 |
رواية للخلود الفصل الخامس 5 بقلم نورهان جمالالبارت الخامس رواية للخلود أمنية*:هو آه الزعل ده سببه حد ،بس مش عشان أذاني ده عشان أذى نفسه وضرها جامد _يبقى واجب علينا ننصحه ونقف جنبه منسيبهوش لحد ما يرجع زي الأول وأحسن *أمنية*:طب لو رافض النصيحة _نحاول معاه مرة وعشرة عشان ده حقه علينا *أمنية*:حاضر يا امي تسلميلي كتير يا أحلى ام ف الدنيا ________________ 📞📞📞📞 *أمنية*: أيه يا بنتي انتي لسة متدايقة...ما هو كدة احسن ليه لأنه هيلاقي رعاية وهيبقى ليه مستقبل أحسن ما كان هيفضل في الدار *سلمى*:فعلاً...بس اعذريني انا اتعودت ع الأطفال كلهم ومش بستحمل غياب اي حد فيهم *أمنية*:حبيبتي كدة مينفعش كل ما طفل حد ييجي يتبناه تبقى في الحالة دي...أتأقلمي يا بنتي بقى *سلمى*:هحاول...المهم هَنَا هتعملوا معاها ايه *أمنية*:يومين كدة وأية وساندي هيروحوا ليها ويتكلموا معاها *سلمى*:ربنا يهديها يارب ،لما يروحوا خليهم يكلموني يقولولي عملوا ايه عشان اروح اكلمها انا كمان *أمنية*:تمام يا حبيبتي...عايزة حاجة *سلمى*:عايزة سلامتك...سلام 📞📞📞📞 *سلمى*:نعم يا أمي ــ قومي يا حبيبتي أغسلي المواعين عشان مش قادرة أقف *سلمى بإبتسامة*:حاضر يا امي ______________ في اليوم التالي كانت أمنية بمكتب رائد كي تستفسر عن شئ *رائد*: أقعدي وأسألي عن اللي انتي عايزاه *أمنية*: أنا عرفت بالصدفة إن حضرتك عندك علاقات كتير في مجال السياحة *رائد*: فعلاً *أمنية*: طب شركة ***** للسياحة *رائد وملامح وجهه تغيرت*: وانتي مالك ومال الشركة دي *أمنية*: بسأل عليها عادي... لأ أنا مش بسأل عليها عادي أصله بصراحة كدة صاحبتي من ساعة ما أشتغلت فيها وهي حالها أتغير *رائد*: صاحبتك بتشتغل ايه *أمنية*: السكرتيرة الخاصة لرئيس مجلس الإدارة *رائد*: سكرتيرة هادي.. هي هَنَا تبقى صاحبتك *أمنية بإستغراب*: وحضرتك عرفت هَنَا إزاي *رائد*: هقولك على حاجه... هادي ده كل فترة بيبقى ليه سكرتيرة خاصة وسكرتيرته دي بتبقى أشهر من نار على علم الصراحة لأنها بتبقى معاه ف كل حاجة زي ضِله بالظبط *أمنية*: مش فاهمة بردك ليه اتغيرت المفروض إنها تبقى كدة مشغولة ومسحولة في الشغل ومعندهاش وقت تبص لنفسها في المراية حتى... ف إزاي بقى مهتمة بنفسها وغيرتها كدة *رائد*: هههههههههههه *أمنية بغضب*: الواضح إني كنت غلطانة لما سألت حضرتك عن اذنك *رائد*:ثانية بس انتي زعلتي *أمنية*:اومال عايز رد فعلي يبقى ايه يعني لما الأقيك بتضحك وانا بسألك على حاجة *رائد*:خلاص متزعليش...اقعدي بقى انا هوضحلك اكتر...هادي ده بيغير السكرتارية بتوعه زي البدل بتاعته وبخصوص صاحبتك بقى ليه اتغيرت لأنه هادي كدة بيحب يعين البنات الصعبة بمعنى أصح... وكلمة ف حدوتة مع كام موقف على كام نظرة على كام عرض مغري يحولها للإنسانة اللي هو عايزها بالظبط..وبعد كدة ياخد اللي عايزه منها وبعد كدة يجيب غيرها وهكذا أما أمنية بالرغم من إنها توقعت أغلب هذا الكلام إلا إنها صُدِمَت حين سمعته من رائد وتأكدت من أن ما توقعته حقيقة فخافت كثيراً على صديقتها وقررت أن تذهب سريعاً كي تُنقذ صديقتها قبل أن تقع في هذا الفخ فأستأذنت من رائد بأن تترك الشركة لمده ساعتين ليس أكتر فوافق على طلبها ـــــــــــــــــــــــــــــــ ذهبت أمنية لهنا بالشركة وحدث ما حدث 🙇 يُتبع #للخلود #نورهان_جمال الفصل السادس من هنا |
تعليقات
