قصة قارب خشبي كاملة
حصلت معايا القصة دي من 11 سنه. كان عندي 20 سنه وكنت بتشارك السكن مع صاحبي . وكان تصميم البيت من الطراز العتيق. كان في الدور التاني فوق محل خمور في حي قديم في سان دييغو ، كاليفورنيا. على الرغم من أنه كان مبني قديم ، بس كنت دايما حاسس بالهدوء والسكينه .
كان صاحبي مارك في الوقت ده في مرحله التدريب وكان كهربائي واشتغل في شركة صغيرة . كان هو وصاحب الشركة بس وكانو شغالين في البيوت القديمة في حي قريب بس كان برا المدينة.
كان مارك شغال بقاله تقريبا سنه وكان كل الشغل بيعمله بنفسه. بعد يومين من الشغل في بيت من البيوت ، كان خلاص فاضل العلية ( اعلي جزء في البيت ) . كان البيت فاضي لانه كان بيعيد تأسيس الكهربا فى البيت كله . لما طلع العلية ، شاف قارب خشبي صغير منحوت باليد في زاوية . كان في طول دراعة تقريبا . شكله كان غريب .
كمل شغله عادي بس كان حاسس بأنجذاب للقارب . لما وصل رئيسه عشان يطمن عليه ويشوفه وصل لايه فى الشغل ، فرجه مارك القارب الصغير.وقاله انه الحاجه الوحيده اللي شافها فى البيت وسأله هو انا اقدر اخده معايا البيت . قاله رئيسه مش مشكله لان البنك كان حاجز علي البيت و الناس اللي كانت ساكنه فى البيت اخدت كل حاجه تخصها من البيت .
لما خلص مارك الشغل ووصل البيت وكان لسه هيبتدي يرتاح ، افتكر القارب وراح للعربية و جابه وطلع وفرجني عليه. كان منحوت بطريقة جميلة و حجمه صغير ، ولاني بحب اجمع التحف ، قلت انه هيبقي جميل لو اتحط علي الرف في اوضة نوما .
اول ما بدأت احضر نفسي عشان انام من (غسل وشي ، تنظيف أسناني وبقيت الطقوس بتاعتي ) حسيت بطاقة سلبيه في كل مكان. لدرجه اني قولت لمارك خليك معايا لحد ما خلص . بعدين روحنا عشان ننام ، وكان الوقت متأخر واحنا الاتنين بنصحي للشغل بدري .
نمت انا ومارك بسرعه ، لاننا كنا تعبانين. لكن بعد حوالي ساعة صحيت. وحسيت بطاقة سلبية جدا بتحاوطني . فضلت اتقلب والف في السرير ، لكن مش عارف انام . مكنش الموضوع ان في حد بيراقبني علي قد ما اني حاسس بطاقة سلبيه بطريقة رهيبه. مقدرتش حتي اقوم من السرير عشان ادخل الحمام ، اكن الطاقة مسيطره عليا . لكن نمت ,بس بعد ساعة بالظبط. وكنت قافل الكمبيوتر وكان من النادر اننا نستعمله. لما صحيت بعد ساعة لاحظت أن الكمبيوتر شغال وبتطلع منه اصوات غريبه واغاني . و كانت الشاشة بتفتح وتقفل . كنت عارف ان اللي بيحصل ده مستحيل لاني لما بصيت علي مصدر الكهربا للكمبيوتر ، اتقفل مره تانيه فى نفس اللحظه ، مارك صاحي وقاعد ورايا على السرير بيبصلي وهو مش مصدق . قالي انه كان بيتقلب طول الليل ومش عارف ينام . روحنا احنا الاتنين للصالة وقررنا اننا هنام على الأرض.
تاني يوم الصبح واحنا بنفطر كنا بنتكلم علي ليله امبارح . و وقلنا اكيد اللي حصل ده بسبب القارب . اتفقنا اننا هنتخلص من القارب , لما رجعنا البيت بعد الشغل بليل ، روحت مباشرة علي اوضة النوم وأخدت القارب وقلنا هنرميه في مكان بعيد عن بيتنا ، روحنا لحي قريب ورحنا لاقرب حديقة و في اول صندوق للقمامة شفناه . بس لسبب مش عارفه مارك كان بيحاول يرميه فى القمامة بس متردد. حاولت اقنعه انه ده افضل حاجه نعملها ، لكنه قالي حاسس اللي بيعمله غط. قالي إنه هيحطه بس فوق سلة القمامة. قلتله انا مش شايف ان اللي هتعمله ده صح لان اكيد في حد هياخد و هيتعرض للأذي . مشينا ، وقلت مش هناقشه فى اللي عمله دلوقتي .
بس بليل سألته ايه سبب انه متخلصش من القارب . كل اللي قاله ان حس ان جسمه مش قادر يتحكم فيه ويرميه اكن في حاجه مسيطره عليه ومش عارف يرميه فى سله القمامة . بمجرد ما اتخلصنا من القارب انتهت كل الطاقة السلبيه من البيت , و متكررتش الموضوع مره تانيه.
تابعو قصة وليام ريتشارد برادفورد من هنا
بدل ماتدور وتبحث علي الروايات خليها علي تليفونك وحمل تطبيقنا
