رواية جريمة عشق الجزء الرابع الفصل الرابع والعشرون
™ مرت عليَّ ليالي كُنت أشهق فيها من كثرة البُكاء، راودتني أفكار مُفزعة، هجرني النوم، أكل الحُزن قلبي في صمت، ضاقت الأيام بي ذرعًا ومن ثُقلها ظننت أنها ستودي بي؛
.. لكن ثمة شيء ما بداخلي كان مُطمئِن، كان يثق أنها ستمُر دون ضرر أو ضرار، أن رحمة الله أوسع من كُل هذا الحِطام.
اليوم؛ وبيقين ناسك مُتعبِد أقول : " والله لن تخذُلك الدُنيا وبين ضلوعك قلب مُتعلق بالله ".
فالحمدٌ لله ع حُزن يؤلم القلب؛ لكنه يوقظُه، الحمدٌ لله الذي يُعاملنا برحمته ليس بذنوبنا، يغفر لنا وإن كُنا لا نستحق، يرحمنا ونحن من ظلمنا أنفُسنا. الحمدٌ لله الذي يخشى علينا من ظُلم أنفسنا؛ فيؤدبنا بالإبتلاء.
مدونه/ميراث العشق ... #ميرو M/T
______________________________________
بسم الله نبدأ .
أسم الكاتبة الحقيقي : شريهان ابراهيم.
الإسم الحركي للكاتبة : مريم نصار.
فيلا العدوي ..
تانى يوم الخطوبه . الساعه ٤ العصر .
عند ميرو ..
ميرو : بتكتب .. ™ .لا ينضج المرء بالنصائح، لا يتغير بالمواعظ، لا يتعلم من تجارب الأخرين..
ولكن ينضج ويتغير ويتعلم . المرء حين يقطع الفقدان جزءًا من قلبه..
وينحني ظهره من خذلان أحبائه..
وتكسو التجاعيد ملامحه من قسوة التفكير..
وتتهاوى طاقته ويصبح هش بجسد هزيل من الركض ف الطرق الخاطئه.
ينضج المرء حين تقطفهُ الحياه من جذوره . M/T
وقفلت المفكره . وقامت خبتها ف هدومها وقفلت الدولاب . وقعدت ع السرير بتعب كبير . وفتحت درج الكمود وجابت مسكن . واخدت برشامه .وقفلت الاضاءه ورجعت بضهرها ع السرير .. وغمضت عينيها .. وبتحاول تركز وتفتكر ايه الل حصل ف اليوم ده ..
فلاش باك .
تيم : مش لازم تطلعى برا . انتى ممكن تتكلمى جوه الفندق .
ميرو : معلش ياتيم سبنى برحتى . وبعدين انا مش عايزه اكون عزول اكتر من كده ههههه . ثوانى وراجعه . واخدت الفون وخرجت قدام الفندق لانها حاسه انها مسجونه ف وجود كامليا ..
.ونزلت السلم وعدت الطريق التانى ومخنوقه . وبتتمشى ولمحت استراحه . وراحت قعدت .
راجل عجوز : جه عليها وقال بتعب ... السلام عليكم.
ميرو : بصت بخوف لكن شافت راجل كبير ف السن وبيترجف ومش قادر يقف . وقالت وعليك السلام.
العجوز : معلش يابنتى انا ماشي مشوار طويل اوى وحاسس انى خلاص معتش قادر . تسمحيلى اقعد وبينهج ..
ميرو : بعفويه . طبعا ياعمو اتفضل حضرتك . تحب اجبلك اى حاجه تشربها ..
العجوز : بحزن شديد متشكر يابنتى كح كح . والله انا حالى ميسور ميغركيش شكلى ده .
.بس ولاد الحرام بقى سرقو العربيه بتاعتى بشنطة الفلوس الل فيها .. ومن الصبح دايخ وماشي ع رجلى ومش عارف ارجع حقى. كح كح . كح كح .
ميرو : بقلق . واضح إن حضرتك تعبان جدا . ثوانى هجبلك ازازة ميا من المحل ده .
العجوز : ربنا يباركلك يابنتى والله شكلك بنت حلال . معلش هتعبك . هتعبك معايا .
ميرو ؛ ولا تعب ولا حاجه .. ثانيه واحده حضرتك خليك هنا . وراحت المحل جمب الاستراحه . واشترت عصير وميا وحجات تانيه . ورجعت شافت العجوز بيكح كتير بتعب . واتأثرت وزعلت جدا عليه . وقالت اتفضل حضرتك .. وحطت الشنطه جمبه ..
العجوز : متشكر جدا . ربنا يكرمك يارب . ربنا يوقفلك ولاد الحلال ويحميكى يابنتى من كل شر . شكرا يابنتى .
ميرو : ابتسمت بعفويه . متشكرنيش وإن شاء الله ربنا هيرجعلك حقك من تانى . بعد اذنك انا لازم امشي ..
العجوز : اتفضلى يابنتى ومتشكر تانى مره ..
ميرو : ابتسمت فرصه سعيده . ولفت ضهرها وشافت شاب واتخضت وجت تتحرك . لكن بعد كده محستش بأى حاجه . ولما فاقت كانت ف الشقه ..
ميرو فاقت من شرودها .
. وعيطت بوجع كبير . وقالت اكيد الراجل العجوز و الشاب ده هما الل عمله فيا كدا . حسبي الله ونعم الوكيل فيهم .
حسبى الله ونعم الوكيل فيهم ..
.وكملت بحيره .. بس . بس هو مين ويعرفنى ازاى؟ والفون كان معايا . ازاى راح لتيم ؟ .
وتيم شافنى وانا ف الس.....ومقدرتش تكمل وعيطت بوجع كبير . اااه انتى انتهيتى يامريم .
.كل حاجه انتهت. تيم شافك ف اسؤ صوره . وجبتى العار لعيلتك ... وشهقت بخوف العيله؟العيله يامريم ؟
بابا آدم لااا بابا وماما والعيله . مستحيل يحصلهم حاجه وحشه بسببى . دول لو عرفوا ممكن يجرالهم حاجه .
وحطت وشها بين ايديها وعيطت بوجع . انا مديونه لتيم بعمرى كله .
. وبعد شويه من التفكير .
قامت بتعب وكانت هتقع وسندت ع المكتب .. ودخلت الحمام واخدت شاور وهي ف نفس حالة التيه الل هي فيه ولبست. واتوضت . وخرجت ولبست الاسدال وصلت العصر ودموعها ع خدها بترجي كبير . بالستر.. . وسجدت لله وعيطت بهستيريا ودعت ربنا كتير بالستر للعيله الل متستاهلش انه يحصل معاها كدا بسببها حتى لو غصب عنها . الناس ليها الظاهر وبس . وقالت بشهقة وجع . اللهم وإن استحالت بأمرك تكون ..
------------------بقلمي مريم نصار.
عند آدم ..
راجع من المسجد بعد صلاة العصر . ونده ع زينب ..
زينب : جت بسرعه تحت امرك يسي آدم بيه..
آدم : اعملى فنجال قهوه وابعتيه ع الجناح .
زينب : حاضر من عينيا .. واتحركت ..
آدم : طلع . وشاف مريم بتسبح وهي ع سجادة الصلاه . وخرج قعد ف التراس ..
مريم : قامت وبتستغفر . وشالت السجاده . ولبست النقاب . وطلعت ل آدم ف التراس .. وابتسمت ..
آدم : ابتسم وشاور ليها . تعالى اقعدى جمبى هنا.
مريم : قعدت جنبه تقبل الله ياحبيبى.
آدم : منا ومنك ياروحي .
مريم : حطت ايدها ع ايدو وقالت بسعاده . تعرف يا آدم . فرحتى من امبارح متتوصفش .. فكرتنى بفرحتى لما فهد اتقدم ل رينو .. وكمان محمد ونور.
آدم : بضحكه . الزمن بيعيد نفسه مع اختلاف الظروف . ومشيئة القدر ..
مريم : اه عندك حق والله . يارب يجعل القدر كله خير لاولادى واحفادى . وبجد عايزه اطمن ع آدم .
آدم : بغمزه .. انا عن نفسي ماعنديش مانع . وهعدل بينكم والله. هههههههه..
مريم : كشرت عينيها بغيظ وغيره .. نعم يسي آدم سمعنى كدا قولت ايه؟
آدم : بمكر . اله هو انا بعمل حاجه غلط يامريومه ..
مريم : اتنفست بغيره . لأ مابتعملش حاجه غلط . بس ف شروط عشان تتجوز تاني . وبعدين انت مستنى ايه؟روح اتفضل اتجوز ..
