رواية بين الحب والقدر الفصل الثاني بقلم لوزان جمال
#رواية بين الحب والقدر
الجزء الثانى
خرجت ملك من صدمتها سريعا لتقرر عكس المتوقع تجاهل الموضوع تماما وكذلك الشاب فكلاهما لا يعرف اذا كان الآخر يعرفه أم لا
ملك بهدوء :انا الدكتورة ملك المسؤولة عن الفرقة الفترة الجاية
الرائد : انا الرائد يوسف، أتمنى تكونى قد الشغل هنا، اتفضلي
لتكون الصدمة الثانية لملك بتشابه الأسماء، لكن لم تظهر شيئا وقررت تباشر عملها فورا
بدأت ملك عملها وكانت اول حالتها جندى مصاب بكسر فى ساقه، عالجته ملك بتجبيس ساقه بالكامل، ليظهر يوسف بعيدا وهو يراقبها فى الخفاء لم يسطتع كبح رغبته فى التأكد إن كانت ملك تعرفه ان لا وخاصة أنه رأي علامات الصدمة على وجهها فور رؤيتها له، ليشعر بيد على كتفه
وليد :مالك يا يوسف واقف كدا ليه
يوسف :مفيش بشوف الدكتورة الجديدة دى شاطرة ف شغلهاولا ايه انت عارف شغلنا صعب وهتقابل حاجات صعبة كتير واساسا شكلها ميستحملش،اقولك على حاجة
وليد:قول
يوسف بتنهيدة : تعرف الدكتورة دى هى البنت الى بتظهر ف احلامى
وليد بصدمة:اييه معقول،معقول البنت دى
موجودةوحقيقة وكمان تيجى لحد هنا
يوسف:والله شكل الموضوع غريب
وليد : يوسف ممكن تكون دى مجرد صدفة عادى والاحلام دى تكون من وحي خيالك،، الانسان اللى طول الوقت بيحاول يكون لوحده اكيد عقله هيحاول يخلق شئ يكون ونس له حتى لو وهم
يوسف ابتسم لصاحبه فكلامه مُوجع لكنه ربما حقيقي، ولكن قرر بداخله ان كان كل ما رأه بأحلامه حقيقي أم لا ظهورها ليس كافي ليتأكد
**************
حالة جديدة لملك
المسعف : أزمة قلبية وضغط منخفض
قيمت ملك حالته سريعا لتأمر بتحويله للعمليات فورا
(يوسف يتابع الوضع)
يوسف بمضايقة لملك : شكل الدكتورة قلبها خفيف بتخاف
ملك بنظرة ثقة : الدكتور اللى يخاف بيكون السبب الاول ف موت مريضه ودى حاجة مقبلهاش ابدا
سكت يوسف وفى داخله أبدى اعجابه بردها ورحل دون رد، بعد عمليه دامت 5 ساعات خرجت ملك منهكة تماما
ممرضة :اتفضلي العصير يا دكتورة باين عليكى تعبانة
ملك بتعب:شكرا العمليه كانت صعبة شوية
الممرضة ربنا يقويكى لسه هتشوفي كتير طالماانتى هنا
ملك:ربنا يعدى الشهرين دول على خير
بعد ان شربت ملك العصير شعرت بثقل رأسها وألم فى جسدها لتسقط فاقدة الوعي ويظهر يوسف ويحقنها بمادة معينة سريعا ويختفي ثانيا وتأتى ممرضة لاحظت سقوط ملك وباقي الممرضات وينقلوها لغرفتها
ملك:انا فين!
