 |
رواية ابنه الراقصه الفصل السابع عشر 17 والفصل الثامن عشر 18بقلم روزا#ابنه_الراقصه بعتذر عن التأخير 🤍 بارتين ١٧ _ ١٨ 🤍 ١٧ 🌟 رامي : مش كان بيض''ربك بالحزام .. اض''ربيه يلاااااا . هدي بدأت تمسك أعصابها وتفتكر كل حاجه عملها معاها من اول يوم وبدأت ملامح وشها تتغير وتقلب للغضب.. في ثانيه رفعت ايديها بالحزام وتض''رب بأقصي قوه فيها . عماد : ااااه ااااه . هدي بصريخ : لييييه لي عملت فيا كدا .. وتوالت ضرباتها حتي تصبب العرق منها وسقط الحزام من يديها وتعالت اصوات أنفاسها وسقطت مغشي عليها . رامي : هدي هدي .. شيلو الكل"ب دا. ودوه بيته . الرجاله شالته ودخلوه بيته ونزلو وسابو الباب مفتوح ..حامد طالع علي السلم خبط في كتف واحد فيهم . حامد : لامؤاخذه يا أخ . حامد كمل طريقه ولسه هيخبط لقي الباب مفتوح . حامد : اي دا هو الواد دا سايب البا.. وقطع حديثه رؤيته لعماد وهو يسي"ل في الد"ماء . حامد بيتكلم في التليفون . ... : في اي يا معلم . حامد : اطلعولي هنا . فتح الباب علي مصراعيه ودخل رجال تكاد العروق تنفجر من اذرعهم . حامد : كملو عليه واضح أن حبايبه كتير . وأمسك به الرجال يض"ربون بكل ما أتاهم من قوه ويرفعونه ويرمونه بكل خفه كأنه بساط لا وزن له .. وهو يحاول الإعتدال قليلا . حامد : خلاص خلاص انزلوا انتو . احدهم : أوامر يا معلم . اخرج حامد مسدسه ووجهه ناحيه عماد و بكل غل أطلق الست رص"اصات في قلبه فس"قط عماد قت"يلا . اسرع حامد بالهروب من باب المنزل . ______________________rose________________ في المستشفي عند هدي . الدكتور : دي صدمه عصبيه وإن شاء الله خير كلها كام ساعه وتفوق . رامي : يعنى خير . الدكتور : ايوه ما تقلقش انا اديتها مهدئ وهتفوق كمان شويه .. بس مش هتخرج النهارده افضل تفضل تحت عينيا . رامي بإستسلام : حاضر . رامي طلع التليفون ورن علي المحامي . رامي : ايوه يا أستاذ . المحامي :خير يا أستاذ رامي .. عندك حاجه تحب تضيفها . رامي : هدي مش هتقدر تتحرك من المستشفي وتحضر الجلسه بكرا . المحامي : خير في حاجه ولا اي . رامي : لا حالتها النفسيه تعبانه شويه والدكتور حجزها . المحامي : طيب طيب .. خليه يعملي تقرير بحالتها وابعتهولي . رامي : حاضر يا أستاذ .. تعبناك معانا . المحامي : لا طبعاا واجبي .. سلملي علي بابا .. هو صحيح في المستشفي . رامي بخضه : ايه مين اللي في المستشفي . المحامي : شوقي بيه .. انت ما تعرفش ولا اي . رامي : لا .. ممكن اعرف العنوان . المحامي : ..... رامي : تمام . _____________________rose_________________ حامد بيجري في الشارع زي المجنون هو مش ندمان علي اللي عمله بس هو عارف كويس انها مش هتعدي علي خير . وصل البيت دخل وقفل الباب . حامد بخوف : غاليه غاليه . لتخرج غاليه من الغرفه شاحبه اللون وقد تمكن منها المرض وتقدم العمر وضاع جمالها وهيبتها وأصبحت هزيله لا تقدر علي الحركه . حامد : انتي واقفه متسمره كدا ليه يا وليه تعالي