آدم : ههههههههه اله مش انتى الل عايزه تطمنى ع آدم .
مريم : بنرفزه ... وبعدين بقى . استغفرك ربي و اتوب اليك . انت شكلك عايز تشوف وشي التانى ..
آدم : ضحك بصوته كله . هههههههههه
مريم : بنرفزه اكبر .. لاا بقى انت بجد مش طبيعي يا آدم الله يهديك ويعدى اليوم ده ع خير ..
آدم : باس ع أيدها بضحكه . خلاص اسف ياروحي . وبعدين هو انا مجنون .. عشان افكر بس مجرد تفكير انى افكر بس في فكرة انى افتكر ف خيالى؟ ده حتى الفكره مرفوضه والله .
مريم : هههههههههههه ايه كمية الافكار دي يا آدم..
آدم : بغيره ..همس ف ودنها طيب وطى صوتك عشان الحرس . وعشان ماقلبش عليكى ..
مريم : ضحكت بسعاده . لسه بتغير عليا ؟
آدم : بص ف عينيها ومسد ع حجابها بحنان. وقال.
.أنتِ تشبهين الكثير من الأشياء ، أو ربما أنا فقط أفكر بكل الأشياء ع أنها أنتِ.. انتِ عمر آدم وقلبه . انتِ روح آدم يامريم .
مريم : قلبها دق بحب كبير وعيونها لمعت من السعاده . وباست ع ايدو بحب كبير وقالت لاحرمنى الله مِنك ابد الدهر يارفيق الدرب ..
آدم : اتنهد بحب وباس جبينها وحاوطها من كتفها واخدها ف حضنه وبصو للسما ..
ف نفس الوقت :
تيم : سايق ورايح ع فيلا العدوي .. وكامليا كل شويه تتصل عليه وهتتجنن من قلة رده عليها .
زينب خبطت : ودخلت بعد ما آدم اذن ليها . وراحت التراس . وحطت الصينيه . وقالت ..
. اتفضل يسي آدم بيه . قهوتك . وكمان عصير لست الكل . وقولت وانتو قاعدين ف الفسحايه دى زى كل يوم . اجيب طبق كيكه كدا وشوية بسكوت عمايل ايديا . وبالف هنا ع قلوبكم يارب ..
آدم : ضحك فسحايه يازينب؟
زينب : ضحكت .. ايوه مبحبش انا الكلام المتزوق ده يسي آدم بيه .
.هي بلكونه بس واسعه حبتين . لأ هي مش حبتين وبس الله اكبر ف عينيا يعنى دى شقه ٣مطارح وصاله كبيره .
.وزمان كان اسمها ڤرندا . بس الناس من قلة الشغل ومش لاقين حاجه يعملوها كل شويه يطلعو اسم جديد . لما هبلونا معاهم .
مريم : ههههه الله يجازيكي خير يازينب ..
زينب : بابتسامه وانا هعوز ايه من الخير غير وجودي معاكى ياست الكل يانوراتنا ..
مريم : تسلمي حبيبتي ..
آدم : ابتسم .. وقال . زينب . جوه ع التربيزه ف مرتبات البنات وكل ظرف مكتوب عليه الاسم وفوق منهم شهر زياده مكافآه بمناسبة خطوبة حفيدتى . خديهم كلهم ووزعيهم عليهم ..
مريم : ده غير هديتى ليكى انتى والبنات يازينب . وكمان فستان ل دعاء وطقم ل احمد ..عشان الفرح.
زينب : زغرطت من الفرحه .. الهي يسعدك ويزيدك من فضله يسي آدم بيه انت وست الكل . الهي يبارك فيك وفيكي يست مريم الهى.....
آدم ومريم . اتخضو من الزغروطه المفاجأه . وضحكو عليها . وقال خلاص . خلاص يازينب..
زينب : حاضر انت تؤمر أمر والله يسي آدم بيه . وقالت اهو سي الدكتور تيم بيه العريس وصل اهو .وبسم الله ماشاء الله عليه زى القمر محروس من عيون الناس يارب .
مريم : بصت ع الجنينه . وابتسمت وقالت ايوه فعلا تيم.
.وجاى عشان ياخد ميرو ويشترو فستان الفرح . وانتى خارجه يازينب ياريت تبلغى ميرو تجهز وتلبس لو سمحتي ..
زينب : من عينيا حاضر ..
آدم : وابعتى تيم ع هنا يازينب .
زينب : أوامرك يسي آدم بيه .ودخلت واخدت المرتبات .
. ومبسوطه جدااا . وبتدعي ليهم بالبركه وطول العمر . وبلغت ميرو تلبس . وقالت لتيم يطلع فوق .
تيم : طالع ع السلم . بيأس ومحبط . ووصل الجناح وخبط . ودخل للتراس. وسلم عليهم. وقعد ع الكرسي قدامهم ..
آدم : عامل ايه ياتيم ؟
تيم : هز راسه بابتسامه زى الفل يابابا. وانتى ياست الكل ؟
مريم : الحمد لله يانور عيني . ايديك عامله ايه دلوقتى؟
تيم : ابتسم بتمثيل . تمام . ماما غيرت ع الجرح وعقمته . متقلقيش ع حفيدك ..
مريم : ربنا يريح قلبك يابن قلبى يارب .
تيم : ابتسم بوجع . وبص بعيد كأنه بيقول خلاص قضي الامر بالوجع ..
آدم : بهدوء .. تيم يبنى كنت عايز اقدملك هديتى ليك . هدية جوزاك انت وميرو ..
تيم : ابتسم بحب . وجودك انت وماما بخير دى اعظم هديه ليا يابابا وانا مش عايز غير كدا..
آدم : ربت ع كتفه . حبيبى ياتيم طول عمرك راجل جدع .
.لكن انا مجهز للهديه من زمان ليك . انت ابن نور . ونور دي ليها مكانه خاصه ف قلبى . دي الغاليه حبيبة ابوها .
تيم : ابتسم . ودي اجمل حاجه .انى حفيدك..
آدم : ابتسم .. هديتي ليك الفيلا الل انا صممتها بنفسي . جمب فيلا آدم حفيدي ..
تيم : رفع عينيه بدهشه .. لكن قال آسف يابابا . انا....
مريم : بزعل . كدا ياتيم ؟ عايز تزعلنى انا وجدك ؟
تيم : غمض عينيه واتنهد بتعب . ماما انا مقدرش ع زعلك . لكن معلش انا عايز استقر ف شقتى .
مريم : بصت ل آدم بحزن وسكتت .
تيم : اتنهد بزعل وقام قعد جمبها . وباس أيدها . طيب متزعلش منى انا طبعا عمري مارفض ليكى طلب . بس ايه رايك . انى اعيش ف الڤيلا دي بعد سنه ؟
آدم : بتفهم . تمام وانا معاك ف قرارك . خد وقتك وبعد السنه ان شاء الله . ترجع تعيش ف ڨِلتك .
تيم : بثبات .. متشكر جدا يابابا. ها ياست الكل لسه زعلانه . وبعدين انا عريس جديد يعنى وكدا ههههههههه ..(وقلبه بيصرخ )
مريم : ربتت ع ايدو . ربنا يوفقك يانور عيني ويجعل الفرح رفيق دربك . وينور بصيرتك ديما .
تيم : بشبح ابتسامه . آمين ..
ميرو : وقفت قدام المرايا وقت طويل . وسرحانه . ف انها لازم تقول لتيم الل حصل وحطت لمسات خفيفه جدا تداري ملامح الحزن وكمان تحت عينيها. ولبست فستان رقيق باللون الموڤ وكان مظبوط عليها. ولبست حجاب واخدت الشنطه والفون وخرجت راحت ع جناح آدم تسلم عليهم.
مريم : ل تيم .. هي نور مجتش معاك ليه هي وتمارا؟
تيم : ماما ف المستشفى مع بابا . وتمارا مع ليليان ف الشركه . عشان هيروحو سنتر التجميل ..
مريم : بسعاده .. ربنا معاهم يارب ..
تيم : يارب . وقام عشان يقعد مكانه . وبيلف شاف ميرو قدامه بالظبط . وعيونهم اتقابلت ف عيون بعض.لثوانى .
ميرو : كانت هتخبط ف تيم . لكن وقفت مكانها . ورفعت عينيها بالصدفه وشافت عيون تيم الل وحشينها جدا .
تيم : انتبه . وبص بعيد..
ميرو : من الاحراج .. وشها بقى احمر جدا واكتمل جمالها مع لون الفستان .
مريم : ضحكت بسعاده بسم الله ماشاء الله تبارك الرحمن عليكى ياحبيبتى .. شايف يا آدم ميرو زى البدر ..
