قصة الجن كاملة بقلم الماورائي
الجن هما مخلوقات خلقهم ربنا قبل خلق البشر وتم ذكرهم فى الكتب السماوية, مخلوقين من نار السموم ليهم مدن وقبائل مختلفة في منهم ناري و دول يعتبر اصل الجن وضوئي ومائي وترابي وقمري وهوائي .
كانو موجودين قبل نزول البشر للأرض وبعد نزول سيدنا ادم فضلو برضو وموجودين اه هما موجدين لحد دلوقتي ,لكن احنا مش بنشفهم الا في حالات نادره جدا جدا جدا ولما بيظهرو بيكونو مش ظاهرين بشكلهم الاصلي في الغالب ,بيظهرو لينا علي اشكال تعابين او اشكال مفزعه او تقمص زي الحربايه علي اشكال تانيه كتير.
من الاوقات بنحس بوجدهم بنحس بيهم عن طريق سماع اصوات غريبه او همس او اصوات بتنادي علينا او صرخات مجهوله او حركه مباغته او ظهور شي فى مكان مهجور او كوابيس مرعبه وده الاكتر .
الكلام عن الجن كتير جدا الاماكن اللي بتواجدو فيها كتير, لدرجه ان فى بعض المدن سميت باسم مدن الجن ,وكمان بيقال ان الجن قام ببناء بعض المدن وفي كمان بعض المدن بيقال ان عايش فيها الجن ,وممنوع دخول البشر فيها, والعلم عند الله .
