رواية ساظل ملكة قلبك الفصل الثالث بقلم سحر سمير لطفي نصار
الساعه ١ بليل
شغلت كشاف التليفون و لسه همشي قاطعني فجاه صوت خبط علي الباب و مش اي خبط دا هبد تقريبا ناووين يكسروا الباب
مين جاي في الوقت دا
مسكت ايدي المقشه و انا مرعوبه و في دماغي الف سنايروا بس علي مين انا اللي الخوف مات في قلبي من زمان
الهبد علي الباب زاد
لا انا وخايفه
قربت من الباب و فتحته و لسه هضرب لقيت اللي دخلت في حضني
_ايه يا سوسن حرام عليكي
( اعرفكم بيها سوسن جارتي عندها ٤٣ سنه بس مبتحبش حد يكبرها و دايما عاوزاني انادي عليها باسمها رغم انها في عمر امي المهم هي واحده مهتمه بنفسها جدا رشيقه و رفيعه و طول ب عرض تحسسك كدا أنها واحده في الثلاثينات لبسها كله قصير و مقتوح دا طبعا في البيت و المكياج طبعا و احسن العطور جوزها اتوفي من سنتين و عايشه هي و ابنها تقريبا ابنها اصغر مني بسنتين
سوسن ست محترمه و بحبها بس مشكلتها حشريه بشكل
اي حاجه تحصل لازم تكون عارفاها دي مشكلتها اللي بجد بتقفلني منها )
سوسن : معلش و الله يا سحور زي ما انتي شايفه النور قاطع و الكشاف عطلان و محمد ابني لسه مرجعش من الشغل ف انا خوفت قصدي قولت انتي خوفتي فقولت اجي اقعد معاكي واطمنك وانتي بردوا قاعده لوحدك
رديت عليها : تب تعالي ادخلي متخافيش
سوسن بحب : الله يخليكي يا سحوره تعيشي يارب
قولت لها : بس ايه اللي انتي لبساه دا مش عيب عليكي يا وليه ٤٣ سنه و تلبسي حاجات ميلبسهاش الا العرايس الجداد
سوسن : جرا ايه يا سحوره انا لسه صغيره مش علشان ابني اصغر منك بسنه و لا اتنين أبقا انا كدا كبيره ايه اللي انتي لبساه دا
رديت باستغراب : ايه ماله بجامه واسعه اهوا
سوسن : ماهي دي المشكله البسي حاجه كدا زي البنات مش تلبسي لي ميكي و سبونج بوب
دخلتها و قفلت الباب : اقعدي يا سوسن ل حسن انا علي اخري
سوسن بفضول : ايه ايه اللي حصل انا كنت سامعه صوت خناق من كام ساعه بس محبتش اتدخل ايه حمدي معجبكيش زي اللي قبله
رديت بحده : لا هو انتي كمان عرفتي حمدي
سوسن : مفيش حاجه بتستخبي عليا يا حبيبتي و غير كدا انا في مقام مامتك الصغيرة و لازم اعرف كل حاجه اصل مامتك موصياني عليكي قبل ما تسافر
كنت حاسه اني هنفجر في وشها امي اللي هي بتتكلم عنها دي مسافره من ٥ سنين و كلامها قليل جدا معايا يعني في الاسبوع مره و لا مرتين الا لو فيه حاجه بقا تبقي كل شويه
و بعدين مش كفايه بقا لحد كدا تدخلات في حياتي انا بجد تعبت ارحموني شويه حازم و شويه جميله و انتي كمان يا سوسن لا كدا كتير
لقيت اللي بتشد في أيدي : سحر انا بكلمك و الله
رديت و انا بسحب ايدي منها : في ايه
فجاه النور رجع
لقيت نفسي بقولها : سوسن النور جه قومي يالا علي شقتك يا حبيبتي لحسن ابنك يجي ميلقكيش هتبقي وحشه قومي يالا
سوسن : ااه عندك حق بس و حياتك شوفي لي حد من السكان علي السلم مينفعش اطلع كدا
لبست الخمار عليا و فتحت الباب اتاكدت أن مفيش حد واقف و طلعتها
لقيت ابنها جه
محمد : ايه دا ايه اللي جاب ماما عندك
رديت : النور قطع يا خويا يالا اطلعي يا سوسن كفايه بقا
يالا اخرجي
سوسن : ماشي يا سحوره بس لينا قاعده
محمد : الا صحيح عملتي ايه مع حمدي
رديت بحده : هو انت و امك عليا صبرني يارب
محمد : استني بس
رديت : في ايه
محمد : طلعين سافريه استكشافية بكرا تحبي تجي
رديت بحماس : سفريه فين
محمد : قريه صغيره في الأراضي اسمها ( اسطوره الحب )
رديت : يا محنو اسطوره الحب
محمد : هااه هتجي انا قولت ل حازم و جميله و هيجوا
معانا
رديت : باذن الله تمام
قفلت الباب الله قريه جديده في مصر اسمها ( اسطوره الحب )
هي المشكله في الاسم بس بردوا متفائله أااه هروح و اخرج صح كدا
و دخلت تنام
في الشقه المجاوره
سوسن : ايه حكايه اسطوره الحب دي
محمد : دي قريه صغيره تبعد حوالي ٤ ساعات و نص عن هنا بيقولوا علي القريه دي حاجات كتير اووي زي أن اللي بيخشها و قلبه صافي و نيته صافيه مبيخرجش من غير ما يلاقي نصه التاني و كمان قالوا لو اتنين متجوزين راحوها علاقتهم بتقوي اكتر أن مستحيل حد يفرق ما بينهم كمان قالوا إن دي قريه فيها عجائب كتير و كلها في الحب علشان كدا قالوا عليها ( اسطوره الحب )
سوسن : الله علشان كدا قولت ل سحر تروح معانا علشان تلاقي نصها التاني و كدا
محمد : لا علشان تفهم أن فايتها كتير و ترجع علي اللي بتعمله
قاطعهم صوت صويت في شقتها
طلعوا يجروا في شقتها و لقوا........
يتبع
روايه : سأظل ملكه قلبك
( اسطوره الحب )
للكاتبه : سحر سمير لطفي نصار
