رواية القاسيان الجزء الثاني الفصل التاسع
برايم : يوسف حبيبى نفذ اللى اتطلب ، انت لو رفضت هتموتوا انتوا الاتنين وهتبقى خسرت عمر وخسرت روحك
يوسف : لا ، لااااااا
عمر : اسمع الكلام يا يوسف بدل الخسارة الكبيرة تبقى خسارة صغيرة
يوسف : ازاى يا عمر ؟؟؟
عمر : يلا يا يوسف نفذ المطلوب منك
الرئيس : kill him !!!!!!!
عمر : يلا يا يوسف
رفع يوسف السلاح تجاه عمر وهو حزين ونزلت دمعة من عينه و قال بحزن ودموع : قولتلك بلاش الشغلانة دى، انت عندك اللى بتحبك ومستنياك ، حرام عليك
ورمى السلاح وقال : انا مش هقتل صاحبى ولو عايزين تقتلونا احنا الاتنين، ماشى احنا جاهزين
بس خلوا بالكم.....لو عمر حصله حاجة لوحده انا هقلبها عليكم وبدل ما اكون معاكم هكون عليكم واظن فاهمين كلامى واخذ عمر وذهب الى غرفته وسط اندهاش الجميع
ذهبت برايم الى غرفة يوسف وعمر ودخلت
يوسف : ايوة !!!
برايم بإبتسامة : مبروك يا يوسف انت نجحت فى الاختبار
يوسف بإستغراب : اختبار !!!! ونجحت ؟؟؟؟
برايم : ايوة
عمر : اختبار ازاى يعنى مش فاهم
يوسف : طب اختبار وعرفناها ، نجحت ازاى وانا رفضت اوامركم ؟؟
برايم : اى حد بيشتغل معانا مش لازم يتعرض لضغط مهما كان الضغط ده ايه وكان الهدف من الاختبار هو ان لو منظمة تانية ضغطت عليك علشان تقتل حد من هنا او تشتغل معاهم تكون تبعنا وبس
واحنا لما طلبنا تقتل عمر كنا بنختبر الضغط ده ياترى هتبيع صاحبك وواحد معانا ومهم فى التيم ولا هتفضل مصلحة الكل
يوسف بعصبية : ولو كنت قتلته بقااا!!!!!!
برايم : كنت هتفشل فى الاختبار
عمر : ببساطة كدا !!
برايم : احنا كنا متأكدين انكم هتنجحوا لان ببساطة مش بعد كل التدريبات دى وتفشلوا فى الاختبار
يوسف : اممممممممم طيب يا برايم ، كويس انى لسة عندى شوية احساس والا كنت قتلت صاحبى وموته زى ما موتت ابنى قبل كدا
تركتهم برايم وظل يوسف شاردا ويفكر حتى قطع تفكيره صوت عمر
عمر : بتفكر فى ايه
يوسف : حاجات كتيييير ، قولى يا عمر هو الظابط قالك ايه
اتوتر عمر : ظابط مين ؟
يوسف : المقدم محمد ادهم يا عمر
عمر : ماله
يوسف : اتفقت معاه ضدهم وجيت علشان تعمل دور انك شغال معاهم صح !!!!
عمر : انا اتفقت معاه بس تمويه علشان اشتغل هنا وهو فاكر انى تبعه
يوسف : عليا الكلام ده يا عمر !!!!!
عمر : عايز توصل لأيه يا يوسف
يوسف : علشان لو كنت فعلا متفق مع الظابط يبقى اسهلك الطريق للى عايزه
عمر : هتخونهم ؟
يوسف : هو انت صدقت انى شغال معاهم وانى بقيت منهم ولا ايه !! انا بشتغل لحسابى ، انا بس بنفذ اللى بيتطلب علشان افهم شغلهم ايه وبيعملوا ايه، علشان ابقى انا لوحدى
عمر : بلاش يا يوسف ، انت كدا بتلعب بالنار....دى مافيا كبيرة وليها علاقة بإسرائيل
يوسف : هو ده بقا اللى مخلينى اقولك اسهلك الطريق ، انا لو بأيدى اولع فيهم وفى اسرائيل كلها هعمل كدا، بس لسة بدرى
عمر : يعنى هتفضل ماشى فى الطريق ده ؟
يوسف : ايوة يا عمر.....ايوة
عمر : براحتك
يوسف : روح شوفلنا برايم تجيب لنا قناة اون سبورت على ام التلفزيون ده علشان الاهلى هيلعب مع الزمالك دلوقتى
ضحك عمر : حاضر
.........................
