رواية لم يكن عالمى الفصل الخامس بقلم شيماء شاكر
رواية : (لم يكن عالمي)
البارت : الخامس
همس هنا اتصدمت : الباب كان معلق ومش راضي يفتح فخبط كتير ونديت عليكي اكتر مسمعتيش اي حاجه من دي؟!!!
نور استغربت اكتر : لاء مسمعتش اي حاجه من اللى بتقولي عليها دي!!!
همس سكتت وهتتجنن : ازاي؟!
نور لقت همس سرحانه
نور بستغراب : في حاجه يا همس
همس بصتلها بتوهان : لاء (خدت نفس عميق وخرجته على مراحل) لاء مفيش
نور قامت : طيب ياحببتي انا هطر أمشي مع السلامه
همس هزت رسها
ونور مشيت
همس بتوهان : في أي انا أي اللى بيحصلي معقول أنا(بلعت ريقهابصعوبه)
انا أتجننت؟!🥺
همس في وسط سرحانها لقت أيد أتحطت على كتفها
بتبص وراها بفزع
-: أي يابنتي أتخضيتي كده لي
همس أتنهدت بأبتسامه : محمد؟!!!
محمد أبتسم : أذيك ياهمس أخبارك
همس هزت رسها : تمام
محمد أعد قصاد همس : أي يابنتي مالك
همس خدت نفس وأبتسمت : اي يابني مفيش المهم جاي منين كده
محمد : مفيش كنت أعد مع صحابي هناك كده شوفتك جتلك المهم انت مالك
همس بصتله شويه : محمد انا أتجننت
محمد ضحك : واضح
همس ضحكت بيأس : عارفه انه واضح
محمد بجديه : طيب مالك بجد لي بتقولي كده
همس حطت أديها على وشها : مش هتصدقني
محمد أبتسم : جربي متقلقيش زميلك دكتور قد الدنيا
همس نزلت أديها من على وشها : انا أتلبست يا محمد
محمد ضحك : مبروك تعيشي وتدوبي
همس بغيظ : كده انا اللى هدوب يابن حنان
محمد ضحك : لي طيب كده طب قولي قولي لي بتقولي كده
همس أتنهدت وحكت لمحمد كل حاجه مرت بيها من ساعة مراحت شركة الحديدي بما ان محمد دكتور نفسي وهما صحاب من أيام الجامه أخو زميلتها
محمد بصلها شويه بستغراب
همس بصتله : أتلبست صح
محمد بيفكر : لي كل حاجه خيط مربوط بمالك
همس بصتله برفعت حاجب : انت بتسألني انا يادكتور
محمد ضحك : بصي هقولك هو في كذا أحتمال ..لي متأكده أووي كده ان نور دي مسمعتكيش
همس بصتله بستغراب
محمد كمل : وممكن كمان ضغوط الشغل هى اللى عامله فيكي كده المكان جديد وأول مره تشتغلي في شركه بلحجم ده وممكن توترك من مالك الحديدي هو اللى بيهيئلك ده كله لأن مالك الحديدي شخصيه معروفه جدآ دي شركته من أكبر الشريكات الاستيراد والتصدير في الوطن العربي فبقول ممكن ده سبب توترك
همس : يعنى أعمل أي
محمد : يعنى أتصرفي بطبعتك ومتحطيش حاجه في دماغك ولو حسيتي بلنسمه تاني متخفيش وتسكتى لاء حولي تدوري على منطق للهوا ده مثلآ شباك مفتوح باب موارب كده يعنى ياهمس
همس أبتسمت بأمتنان : شكرآ يا محمد
محمد أبتسم : انا في الخدمه ولو في أي حاجه تانيه تعاليلي العياده
همس هزت رسها وسلمت عليه ومشيت وهي بتحاول تقنع نفسها بكلام محمد
همس دخلت الشقه بأرهاق
ملقتش حد في الشقه : راحو فين والشقه مضلمه كده لي
همس اعدت على الركنه ورنت على مامتها
مامت همس ردت : ايوا يا همس
همس : اي يا ماما انتو فين
ماما همس : عمك تعبان وبنعمل الواجب يا حببتي
همس بقلق : طيب اجلكو عمى تعبان اووي
ماما همس : لاء يا حببتي بقا كويس اهو نص ساعه كده وجايين
همس قفلت مع مامتها ودخلت اوضتها
وبتفتكر لما كانت هتقع ومالك لحقها
همس أتنهدت بس لي حاسه أكنه لسه ماسكها
حطت أديها على وسطها مكان ماسكته قربت من المرايه ورفعت بلوزتها مكان مسكت مالك اتصدمت لما لقت ايده معلمه!!!
