رواية جريمة عشق الجزء الرابع الفصل الواحد والثلاثون
اليوم قرأت عبارة ومسَحت ع قلبي بكل دفء تقول : ”إن الله إذا شاءَ أمرًا كان، ولو عَارضه كُلُّ أهل الأرض، ولو عُدِمت أسبابه، ولو وقف كُلُّ شيءٍ في طريقه، إذا شاء الله أمرًا فلا مردّ له.”
______________________________________
بسم الله نبدأ .
أسم الكاتبة الحقيقي : شريهان ابراهيم.
الإسم الحركي للكاتبة : مريم نصار.
ف بيت المزرعه . ف الجنينه . بيفطرو .
آدم مراد : عكس الإعصار ال جواه . ومخنوق جدا عليها .. ومضايق منها ف نفس الوقت .. و راح عندهم . بثبات . صباح الخير.
كلهم صباح الخير .
آدم مراد : سحب الكرسي ف صمت وقعد يفطر .
آدم العدوي : بص عليه. وشافه بياكل ف صمت تام . واتأكد ان ف حاجه حصلت .
مريم : بابتسامه . عامل ايه يابن قلبى .؟
آدم مراد : ابتسم بتمثيل . انا تمام ياست الكل .
مريم : يارب دايما يانور عيني. امسكى يافريحه العصير ده ل آدم .
فريحه : اخدت العصير اتفضل ياحبيبى وبالف هنا ع قلبك .
آدم مراد : هز راسه متشكر يا امي .
فريحه : بألف هنا ياقلبي .
فهد : شاف الكل مركز ف فطاره ...واخد قطعه من الاكل . واكلها ل رينو.
رينو : ابتسمت بحرج . بس يافهد بابي ومامي قاعدين .
فهد : ابتسم وقال بهمس طيب اعمل ايه؟ عايز ادلعك . انا ماشي ع الشغل .
رينو : بابتسامه. وجودك جمبى هو كل الدلع والحنيه وكل حاجه حلوه . بس انت هتتاخر ف الشغل؟
فهد : بحيره .. مش عارف ايه النظام . ما انتى عارفه مالناش مواعيد .
. واسمعى يا لارين انا بقولك اهو تخلى عيونك ع آرين متخليهاش لوحدها ابدا فاهمه.
رينو : حاضر ياحبيبي . هي يعنى هتروح فين.؟ البيت بالمزرعه محدش فيهم غريب ابدا .وكمان جارد المزرعه واقفين حراسه قدام الباب .. متقلقش عليها.
فهد : بغيره . آدم مراد اجازه اسبوع. يعنى مش جاي معانا الجهاز .
رينو : وبعدين يافهد بقى؟ . آدم ابن اخويا متربي كويس وعمره ما اتعدى حدوده مع اي بنت ف العيله.
فهد : بتنهيده .. عارف ياحبيبتي . انا عارف كل ده . بس واجبي انى احافظ ع بنتى. ده مالوش علاقه ب آدم وبس . انا بتكلم عموما.
رينو : اطمن آرين مش صغيره. وكمان هي مش لوحدها . اوكي .
فهد : هز راسه . بتنهيده تمام .
تالين : بتاكل . اتفضل يا ابيه آدم . المشروب المفضل لحضرتك .
آدم مراد : ابتسم بحب . ومسد ع حجابها . شكرا ياحبيبتى .
تالين : ابتسمت الشكرلله . وبصت قدامها وقالت بضحكه صافيه . آرين جت هناك .
آدم مراد : بياكل وساب الاكل وصك ع أسنانه بغيظ مكبت.
آدم العدوي : متابع . وهز راسه وفهم .
آرين : لبست ونزلت . وعيونها ع آدم عشان عايزه تعتذر ليه .
.وقربت منهم بمرح . صباح الخير ع اجمل عيله ف الدنيا .
كلهم ابتسمو . صباح الخير .
آرين : راحت عند آدم العدوي . وسلمت عليه . صباح الورد ع بابا آدم بطل قلبى ..
آدم : ههههه يابكاشه . صباح الورد ع حفيدتى القمر.
آرين : حضنت مريم بمرح . ماما مريم القمر ام عيون يدوخو اااه يقلبك يا آرين.
كلهم ضحكو .
مريم : بضحكه صافيه . الله يجازيكى خير يارينو ياصغيره . عامله ايه ياحبيبتى ؟
آرين : بتسلم ع فهد انا تمام جدا . وحضنت فهد . بابي بطل حياتى كلها . اموووه صباحك ورد .
فهد : ههههه وضمها لقلبه صباح الجمال ياقلب فهد . عامله ايه؟
آرين : بمرح انا تمام اوى اوى . وبصت ع آدم . وشافته بياكل بعدم اهتمام ليها . واتغاظت . وراحت تسلم ع رينو .صباح الخير ع نجمتى الحلوه . ههههه.
رينو : ههههههه صباح الخير ع مجنونة العيله. اخيرا صحيتى . وباستها من خدها .
آرين : راحت ع فريحه . وقالت بمكر ايوه صحيت وقايمه فايقه جدا . وحضنت فريحه . عمتو ام عيون عسلى . هحبك ايه اكتر من كده يافريحتى. ههههه.
كلهم ضحكو .
فريحه : ههههه قلبى يا آرين. انتى ولي لي اللمضه . وانتى مهونه علينا كتير ياروحي .
آرين : بمرح تشكرات تشكرات . دي اقل حاجه عندى .
طبعا : آدم مراد . بيجاهد نفسه ع الثبات الانفعالي . ومش عايز يتصرف بغباء من غيرته عليها.
آرين : راحت عند مراد . وقالت خالو مراد القمر . اجمل واحلى واشيك وافخم مرادي ف العيله كلها . ههههه حلوه افخم دي . ههههه وضمته بمرح . صباحك زي السكر .
مراد : ههههههههه اه والله زي السكر . بتفهم البت دي . وغمز لفريحه ههههههههه ..
فريحه : بلعت ريقها بتوتر . احم .استر يارب.
آرين : حبيبى ياخالو . وراحت عند تالين الل جمب آدم مراد .. صباح التفائل والهدوء ع بومبانية العيله. وباستها من خدها . وحشتينى اوى ياتوتا .
تالين : ابتسمت بحب . صباح الخير يا آرين .وجودك بيعمل بهجه جميله وسطينا ..
آرين : اتغاظت من آدم وعدم اهتمامه . وابتسمت بمرح امممم تسلمي ياتوتا ياقمرايه . وقالت اذيك يا آركان يا.........حبيبى.
آدم مراد : غمض عينيه وبيحاول يهدا .
آركان : ببرود اهلا ياست ريبونزل . خلصتى المقدمه بتاعتك . اقعدى بقى افطري ..
آرين : صكت ع أسنانها بغيظ مكبت بسبب آدم . وقالت اذيك يا آدم يابن خالو .
آدم مراد : قام وقف بغضب . وقال بعدم اهتمام . اهلا يابنت عمتى . وبص ل جدو . وقال انا رايح الاسطبل .
آركان : بمرح ايه ياحظابط . هنركب الخيل امتى؟
آرين : قعدت بغيظ طفولى وبتاكل وهي متغاظه منه جدا .
آدم مراد : ل اركان . وقت ما تحب . انا فاضي طول اليوم .
مراد : قام وقف . وقال لأ استنوا لما نرجع من الجهاز . وقال يلا يافهد . عشان كدا هنتاخر لسه قدامنا ساعه ع ما نوصل اول المدينه .
آدم مراد : بص لجدو .
آدم : بتفهم . هز راسه ليه .
آدم مراد : اتحرك ومشي بسرعه من قدامهم .
فهد : قام وقف . وسلم ع رينو . وباس ع راس آرين وهمس ف ودنها . اسمعى كلام مامي اوكي ياروحي .
آرين : ابتسمت اوكي يابابي . حضرتك هتوحشنى جدا .
فهد : مسد ع حجابها وانتى كمان ياقلب ابوكي . ومش ناسي الكنز بتاعك اوكي .
آرين : بسعاده كبيره ميرسي جدا يا اجمل بابي ف الدنيا.
فهد : ضحك . وسلم ع آركان . وآدم ومريم وفريحه وتالين. وودعهم . وراح ع العربيه .
مراد : باس ع ايد مريم . وقال هتحتاجي منى حاجه ياست الكل .؟
مريم : بحب .. عايزه سلامتك يانور عيني . ربنا يكفيك شر الطريق . ويجعله ليك رفيق . ويسترك ويحفظك ف كل خطوه يامراد يابن قلبى انت وفهد وزين . وشباب المسلمين يارب العالمين ..
كلهم آمين .
مراد : الله ع الدعوه الجميله . والله انا يامريومه عايش بفضل دعواتك ليا . واجمل دعوه . دعوة الستر . ربنا يديمك ليا ياتاج راسي . وباس ع أيدها وراسها .
مريم : حطت ايدها ع خدو . دعيالك ف كل وقت وسجده . انت وزين . ربنا يباركلى فيكو ياحبايب قلبي. ربنا معاك .
مراد : ابتسم بحب . وباس ع أيد آدم . هتحتاج منى حاجه ياحج .
آدم : ربت ع كتفه . ربنا معاك ياحبيب ابوك . خلى بالك من نفسك .
مراد : إن شاء الله . وسلم ع فريحه. بت يافريحه اجبلك حاجه وانا جاي ؟
فريحه : عايزه سلامتك ياحبيبى . ربنا يحفظك يارب .
مراد : باس ع أيدها . ويحفظك ياروحي. وراح سلم ع تالين . توتا قلب ابوكي اجبلك ايه وانا راجع؟
تالين : حضرتك . وجودك هنا بيفرق كتير . استودعتك عند الله يابابا .
مراد : ضمها لقلبه بحب كبير . يابت انتى مش عارف احبك ايه اكتر من كده . وباس جبينها . خلى بالك من نفسك ياقلب ابوكي .
.وسلم ع آرين واركان ورينو . وودع الكل . وراح ركب العربيه . واتحرك هو وفهد ع الشغل .
آرين : بتاكل بغيظ . وبتكلم نفسها بهمس . البنات تخطفه اه . عشان اضربهم كلهم إن شاء الله . بس واحده تقرب منه والله العظيم ادخل فيها السجن .
