رواية جاسمين الفصل التاسع بقلم شيماء غازى
چاسمين الأخيرة🖤
: اجي
اجي معاك فين؟؟؟
چاسمين
أنا مش محمود
ولا حتى جسمه
أنا مجرد صورة ليه
بس كل اللي عايزك تعرفيه إني مستحيل أسيبك هنا
: أنا مش فاهمة حاجة
: هاتي ايدك بس وهنمشي سوا من الزنزانة دي
ومستحيل نرجعلها تاني
مستحيل نرجع للعالم ده تاني....
بتبص له
وأخيرًا جمعت كل اللي حصل وبيحصل
اختفاء سيف
علي
ظهور محمود وقبوله ليها رغم انعدام خبرتها
وبعدها اختفاء مها
بصتله فجأة
: أنت
أنت أنت
أنت مش إنسان...؟؟
: ياه ده أنا فقدت الأمل إنك تفهمي
:ليه أنا ؟!
من يوم ما شوفتك قدام المرايا بالفستان الأحمر
وشعرك
جمالك
عشقتك يا چاسمين
أنا كل ده صابر عنك
علشان بحبك
وأي حد بيقرب منك
بيأكل صوابعه العشرة من الندم
أنا مش شرير
أنا عاشق
: أنت مجنون أكيد
أنت جن
أنا من آل البشر
ازاااي يعني؟؟!!!
بيمسك ايدها وبصوت واطي بس مخيف
: مكنتش حابب أعمل كده يا چاسمين
أنا آسف
: لااااااا
وبتختفي هي وهو
************
يونس بيصحى فجأة
وبيحس بغصة في قلبه
: چاااسميين
أنا حاسس
حاسس إنها في خطر
بيلبس هدومه بسرعة
أمه: أنت رايح على فين يا يونس
: رايحلها يا أمي
چاسمين
عايز أتطمن عليها
لازم أتطمن عليها
: دي مجرمة وقتالة قتلة يا ابني
بيسيبها ويمشي
والأم في سرها
( عوض عليا عوض الصابرين يارب)
************
فجأة بتظهر چاسمين معاه في عالم تاني
بهيئته هو
وقلبها بيترعش من الخوف وهي بتبص حواليها
أكيد ده حلم
لأ ده كابوس💔
بيسيبها ويفتح قفص من ضمن مجموعة منهم
في كل واحد فيهم شخص من اللي خطفهم قبل كده
بالمناسبة اسمه الحقيقي سام
سام : شوفتي في كام ضحية علشانك
وفي الآخر عايزه تكوني واحدة منهم
مغفلة
فكري كويس يا چاسمين
علشان لو مرجعتيش في قرارك هيكون أنتِ اللي اختارتي
وبيهبد الباب ويمشي
مش قادرة تستوعب ماهية المكان
لو حد قالها إن هيحصلها كده في يوم أكيد كانت قالت عنه مجنون
چاسمين بصوت واطي نوعًا ما
: جماعة
أنتم كويسين؟!