صوبعو معلمه على وسطها !!!
بس هى محستش بوجع لدرجة انها تعلم بطريقه دي
همس بقت تبص على أثر أيده بصدمه
أعدت على السرير : في حاجه غلط أكيد في حاجه غلط
همس افتكرت لما كانت في الحمام
خافت جدآ.. مين قال أسمها طيب لى الباب اتقفل كده مكنش راضي يفتح ..والاهم ازاي نور مسمعتهاش وهى بتنادي وبتخبط.. معقول كلام محمد صح وأنها كانت قصده متردش.. بس لي
ااااه دماغي مش قادره خلاص ياهمس أسمعى كلام محمد أكيد لكل شيء منطق
همس نامت على السرير ونعست
..........
واقف قريب نسبيآ من همس ومبتسم وهو باصصلها وهى نايمه ايوا يا همس انا بحبك بل انا عديت الحب بمراحل ووصل للهوس والجنون
............
رواية :(لم يكن عالمى)
البارت : السادس
الشمس فردت ضوئها وصحت همس من نومها
همس قامت بأرهاق وكسل خدت شور
وخرجت
همس لمامتها : صباح الخير
ماما همس : صباح النور يا قلبي عاندي ليكي خبر
همس بستغراب : خبر اي
ماما همس بفرحه : ابن صاحب بابا متقدملك
همس بضيق : يووو بقا يا ماما مش كنا خلصنا من موضوع الجواز ده
ماما همس : يا بنتي انا عايزه افرح بيكي
وشوف عيالك اللى من دورك كلهم اتجوزو وخلفو
همس بنفاذ صبر : ماما زي مقولتلك انا مش موفقه غير لما عيش حياتي الاول وكمان انا عايزه اتجوز واحد اكون عارفاه مش صالونات.... تمام.. وسلام بقا علشان هتأخر على شغلى
همس سابت مامتها قبل متقول اي كلمه ونزلت راحت الشركه بضيق كبير جدآ
راحت لنور قلتلها انها جت وخدت ملفات تدونهم على اللاب توب
خدو منها ساعه وخلصتهم بس هى مستغربه من ساعت ما جت النهارده محستش بأي حاجه ولا نسمه ساقعه ولا أي حاجه
في الساعه الرست نزلت تجيب أكل ليها
همس ماشيه في الشارع شافت ابن عمها اللى كان متقدملها
-: همس اذيك
همس اتفجئت وبأبتسامه : محمود اذيك عامل اي
محمود بفرحه :انا تمام لسه واصل مصر امبارح
همس بأبتسامه : حمدلله على السلامه وعمى ومرات عمى عاملين أي
محمود بأبتسامه : كلهم بخير
محمود كمل : انا نزلت بعد غياب خمس سنين عشان أكون نفسي وأليق بيكي انت عارفه أنى بحبك يا همس وعايز أتجوزك من زمان من وانت كنتى في ثانوي
همس بضيق : انا قولت أنك عقلت يا محمود بسفرك لاكن انت زي ماانت
همس أتنهدت وكملت : يااامحمود انت زي أحمد بظبط بحبك زي أخويا وزي مانا مقدرش أتجوز أحمد بردو مقدرش أتجوزك
ملامح محمود أتبدلت للغضب : يعنى أي اااه عشان العريس اللى أتقدمك أمبارح معاه فلوس أكتر صح
همس بستغراب ممزوج بضيق : فلوس أكتر؟!!
