اسم زهرة شمس وشها اتقلب وكشرت بغضب ورددت بحد*ة :

بتجولي زهرة ،، كيف ده ،،وهي وافجت ،، صوح ما عشان تكيدني بت طاهرة

وه رايحة علي فين يا حزينة السعادي الوجت متأخر

قالتها جليلة وهي شايفه شمس بتحط الطرحة علي شعرها وبتخرج من القوضة وردت عليها بلا مبالاه وهي بتسيبها وتمشي :

مشوار ولا بد منه ياما 

................

يا بوي علي چماله رواية شربات عنب يروي رواية ،،عطشانة چابني علي عمايا  ومشيت وجلبي يا ناس خالي 

كان بتغني زهرة مع اختها نعمة وفرحانة ان اخيرا بدر هيكون ليها وخصوصا انهم حددو معاد كتب الكتاب والبلد كلها عرفت وكانت الفرحة مش سايعاها ،، فضلت تسقف وتغني لحد ما سمعت صوت الباب الي خب*ط جامد فقامت تفتح وهي بتغني لحد ما وقفت فجأة عن الغنا لما شافت شمس قدامها ،، كانو الاتنين بيبصو لبعض بتحدي وثقة وغضب من ناحية شمس اللي قالت بابتسامة سخرية :

اهلا بعروستنا الجمر ،، اني جولت اعمل بأصلي واچي اباركلك عشان تعرفي اني احسن منك 

ابتسمت زهرة بسخرية هي كمان وردت علي شمس وهي بتسيبها وتدخل :

لاه،، فيكي الخير يا شمس يا حبيبتي ،، نباركلك اكده لما تبجي تلاجي العوض ولو ان مفيش حد يعوض بدر ابدا 

اضايقت شمس بس مبينتش وردت علي زهرة بجدية :

والله بيجوله ان جليل الاصل مش بيتعاتب ولا بيتلام ،، ما بالك بجي بخطافة* الرچالة 

اضايقت نعمة اخت زهرة فردت بحد*ة :

الزمي حدودك يا بت چليلة واتحدتي زين احسنلك ،،اني خيتي مخطفتش حد ،،ومتنسيش ان بدر يبجي طليجك مش چوزك عشان خيتي تخطفه 

ضحكت زهرة وردت هي علي نعمة وقالتلها بسخرية :

همليها يا نعمة ،،اصل انا عاذراها ،، الصدمة برضك كانت واعرة جوي عليها ،،

اتدخلت شمس وقالت بغضب وهي بتبص لزهرة :

عليكي نور يا زهرة ،، هي صدمة كيف ما بتجولي اكده ،، لما ااعرف ان صاحبتي كانت عنيها من چوزي وما صدجت اطلجنا وخدته هي اتچوزته 

ردت زهرة بسرعة وهي بتبص لشمس بحد*ة :

احنا عمرنا ما كنا صحاب يا شمس ولا نسيتي عاد ،، نسيتي لما كنا في المدرسه وكنتي بتجولي لنوارة متتحدتش معايا وتخاصمني ،، نسيتي لما كنتي بتعملي فيا مجالب وتخلي المُدرسة تطردني بسببك ،،من يومك وانتي بتغيري مني يا شمس وانتي خابرة زين انتي عملتي ايه تاني وبلاش نجلب في الجديم ونفتح الدفاتر اللي اتجفلت ،، لو چاية تباركي ،، فمتشكرة ومردودالك ،، اما لو چاية لحاچة تاني فمش فاضية ،، عشان بحضر لفرحي علي زينة رچال البلد كلياتها 

بصتلها شمس بحد*ة ونقلت نظرها لنعمة اللي بصتلها بشماتة وهي بتضحك بصوت عالي استفزها فنفخت بغضب وسابتهم ومشيت وزهرة غمضت عنيها براحة وكأنها انتصرت في معركة استنتها سنين 

وانتبهت علي صوت نعمة وهي بتقولها بقلق :

ابجي خدي بالك من البت دي يا زهرة ،، باينها مش سهلة ،، احسن تحاول تأ*ذيكي 

ابتسمت زهرة لنعمة اختها بحب وردت عليها بتنهيدة :

متجلجيش يا نعمة ،، اني خابرة شمس زين ،، وعارفة كيف الاعبها بطريجتها ،،اصلها مش عِشرة يوم 

...........................

بارك الله لكما وبارك عليكما وچمع بينكما في خير 

قالها المأذون وهو بيشيل المنديل من علي ايد صبحي ابو زهرة اللي كان حاطتها في ايد بدر وبقت زهرة مراته رسمي ووقتها زغرطت نوارة وحضنت زهرة اللي كانت قاعدة والطرحة علي وشها وفي قمة سعادتها وهمست وقتها نوارة في ودن زهرة :

الف مبروك يا جلبي ،،زمان صحبتنا دلوك هتفرجع اني متوكدة ،، متنسيش تعملي اللي اتفجنا عليه 

ابتسمت زهرة بتوتر وردت بقلق وهي بتببص لبدر من تحت الطرحة :

اني خايفة جوي يا نوارة ،، مخبراش ليه مع اني مكنتش اكده من شوية 

نوارة ابتسمت بفرحة وردت عليها وهي بتغمزلها بايديها :

هو كل البنتة بتبجي اكده يوم الفرح ،، اتبسطي يا جلبي ده يوم فرحك 

قط*ع كلامهم صوت بدر اللي رد بجدية وهو باصصلهم باستغراب :

مش يلا يا عروستنا بجي ولا هتفضلي اهنه مع نوارة اكمنها صاحبتك 

قامت زهرة بتوتر ومقدرتش تتكلم وترد وكأن صوتها اتمنع بس اللي ردت مكانها نوارة :

لاه طبعا يا اخوي ،، بس صاحبتي حبيبتي وبباركلها ،، خد بالك عليها واوعاك تزعلها حاكم اني اللي هجفلك 

ابتسم بدر من غير ما يرد واخد زهرة وطلع اوضته واول ما دخل وقفل الباب عليهم بص لزهرة وقالها بتنهيدة :

طبعا انتي خابرة بالحديت اللي جالتهولك نوارة خيتي ،، واني مش رايد اظلمك يا بت الناس ولا اني متچوزك عشان انتجم من حد ،،  انا وافجت لما اتجالي انك بنتة زينة وغير كل البنتة اللي عرفتهم ،، احم ،، واظن انتي خابرة عيبي يعني عشان نكون علي نور 

 شالت زهرة الطرحة من علي وشها وبصت لبدر اللي كان باصص ليها بتركيز وكأنه بيكتشف ملامحها واتفاجأ بكلامها ليه وهي بتقوله ......

              الفصل الثاني من هنا