ممرضة: انتى ف السرير يادكتورة دختى شوية جبناكى هنا ترتاحي، تعبتى كتير انهاردة رغم انه اول يوم ليكى
ملك بأقتناع :اه اكيد من التعب، كان يوم طويل
****************
يوسف فى غرفته وعقله يكاد ينفجر من التفكير : ازاي، يعنى اي اللى بيحصل دا
(ملك لديها حساسية من المانجا ويوسف يعلم هذا من احلامه وأعطى للممرضة العصير لتعطيه لملك عمدا ليتاكد وملك من تعبها لم تنتبه)
*************
عند عشق ويس
عشق بتأفف : مينفعش يا حضرة الظابط الحركة الكتير دى
يس بأبتسامه ساحرة : الرائد يس
عشق : دكتورة عشق
يس : تشرفنا
عشق : انا اكتر
يس : انتى كنتى ديما بتكلمينى صح
عشق بضحك : ايوة كل يوم باجى اتكلم على امل تصحي بس انت فوقت بدون سابق انذار متوقعتش كدا خالص بس الحمدلله على سلامتك،انا نجحت ف علاجك دا انجاز بالنسبالى
يس باستغراب :انجاز!ليه هو حالتى كانت صعبة اوى كدا
عشق بمرح وفخر :لا مش للدرجة بس دا اختبارى والحمد لله نجحت
يس بضحك : الحمد لله
قاطعهم دخول مراد
مراد بفرحة شديدة : يس اخيرا يا صحبي قومت حمدلله على سلامتك
يس بابتسامة : الحمد لله يا صحبي
لاحظ مراد وجود عشق وتسمر مكانه من جمالها الأخاذ رغم ملامحها العادية
يس بجز على اسنانه :غص بصرك يا حيوان واتقي الله
مراد : اححمممم
شعرت عشق بخجل شديد من نظرات مراد وحديثهم بصوت منخفض واستنتجت انها محور الحديث لتقرر الانصراف سريعا
عشق : عن اذنكم،،وهاطمن عليك تانى يا حضرة الظابط
يس :اتفضلي
مراد : يا حنين من امتى الهدوء دا ف الكلام مش بنشوفه ليه احنا
يس: ايه يا عم عشان بكملها بذوق فى ايه
مراد: ماشي يا عم عايز تقنعنى ان البت معجبتكش
نظر يس لمراد بنظرة كافية لتخرسه
يس :ايه اخبار الشغل ف غيابي
مراد :كله تمام خليك ف علاجك انت بس
يس بضيق :عايز اخرج من هنا يا مراد
دخل دكتور سمير الذى جاء لطمئن على حالة يس ويشكره
سمير:مينفعش تخرج يا حضرة الظابط
يس: ليه مانا كويس اهو
سمير: لا لسه جرحك ملمش كويس وانت لسه فايق من غيبوبة ودكتورة عشق تعبت كتير عشان علاجك وهيا الوحيدة اللى تقدر تكتبلك ع الخروج غير كدا مينفعش
يس بتاافف: خلاص انا هكلمها
سمير: انا متشكر ليك على اللى عملته
اومأ يس رأسه واكتفي بابتسامه
جلس مراد ويس بعد خروج سمير ليعرف يس كل ما حدث بغيابه عن عمله
**********
عند زين وليليان
ليليان بنوم:اوووووف مين اللى عمال يرن دا اوف رخم
أمسكت هاتفها بانزعاج لترى اسم عمها لتقفز بتحفز
ليليان بانتباه:الو ايوة يا عمى اذيك
حسن بود :ايوة يا ليليان اذيك وزين عامل ايه
ليليان :الحمدلله يا عمى بخير وزين بخير،اخبارك انت والاولاد
حسن : الحمدلله يابنتى نحمدو،المهم موضوع الشركة اللى قولتلك تقدرى تروحى المقابلة بتاعهتها بكرة باذن الله
ليليان بفرح : بجد ياعمرى يعنى لقيت وظيفة ف الشركة دى الحمدلله يارب الحمدلله
حسن:الحمدلله يا بنتى بس خدى بالك من نفسك كويس يعنى بيقولوا المدير بتاعها عصبي جداا ومش بيتهاون ابدا ف شغله
ليليان: باذن الله ادعيلى يقبلونى
حسن:وهما هيلاقو احسن منك ولا اذكى منك فين اتكاى على الله وربك يسهل،مع السلامة يابنتى لو عوزتوا حاجة كلمونى
ليليان:ونعم بالله،ربنا يديمك لينا ياعمى سلام