. اه وكمان مقموص بسلامته. المفروض يعتذرلى ع الخضه ال خضهالى دي . وبتقلدو بغيظ . اهلا يابنت عمتى .بارد .
. لأ وايه كمان انا لايح الاستبل . بجد خنيق وفصيل . وعايز بوكس ف وشه اعدله بوزه ده .
رينو وفريحه . بصو لبعض بعدم فهم . واستغربو ريأكشن آرين كل شويه .
رينو وفريحه ف صوت واحد . مالك يا آرين؟
آرين : انتبهت . كح كح . احم ما...مفيش حاجه. انا كويسه اهو باكل . احم ممكن المربي دي بعد اذنك ؟
ورزعت الطبق قدامها بغيظ مكبت وعينيها ع الاستطبل وعايزه تضرب اى حد ... وقالت بخنقه . والله العظيم لو بنت بصتلك بس لاقتلها . انا ضي آدم وبس ... اوووف بقى ..
------------------بقلمي مريم نصار.
بعد شويه . فيلا عزيز .
مصطفى واقف ف التراس ولابس شورت وفانله . واتصل ع كريم ف باريس ..
كريم : شاف ليليان خارجه من الاوضه ولابسه طقم رقيق جدا عليها . وقرب منها وغازلها. وشالها وراح بيها الاوضه . وفونه رن .
ليليان : اتكسفت. وجت تقوم .
كريم : شدها لحضنه اكتر. وقال استنى هنا .ده الواد الفصيل مصطفى . هكلمه بعدين . وبيقرب منها. .
ليليان : ابتسمت. معلش ياحبيبى رد عليه . اكيد مفتقدك .
كريم : بصراحه هو رخم اوي . بس بحبه ابن اللذين ده . ورد عليه . وهي ف حضنه . الوو .
ليليان : همست . حبيبى افتح الاسبيكر . طريقته بضحكني اوى .
مصطفى : الووو . كيمووو باشا العريس ال اتجوز وباع اخوه . باع ايه ؟ ده انت رمتنى أخص ع كدا.
كريم : قال خلصت تخلف . بتتصل عايز ايه ؟
مصطفى : كشر عينيه . وهز راسه وقال بتصل ليه؟ ااااه يازمن . ياعينى ع الزمن والدنيا والايام .
خلاص.؟ ليليان أثرت عليك ووقعت بينك وبيني؟.
خلاص من تالت يوم جواز كرهت اخوك ياكريم؟
خلاص . يعنى بعد كدا هنعمل مشاكل ع الورث؟
كريم : ضحك بصمت وهز راسه بيأس . وقال انت هتفضل متخلف لحد امتى؟
مصطفى : وكمان بتشتمنى من دلوقتي؟ واتنهد بتمثيل .. واضح أننا داخلين ع مشاكل كبيره وهتوصل للمحاكم . وكل ده بسبب لي لي حبيبتى بنت عمتو.
كريم : صك ع أسنانه بغيره . ولااا اقسم بالله انت لو قدامي لاقتلك .. و لو قولت كدا تانى انا هعمل منك كفته فاهم ياحيوان.؟.
مصطفى : سند ايدو ع السور . ورقص حواجبه ببرود . وقال اممم انا ف ماسر وانت ف باريس يعنى العب غيرها. وبعدين هي لي لي دي مش بنت عمتو؟ حتى اسألها؟
ليليان : كاتمه الضحكه . وحطت أيدها ع خد كريم .وهمست بس اهدا ياكيمو . انت عارف إن مصطفى مجنون. ههههه.
مصطفى : سمعتك يامرات اخويا ياغاليه وانتى بتشتمى . وطبعا اخويا مغيب ومش هيرد ويجيب حق اخوه ال اتظلم بسببك .
يااااه ع مستقبلك ال اتدمر مع اخوك الكبير يامصطفى؟
بكره عيال اخويا يكبرو ومعرفش شكلهم . يااااه ياليليان؟ خطه ف منتهى الذكاء .. برافو . لأ برافو . خلفت يازين ياعدوي .
ليليان : هههههههههههه..
كريم : بغيره .. صك ع أسنانه . وحط ايدو ع بوقها . هششش اسكتى . وانت ياحيوااااان . اقسم بالله لما ارجعلك مااااشي يامصطفى الكلب انت .
مصطفى : هههههههههههه ايه ياعم بهزر معاك . الف مبروك ياحبيبى .
كريم : بغيظ مكبت . ماما فين ياحيوان ؟
مصطفى : اخو الحيوان هههههههههههه . روما ف المطبخ بتشرف ع الاكل . لأن جدو طارق وناناه رنا معزومين ع الغدا عندنا انهردا .
كريم : بيلاعب خصلات شعرها . وقال بمكر . امممم وچود القمر جايه معاهم ؟
مصطفى : صك ع أسنانه بتوعد . وقال اممم يتردهالى يابن يوسف عزيز . اه جايه ياخويا.
كريم : امممم لأ حيث كدا اتصل عليها بنفسي .
مصطفى : بغيظ وتتصل عليها لييييه؟ ريح دماغك منى اشطا . وع فكره انا اخدت اوضك . ورميتلك هدومك ف اوضتى .
كريم : ابتسم بحب وقال . خدت اوضتي يادرش . وماله يعم مش خساره فيك . حلال عليك .
مصطفى : تسلم ياشبح. قولى بقى انتو بتعملوا ايه دلوقتي ؟
ليليان : فتحت عينيها بصدمه . ووشها احمر جدا .
كريم : صك ع أسنانه بغيظ كبير . وقال وانت مااالك انت . غوووور يلااا وماشوفش رقمك طول الشهر .وقفل ف وشه ..
مصطفى : بص لشاشة الفون . وكشر عينيه بتعجب. وقال ينهار مش واضح ... واضح أنه مش مبسوط هناك ..
كريم : مسح وشه بايديه بغيظ . وقال عيل فصيل ورخم .
ليليان : وشها ف الارض بحرج كبير وساكته .
كريم : ابتسم ع خجلها . وقال هو احنا كنا بنعمل ايه؟
ليليان : ضغطت ع شفايفها بحرج كبير. ومردتش .
كريم : شدها لحضنه اكتر . قلبى انا ال وشه زي الورد . انا جوزك يالي لي.
ليليان : ف حضنه ابتسمت بحرج . وغمضت عينيها .
كريم : رفع دقنها وباسها برقه . بحبك اوى يالي لي.
ليليان : بتنهيده . وانا بحبك اوى ياكريم .
كريم : قرب منها بحب كبير واخدها لعالمه الخاص.
------------------بقلمي مريم نصار.
ف دهب . ع اليخت .
نور : ف مطبخ اليخت ولابسه طقم رقيق . وبتتكلم ف الفون.
.. ايوه يانرمين . والله يابنتى انا مش زعلانه. انتى عندك ظروفك . ووالدتك تعبانه . والدكتور مروان شرفنا ف الفرح هو وابنك ياسر . وعملو الواجب وزياده.
نرمين : بزعل . انا عارفه ياحبيبتي انك مش زعلانه . لانك مبتزعليش من حد . بس انا بقى ال زعلانه . كنت هموووت أشوف تيم وهو عريس . بجد فاتني نص عمري. اكيد كان القمر اللهم بارك .
محمد : دخل عندها المطبخ . وضمها من الخلف. وحط دقنه ع كتفها . وابتسم.
نور : ابتسمت . وربتت ع ايدو. وقالت ل نرمين . ايوه ماشاء الله تيم كان چان وجميل جدا . الحمد لله ربنا يحميه ويحفظه. وكمان ميرو يانرمين . كانت جميله جدا خيال بجد . والعرسان كلهم قمرات الله أكبر عليهم. ربنا يصلح حالهم ويسعدهم .
نرمين : انتى بتغظينى صح ؟ وكمان مروان حكالى ع كل حاجه ف الفرح وال عمله حفيد اخو الدكتور محمد.
نور : ههههه مصطفى؟ مصطفى ده ف عالم موازى . بس بجد شعل الفرح . وجدد الفرحه ف قلوبنا.
نرمين : يارب ديما ياحبيبتي فرحانين . وانا هتصل ع تيم بنفسي ابارك ليه .. وكمان عايزه نسخه من الفرح اشوف العرسان اللهم بارك..
نور : حاضر ياحبيبتى . انهردا بليل كل حاجه هتكون عند عمو طارق . ولما نرجع إن شاء الله . هبعتلك نسخه . من عيونى .
نرمين : تسلم عيونك ياحبيبتى .. واسيبك انا دلوقتي . واجازه سعيده عليكى . والف مبروك ياحبيبتى.وسلميلى ع الدكتور محمد .. مع السلامه ..
نور : ميرسي . وربنا يبارك فيكي يانرمو . مع السلامه . وقفلت .ورفعت عينيها ل محمد بابتسامه .
نرمين بتسلم عليك ياحبيبى .
محمد : اتعدل ولفها ليه .وابتسم . الله يسلمها . كل دي مكالمه . وسيبانى.
نور : بدهشه وضحكت . سيباك فين بس ياحماده.؟
انا كلمت تيم وميرو وانت معايا .. ودلوقتي انا يدوبك رديت ع نرمين . والمكالمه حوالى ٥ دقايق بس .
محمد : بيتأمل فيها ورجع خصلة شعر ورا ودنها وهمس . ال٥ دقايق ف بعدك ٥ سنين . انتى مش عارفه حبك موصلنى لفين يانورى .
نور : قلبها دق . وقالت بحرج . لفين ياحماده؟
محمد : رفع دقنها وباسها برقه وقال . الى مالا نهايه . حبي ليكى وعشقى مالوش حدود ولا ليه قواعد . انا اكتر من مليار مابعد العشق يانورى .
نور : غمضت عينيها وقلبها بيدق بسعاده . وقالت انت ادمانى . وامانى. وحطت راسها ع صدره.. أنا امانى هنا . ف حضنك . هنا وبس يامحمد .
محمد : زاد من حضنها وضمها لقلبه بعشق العالم كله . وهمس بعشقك يانورى . بعشق بنوتى الجميله . ال كبرت ع ايدى ..
نور : عيونها لمعت بدموع الفرح. ربنا يديمك ليا ياحبيبى ..
محمد : طلعها من حضنه. وباس جبينها بحب كبير . ومسح دموعها . وهز راسه ليها لأ. نورى متبكيش ابدا . نورى تفرح وبس . وقرب منها وباسها برقه وحب كبير .