آدم : ضحك . طبعا هذا البدر من ذاك القمر . هههههههه..
ميرو : بلعت ريقها بتوتر . وابتسمت بتمثيل . احم م...مساء الخير ..
كلهم مساء الخير ..
ميرو : سلمت ع آدم ومريم . وواقفه مرتبكه ..
آدم : حس بيها . وقال يلا ياتيم . خد خطيبتك واختاروا الفستان . انا مرتب لكل حاجه هناك . وياريت ترجعو بسرعه ..
تيم : بخنقه .. حاضر يا بابا . بعد اذنكم .. وبص بعيد وقال ل ميرو . اتفضلى ...
ميرو : بشبح ابتسامه . ودعهتم وخرجت ..
------------------بقلمي مريم نصار.
ف الجهاز ..
آدم مراد : قاعد ع كرسي المكتب ومرجع راسه لورا . وحاطط رجليه ع المكتب . وافتكر امبارح وقت الخطوبه ..
فلاش باك ..
بعد العشا . آدم مراد قام راح الحمام يغسل ايديه .
وكانت آرين خارجه من الحمام .ولابسه فستان مستردا وبتنشف ايديها . واتحركت.
آدم مراد : آريين ..
آرين : وقفت مكانها وفتحت عينيها بدهشه وبصت حواليها ومشافتش حد . وهمست تؤ انا بقى بتهايألى حجات كتير جدا . ودلوقتي سمعت صوت آدم . اووف واتحركت ..
آدم مراد : آرين..
آرين : تنحت . ولفت ضهرها واتخضت بسم الله . ايه يا آدم والله حرام عليك كدا انت بتطلع من تحت الارض؟..
آدم مراد : بتحذير . مفيش خروج بكره مع تيم ومريم ..
آرين : بغيظ كبير نعم؟ ليه بقى ؟ انا عايزه اختار فستان ليا انا كمان . وبابي ومامي موافقين انى اروح معاهم ..
آدم مراد : بثقه . بس انا مش موافق ..
آرين : خبطت برجليها ع الأرض مكانها والله حرام عليكو بقى. خلصت من تيم هتطلعلى انت ..
آدم مراد : رفع عينيه ليها وقال بتحذير. تيم حاجه وانا حاجه تانيه يا آرين. اول وآخر مره تحطي أسمى ف مقارنه مع اى حد انتى فاهمه.
آرين : بزعل . انت بتعمل كده ليه معايا يا آدم ..
آدم مراد : انا بعمل الل انا شايفه صح . وفستانك بكره هيكون عندك ...
آرين : بعدم فهم . فستاني ؟ انا مش فاهمه حاجه ..
آدم مراد : بعدين هتفهمي . يلا روحي عشان ماينفعش نقف هنا .. اكتر من كده ..
آرين : بس يا آدم ..
آدم مراد : بحزم .. روحي يا آرين ..
آرين : رفعت عينيها بدموع . وقالت أنا مش هكلمك تانى يا آدم . وسابته ومشيت. ومن وقتها وهي متجاهلاه ..
آدم مراد فاق من شروده . وجاب فونه من ع المكتب . واتصل ع رينو .
رينو : ف العياده . وردت بابتسامته الو آدم حبيب قلبي.
آدم مراد : حبيبتى عامله ايه ياعمتو ؟
رينو : الحمدلله ياحبيبى. انت ايه اخبارك .
آدم مراد : هز راسه تمام. خالو فهد طبعا هيرجع ع الساعه ١٠ .
رينو : ايوه فعلا . قالى الصبح ..
آدم مراد : بمكر.. انتى ف العياده مش كدا؟
رينو : نفخت بزهق ايوه . واليوم انهردا زحمه جدا .
آدم مراد : اممم ربنا معاكى .. طيب انا قولت اتصل اطمن عليكي ويدوبك اروح لانى هاخد تالين ع المول تختار فستان للفرح ..
رينو : بزعل يخساره دى آرين بقى زعلانه ومعرفش ليه ؟ وكانت متحمسه انها تروح تختار فستان مع ميرو ..
آدم مراد : بمكر ..ايوه فعلا كانت متحمسه اوى . ياترى ايه الل حصل؟. طيب هي ممكن تيجى معانا وتختار مع تالين ايه رايك؟
رينو : بتفكير اممم فهد قافل فونه . تؤ آرين بتحب توتا وهتفرد بوزها الل هي مصدراه من امبارح ده . والله فكره . طيب انا هتصل عليها .
آدم مراد : لأ لأ ركزى انتى ف شغلك . وانا هتصل عليها . مع انها متعبه بس مش مشكله ..
رينو : ههههه والله انت شيلت حمل كبير . ربنا يكون ف عونك . بس امانه عليك يا آدم ترجعها قبل الساعه ١٠ عشان فهد ..
آدم مراد : لو ع خالو فهد متقلقيش انا هستاذن منه تمام ؟
رينو : باريحيه لأ كدا يبقى تمام جدا ..
آدم مراد : تمام مع السلامه ياحبيبتي . وقفلو .. وبص قدامه . وابتسم بمكر ...
فيلا السيوفي ..
آرين : قاعده مع چود . ومخنوقه جدا من آدم
چود : ماخلاص بقى ياست آرين هانم . ياتقولى مالك ياتفرديها . مش ناقصه كأبه هي ..
آرين : بغيظ . عايزه ايه ياچود اسكتى انا مش طايقه نفسي .
چود : ببرود تاكلى عنب .
آرين : بتقلدها . تاكلى عنب. بت بارده .
چود : هههههخخخخ . امى لسه قايلالى كدا . طيب تاكلى فلاوله . وبتغنى الفلاوله تاع الفلاوله هههههههه..
آرين : قامت جريت وراها . انتى يابت انتى غلسه اوووى .
چود : ههههههخخخو وايه الجديد مانا تول عمرى وحيدز اها اها .. تعالى تعالى نتدرب ع رقصة مهرجان عايم ف بحر الغدر .
آرين : صكت ع أسنانها . تلوث الل انتى بتسمعيه ده اسمه تلوث .
چود : بتريقه تلوث دودائى هههخخخ . نينينيني.
آرين : هيهيهيهي . دمك تقيل جدا كمان ..
چود : ماشي يا آرين بشوقك بابنت الموزز . الاتنين جامدين اقسم بالله . عمي فهد اجمد من مراته ..ومراته اجمد منه . يلهوز ع الجمدان ..
آرين : صكت ع أسنانها . استغفر الله العظيم يارب.
چود : بتضحك . وبالصدفه لمحت طرف سلسله جنزير آرين لابساها . وكشرت عينيها وقالت اوبا ايه الروشنه دي يا أرين . ورينى كدا. .
آرين : حطت ايدها ع رقبتها بسرعه. لأ لأ ابعدى مش هتشوفي حاجه. دى .. دي .. احم . سلسله عاديه يعنى ..
چود : رفعت حاجبها .. اممم وشك اصفر كدا ليه؟ وانا قولتلك سلسله خاصه؟ بليز وريهالى بالله عليكي.
آرين : ضغطت ع شفايفها بحيره. وطلعت السلسه وهي متوتره ..
چود : شافتها . وصفرت بانبهار. وقالت اوباااا ايه السلسله الجامده دي .؟
اقسم بالله ولا سلسلة ابطال الأكشن. لا بس جامده اوي. جبتيها منين دى يابت. وكمان شبابي مش سلسلة بناتي خالص .
آرين : بتوتر . خبت السلسله . وسعى بقى كدا . وبعدين دي سلسله عاديه يعنى . وعجبتنى وجبتها . ايه غريبه يعنى؟
چود : ولا غريبه ولا حاجه . بس عايزه الصراحه . شكلها تووووحفه وجامده جدااااا.
آرين : اوووف . ميرسي يختى . ومتقوليش يابت تانى انا ليا اسم اوكي . وابعدى بقى من وشي عشان اشوف مين بيتصل .
چود : انتى حره انا رايحه اجيب عثير اناناث. ثلام.
آرين : شافت آدم مراد بيتصل عليها. وده من النوادر أنه يتصل عليها . وردت بزعل . الو ..
آدم مراد : غصب عنه ابتسم بسيط . عامله ايه؟
آرين : بغيظ . وانت يهمك ف حاجه يسي آدم؟ وكملت بطفوليه وبعدين انا مخصماك .
آدم مراد : هههههههههههه ..
آرين : غصب عنها ابتسمت بفرحه . وقالت اي تاااا انت بتضحك زينا ..
آدم مراد : اتعدل . وقال تعرفى انا مبضحكش كدا غير معاكى انتى وبس ..