أغلقت المكالمة وهي تشعر بسعادة غامرة وقررت تصلس ركعتين شكر لله
ليليان:زييييييييييين
زين بفزع:ايه ليليان ايه البيت بيولع انتى كويسة هاتى العيال ويلا
أمسكت ليليان بطنها من الضحك : عيال مين يا اهبل انا اختك مش مرااتك واساسا انت مش متجوز عندك عيال منين يعنى
صرخ بها زين بغيظ :يا حيوانة انتى قطعتيلى الخلف منك لله،عايزة ايه
ليليان:ايه يا زينوو بس دا انا جاية اقولك خبر حلو
زين:خبر حلو!!منك!!! معتقدش اخر مرة قولتى كدا طلعت شايل اربع مواد
ليليان:ههههههه انت لسه فاكر ياعم،،،لا بجد حلو
زين بسخرية:اشجينى ياختى
ليليان :عندى انترفيوو بكرة ف الشركة اللى قولتلك عليها
زين فرحة لاخته : باذن الله يقبلوكى ياقلبي واشوفك ناجحة ديما كدا
ليليان بحنية : ربنا يقدرنى واخليك رافع راسك ديما بتربيتك
عانقها زين بحنان : انتى بنتى مش اختى يا لى لى وبعدين بمرح اوعى بقا ويلا غورى خلينى انام قطعتى احلى نومة يا فصيلة
ليليان :نااام ياخوياا نام
رمى زين عليها الوسادة بإنزعاج :امشي يابت يلااا
ركضت ليليان للخارج وهي تضحك بشدة
******************
عشق: حضرة الظابط ايه الاخبار
يس:كويس انا عايز اخرج من هنا بسرعة
عشق: لا طبعا مينفعش ابدا واساسا حضرتك انهاردة لازم تكون تحت الملاحظة وعشان كدا انا هنا دلوقتى
يس بفرحة جاهد لإخفائها : يعنى هتقعدى معايا دلوقتى
عشق: ايوة بالظبط حاليا لازم نتطمن عليك
يس : انا هخرج امتى
عشق : حضرتك هتقعد معانا اسبوع كمان
يس : ماشي
عشق بتوتر : هو حضرتك كنت بتسمعنى لما كنت بكلمك ف الغيبوبة
يس : مش عارف بس حاسس انى كنت بسمع حد ديما يحكيلى ويتكلم معايا بس مش فاكر الكلام بالظبط
"أكان يُنصت لكِ قلبي وعقلي مُغَيب عن الواقع، كيف!"🖤🥀
عشق فى نفسها بإرتياح : الحمد لله دانا كنت بقول بلاوى جنبه
(قضت عشق ليلتها برفقة يس فهي تخشي لن بتعرض لأي مضاعفات فتفشل باختبارها وايضا خوفا عليه)
**********
صباحا
عشق نامت وهي جالسة بمقعد بجوار فراش يس ، لكن استيقظ يس اولا
ألتفت لها يس وتأمل ملامحها الهادئة وهي غارقة بنومها: ملاك نايم يا ناس شكلى هحبك ولا ايه مفيش ف ايدها دبلة يبقا مش مخطوبة
وفجأة تحولت ملامح عشق للرعب وظهرت على جبينها عرق شديد وبدأت تتحرك بعنف على المقعد
يس بسرعة : عشق اهدى دكتورة عشق اصحي عشق
عشق بدون وعي : لا لا ارجوك لا ابعد عنهم لا لا ابعد عنى لاااا
صرخ بها يس : عشششق
فتحت عيناها وعي تتنفس بعنف وهو ينظر لها بتوتر
عشق : ايه اللى حصل
يس بقلق : انتى كويسة؟!،،كان كابوس بس
عشق باحراج : احمم لا انا كويسة الحمدلله
( وخرجت فورا من الغرفة)
يس ف نفسه: ياترى فيكى ايه يا عشق
عادت عشق لمنزلها وبمجرد دخولها دق جرس الباب فتحت عشق الباب لتدخل ندى رفيقتها وجارتها ايضا
ندى: عشق مالك يا عشق،،وشك مخطوف
عشق : لا ولا حاجة
ندى بفهم :شوفتى الكابوس تانى صح
ألقت عشف بنفسها بأحضان صديقتها وبكت بعنف : ايوة شوفته هفضل اشوفه طول عمرى ااااه يقلبي اااه
ندى :اهدى يا عشق لازم تنسي لازم
عشق بدمووع :مش هنسي ولازم انتقم من كل الى اذونى،،انا بقيت دكتورة وحققت حلم اهلى بس حلمى انا لسه،،والله لسه
ندى :اهدى يا عشق،،وربنا هياخدلك حقك متخافيش
عشق:صح يس فاق
ندى باستفهام : يس مين!