ادهم : بابا بابا
محمد : ايوة يا ادهم
ادهم : انت مش قولت هتعلمنى حركات علشان ابقى ظابط
محمد : انت لسة صغير، لما تكبر شوية هبدأ اعلمك علشان تطلع ظابط ياعم
ادهم : لا لا دلوقتى
محمد : امممممممم طيب اتفرجى علينا يا يارا
يارا : براحة على بابا يا ادهم ماتضربوش جامد
ادهم : حاضر يا مامى
محمد : حاضر يا مامى !!! انت صدقت انك هتضربنى ولا ايه ياض ؟
ادهم : اها يلا علشان اغلبك
محمد : عاجبنى فيك شجاعتك
يارا : وغرور ابوه
محمد : انا مغرور !!!
يارا : امال ايه ، فاكر قبل ما نتجوز كنت عامل ازاى ولا افكرك
محمد ضحك : يا ستى....يعنى واحد شاطر فى شغله واى مهمة ينجح فيها ومفيش قضية غير لما يخلصها، مش عيزاه يبقى مغرور
يارا : شوفت اهو غرور
محمد : انا مغرور يا ادهم !!!
ادهم : عايز الصراحة يا بابا ؟
محمد : ياريت
ادهم : لا
ضحك محمد : ههههههههههههه مش بقولك ادهم ده شبهى فى كل حاجة
يارا : مش له مصلحة
محمد : اها تصدقى ، المفروض هدربه
يارا : هههههههه خلص وشوف بقا هيقول ايه
محمد : مش مطمنلكم ، شكلكم متفقين عليا
يارا : احنا لا ابدا يا قلبى
محمد : ده انا قلقت اكتر بعد الجملة دى
يارا : ههههههههههه
محمد : خلى طيب التدريب بكرا يا ادهم علشان هنزل انا و رامى نتفرج على ماتش الاهلى تحت دلوقتى
ادهم : هو الاهلى هيلعب مع مين يا بابا
محمد : زيزى
يارا : ايه ده هو فيه فريق اسمه زيزى !!!
محمد : لا يابنتى ده الزمالك ، دلعه زيزى
ضحكت يارا : طيب
...........................
فى فيلا صابر
صابر : يااه بقا حصلكم كل ده
سهوة بحزن : للأسف حتى ماما اتوفت وسابتنا لوحدنا
صابر بحزن : ربنا يرحمها ، يارتنى كنت قابلتكم من زمان
سهوة : الحمدلله اننا اتجمعنا
صابر : سهوة هو ايه سبب طلاقك من يوسف قبل ما يموت
استرجعت سهوة الذكريات بحزن : حملت وقالى ان اللى فى بطنى مش ابنه وضربنى وطلقنى
صابر : يوسف يعمل كدا !!!!
سهوة : اكتشف غلطه لما راح كشف برا بس بعدها حصل اللى حصل
صابر : ولا يهمك يا سهوة وماتزعليش ، بكرا اجوزك اللى يعرف قيمتك بجد
سهوة : لا يا صابر مش هتجوز تانى بعد يوسف
صابر : ليه يا سهوة....انتى لسة بتحبيه !!
سهوة : ايوة يا صابر وبفتكره في كل لحظة
صابر : ونسيتى اللى عمله فيكى !!
سهوة : اي حد مكانه كان هيعمل كدا يا صابر وبعدين يوسف حبنى وانا حبيته وخلاص نسيت اللى عمله
صابر : لنفرض انك نسيتى يا سهوة بس هو خلاص مات ، المفروض تشوفى حياتك وتعيشى
سهوة : لا مش هتجوز بعد يوسف ، عمرى ما حبيت ولا هحب حد قد يوسف
صابر : براحتك يا سهوة
ايما : تعالى يا عمتو سهوة العبى معانا علثان انتى اللى بتعلفى تلعبى اللعبة دى
سهوة بإبتسامة : حاضر يا ايما ، يلا نلعب
.......................
محمد : جوووووووول
رامى : الاول فى زيزى ههههههههههه
محمد : ولسة ، استنى استنى
..........