آرين : برقه وده معناه ايه ؟
آدم مراد : معناه حجات كتير جدا طبعا. وهتعرفيها ف الوقت المناسب يا آري ..
آرين : مش عارفه مالها ومحرجه ليه . بس قالت انت ليه رفضت انى اروح اختار فستان ليا؟
آدم مراد : بثقه عشان ماينفعش تلبسي حاجه غير ما تكون من اختيار آدم .. ولا ايه؟
آرين : بتوهان . وغمضت عينيها وفتحت ببلاها . ها؟
آدم مراد : نص ساعه تكونى جاهزه وهعدى عليكى اخدك مشوار ..
آرين : انتبهت . وقالت مشوار ؟ طيب فين؟ وبابي؟
آدم مراد : عندو علم واقنعته بطريقتى .. وبعدين طول ما انتى معايا متفكريش ف اي حاجه . البسي اوكى ..
آرين : احم. اوكي .
آدم مراد : بغيره وتحذير .. واللون الأصفر لو شوفته عليكى تانى متعرفيش انا هعمل فيكى ايه ..
آرين : اصفر؟ ع فكره اسمه مستردا بقى مش اصفر هااا.
آدم مراد : اي كان . ماشفهوش عليكي تانى ..
آرين : بعياط . اعااااااا انتو بتعملوا فيا ليييييه كدا ؟
آدم مراد : رفع حاجبه بتوعد .. وقال انتو مين يا آرين؟
آرين : بتوتر احم .ا.اقصد انت وبابي طبعا اومال مين يعنى . احم
آدم مراد : هز راسه تمام .. وهقولك بنعمل كده ليه. عشان بنحبك يا آرين .
آرين : تنحت . هااا ..
آدم مراد : بص ف الساعه وقال يدوبك تلبسي دلوقتي يلا مع السلامه .
آرين : هزت راسها ببلاها. باي ..
ف نفس الوقت .
ف مجموعة الصاوى .
ساره : ف اجتماع مهم . وجمبها آسر ..
ساره : بتتكلم مع العملاء بكل ثقه . وكل كام جمله تحط اسم آسر الصاوى . عشان تدعمه ويتعلم بسرعه.
. وده طلب من آدم العدوي عشان يعزز موقفه ويتحمس ويزيد ثقته بنفسه .
آسر : قاعد بيسمع لوالدته بتركيز وبيتعلم منها. وشاف قوة شخصيتها ف الشغل تختلف عن البيت . وبتتعامل بحدود مع رجال الأعمال والموظفين .
------------------بقلمي مريم نصار.
ف الطريق .
تيم : سايق العربيه . وميرو راكبه جمبه. ف صمت تام .
تيم : جواه حرب قايمه . وعايز ينفجر فيها بس فضل الصمت ..
ميرو : مسكت فستانها بايديها بقوه. وغمضت عينيها وقالت تيم ممكن نتكلم ..
تيم : فرمل العربيه . كأنه مصدق . وباصص قدامه وقال بجمود اتكلمى .انا عايز اسمعك.
ميرو : بتلعثم . تي...تيم ا.انا .......
تيم : خبط ع الدريكسيون بقوه. وزعق انتى اييييييه؟
ميرو : اتخضت . والتمست ليه العذر. لكن قالت بدموع . ا.انا مش عايزه فرح ولا عايزه فستان .
تيم : هههههههههه (بوجع) .هو ده الل يهمك؟ وده ال انتى عاايزه تقوليه؟
. وصك ع اسنانه بغيظ وعملت صوت وبصلها بغيظ واضح . وقال انا لو عليا خلاص مابقتش عايز حاجه خالص .
.لكن عشان العيله اعمل اى حاجه .. ولا انتى مفكره انك لما متلبسيش فستان ولا تعملى فرح ده هيعدى عليهم بسهوله اوي كدا؟
طيب انتى مفكرتيش قبل ماااا......وسكت وغمض عينيه .
ميرو : بدموع . تيم انا عذراك وحاسه بحساسية الموقف . انا معملتش حاجه غلط ..
تيم : بصوت من نار . معملتيييييششش ايييييه؟
ميرو : هزت راسها بسرعه لأ لأ مش قصدى كدا .......
تيم : رفع ايدو ليها وبينهج بسرعه .... كفايه متتكلميش تانى . عشان ماندمش ع اى تصرف ممكن اعمله .. وشغل العربيه وساق بسرعه .
ميرو : بصت من الازاز ودموعها نازله بخيبة أمل كبيره ..
بعد شويه . تيم وصل السنتر . وقال بحده انزلى ..
ميرو : نزلت ....
تيم : نزل وقفل العربيه . وشاور ليها تدخل معاه السنتر . وطلعو فوق ..
جت بنت . وقالت دكتور تيم عزيز؟
تيم : هز راسه ايوه .
البنت : اهلا وسهلا بحضراتكم اتفضلو معايا. مستر آدم بلغ المدير بحجز حضرتك ..
تيم : هز راسه متشكر . وشاور لمريم قدامهم باحترام . اتفضلى وطلع ..
ميرو : طالعه ع السلم ورا تيم وف عينيها دموع مكبوته .
ووصلو لمكان الفساتين .
البنت : لميرو . حضرتك ف عندك تصميم معين . ولا هتتفرجى وتاخدى فكره الاول ..
ميرو : بعدم اهتمام . لا هاخد فكره . ميرسي .
البنت : بصت ع مريم وقالت بصي حضرتك انتى جسمك ماشاء الله عليكي مظبوط جدا . وا....
تيم : بحده لو سمحتى هاتى التصاميم الل عندك من غير تفاصيل ..
ميرو : اتكسفت ووشها احمر جدا لأن تيم واقف جنبها .
البنت : اتحرجت. احم حاضر يافندم . وجابت ٣ فساتين اجمل من بعض . وقالت اتفضلى حضرتك . المدير موصينى انك حفيدة مستر آدم . وطلب مني اجبلك الفساتين دى .
. وهي لسه واصله مصر امبارح .وجت السنتر حالا . اتفضلى دي البروڤا .. ومتقلقيش مافيش كاميرات ف الغرفه دى بالكامل .وحطت الفساتين ع الكنبه بعد اذنكم . وخرجت ..
ميرو : واقفه ومنزله وشها ف الارض بحرج كبير .
تيم : نفخ بضيق حقيقي . هتفضلى واقفه كتير كدا ؟ اتفضلى شوفي اى فستان خلينا نخلص ..
ميرو : بلعت ريقها بتوتر . ومردتش عليه. وحطت الشنطه ع التربيزه . واخدت فستان من غير ما تختار . ودخلت البروڤا . ولبست الفستان . وكان رهيب جدا عليها .. وماقلعتش الحجاب .. ومحتاره واسع ولا مظبوط .
تيم : واقف متنرفز . وغمض عينيه وشاف ميرو وهي بتشد الغطا عليها .. وشاف بقعة الدم .ودول اسؤ صورتين مش قادر يتخطاهم حتى لو مش مصدق الل حصل .وتخيل إن ف راجل .....
. وفتح عينيه بسرعه . كأن الهوا خلص من حواليه . واخد نفسه بالعافيه . ومسح وشه بايديه . ودماغه هتنفجر من التفكير .
ميرو : خرجت بالفستان .وقالت من وراه بصوت مبحوح .. تيم ..
تيم : لف ليها . ووقف مكانه .وفتح عينيه بدهشه .
ميرو : بخجل . ا.انا.... واتخضت .. من هجوم تيم عليها ومسكها من دراعاتها بقوه وزقها للحيطه. وعينيه اتحولت لغضب كبير وقال بغضب . لييييه يامريييم . ليييه؟ ليه تدمرى كل حاجه لييييه؟
ميرو : بتتالم بدموع .. تيم ايدك اااه .. لو سمحت
تيم : ضغط اكتر ع دراعاتها . واتكلم بكُره كبير. انتى مش حاسه انتى عملتى ايييه.؟ انتى دمرتى كل حاجه .
. هديتى كل حاجه . انا لحد دلوقتي مش قادر استوعب ولا اقتنع بالل شوفته . طيب ع الاقل فهمينى مشيتى ليه؟ ورحتى ازاى وايه الل حصل . وزعق انااااا عاااااايز افهم لانى مش مصدق فهميييييينى اييييه الل حصل يامرررررييييييم ..
ميرو : بألم .. تيم لو سمحت ايدك .. وغمضت عينيها بوجع كبير..وحطت وشها بين ايديها وعيطت بصوت مهموس
تيم : للحظه فاق . وشاف ايديه غارزها ف دراعاتها بقوه. وبعد عنها بسرعه . وبينهج ولف ضهرو ليها . وقال بغضب . ادخلى غيرى الفستان ده مش عاجبنى ..
