رواية الحب الضائع الفصل الثاني والعشرون
_______________________
عاد محمد من العمل مرهق من ما رأه طوال اليوم واولهم ذلك الكمين الذى نجا منه بأعجوبة والبحث الشاق .
دخل الى الفيلا فإشتم رائحة طعام شهية جدا وكان جائعا
محمد لنفسه : إيه ريحة الاكل الجامدة دى
نزلت ملك من اعلى
ملك : ايه ده انت جيت يا مودى
محمد : ايوة ، بس قوليلى ايه الريحة المغرية دي علشان انا جعان
ملك : يلا بس تعالى ساعدنى انا ويارا نحط السفرة وهقولك
ولا اقولك استريح علشان دراعك
محمد : لا هساعدكم
ساعدهم محمد فى تحضير السفرة وجلسوا
محمد وهو يتذوق الطعام : الله ، ايه ده انا ماكلتش اكل حلو كدا من ساعة وفاه ماما الله يرحمها
مش معقولة انتى يا ملك خاااالص
ملك : ايوة علشان يويو هى اللى عاملة الاكل
محمد بحب : بجد تسلم ايدك يا يارا ، الاكل تحفة
يارا بكسوف : بجد حلو
محمد : جدا ، يااااه ده انا بعد الايام علشان تبقي مراتى والاكل والحلاوة دى كلها تبقى ليا
ملك : ماينفعش تقول كدا وانت لسة ماكتبتش الكتاب
محمد : وانتى مالك انتى يا رخمة
ملك : الله ، مش انت بتقول كدا ل رامى لما يجى يقولى كلام حلو
محمد : كدا انا كدا ، اطفحى بقا علشان مالبسكيش طبق الشوربة ده
ملك : بس اسكت، انت بتموت فيها ، مش هيهون عليك ترميها فى وشى
محمد : صح طبق الشوربة اهم من انى ارميه فى وشك يا روحي
ملك : عاجبك كدا يا يارا ، صاحبتك بتتهزق قدامك وساكتة
يارا : انا مالى يا ستى ، اتنين اخوات بيتخانقوا
محمد : شوفتى العقل
ملك : خلى بالك رامى هيضربك
التفت محمد بسرعة ولكن لم يجد احد فضحكت ملك بصوت عالى
محمد : اه يا كلبة ، ماشى استنى اخلص اكل بس
ملك : بس ماكنتش فكراك هتيجى بدرى كدا
محمد : ماكنتش هاجى خالص
يارا : ليه
محمد ممازحا : كنتوا هتسمعوا خبر تفجيرى على التلفزيون
يارا : ايه، انت بتهزر
محمد : لا ، والله كنت هموت النهاردة وخدت بالى فى اخر لحظة
وحكى لهم محمد ما حدث
يارا بخوف: الناس دى مش هيسيبوك فى حالك انا عارفة
ملك : ايوة والمرة دى جت سليمة لكن المرة الجاية الله اعلم
محمد : ربنا يستر ، لو مكتوبلى حاجة هشوفها
يارا : خلى بالك من نفسك
محمد : خايفة عليا !!
يارا بكسوف : ايوة
محمد : بحبك
ملك : نحن هنا
محمد : يحرقك يا شيخة
____________________________
خالد : ايه يا كيمو قاعد سرحان كدا ليه
كريم : بفكر فى شوية مواضيع كدا
خالد : مواضيع ايه
كريم : ماتشغلش بالك انت
خالد : بخصوص يارا بردو
كريم : حاجة زى كدا
خالد : وناوى تعمل ايه
كريم : لسة مش عارف ، بس ادينى بفكرلها فى حل اهو
_____________________
رشدى : يااااه اخيرا وصلنا
دولت : الحمدلله ، تصدق يا رشدى وحشتنى البلد اوى ، بقالنا 10 سنين ما بننزلش مصر
رشدى : ايوة علشان كدا المرة دى هنطول هنا شوية
دولت : مى نامت يا عينى
رشدى : اطلعى نيميها على سريرها وشوفى الدادة اللى جايبها تخلى بالها منها عقبال ما نخلص المشوار ونيجى
دولت : حاضر
______________________
محمد : ايه ده ، عمى ازيك ، يااااااه من 10 سنين ماشوفتكش
رشدى : وحشتنى يا محمد والله
محمد : قولى بقا ايه اخبار باريس
رشدى : حلوة وتمام
محمد : ايه يا دودو بقى تنسينا كدا ، عمى نسى وتنسى أنتى كمان
دولت : والله يا محمد مشغولين بطريقة كبيرة ولسة رشدى كان بيستقر على شركته الجديدة وبيظبطها ولحد ما وقفت على رجليها
محمد: وايه اخبار مي اللى انا معرفهاش غير من على النت
رشدى : كويسة الحمدلله وسيبناها نايمة فى البيت
محمد : لا لازم تجيبوها المرة الجاية علشان عايز اتعرف عليها
رشدى : من عينيا ، امال فين ادهم
محمد : مانت عارف يا عمى هتلاقيه فى الشركة
رشدى : طول عمره بيحب الشغل
محمد : اوى
رشدى : انا هروحله
محمد : خلاص هوصلك فى طريقى ودودو هتقعد هنا مع ملك ويارا ، اه صح نسيت اعرفك ب يارا
وقام ونادى على يارا وملك وبعد سلامات واحضان من ملك
محمد : دى يارا خطيبتى يا عمى وقريب جدا هنتجوز
رشدى : ما شاء الله ، ربنا يخليكم لبعض
محمد : يلا بينا بقا و دودو خليها مع يارا وملك
رشدى : ماشى يلا بينا