محمود انت مجنون لاء طبعآ وعلى فكره رفضته لو انت معاك فلوس مبتخلصش بردو مش هتجوزك.. لأنك زي أحمد
محمود بغضب عاميه مسك همس من درعها وماشي وبيمشيها وراه : بقولك أي مفيش خروج تاني ولا شغل تاني انت بتاعتي أنا ولو مش هتكوني ليا يبقا مش هتكوني لغيري
همس بتحاول تشد درعها بغضب : انت أكيد أتجننت أبعد عنى سبني يا غبي
فجأه محمود لقى ايد قويه مسكت ايده اللى مسكه ايد همس
مالك ببرود : سبها
محمود بصله : انت مالك اوعي كده وخليك في حالك
مالك بيحاول يكون هادي بص على ايد محمود اللى مسكه ايد همس
مالك بهدوء : بقول سبها
محمود تجاهل مالك واخد همس وماشي
مالك بصله ومسك ايده اللى لمسه ايد همس وضغط عليها جامد : بقولك سبها
محمود حس ان عضم ايده أتكسر والالم بقا فوق المحتمل
محمود بألم : ااااه
وساب ايد همس وفضل يدلك في ايده بيحاول يهدي الوجع بس مش قادر
ده كله تحت صدمة همس
مالك بص لهمس وقال : أرجعي الشركه
همس بصتله بصدمه وهزت رسها ومشيت
محمود بأنفعال : همس مش هتروح الشركه دي تاني وانت مالك اصلآ بس الحكايه وضحت شكلك صاحبها ومشيين مع بعض
همس لسه هتتكلم بعصبيه
مالك شورلها تسكت وتمشي
همس مشيت بضيق متجها للشركه
مالك بص لمحمود ومسك دراعه اللى كان ماسك بيها ايد همس ولواه ورا ضهره وقرب من ودنه جامد وبصوت خافت جدآ كافحيح الافعى : همس خط أحمر واللى يلمسها..... أكس\ره
وراح كس\ر ايد محمود اللى فضل يصرخ من الوجع :اااااااااااااااااه
مالك بص لمحمود بهدوء وهو ماسك أيده وبيصرخ من الألم
سابه ومشي تحت محمود وصريخه المؤلم
.........................
همس دخلت مكتبها واعدت على الكرسي ومستغربه مالك جي امتى ولى دافع عنها ومخلاش ابن عمها يخدها والاغرب من ده كله التوتر والارتباك اللى كانت بتبقي فيهم لما تتجمع مع مالك
محستش بيهم
همس فاقت من سرحنها على خبط الباب
همس : اتفضل
نور دخلت : همس المدير عايزك
همس وقفت : حاضر
همس راحت وخبطت على باب مكتب مالك
مالك بصوت رجولي : اتفضل
همس دخلت
مالك بصلها : انت كنت راحه فين
همس بتوتر : كنت ...... كنت جعانه وخرجت اجبلي أكل
مالك : هممم وابن عمك ده صح
همس هزت رسها
مالك : طيب المفروض محدش يخدك لمكان غصب عنك حتى لو باباكي
همس كشرت😠لما افتكرت تصرفات ابن عمها : هو كان بيشدنى قولت انى اكلمه بذوق بس مفهمش وأما لقى كلامى مش عاجبه قالى مش هتخرجي بره تاني ومفيش شغل وكلام كتير ضيقني زي ماشوفت الباقي كان عايز يخدنى بلعفيه بس بحمد ربنا انك جيت
همس خدت نفس :رغيت كتير صح 😅
مالك ابتسم ابتسامه صغيره : الاكل اهو
مالك شاور على كيس الاكل
همس بصت لمالك ببلاهه أي ده ده بيبتسم زينا
همس : ها
مالك بصلها برفعت حاجب : الاكل
همس بصت لكيس الاكل وكانت هتعترض بس شافت من ملمحه انه مش بيطلب منها والكلام خلصان
همس خدت الاكل : شكرآ جدآ
مالك ابتسم ابتسامه صغيره
همس: بعد اذنك
مالك : اتفضلى
همس خرجت والدنيا مش سيعاها
مالك بنفسه بيعملها المعمله دي ياااا انا بحلم أكيد
همس دخلت مكتبها وأعدت على الكرسي
وبتفكر بصدمه وفرحه : مالك بيعملنى انا كده ينهار ابيض
بس جه امتى ولى مشي في الطريق ده مالك مبيخرجش من الشركه خالص غير اخر الدوام !!!!