ميرو : مسكت أيدها من الألم . وافتكرت الرسايل وشكلها ف السرير . ومتكلمتش . واخدت الفستان بتعب . ولبست التانى وخافت تطلع ليه تانى . وغيرت ولبست الفستان بتاعها . وطلعت وجريت من قدامه بسرعه ودخلت الحمام وفكت الحجاب وغسلت وشها.
. وبصت ف المرايا وقالت ودموعها نازله. انتى ليه مش عايزه تقوليله انك اتخطفتى؟
. انتى خايفه لو عرف الحقيقه يسيبك؟ وهزت راسها لأ لأ مش كدا . انا مش خايفه يسبنى انا اصلا رفضته .
. وعيطت بشهقات .. لكن الحقيقه محبوسه مش قادره اقولها . مش قادره اتكلم . لان المصيبه حصلت. انا ف حد اغتصبنى ودمرنى . ومعرفوش ولا فاكره شكله ولا عارفه اسمه. ولا ف دليل .. طيب لما اقول هستفاد ايه.؟ غير إن ماما مريم ممكن بجرالها حاجه .. وبابا آدم عمرى ما هسمح ليه انه يحنى راسه ابدا لو هموت .. تيم نظرته ليا اتغيرت. تيم احترامه ليا اختفى . وانا عارفه انه غصب عنه .. وانا كمان عارفه انى داخله ع أيام صعبه جدا. ولازم استحمل عشان خاطر عيلتى . واختى الصغيره . وسمعة اخويا آدم . وبابي وكل العيله . وعيطت بشهقات وجع كبير . -------------
الحلقه 24 ج٢
#رواية_جريمة_عشق4
(ميراث العشق)
™ مرت عليَّ ليالي كُنت أشهق فيها من كثرة البُكاء، راودتني أفكار مُفزعة، هجرني النوم، أكل الحُزن قلبي في صمت، ضاقت الأيام بي ذرعًا ومن ثُقلها ظننت أنها ستودي بي؛
.. لكن ثمة شيء ما بداخلي كان مُطمئِن، كان يثق أنها ستمُر دون ضرر أو ضرار، أن رحمة الله أوسع من كُل هذا الحِطام.
اليوم؛ وبيقين ناسك مُتعبِد أقول : " والله لن تخذُلك الدُنيا وبين ضلوعك قلب مُتعلق بالله ".
فالحمدٌ لله ع حُزن يؤلم القلب؛ لكنه يوقظُه، الحمدٌ لله الذي يُعاملنا برحمته ليس بذنوبنا، يغفر لنا وإن كُنا لا نستحق، يرحمنا ونحن من ظلمنا أنفُسنا. الحمدٌ لله الذي يخشى علينا من ظُلم أنفسنا؛ فيؤدبنا بالإبتلاء.
مدونه/ميراث العشق ... #ميرو M/T
______________________________________
بسم الله نبدأ .
أسم الكاتبة الحقيقي : شريهان ابراهيم.
الإسم الحركي للكاتبة : مريم نصار.
------------------بقلمي مريم نصار.
بعد شويه ..
آدم مراد : وصل فيلا السيوفي . ولابس بنطلون اسود وقميص أبيض . ودخل سلم ع طارق ورنا ..
طارق : تعالى ياض اقعد هنا ..
آدم مراد : قعد . اذيك يا بابا ..
طارق : بخير ياحبيب جدك . قولى انت جاى تاخد آرين عشان خاطر تالين فعلا . ولا عشان ايه ؟
آدم مراد : قرب من ودنه وهمس لأ عشان بحبها بس خليها ف سرك دلوقتي تمام ؟
طارق : اتصدم وفتح عينيه وقال بجح زي جدك صحيح..
آدم مراد : بمكر . ليه بس كده ياجدو.
طارق : كشر عينيه بغيظ . وقال نفس الأسلوب يابن العدوي . المهم قولى آرين تعرف ؟
آدم مراد : تؤ بابا آدم وحضرتك وتيم . وانا مستنى الوقت المناسب .
طارق : ابتسم . تمام ياض . وانا الل هطلبهالك بنفسي ..
آدم مراد : قال جواه مش هيحصل. لكن هز راسه وقال محدش عارف بكره مخبيلنا ايه ؟
رنا : حطت القهوه . اتفضل يابن قلبى . قهوتك وانا الل عملاهالك بايدى .
آدم مراد : تسلم ايدك يا حبيبتي . وبص ف الساعه ياريت حد ينادى ع آرين..
آرين : نازله ع السلم ولابسه فستان اسود وفيه ورد احمر وكانت جميله جدا .. وقالت بمرح انا جاهزه ..
آدم مراد : بثبات .عكس دقات قلبه. قام واخد المفاتيح والفون . يلا بينا.
طارق : چود هتروح معاكو . عشان فهد يعدى الليله ع خير ..
آدم مراد : بثقه چود وچواد وحضرتك لو تحب ..
رنا : هههههههههههه قمر يا آدم ياحبيبى.
چود : نزلت . وانا جاهزه ياحضرات . يلا بينا..
آدم مراد : اتحرك ..
رنا : طيب والقهوه ..
آدم مراد : معلش مفيش وقت عشان ارجع آرين وچود بدرى . بعد اذنكم .وقال قدامهم عن عمد ..
. يلا يا آري .. وخرج .
آرين : ماشيه جمب چود . وجواها متلخبط . وعجبها آدم جدا ف اللون الاسود مع الابيض .ولا برفانه ياخرابي .
آدم مراد : هتفضلى سرحانه كدا كتير . وتعالى امشي جمبى .
آرين : تنحت وهمست عرف ازاى ؟ وانا ماشيه وراه. ومشيت جنبه بحرج ..
فتح باب العربيه الأمامي اركبي يا آرين .
. وچود رفعت حاجبها امممم الواد عليا النعمه منمر ع البت دي ..
آرين : ركبت لاول مره جمبه . وقلبها بيدق ..
آدم مراد : ركب جمبها . واتحرك بالعربيه . وقال چود.
جود : بلعت ريقها بتوتر .ن نعم ؟
آدم مراد : ف شنطه جمبك اديها ل آرين .
چود : جابت الشنطه . امسكى يا آرين ..
آرين : اخدت الشنطه بعدم فهم . وفتحتها. وشهقت بسعاده كبيره. وااااووووو كل ده شوكليت وشيبس وكووووكيز كتيييير اوووى. كل ده لمين يا آدم؟
آدم مراد : بشبح ابتسامه. ل آرين وبس . لكن ممكن چود تشاركك فيه. وانا هعوضك اكتر ..
چود : هههههههه والله انت قمر يا ابن عمتو ..
آرين : من جواها اتنرفزت من كلمة چود . ومتعرفش برضه ليه.
آدم مراد : لاحظ رد فعلها و غضبها الطفولي . وابتسم . وساق بسرعه . واتصل ع فريحه وقالها تالين تجهز . وهيتصل بيها وقت ما يوصل .وتطلع قدام الفيلا
وبعد شويه . آدم مراد اخد تالين . وركبت جمب چود . وآدم مراد . قدم لأخته توتا بسكوتات وحجات زى آرين .
وبعد شويه اخدهم ع سنتر فساتين .
تالين : بتتفرج أبيه آدم انا عجيني الفستان الابيض ده . ومنفوش زي فستان العروسه..
آدم مراد : وماله ياحبيبتى ادخلى جربيه .
چود : اختارت فستان احمر ودخلت تقسيه.
آرين : اختارت فستان احمر .. ورايحه تقسيه .
آدم مراد : من وراها. الفستان ده لأ .
آرين : غمضت عينيها بنفاذ صبر . ولفت ليه. وقالت عجبنى يا آدم ..
آدم مراد : بس مش عاجبنى ..
آرين : يووووه طيب ما چود اختارت فستان احمر برضه .
آدم مراد : قرب من وشها وهمس بتحذير . انا ماليش دعوه بأى حد ف العالم ده كله. غيرك انتى وبس . واتعدل ولف ضهرو ليها وقال أنا هختار فستانك . وسابها واتحرك .
آرين : واقفه مكانها متنحه وحاسه ببلاها. وبتفتح وتغمض بغباء . وبرفانه دخل قلبها قبل عقلها ...وقلبها بيدق بسرعه ..
آدم مراد : بيختار ليها فستان ومراقبها. وشبح ابتسامه ظهرت ع وشه من رد فعل آرين. واختار فستان اسود وطويل من الخلف وقرب منها وهي لسه زي ما هي . وقال اتفضلى قيسي ده .
آرين : ...........
آدم مراد : آرييين. قيسي ده ..