_______________________________
رشدى : قولى يا محمد ، هى خطيبتك قاعدة معاكم فى البيت ليه
محمد : يااااه دى حكاية طويييلة
وحكى له محمد كل شئ منذ البداية فى الطريق
رشدى : ياااه دى حكاية كبيرة اوى ، الله يكون فى عونها ، فقدت ناس كتير اوى
محمد : ايوة ، ومن ساعة اللى حصل ده علشان اامنها قاعدة فى الفيلا مع ملك فى اوضتها
رشدى : ربنا يتمملك بخير وتتجوزوا
محمد : يارب
____________________________
دولت : ياااه دى حكاية صعبة اوى
يارا بحزن: هو ده اللى حصل
دولت : اسفة انى فكرتك
يارا : لا ابدا ، احنا خلاص هنبقا صحاب واخوات كمان
دولت : وانا يشرفنى يا يويو
يارا : تسلميلى يا دودو
دولت : ده مى لما تشوفك هتحبك اوى
يارا : المرة الجاية هبقى اتعرف عليها
___________________________
ادهم بفرحة وحضن لرشدى : اييه ده رشدى ، عاش من شافك يا راجل
رشدى : وحشنى اوى يا ادهم ، بقالنا 10 سنين مابنتقابلش
ادهم : مانت اللى مبلط هناك فى باريس ومش عايز ترجع
رشدى : والله الشغل بقا وانت عارف
ادهم : الله يكون فى عونك
رشدى : يارب ، قولى بقا ايه الاخبار والمستجدات وكدا
ادهم : هحكيلك يا سيدى
________________________
كريم : ايه هدهد كيفك
هدير : تمام يا كيمو
كريم : ايه مابتجيش غير لو فيه مصلحة
هدير : كدا ظالمنى على طول يا كوكو
كريم : كوكو كمان ، ده انا اتأكدت كدا ان فيه مصلحة
هدير :اه الصراحة فيه
كريم : بخصوص محمد و يارا صح
هدير :ايه الدماغ دى ، عليك نور
كريم : وايه بقا اللى عايزاه بخصوص الموضوع ده
هدير بدلع : صبلى بس كاس وهشرحلك خطتى بالتفصيل
كريم : ماشى يا دودو
______________________
رامى : اعمل حسابك بكرا يا بابا لازم نتفق على الخطوبة
اشرف :انت مستعجل كدا ليه وبعدين مش شايف الظروف اللى هما فيها ومحمد متصاب
رامى : ما هو قام يا بابا وبعدين عايزين نخلص بقا فى السريع
اشرف : ماشى ، قولى صحيح مشروع الساحل قدرت تكسبه ولا لسة خايب
رامى : لعلمك بقا كسبته وكسبت مشروع السخنة كمان وهبدأ الأسبوع الجاى تخطيط
اشرف : كويس
رجاء : شطور يا رامى
رامى : اه يا ماما انتى حسستينى انى عملت واجب الحضانة
اشرف : هههههههه مانت فعلا طفل
رامى : مقبولة منك يا حاج
_____________________
=The best solution is to kill him !!!
-No, not now, all we wanted was the papers but now they are in his hand so all these puzzles will be canceled and we will use the element of surprise
__________
حسام : مسكنا عيل يا محمد من اللى اتهجموا عليك
محمد بفرحة : بتقول ايه هو فين ومسكتوه ازاى
حسام : كنت معين ناس تراقب المكان وسمعوا واحد على القهوة بيتكلم عن الموضوع ده ومسكناه وطلع فعلا من اللى اتهجموا عليك
محمد : طب دخلهولى
حسام : محمد بلاش عصبية
محمد : ماتقلقش
حسام : عبدالغفار ، هات المسجون
محمد : احسن يروح يلاقيه انتحر او اتقتل
حسام : محدش يعرف اننا مسكناه ، يعنى هو اختفى فجأة بالنسبالهم
دخل عبدالغفار وبيده المسجون
محمد : روح انت يا عبدالغفار
ويقوم محمد ويتجه نحو المتهم
محمد : اسمك ايه
مرزوق : مرزوق يا بيه
محمد : طبعا عارفنى ، وعارف شكلى ، صح ولا ايه
مرزوق : ايوة يا باشا
محمد : حبيبى ، انت كدا تعجبنى لما تتكلم ، وماكنتش عارف انك بتهجم على محمد ادهم السيوفى !!!!
مرزوق : والله يا باشا قالولى اضربوه وسيبوه ولما عرفت ان حضرتك ظابط كبير ورفضت هددونى
محمد : هما مين بقا !!!!
مرزوق : مفيش يا بيه ، معلش مانمتش
محمد : اممممم هتبتدى تضايقنى ، وانا لما بتضايق ايدى بتاكلنى ولما بتاكلنى لازم انزلها على قفا واحد ولا عندك علاج تانى
مرزوق : مقدرش اعترف على حد يا باشا هيقتلونى
محمد : محدش يعرف انك اتقبضت عليك يعنى ماتقلقش وانا هحميك
مرزوق : حاضر يا باشا
محمد : هااا مين اللى قالك انت واللى معاك تتهجموا عليا وتضربونى !!!!
مرزوق بخوف : ك .. ك كريم
محمد : كريم مين
مرزوق : كريم رشدى
محمد بصدمة : كرييييم !!!!
_________________________________________________________________________________________________
