رواية الحب الضائع الجزء الثاني الفصل الثامن عشر
_______________________________
تامر : الحق ، يا نهار اسود !!!!!!
طارق : فيه ايه !!
تامر : دخلت على فايل من جهاز وليد هو الوحيد اللى عرفت افتح
طارق : فيه ايه
تامر : رئيس المنظمة حسن
طارق : حسن مين
تامر : واحد اسمه حسن سيد هلال
طارق : طب اتصل ب محمد بلغه
تامر : مانا هعمل كدا
اتصل تامر ب محمد
محمد : ها يا تامر وصلت لحاجة
تامر : عرفت رئيس المنظمة
محمد : حسن سيد هلال
تامر : عرفت منين
محمد : قتلته النهاردة وكان فيه اشتباك يعنى بس اتقتل
تامر : طب اشطا يعنى مانكملش اختراق ل كمبيوتر وليد
محمد : لا لا كملوا ، يمكن يطلع اسم مهم ولا حاجة ، عايز اكون متأكد مية فى المية ان المنظمة دى خلاص
تامر : طيب انا هحاول انا وطارق ، المصيبة الحماية اللى عاملها دى
محمد : حاولوا وبلغونى يا تامر
تامر : خلاص ماشى
________
محمد بصوت عالى : ملك !!
ملك : ايوة
محمد : انا جعان مةتغدتش فين الاكل
ملك : بنعمله انا ويارا اهو ، وماتعليش صوتك كدا الله
محمد : غورى يابت
ملك وهى بتطلع لسانها : لا
محمد يطلع المسدس : ها بتقولى حاجة
ملك : بقول هغور اهو
محمد : جدعة
دخلت يارا وهى تنظر للأرض
يارا بحزن : ماتزعلش منى ، انا غلطانة
محمد : ......
يارا : خلاص بقا
محمد : مش زعلان ، بس صوتك مايعلاش تانى مفهوم
يارا : مفهوم
سحبها محمد من يدها ثم احتضنها و وضع يده على رأسها
محمد : بحبك ، انا عارف ان خالك كان غالى عندك وهو اللى ليكى، بس ده شغلى وغصب عنى ، كان هيموتك والله بالخاتم اللى لبسهولك
يارا : مصدقة ، ربنا يسامحه بقا
محمد : يارا
يارا : ايوة
محمد : طز
يارا وهى تضربه على كتفه : بس يا رخم
محمد بحب : طب مش هناكل ولا ايه ، ده الترقية الجديدة فاتحة نفسى اوى
يارا : خمس دقايق والاكل يجهز
محمد : طيب يا قلبى
________________________________________________
رامى : ها ايه الاخبار
فارس : زى ما هى يا فندم بالاخص حضرتك عملت ايه فى المسؤول عن مشروع الساحل
رامى : هو اسمه ايه بالظبط
فارس : صابر المنياوى
رامى : هاتلى طيب رقمه وسيبنى وانا هكلمه
فارس : طيب ، الرقم اهو حضرتك
رامى : ماشى ، روح انت
اتصل رامى بالرقم
صابر : ايوة ، مين معايا
رامى : انا رامى اشرف يا بشمهندس صابر
صابر : ايوة ، اهلا يا رامى
رامى : بلغنى انك سحبت نفسك من مشروع الساحل ، ممكن افهم الاسباب
صابر : مفيش ، ماعنديش سيولة الفترة دى كافية
رامى : بس اظن ان والدى كان متفق معاك وماينفعش بعد الاتفاق وخلاص هنشتغل تسيب الشغل كدا
صابر : انا كلمت عميل تانى وهو هيخش معاكم
رامى : مين ده
صابر : هو مش مصرى بس عنده سيولة وخبرة فى المجال اكتر منى كمان وهتصل حالا اديله رقمك
رامى : طيب اسمه ايه
صابر : ديفيد تونى
رامى بأستغراب : ديفيد تونى !!
صابر : ايوة
رامى : خلاص هستنى تليفون منه
صابر : تمام ، سلام
رامى لنفسه : ديفيد تونى !!!! سمعت الاسم ده فين قبل كدا !!!!!
رن هاتف رامى برقم غريب من المؤكد انه رقم ديفيد
David: Welcome, Mr. Ramy, I'm David Tony, who
talked about Eng. Saber
Rami: Yes, welcome, Mr
David: Welcome, Mr
Rami: Engineer Saber told me that you will participate in the North Coast project, is not it !!
David: Yes and the money you need is ready, we have to meet in order to agree on everything
Rami: Good, we will meet tomorrow at my office at 6 pm
David: OK, we agreed
الترجمة :-
ديفيد : اهلا مستر رامى ، انا ديفيد تونى الذى تحدث عنه المهندس صابر
رامى : نعم ، اهلا مستر ديفيد
ديفيد : اهلا مستر رامى
رامى : المهندس صابر اخبرنى انك ستشارك فى مشروع الساحل الشمالى ، اليس كذلك !!