نور : تاهت ف عشق حبيبها وكيانها .
محمد : شالها ع اوضتهم . واخد نور لعالمه الخاص ..
------------------بقلمي مريم نصار.
ف اسكندريه .
تيم : اخد ميرو . وبيتفسحو ف شوارع اسكندريه .
ميرو : ماشيه جمب تيم ومحافظه ع بعد المسافه بينهم . ولكن هي مبسوطه جدا إن يومها كله مع تيم وبس . هي مكتفيه بوجوده معاها . حتى لو مخطوبين.
بس هنشوف هي هتصمد لحد امتى ع شرطها وعقابها.؟
تيم : طبعا جواه متغاظ من بعد المسافه بينهم والحدود الل حطاها ملاكه . وقال تحبى نطلع ع المول ؟
ميرو : بصت ف الساعه . وقالت ع فكره انت نسيت اننا عازمين هبه ع الغدا.؟
. ولو روحنا المول هنتاخر عليها . وهيبقى موقف مش لطيف مننا. ولا ايه رأيك ؟
تيم : بغيره متداريه . طبعا طبعا . والاستاذ فادي اللذوذ . لازم يتغدا هو كمان ؟ وصك ع اسنانه .. ولاااييييه؟
ميرو : قلبها بيرقص من السعاده . وكتمت الضحكه وقالت بمكر . امم عندك حق. احم يلا بينا ع الفندق؟
تيم : ابتسم بغيظ . اممم اتفضلى ياهانم . سمعا وطاعه . اومااااااال ايه ؟ وقال بتوعد .. انا عايزك تاخدي راحتك ع الآخر...
ميرو : كشرت عينيها بعدم فهم وقالت يعنى ايه؟
تيم : بخبث . يعنى كل خير ياقلب تيم .وغمز .
ميرو : اتوترت . وبلعت ريقها بتوتر. وقالت هو الجو حر مش كدا ؟
تيم : ابتسم بمكر . ابدا ده الجو جميل جدا . اتفضلى ياحبيبتى . وفتح ليها باب العربيه .
ميرو : قالت جواها . هو يقصد ايه؟ طريقته مريبه جدا . احم ربنا يستر بجد . وركبت بتوتر .
تيم : ركب جمبها .وقفل ازاز العربيه. وشغل التكييف . وقال اربطي الحزام ياحبيبتي.
ميرو : برجفه .. لو سمحت ياريت بجد بلاش اسلوبك ده .
. انا ميرو وبس . احم .. مش لازم حبيبتى والكلام ده .ومش عارفه تربط الحزام . من التوتر.
تيم : قرب منها اوي وبيربط ليها الحزام .
. وده كفيل يخلى ميرو يغمي عليها من قربه .
وقرب من وشها اوي وقال بهمس وهو متعمد .
. ليه؟ ليه مقولش حبيبتى وانتى حبيبتى؟
.وليه مقولش روحي وانتى ساكناها .
.وليه مقولش قلب تيم . وانتى اصلا نبضه . ليه؟
ميرو : غمضت عينيها بتوتر . وقلبها هيطلع من مكانه . ومسكت فستانها بايديها. وبتنهج بسيط من قربه ليها. وقالت بصوت مبحوح. لو .س...احم. ابعد ..
تيم : قلبه بيدق. وبيتامل تورترها. وبيرسم ملامحها . وبص ع مراده وهيضعف . وف اللاوعي رفع ايدو مشاها ع خدها وهمس بحبك يا مريم .
.انتى ليه مش مصدقه انك عشقى وحبيبتى. مريم انا بعشقك . بعشق توترك وارتباكك .
ميرو : بتنهج . تي.....تيم ارجوك .
تيم : شبك ايدو ف كف أيدها . وهمس وحشتينى.
ميرو : ....... وبتتنفس بسرعه .
تيم : بضعف مريم . ارجعي عن قرارك .
ميرو : فتحت عينيها بتوتر . وبصت ف عينيه .
تيم : بيتأمل عينيها . وعاشو دقات قلب جديده مع ميراث عشق قديم .. ولكن بيطلع للنور باعتراف جديد .. ومشاعر جديده مشتركه بينهم .
ميرو : دخلت ف اللاوعي من جمال لون عيونه . وقالت بعتاب . انت ع طول شايفنى اختك .
تيم : بعتاب اكبر . غصب عني . وليا أسبابي . ولازم تسمعينى . وانا لازم اسمعك . حبيبتي احنا لازم نتكلم ف حجات كتير جدا عايزك تعرفيها . واهما انى بدوب فيكي .
ميرو : بدقات قلب . تاهت وهمست بضعف . تيم ا..ا.انا ...
تيم : باس كف أيدها وعيونه ف عينيها . انتى ايه ؟
ميرو : عايزه تقوله انها بتحبه جدا . وبتجاهد نفسها تعترف .. وقالت ا.انا....
تيم : بيتأمل عينيها بعشق . وقال سامعك قولى انتى ايه ؟
ميرو : قلبها دق بحب كبير .واستسلمت كاملا للعشق. وغمضت عينيها للاعتراف وقالت ا.انا...ب......
وفونها رن . وكانت هبه ..
ميرو : انتبهت وفتحت عينيها بدهشه كبيره . وضغطت ع شفايفها بحرج كبير .. ولعنت نفسها ع ضعفها ف وجوده ..وقلبها هيطلع من مكانه من الاحراج .وحمدت ربنا إن هبه اتصلت ف الوقت المناسب.
تيم : انتبه . ورجع مكانه . ونفخ بضيق حقيقي . وصك ع اسنانه بغيظ مكبت ..ومسح ع شعرو . وشغل العربيه وساق بخنقه ..
ميرو : ردت ع هبه . وحاطه أيدها ع قلبها . وقالت بصوت مبحوح ومكسوفه جدا . وقالت . احم .ا.ايوه يا.. هبه . احنا راجعين ع الفندق. احم . مش هنتاخر . مع ..ا..السلامه . وقفلت . واخدت نفس عميق واتنهدت بتعب . وبصت من الازاز وسرحانه وعيونها لمعت بدموع من فرط العشق المكبوت ..
------------------بقلمي مريم نصار.
بعد فتره ف بيت المزرعه ..
آدم ومريم. طلعو ف اوضتهم يستريحو شويه.
وفريحه ورينو .ف الليفنج بيتفرجو التليفزيون .
ف الجنينه .
آركان : بيجرى بسرعه كبيره وداخل ف سباق مع ريكس وهاسكي .... وآركان سابقهم ..
آرين : بتسقف بحماس . برااافووو عليك يا آركان ياحبيبى ايوه كدا .
تالين : بانبهار ماشاء الله تبارك الرحمن . ريكس وهاسكي مش قادرين يكسبو آركان . حاجه جميله جدا .
آرين : بصت ف الساعه. ومتغاظه من آدم ال متجاهلها من الصبح . وشافت تالين مندمجه ف المسابقه . وقالت. ثواني وراجعه ياتوتا اوكي.
تالين : مركزه مع الكلاب و آركان وهزت راسها اوكي اوكي.
آرين : سابتها . راحت وسط الشجر . وخرجت ع بيسين كبير. وقالت بتعجب اله ؟ آدم كان من ساعه نازل البيسين. هيكون راح فين؟ وصكت ع اسنانها بغيظ اممم بارد جدا جدا . ورجعت تانى . وقابلت منصور . وسألته. عم منصور . هو آدم فين؟
منصور : سي آدم بيه الصغير لسه داخل حالا الاسطبل عند ساهيل ياهانم .
آرين : هزت راسها متشكره . وسابته ورايحه الاسطبل .
آدم مراد : من وقت موقفها الصبح وهو مخنوق جدا منها . وكمان كل ما يتخيل شعرها بالجمال ده . يغمض عينيه بغضب شديد لو كان الولد شاف شعرها وكمان بالبيجامه .
.وشاف انها لازم تكبر وتعقل . واتجنبها لانها عايزه كدا . وهي قالت مش هتكلمه تانى. وخرج من البيسين واخد شاور . ونزل ع الاسطبل من غير حتى ما يسأل عليها.
آدم مراد : قرب من ساهيل . وبيحط السرج عليه .
آرين : من وراه احم احم.
آدم مراد : سمع صوتها. ومردش واتجنبها كأنها مش موجوده .وبيكمل .
آرين : قبضت ع أيديها بغيظ. وقربت منه . بغضب طفولى . ممكن اعرف حضرتك مبتكلمنيش ليه؟
آدم مراد : .............
آرين : اتغاظت اكتر . اه اوكي اوكي . حضرتك شكلك مستريح جدا كدا . صح ؟
آدم مراد : بعدم اهتمام .جاهز ياساهيل ؟
ساهيل : عمل صهيل كأنه بيقول جاهز ..
آرين : حست بالاحراج . ونزلت وشها ف الارض بحرج .اوكي ميرسي جدا يا آدم . بعد اذنك . وخارجه .
آدم مراد : غمض عينيه ونفخ بنفاذ صبر . وقبل ماتخرج . شدها بسرعه من أيدها . وخبطت ف صدره .
آرين : شهقت بصوت عالى . وقلبها بيدق بسرعه كبيره .
آدم مراد : عينيه ف عينيها. وقال بجمود وتهديد شديد اللهجه . حذاري يا آرين تختبرى غيرتى عليكى .
.النقطه دي بالذات حذاري تدخلى فيها . عشان أنا مش عارف انا ممكن اعمل ايه؟
. وانك تخرجي من اوضتك بشعرك وف ناس موجوده ف البيت اول واخر مره .
.انتى كان ليكى فرصه واحده بس وخلصت. ولو غلطتى تانى يا آرين صدقينى هتزعلى منى اوي . وبعد عنها خطوه ولف ضهرو ليها ..
آرين : بتنهج من الخوف .وعيونها مفتوحه من الدهشه ودموعها نازله . وهمست برعشه آدم انت ليه بتخوفنى .. وعيطت بخوف .
آدم مراد : سمع نبرة صوتها ولف ليها بسرعه . وشافها بتعيط وبتترعش. آدم قرب منها بسرعه بخوف حقيقي . هشش بس بس اهدي . اهدى ومتعيطيش . آرين .. ارييين سمعانى .هشش بس متعيطيش .