حضريلي الحمام . غاليه بخضوع تام : حاضر يا أخويا . واتجهت للحمام . عند رامي في المستشفي . رامي : لو سمحت شوقي المر في اي قسم واي غرفه . موظف الاستقبال : تمام ثواني ... قسم القلب غرفه ٢٠٩ رامي : شكرا . رامي وصل عند الباب وخايف يفتح الباب وخد نفس عميق وفتح مره واحده . رامي : بابا .. بابا . فريال : ليك عين تورينا وشك تاني بعد اللي عملته .. تتجوز رقاصه يا رامي هي دي اخرتها .. ابوك وقع من طوله اول ما قولتله .. رقاااصه وتسيب بنت الحسب و النسب .. أقول اي لوالدها انا دلوقتي البنت لسه لحد دلوقتي شارياك انا اعمل اي معاهم دول هيمحو اسمك واسم ابوك من سجلات الحياه لو الجوازه دي ما تمتش . رامي ببرود : خلصتي .. ok انا بقي عايز اعرف انتي عرفتي منين اني عملت حاد"ثه .. يا ماما . فريال بتوتر :انا وانا هعرف منين انك عملت حاد"ثه وبعدين حاد"ثه اي . رامي : طيب نخرج ونتكلم برا عشان بابا. لا نكمل هنا . فريال خرجت هي ورامي .. فجأه اتصدم بيها واقفه قدامه . رامي : انتي تاني يا بنتي خلي عندك كرامه بقي وسيبيني في حالي . لينا بتمثيل : انا يا رامي تسيبني عشان واحده زي دي . رامي : مالكيش دعوه بيها سمعاني كويس .. وبعدين ماما قالتلي انها ما تعرفش اني عملت حادثه اصلا . لينا برقت لفريال وفهمت أنها عايزه تورطها لوحدها لحقت نفسها واتكلمت بسرعه : والله ابدا يا رامي هي اللي قالتلي أنا ما كنتش اعرف حاجه خالص حتي انا ما كنت في مصر اليوم دا . رامي بشك : وانتي عرفتي منين أنه اليوم دا بعينه .. وانتي زي ما بتقولي ما تعرفيش غير منها . فريال : لا ما أنا ما كنتش عارفه انك تقصد الحاد"ثه دي .. هو شوفي كان قالي انك عملت حاد"ثه وانا قولتلها بس نسيت . رامي كدا أتأكد أن في حاجه غلط لأن شوقي والده ما كانش يعرف حاجه عن الحاد"ثه وهدي فهمته أنهم كانو في البيت وهي المدام يبقي هما عرفو اذاي .. رامي حط أيديه علي دماغه وسند علي الكرسي . لينا حست أنه تعبان بتحط ايديها بتلقائية علي أيديه شد أيديه بسرعه . رامي : انتي اي اللي بتعمليه دا .. احنا في مكان عام ما يصحش كدا وبعدين انتي تقربيلنا اي عشان نيجي وتزوريه . فريال : لا طبعا انت مجنون دي خطيبتك وهتبقي مراتك . رامي بعصبيه : اذاي يعني يا ماما . فريال : هو كدا.. يا كدا يا ابوك هيموت مننا . رامي بزجر: طيب الدكتور فين . فريال : عندك هناك. رامي مشي وساب فريال ولينا واقفين سوا . فريال : انتي اي اللي بتهببيه دا . لينا بدموع : اعمل اي زنقني .. ما عرفتش أقول اي . فريال : انتي غبيه .. وهتودينا في داهيه .. اعمل اي انا دلوقتي . لينا بغضب: اقولك انا . فريال : قولي يا ام الذكاء. لينا : نقت"لها. ___________________rose___________________ ايناس فتحت الشنطه واتصدمت . وجدت مصليه بديعه الشكل جميله الرائحه ومصحف مبهج مطرز ومسبحه كرستاليه وراديو به محطات القرآن الكريم .