آرين : ها... اه. احم . ايوه ايوه . انت قولت ايه بقى؟
آدم مراد : قولت قيسي ده ومبحبش اعيد كلامى..
آرين : بصت ع الفستان وقالت اسود يا آدم؟ هلبس ف الفرح اسود؟
آدم مراد : والله لو مش عايزه تكوني موجوده ف الفرح تمام مفيش مشكله .
آرين : صكت ع أسنانها بغيظ وشدت الفستان. هات أمري لله . ودخلت البروڤا
تالين : خرجت .. ها ايه رايك يا أبيه .؟
آدم مراد : ابتسم بحب كبير قمر بجد ياقلب ابيه..
تالين : بجد انا برضه قولت هيعجبك. انا شبه العروسه..
آدم مراد : انتى اجمل عروسه ياروحي . وشوفي لو عجبك حاجه تانيه اختارى .. ولا اقولك انا هختار ليكى فستان كمان ع زوقى ايه رايك؟
تالين : بضحكه جميل جدا يا أبيه خلاص اختارلى انت ..
آدم مراد : بيختار ليها فستان وعجبه فستان باللون الدهبي . وقال ايه رايك ف ده ؟
تالين : بانبهار ماشاء الله جميل جدا . ممكن اقيسه .
آدم مراد : طبعا . ادخلى جربيه ..
تالين : دخلت البروفا..
آدم مراد : واقف وماسك الفون ومركز فيه.
آرين : من وراه . آدم ..
آدم مراد : بيلف ايوه .. وفتح عينيه بدهشه وقلبه بيدق من جمالها ..
آرين : بعفويه بتلف حوالين نفسها . وبتقول تحفه اوووى وعجبنى جدااااا..
آدم مراد : سرحان ف جمالها الل يفتن حتى ف الاسود . ولعن نفسه ع اختياره للفستان.
آرين : وقفت ورفعت عينيها ل آدم وعيونهم اتقابلت ف نظره طويله ومحدش اتكلم ..
آرين : للحظه تاهت ف بحر عينيه . وقلبها بدء بالنبض بإسم آدم..
آدم مراد : سرحان ف غصن الزيتون وتاه ف عشقه للمجنونه آرين ..
چود : طالعه بالفستان . وبتلف حوالين نفسها وبتقول بهمس اقسم بالله مصطفي هيطلقنى قبل ما يكتب عليا .
. وقالت ايه رايك يا بت آرين .. ومحدش رد عليها . وبصت . وشافت آرين سرحانه ف عشق ال آدم . ورفعت حاجبها وقالت اممم هي وصلت للتوهان ع الله حكايتكو .. وقالت بمرح . هااااا ياقوووم . انا ف الاحمر ادمر عتلاق ..
آدم مراد : انتبه .وواقف بثبات .
آرين : فاقت . ووشها كتلة طماطم .
چود : ايه رايكم فيا ..
آرين : بتلعثم .ج..جميل ماشاء الله.
چود : بانبهار. الله اكبر ع جمال امك يا آرين . صاروخ وا......
آدم مراد : بغيره وصوت غصاب. چوووود؟ خشي البسي فستانك عشان اتأخرنا ..
چود : خافت من آدم . ماشي حاضر وجريت من قدامه. وهمست بخوف .. يخربيتك وداني صفرت .
آرين : قربت من آدم بعفويه حلو الفستان يا آدم..
آدم مراد : بص ف عينيها . وقال انا لو عليا مش عايز مخلوق يشوفك وانتى بالجمال ده .. ادخلى غيريه قبل ما اغير رأيي . يا آرين ..
آرين : قلبها بيضحك . وجريت من قدامه بسرعه.
آدم مراد : مسح وشه بايديه ونفخ وقال هانت ..
------------------بقلمي مريم نصار.
ف نفس الوقت ..
ف شركة الامبراطور ..
ليليان : ف المكتب بتراجع الملفات بكل تركيز . وتمارا قاعده معاها.
الباب خبط .. وليليان سمحت بالدخول .
والاتنين اتفاجئو. بدخول كريم و آريان. وجايبين غدا .
وليليان وتمارا فرحوا جدا ..
وكريم : غمز لليليان . وهمس ف حركه سريعه وحشتينى .
ليليان : وشها بقى احمر جدا .ومردتش.
آريان : طبعا محافظ ع مساحة العلاقه الل حطتها تمارا.
.وبيتعامل معاها بكل تقدير . وقال تعالى ياتيما انا جايب وجبات هتعجبك جدا .
تمارا : قامت . بسعاده . واخدت منه الاكل وبتجهزه ع التربيزه . وقالت ميرسي جدا يا آريان ..
آريان : ابتسم . وانحنى ليها بمرح انا ف الخدمه يافندم .
تمارا : هههههههه ..
كريم : قعد ع الكرسي . وآريان قعد جمبه ع كرسي .
وليليان وتمارا قاعدين قصادهم جمب بعض ع الكنبه . وبدؤو يتغدو . ومبسوطين جدااااا..
لكن المفجأه .
. إن زين شافهم ف الكاميرا. واتصل ع ريتال . واخدها ..
.ودخل عليهم بمرح . وقعد هو وريتال معاهم يتغدو .. وكان وقت جميل جدا . وغدا مميز . والكل كان مبسوط .
------------------بقلمي مريم نصار.
بعد فتره كبيره ..
ف الطريق.
تيم : ع نفس الطريقه مع مريم . واشترو كل حاجه بسرعه من غير حتى ما تعجبهم .. وراجع بيها ع الڤيلا ..
تيم : بجمود . اوراق رسالتك هتستلميها بكره . وانتى لازم تكوني موجوده ف الجامعه ع الميعاد.
ميرو : بتعب .. إن شاء الله..
تيم : بنفس الخنقه. بكره الساعه ١٠ هعدى عليكى ..
ميرو : ............
تيم : لاحظ مريم كل شويه تمسك راسها .. واتأكد انها ممكن متكونش أكلت . ونفخ بنفاذ صبر . وقال هنطلع ع مطعم عشان نتغدى ونروح ..
ميرو : بدوخه بسيطه. لأ انا مش جعانه . انا عايزه اروح لو سمحت.
تيم : بصوت عالى انتى شكلك دايخه ومأكلتيش حاجه . اتغدى وهروحك ..
ميرو : غمضت عينيها من صوته العالى . واتفاجات من شخصية تيم الجديده . واتأكدت إن الل جاي اسؤ بمراحل ..
. وقالت بتعب لو سمحت ارجوك روحنى مش عايزه منك اكتر من كده ..
تيم : هز راسه بغيظ تمام زى ما انتي عايزه ..
فون تيم . كان بينه وبين ميرو . ورن وكانت كامليا .
ميرو : شافت اسمها . وبصت من الازاز ودموعها اتجمعت من تانى ..
تيم : كنسل عليها بزهق. وساق العربيه بسرعه وهو متغاظ من كل حاجه .. وقال أنا هكون معاكي بكره ف الجامعه . وبعدها مش هاجى غير يوم كتبت الكتاب .
ميرو : مسحت دموعها . وقالت ياريت تفكر كويس قبل ما تاخد الخطوه دي ..ومسكت راسها بانهيار..
تيم : كان هيزعق لكن شاف وشها احمر وواضح عليها التعب. وقال . انا فكرت كويس . خلاص الموضوع منتهي .
تاني يوم الصبح الساعه ١٠
ميرو : بتلبس بتعب شديد. ودايخه ومبقتش مهتمه بأكلها .
. وبتمثل قدامهم انها بتاكل وكل حاجه تمام .
. ولو حد سألها مالك . تتوتر . وتهرب ف حجة انها زعلانه انها هتسيبهم خلاص وتبعد عن البيت الل بتعشقه ..
ميرو : لبست فستان رقيق لونه ابيض وعليه بلروه أو جاكيت جينز ع كوتش ابيض . وشافت تحت عينيها متغير . ومسكت الميكب عشان تداري الهالات السودا . لكن انتهدت بأحباط ورجعت الميكب مكانه ومحطتش حاجه. ولبست الحجاب . وفونها رن وكان تيم .. واول مره تخاف ترد عليه . وغمضت عينيها بتعب وردت بصوت مبحوح ..
ميرو : ا.الو ..
تيم : بجمود .. انا قدام الفيلا يلا عشان منتاخرش..
ميرو : هزت راسها انا نازله . وقفلت.
ميرو : حطت الفون ف الشنطه ولبست الشنطه واخدت دفتر ونزلت . وملقتش حد تحت . وخبطت ع المكتب .
آدم : تعالى ياميرو .
ميرو : ابتسمت . وفتحت الباب. وشافت آدم اخوها موجود . وقالت بثبات صباح الخير..