آرين : حطت وشها بين ايديها وعيطت بصوت عالى . وقالت بشهقات انت بتعمل كده ليه معايا .
آدم مراد : قبض ع ايديه بغضب من نفسه . ولعن نفسه لأن آرين متربتش ع الاسلوب ده. وطلع منديل ورقي . وشال ايديها من ع وشها . ومسح دموعها . وقال بخنقه .خلاص متعيطيش. وتعالى نطلع بره الاسطبل ده.
آرين : بشهقات بسيطه طفوليه . لأ .. انا عايزه بابا آدم . انا عايزه امشي من هنا وأرجع ع بيتنا .
آدم مراد : ابتسم . ونفسه يحضنها جدااا. وقال طيب تعالى معايا . عايز اتكلم معاكى شويه .
آرين : ببراه هزت راسها لأ انا مخصماك .. وبجد مش هكلمك تاني .
آدم مراد : همس ف ودنها ع فكره . لو فضلتى بالجمال ده و لو مخرجناش من هنا . انا مش عارف هعمل ايه . يلا تعالى معايا.
آرين : مش فاهمه . لكن اتكسفت جدا . وهزت راسها وخرجت بسرعه.
آدم مراد : غمض عينيه .. وقال .. اهدا يا آدم آرين متتعاملش كدا. ونفخ بغيره . وخرج وراها .
آرين : جريت ف الجنينه . ووصلت عند البيسين . وزعلانه اوي من آدم .
آدم مراد : راح وراها . وجاب كرسي اقعدى يا آرين .
آرين : قعدت من سُكات.
آدم مراد : سحب كرسي وقعد بالخلف ع الكرسي . قصادها . وسند بايديه ع الكرسي. وقال بتعيطى ليه؟
آرين : نزلت وشها ف الارض بزعل طفولى . وقالت بدموع انت بتزعلنى اوي يا آدم .
آدم مراد : ابتسم . طيب ما انتى ال غلطانه يا ضي آدم .
آرين : هزت راسها بطفوليه لأ انا مش ضي آدم لأ .. انت بتزعلنى اوي منك .
آدم مراد : ابتسم بحب كبير. وقال لأ بصي ضي آدم دي مافيش عليها جدال . والموضوع فيه منتهي . انتى هتفضلي لآخر يوم ف عمري ضي آدم ونور العتمه ال جوايا.
آرين : بلعت ريقها بتوتر وقلبها دق وقالت يعنى ايه؟
آدم مراد : بصلها بعتاب. انا زعلان منك اوي يا آرين. انتى انهردا غلطتى ٣ غلطات.
آرين : بتعد ع صوابعها ببراه . ٣ غلطات. ازاي ؟ ده هي مرا وحده بس. لا يا آدم انت كدا بتخم ع فكره.
آدم مراد : ابتسم. لأ انتى غلطتى اول مره . لما خرجتى من اوضتك بالشكل ده.
. وغلطتى تانى مره لما فهمتى خوفي عليكى غلط وكررتي انك زعلانه ومش هتتكلمي معايا تانى.
. وغلطتى تالت مره ع الفطار . وتعدمتى تخلينى اغير عليكي . وده اكبر غلط . وال اكبر من كل ده . نظرة الخوف ال شوفتها ف عينيكى ليا دلوقتي ف الاسطبل .
.آرين مش معنى انى اضايقت عليكى يبقى بخوفك منى.
. انتى ال وصلتينى انهردا للحاله دي . انا لحد دلوقتي بعاملك انك طفلتى وبنتي . لكن ان الأوان انك تكبري بقى . عشان لو كررتي غلطك تانى زي انهردا هتتعاقبي بجد .
آرين : بتذمر طفولى . ما انت كنت ماشي حلو. اتحولت ليه بس .
آدم مراد : ابتسم سمعتك ع فكره ...
آرين : عاااااااا هو ايه ده بقى. وبعدين انت بتخوفنى لما هددتنى ف الإسطبل . كنت آدم المرعب. يامااامااعع. بجد خوفت منك اوي.
آدم مراد : بجمود . آرين اوعي ف يوم تحسي الخوف ف وجودي انتى فاهمه ؟
ف فرق بين انى اكون متضايق منك وبشد عليكى لمصلحتك . وف فرق مابين انى اخوفك منى.
آرين : خلاص خلاص مش هخاف. بص يا آدم انا بس جيتلك الاسطبل حبيت اقولك . انى غلطت فعلا الصبح لما خرجت كدا. بس والله العظيم مامي قالتلى إن كل العيله ف الجنينه ومفيش غيرى ف البيت دي حاجه.
. الحاجه التانيه بقى انا قولت انى مش هكلمك لانى زعلت بجد منك. اولا انا خوفت اوي لما حطيت ايدك ع بوقي. وشدتنى. قولت بس ده حرامي وخطفنى .
آدم مراد : ضحك بصمت. وقال ايوه عشان كدا قولتى انت خطفتنى يا آدم ههههههه.
آرين : بمرح هو انا لو اتخطفت هتعمل ايه يا آدم؟
آدم مراد : بغضب .. قرب من وشها اوي وقال بفحيح افعى . محدش يقدر يعملها.
.ولو حصل اقسم بالله ب ال آر بي جي وافجرهم كلهم . ال يفكر يلمسك بس حكم ع نفسه بالموت ع ايد ديزل المخابرات . وحذاري تقوليها تانى. فاهمه .
آرين : قلبها بيدق بقوه . وفرحت جدا. وقالت بطفوليه وااااااو زي الروايات بالظبط . بس تعرف البطل بينزل بطياره خاصه .
. وبيبقى لوحدو بيقتل العصابه كلها وينقذ البطله . ايه ال انا بقوله ده ؟
لأ لأ البطل اصلا هو ال بيخطف البطله . ايوه ويعذبها يامااامااعع .
آدم مراد : كشر عينيه روايات؟
آرين : خافت ..وقالت بتلعثم . احم ...... اه اسكت يا آدم انا زعلانه اوى اه والله .
آدم مراد : فهم انها بتهرب من الحوار . وقال زعلانه ليه يا آري ؟
آرين : اصل . اصل. احم . بقولك ايه انا عايزه اركب الحصان تانى بلييييز .
آدم مراد : آرين مش عشان ركبتى امبارح شويه فكرتى نفسك متدربه وع كفاءه . احمدي ربنا . ويلا قومي روحي عند عمتو عشان متقولش حاجه . وكمان خفي من الروايات تمام؟.
آرين : قامت وخبطت برجلها ف الارض مكانها عاااااااااا لاااااااء بقى انا عايزه اركب حصان عاااااااا ماليش دعوه .
. وصكت ع اسنانها بغيظ وقالت بعند انا هركب الحصان يا آدم اوكي .
آدم مراد : بغمزه لو قدرتي اعمليها. وسابها واتحرك . وبيضحك ع ال دوبت قلبه ف عشقها.
آرين : حطت ايديها ف جمبها بطفوليه وكشرت عينيها وقالت اممم لو قدرت اوكي ... لأ انا هقدر يابن خالو مراد القمر . وهكون قويه زي بابي فهد حبيبى.
------------------بقلمي مريم نصار.
ف اسكندريه. ع البحر .
تيم وميرو وصلوا الفندق . وطلعو صلو العصر ونزلو .
تيم : ماشي بعد ميرو بخطواط . وعمل مكالمه مهمه. وقال اه تمام يعنى الحاجه قدامها قد ايه وتوصل هناك؟ امممم لأ كدا حلو اوى. خلاص انا هبعتلك ال قولتلك عليه. وتعمل كل حاجه زى ما قولتلك امبارح بالظبط . وقبل الحاجه ماتوصل بنص ساعه ابعتلى رساله خاصه تمام؟ ماشي مع السلامه . وقفل وابتسم بخبث اممم .. وقرب جمب ميرو ..
ميرو : ماشيه جمب تيم . وقالت هبه هناك اهي .
تيم : قبض ع ايديه بغيره اه واللذوذ معاها . اممم ماشاء الله كتلة تلج متحركه .
ميرو : بمكر انا مش عارفه انت ليه واخد من استاذ فادي موقف كدا .
تيم : وقف قدامها بغيره واضحه. وقال بتحذير . اول وآخر مره تنطقى اسم السحليه ده. وإلا قسما بالله اقتله قدام عينيكى تمام .
ميرو : غصب عنها ضحكت من قبلها . ههههههه سحليه هههههههه بجد ضحكتينى اوي ياتيم.
تيم : سرح ف ضحكتها . وقال الله يخربيت ال كان السبب ياشيخه. بقولك ايه ماتلغي المده اسبوع واحد بس . ايه رايك ؟ وغمز.
ميرو : بتوتر وحرج. ومثلت الجديه .ع فكره بقى انت مش ماشي ع الشرط خالص وده ممكن يزود فترة الخطوبه . وانت حر بقى. ..
تيم : هههههههههههه وصك ع اسنانه بغيظ وقال ده عندها هناك . وع فكره لازم نتكلم انهرده واقولك ع كل حاجه. انتى لازم تسمعينى ..
ويلا عشان نخلص من الغدا التقيل ع قلبى ده ... واه مش هفكرك كلام مع فادي النادي ده مش عايز . عشان مقلبش التربيزه ف وشه واكسر ضلوعه . اصل بصراحه نفسي اقرقش حد بسنانى .
ميرو : بزهول . وكشرت عينيها بعدم فهم . وقالت تيم انت قبل كدا مكنتش بالاسلوب ده ؟
تيم : بغيظ ... مجبر . منا ف السجن والمستشار مريم العدوي أصدرت الحكم . لكن ف نقض بإذن الله . ويلا نشوف جوز الكناريا دول. خلينا نخلص . وسابها ومشي بنرفزه.
ميرو : ضحكت بسعاده كبيره . وقلبها مبسوط جدا . وهمست بحب .. تيم هيتكلم معايا انهارده؟ وانا كمان لازم اسمعه . وكمان نفسي احكيله ع كل حاجه حلوه جوايا . وقالت بتنهيده كبيره . اااه بحبك اوووى اوى ياتيم ...
تيم : قعد ع التربيزه من غير كلام . وشاور لميرو تقعد جمبه بالظبط .
ميرو : بحرج قعدت. وقالت مساء الخير ..
