رواية ساظل ملكة قلبك الفصل الخامس بقلم سحر سمير لطفي نصار
دخلت بسرعه حضرت نفسي و حضرت حاجتي و لسه هخرج لقيت اللي في وشي
ايه دا انت مين و ايه اللي وقفك كدا قدام اوضتي
_ انا اللي حب و دأب من أول نظرة يا ناس
بالهوي علي المحن ايه الناس دي هو البني ادم ده حقيقي
ماله بيبص لي كدا ليه
رديت يخوف : يا حازم يا جميله محمددد سوسن اي حد يجي يا جماعه
محمد : في ايه يا بنتي ايه دا ايه اللي جابك هنا يا احمد
_ رجلي اللي جابتني علشان اشوف القمر
رديت و أنا بشد محمد من قفاه : مين دا ياض انا ثانيه كمان و هديله بالجزمه دا ايه المحن دا يباي حرق دم
محمد : دا احمدمرشد لينا من ارض الحب ( اسطوره الحب )
رديت بصدمه : ليه هو كل الناس اللي هنقابلهم كلهم هيكونوا كدا
محمد : و انتي كدا شوفتي حاجه و اكتر كمان
رديت بحده : لا يا خويا مع الف سلامه مش رايحه في حته سكه السلامه يالا بأي انت و سوسن و جميله و حازم انا اخد بعضي و اروح جوجو بارك اللي فاتحه جديد دي
ميه ميه و اخر روقان و هجيب فشار و شيبي و بيبسي
محمد بندفاع : بجد تب خديني معاكي
محمد وقد أدرك الآمر : لا انتي هتجي معانا و رجلك فوق رقبتك يا حازم يا جميله يا سوسن
جميله : ايه يا محمد عاملين دوشه كدا ليه
محمد بحده : اتفضلي يا ستي اختك مش عاوزه تروح معانا
جميله : ليه يا سحر دا احنا حضرنا كل حاجه
تب اقول لهم ايه دلوقتي
مسكت دماغي و مثلت اني دايخه
_اااه يا دماغي لا انا دايخه انا مش قادره
و عملت نفسي اني هقع
لقيت اللي شالني فجاه
بصيت بحده : انت مجنون نزلني
احمد : مش تعبانه انا هنزلك و تجي معانا
محمد : لا يا احمد مينفعش كده
بصيت بحده و انا يزقه و ارفس : قوله ينزلني نزلني بقولك يا ابن ال🤬🤬
جميله : لا كدا ميصحش نزلها يا احمد
زقيته وهو سابني نزلت و اديته كف تقريبا الشارع اللي ورانا سمعه من شدته
استنيت رد فعل طبيعي لاي شخص يتلسع كف زي دا
بس فجأني ب رد فعل مكنتش أتوقعه
لقيت اللي بص في الارض و متكلمش و انا اسكت لا دا انا قاعده اديله كلام في جنابه أن اللي عمله دا غلط ايوا غلط
لقيت فجاه اللي مسك ايدي و باسها و بيقول لي : انا اسف
حسيت بالذنب و دي اول مره في حياتي احس بذنب لاني طول عمري بعمل اللي يرضي ضميري و اعمل الصح
حسيت اني زودتها مكنتش المفروض اقول كلام زي السم اللي انا قولته دا كان كفايه الكف اللي خده كان كفايه عليه
لقيتني بقوله : انا اسفه علي الكلام اللي قولته
انا ايه اللي بقوله دا الله يخربيتي انا محتاجه قلمين افوق من اللي بقوله
لقيته بيقولي : وانا مش متقبل اسفك
فين الجزمه يا جماعه عاوزه اضرب نفسي بيها
اتعصبت اووي من الكلمه دي اول مره اتاسف علي حاجه و اتحرج بالاسلوب دا و قبل ما انطق علشان اهزقه
لقيت اللي بيقول لي : الا لو جيتي معانا و هتجي معانا علي فكره
لقيت اللي شد شنطتي و نازل بيها
لقيت محمد بيقول لي : اتصدقي و اتامني بالله
رديت : لا اله الا الله
لقيت اللي بيكلم بحده و غضب : اقسم بالله لو انا كنت ما كانه كنت دفنتك هنا انتي فاهمه
خوفت من طريقته جرا ايه يا محمد مش علشان اخويا في الرضاعه و مش طايقني يعني تدافع عنه انت عارف انه غلط و بدل ما تدافع عنه تجي عليا
