رواية انت عوضي الفصل الاول
-لو طلبت منك ترجع هترجعلها؟
-لا
-ليه؟
-عشان هى اللى قررت تمشى، هى اللى سابتنى،هى كانت فترة حلوة ف حياتى وخلصت.
-هل هى طلبت ترجع بعد ما عرفت انك اتشهرت؟
-اهاا
-كان ردك اي؟
-رفضت
-طب ليه بتكتب عنها ف رواياتك؟
-عشان هى كانت بطله كل روايه،ابتديت اكتب لما سابتنى،حققت كل حاجه كنا بنتمنى نحققها مع بعض ف رواياتى
-واضح انك كنت بتحبها اوي؟
-فوق ما تتخيلى
-يعنى لسه بتحبها؟
-انتى بتقولى كنت وانا رديت ع سؤالك،لكن دلوقتى لا
-ندمان انك اديتها كل الحب دا والمكانه دى؟
-لا
-الروايه الجايه هتكون فيها جزء من شئ عايز تحققه معاها؟
-لا خالص ،الروايه الجديدة شئ مختلف تماما بتحكى عن بطله جديدة
-معني كدا انك حبيت حد جديد؟
-لا،بس بتمنى
-عندك معجبين كتير ما شاء الله،قدرت تحقق رقم كبير ف وقت قليل، هل بيجيلك رسائل من فانزاتك بيطلبوا منك الارتباط؟
-كتير جدا
-وانت ردك بيكون اي؟
-اولا :مفيش حاجه بالنسبالى اسمها ارتباط ،انا بالنسبالى ي رسمى ي مفيش خالص ،ثانيا:الفانزات بتوعى مفكرين ان عايش حياتى زى الروايات كدا،مبهورين بشكلى وفلوسى وكتاباتى واكترهم عايزين يتشهروا،لكن انا شخص عادى جدا مش ملاك يعنى،انا عايش حياتى زى اي شاب ف سنى
-قولت ان روايتك الجديدة هتكون ليها بطله جديدة؟هل البطله دى شخصيه تعرفها ولا هتكون من خيالك؟
-البطله الجديدة هتكون خياليه
-ف روايه من رواياتك، كتبت ان البطله بتحب القراءة والروايات هل دا سبب انك تكتب؟
-لا ،اكتشفت انى بحب الكتابه وبدات اكتب لا اراديا و كنت بنزل اللى بكتبه ك تسليه مكنتش اعرف انها هتعجب الناس وهتتشهر كدا الحمد لله
-شكرا ليك جدا كان لقاء مميز بوجودك بتمنالك التوفيق.
(انا يوسف سليم كاتب مشهور ،عندى متابعين كتير جدا،كنت ع وشك اخطب البنت إللى بحبها لكن سابتنى والسبب كان الماديات(الفلوس)،كنت بحبها جدا بس ربنا مارادش نكمل، من فترة عرفت انها اتجوزت، مزعلتش بالعكس اتمنتلها الخير ودعيت ربنا يعوضني خير )
-انت فين ي احمد انا وصلت المكان؟
-انا ف الكافيه ادخل هتلاقينى ف وشك
-تمام
-اتأخرت ليه ي يوسف؟
-الدنيا زحمه وف ناس بتتصور معايا كل ما تشوفنى
- ضحك :الشهرة عايزة منك ايه؟
-مش عارف والله يسطا،اطلبلنا حاجه بقا بدل ما حد هنا يكون عارفنى ومش هنخلص تصوير النهاردة؟
-تمام
-اي دا مش انت الكاتب يوسف سليم ؟
-ابتسمت:اه
-(صوتت)الله انا اول مرة اشوف حد مشهور
-طب بتصوتى ليه بس، اهى الناس اتلمت ومش هنخلص (وطبعا الناس كلها اخدت بالها واتصورت معايا حتى اللى ميعرفنيش اهو واحد مشهور وخلاص،أما البنات دول عليهم حاجات يجدع؟؟ )