تيم : بضحكه كلها غيره .. يادكتوره هبه . الدكتوره مريم تقصد تقولك مساء الخير يا ..... دكتوره هبه وبس . مش كدا ياروحي ؟
ميرو : ابتسمت بحرج احم ا.ايوه . مساء الخير يا هبه .
هبه : ههههه مساء الخير يا حبيبتي . اتاخرتى ليه كل ده؟
ميرو : سورى بجد . الطريق كان زحمه وده الل اخرنا .
فادي : بسماجه . بصراحه بجماعه انتو اتأخرتو اوي . انا كنت لسه هقول ل هبه نمشي.
تيم : من بين أسنانه بغيظ .. يااااريت.
فادي : نعم ؟؟
ميرو ؛ اتكسفت جدا وبصت ل هبه .
تيم : ببرود قصدي ياريت متستعجلش . وبعدين هو انا كنت ف طريق فاضي ماهو زحمه هعمل ايه انا يعنى ؟
هبه : احم خلاص ياجماعه حصل خير.
فادي : ببرود . فعلا كويس جدا انى مستعجلتش . ههههه الواحد هيضيع ع نفسه فرصة غدا .وببلاش كمان يعنى توفير التوفير هههههههه
هبه : وشها بقى احمر جدا من الاحراج .واضايقت .
تيم : بص ل ميرو . ف نظره معناها اتفضلى طلع بخيل ومعفن.
ميرو : زعلت علشان هبه .
تيم : ببرود اتفضل المنيوم يا فاضي باشا .
فادي : لأ حضرتك أسمي فادي. فادي بالدال
تيم : ايه ده بجد ؟ اممم فادي . اتفضل اختار الاكل ال يعجبك .ياا......ففف ا د ي ..
ميرو : قربت من تيم وهمست ف ودنه . ماينفعش كدا. هبه شكلها مضايقه جدا..
تيم : بنفس الهمس. خليها يمكن ربنا بيكشفلها السحليه ده ع حقيقته . واراهنك هيطلب اغلا الأنواع .
ولا هوا عارف هو بيطلب ايه؟ لأ هيبص ع السعر بس .
هبه : بصت ل فادى . وقالت بخنقه هتطلب ايه؟
فادى : لأ لأ ركزي انتى ف المنيوم بتاعك . وسيبينى امخمخ كدا . اه دي فرصه اههههههههه .
هبه : حست بالاحراج الشديد. وسكتت .
تيم : باحترام . اتفضلى يادكتوره هبه اطلبى ال انتى عايزاه . وال يعجبك .
هبه : ابتسمت بحرج . واتكسفت وقالت لأ انا هطلب اى حاجه مش مهم .
ميرو : أنقذت الموقف وقالت خلاص ياتيم انا هطلب ل هبه . انا عارفه هي بتحب ايه .. اوكي ياهبه؟
هبه : هزت راسها بحرج احم اوكي ..
بعد دقايق.
فعلا فادي طلب اكلات غاليه جدا . وهبه كانت مكسوفه جدا .
تيم : ماهتمش .وركز مع ميرو.
ميرو : طلبت االاكل ال هبه بتحبه .
بعد شويه الجارسون جه . وقدم ليهم الغدا .
هبه : اتصدمت من كم الانواع ال نازله قدام فادي لوحده .
ميرو : فتحت عينيها بدهشه وبصت ل تيم .
تيم : همس ليها. فاضي بقى وعايز يملا التانك . ههههه.
ميرو : غصب عنها ابتسمت .
تيم : قرب من دونها وهمس بطلى تبتسمي حتى تمام . واهتمي بصحبتك . ال هيطلع عينيها بعد الجواز من المعفن ده . اوكي ياورحي .
ميرو : اتكسفت . وبصت ل هبه . وقالت يارب الاكل يعجبك .
هبه : ابتسمت بتكليف . ومن جواها محرجه جدا .
فادي : عينيه بتطلع قلوب من كمية الأكل ال ببلاش . وبدأ ياكل بنهم كبير .
هبه : فتحت عينيها بصدمه كأنها بتكتشفه من جديد .
ميرو : شافت طريقة اكله وسابت الشوكه ف الطبق . وحست بالاشمئزاز .
تيم : مش مهتم بيه خالص . وشاف ميرو. واخد قطعة فراخ بالشوكه وقدمها لميرو قدام بوقها.
ميرو : بحرج اكلتها منه . وجواها احساس مختلف.
فادي : بياكل . وبص ع ميرو . وقال انتى مابتكليش ليه؟
ميرو : كشرت عينيها بتعجب..
تيم : خبط الشوكه ف الطبق بنرفزه . وحضرتك مهتم ليييه؟
فادي : ههههههههه ايه يادكتور تيم مالك محبكها اوي كدا ليه؟
.خليك فريش ياراجل .مره تقول مراتك مابتسلمش ودلوقتي مهتم ليه؟ لأ لأ انا مش معاك ف ده .
ميرو : غمضت عينيها وقالت ربنا يستر .
تيم : رفع حاجبه بتعجب . وقال محبكها؟ اممم اومال حضرتك عايزنى اعمل ايه يا باشمهندس فادى؟
فادي : بياكل . ههههههه يعنى اعمل زيي. مافيهاش حاجه لو حد سلم ع هبه حتى لما تبقى مراتي . وكمان ناوي بعد الجواز هبه تقلع الحجاب عشان المنظر العام .
.وكمان هخليها تتعرف ع رجال الأعمال ف مجالي . ايوه لازم يكون ف ثقافه وسيبك من الجهل ده اسف ف اللفظ ههههههههه ولا ايه؟
ميرو : شهقت بصوت مهموس .
هبه : اتصدمت وسابت الشوكه . وبصت ل فادي بصدمه كبيره.
تيم : عكس الل جواه وقال ببرود . اه طبعا معاك حق لكن للأسف انا معنديش استعداد اكون قورني وكدا ..ولا اييييه؟
فادي : هههههههههههه ينهار ابيض والله دمك زي العسل يادكتور . صدق ف ناس كتير كدا . بتفكر بالطريقه دي . ههههههههه .
هبه : قامت بسرعه . وقالت دكتوره مريم شكرا ع الغدا الجميل ده وهكلمك بليل .انا لازم امشي دلوقتي بعد اذنكم. ومشيت بسرعه. وبتعيد حساباتها.
ميرو : زعلت علشان هبه. وبصت ل تيم بزعل .
فادي : ههههه اهي ع طول هبه كدا . لكن انا هبرمجها بعد الجواز .
تيم : صك ع أسنانه بغيظ مكبت. وقال ل ميرو. اطلعى ع الجناح حالا.
ميرو : همست بقلق .. تيم انت.......
تيم : قبض ع ايديه بغضب قولت اطلعى ع الجناح حالا .
ميرو : قامت بسرعه . واتحركت ع الفندق .
تيم : بتوعد ... ايوه بقى يافادي احنا بقينا لوحدنا اهو. راجل ل.......راجل ع حسب . هتبرمجها ازاى؟ معلش طبعا أنا عايز اتعلم منك .
فادي : ههههه طبعا .بص يادكتور تيم المجتمع الشرقي ده مجتمع غريب جداً . ف نوع من الرجاله كدا غريب . ههههه متزعلش منى زي حضرتك .
يعنى يمنع مراته تسلم ع الرجاله وكمان تلبس وتغطى جسمها . لأ وكمان يمنعها انها تحط ميكب وتفرد شعرها .اومال الرجاله هتتمتع ازاى؟
.وكمان انا اختارت هبه لانها جميله ولما تفرد شعرها وتلبس فستان سهره هتكون اجمل . وقتها رجال الأعمال هيحسدوني عليها . ويشاورو عليا ويقولو ياريتنا مكان فادي . ووقتها اكبر ومراتي تكبر معايا. ونكون من أكبر الدول المتقدمه . سيبك من الجهل والتخلف بتاع الراجل الشرقي . هههههههههههه هو الفقر جالنا من شويه. لازم نقلد الغرب لان هما الصح ..ولا ايه ؟
تيم : مغمض عينيه وبيسمع . وصك ع اسنانه بغضب واضح . وهمس من بين أسنانه بغيظ ياديوس ياكلب .. وقبض ع ايديه . لدرجة إن الجرح اتفتح من تاني .
فادي : ههههههههه طبعا حضرتك مش هتقتنع بسهوله . طيب عايز اقولك ع حاجه . يعنى مرات حضرتك. جميله جدا ولو فردت شع........ااااااااه . اااااااه ..
الحلقه 31 ج 2
#رواية_جريمة_عشق4
(ميراث العشق)
اليوم قرأت عبارة ومسَحت ع قلبي بكل دفء تقول : ”إن الله إذا شاءَ أمرًا كان، ولو عَارضه كُلُّ أهل الأرض، ولو عُدِمت أسبابه، ولو وقف كُلُّ شيءٍ في طريقه، إذا شاء الله أمرًا فلا مردّ له.”
______________________________________
بسم الله نبدأ .
أسم الكاتبة الحقيقي : شريهان ابراهيم.
الإسم الحركي للكاتبة : مريم نصار.
فادي : ههههههههه طبعا حضرتك مش هتقتنع بسهوله . طيب عايز اقولك ع حاجه . يعنى مرات حضرتك. جميله جدا ولو فردت شع........ااااااااه . اااااااه ..
تيم : اتحول لهلاك . ومسك فادي. بوكسات ف وشه بغضب كبير .
فادي : اااااه الحقوووني . ااااااه.
تيم : مسك شعرو بايدو الشمال ورفع ايدو اليمين بقوه اكبر ونزل ضرب بين عينيه. لحد ما فادي وشه نزف .
هبه : سمعت صوت فادي . وطلعت تجري. وشافت تيم بيقتله حرفيا . واتصدمت. حتى فادي مش قادر يدافع ولا يصد ضربه واحده من تيم الل اصغر منه. وهبه اخدت القرار الصح .
ميرو : ف الجناج سمعت صوت هرج قدام الفندق وخرجت التراس . وفتحت عينيها بزهول. وصرخت تييييم . ونزلت تجري .
كل الناس اتلمت . وبتحاول تبعد تيم .
تيم : مكلبش ف قميص فادي وبيضرب بانتقام السنين .
أمن ألفندق اتحرك بسرعه . وحاولو يبعدو تيم .
