 |
رواية قضية خلع 4 (عائد من الموت) الفصل الثالث 3 بقلم عمرو راشدقضية_خلع " عائد من الموت " 3 انا اسف يا نادية..دي الحاجة اللي مش هقدر اقبلها ، أنتي طالق = لا يا حسام.. صدقني انا مكنتش اقصد ، اديني فرصة وانا هفهمك تفهميني ايه هاا ، عايزة تقولي ايه تاني.. أنتي نايمة في حضني وبتناديني بإسم راجل تاني.. هستنا ايه تاني يا نادية ، يا خسارة كل حاجة حلوة عملتهالك.. أنتي متستاهليش اني ابقا معاكي.. أنتي بتحبي الزبالة اللي زي وائل و طارق.. انا ندمان اني عرفتك في يوم من الأيام.. اسمعي انا همشي دلوقتي ولما ارجع الصبح مش عايز الاقيكي " قومت لبست ونزلت.. ركبت العربية ومشيت مكنتش عارف اروح فين دلوقتي ، الوقت متأخر ومش لاقي مكان اروحه.. ملقتش قدامي غيرها بس مش عارف هتكون صاحية ولا لا.. اتصلت بيها ايوا يا فريدة = ايه يا حسام في حاجة؟ لا مفيش.. أنتي صاحية؟ = ايوا صاحية.. في ايه طب انا هعدي عليكي = دلوقتي أنتي معاكي حد ولا ايه = لا لوحدي بس غريبة يعني.. دا انا لسة سايباك من كام ساعة لما ااجي هفهمك " بعد ساعة بالظبط كنت واقف قصاد باب شقتها ، رنيت الجرس وثواني والباب اتفتح.. دخلت وقعدت في ايه يا حسام خضتني = انا طلقت نادية اووف ليه كدا بس = وصلت بيها البجاحة وقلة الأدب انها تناديني بإسم راجل تاني.. بتغلط في اسمي وهي في حضني يبقا دا معناه ايه ، انا مش قادر اتخيل.. مش قادر انها كانت نايمة معايا وهي متخيلة راجل تاني طب انت مسألتهاش مين الراجل التاني دا.. جايز تكون اتلخبطت يا حسام مش أكتر = ماهي المشكلة اني عارف الراجل التاني دا مين هو = طارق " حطت ايدها عليا وطبطبت على كتفي شكلي فعلا لما ظهرت كل حاجة باظت ، انا مكنش ينفع أظهر يا فريدة ، بس انا أساسا اختفيت عشان احميها.. انا مش زعلان على فكرة.. اه والله ما زعلان ، انا متعود على كدا.. انا بس زعلان على عمري اللي كان بيضيع في المشاكل والهروب من بلد ل بلد وكل دا عشان هي تبقا في امان و بعد كل دا بتقولي انها مش حاسة ب امان.. انا لأول مرة احس نفسي خسرت.. خسرت كل حاجة " رجعت ل ورا وسندت ضهري على الكنبة انا تعبان اوي.. تعبان وعايز ارتاح ، نفسي ارتاح = عشان خاطري خلاص يا حسام " في نفس اللحظة خدتني في حضنها " كنت لسة مش عارفة افوق من اثر صدمة الكلمة.. حسام طلقني خلاص حتى مفكرش يسمعني ، انا مكنتش اقصد والله فلاش باك " لما دخلت الأوضة مع حسام وهو خرج و سابني عشان يسلم على فريدة ، بدأت اغير هدومي بس لقيت تليفوني بيرن.. كان طارق الو = ايوا يا طارق.. خير بتتصل دلوقتي ليه مفيش.. كنت بطمن عليكي = انا كويسة أنتي في البيت = لسة راجعة من شوية لقيتي حسام في البيت = اه طب هو صاحي ولا نايم؟ = صاحي ايه رأيك لما ينام نتكلم شوية = لا معلش مبقاش فيها كلام خلاص ليه كدا = انا وحسام رجعنا لبعض يعني اللي انت بتقوله دا مينفعش رجعتو!! ، صدقتيه يا نادية.. ضحك عليكي تاني وانتي صدقتيه، يا بنتي دا كداب وبيضحك عليكي افهمي بقا = لا يا طارق مبيضحكش عليا ، في حاجات انا مكنتش اعرفها وهو اللي قالك عليها طبعا ، هو اللي رسم عليكي دور البطل زي كل مرة وأنتي صدقتيه = طارق لو سمحت ملوش لازمه الكلام دا ، بعد اذنك بقا ياريت تنسا اي حاجة بينا و تسيبني ف حالي بكرا تعرفي انه ملوش امان.. هتعرفي انه غدار زي التعابين وهتجيلي تاني.. و اوعدك انه هيحصل قريب بااك " انا مش عارفة ازاي الأمر اختلط عليا بالطريقة دي.. مش عارفة هروح فين دلوقتي ، الوقت متأخر ازاي هنزل دلوقتي.. اترددت كتير أوي قبل ما اعمل الخطوة اللي في دماغي دي ولكن كنت مضطرة وفعلا عملتها.. اتصلت بيه أكتر من مرة ولكن مردش ، رميت التليفون جنبي بس بعد دقيقة بالظبط لقيته هو بيتصل ، باين من صوته انه كان نايم اسفة لو كنت صحيتك = لا عادي ، هو في حاجة حصلت؟ حسام طلقني يا طارق = بتقولي ايه.. طلقك، ليه ، ليه عمل كدا هبقا احكيلك بعدين. دلوقتي بس انا مش عارفة اروح فين.. هو سابلي البيت ومشي وعايزني اسيب البيت = تسيبي البيت يعني ايه.. دا بيتك وبيت ابنك، انتي ام حاضنة يعني الشقة دي من حقك مش عارفة بقا يا طارق = خلاص خليكي مكانك وانا هعدي عليكي حالا قفلت معاه وقومت و لميت هدومي وجهزت نفسي ، وشيلت ابني و خرجنا من الشقة بعد ما طارق اتصل بيا وقالي انه مستني تحت البيت ، نزلت و ركبت معاه العربية ومشينا ، روحنا البيت عنده بصي بقا دي اوضتك لوحدك ، وانا هنام في الأوضة اللي جنبك دي ، لو احتاجتي اي حاجة نادي عليا = شكرا يا طارق ولا يهمك أي حاجة وبكرا الصبح نتكلم #بقلم : #عمرو راشد " دخلت الأوضة وغيرت هدومي و سندت على السرير لكن معرفتش انام.. طول الليل كنت بحاول بس كلها محاولات فاشلة.. الصبح طلع ولقيت باب الأوضة بيخبط ، كانت الساعة 10 قومت لبست روب وفتحت الباب ايه دا أنتي صاحية؟ = صاحية اه طب يلا انا حضرت فطار = معلش يا طارق مش قادرة.. مليش نفس لا هزعل والله ، انا عامل الفطار دا عشانك = طب انا جاية " غيرت هدومي و خرجت لقيت الفطار فعلا جاهز وبصراحة شكله كان حلو أوي ، قعدت معاه على السفرة يلا بقا ناكل = لا انا مش مش هاكل ، انا جيت بس عشان متزعلش ماهو أنتي لو مكلتيش انا مش هاكل = انا مليش نفس صدقني عشان تبقي تصدقيني يا نادية لما اقولك انه غدار ، والله ملوش امان وانتي صدقتيه عشان ضحك عليكي بكلمتين.. انا اللي بحبك وانا اللي كنت جنبك مش هو = مكنش راضي يسمعني حتى وهو من امتا بيسمع حد ، لازم هو اللي يكون الوقت صح.. اللي زي حسام دا لازم ميبقاش موجود في حياتك مش تروحي تتجوزيه ويبقا قاعد معاكي طول العمر = انا مش عارفة هعمل ايه ولا اي حاجة ، بس وحياتك