ديفيد : نعم والاموال التى تحتاجها جاهزة ، يجب ان نتقابل لكى نتفق على كل شئ
رامى : جيد ، سنتقابل غدا فى مكتبى الساعة السادسة مساء
ديفيد : اوك ، اتفقنا
اغلق رامى مع ديفيد فأتصل به محمد
محمد : يلا يابنى فاضل ربع ساعة على الماتش
رامى : مسافة السكة
محمد : ماشى مستنيك
خرج رامى من الشركة وركب سيارته وانطلق الى محمد
دخل رامى
رامى : ها بدأ
محمد : هيبدأ اهو ، يااارب
ملك : عندى احساس ان الاهلى هيخسر
رامى : بس يا بومة
محمد : يلا يا مؤمن يلا ، يااااه
رامى : يارب
رامى : ايه الدخان ده كله ، يا ولاد الكلب
محمد : بيأثروا على اللعيبة
رامى : والحكم مش راضى يحسبلنا حاجة
محمد : ولا هيحسب ، الماتش هضيع علينا بسبب الحكم
رامى : الوقت خلص والماتش وقف اكتر من ربع ساعة محمد : هيدى عشر دقايق وقت ضايع ، ده المفروض
رامى : ****** اية ده ، 3 دقايق
محمد : نعم !!! ، يا حكم يابن ال*****
رامى : يارب حتى نجيب التعادل
محمد : صفر قبل ما يكملوا ال 3 دقايق
رامى : حراام ، الحكم يضيع منا افريقيا
محمد بضيق : حكام افريقيا كدا ، اقفل التليفزيون ده ، حاجة تشل
رامى : ما تسألنا بواب كدا بيعملوا ايه فى الظروف دى
محمد : مش عارف يا جدع بيستحملوا الخسارة كدا ازاى ، لا ويقولك سنظل اوفياء ، ادينا راجعين الدوري تانى وهنحط الجزمة فى وش كل واحد وهنخرسهم
رامى : اللى مضايقنى افريقيا اللى ضاعت
محمد : مش مكتوبالنا ، منه لله الحكم
رامى : اعمليلى يا ملك قهوة دماغى مصدعة
ملك : حاضر
رامى : اوعى رجلك انت كمان علشان مضايق
محمد : جرا ايه يا روح امك مانا مضايق انا كمان
رامى : انا اكتر
محمد : لا انا اكتر وانا اللى هكسب المسابقة دى
رامى : ماتتريقش
محمد : طب بص قدامك
رامى : مانا باصص زفت قدامى
محمد : مالك عامل زى البطة المحمرة كدا ليه
رامى : مفيش الشغل وادى الماتش كمل اليوم
محمد : ماله الشغل
رامى : صابر المنياوى اللى داخل معايا مشروع الساحل ساب المشروع علشان مامعهوش سيولة ودبسنى فى واحد اجنبى
محمد : هههههههه محدش بيعملك حساب
رامى : مش بهزر ياعم ، مش عارف هتعامل مع ديفيد ده ازاى
محمد : واسمه ديفيد كمان
رامى : ديفيد تونى ، الاسم ده سمعته بس فييين
محمد : ديفيد تونى !!!! ، سمعت الاسم ده منى ، صح !!!!!!!
رامى : ايوة صح افتكرت
محمد : نعم احسن يكون ديفيد بتاع العصابة !!
رامى : مش انت بتقول قتلته !!
محمد : ايوة ، بس الناس دى بألف روح
رامى : هتعملى فيها ظابط بقا وشاكك فى الراجل
محمد : هتقابله امتى
رامى : بكرا فى مكتبى
محمد : هكون معاك وقت ما تقابله
رامى : ماشى
محمد : لو طلع هو هحبسك بتهمة انك مع المنظمة
رامى : وماله ، علشان اختك تنتحر وانت تشيل زمبها
محمد : انت ايييه يابنى ، اعوذ بالله منك
رامى : ايه ياعم شايفنى شيطان قدامك
محمد : هى فين يارا صحيح ، اتفرجت على الماتش وراحت فين
رامى : انت بتسألنى انا
___________________________________
تامر : ايه الناس دى ، مأمنين كل حاجة
طارق : انا باينلى كدا فتحت فايل
تامر : فيين
طارق : اهو
تامر : ديفيد تونى ، الشريك الاساسى للمنظمة ، فاتح شركة ديكور فى مصر
طارق : من المنظمة ده !!
تامر : معرفش لان قدامى فيه اتنين بالاسم ده والاتنين فاتحين شركة ديكور فى مصر
طارق : بمعنى !!!
تامر : مش عارف ، ننام دلوقتى والصباح رباح بقا
__________________________________
عاد رامى الى منزله ودخل محمد غرفته فوجد يارا تبكى على السرير وعندما دخل محمد مسحت دموعها
محمد : مالك يا يارا بتعيطى ليه
يارا : مفيش ، عينى بس وجعانى
محمد : عليا بردو !! ، ده انا اكتر واحد عارفك ، قولى بقا بتعيطى ليه
يارا : خايفة اوى يا محمد
محمد : من ايه
يارا : خايفة تسيبنى ، ماليش حد خالص دلوقتى ، انت كل حياتى ، انت ابويا واخويا وحبيبى وجوزى
مسح محمد لها دموعها وقال : مش هسيبك ابدا يا يارا ، انتى حياتى ، طب انتى عارفة ، انا لما كنت بتخانق معاكى الصبح كنت بعاند، مش قصدى اتخانق بس بعاندك ، بحبك والله مش هسيبك ، مفيش حاجة هتفرقنا غير الموت
يارا : ربنا يخليك ليا
محمد : وحشانى موت
يارا : وحشاك ازاى مانا جمبك على طول
محمد : لا فهمتينى غلط ، قصدى وحشانى هاااا
يارا : اهدى بقا يا مودى
محمد : لا مودك مش هيهدى ، انتى هتهزرى ولا ايه، ده اسبوع عسل يا ماما بعده هروح الشغل وهشوف مجرمييييين
___________________________________________
رامى : شهد !!!
شهد : ايوة شهد اللى انت مابتردش عليها
رامى : ايه اللى جابك دلوقتى
شهد :انت نسيتنى يا رامى !! ، علشان بحبك !!!!
________________________________________________________________________________
