رواية لم يكن عالمى الفصل السابع بقلم شيماء شاكر
(لم يكن عالمي)
البارت : السابع
همس داست على الازرار نص دقيقه والنور قطع عليهم في الاسانسير
همس بصت حوليها بخوف وبصت برعب لمالك اللى بصصلها وقالت : في أي
مالك بيبص حوليه : النور قطع فبتالى الاسانسير وقف
همس بخوف : انا بخاف من الاماكن المغلقه وكمان من الضلمه
همس راحت جنب الباب وبصوت مهزوز : يلي هنا النور قطع علينا الاسانسير متعلق ارجوكم حد يساعدنا
همس بتبص حوليها وبصوت عياط
: مالك
مالك أول مره يسمعها بتقول مالك من غير مستر لمس خوفها من نبرتها : انا هنا يا همس متخفيش
همس دموعها بتنزل : انا مش شيفاك الدنيا ضلمه اووي
مالك قرب : انا جنبك أهو
همس مسكت ايدو جامد : مستر مالك انا مرعوبه
مالك :انا جنبك متخفيش وفوق هيتصرفو دلوقتي
همس حاسه بأحساس غريب وهو ماسك ايديها حاسه ان روحها اتعلقت في روحه ولو بعد روحها هتنسحب
همس : استني اطلع تلفونى انور بيه انا بخاف من الضلمه اووي
همس بأديها التانيه طلعت تلفونها لقته خلصان شحن
همس بدموع: التلفون خلصان شحن
مالك طلع تلفونه وفتح الكشاف
نور الكشاف جاي على وشه وشها
همس باصه لمالك في عيونه اللى ذادو لمعان مع نور الكشاف وحاسه أنه عيونه بتسحبها لجوه أووي أكن عيونه عباره عن دوامه كبيره وغصب عنها بتنسحب للدوامه دي
وناسيه أديها في أيده
ومالك باصص في عيونها ومركز في لونهم العسلي الفاتح
فاجئه قطع سرحنهم النور جه والاسانسير اتحرك جامد لدرجه همس كانت هتقع.. لولا مالك مسكها علشان متقعش وهى ومسكت في هدومه جامد وغمضت عنيها
مالك غمض عينه وبيتنفس رحتها
همس حست بلي هيا فيه
بعدت عنه جامد وبخجل ذايد ووش محمر جدآ : انا.... أسفه كنت هقع
مالك أبتسم لكسوفها وهز راسه لاء : بخير دلوقتي
همس هزت رسها وبصت في الارض بأحراج
وصلو لأخر دور
همس بصت لمالك : شكرآ جدآ يا مستر مالك
مالك أبتسم : يلا يا همس على البيت على طول
همس هزت رسها ومشيت وبتكرر أسمها : همس...... ياااااه انا اسمى احلو أوي كده.. لى همس طلعت منه زي السكر
همس مشيت ركبت تاكسي
الراجل : على فين يا أنسه
همس فكرت وقلتلو على عنوان دكتور محمد
وطول الطريق تفتكر اللى حصل في الاسانسير وتبتسم لوحدها
وصلت على العنوان ونزلت دخلت العياده دخلت على السكرتيره : عايزه احجز كشف
السكرتيره :أسمك
همس :همس كمال مصطفى
السكرتيره بصت لهمس بأبتسامه : أتفضلي أستريحي يا فندم انت الدور اللى جي على طول
همس أستغربت : ده لي
السكرتيره : ده طلب الدكتور محمد
همس بصتلها شويه بستغراب وبعدها أعدت مستنيه دورها
بعد شوية وقت السكرتيره ندت أسمها همس دخلت عند محمد
همس : السلام عليكم
محمد بأبتسامه: وعليكم السلام
اذيك يا همس
همس بأبتسامه: تمام والله يامحمد وانت
محمد بأبتسامه: انا تمام أووي
همس بستغراب : انت لي كنت متأكد كده أنى هجيلك
محمد أبتسم : أحساس
همس رفعت حاجبها وهزت رسها
محمد بأبتسامه وسعه : ها قوليلي اي جديد
همس اتنهدت : في جديد كتير اووي
محمد بتركيز : سمعك
همس كشرت وحكت لمحمد على أبن عمها وكمان ان مالك جه وأنقذها من الحوار ده
والانسانسير واللى حصل فيه