ل هرفعلك عليه شوية قواضي تخليه يلف حوالين نفسه = انا مش عايزة مشاكل ، هو بس يسيبلي الشقة اقعد فيها انا و يديني مبلغ كل اول شهر عشان اعرف اصرف ، لان اكيد المصاريف هتكون كتير عليا ميهمكيش اي فلوس خالص ، شوفي اللي أنتي عايزاه كله وانا تحت امرك = انت كفاية عليك أوي اللي انت عملته لحد دلوقتي يا طارق وبجد شكرا بس أنا لسة معملتش اي حاجة ، انا لسة هعمل " عدا أسبوع.. كنت كل يوم استنا منها مكالمة ولا حتى رسالة لكن مكنتش بلاقي ، كل يوم بكون سهرانة على امل انها تغلط وتكلمني بس دا مكنش بيحصل ، كنت مستني أنها تقولي اي حاجة.. اي حاجة وانا كنت هصدقها بس هي اللي اختارت.. قد ايه انا اتنسيت بسهولة كدا كأني مكنتش موجود ، جايز اكون غلطان ، جايز اكون اتسرعت ومخليتهاش تدافع عن نفسها ولو بكلمة ، شششش اسكت هو انا بقول ايه ، انا ببرر ايه أصلا.. تليفوني رن لما بصيت عليه لقيته.. اتأخرت يا طارق ، كنت مستنيك تتصل من بدري = افهم من كدا انك سيبت المحاماه وبقيت تشم على ضهر ايدك بنتعلم من الست امك ، هي مش كانت بتقرا الفنجان برضو = امممم لسة لسانك قليل الادب يا حسام مبتغيرش ماانت عارف = عارف اه.. بس قولي بقا هو ازاي محامي كبير زيك كدا ومشهور ما شاء الله ينسا ان الست لما بتكون حاضنة يبقا الشقة من حقها هي جاتلك؟ = ايوا ياعم جاتلي وبتشتكيلي.. هو ينفع برضو اللي حصل دا ، ليه يا حسام دا انت خبرة في النسوان برضو صح عندك حق عشان كدا محدش فاهمك قدي = طب انا هبقا محترم ومش هرد عليك.. انا متصل اسألك سؤال واحد بس براحتك حتى لو هتسأل 100 سؤال ، كله من رصيدك = رصيدي!! ، طيب تمام.. هي نادية تخصك؟ تخصني ازاي مش فاهم = تلزمك يعني؟ لا يا حبيبي بألف هنا وشفا ، متلزمنيش = بصراحة كنا ناويين بعد ما العدة تخلص نتجوز انا وهي الف الف مبروك يا حبيبي = هحتاج منك بس تبعتلنا ورقة طلاقها رسمي عشان كل حاجة تمشي صح ، انت عارف بقا بحب امشي في السليم دايما ، مليش في الشمال طبعا يا حبيبي متحبش تمشي في االشمال أبدا الا لما تاخد فلوسك كاملة ولا انت غيرت نظامك ، لسة بتاخدها مقدم ولا نص قبل و نص بعد ، غيرت صح " قفلت المكالمة في وشه.. مكنتش مستحمل كلامه ، رميت التليفون وبصيتلها و ابتسمت شوفتي بقا انك مش فارقة معاه ، انا سألته اهو قدامك عشان متقوليش اني بكدب عليكي " بصت في الأرض و بدأت تعيط.. مسكت ايدها دموعك غالية أوي يا نادية ، متعيطيش عشان خاطري ، دا ميستاهلكيش.. خليكي معايا انا ، انا اللي بحبك.. انا اللي عارف قيمتك لكن هو لا.. اسمعي كلامي و اول ما تخلصي عدتك نتجوز علطول ولا تحبي نشوف حل تاني " مسحت دموعها وبصيتلي حل تاني زي ايه = نتجوز عرفي!! #عمرو_راشد # #يتبع الفصل الرابع من هنا |
بدل ماتدور وتبحث علي الروايات خليها علي تليفونك وحمل تطبيقنا