ميرو : جريت ع تيم . وشافت شكله وقت غضبه . وخافت عليه ومنه ف نفس الوقت . وشافت فادي وشه مش باين من الدم . وشافت تيم بيرفع ايدو بقوه وهيضربه بين عينيه واتصدمت. وجريت عليه بسرعه . وصرخت. بعياط . تيم. لأ ابعد عنه سيبه ارجوك هيموت ف ايدك .
تيم : بيضرب وافتكر عامر وكامليا .
ميرو : بتشد تيم وبتعيط بشهقات ارجووووك سيبه هيموووت ف ايدك. وصرخت تييييم.
تيم : ف حركه سريعه زق فادي بعيد. وشاف صورة كامليا ف وش ميرو . وف لحظة غضب رفع ايدو عشان يضربها بالقلم . لكن شاف خوفها ع آخر لحظه .
ميرو : حطت ايديها ع وشها بخوف يضربها تانى .
تيم : فاق وبص حواليه شاف ناس وميرو خايفه. وشاف دم ع ايديه . وبلخبطه . ميرو . لأ مريم . مريم . أنا آسف وشال ايدها من ع وشها بلهفه .وشاف دموعها .
ميرو : رجعت لورا و بصت ليه بخوف . وجريت من قدامه بسرعه.
تيم : جري وراها . بسرعه .
هبه : قربت عند فادي وبصت ليه بسخريه ودموعها نازله .
فادي : بيستغيث . وفتح عينيه نص فتحه وقال هبه ثوفتى المتخلف ده عمل فيا ايه .ااااه بث انا مث هثيبه ااااه .
هبه : ضحكت بسخريه . وقالت أنا بحمد ربنا انى قابلت صحبتى عشان يكشفك ليا. وقلعت الدبله ورمتها ف وشه وقالت أنا مايشرفنيش ارتبط بواحد عديم النخوه والرجوله زيك . وسابته ومشيت.
فادي : اااه اثتنى ياهبه . ياهبه . طيب ف فثتان انا جبتهولك مع الدبله هو فين اااااه مث هثيبك ااااه . بث انا مث رحمته بردك . ااااه ..ثاعدنى يا اخ ..
------------------بقلمي مريم نصار.
ف بيت المزرعه ..
آدم مراد : ماشي مبسوط ومبتسم من ردود أفعال آرين ..
منصور : سي آدم بيه . سيادتك هتروح الاسطبل دلوقتي ولا العامل ينضف عند حصان سي الدكتور تيم ؟
آدم مراد : خليه ينضف الاسطبل بالكامل . وانا هروح بعدين .
منصور : تحت امرك يابيه . واتحرك .
آدم مراد : دخل البيت.. وفونه رن . وشاف الرقم . وخرج تانى . ورد الو .
هارون : الو آدم باشا .
آدم مراد : خير ياهارون ؟ ف جديد.؟
هارون : تمام ياباشا وزى ما سيادتك أمرت حصل . والرجاله جابو تاريخ حياتها كله ياباشا .
آدم مراد : بيسمع بتركيز. وقال مياده وراها حد؟
هارون : لا ياباشا . زى ما هي قالت . كانت عايزه فلوس. والملف فيه انها من عيله فقيره. وابوها وامها مشغلينها هي واخواتها عشان يحسنو من ظروفهم . لكن مياده معروفه ف منطقتها انها جريئه وعايزه توصل لفوق بأى طريقه. واختارت انها تشتغل خدامه ف بيوت العائلات الكبيره .
آدم مراد : هز راسه تمام ...
هارون : بتوتر . احم بس ف حاجه حصلت ياباشا من شويه وده سبب انى اتصل ع سيادتك .
آدم مراد : خير ياهارون ؟
هارون : والدت مياده جت وسألت عليها . لانها متواصلتش معاهم من اسبوعين واكتر .
آدم مراد : بجمود . قولها بنتك قابليها ف القسم . اسمع ياهارون .
. انت تاخد مياده وتطلع بيها ع القسم حالا مع تسجيل الاعتراف . لكن مش عايز اسم آريان العدوي يتذكر ف الموضوع . ده دكتور جامعى ورجل أعمال وليه مكانته. ومش حتة حيوانه زي دي . تعمل شوشره لعيلتى . انت خدها ع قسم العنوان ده (........) وسلمها لظابط هناك اسمه امير . وانا هتصل عليه وافهمه كل حاجه . فاهم ؟
هارون : تحت امرك ياباشا .
آدم مراد : هز راسه بغضب تمام . وقفل واتصل ع أمير وشرحله الموقف . بالظبط . والمهم عندو سمعة العيله .وقفل .
.ودخل البيت .. وشاف رينو وفريحه . وقال بابا وماما مريم فين؟
فريحه : بيرتاحو فوق شويه . لانهم بيصحو من الفجر انت عارف الجو هنا جميل وصحي جدا .
آدم مراد : هو راسه تمام . ونده ع الشغاله تعمله قهوه. وهمس وقال هي آرين مجتش ليه؟ اكيد راحت ل تالين .
آرين : ماشيه بتقلدو . لو تقدري اعمليها يا آرين؟ لأ دا انا بنت فهد السيوفي حوت المخابرات.
. يعنى بنته قويه جدا زيه . امممم انتى لازم تثبتى نفسك ل آدم المرعب ده . ايوه انتى كنتى عايزه تدخلى حربيه .
. كنتى هتكوني اقوي من كدا . وبعدين آدم امبارح علمنى ازاى اتحكم ف الحصان من اللجام .امممم ولمحت العامل خارج من الاسطبل . ومعاه حصان تيم . وقالت اممم دارلي أرابيان اممم بس جاتلى فكره . وشافت العامل بيربط الحصان ف مكان فيه زرع. وسابه ومشي.
آرين : قربت بسرعه . واخدت السرج ومش طايله الحصان . ونفخت بنرفزه . وشافت كرسي . وابتسمت بمكر . اممم ع مين. دا انا آرين السيوفي . وجريت وجابت الكرسي . ووقفت جمب الحصان وقالت هششش بس اهدا يا دارلي انا آرين اخت تيم صحبك . ومسدت ع ضهرو بحنان. وقالت برافو دارلي برافو . ودلوقتي هنحط السرج ده . ونتمشي شويه انا وانت اوكي . وحطت السرج وظبطت كل حاجه . وقالت اوف انا مش عارفه اربط السرج كويس . اممم مش مهم . يلا ونزلت فكت رباط الحصان . وطلعت ع الكرسي وجواها رهبه . لكن قالت انا لازم اتغلب ع خوفي . امم بسم الله . وركبت ع الحصان . وبلعت ريقها بتوتر .
دارلي : رفع رجليه لفوق بصهيل وجري بيها .
العامل : خارج ب ساهيل. وشاف آرين والحصان بيجري بيها. وقال بخوف ينهار اسو......يادي المصيبه السو.... وربط ساهيل ومحتار يعمل ايه . لكن سمع صوتها بتصرخ بسيط وجري بسرعه يقول ل منصور .
آدم مراد : قاعد ف الليفنج . وقام ..اخد القهوه وقال انا طالع اشربها ف الجنينه بعد اذنكم . وخرج . ماشي قدام البيت . وشاف منصور جاي يجري عليه. ورفع حاجبه بتعجب.
منصور : بيجري بخوف . ل ادم مراد وقال . الحق ياسي آدم بيه. الست آرين ركبت حصان الدكتور تيم . وجري بيها وبتصرخ ..
آدم مراد : فتح عينيه بصدمه والفنجال وقع من ايدو . وجري بسرعه كبيره . وقال بصوت عالى جدا ساااااااهيييل .
ساهيل : عمل صهيل .
آدم مراد : اتجه جري ناحية الصوت. وركب الحصان بسرعه . وشد اللجام بقوه. وضغط ع السرج بغضب والحصان جري بسرعه كبيره جدا .
آدم مراد : بيدور بعينيه وبيركز بسمعه . وقلبه حرفياً وقع ف رجليه . واول مره ف حياته يخاف كدا ويعرف يعنى ايه معنى كلمة خوف .
آرين : الحصان بيجري بيها بسرعه كبيره جدا .والسرج مش مربوط كويس . وبتصرخ بخوف كبير .وبتعيط . ومش عارفه تتحكم فيه .وصرخت آداااااام ...
آدم مراد : سمع صوتها . وشد اللجام . ومشي ف اتجاه الصوت . وشد لجام الحصان بقوه عشان يجري اكتر . وآدم مش عايز ينده عليها عشان مايشتتش انتباها وتسيب اللجام ..
آرين : بتصرخ بصوت عالى بإسم آدم وأبوها وبتعيط وقالت يارب . يارب وقلبها بيدق بسرعه كبيره وداخت من سرعة الحصان ..
آدم مراد : شاف الحصان . وخبط السرج برجله . وجري باقصي سرعه .
آرين : بتعيط وسمعت صوت ساهيل . ولسه هتبص وراها .
آدم مراد : بصوته كله .. ماتبيصش وراكي يا اريييين ركزي وامسكي اللجام كويس . بصي قدااااامك .
آرين : بتعيط واطمنت لوجود آدم . ومسكت اللجام اكتر . وشهقت لأن السرج ااتحرك .
آدم مراد : فتح عينيه بصدمه كبيره . وشاف السرج بيتفك . ولو ملحقش آرين . هتقع . وممكن تنتهي . آدم قلبه دق برعب حقيقي. وضغط ع السرج بغضب كبير. وقرب من الحصان.
دارلي أرابيان : حسبها مسابقه مع ساهيل وجري بسرعه اكبر.
السرج اتفك خالص .
آرين : غمضت عينيها وصرخت بصوتها كله .آداااااااااام لااااااااء .. ومالت مع السرج . ووقعت من ع الحصان.
آدم مراد : ف ااقل من الثانيه لحقها ومسكها من دراعها بقوته كلها . وساب اللجام . وبيرفع آرين ليه . وفقد توازنه . ورفع آرين لحضنه ووقع بيها وخباها فحضنه بخوف كبير وحط ايدو ع راسها عشان متتاذيش . ولف دوران ف الأرض اكتر من مره . وكل خوفه ع آرين ..واخيرا جه ع ضهرو و آرين ع صدره .
آرين : طبعا ف موقف لا تحسد عليه. شافت الموت بعينيها . وغمضت عينيها وهي بتصرخ واستسلمت للقدر .ولكن آدامها انقذها كالعاده . ولكن رهبة الموقف اكبر من اى ردة فعل ..