همس بصت لمحمد : محمد انا مبقتش اخاف منه او ارتبك او اتوتر انا بقيت احس انه انسان كويس ومحترم جدآ
بس اللى شاغل تفكيري النسمه الساقعه
مبقتش أحس بيها ؟
محمد بتفكير : بما أن توترك من مالك وأرتباكك مبقوش موجدين فأنا كدا خلصت من شك كان جوايه
اما بقا النسمه الساقعه دي ممكن يكون تهيأت او جسمك فعلآ سقع نتيجت توتر
وعقلك هو اللى وصلك الشعور ده وبما أنك مبقتيش تحسي بأي شعور سيء اتجاه مالك النسمه الساقعه دي هتقل مع مرور الوقت
أكيد ده رد فعل جسمك لتوترك... تمام
وعايزك كمان متقربيش من مالك اووي نور زميلتك بتقولك بقلها ٥ سنين شغاله معاه وطبعه واحد معاها..شديد زي مهو.. لاكن أتغير معاكي او بيحاول يبينلك ده وانا مش مطمن فهماني يا همس
همس بصتله وهزت رسها : أستأذن انا مع السلامه
محمد ابتسم : ياريت اشوفك تاني
همس ابتسمت نص ابتسامه ومشيت وبتفكر في أفعال مالك وكلام محمد
همس بتفكر : معقول مالك بيمثل عليا ؟
طب لي؟ لاء لاء مستحيل.. هيمثل عليا لى اصلآ.. انا مين علشان يشغل تفكيره ويغير طباعه علشاني محمد ده مبيفهمش حاجه هو بس الحاجه الوحيده فيه ان بفضفض معاه
همس روحت البيت وخبطت محمود هو اللى فتحلها الباب: اهلآ بلأستاذه
همس بصتله بملل 😒: محمود سبني في حالى وياريت متجيش قدام شغلى تاني
محمود : بص يا عمى بنتك اروح أطمأن عليها يجي مدرها ويتخانق معايا ويكسر*لي دراعي
همس شهقت : هو اللى عمل فيك كده كسر*لك دراعك؟(همس ابتسمت بشماته): تستاهل
محمود بعصبيه بص لعمه : بص يا عمي فرحانه ازاي
بابا همس او بلأصح جوز أمها : اي يا همس مديرك ضرب ابن عمك لى
همس ربعت ايديها وبصت لمحمود : أسأله احسن
محمود بعصبيه : ايوا يا عمى كنت عايز أخدها غصب عنها علشان رفضتني اكتر من مره وهى مش قادره تفهم انى بحبها
ييجي مديرها ده ويكسرلي دراعي
همس بضيق : يابني انا قولتلك ٢٠٠ مره انك اخويا مش هقدر اشوفك جوزي
بصت لعليتها: بعد أذنكو انا دخله انام
همس دخلت أوضتها ورزعت الباب وراها
محمود بص لعمه : شوفت يا عمى معملت بنتك
بابا همس : مهو بردو يا محمود مينفعش تجرها في الشارع وتروحها غصب عنها هدي أعصابك شويه علشان همس مبتجيش بيها (اتنهد) حاول تحببها فيك مهو انا كمان نفسي اشوفها ليك بس مش غصب فهدي عصبيتك
محمود اتنهد بضيق وبص لمرات عمه
ماما همس : بصراحه مش عارفه اقولك اي انا مش هئامن على بنتي مع حد غيرك بس زي معمك قال بتراضي مش بلغصب
محمود هز راسه بهدوء وراح أوضت همس وخبط
همس بضيق: مين
محمود ابتسم : بتاع الملامين
همس بتريقه : شطبنا مش عايزين
محمود بجديه : افتحي ياهمس دقيقه
همس اتنهدت وقامت فتحت : نعم يا محمود
محمود بصلها شويه وساكت
همس : اي؟
محمود : خلاص قدام يضيقك غرتي عليكي وحبي لي خلاص
همس بنفاذ صبر : يو بقا
محمود بضيق بيحاول يدريه : اوكي اوكي قدام مينفعش ابقا حبيبك دلوقتي نبقا صحاب.. انا صاحبك وانت صحبتي
همس أتنهدت وقالت وبتحزير : صحاب وبس يامحمود
محمود ابتسم : صحاب يا قلب محمود
همس رفعت حاجبها وربعت أيديها
محمود ضحك : خلاص صحاب بس (وفي دماغه) مؤقتآ وابتسم
...............