علي: سامحيني يا چاسمين
أنا غلطت في حقك كتير
أرجوكِ سامحيني وخرجيني من هنا
سيف: أبوس إيدك طلعيني من المكان ده
مش هقدر استحمل يوم كمان هنا
مها بانهيار : خدي الشغل
خدي فلوسي كلها
خدي الشركة
بس طلعيني من هناااا💔💔💔
محمود بثبات نوعًا ما: چاسمين زيها زينا دلوقتي
محبوسة وقليلة الحيلة
على الأقل أنتم عارفين جيتوا هنا ليه
إنما أنا
أنا معرفكيش أصلًا ولا عمري جيت جمبك
چاسمين: علشان استولى على صورتك وشركتك
كأنه
كأنه أنت
سكت محمود من الصدمة
وقعد مكانه
چاسمين بخوف: بس أكيد في حل
وبتغمض عيونها
وفجأة بيجي في رأسها صوت مشاري راشد
وهو يتلو آية الكرسي
قامت من مكانها
: جمااعة
إحنا آه بشر ومعندناش القدرة على أذيته لوحدنا
لكن إحنا مسلمين
مؤمنين بربنا
وآياته
كلنا هنتلو سوا لما يجي آية الكرسي
أكيد هيتحرق
محمود: وبعدين
هنتحبس هنا؟
: في احتمالين
يا إما نفضل محبوسين هنا لنهاية حياتنا لكن بدون أذى منه لأنه هيكون سراب
يا إما لما يتحرق كل تأثيره هيروح وهنرجع لعالمنا
وفي الحالتين إحنا الكسبانين
كلهم بصوت واحد: عندك حق
سيف : بس أنا
بس أنا بصراحة مش حافظها
علي: ولا أنا
بتخبط بايدها عالحديد وبتبدأ تكررها اكتر من مرة قدامهم لحد ما بيحفظوها
وفجأة بيجي سام
وبيقرب منها بشكل مرعب
هتكوني ملكي چاسمين
ودلوقتي
بتداري رعبها
وبتحط ايدها على وشه
كأنها موافقة
وبتغمض عيونها وبتقرأ آية الكرسي
ووشه بيتحرق فبتبعد ايدها فجأة
وكلهم بدأوا يتلوا زيها
وبصوت واحد
بيرجع سام خطوة اتنين تلاتة لورا وكل مدى بيولع اكتر
لحد ما بيصرخ بألم
وبيتحول لسراب
انتهى سام
للأبد
بصوا لبعض بفرحة
وفجأة اتنقلوا من المكان اللي هم فيه
لعالمهم الأصلي
چاسمين سجدت شكر في مكانها
وكلهم واحد ورا التاني
: الحمد لله
الحمد لله
الحمد لله الذي نجانا
************************
في القسم
وتحديدًا في الزنزانة اللي كان فيها چاسمين قبل ما تختفي
بيكون قاعد يونس وبيبكي بدل الدموع دم ومش فاهم ولا الضباط فاهمين هي اختفت ازاي
ومفيش أي أثر لحفر أو تكسير
مُهاب : شكل القضية دي مش هترحمنا
ومتحلتش
يونس: چاسمين
هاتوا چاسمين لو من تحت الأرض
أمير: اهدى يا نجم
ما هي لو بريئة مكنتش هربت
بصله يونس بعصبية وكان هيعمل تصرف يندم عليه وفجأة
: يونس
بيبص قدامه مش مصدق اللي بيسمعه
: أنا هنا
متتهورش الله يسترك مش ناقصيين
بينسى يونس نفسه وبيجري عليها
بيحضنها كأنه خلاص مش هيشوفها تاني
كان فاكر أنه خلاص چاسمين راحت
عيونه دمعت وهو متبت فيها زي الطفل اللي لقى أمه بعد غياب
: يونس؟
: يونس عمره كان هيضيع
وفجأة ردت فيه الروح
أنا بحبك يا چاسمين وبيتبت فيها اكتر
بحبك والله
بحبك اكتر من أي حد في الدنيا
بصتله چاسمين بعطف على حالته
: اهدى يا يونس أنا هنا
****************************
كل اللي كانوا مختفيين بيروحوا القسم
و
بيعترفوا إن چاسمين ملهاش أي علاقة بخطفهم وإختفاؤهم
مُهاب: دي أغرب قضية عدت عليا في تاريخي المهني
أمير: بس المهم كلهم كويسين
واتحلت
بتاخد چاسمين براءة وكل واحد بيرجع لأهله...
****************
وبعد سنتين.....
چاسمين : أنا آسفة إني خضتكم عليا
بس أنا حاليًا تعافيت تمامًا من كل اللي حصل
والنهارده يوم تخرجي
شايفين مين اللي واقف هناك ده
يونس هو كمان شكله جميل اوي وهو بيتخرج
جدعنته واهتمامه وحبه
اجبرتني أنا كمان أعشقه
وفرحنا هيكون بعد حفلة التخرج بشهر تقريبًا
عقبالكم كلكم
سلااام♥️
النهاية
#شيماءغازي
رأيك وأنت معدي♥️
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
