قصة رعب قصيرة من هنا
دي مجموعة مواقف حصلت واتحكت ليا من اصحاب القصة نفسها ... مين مر بالتجارب دي قبل كده احكولي خبراتكم علي رسايل الصفحة .
نبدأ علي بركة الله
عاوزة احكيلك حاجة واتمنى يكون ليها تفسير
من فترة كنت كل م بحلم بحاجة بتتحقق ، خاصة اني كان اغلب الاحلام اللي بتتحقق دي بتكون موت
جدتي والدة امي الله يرحمها ، جدتي والدة والدي الله يرحمها ، عمي الله يرحمه ، جارتنا اللي كان حامل وسقطت وانا معرفش انها كانت حامل اصلا
بس مش ده اللي جاية احكيه
ف فترة من حياتي كان بيحصلي حاجات غريبة ومتكررة ف اوقات قريبة من بعض
اكون داخلة الحمام وفجأة اول م احط رجلي على عتبة الباب يجيلي احساس قوي اني هشوف حد جوة
اكون بنشر الغسيل واسمع قطط بتتخانق ويجيلي احساس قوي ان واحدة منهم هتطول لحد م توصل للبلكونة بتاعتنا (بيت والدي ف الدور التالت)
يكون اخويا تعبان ف نجيبله "شيخ" ، كان جاي هو وواح
د قريبي ولما كان قريبي بينادي علينا من الشباك انا بصيت وقولتلهم يطلعو ، اول م طلعو الشيخ قال مين اللي بص علينا من الشباك ؟ قولتله انا ، قال اني اول م بصيت شاف جمبي حاجة تانية واني دي حاجة ملازماني ، ملازمة مش مس ، ولما لقاني مش مصدقاه وواخدة الموضوع بتريقة حاول يثبتلي بأنه يقرا ع المية ويقولي اشربيها ، قولتله طعمها متغيرش بس هو كان مصمم ان طعمها اتغير ، بعدها خلاني وقفت وغمضت عيني وقعد يقرا قران و حاجات وبعدين يقول لو انت موجود اديني اشارة ، اشارة اقوى ، اشارة واضحة
ماما واخواتي كانو موجودين حوالينا وقالولي انه لما كان بيقول اديني اشارة كنت بميل بجسمي لقدام ، ولما بيقول اقوى بميل اكتر ، وهكذا لحد م حسو اني هقع ع وشي من كتر م بميل ، بس انا مكنتش حاسة بكل ده.
مرة تانية كنت سهرانة بالليل والبيت كله نايم عيني قفلت وانا ماسكة الموبايل بس مكنتش لسة روحت ف النوم ابدا
سمعت صوت جوة عقلي بيسالني لو موافقة انه يظهرلي ، كان عندي فضول اوي اشوفه ف قولتله اني موافقة يظهرلي بس بشرط ميظهرليش بشكل يخوفني (وف عقلي كنت بفكر اني لو خوفت هقرأ قرآن)
لقيت نفسي مش ع سريري لأ على سرير بابا وماما لوحدي ف الاوضة التانية (ف الحقيقة كانو نايمين ف الاوضة جوة)
وضعية جسمي كانت كأني نايمة بس رافعة راسي شوية وباصة لقدام ، حاولت اقوم او انزل راسي ع المخدة مقدرتش ، راسي متثبتة ع الوضعية دي وحاسة فيها بكهربا رهيبة
وبعدين ظهر حاجة قاعدة على طرف السرير جمبي ، وبقول حاجة لأنها مكانتش بشرية ، كانت قصيرة يدوب رجلها نازلة من الطرف حاجة بسيطة وهي قاعدة ع السرير ، كانت اسود ف اسود ولابسة ع وشها نقاب اسود ، ومميلة راسها ناحيتي بتبص عليا
طبعا انا خوفت جدا وقريت الفاتحة ف سري لقيتني صحيت على سريري تاني وحاسة بنفس الكهربا ف راسي و قومت من ع السرير رايحة جاية حوالي ربع ساعة عشان الكهربا اللي ف راسي تروح لأنها كانت وجعاني جدااا
مرة تانية حلمت اني مع فار كبير وعازمني ع العشا ف السفينة بتاعته ، السفينة دي مش ف بحر لا دي ف شارع عادي وليها باب ، لما دخلنا لقيت فيران كتير ف المكان ، سألته مين دول ؟
قالي انهم قرايبه وعشيرته وقعد يحكيلي تاريخ العشيرة كانو فين وراحو فين و هكذا
مرة تانية احلم بحد بيطاردني عشان يعتدي عليا وانا كنت بجري كتير جداااااا واروح أماكن مهجورة استخبى منه فيها لاني مكنتش لاقية مكان اروحه
تاني يوم حلمت بيه تاني بيجري ورايا عاوز يقتلني
تالت يوم حلمت بيه ماسك سكينة وبيجري ورايا وانا بجري منه ، لحقني وعورني فوق كعب رجلي بيها جامد
دلوقتي الحمد لله مبقتش احلم بالحاجات دي ، لكن كل ما يتفتح موضوع ارتباط ميكملش ، يأما بابا مش موافق ، يأما انا بحس انه مش مناسب ومش مرتاحة وبرفض ناس كتير جدا ، يأما بيحصل قبول من ناحيتي ومن ناحية الناس جدا وفجأة بعدها نلاقيهم مردوش علينا
انا معرفش الجزء الأخير له علاقه باللي قبله ولا لا بس بوضح الصورة كاملة
اتمنى حد يقدر يفسرلي الحاجات دي
تابعو قصة برادلي روبرت داوسون من هنا
بدل ماتدور وتبحث علي الروايات خليها علي تليفونك وحمل تطبيقنا