آدم : ابتسم بحب اهلا صباح الورد ع حفيدتى القمر .
آدم مراد : صباح الخير..
ميرو : سلمت ع آدم وباست ع ايدو . وقالت ماما مريم مش موجوده هي فوق؟
آدم : بابتسامه . ايوه بتختار شوية حجات مع فريحه لزوم الفرح ياحبيبتي..
ميرو : هزت راسها . وقالت بابا بعد اذنك انا رايحه الجامعه اشوف اوراق الرساله بتاعتى انا قولت ل بابي امبارح .
آدم : عارف ياروحي . وتيم اتصل عليا واستاذن أنه هيوصلك .
آدم مراد : قام ووقف قدامها . ولف وشها ليه. وقال وشك دبلان ليه ؟
ميرو : بلعت ريقها بتوتر . واتوترت اكتر ..
آدم : أنقذ الموقف . وقال ما انت عارف يا آدم يبنى ميرو خلاص كلها ١١ يوم وهتروح ع بيتها .
ميرو : ابتسمت بتوتر .ا.ايوه فعلا .
آدم مراد : مسد ع حجابها وباس جبينها . خلى بالك من نفسك ..
ميرو : هزت راسها إن شاء الله . بعد اذنكم . وخرجت بسرعه عشان تقدر تتنفس ..
تيم : شافها خارجه من الفيلا .. وفضل قاعد مكانه ..
ميرو : فتحت الباب وركبت جمبه من غير كلام.
تيم : ساق بسرعه .. وساكت تماما . وكامليا اتصلت عليه .
ميرو : بثبات . رد عليها .
تيم : من غير ما يبصلها قال بجمود انا حر ارد مردش انا حر .
ميرو : بشبح ابتسامه . بس هي مالهاش زنب تدفع تمن غلط غيرها .
تيم : صك ع أسنانه بغيظ . ورد بنفور . الو .
كامليا : اوووف اخير ياتيم . والله حرام عليك بجد ٣ تيام بتصل عليك وانت مبتردش ..
تيم : مسح وشه بايدو . معلش مشغول شويه.
ميرو : لاول مره مايفرقش معاها المكالمه دي . لان الل اتكسر جواها اكبر من اى حاجه..
كامليا : بزعل طفولى. كدا ياتيم طيب حتى لو مشغول اتصل عليا دقيقه اطمن شوفنى وصلت ولا لأ .انا ف المانيا مش ف بلد جمبك يعنى . انا فكرت انك زعلان مني من وقت ما مريم سابتنا ومشيت . هي لسه زعلانه؟
تيم : بخنقه .. خلاص ياكامليا مش وقته بعدين .... بعدين لانى مشغول ..
كامليا : بغيره. مشغول ؟ طيب ممكن اعرف انت فين بليز متزعقش.
تيم : بنفاذ صبر . انا رايح الجامعه مشوار ضرورى .
كامليا : بغيظ هي مريم معاك ياتيم ؟
تيم : مجاوبش وقال . انا هقفل عشان وصلت ..وقفل المكالمه ..
ميرو : سرحانه ف عالم تانى ومسمعتش اى حاجه من المكالمه .
تيم : وصل الجامعه. وركن العربيه . ونزل .
ميرو : انتبهت لقفلة باب العربيه وفاقت شافت نفسها قدام الجامعه . ونزلت.
تيم : ماشي ودخلو الجامعه . وميرو ماشيه وتايهه وساكته.
ووصلو . وخلصو كل حاجه ف حوالى ساعتين .
بعد شويه . خارجين من المكتب .
ميرو : ماشيه وضما الاوراق لحضنها وسرحانه .
تيم : ماشي .. ووقف مكانه ف وسط الجامعه وقال استنى .
ميرو : وقفت ومش فاهمه حاجه.
تيم : حط الفون والمفاتيح ف جيبه . ونزل ع ركبه ونص قدامها. بيربط ليها رُباط الكوتشي .
ميرو : شافت تيم بالشكل ده و وسط الجامعه كلها . ووشها هينفجر من الاحراج والموقف .
. ولكن ف اللحظه دي نسيت العالم كله . وقلبها بدء بالنبض من تانى .
تيم : قام ومهتمش لأى حد بيبص عليه بانبهار . ولبس النضاره كأنه معملش حاجه . وقال يلا ..
------------------بقلمي مريم نصار.
بعد فتره .
تيم وصل ميرو .. وآدم ومريم صممو أنه يقضى اليوم كله معاهم . وكل العيله اتجمعت وبيتفقو ع ترتيبات الجواز . لكن ميرو كانت ف اوضتها ..
ولما الليل جه
تيم : استاذن بطريقه لطيفه وخرج وساق العربيه وراح ع شقته .لانه مخنوق من كل حاجه.
تيم : وصل الشقه . ودخل وحدف المفاتيح ع التربيزه بإحباط ..
.ودخل اوضة النوم . وشاف كل حاجه حاوليه متكسره . وقال بوجع كل الكسر ده مايجيش شطر من كسر قلبى يامريم .. واتحرك خطوتين . وقعد قدام السرير وسند ضهرو عليه بتعب كبير. ومسح وشه وشعرو بايديه . ورجع راسه لورا .. وسرح ورجع بالذاكره ..
فلاش باك ..
تيم : شاف العربيه يتقرب من مريم. وقلبه وقع من الرعب عليها . وجري بسرعه عشان يعدي الطريق لكن زحمه . ونط من قدام عربيه ومهتمش بنفسه . وعدا الطريق لكن مريم اتخبطت بالعربيه .. ولو راسها وقعت ع الأرض كانت هتنتهي ..
كان بيجري بسرعه وكان اسرع منها وجري ومن غير تفكير ..نزل ع الأرض مكانها وميرو وقعت ع تيم وراسها نزفت ع صدره .
تيم : بينهج . ومغمض عينيه . وفتح وشاف حجاب مريم كله دم . وهمس بخوف شديد م..مريم .
ف الوقت ده ماهر هرب بالعربيه .. وكريم مرعوب لكن ركب عربية تيم . وطار وراه عشان يجيب ماهر ..
آريان : جري بسرعه ع مريم . ونزل ع الأرض. ومصدوم والدموع نازله . ونده بصوت فيه رعشه . م.مريم . ما...مريم ردي عليا ..
ليليان : عينيها مفتوحه ع الاخر بصدمه وقلبها هيقف . واغمى عليها مكانها ..
تيم .. بصدمه مرييييييييييييييم ..
الناس : اتلمت عليهم.
آريان : بيتصل ع الاسعاف وشاف ليليان وجري عليها وبيصرخ ..
تيم : حاول يتعدل . وجسمه كله بيترعش . وساند ميرو من ضهرها . واتعدل بيها . وعينيه تايهه ف كل مكان ف وشها الل مش باين من الدم. ومش سامع للناس . وهمس بدموع وصدمه. ما...مريم ردي عليا . مريم انا ...انا تيم ردي عليا .
ميرو : فتحت عينيها بتعب شديد . ورفعت عينيها ف عيون تيم وهمست .. تي....تيم . وغمضت عينيها وفقدت الوعي وراسها نزلت ع صدره وبتنزف . ..
تيم : قام بسرعه بخوف . وشاف تاكسي . وشال مريم وركب بيها ف الكرسي الخلفى . وقال السواق بصوت مرعوب اطلع ع مستشفى النور بسرررعه .
السواق اتحرك بقلق ..
تيم : ف الوقت ده ميعرفش ايه الل ممكن يحصله لو مريم حصلها حاجه . وضم راسها ع صدره . ومره واحده حضنها كلها بخوف كبير .وغمض عينيه ودموعه نزلت بخوف كبير وهمس اوعي تبعدي عنى . مريم ماتسبنيش ...
بعدها .
الكل ف المستشفى .
تيم : قاعد مكانه ع الأرض بصدمه . ومقفلش عينيه . من الصدمه . وكل خوفه ان مريم يجرالها حاجه . ومش. سامع صوت اى حد ولا صريخ حد ..
نور : قربت منه بعياط تيم قوم يبنى انت من ساعت ما دخلت المستشفى وانت كدا . قوم الله يخليك . متوجعش قلبى . ومريم كويسه ..
تيم : فاق ع كلمة مريم كويسه وقلبه دق . ورفع عينيه وهمس بصوت مبحوح .مريم؟
نور : بعياط . ايوه ياحبيبى . باباك عملها عمليه ووقفنا النزيف الحمدلله . وخيط جرحها. والحمدلله يبنى لولا انت لحقت راسها قبل ما تنزل ع الأرض . كان ......ومقدرتش تكمل ..