عمر : يلا هاااااا جووووووول التانى الله
يوسف : عااش رجالة الاهلى ، انت عارف ياعمر نفسى فى ايه دلوقتى
عمر : ايه
يوسف : اروح لجودى واقعد اغيظها زى ما كنت بعمل فيها علشان الاهلى كسبان
عمر : هيجى اليوم وترجعلهم تانى
يوسف : مش حاسس بكده ، خلاص انا فى طريق مسدود
عمر : مش انت اللى ربطت نفسك بالطريق ده ولا نسيت
يوسف : لا مانستش ، ايه ده ازارو هه يلا هه جوووووووول التاااالت
عمر : ههههههه شوفت الشناوى وهو بيتزحلق
يوسف : مش ده حارس مصر الاول بردو هههههههه
....................
رامى : يالهوى على المسخرة ، الشناوى لحس النجيلة
محمد : هههههههه احسن ، فاكرين نفسهم هيكسبوا الاهلى
رامى : فرقة تعبانة ياعم
ادهم : هو الزمالك ده مالوش اهل يسألوا عليه يا بابا !!
ضحك محمد بشدة : ههههههههه مش باينله اهل
يارا : علمت الواد الكورة يا محمد
محمد : طالع لأبوه ، امال فين ملك
ملك : قاعدة متابعة الماتش الممل اهو وراكم وبعدين ايه الفرقة اللى لابسة ابيض ومتشقلطة دى
رامى : الزمالك يا ملوكة
ملك : بس الماتش مافيهوش اكشن كدا
رامى : اكشن ايه يا بنتى ، اللعيبة هيضربوا بعض مثلا
محمد : اها زى ما حسام غالى ضرب حازم امام وخلاه يعيط
ملك : ههههههه ايوة عايزة اكشن من ده
انتهى اليوم ونام الجميع ومنهم من يفكر ومنهم حزين ومنهم سعيد حتى اصبح اليوم الجديد....
سمع يوسف وعمر صوت طرقات الباب فقام يوسف يفتح فوجد برايم فعاد وجلس على سريره
برايم : صباح الخير يا شباب
لم يرد يوسف عليها وكذلك عمر
برايم : اجهزوا فيه مهمة جديدة ودى صعبة اوى وهتكون المرة دى فيها دم
يوسف : مهمة ايه دى
برايم : هقولكم كل التفاصيل بس قوموا كدا الاول وخدوا شاور وفوقوا
قام يوسف و استحم ودخل بعده عمر وارتدوا ملابسهم وذهبوا الى ساحة التدريب ل برايم
يوسف : احنا جاهزين
برايم : المهمة المرة دى هتبقى فى القاهرة، فيه عميل كان مهم اوى لينا اتقبض عليه وهو دلوقتى محبوس فى مديرية امن القاهرة ومش راضيين يطلعوه
يوسف : والمطلوب !!
برايم : تقتلوه
عمر : هنخش مديرية امن القاهرة ونقتله !!! بالسهولة دى
برايم : التدريب اللى اتدربتوه كله يدخلكم اى مكان بسهولة حتى مبنى المخابرات
يوسف : امتى هننفذ
برايم : هتسافروا النهاردة القاهرة ، الطيارة بتاعتكم كمان ساعة ونص، يادوب تجهزوا
يوسف : امممممممم تمام
استعد يوسف وعمر واخذوا كل الاجراءات وانطلقوا الى المطار......
..................................
يارا : مودى حبيبى
محمد بنوم : اممممممم
يارا : قوم يلا احنا دلوقتى الساعة 11
محمد : 11 باليل !!!
يارا : 11 باليل ايه بس ، 11 الضهر
قام محمد مسرعا : ايه !!! وماصحتنيش ليه يا يارا
يارا : كل ما اصحيك تقولى لسة بدرى فأفتكرت انك مش رايح الشغل النهاردة
محمد وهو ينهض : مش رايح ايه بس يا يارا
يارا : طول عمرك كسول
محمد : انا برضه !!
دخل محمد الى الحمام ليأخذ شاور وخرج مسرعا ونزل
محمد : امال فين رامى يا ملك
ملك : راح الشغل من بدرى يا كسول
محمد : امممممممم طيب
خرج محمد متجها الى المديرية وصعد ودخل مكتب اللواء فارس
فارس : خير يا محمد
محمد : فيه حاجة مهمة لازم اكلم حضرتك فيها
.....................
وصل يوسف ومعه عمر الى القاهرة
يوسف : هتقول ايه لمحمد لو شافك
عمر : مش هيشوفنى هنغطى وشنا
يوسف : عمر....مش عايز ولا غلطة
عمر : ماتقلقش ، على اخر الزمن بقينا نقتل لمنظمة مشبوهة
يوسف : امشى يا عمر وانت ساكت
عمر : مالك !!!