اكيد كان نازل يجيب اي حاجه وشافنى ومحمود بيخدنى غصب
همس وهى بتفتكر رأكشنات مالك : ابتسامته يا لهووى قمر فيها يخربيت جمال امه
احم في اي يا همس مالك ركزي في شغلك
همس حولت تركز في الملفات بأبتسامه واسعه ونسيت حكاية النسمه الساقعه وأرتبكها وخوفها من مالك وبدأت تشتغل
...................
همس بصت في الساعه لقتها ٣ قامت خرجت وقفلت الباب راحت لنور ودتها الملفات
وراحت الاسانسير وداست على الزرار
الاسانسير اتفتح همس لسه هتدخل لقت مالك في وشها صرخت من الخضه وحطت اديها على وشها : يا لهووي اتخضيت قول احم دستور اي حاجه
مالك ابتسم ورفع حاجبه : ادخلى يا همس انا مش داخل مكتبك علشان أستأذن
همس ابتسمت ودخلت
ووقفت جنب مالك وفرق الطول كان باين جدآ مع ان همس طولها مظبوط مش قصيره بس جنب مالك قصيره جدآ
همس لقت نفسها بتضحك بخفوت بتحاول متطلعهاش
مالك بصلها بستغراب : بتضحكي على اي
هنا همس مقدرتش تمسك نفسها وضحكت بصوتها كله وبقت تحط أيديها على وشها وتحاول تكتم ضحكتها
مالك بصلها بستغراب في الاول وبعدين ابتسم بخفوت وحط ايده في جيبه وبصصلها
همس هديت وبصت لمالك مقدرتش تكتم وضحكت تاني
مالك ضحك بخفوت
همس هديت وبمرح وصدمه : اي ده مستر مالك بنفسه بيضحك؟!!!!
دي معجزه
مالك بصلها : بتضحكي لي
همس بصتله وابتسمت وبتحاول متضحكش تاني : انت الوحيد اللى بحس جنبه انى أوزعه اوووي
مالك ابتسم وبص لقدام وسكت
همس : ممكن اعرف انت كام متر
مالك بصلها وابتسم : كام متر ؟!!!!
همس ضحكت بخفوت : اصل عيبه في حقك بطول ده كله وقولك كام سنتي
مالك : ١٩٠
همس بصتله ومش مستوعبه : ١٩٠ اي
مالك بصلها وابتسم : سم أكيد
همس ضحكت : احلف!!!
ينهار ابيض انا قولت كده برضو مستحيل تكون اقل من ١٨٥ سم انت طويل اووي
مالك ابتسم وبص لقدام: ينفع بقا نشغل الاسانسير وننزل
همس بصت لباب الاسانسير هو ده كله مكنش شغال !!!! وانا بقول بقلنا كتير في الاسانسير لي
همس داست على الازرار نص دقيقه والنور قطع عليهم في الاسانسير
همس بصت حوليها بخوف
وبصت برعب لمالك اللى بصصلها وو.......
............
يابنات لازم الباىت يوصل ل ١٠٠ لايك عشان ينزل اللى بعده..
دي قواعد الجروب عشان يقبلوا البارت