-علفكرة انا صاحبه وبتصور عادي
-اخرس ي احمد مش ناقصه هى
-فجاه ظهر شخص اتكلم(لو سمحتم هدوء شويه عشان الانسه مش عارفه تركز وتستمتع بالمكان وشاور ع بنت )
- (بصيت عليها وشوفت قمر قاعد )اتكلمت:تمام انا اسف يجماعه بس كفايه كدا تصوير ووجهت كلامى ليها:اسفه ي انسه ع الازعاج(لفت نظرى ان ف ايدها كتاب)
-اتكلمت برقه:لا عادى ولا يهمك
(الناس بدات تمشى وف اللى قعد ف الكافيه والمكان بقى فاضى قدامى مش شايف غيرها،اللى انا مستغربه انها بتقرا يبقي اكيد عارفانى؟او حتى بتسمع عنى؟طب ليه مجتش تتصور معايا زيهم؟
-أحمد،عايزك ف خدمه؟
-هتدفع كام؟
-شاندوتشين شاورما
-وبيبسى
-وبيبسى يسيدي
-اؤمرنى يكبير
- عايزك تجيبلى الروايات اللى مكتوبه ف الورقه دى من ****
-طب ما تجيبهم انت؟
-لا أنا ورايا مشوار مهم،انت روح جيبهم
-مشوار اي؟
-هقولك بعدين بس ادعيلى الدنيا تظبط
-تشرب اي ي فندم؟
-عايز واحد نسكافيه
(قعدت ف الكافيه وعينى بتدور عليها،لعل وعسى أشوفها تانى، طبعا كلكم عارفين هى مين؟ايوه و البنت اللى مكنتش عارفه تركز؟اصل هى عجبتنى الصراحه فيها حاجه غريبه شدتنى ليها حسيت انى عايز اشوفها تانى،استنوا كدا دى اجت اهى؟
-بقولك اي ي ...
-محمد
-عاشت الاسامى،انا يوسف ...بقولك اي ي محمد بما انك شغال هنا،البنت اللى هناك دى تعرفها؟
-اهاا بتيجى دايما،اسمها ندى
-عرفني اكتر عنها؟
-بتقعد ف نفس المكان كل يوم وبتيجى لوحدها ودايما ف ايدها الكتاب،بتطلب نسكافيه ومبتحبش الازعاج ،بس اخلاق ومؤدبه ومش بتخطلت بحد وبصراحه عمرى ما سمعت عنها حاجه وحشه
-بغيرة:وانت مهتم بيها اوي كدا ليه؟
-ضحك:أصلها صاحبه اختى وزى اختى بالظبط،انت بقا بتسال ليه؟
-هه مفيش
-اي ي جوو وقعت والا اي؟
-ضحكت:انت هتصاحبنى والا اي
-يبقى وقعت يسطا
-روح شوف شغلك يابا
-اخدت كل المعلومات وف الآخر تبعنى
-معلش بقا اصلى انا ندل
-لو سمحتي ي انسه؟
-نعم
-ممكن خمس دقايق بس؟
-اتفضل
-دا كتاب **** تعرفى حد عايز يقرأه ويرجعوا
-عينيها لمعت- اه انا
-قعدت:بجد!
-احم اه
-تمام اتفضلى ي ...
-ندى
-عاشت الاسامى انا يوسف
-تشرفت
-الشرف ليا، معاكى كتاب أقرأه وارجعهولك لما تخلصى الكتاب اللى معاكى
-اها معايا كتاب حلو اوي،هيعجبك
-شكرا،فرصه سعيدة
-انا اسعد
-عن اذنك
-اتفضل
-اي ي جووو؟
-اي ي حودة
-حودة!انت سخن والا اي ي يوسف
-ف اي يبنى هو انا اول مرة ادلعك
-اه
-ضحك:عندك حق
-اي سبب الروقان دا؟
-شوفتها ي احمد شوفتها
-هى مين دى يسطا؟
-ندى
-ندى مين،انا تعرف بنات وانا اللى مفكرك محترم؟!