يوسف : مش انت اللى اخترت تكون معاهم !!!! مش انت اللى قولتلى انا جاى هنا بمزاجى !!!! ولا نسيت
عمر : عايز الحقيقة
يوسف : من ساعة ما جيت وانا عايز الحقيقة بس انت مخبى وفاكرنى مش فاهمك
عمر : كنت جاى ابقا معاهم علشان انتقملك لما قتلوك
يوسف : ايه !!! افهم من كدا انك شغال مع الظابط بجد مش زى ما فهمتهم
عمر : ايوة
يوسف : واديك لقيتنى عايش اهو ايه اللى مخليك تكمل ؟
عمر : علشان اقنعك تساعدنى ضدهم ونوقعهم لان طول ما هما عايشين وموجودين احنا هنبقا فى خطر
يوسف : عمر انا هكمل معاهم ولو عايز تبقى يبقى هتبقى معايا
عمر : انت ناوى على ايه
يوسف : زى ما فهمتك انا خلاص بقيت منهم ومفيش اى حاجة هتمنعنى
عمر : براحتك يا يوسف
يوسف : هتيجى ازاى تقتله معايا وانت اصلا شغال لحساب محمد !!!
عمر : هبقا معاك شكل وانت اللى هتقتل
يوسف : اممممممم طيب بص يا عمر علشان نبقى على نور كدا ، الظابط مايعرفش انى عايش
عمر : هو انا اهبل علشان اقوله !!
يوسف : انا بفهمك بس
.................
سما : انت ليه بعت عمر مع يوسف ؟ يوسف كان يقدر يخلص المهمة بنفسه
وليد : يوسف لما يكون مع عمر فى اللحظة دى اكيد عمر هيقوله كل حاجة وساعتها يبقى احنا اللى عرفناه وهو اللى هيجى يطلب مننا اللى المفروض نعمله
سما : افهم من كدا انك
وليد : ايوة اللى فى دماغك
.................
صابر : يلا يا سهوة علشان نتحرك
سهوة : حاضر يا صابر جاية اهو
ارتدت سهوة ملابسها بعد ان تناولت الفطور مع الجميع
ايما : انتى لايحة فين يا عمتو
سهوة بإبتسامة : رايحة الشغل يا حبيبتى
ايما : يعنى مث هتلعبى معانا
سهوة : اوعدك لما اجى هلعب معاكم ، ماشى !
ايما بإبتسامة : ماثى
رحلت سهوة بصحبة صابر الى العمل فى سيارة صابر
صابر : يابنتى اسمعى الكلام مش لازم شغل وانا همشى كل حاجة
سهوة : لا يا صابر انا ماتعلمتش علشان اقعد فى البيت
صابر : اللى يريحك بس هنخلص شغل النهاردة ونروح على معرض عربيات وتختارى العربية اللى تعجبك
سهوة : ايه ده، لا لا وبعدين انا مابعرفش اسوق
صابر : يا ستى لو على السواقة دى امرها سهل وانا هعلمك
تذكرت سهوة كلام يوسف
flash back
سهوة : بس انا لو نزلت حمام السباحة هغرق يا يوسف علشان مابعرفش اعوم
يوسف : بس كدا يا ستى !! انا هعلمك
back
صابر : سهوااااه
سهوة : هاااا
صابر : هاا ايه انتى روحتى فين
سهوة : لا مفيش افتكرت بس حاجة كدا
صابر : هو بابا مالقاش غير اسم سهوة ده يسمهولك يعنى
سهوة : ليه مش عجبك اسمى ولا ايه
ضحك صابر : لا لا عاجبنى بس يضحك
سهوة : عادى بقا بس اسم مميز
صابر : اهاا جداا
سهوة : بتتريق ؟
صابر : لا يا ستى مابتريقش
........................
دخل يوسف وعمر على انهم اشخاص عاديين المديرية ووصلوا كالاشباح الى المكان وقتله يوسف ولاحظ احد امناء الشرطة شئ مريب يحدث واخبر الجميع وحدث هرج كثير ........
كان صابر وسهوة يعبران بالقرب من المديرية
صابر : اوووف الطريق واقف كدا ليه
سهوة : مش عارفة ايه ده، وايه الظباط الكتير دول وصمتت من الصدمة
سهوة بصدمة شديدة : يوسف !!!!!!!!!
**************★**************★**********★*********
___