بليل
في أخر الاوضه شايفها ومضايق من هزرها مع ابن عمها قرب منها وهى حست بسقعه أتغطت كويس وتقلبت بقا ضهرها ليه
هو قرب وأعد على حرف السرير وحط أيده على شعرها وقرب منها جامد وطبع بوسه خفيفه على رسها : بحبك يا همسة قلبي..بحبك
همس فتحت عنيها بفزع بس ملقتش حد بتبص حوليها مفيش امال هى لي حست بحد جنبها وكمان قال أسمها : انا أكيد بيتهيألى.. اه أكيد
همس بتبص حوليها تاني برعب وبلعت رقها : صح أ..أكيد بيتهيألي
همس ريحت تاني على سريرها بخوف لغايط مراحت في النوم
....................
(لم يكن عاامي)
البارت: الثامن
الشمس طلعت وهمس قامت من النوم وحاسه انها نامت كتير جدآ قايمه مبتسمه وبتبص في الساعه لقتها ٩:٣٠
همس أبتسمت ورمت التلفون جنبها وبتفرد ضهرها بأريحيه فاجئه برأت بصدمه وجابت التلفون تاني
همس بفزع :يالهووي اتأخرت
همس قامت بسرعه لبست ونزلت جري ووصلت على ١٠:١٥
همس طالعت على سلم الشركه جري وبتولول : يالهوي يالهوي مستر مالك مش هيطردني بس ده هيشعلقني وهيخلينى عبره للى حوليا
همس طلعت ولسه هتخبط على باب مكتب مالك
نور قطعتها : انت جايه دلوقتى يا همس؟!! لو مكنتيش جيتي كان هيبقا احسن..قادمي أستقلتك احسن
همس خبطت ومهتمتش بكلمها سمعت صوته بيقول: اتفضل
همس غمضت عنيها دخلت ووشها في الاوض وتفرك في اديها
مالك اول ماشفها البتسم أستغل ان هي مش بصاله وبعدين رسم الجديه على ملامحه : همس؟!!
همس بصتله وهى بتفرك في اديها من أتوتر : طبعآ لو حلفتلك انو كان غصب عني مش هتصدقني
مالك قام وقف وخرج بره المكتب ووقف قصادها وسند جسمه علي مكتبه وحط ايده في جيوبه
همس اول مشافته قام ووقف تقريبآ قصدها اتوترت اكتر وبصت في الارض
مالك بجديه مصطنعه : لى أتأخرتي
همس بصه في الارض : المنبه بتاع الفون مرنش وفضلت نايمه مش حاسه بحاجه لغايط الساعه ٩:٣٠
قومت جري وجيت على هنا والطريق عطلنى اكتر انا اسفه
مالك ابتسم : متوتره كده لى يا همس بتحصل ان اي حد ممكن يتأخر على معاد مهم بس انت خدي بالك بعد كده
همس ابتسمت وهزت رسها : حاضر
مالك ابتسم وخد ملفات من على مكتبه ودهلها : تكون الملفات دي فى ظرف ساعه مترجمه
همس بصت للملفات بصدمه : نعم
مالك رسم الجديه على وشه : يلا ياهمس
همس خرجت وبتحاول مطبرتمش قدامه
وراحت مكتبها ومقفلتش الباب
همس حطت الملفات على مكتبها وبتقلد مالك : في ظرف ساعه تكون الملفات دي مترجمه.......طيب ازاي؟!! الملفات دي عايزلها على الاقل ٤ ساعات وانا كده جايه على نفسي كمان
اتفجأت بصوت مالك بره مكتبها : انا لو مكانك هبدء بدل الرغي ده كفايه انك متأخره
وسبها ومشي
همس بصه لأثره : بيطلع امتى ده ربنا على الظالم
واعدت وبترجم الملفات
خلصت بعد سعتين الملفات
وراحت لمالك
مالك : ادخل
همس دخلت وحطت الملفات على المكتب
مالك ربع ايده وبصلها متأخره ساعه بحلها
همس بغيظ : دأنا عنيه ورمت
دي معجزه انهم خلصو في سعتين
مالك بصلها برفعت حاجب وبص تاني على الملفات
همس بتردد : أحم مستر مالك الرست بدأ أنا نزله أجيب أكل أحم أجبلك معايا
مالك بصلها بأبتسامه صغيره : انا جبت وعملت حسابك معايا
همس بأبتسامه وسعه : أنا؟!
مالك هز راسه وجاب أكلها ودهولها : خدي
همس خدت الاكل من مالك بكسوف : شكرآ جدآ يا مستر مالك
مالك بأبتسامه : مالك بس قولي مالك بس
همس بصتله بكسوف
مالك كمل بأبتسامه : لما نكون لوحدنا قولي مالك بس
همس أبتسمت : حاضر يا..
