قصة رعب قصيرة كاملة
انا بحب الرعب جدا وبسمع رويات رعب وعايشه في الجو ده قوي، الموضوع عندي كتسليه مش اكتر عمري ما صدقت ان الامور دي تتعدي المتعه او اجربها واعيشها بنفسي.
هحكيلكم اللي حصل بالظبط انا كنت نايمه حلم اني سمع صوت حد بيعيط، و ناس عماله تتشاهد وصوت تكبير وناس بتكبر وناس بتقول الموت علينا حق، وبعدها صمت بعد شوية رجع صوت ستات المره دي بتعيط.
كل ده كان حلم طبعا لكني صحيت و صوت الستات اللي بيعيط موجود، لكن لما صحيت مكنش بيتنا كان مكان تاني ووراد ده كان حلم برضو.
مشيت فى الممر لقيت ابواب اوض كتير كل ما افتح باب اوضة اشوف الصوت جاي منها الاقيها فاضية، الاوض فاضية مفيهاش حتي كرسي قفلت باب وفتحت باب تاني وتالت لحد الخامسه لقيت ست قاعد فى نص الاوضة و مربعه و لابسه حاجه زي خمار اسود مغطي كل وشها او نقاب ومش باين غير عنيها بس، والست حاطه وشها بين ايديها و بتتهز واضح انها بتبكي لكن مفيش صوت.
بعدها قامت جرت حاجه زي صندوق خشب لا ده تابوت كان جواه جسم ملفوف بقماشه بيضا ومتربط بأربطه رفيعه، مدت ايديها عشان تفك الأربطة دي المربوط بيها الجسم ده، لكن كل ما تمد ايدها ترجع ايدها و هكذا حسيت انها عايز تعمل كده ومش عارف.
جاتلي الجرأة منين مش عارفه قلتلها افك الرباط ده انا مش شايفه غير عنيها بس، حسيت انها بتقول اه ومتكلمتش فكيته بمجرد ما فكيت الكفن عن الوش لقيت الجارة اللي قصادنا وشها ازرق، جلدها مكرمش ملينا تجاعيد رجعت بصيت للست تاني وقلتلها امتي ده حصل، رفعت النقاب من علي وشها لقيتها جارتي برضو نفس الشخص اللي جواه التابوت، وكانت بتبتسم ابتسامه كلها رعب وشاورت علي نفسها علي صدرها بأيدها، وشاورت علي الكفن في عز الحلم سامع صوت عمال يناديني.
صحيت لقيت امي بتقولي اصحي جارتنا ماتت مبقتش مستوعبه اللي بيحصل، علي ما فوقت و طلعت من الشقة لقيتهم نازلين بيها فى التابوت، هو نفسه اللي كان فى الحلم هل ده نوع من الشفافيه معرفش، فى حد قالي اني شفتها وشفت قرينها فى الوقت اللي كانت قاعده دي قرينها، و زعلانه عليها التفسير ده منطقي وبعدها مشفتش حاجه تاني.
بدل ماتدور وتبحث علي الروايات خليها علي تليفونك وحمل تطبيقنا
