قصة رعب قصيرة كاملة
انا في ولادة ابني الاول كانت الظروف ان الولاده هتبقي قيصري.
دخلت اوضة العمليات وخلصت ولما دخلت الاوضة بتاعتي، طول ما انا فى البنج شايفه واحده لابسه فستان ازرق وشايله طفل صغير علي ايدها، وملفوف في ملايه صفرا وعماله تطبطب علي ضهر الطفل وتبصلي.
لما فوقت من البنج كان لازم ابات ليله فى المستش
في، صحيت علي ايد حد بيخبط علي ضهري افتكرت جوزي، لما فتحت عيني شوفت الست اللي كانت شايله الطفل الصغير وكانت نايمه جنبي علي السرير، اول كلمه قلتلها انتي مين مردتش، وكانت مبتسمه و بتجز علي سنانها و بتخبطهم فى بعض، وكان معاها طفل وكان بيبكي لكن ملوش صوت فاتح بقه بس، مفيش صوت.
خوفت لدرجه اني عايز اصرخ بس مش قادره، الست قامت واتمشت في الاوضة والطفل اللي كان ايدها اختفي، وقفت قدام ابني اللي كان في سرير صغير حاول اقوم لكن جسمي كله كان متجمد، حاسه ان فى حاجه كاتمه نفسي ومنعاني من الحركه، و مدت ايدها علي السرير بتاعه.
ابني كان بيعيط لكن سكت تماما وبعدها اختفت، معا اختفائها ان فقدت الوعي.
تاني يوم سألت الممرضة وحكيت اللي حصل قالت لا مفيش حد دخل عندك خالص، اما كبيره الممرضات قالت خدي ابنك وامشي، قالت السرير ده مات عليه واحده من سنه بالظبط وماتت وهي بتولد، ولما قلت وابنها فين قالت الغريب ان ابنها نفسه اختفي، وكانت مشكله كبيره هنا.
ابني بقي ظهر فى ضهره وحمه كبيره مكان ما كانت حاطه ايديها، و الغريب ان الوحمه علي شكل خمس صوابع، وشفتها تاني فى كل عيد ميلاد لابني، كانت بتظهر وفي واحد من اعياد الميلاد، نمت جنبه فى السرير وصحيت لقيتها بتطبطب عليا.
بدل ماتدور وتبحث علي الروايات خليها علي تليفونك وحمل تطبيقنا