وورق مطويه .. أغلقت الشنطه في دهشه ثم فتحت الورقه المكونه من سطرين . (انا اسف .. انتي جميله القلب و يليق بكي التقي ) ايناس لنفسها : الله .. معقوله كل دا ليا .. بس هو جاب الحاجات دي امتي . حسين واقف ورا الباب وسمعها وهي بتقول ( انا مش مصدقه معقوله هو شايفني كويسه .. الحمد لله يا رب ) وفتح الباب . حسين بهزار : اي دا يست انتي حد يعمل في حاجه الناس كدا . ايناس منهاره بالبكاء . حسين جلس أمامها وامسك بيديها وقربها إليه وطبطب علي كتفها فمالت برأسها علي صدره وهي تتمتم .. ايناس : انت بجد شايفني كويسه يعني أنا مش وحشه و . أوقفها حسين بوضع يده علي فمها . ١٨ 🌟 حسين : بس بس انتي اي نكد ما بتعرفيش تفرحي . ايناس أعتدلت : يعني أنا بقيت كويسه .. صح . حسين بهدوء : ايوه يا ستي انتي كويسه ومحترمه وجميله وتليقي بأحسن واحد في الدنيا .. وعينيكي حلوه بس من غير عياط بقي .وميل بإيديه مسح دموعها . ايناس بخجل : طيب ممكن تدخلهملي ف اوضتي . حسين : ادينا بقي ابتدينا في شغل الخدامين . ايناس ضحكت عليه وهو شايل الشنطه وبيدخلها .. ووخرج من أوضتها و قفلت الباب عليها والفرحه مخلياها طايره في السما . ايناس لنفسها : معقوله معقوله يكون بيفكر فيا .. امال يعني جابلي الحاجات دي لي وفارق معاه زعلي .. لالا هو اكيد انا صعبانه عليه .. طيب اعمل اي بقي عشان اتاكد أنه بيفكر فيا ولا لا .. انتي مش هتجيبيها لبر . .. في الجهه الأخري حسين . حسين لنفسه : اي دا معقوله يكون في إنسان يفرح بالشكل دا عشان هديه بسيطه زي دي .. طيب هي لي فارق معاها تكون كويسه في نظري .. أكيد لا .. ولي لا .. مستحيل .. اممم انا مش عايز اندم ابعد يا شطان .. شيطان اي يا اهبل دي بتموت فيك .. انت ما شفتش بتبصلك اذاي وانت بتتكلم .. دي هتاكلك .. بس هي جميله اوي اذاي ممكن حد يكون في ظروفها دي ويعرف يبقي كويس .. هي ممكن ترجع للطريق تاني .. يوووه اتخمد بقي عايز انام .اي الشياطين اللي بقت بتسهر دي . __________________rose____________________ رامي في بيته وهدي في المستشفي .والتليفون بيرن . ..رامي : الو ...ايه المحامي : بقولك اتق"تل والجثه راحت المشرحه وهيستدعو هدي . رامي : انا رايحلها حالاً. رامي بيجري وبيفتح الباب لقاها في وشه . لينا : اي اي مستعجل ليه يا حبيبي رايحه فين . رامي : امشي من قدامي دلوقتي . لينا بجديه : امشي اروح فين. وزقته وقفلت الباب بالمفتاح ورمته من الدور الخامس . رامي : انتي مجنونه .. اي اللي انتي عملتيه دا . لينا : انا قاعده علي قلبك انت وهيا . رامي : يا بنتي بطلي بقي جنانك دا . لينا : رامي انت بتاعي لوحدي فاهم يعني اي مستحيل هسيبها تشاركني فيك . ثم بدأت في التمايل والدلال .. رامي : يوووه .. ابعدي عني بقي اي بنتي انا مش طايقك . لينا خدت الكلام زي الرصا"ص ودخلت اول اوضه . أما عن رامي فبدأ ينادي علي بواب العماره بيكسر الباب . لينا : الو .. فريال : ها اي طمنيني . لينا بعياط : شتمني وهزقني انا مستحيل اكمل معاه حتي لو سابها .. وهد"مره . فريال بخوف علي ابنها : بس يا بنتي هدي نفسك إن شاء الله ليها حل . لينا : حل اي دا ن.. وهنا سمعت كسر الباب . لينا : مش طايقني بقولك .. دا خرج . فريال : طيب امشي دلوقتي أما تهدي هنتفاهم .. احنا قولنا اي هنطفشها هي . لينا بتصنع للهدوء : ماشي سلام باي دلوقتي . رامي طلع يجري زي المجنون علي المستشفي لقي هدي بتحاول توصله .. فجأه نادي عليها . رامي : هدااااااا. هدي : انت فين كل دا. رامي : تعالي بسرعه .. في موضوع مهم لازم تعرفيه . هدي : لي ما تتكلم . الظابط : أستاذه هدي . هدي : ايوه انا في اي . رامي بيخبط بالكف علي دماغه . الظابط : في استدعاء ليكي من النيابه . هدي بتمسك في ايد رامي : اي لي انا عملت اي . رامي : اهدي اهدي .. اكيد حاجه بخصوص القضيه . الظابط : هناك هتعرف كل حاجه. في القسم . وكيل النيابه : اهلا وسهلا يا استاذه اذي صحتك دلوقتي . هدي : كويسه الحمد لله كان شويه تعب وراحو لحالهم . وكيل النيابه : طيب ممكن توضحيلي اي سبب رفعك القضيه. المحامي : حضرتك مكتوب في عريضه الدعوه . وكيل النيابه : لو سمحت انا بسألها . هدي : حضرتك انا لسه بنت وهو يعني ما ما ... ما تتكلم يا استاذ . وكيل النيابه : مفهوم مفهوم .. يعني ما كانش في اي خلافات تانيه .. ما كانش بيض"ربك مثلا .. ناس غريبه بتجيله .. بيشرب مخد"رات .. اي حاجه تعرفيها بحكم انك زوجته . هدي : والله حضرتك انا ما كملتش معاه اسبوعين علي بعض انا هربت منه عشان كان جايب ستات يعملو اللي هو ما عرفش يعمله . وكيل النيابه : يعني ما تعرفيش عنه حاجه .. امال اتجوزتيه اذاي . هدي : زي ما كل البنات بتتجوز . وكيل النيابه : تمام امضي .. تقدري تتفضلي . برا المكتب . رامي : ها عملتي اي . هدي : كنت هموت من الرعب . رامي : الحمد لله انك جيت في الوقت المناسب . المحامي : انا تحت امرك يا رامي باشا . رامي : طيب نقدر نروح . المحامي : ايوه طبعا .. هما خدو أقوالها .. ومافيش دليل ضدها . رامي : شكرا يا متر تعبناك معانا . المحامي : استأذن انا . رامي .. هدي : اتفضل . هدي : كان بيسألني وهو متاكد اني اعرف حاجه .. هما هيجيبوني هنا تاني . رامي : لو فضلتي تتكلمي كدا واحنا هنا هنتفضح .. أمشي معايا . __________________rose ___________________ ايناس بتسمع مع القرآن في الراديو .. الساعه ٣ الفجر . ايناس : يوووه غلط .. حسين حسيييين . حسين كان في الحمام ودخل أوضته وقفل الباب وراه . ايناس : حسيييين يووه يا حسين تعالي بقي . حسين بيطلع هدومه وولبس بنطلون ومش لاقي تيشيرت أو قميص أو حتي اي حاجه يلبسها . حسين لنفسه : اي يا ايناس دا غسلتيهم كلهم اذاي يعني عايز افهمها دي .. الحمد لله لقيت حاجه وسمع ايناس بتنادي وجايه ناحيه الاوضه كان هيلبس التيشيرت بس خطر ف بالع فكره ورمي التيشيريت تحت السرير وفتح لها الباب ... يتبع .. #ابنه_الراقصه الفصل التاسع عشر من هنا |
بدل ماتدور وتبحث علي الروايات خليها علي تليفونك وحمل تطبيقنا