-ف اي ي عم انت مصدقت،ندى دى البنت اللى كانت ف الكافيه
-اللى كانت متضايقه
-اها هى دى
-اوبااا انت حبيت جديد لا دا الحوار كبير
-ولا كبير ولا حاجه،انا حاسس انى معجب بيها
-انت طالع من قصه حب كان اختيارك غلط،اختار المرة دى صح
-انا حاسس انها غيرها
-اهو احساسك دا اللى هيودينا ف داهيه
-ضحكت:حصل
-اخبارك اي ي محمد
- كويس وانت
-الحمد لله،ها اجت
-ضحك:اها اجت وسابتلك الكتاب دا يحلو
-أنت سمج كدا ليه يلا
-ضحك:حظك وحش اوي
-هى مشيت ليه؟
- يا ابنى دى مش بتاعت الكلام دا، مش هتكلمك ولا هتعبرك حتى، نصيحه من اخوك لو عايزها اتقدملها.غير كدا منصحكش
-وهو دا اللى انا عايزة.
-يا زين ما اخترت بجد ي يوسف دى انضف حد ممكن تقابله ف حياتك.
-ربنا يقدم اللى فيه الخير.
كل يوم بروح الكافيه وهى مش بتيجى ،بعد فترة روحت ومعايا الكتاب بتاعها عشان ارجعه لو لقيتها زى كل يوم..
-ازيك ي ندى
-الحمد لله وانت
-تمام"مبتجيش بقالك فترة ليه؟
- كنت مشغوله شويه
-اتفضلى الكتاب،شكرا
-العفو يارب يكون عجبك
-جميل جدا
-الحمد لله انه عجبك
-اي حاجه منك حلوة (لاحظت تعبير وشها بدأ يكشر فهمت انها اتضايقت)
-انت بتقول اي الروايه دى انا اللى حجزتها الأول ازاي تديها لشخص تانى؟
☆يافندم هو حجزها الأول وبعدين دا كاتب مشهور
-اه قول كدا بقا يعنى عشان هو كاتب مشهور تديهاله وانا اتحرق؟
=اي دا ندى بتعملى اي هنا؟مالك متعصبه ليه؟
-يوسف؟مفيش حاجه
=ف اي ي ندى
-الأستاذ دا حجزت روايه***وقالى تمام وبعدين جايه اخدها قالى ان ف كاتب مشهور هيخدها.
☆أستاذ يوسف الروايه جاهزه
=هاتها
- احم.انت اللى هو بيتكلم عليه ي يوسف؟
=اها انا كنت عايز اقراها وحجزتها
-بزعل:تمام عن اذنك
☆الروايه ي استاذ يوسف
=شكرا
=اتفضلى ي ندى
-بفرحه:نعم؟!
=خديها مش محتاجها
-هقراها وارجعهالك ي يوسف شكرا بجد مش عارفه اقولك اي
=ابتسم:العفو
-يوسف
=نعم ي قلب..احم ي ندى
-ف ورقه لقيتها ف الكتاب بتاعى اللى كان معاك انت اللى حاطتها ف الكتاب؟
=اللى مكتوب فيها"ضحكتك مثل الورد دايما جميله وابتسامتك لوحدها حب"
-اها
=لا مش انا
-ضحكت:يسلام
=طب بزمتك الكلام مش لايق عليكي
-كشرت وسابتنى ومشيت
بعد فترة طويله بدأت معاملتها معايا تقل،مش بنتلاقى كتير،بتحاول تبعد عنى، بتبعد المسافات بينا،كل ما احاول اقرب منها تبعد كأنها بتتهرب منى،قربت اخلص كتابي الجديد وهينزل.
-ممكن تمضيلى هنا
-(الصوت مش غريب عليا رفعت راسى .....
