قصة شبح الغابة كاملة
هل اللي فى الغابة شبح ؟
حصل كل ده في الصيف اللي فات (أغسطس) ، هنا في كارديف ، المملكة المتحدة. في تمام الساعة 7 بليل ، قررت أنا وصاحبي نروح للغابة في هيث بارك ، و كنا حاسين بالملل الشديد في اليوم ده ، وافتكرت أنه كان واحد من أكتر الأيام حرارة على الإطلاق في المملكة المتحدة ، عشان كده كنا حاسين بالحرارة و مضايقين .
مشينا في الغابة وصلنا لشجرة ضخمة ، و قعدنا جنب الشجرة لمدة ساعة تقريبا ، وكانت جنب بركة كبيرة.
في حوالي الساعة 9 بليل ، كان الليل قرب خلاص ، عشان كده قررنا الرجوع للبيت.
قعدنا حوالي 15 دقيقة ماشين على رجلينا للخروج من الغابة ومفيش حاجه حصلت غريبه.
حتى لاحظت شخصية ، على بعد حوالي 200 متر منا ، من المكان اللي كنا فيه .
كنت مستغرب شوية ، لكن مفكرتش فى حاجه اكتر من كده .
بعد حوالي 4 أو 5 دقائق ، بصيت لوراء وشفت الشكل مرة تانيه ولكن في المرة دي كان أقرب ، استغربت لأنه مفيش حد قريب مننا لما كنا عند الشجرة و قررت أن اقول لصاحبي .
افتكر جوش أني كنت بلعب معاه ومصدقنيش ، طبعاً كلامة حسسني خيبه امل .
بعد حوالي 3-4 دقائق ، بصيت مرة تانيه للجنب وكان الشكل ده على بعد حوالي 50 متر بس كان بين النباتات والشجر ، كنت خايف بجد في الوقت ده لأننا مكناش وصلنا حتي نص المسافة و كان الليل قرب .
قلت لجوش يبص حوالينا واحنا مشيين وأن يسرع من خطواتة.
بعد دقائق ، شاف جوش الشكل موجود على الجانب التاني منا وكنا خايفين بجد ، عشان كده جرينا .
لما وصلنا لحقل اللي هيودينا للطريق ، جرينا في نص الطريق تقريبا وبصينا لورا وشفنا احنا الاتنين الشكل واقف على اول الغابة....
جرينا طول الطريق للبيت .
كان الشكل اللي شفنا غريب جدا لأنه في كل مرة شفته ، كان ثابت تماما.
مقدرناش من تحديد وجه الشكل ده ولا جنسه ، كان لابس عبايه زرقا.
رجعت للمكان اكتر من مره في أوقات عشوائية ومحصلش اي حاجه غريبه ، لكني انا و جوش مش هنرجع هناك تاني خصوصا لو الليل بيقرب مره تانيه .