تيم : رفع عينيه بدموع يعنى مريم هتعيش مش كدا؟
نور : بوجع متدراي . إن شاء الله يحبيبى . وشهقت بخضه وقالت ايه ده ياتيم . ضهرك بينزف ؟ قوم معايا .
وتيم : رفض يقوم . لكن قام بصعوبه بعد ما مالك اخدو بالعافيه . ع غرفة الكشف . ونور شافت ضهرو مجروح جرح كبير . وكمان اتجرح ف رجله .
بعد كام يوم . ميرو طبعا مافاقتش ودخلت ف غيبويه بسبب النزيف ونقص الأكسجين .. والعيله كلها كانت حالتها وحشه جدا ..
تيم : يوميا يروح المستشفى ويبص ع مريم من ازار الغرفه وقلبه حزين جدا .
وتيم : استريح نوعا ما . لما عرف بالل مراد عمله وكمان فهد . وإن جدو آدم مش ساكت و ماهر دخل الاحداث بفضل الله ثم جدو آدم . وطارق اتعامل مع ناس كبيره وشال ابوه من منصب وزير .
وف يوم بليل . تيم نايم ف البيت وعقله الباطن بيفكر ف ميرو. وفجاءه سمع صوتها . وفتح عينيه بسرعه واتعدل وبص حواليه. وقلبه هيطلع من مكانه . وقال لأ انا متأكد إن مريم بتنادي عليا. وقام بسرعه وبص ف الساعه وكانت ٣ الفجر . ولبس بسرعه وخرج بشويش ونزل . وركب العربيه وساق بسرعه . ووصل المستشفى. وحاول إن محدش يشوفه . لكن شاف فريحه ومراد وآدم ومريم قاعدين قدام غرفة ميرو.
وتيم : عايز يشوفها بأى طريقه . ودخل غرفة لبس الدكاتره . ولبس بالطو . وكمامه . ومسك دفتر . وحاول يمشي بثقه . وفتح الباب ودخل عندها .. وقلبه بيدق ببطء وبلع ريقه بصعوبه . وحاسس انه مش قادر يتنفس . وقرب منها وقعد ع طرف السرير . وشال الكمامه . وبيملي عيونه منها . واكتشف قد ايه انها كانت واحشاه حد الموت. ورفع ايدو لاول مره برعشه مسك أيدها. وهمس بدموع . مريم .. ردي عليا . مريم فوقى بقى ايه هو انا مش وحشتك ؟ ودموعه نزلت. انا عارف الل انا بقوله ده غريب . بس حصل . مريم قومي واوعدك انى عمرى ماهزعلك .انا سمعتك بتنادي عليا. وجتلك جري .. قومي انا ديما كنت بقولك انتى من عيلتى . ودلوقتي عرفت سبب الكلمه دى . قلبى وعقلى نسبوكي ليا من غير ما حس. انتى من عيلتى يامريم .. ودموعه نزلت بوجع. ارجوكي فوقي صوتك وحشنى ٢٣ يوم انا محروم فيهم من نعيم صوتك يامريم . وعيط بشهقات فووقى بقى ورفع راسها وقت ضعف واحتياج وضمها لقلبه بحب جديد وعشق اتولد كبير من البدايه . وبعد دقايق . تيم سمع صوت دكتور بره الغرفه . ورجع ميرو مكانها. ومسح دموعه . وبص ليها باشتياق وترجي انها ترجع ليه . ومسك كف أيدها وقام بتعب وساب أيدها ببطء . ولبس الكمامه وخرج بسرعه عشان محدش يشوفه .
وتاني يوم وتيم ف الجامعه ..جاله اتصال من آريان إن ميرو فاقت والكل عندها وفرحان ..
تيم : قفل المكالمه . وطلع يجري باقصي سرعه ف قلب الجامعه . وركب العربيه وساق وهو مش مصدق أن خلاص حبيبته فاقت .. ووصل المستشفى اخيرا . ونزل يجري ودخل الاوضه ووقف عند الباب لما شافها بتضحك وهي ف حضن آدم .
تيم : وقف مكانه وقلبه بيدق ببطء وبعدها خفقان وبعدها دق بسرعه .. أخيرا مريم قدامه بتضحك والروح دبت فيه من تانى ..
ولكن .انتبه ع دخول ياسين بسرعه ...
عوده للوقت الحالي .
تيم : فاق من شروده . ع صوت رساله من كامليا. واخد نفس عميق واتنهد بتعب ومسح وشه بايديه بتعب .. وقام بأحباط . ونام ع السرير . وفتح الفون وشاف كامليا اتصلت عليه كتير جدا وكمية رسايل كبيره.
.وبص ع الرقم بتفكير.. وغمض عينيه ونام من اثر الإرهاق..
------------------بقلمي مريم نصار.
تاني يوم ..
ف فيلا العدوي .
آدم : ف المكتب .. وقاعد مع آدم مراد وقال . امسك يا آدم الملف ده سلمه لعمك زين ف الشركه وبلغه المناقصه دي خسرانه مايدخلش فيها . واعمل الل قولتلك عليه.
آدم مراد : هرش ف دقنه وبيفكر......
آدم : كشر عينيه . وهز راسه لأ اوعا فاهم يا حفيد العدوي ؟
آدم مراد : قام وقف . وهز راسه وبص قدامه . وقال بتوعد فاهم يا بابا .
------------------بقلمي مريم نصار.
عند تيم عزيز .
تيم : فتح عينيه مره واتنين . بتعب وحاول يفوق واتعدل ومسح وشه بايديه .
. وشاف أنه نايم بهدومه . ومسك الفون وشاف الساعه ١١ الضهر . واتصالات عليه كتير من نور . واتصل عليها عشان يطمنها. وردت ع طول.
نور : بلهفه. الو تيم يبنى
تيم : بصوت مش فايق . احم الو ياماما .
نور : اتنهدت باريحيه. لكن قالت انت لسه صاحي؟
تيم : احم ايوه . انا اسف انا من امبارح ف شقتى. ونمت غصب عني محستش نمت امتى. سامحيني قلقتك .
نور : باريحيه . الحمدلله انك بخير . احنا اطمنا عليك لأن باباك بعت كريم عند العماره وشاف عربيتك موجوده هناك .
.وده الل طمنا . تيم ياحبيبى بالله عليك قبل ما تكون ف مكان طمنى يبنى ..
تيم : بتعب .حاضر ياامي انا اسف ..
نور : ابتسمت ولا يهمك ياروحي . المهم باباك اتفق مع العمال ومهندس الديكور عشان يظبطو الشقه بتاعتك بسرعه عشان مفيش وقت .. انت بقى هترجع ع البيت؟
تيم : مهتمش .. وقال انتى فين ؟
نور : انا ف المستشفى مع باباك وتمارا عند جدك آدم مع البنات ..
تيم : هز راسه تمام . انا ورايا مشوار مهم . هخلص وارجع ع البيت.
نور : مشوار ايه المهم ده؟
تيم : بخنقه . مشوار ياماما هبقى اقولك بعدين..
نور : ماشي ياحبيبي . ربنا يوفقك يقلبى يارب.
تيم : بتنهيده . يارب . مع السلامه ياحبيبتي..
نور : ف رعاية الله . وقفلو.
تيم : حدف الفون جمبه . وقام وماسك راسه من الصداع . ودخل الحمام . واخد شارو . ولبس واتوضي . وخرج . وفرش سجادة الصلاه . وواقف بإحباط كبير . وغمض عينيه بحيره وتايه . وبدء يصلى . وسجد ودعى ربه كتير انه يكون كل ده حلم مش حقيقه . وقال بذل . وانكسار واحتياج ..
"يا الله، عبدُكَ المسكينُ حزينٌ إلى الحدِّ الذي لا حدَّ له! .. وخلص صلاه .
وفونه رن . وكانت كامليا . وجه يرد عليها. لكن كنسل ومردش . وفتح درج الكمود واخد مسكن .
وخرج ع المطبخ . وعمل قهوه ساده وبيشرب وسرحان . وعينيه جت ع رقم الشاب .. واتصل ع الرقم وغير متاح .. ونفخ بغضب كبير .
------------------بقلمي مريم نصار..
..يوم كتب الكتاب الصبح ..
آريان : نايم . وبدء يفوق . ومبسوط جدا إن تمارا خلاص انهردا هتكون مراته .. لكن مسك راسه من الصداع ومش فاكر نام امتى . وشال الغطا عشان يقوم لكن اتصدم صدمة عمره . من مياده الل نايمه جمبه . ----------
بدل ماتدور وتبحث علي الروايات خليها علي تليفونك وحمل تطبيقنا