كنت عاوزه اقول له كده لقيت جميله شدتني و بتقول لي : انتي مكبرين الموضوع ده كدا ليه يالا بقا نمشي
طلعت من البيت و انا مخنوقه انا مش عاوزه اطلع معاهم أنا اتخنقت و كرهت السفريه من قبل ما اروحها
نزلت لقيت العربيه واقفه و سوسن بسم الله ماشاء الله عليها ماليه العربيه بشنط و الله لو هتعزل مش هتجيب كل دا دا احنا هنروح اسبوع يعني مش كتير ل كل دا
المهم لقيتهم كلهم ركبوا و لقيت احمد بينادي لي بيقول لي اني اقعد جانبه
هو مجنون دا و لا ايه
رديت من غير ما ابص له : انا هقعد جنب جميله
لقيت حازم بيقول لي : معلش يا سحور اقعدي جنب احمد قدام لان انا هقعد جنب جميله انتي عارفه انها بدوخ من المواصلات و كدا
رديت بغيظ : خلاص هقعد جنب سوسن
لقيت احمد بيقول لي : انتي خايفه تقعدي جانبي مكنتش اعرف انك جبانه كدا
استغفر الله العظيم يارب لا دا هو ناوي الاستفزاز بقا و انا اللي قولت دا طيب اقسم بالله ل اخليها سفريه نكد علي دماغكم من قبل ما تبدأ
رديت بحده و اندفاع : انا مبخافش الا من اللي خلقيني
لقيت محمد قاطعني : خلاص اركبي
اووووف تب حتي خلوني اكمل كلامي
قعدت جنب احمد اللي قاعد يضحك علي شكلي هو ااه انا لما بتعصب وشي بيحمر اووي بس ميضحكش يعني
رديت بحده : انت بتضحك علي ايه
لقيت اللي بيقول لي : معجب بالطماطم اللي ظهرت دي اعتبر دا كسوف
رديت بحده : لا و انت الصادق دا انفجار و هنفجر في وشك أن شاء الله
محمد : امشي الطريق منين يا احمد
احمد : انتوا لازم تعرفوا علشان توصلوا القريه دي لازم تصدقوا بوجودها و تغمضوا عينكم
ايه الكلام الفاضي دا احنا هنهزر و لا ايه هي هتعيل يا جماعه
لقيت احمد بص لي : غمضي عينك
غمضت عيني و انا بدعي عليه في سري
مش عارفه ايه اللي حصل انا مش حاسه بنفسي دماغي تقلت اووي و مبقتش حاسه بحاجه
بعد فتره
احمد : سحوره سحوره
فوقت ايه دا هو انا نمت امتي
فتحت دماغي لقيتني نايمه علي كتف احمد
بعدت بسرعه و العربيه اتفتحت مش عارفه ازاي كنت هقع علي ضهري
لقيت اللي شدني ل جوا و بيقول لي : ممكن تهدي شويه
جميله : احنا وصلنا يا سحر و انتي تقريبا كنتي تعبانه علشان كدا نمتي صحصحي بقا حازم و محمد بينزلوا الحاجه و سوسن لسه نازله
نزلت من العربيه و انا مستغربه نفسي ازاي نمت و علي كتفه كمان
لقيت جميله مبهوره من المكان
بصيت حوليا انا حاسه براحه نفسيه رهيبه مكان تحس أنه جنه هاادي اووي فيه شجر كتير و بحر شكله جميل اووي فكرني ب افلام ديزني
لقيتهم كلهم جريوا علي مطعم فيه
مطعم هادي بسيط مش زي المطاعم العاديه لا انا بتدخل و بتحضر لك اكلك بنفسك تاكل براحتك و اللي نفسك فيه
دخلوا المطبخ و كل واحد حضر له اكله
حازم و جميله بياكلوا و ياكلوا بعض و سوسن و محمد بيجربوا كل الاكل
الاكل غريب جدا مش زي اكلنا
جميله : تعالي يا سحوره كلي معانا
لقيت اللي رد بندفاع : لاااا سحر هتاكل معايا
رديت بحده : انت مجنون اكل مع مين
احمد : هتاكلي معايا و في نفس الطبق و من نفس المعلقه
رديت بحده : لا انت مجنون رسمي ...انت مجنون يا بني
قاطعني .....
يتبع
روايه : سأظل ملكه قلبك
( اسطوره الحب )
