رواية جاسمين الفصل الثاني بقلم شيماء غازى
چاسمين ((٢))
في حاضر چاسمين
: يومها مكنتش خايفة
كنت
كنت فاكره مجرد تيار هواء وخلاص بس لما...
چاسمين : ياربي الساعة تلاتة ازاي بس
أنا ازاي نمت كل ده !!
وايه كمية الرن دي إيه اللي حصل؟!
Flash back..
في كلية الهندسة
الساعة ١٠ قبل الضهر...
علي : هتلاقيها مجتش من كرامتها اللي اتهانت امبارح
ده أنا خليتها فرجة لكل الناس
يونس: بس والله غلبانة يا عم..
: ايه يلا هتخيب ولا إيه
امال لو مكنتش عيلة هبلة
مفهاش ريحة الأنوثة حتى
سرح يونس في جمال ضحكتها
وابتسم
علي: لااا
ده أنت حالتك صعبة اوي أنا ماشي يا عم ..
اتمشى علي شوية
وحس بصوت غريب ناحية البادروم
مكنش فاهمه
نزل سلمة
ورا التانية
والكهرباء بتطفي وتنور لحد ما بيوصل لتحت
والنور بينطفي تمامًا
هنا قلبه وقع في رجله واترعب
وقرر يطلع
وهو بيرجع بخطواته لورا علشان يرجع تاني
الباب بيتقفل فجأة
ولسوء حظه مكنش فيه حد غيره تحت
علي : أن أن أنتتت مييين؟؟!!!!
وفي أقل من ثانية بيختفي علي ومش بيفضل غير صدى صوته وهو بيصرخ قبل ما يختفي
والباب بيفتح تاني
والنور بيشتغل ولا كأن حاجة حصلت....
Back
چاسمين بصوت لسه فايق
: الو
سلمى: أنتِ فين يا بنتي من الصبح مجتيش ليه؟؟!
وبعدين أنتِ ازاي مسمعتيش عن اللي حصل النهارده
ده الدنيا مقلوبة بره
: خير حصل ايه؟!
: علي مُختفي من الصبح
وأهله وصحابه وحتى البوليس مش لاقيين ليه أي أثر
وكأنه فص ملح وداب
مع إن يونس كان شايفه قبل ما يختفي بمدة صغيرة جدًا
وخدوه عالقسم يحققوا معاه
قال إن هم اختلفوا في حاجة بسيطة وسابه ومشي
وميعرفش إيه اللي حصل بعدها وهو طلع دلوقتي لما اكتشفوا فعلًا إن يونس ملهوش دعوة
وكلنا مش فاهمين لحد دلوقتي هو اختفى فين!!
چاسمين: اللي بتحكيه ده مش منطقي أبدًا
هيكون اختفى فين يعني!
سلمى: محدش بقى فاهم حاجة
ربنا يستر ويرجع تاني
: يارب
*****************************
بتقرر چاسمين بعدها بيوم تنزل الجامعة
وبتضبط المنبه علشان ميروحش عليها نومة
ولما بتوصل..
سيف : چاسمين
ازيك
كنتِ مختفية يعني امبارح
صدقتي إن اللي زيك نقرف نبص في وشه ومتستاهليش تكوني معانا في هندسة
يونس بيكون معدي بالصدفة ولسه كان هيبتسم أنه شافها
سمع اللي بيقوله سيف
يونس: سييف
أحسن لك تحترم نفسك
: أنت بتكلمني أنا كده يلا؟!
: لو هتتكلم معاها كده فآه
واكتر من كده
: يا ابني أنا صاحبك ، بتحب فيها إيه أنت مش شايف منظرها
ومسك نضارتها رماها عالأرض
مش شايف استايلها
ولا النضارة كعب الكوباية اللي من ٢٠٠٩ دي
هنا بتجري چاسمين
والدم بيجري في عروق يونس
وبيقرب من سيف وضربه ضربة وقعته ينزف عالأرض
بيمسح سيف وشه وهو بيقوم: ماشي يا يونس
ماشي
هعديهالك المرة دي بس علشان أنت صاحبي
وبيدوس عالنضارة
ومش عارف مصلحتك
وسابه ومشي
وهو ماشي بيقول لنفسه بصوت واطي:
چاسمين
اسمها مش لايق على شكلها أصلًا هه ...
وبيضحك عليها بهيستيريا مع نفسه
ميعرفش إنه
إنه هيدفع تمن ضحكه ده غالي.
يتبع.....
#شيماءغازي ♥️
رأيك وأنت معدي لو عايزني أكمل♥️