مالك بصلها بأبتسامه قمر زيه
همس بصتله بكسوف وبصت في الارض : يا مالك
مالك بص الناحيه التانيه بأبتسامه وبيحاول بداري مشاعره اللى هتفضحه
همس خرجت بسرعه بكسوف ودخلت مكتبها بفرحه وأبتسامه وسعه : انا بحبك يا مالك
همس اتصدمت من نفسها هي محستش بنفسها وهى بتقولها : انا بحب مالك؟!!!!!!!
همس ابتسمت : انا بعشق مالك مش بس بحبه
نور : تبقي اكبر غلطانه
همس اتخضت وبصتلها بتوتر وأحراج: أحم غلطانه لي؟
نور بضيق :علشان انت متستهلهوش
انا اللى استهله انا مستحمله غضبه وبروده بقالى ٥ سنين ومستعده أستحمل قدهم... بس انت تيجي وتخديه علطول كده انا مش هسمحلك
همس بنفعال خفيف : نور انا بقول بحبه لاكن مقولتش هاخده هو لو بيحبك وقرر يكمل حياته معاكي انا مش هقف في وش سعدته انا اه بحب مالك بس كمان بحب كرمتي ومستحيل أهنها
انت بقا عايزه مالك رحيلو وقليلو ولو هو كمان بيحبك انا اول وحده هبركلك
وبعد اذنك بقا علشان ورايه شغل
نور اتعصبت ورزعت باب المكتب وراها وهى بتتوعد لهمس
همس بصت على رزعت الباب بعصبيه حطت اديها على وشها وعيطت
همس حست بنسمه الساقعه اللى بقلها يومين مبتجلهاش... بس متعرفش لى حست كأنها بطبطب عليها
حضنت ايديها حولينها وبتبص يمين وشمال ودموعها بتنزل
...................
مالك رن الجرس مكتب نور
نور بسرعه دخلت لمالك بأبتسامه وسعه وبدلع : أومرك يا مستر مالك
مالك من غير ميبصلها : أبعتيلي همس
نور بغيظ بتحاول تدريه وقالت بدلع : مينفعش نور
مالك وهو بيقلب في الملفات : فظرف دقيقه تكون همس قدامى
نور خرجت بغيظ وراحت لهمس ودخلت مكتبها
همس كانت لسه مضيقه بصتله بضيق : مش تخبطي
نور تجهلت كلامها : مستر مالك عايزك ياعالم هببتي أي
همس تجهلتها وخرجت راحت لمالك
خبطت ودخلت
همس بجديه : نعم
مالك بصلها شويه : عشى عمل الساعه ٧ في مطعم..........
همس بستغراب وأستفهمام
مالك كمل : محتاج مترجم معايا
همس هزت رسها بهدوء : حاضر الساعه ٧ هكون قدام المطعم بعد أذن حضرتك
همس خرجت
مالك بص على أثرها شويه وبعدها ركز في شغله
............................
بعد ساعه
نور خبطت على باب مكتب مالك ودخلت
نور بدلل : مستر مالك كل حاجه خلصت والموظفين مشيو
مالك ببرود : تمام روحي انت
نور بصتله وبروده ده أصلآ بيشدها لى اكتر
قربت منه وأعدت على حرف المكتب قصاده
نور بتقرب من مالك وبقا وشها قريب من وشه
مالك بصلها ورفع حاجبه
نور بصه في عيونه : برودك ده بيشدني ليك اكتر
بحبك يا مالك بحبك اووي
مالك زقها بعنف وقعها على الارض
نور وقعت بعنف وبألم وبصت لمالك بصدمه
مالك وقف ورحلها ونزل لمستواها وبيتكلم بصوت واطى مخيف :أحسنلك متجربيش اللى انت عملتيه ده تاني وألا هتزعلى جامد
مالك أتعدل وبصوته كله : يلا بره
نور قامت جري خرجت بدموع وبكره : ده كله بسبب همس اما وريتك يا همس حاضر
نور نزلت ركبت عربيتها ومشيت
نور بغيظ :انا هخليكي تترجيني أرحمك
وفاجئه حست مره واحده بساقعه جامده اووي لدرجه جسمها لبش في بعضه وبترتعش جامد وبقو سننها يتكتكو في بعض
وفاجئه فردتين الكوتش فرقعو وعربيتها اتقلب*ت كذا مره كل ده في غمضت عين
هو من بعيد شايف الناس ملمومه على عربيتها : علشان انت كنت السبب في دموع همس ودموعها اغلى من انك تنزليهم
انا مش هرحم اي حد ينزل دموعها حتى لو كنت أنا مالك الحديدي...
..........................