آدم مراد : نايم ع ضهره بينهج بصوت عالى . وحاضن آرين بخوف كبير جدا . وغمض عينيه وبيحاول يهدا ..
آرين : ف حضنه . وصمت تماما ..
آدم مراد : اخد نفس عميق ونفخ بتوتر لاول مره . وحس ب آرين مبتتحركش وهمس بقلق . آرين ؟
آرين : .............
آدم مراد : بلع ريقه بخوف حقيقي.وقلبه دق واتعدل وهي ف حضنه . ونده بتحذير . اريييين؟
آرين : ............
آدم مراد : فكر للحظه انها خايفه منه ترد علشان ميغضبش عليها ... ورفع راسها من حضنه. ورجعت لورا بسرعه . ولحقها وشدها عليه.
آرين : كان اغمى عليها ...
آدم مراد : قلبه دق بخفقان وخوف . واول مره ايدو يكون فيها رعشه . ورفع ايدو ع خدها وهمس آرين . حبيبتي. ردي عليا .
آرين : ..............
آدم مراد : مسح وشها بايديه . وشاف دموعها نازله من اثر الخوف . وضمها لأول مره لقلبه بخوف كبير . وزاد من حضنها بخوف غريب لاول مره يسيطر عليه .وصاكك ع اسنانه وجواه غضب واعصار ممزوج برعب .. ومغمض عينيه لفتره كبيره.
. وبعدها قام وشالها بين ايديه . وراجع ع البيت . وجواه شعور غريب ومختلف .
آركان وتالين . بيجرو . وفريحه ورينو بيجرو بخوف كبير ..
آركان : بيجرى بسرعه كبيره وشاف آدم شايل آرين وجري عليه بخوف كبير . آدم . آدم اختى مالها . الحصان اذاها؟ قولى اختى مالهااا .
آدم مراد : ماشي ساكت ومش قادر يتكلم.
تالين : بتعيط . وقالت استنى يا آركان اكيد آرين مغمى عليها. ياحبيبتي اكيد كانت خايفه ..
آركان : بحيره ودموع. آدم رد عليا . وهات انا هشيلها ..
آدم مراد : بنبره تخوف . مش عايز اسمع كلمه واحده . ومشي
------------------بقلمي مريم نصار.
ف اسكندريه ..
ميرو : طلعت الجناح بسرعه. وافتكرت القلم ع وشها. وهجوم تيم عليها دلوقتي . وخافت. وبتترجف .
تيم : دخل الجناح بسرعه وجري عليها. مريم مريم . ومسك أيدها بقلق . مريم اسمعيني بس .
ميرو : سحبت أيدها بسرعه وبعدت عنه . ووقفت جمب الحيطه . وقالت ابعد عني متقربش منى .انا عايزه ارجع مصر حالا .
تيم : قرب منها بسرعه ومسك أيدها. مريم استنى بس انا هفهمك انا مكنش قصدى ارفع ايدى عليكى .
ميرو : بوجع وانهيار ..صرخت فيه وزقته. وضربته ف صدره جامد اكتر من مره. واتكلمت بوجع كبير . كبير جداً ..
. وقالت بعياط وهستيريا وصوت عالي .انت مكنتش تقصد اى حاجه .
. مكنش تقصد تفهم صورتي غلط .
.مكنش تقصد تشك فيا للحظه . مكنش تقصد تضربني .
.مكنش تقصد تصدمني فيك وتجرحنى بكلامك.
مكنش تقصد انك توجعنى بنظراتك ليا.
مكنش تقصد تهرب منى كأنى عار عليك . مكنش تقصد؟
مكنش تقصد تعذبني ف حبي ليك ٩سنين .
مكنتش تقصد كل كلمة انتى اختى . انتى اختى وانت متعرفش كانت بتحرق ف قلبى قد اييييييه.؟
مكنتش تقصد لما قدمتلى حبيبتك كامليا .
مكنتش تقصد اى حااااااااجه . وصرخت بهستريا انا مش عايزااااك انا بكرهاااااااك . بكرهاااااااك يااااتيييييم . طلقن..............
تيم : واقف زي الجبل قدامها . وسايبها تخبطه ف صدرو وتخرح كل شحنة الغضب ال جواها . وسمعها للآخر وصعبت جدا عليه .
.ايوه دموعك بتوجعني بتنزل ع قلبى تكويه . صوت صرختك صدى صوتها بيفضل ف سمعى ع المدى البعيد . انهيارك قدامى بيكسر كل حاجه جوايا . لكن كل حاجه ظلم ياميرو . انا تيم حبيبك . انا تيم يامريم ...
. لكن مستناش تكمل كلمة طلقنى. وحط ايدو ع بوقها بسرعه.
.وهز راسه ليها لأ لأ ..وقال اوعى تقوليها ابدا . ومسكها من دراعها بغضب شديد وزعق انا مش كدا أبدااااااا . انتى فاااااااهمه كل حاااااااجه غلط . كاملياااااا دي عمري ماحبتها انا مكرهتش حد ف حياااااااتى قدها يامرييييم .
. كل حاجه كانت بتحصل وحصلت فيها غموض كبير .
. انا بحبك يامريم. بحبك من زمان جدا.
وزعق .. بس انا كنت فاكر انى حبي ليكى من طرف واحد. وصرخ فيها انا كنت سااااااكت كل ده عشان فاكر انك بتحبى يااااسسسسسيييييين ...
ميرو : اتخضت من صوته العالى .وبتنهج . وفتحت عينيها بصدمه كبيره . ودموعها متحجره ف عينيها. وعينيها تايهه يمين وشمال بصدمه .ازاى يفكر انها تعشق غيرو حتى عن طريق الغلط؟.
. وهمست بتوهان يا.. ي..ياسين؟ وغمضت عينيها بتعب كبير واغمي عليها بين ايديه..
تيم : برعب كبير مريييييييم .
------------------بقلمي مريم نصار..
ف بيت المزرعه ..
آدم مراد : دخل البيت . والكل داخل وراه ورينو بتعيط و حرفياً مرعوبه ع بنتها وخايفه من فهد .
فريحه : بدموع خوف . هاتها هنا ع كنبة الليفنج يا آدم .
آدم مراد : مش سامع حد .وطلع ع السلم . واخد آرين ع اوضته .
الكل طالع .وراه .
آدم مراد : نيم آرين ف سريره . وشد عليها الغطا . وشاف ايديها مجروحه . اكيد من اللجام . وصك ع اسنانه بغضب واضح . لكن بهدوء ما قبل العاصفه. خبط ع خدها .وهمس آرين .
رينو : دخلت بسرعه وبتعيط . وقعدت جمبها بشهقات آرين بنتى ايه ال حصلك ياحبيبتي ..
آدم مراد : مش سامع اى حد . وقال اررييين ردي عليا.
آرين : .............
فريحه : جريت عليها . وشافت النبض وكان سريع جدا .
آدم ومريم دخلو بسرعه .
مريم : شهقت بصوت مهموس وحطت أيدها ع قلبها وقالت ياالله .. آرين إسم الله عليكى يا نور عيني . مالها يا آدم؟
آدم مراد : ...............
آدم العدوي : شاف حفيدو مش طبيعي من الصبح . واتصرف . وجاب برفان حفيدو من ع التسريحه
.وحط ع ايدو . وقرب من آرين. وهمس آرين حبيبت جدك . فوقى ياروحي .
آرين : بدأت تأن بتعب ..
مريم : بدموع ايه الل حصل حد يفهمنا ؟
تالين : بدموع وخوف. اترمت ف حضن مريم .وحكتلهم ال حصل. وكملت . سمعنا صوت الحصان وصريخ آرين. وزعيق ابيه آدم وكان خايف عليها اوي . وجرينا انا و آركان وقابلنا ابيه آدم ومعاه آرين ومغمي عليها ..
مريم : ضمت تالين ومسدت ع ضهرها . واتصدمت وقالت ياالله . ركبت الحصان ؟
فريحه : آركان ياحبيبى بسرعه انزل هات علبة الاسعافات..
آركان : بخوف . هز راسه حاضر . ونزل بسرعه ..
رينو : بتعيط بحزن حقيقي وماسكه ايد آرين وشافت علامات ف كف أيدها من اثر اللجام وباست ع ايدها عيطت بوجع. ليه بس كدا يا آرين . ليه يابنتى؟ لو كان جرالك حاجه لاقدر الله . ولا ابوكي لما يعرف .
فريحه : ربتت ع كتفها. الحمد لله يارينو انها جت ع قد كدا . وآدم لحقها. الحمد لله انها بخير .
آرين : بتأن بهلوسه . اممم الحصان . بابي . آدم . انا خايفه اوي .. بابا آدم ... اممم ودموعها نزلت ..
آدم مراد : عيونه مفتوحه عليها وساكت تماما .........
آدم العدوي: بتنهيده . آرين فوقى ياحبيبتي انتى بخير.
آرين : فتحت عينيها بتعب . ودايخه . وافتكرت الحصان . وخافت وشهقت بخوف شديد وعيطت بصوت عالى.
رينو : بقلق آرين بنتى حبيبتى اهدى يا بنتى. .
آرين : اتعدلت بتعب وبتعيط بشهقات واترمت ف حضن رينو. وقالت بصوت ندم . ماااامي . انا خوفت اوي . انا شوفت الموت بعيني ... انا اسفه جدا . والله عملت كدا عشان كنت عايزه ابقى زي بااابي. اااااه انا كنت همووووت. انا اسفه ارجوكي سامحيني . وعيطت بصوت عالى .
آدم مراد : غمض عينيه بصمت . وقام ومتكلمش مع حد وخرج من الاوضه بسرعه .
آدم العدوي : هز راسه واتنهد بزعل . وقعد جمب آرين . وابتسم عكس الل جواه واخد آرين ف حضنه ..وقال . آرين بس متعيطيش كدا .
آرين : حضنت جدها اوي وقالت بعياط وهستيريا اسفه جدا يابابا آدم انا عارفه انكو هتزعلو منى .. بس والله مش هعمل كده تانى . بااابي هيزعل منى وهايخاصمني. انا خوفت اوي يابابا . وعيطت بندم كبير .
مريم : بصت ل تالين . وقالت انزلى ياحبيبتى وقولى للبنت تعمل عصير ل آرين ..