عشق : الظابط اللى كان ف غيبوبة اللى انا كنت مسؤلة عن حالته
ندى: اممم القمر صح فاكر دا انتى بتصدعينى بيه كل شوية تقريبا انتى حفظتيه اصلا
عشق بابتسامة: لا عادى يعنى بس حالته كانت مهمة بالنسبالى والحمدلله فاق وقام بالسلامة
ندى: طيب يا حنينة يلا عشان تنامى
عشق برجاء :اقعدى معايا انهارده
ندى:حاضر هروح اقول لماما واجى
عشق بضحك: يلااا
****************
عند يوسف وملك ف المعسكر
ملك بصدمة :دا الى هوا ازاى يعنى يافندم
يوسف بهدوء: زى الناس هيبقا ليكى تدريب ع القتال زي العساكر ساعة يوميا ولا حضرتك ناسية اننا مستشفي عسكرى وانتى دكتورة فرقة يعنى هتطلعى عمليات فلازم يكون عندك خبرة
ملك :بس انا هنا لشهرين بس وراجعة القاهرة
يوسف :لو اتحملتى معانا احتمال كبير تكملى هنا علطول
ملك بتفهم :تمام يافندم ومين اللى هيدربنى
يوسف :الرائد مريان هيا الى هدربك،انتى مش لوحدك عشان فى كذا دكتورة فرقة والمعظم محجبات ف اخترنا رائد بنت تدربكم
ملك :تمام كويس جدا، اى اوامر تانية!
يوسف : لا اتفضلي
ملك:عن اذنك وخرجت
يوسف ف نفسه: ااااه من خوفي عليكى ياملك بس مش قادر امنعك تطلعى معانا مع انى عارف قد ايه خطر بس انتى هتكونى ف امان شوية لما تدربي وتاخدى خبرة
"اتَحمل عنكِ المَكِ وأكون بِقمة سعادتى فانتِ رَاحتى وسَعادتى، ابْتسمى فَقط وأكُون بِخَير"♥🥀
*****************
عند عشق ويس
عشق : صباح الخير يا حضرة الظابط....
ودخلت لتتفاجى بجموعة ظباط بالغرفة لتحمحم باحراج :احمم صباح الخير
الجميع : صباح النور
احد الظباط بهمس لمراد : مين الجميل!
مراد بهمس: دكتورة عشق اللى مسئولة عن يس
الظابط: امم اتاريه مش عايز يطلع بقا
شعرت عشق بإحراج شديد وهى ترى نظراتهم مصوبة تجاها وأنهت فحصها ليس الذى كانت دمائه تفور من نظراتهم لها وخرجت سريعا
"الفٓ اه ياَ مَعشُوقتى كَيف يَنظرون إليكِ حَتى النظر إليكِ مِن حَقي فَقط،لو بيَدى لاخَفِيك بين ضَلوعِى ولا يَراكِ سواى"🖤🥀
الظابط بضحك : ارتايك من عايز تخرج ياعم،،حقك
نظر له يس نظرة حادة أخرسته تماما وعادوا لحديثهم عن العمل بعد فترة من الحديث مابين جد وضحك
مراد: واهو يا سيدى عرفنا ان السبب هوا حسين الهوارى
دخلت عشق فى هذه اللحظة وعندما سمعت الاسم سقطت الادوية من يديها فنظر لها الجميع بتعجب
يس : فى حاجة يا دكتورة
عشق:...
****************
عند زين وليليان
ليليان:ايوة كدا يا لى لى يا جامد لازم ابقي شيك كدا.
زين:اووووووو ماهذا!! مزة فى بيتنا المتواضع
ليليان بسخرية :مزة!!! ومستغرب لما اقولك ياعم ويا كبير،،بيئة
زين :اتلمى يابت متطلعيش الصايع الى جوايا ،،،قوليلي رايحة الشركه دقولتى
ليليان : ماشي،،،ايوة راحية ادعيلى
زين بحب : باذن الله خير وحتى لو لاقدر الله متقبلتيذ ولا يهمك الف شركة تتمناكى
ليليان : ونعم بالله يا زينوو يلا سلام بقاا
زين:سلام ياقلب زينوو
##يتبع