تالين : هزت راسها بدموع حاضر ياتيته . ونزلت بسرعه .
آدم : ضمها لقلبه وسابها تعيط .ف حضنه. وبيفكر ف حفيدو ال واضح من ملامحه أنه جواه مابعد العشق .
مريم : قعدت ع طرف السرير وربتت ع ضهرها بحنان بس ياحبيبتي بس يانور عيني ال حصل حصل والحمد لله انه نجاكي من خطر معلوم . لكن لازم تتعلمي من غلطك ده ومتعمليش كدا تانى. ونحمد ربنا إنه سخرلك آدم ولحقك ياحبيبتي . هوني عليكى ياقلب ماما. وحدي الله وبطلي عياط .
------------------بقلمي مريم نصار.
ف شركة الجبالى .
عاشور تحت امرك ياباشا شاهين جه زي ما حضرتك أمرت .
رؤوف : خليه يدخل بسرعه.
عاشور : تحت امرك ياباشا وراح فتح باب المكتب اتفضل ياكابتن شاهين .
شاهين : دخل مساء الخير يا رؤوف باشا.
رؤوف : بغيظ . اهلا وسهلا . ها ايه الجديد؟
شاهين : جديد ايه ياباشا؟
رؤوف : قام وقف بغضب .انت هتستهبل ياروح امك . اومال انا دافعلك ٣ مليون جنيه ليه؟ مش عشان تجبلى كل جديد ؟
شاهين : هرش تحت دقنه . وقال روح امي اه . امم وقال والله ياباشا المفروض أن سيادتك مراقبنى وده الطبيعي عشان مش معقول هتثق فيا من اول جوله . ف اكيد سيادتك عارف الجديد .
رؤوف : بدهشه. انت عرفت ازاى انى كنت مراقبك ؟
شاهين : ياباشا انا حرس خاص يعنى متدرب كويس جدا . واعرف ان كنت متراقب ولا لأ وبص ل عاشور. وكمل . ولو حتى ع. بعد ٢٠ متر ياباشا .
رؤوف : خبط ع المكتب . ولو حتى مراقبينك . المفروض الجديد كله عندك انت فاهم ؟
شاهين : تحت امرك طبعا ياباشا . اسالنى سيادتك وانا اجاوبك ع كل حاجه .
رؤوف : بنفاذ صبر. آدم ناوي ع ايه ؟
شاهين : حاليا مقالش اى حاجه . لانهم كلهم مسافرين . فيلا العدوي دلوقتي فاضيه . مفيش غير الجارد والخدم بس سيادتك .
رؤوف : بغيظ . مسافر؟ مسافرين فين وليه؟
شاهين : مسافر المزرعه . أما مسافر ليه؟ ف دي مش عارفها بس اكيد فسحه ياباشا .
رؤوف : كشر عينيه بعدم فهم مزرعه؟ وفين المزرعه دي؟
شاهين : للاسف ياباشا معرفش هي فين .
رؤوف : بصوت عالى جدا .ازااااى يعنى متعرفش يبنى ادم انت. اومال ايه انت شغال معاه من زمااااااان. . انت بتشتغلنى ولا اييييييه؟ دا انا ادفنك هنا .
شاهين : ياباشا انا شغال مع آدم العدوي من سنتين واكتر كمان . ومأمنى ع شغله .. لكن طول فترة شغلى مسافرش المزرعه دي خالص . ممكن يكون اشتراها قريب. او ممكن تكون مزرعة حد من معارفه . لكن سيادتك لو عايز تعرف مكانها يومين بالكتير واجبلك عنوانها بالظبط ياباشا ..
رؤوف : صك ع أسنانه بغيظ مكبت. جوز احفاده و مسافر يغير جو. امممم وباقي العيله فين؟
شاهين : ابنه زين وحرمه مسافرين بره مصر لكن انا معنديش علم مسافرين فين. لان شغلي زي ما قولت لحضرتك . مع آدم العدوي. والعرسان طبعا ف شهر العسل . الدكتور آريان مسافر تركيا . والباشمهندش كريم مسافر باريس . والدكتور تيم مسافر اسكندريه ..
رؤوف : بغضب مكبت وخبث كبير. وفريحه مسافره فين؟
شاهين : تنح بصدمه كبيره ايه؟
رؤوف : بغضب اييييه ماسمعتش ؟ فريحه مسافره ولا لا؟
شاهين : ايوه ياباشا مسافره معاهم وجوزها معاها .
رؤوف : بص ل شاهين ف عينيه وقال بخبث كبير . انا عايزك تثبت ولاءك ليا ولو نفذت الل هقولك عليه . وقتها هصدقك وهثق فيك . وكمان ليك مكافاه كبيره جدا . ها ؟ مستعد ؟
شاهين : بلهفه تحت امرك ياباشا. انا رهن إشارتك .
رؤوف : ابتسم بمكر . حلو اوي. انا عايزك تخطت فريحه وتجبهالى لحد الفيلا عندي .
شاهين : حاليا صعب جدا علينا ياباشا .
رؤوف : زعق بغضب . انت هتعملهم عليا ولا ايييه؟ ازاى صعب وانت شغال معاهم .؟
شاهين : طيب حضرتك ممكن تسمعنى للآخر . واكيد هتنقتع بكلامى . دلوقتي سيادتك انا اقصد صعب جدا لان الدكتوره فريحه واخده اجازه من شغلها . لأن جوزها مراد العدوي اجازه من شغله. وهي بتاخد اجازه معاه . وكمان حضرتك هي لو خرجت . استحاله تخرج لوحدها. معاها الجارد الخاص وكمان جوزها. وأوقات ابنها آدم مراد. وحاليا انا شغلى مع آدم العدوي . وهي مسافره ومش عارفين هترجع امتى.
. ف انا بقترح ع سيادتك بعد اذنك يعنى. إننا نأجل الخطف شويه لحد ما مراد يسافر ف مأموريه وهي ترجع شغلها. وقتها انا ممكن اوصلها ف يوم من الايام . وساعتها اجيبها لحد عندك ومن غير شوشره ياباشا.
رؤوف : قعد ع الكرسي وابتسم بمكر ورفع حاجبه بثقه وقال . وماله نصبر شويه . مدام ف الآخر راس آدم العدوي هتكون تحت رحمتي.
------------------بقلمي مريم نصار.
ف اسكندريه..
تيم : شالها وراح بيها ع السرير بسرعه . وقلبه بيدق بخوف . وخبط ع خدها مريييم . مريييم ..
مريم : ................
تيم : بحيره ومش عارف يفكر. وشاف الدم ع ايديه . وجري بسرعه ع الحمام . وغسل ايديه وبينهج بخوف . وقال يتوهان. لأ لأ انا معنديش استعداد انى اخسرك . لأ يامريييييم لاااء ..
وخرج من الحمام بسرعه . وراح جمبها .وقلعها الحجاب بسرعه ورجفه . مريم . مريم . ردي عليا . وقام جري جاب البرفان بسرعه وحط ع ايدو وقرب من وشها .
ميرو : حركت عينيها .بتعب.
تيم : غمض عينيه ونفخ بتعب كبير . وقال ياارب .
ميرو : حركت راسها . وفتحت عينيها يتعب .
تيم : مسك أيدها بلهفه. مريم حبيبتي انتى كويسه ..
ميرو : دموعها نازله وغمضت عينيها وبصت بعيد ومردتش .
. وقلبها وجعها من الظلم . لانها محبتش ياسين ابدا . وايه الل وصلك الفكره دي ياتيم؟ .
.انا عمرى ما حبيت غيرك . عمرى ما أدمنت غيرك . انت ميراث العشق ليا. انت وبس . وعيطت بوجع كبير.
تيم : بقلق . رفع ضهرها وشدها لحضنه وضمها بتملك وعشق كبير . هششش بس انا اسف جدا . انسي كل حاجه . انسي كل ال حصل.
ميرو : حست بالاحتياج الكبير . وعطيت بشهقات وجع وصوت عالي ورفعت ايديها ع ضهرو وكلبشت فيه ..وعياطها كان عباره عن لوم وعتاب ليه..
تيم : لما رفعت ايديها وضمته.. غمض عينيه وزاد من حضنها وضمها لقلبه اكتر . ومسد ع شعرها وضهرها بحنان هششش بس اهدى . حقك عليا انا والله العظيم مكنتش اقصد كل ده فعلا. ميرو لازم اتكلم وتسمعينى ..
ميرو ف حضنه . وبتعيط وبدات تهدا . لأنها ف حضن وامان جوزها حبيبها . وخوفه عليها واضح جدا . وغمضت عينيها . وخارجه منها شهقات خفيفه مع تنهيده ..
تيم : همس ف ودنها بحنان . ميرو عشان خاطري عايزك تهدى . انا تيم حبيبك ..وانا بحبك اوى. وقال بضعف انا محتاجلك ..
ميرو : جسمها اتشد من همسه ليها.
تيم : رفع راسه واتعدل. واتنهد . وفهم انها مكسوفه تتكلم .. وطلعها من حضنه وباس جبينها بحب وابتسم ليها . وقال قومي خدى شاور وفوقى . عشان تعقمى لتيمو جرح ايدو ال كل شويه يتجرح ظلم ده .
ميرو : بصت ل عينيه ف نظرة عتااااب كبيررررره اوووووى كأنها بتقوله . انت ياتيم؟ تفكر انى بعشق غيرك . دا انا كنت بموت ف اليوم ١٠٠ مره بسبب لعنة عشقك ال صابتنى ..وغمضت عينيها بوجع..
تيم : اتوجع من نظرتها . حتى لو غصب عنه . لكن عاطفة الست غير الراجل . وهي بتحب الاحتواء ديما ف اى وقت . حتى لو مش فاهمه حاجه..
ميرو : ماهتمتش ل شعرها . وقامت وقفت بتعب وإحباط . ودخلت الحمام من غير ما تتكلم .
تيم : مسح وشه بايديه . وقام فتح الدولاب بتاعها يطلع ليها فستان. ومدونة ميرو وقعت ع الأرض .
تيم : كشر عينيه بعدم فهم . ونزل جاب المدونه . وبيقرا العنوان بفضول . وقال بتعجب .
.(ميراث العشق) ------------
-------------
بدل ماتدور وتبحث علي الروايات خليها علي تليفونك وحمل تطبيقنا
